Tuesday 4 May 2010

روز اليوسف عثللللل

ولم يكتفوا بغضب الله كمان
كمان بيستظرفوا علينا
في محاولة لكشف المخطط الارهابي الخارجي الامريكي الصهيوني الايراني، تمكنت عدسات روز اليوسف من التقاط هذه الصورة
وكتبوا تحتها "محتجة محجبة تدخن سيجارة" مما يثبت بما لا يدع مجال للشك ان نظرية احمد عز في ان البرادعي وانصاره هم من اليسار المتطرف اليمين الاخواني
ييجي واحد يقول لي انت ليه بتقري روز اليوسف
اقول له، والله ما انا يا بيه، دي دعاء اتصلت بيا وهي في حالة هلع وفزع وشفع وقالت لي على الصورة دي
وقالت لي كمان على مقال غضب الله كمان اللي بيقول فيها ان "الرئيس مبارك يتميز بدهاء عقلي رهيب" غريب عجيب مريب وبيعبر فيها عن تسامحه الكبير مع الاخوة العرب حيث ان شايف اننا صحيح احسن منهم بس مش لازم نقول عشان ما نحرجهمش في نفسيتهم
طب دعاء بتئذي نفسها وبتقرا روز اليوسف.. انا ذنبي ايه؟

24 comments:

مواطن مصري said...

نوارة انا عاوزك تستلمي عز في كام مقالة تشريحية و النبي

Unknown said...

بس انا يا مواطن فعلا ما بافكرش غير في احمد عز طول الوقت

ده مالي عليا حياتي

عادل المصري said...

احنا اللي شعب تفكيره ضعيف شوية يا ابو كمال وبعيد عنك وعن السامعين مبنعرفش لاننا مبنعرفش لاننا لو كنا بنعرف اننا مبنعرفش مكناش بنعرف.........والعبقرية الرياسية واضحة زي الشمس انها ساهمت ف اننا وصلنا القمر وكنا هنحارب الاعداء اللي بيتربصوا بمصر من علي سطح القمر والحمد لله الريس نجي مصر بنظرة عينيه اللي وقعتهم من علي القمر........بالنسبة لموضوع عز انا شايف يانوارة ان عز ممكن يبقي زي كيمو زعيم كوريا الشمالية اللي راعب امريكا وكوريا الجنوبية حبايببك والاتنين طولهم قصير يعني ممكن عز لما يمسك في الكرسي يرعب اسرائيل ويخليها تطلب من مصر السماح

الشاطر حسن said...

انا مش بأذي نفسي يا نوارة.. دي روزاليوسف تسليتي الوحيدة في الحياة.. وهي الحاجة الوحيدة اللي بتضحكني..
أموت واعرف هما اتضايقوا ليه من البنت اللي بتشرب سجاير مع إن تلات تربع الصحفيين عندهم بيشربوا - لامؤاخذة سجاير- أنا ىسفة في اللفظ يعني بس الأفية حكمت:)

dr.lecter said...

وهو فيها ايه لما محجبه تدخن؟
خلاص المره الجايه المحجبات يقلعوا الحجاب ويدخنوا برده علشان متيلزقش لهم تهمه انهم اسلاميين فسقه

الصحافه المصريه ام الاجنبي

محمد صبرى said...

هههههههههه, و الله الناس بتوع روزاليوسف دى بتفهم
:-P

انتى اللى مش فاهماهم ,و عشان يبقى عندك ادراك منين جابوا قدراتهم العقلية المتطورة اللى سابقة عصرها دى فى التحليل المبدع لازم تعرفى انه ناس كتير فى روزاليوسف و ما شابه ثنائى البعد يعنى فيهم شبه من المثلث أو المربع أو الدايرة ,اما الروح بقى فبتكون مبنية على زاوية حادة,و هى دى الاشكال الحديثة اللى لسه منزلش منها للشعب البسيط فهما لا يستسيغوا ابدا تخلفنا ,ازاى لسه لغاية دلوقتى (مصر تركيبة حلوة و مرة و شرحة و كئيبة),آل محجبة و بتشرب سجاير آل ,ههههه,طبعا ملعبكة بالنسبالهم و طبعا اخوانجية ماركسية من مؤيدى نجاد و من محبى شافيز و الله ليها الجنه الناس دى انها مستحملانا
:D

معلش مقدرتش اقرا المقال .. لأنى و بكل بجاحة و وقاحة لا أستطيع قراءة سطر لغضب الله كمان .. اصلى متطرف بعيد عن السامعين و لا اقبل الراى الآخر .. و لسه غير مؤهل لقراية حاجات من النوع دا
:D

lastcrazyboys said...

طب الـــواحــــــد كان بيستنى في اليــــوم ده انهم بيعرضـــوا الفيلم ده..وكــان بيقول : أهو ..حاجة حلوة والسلااام

http://www.youtube.com/watch?v=MJwB9-Q6c8o&feature=related

إنمــا الأوغــــاااااد ..ولود الكـــلاب يستغــــلوا غيبـــة الراااجل ويجيبولنــــا
...........




!!!!الفنكـــــــوش


طب اهو راجعلكم ..وبطيــارة اسرائيلي

Unknown said...

Ezz clearly gets pissed off with the press and tv talk shows being critical of him. More important, he reminds me of Bush, in the sense that the none sense and clearly twisted words he utters could make excellent material for a comic show.
I wish someone pulls an Egyptian version of John Stewart's Daily Show and dedicate it to the none sense coming from Ezz and some of his companions (Karam Gaber, El Ott of Akhbar, EL Assas, ect).
The show could be run on youtube since we know not one network would allow it, their limit is Abo Hafiza :D

Unknown said...

بس هي علي فكرة روزاليوسف علي طول مثال للعهر السياسي الصحفي :)
مرة كتبوا مقال كامل شامل
اثبتوا فيه ان الاخوان المسلمين شيعة :D
ومرة كتبوا مقال كبييير اثبتوا ان عمرو خالد مدسوس من امريكا!!
ومرة مقالة عصماء طلعت ان طلعت مصطفي كان بيتفق علي كيلو كباب!
ومرة مقالة خزعبلية هاجموا المحجبات ووصفوه بالغزو الوهابي وطبعاً ما نسيوش ينشروا صورة محجبة بتشيش جنبها صورة واحد دقنة ضخمه "غالباً الحويني مش فاكر اوي"
انا بجيبها لما بكون مكتئب وعايز اضحك:D

AhMeD RaDy said...

والله ما عارف اقول اي بجد

اه يا دماغى بجد حاجة تقرف بصراحة

يلا خير خير هى دى مصر ياعبلة

ربنا يسترها علينا

ماتعملى حركة جدعنة كدا يا نوارة يا جدعة وتنزلى بوست فيه كم اسم كتاب كدا

مش شرط سياسة يعنى رشحى للمتابعيين كتب تتقرى ..

عين فى الجنة said...

دى موش سيجارة دى زمارة

Bassem elganouby said...

البنت دي أنا شفتها قبل كدا؛بس هي مش في اليسار المتطرف اليميني للإخوان؛البنت دي جيفارية في تنظيم القاعدة يا نوراه ومستخبيه في الحجاب العثل ده

Kontiki said...

الرئيس مبارك يتميز بدهاء عقلي رهيب ومدهش وتاريخي في هذا السياق.. قائد أكبر دولة عربية.. وأعرق دولة عربية

احا اكبر دولة فى الفقر و الفساد و الديكتاتورية وانعدام حقوق الانسان وفساد التعليم والصحة و المجتمع والفن وفقدان المصرى الكرامة والهوية القائد لا يعتمد على الديكتاتورية وارهاب وتجويع المواطنين وتعذيبهم القائد الحقيقى بيحب بلدة وينميها ويزرع قيمة جوة المواطن ! دة الاحتلال الانجليزى معملش فينا كدة
على المقصلة يارب كل الكلاب على محكمة الشعب يارب

احمد سعيد said...

يالهوى
ايه الفسق والفجور دة

لا وشوفوا البجاحه
بتنظر للعدسات فى سفور وتحدى
بدل ما تدارى وتشربها فى الحمام

دول المجاهرين بالمعصيه

لالالا
انا غيرت وجهه نظرى خالص

بس فات على روز اليوسف حاجه
فاتهم ينشروا جنبها صورة ظابط امل مركزى
وهو بيصلى الضهر فى الشارع وبيؤم الجنود

ويكتبوا تحتها
حماة الوطن
لم يمنعهم واجبهم من اداء الفريضه

:))

Unknown said...

TU EST LA FLEURE DE L EGYPTE
JE T ADMIRE VRAIMENT
J ADMIRE TON PAPA AUSSI
ACCEPTE MON AMITIE
ZIZOU DE LA TUNISIE

شمس العصارى said...

بعيدا عن ا لموضوع
الا يوم 3 مايو ده ميستحقش بوست
ــــــــــــ
في الثالث من أيار-مايو- من كل عام، يحتفل بالمبادئ الأساسية لحرية الصحافة، وذلك من أجل تقييم درجة حرية الصحافة في العالم، والدفاع عن الإعلام من التعدي على استقلاليته، وتقديم الثناء للصحفيين الذين فقدوا حياتهم أثناء ممارستهم لعملهم.


و تحت عنوان "حرية الإعلام: حقنا بأن نعرف"، في بريسبِن (أستراليا) يومي 2 و3 أيار/مايو ستقوم المديرة العامة لليونسكو، إيرينا بوكوفا، بتسليم جائزة اليونسكو/غيلرمو كانو العالمية لحرية الصحافة لهذا العام إلى السيدة غونسالِس موخيكا، البطلة الشيلية في مجال صحافة التحقيقات.

وأثناء الاحتفال، سيقف المشاركون دقيقة صمت تكريما للعدد الكبير من الصحافيين الذين دفعوا حياتهم ثمنا لحقنا في المعرفة.


و الجدير بالذكر أن العالم العربي مليء بالحريات الصحفية . الحريات الصحفية التي جعلت درع اتحاد الصحافيين العرب يذهب إلى الرئيس التونسي زين العابدين و ليس إلى الصحفيين بن بريك و رفيقه. بل يتسلمه أيضا يوم خروج بن بريك بعد ستة أشهر من السجن.
ـــــــــــــــــــــــــ
ده حتى موضوع زين العابدين تحدث عنه الاستاذ فهمى هويدى
يعنى ما شاء الله يوم 3 مايو ده يوم حافل
عالميا
و محليا
الا مش امبارح كان فى وقفة برضه
يعنى محدش جاب سيرتها خالص
الا دى مش تعتبر ضمن حالة الحراك الحادثة فى مصر حاليا
ولا دى مش تبعنا

الا شوفى الخبر بيقول " حقنا ان نعرف " و انا بضيف اليه " حقنا ان نعرف و يكون سليما و حياديا و منصفا و ناقلا للواقع " ...
ورأى ده طبعا يدخل ضمن " حقنا ان نقول " .........

Muhammad Al-Ansary (@iOrto) said...

لأ إخس عليهم إخس

وكمان إخس عليهم إخس

المحتجين الوحشين اللي بيشربوا سجاير وهيبوظوا أخلاق الشباب المصري

By the way
Who is this vedette?
:D :D :D

عبد الزهراء المصري (علي الحسيني) said...

والنبي ياريت الأخ عبدالله كمال يقول لنا على اللي يريحه ويريحنا ونعمله ؟؟؟
يعني الناس تلبس هدومها بالكامل وتبقى محترمة يعترض ويقول لا ده مؤشر خطر ...
الناس تقلع هدومها يطلع برضه ويشاور لنا بنفس الصباع ويقول لنا غلط وعيب عليكوا ودي قلة أدب وإنحلال ...
عايزين إيه ولاد المجانين مننا بالضبط ؟؟؟
هههههههههههههههههههههههههه

بهيج الشرير said...

على فكرة ياأبلتي الصورة دي بتشجع الناس وبتقول لهم نيكوتين، وده علشان الحكومة ناوية تسمي نفسها تين

lastcrazyboys said...

لا مالهمش حق يرفضوا مجيء سي "لوسي" ..قصدي مستر "التــون جون " ..مش عارف ليه افتكرت المشهــد ده لما قريت الخــبر

http://www.youtube.com/watch?v=kPvV4mwrDZ0&feature=related

وبالمنــاسبة تقدري تضمي قناعة جديدة من قناعات المصريين ..ان "لوسي" هو رأفت الهجــان لأنه كان ممثل قبل ما يروح اسرائيل
مع انه ساعة الفيلم كان زمانه بيقص شريط افتتاح "ماجي تورز" وعايم في البطيخ مع "استـر بولنسكي"مش مهم
بس والنبي عايزين نبقى نعمل ليستة بالحاجات دي
عشــان نبقى سيبنا شيء موثق للاجيال الجديدة ينوبنا ثواب ..زي جمال حمدان كده

Love-Guru said...

A Zizou DE LA TUNISIE,


"Tu es .." pas "Tu est .."

عم مينا said...

هاهاهاهاهاها
الناس دي أكيد بتهزر.. الناس دي اتعلمت صحافة فين؟
مش عارف أقول ايه بجد.. لساني عاجز عن التعبير.. و لو قلت اللي جوايا هقول كلام أبيح.. و لو قلت كلام أبيح الناس اللي عندك هيسيبوا الصحفي اللي كتب الوصف التاريخي بتاع الصورة و يقولولي انت بتشتم ليه؟؟؟ مع ان اللي مكتوب تحت الصورة ده هو اللي شتيمة..
أنا مش هقدر أقرأ مقالة عبد الله كمال النهاردة.. كفاية عليا الصورة..

أبو أمك said...

مزة مزة يعني
يا فلتر الهنا...ياريتني كنت أنا

طنطـــا واى said...

الشعب المصرى بسبب افعال الحكومة اصبح نوعان : نوع جاهل بيشرب سجاير على مخدرات ونوع فاهم بيشرب سم فيران على توكسافين