Friday, 28 May 2010

والنبي احنا ساعات بنبقى اسياد العاقلين

المصريين والجزائريين اكتر اتنين بين العرب تراجعت الثقة في اوباما بينهم
هههههههههههههه الظاهر احنا والجزائر اتكتبنا على بعض
المصريين شعبية اوباما تراجتهم بينهم بنسبة 18 في المية وهم اصلا نسبة شعبيته بينهم كانت 19 في المية، وقبل كده في الاستطلاع الاولاني المصريين كانوا اقل الناس ثقة في اوباما بالرغم من انه قال الخطاب من عندهم
هههههههههههههه مين بقى الواحد في المية اللي لسه واثقين فيه دول؟ لو شفتوه في المعركة اقتلوه، ده ما باشوفش غير يا ناس بتسب وتلعن فيه يا ناس محرجة انها كانت معجبة بيه وكل ما تفتح معاهم الموضوع يغيروه
الجزائريين تراجعت شعبيته بينهم بنسبة 13 في المية وهم شعبيته بينهم كانت 22 في المية يعني بقى تسعة في المية اللي واثقين فيه
كتير... نسبة كبيرة دي، ما يبانش على الجزائريين التفاؤل ده كله
العراقيين والفلسطينيين لسه في الهيول يا قلب امهم.. لسه عندهم امل فيه؟ اشوفهم باشمهندزين يا رب
طب ما احنا ساعات بنبقى عاقلين اهو
امال ايه النوبات اللي ساعة تروح وساعة تيجي هاااا دي؟ عموما ادي الناس عرفت، لما الحالة تشتغل ماحدش يكلمنا، هي بتروح لوحدها

7 comments:

MR.PRESIDENT said...

واحدأتنين الجيش العربي فين


الجيش العربى فين؟؟ الجيش العربى فين؟؟

الجيش العربى في مصر
ساكن فى مدينة نصر
يصحىمن النوم العصر
وبيفطرشاي و منين

واحدأتنين الجيش العربي فين
الجيش العربي في سوريا
حالق ع الموضة كابوريا
وعلي طريقة فيكتوريا
خلى التروماي بدورين

واحدأتنين الجيش العربي فين
الجيش العربي الليبي
زي الفن التكعيبي
كله بتنجان ياحبيبي
والظاهرواخد عين

واحدأتنين الجيش العربي فين
الجيش العربي خليجى
لافي حيل لا يروح ولا ييجي
هذا صمت إستراتيجى
إيش فيك يا غراب البين

واحدأتنين الجيش العربي فين
الجيش العربى فى تونس
أخضرمثل البقدونس
وعزيزه بتعشق يونس
تبقى الحروبات بعدين

واحدأتنين الجيش العربي فين
الجيش العربى سودانى
سامع خطوته بودانى
هوه أنا ههجم فردانى
يلا أرجع يا أبو حسين

واحدأتنين الجيش العربي فين
الجيش العربى أتهان
يوم ماأنضربوا الأفغان
وسكت فى البوسنه زمان
وقبل يأكل بالدين
واحدأتنين الجيش العربي فين

.....................................
هاااااااااااي 1-0

Dr90 said...

هوا كان من بقيت اهالينا عشان نستتنا منه حاجة
الراجل جاي باجيندا للحزب بتاعه
و محكوم بكونجرس
و مع كدة الراجل لسة معملش معانا الدنيئة
بس هيعملها قريب
:(((((

أبو أمك said...

كده فاضل واحد في المية
دلوقتي بس عرفت منافس مبارك اللي بيخليه ياخد تسعة وتسعين في المية بس

جبهة التهييس الشعبية said...

ههههههههههههههههههههههههههه

ابو امك

ربنا يخليك

الا انت مش بتيجي على التويتر ليه؟

lastcrazyboys said...

أنــا لســة معجــب بيه على فكرة ..عشان من الاول اوضحــت ان الاعجــاب بالفكرة شيء..واني ابص له على اساس انه صلاح الدين الابنودي ..ده شيء آخــر

بالعكس..ده اجمـد رسالة كانت المفروض توصل للبهايم بتوعنا ..انه بيقول : أهـو يا شوية "......" لما تحب تاخد حاجة تاخدها بايدك مفيش حد هيجيبهالك ..بشــوية خطب " عمصـاء" وانت بتلعب في .....صوابعك


مع ان السلفيين شايفين ان اللعب في الصوابع يبطل الخطبـة

جبهة التهييس الشعبية said...

يعني انت الواحد في المية

اهو يا شباب

اقتلوه

lastcrazyboys said...

هع هع هع
"لييييه كده بس يا "كتبغــا

على كــده صحيييح .. لما السنـة بيكفـروا الشيعة .. والمعــارضة بتملس عالحكومة اليومين دول عشـان الاونتخـابات قربــت.. وبدل مايقعدوا فاضيين ..اهو بيضربوا في بعض... وطبعا السلفيين بيتخانقوا بدورهم مع اي حد غيرهم .. وانا كأهلاوي شــايف ان أي زملكاوي "مختلط " عميل وجاسووووس

انتي بقى لما بتحبي تخــاطبي شعـب مصر..بتكلمي مييين.!؟