لا ح اعلق على روز اليوسف

دخل لي مواطن مصري وقال لي على موضوع روز اليوسف وانا كنت لسة قارياه عند دماغي
في الاول قلت مش ح ارد، وبعدين رجعت بصيت على الموضوع لقيته كوميدي من الطراز الاول وانتوا عارفين انا ضعيفة امام الكوميديا
اليكم التقرير الامني قصدي الموضوع

أحزاب الإنترنت ليست حكومة ومعارضة فقط (توكلنا على الله..الحمد لله اننا مش مساحين جوخ)
كتب : محمود سماحه - شوقي عصام

إذا كانت بداية المدونات المصرية لا يمكن تحديدها على وجه الدقة إلا أن بداية فرقعتها الإعلامية تعود إلى منتصف عام 2004م، والتى زادت وتيرتها خلال عام 2005 مع حلول موعد انتخابات الرئاسة المصرية وانتخابات البرلمان، وذلك فى صورة مدونات تتحدث عن آراء أصحابها حول انتشار الفساد والإصلاح والتغيير، وتضع صوراً للمظاهرات التى تخرج أو أخبارا عنها، وعن ندوات ومحاضرات وتصريحات حول هذه القضايا الجدلية.

هذه المدونات خاصة المكتوبة باللغتين الإنجليزية والفرنسية (حوالى 50% من المدونات المصرية) (ده بجد الكلام ده يا عيال؟ مين بيكتب بالفرنصاوي ده؟ انا لازم احترمه) كانت وراء تشويه صورة مصر بعمل «مندبة» حول اعتقال عدد من مثيرى الشغب والمتظاهرين ونقل هذه الأحداث للخارج، (مع ان مافيش ما يدعو للمندبة...اوعلى رأي الفنانة شيرين عتبره كلب وراح، اعتبره كيس ارواح)وتصويرهم وكأنهم صوت المعارضة فى مصر(وكأنهم؟ امال هم معتقلين ليه؟ الحمد لله ان روز اليوسف نفسها قالت معتقلين اهو بس عيب عليكوا يا عيال، ليه تشوهوا سمعة مصر وتقولوا اننا بيعتقل عندنا المتظاهرين؟ يعني لو اختك كل يوم مع راجل تاخدها في حضنك وتداري عليها وتجوزها لواحد مغفل ما يعرفش سيرتها الوسخة مش تفضحها هي دي اخلاق القرية). وللأسف حتى الآن لايوجد إحصاء دقيق لعدد المدونات المصرية وتقسيماتها (الله؟ ولما هو مافيش احصاءات دقيقة، بتفتي يا متخلف انت وهو ليه وتقول خمسين في المية انجليزي وفرنصاوي؟) لكن قمنا بزيارة أهم مواقع استضافة المدونات وجمعنا منها تلك الأرقام فموقع egybloggers الذى يرصد عدد مواقع المدونين المصريين يشير إلى أن عدد هذه المدونات بلغ 1034 مدونة 559 منها (بنسبة 53%) باللغة العربية، و469 (45%) باللغة الإنجليزية، وستا فقط (6,0%) باللغة الفرنسية.

أما مجمع المدونات المصرية فمسجل به 1377 مدونة وأرشيفه فيه 63886 ألف تدوينة، ومعدل نموه سريع جدا، ففى أول نوفمبر 2005 كان مسجل به 372 مدونة فقط مما يعنى أنها تتضاعف بمعدل مرة كل نصف سنة، ويتردد عليه من 2000 إلى 3000 زائر يوميا أغلبهم يكرر الزيارة ثلاث مرات فى اليوم على الأقل (وكل دول ولاد كلب عملا عايزين يشوهوا سمعة مصر، لا كده بقى تبقى مصر ولية شرانية ومعادية الجيران كلهم ومش سايبة لها حبيب).. أما موقع «مكتوب» فيحتوى على 1546 مدونه أما موقع «جيران للاستضافة» فيحتوى على 27000 مدونة وإن كان أغلبها غير ناشط حيث إن متوسط التدوينات فى المدونة 3 تدوينات فقط هذا بالإضافة إلى مواقع استضافة أخرى مثل livejournal و xanga وmyspace والتى لايوجد عليها حصر للمدونات حسب الدولة ولكن عدد المدونات المصرية عليها كبير جدا.. واللافت أن أشهر المدونين المصريين الذين دشنوا أولى هذه الصفحات السياسية كانوا من التيار الليبرالى أو اليسارى أو الناصرى (به..أو ته...الحرف التاني يا سين يا شين والله اعلم)، وكان أشهر هذه المدونات «بهية» Baheyya الذى ينشر بشكل أساسى باللغة الإنجليزية مما سهل تصفح الأجانب له ومتابعتهم من خلال هذه المدونات لكل ما يحدث فى مصر ومدونة «منال وعلاء»، والطلاب الاشتراكيون - «جامعة القاهرة» والتى قدمت مهزلة كبرى مؤخرا بوضع صور المظاهرات فى دول أجنبية تحت عنوان «مظاهرات عالمية ضد مجزرة المحلة» مصورا للقارئ أن تلك الصور لمتظاهرين فى تركيا وأمريكا وسان فرانسيسكو وحتى الصين التى لايوجد بها إنسان سمع عن المحلة أساسا (لا ده حضارتكوا اللي سمعكوا تقيل شوية، بقية الناس بتسمع كويس، ايه يا عم انت وهو انتوا من ايام الترنك وللا ايه) وضع صور مظاهرات منها معدلة جرافيكا بشكل واضح وساذج بعد إدخال كلمات باللغة العربية على اللافتات التى يحملها المتظاهرون، ومدونة «لكم دماغكم ولى دماغى» التى قام صاحبها بوضع صورة لشوارع وسط البلد وهى خالية فى منتصف النهار التقطت منذ 8 سنوات تقريبا أثناء ظاهرة كسوف الشمس والتى خشى المواطنون الخروج من منازلهم يومها وأشار إلى أن تلك الصورة تم التقاطها يوم إضراب 4 مايو الساعة 2 ظهرا وأن الإضراب نجح!!! (الجدع كذب الكلام ده واقروا اللنك بتاعه اللي فوق) وهناك الكثير من المدونات اليسارية الأخرى التى تنتمى لكفاية (هي كفاية يسارية يا جاهل؟ العيال دول معاهم شهادة نحو الامنية؟) والاشتراكيين الثوريين والناصريين والشيوعيين التروتسكاويين وكلها تدور فى فلك واحد الانتقاد والانتقاص دون تقديم أى حلول (ياعيني على حلول روز اليوسف "المهيجة" للخواطر).

المصيبة (المصيبة؟ حد يكتب في موضوع صحفي النصيبة؟ نصيبة ايه كفا الله الشر يا ام محمد) هى أن القائمين على هذه المدونات قد نقلوا نشاطهم إلى أرض الواقع (لاحول ولا قوة الا بالله، هم مش كانوا بيقولوا علينا في الاهرام بعيد عن ارض الواقع وقاعدين ما بنعملش حاجة غير نكتب على النت ومنفصلين عن الواقع والناس؟ ما ترسوا لكوا على حاجة بقى)، وأخذوا يعيثون فسادا فى الشوارع والطرقات (هو قانون المرور بيمنع سير المدونين في الشوارع؟ طب انهي شوارع لو سمحتوا عشان ما اخدش مخالفة؟ يعني ينفع اطلع على الكوبري او انزل النفق وللا ممنوع؟)، ولذلك لم يعد من الغريب أن تجد هؤلاء المدونين فى كل مصيبة،(جتك نصيبة تشيلك بقى الملافظ سعد يا عب عال وانت عليك لفظ يهد جبال) مستعدين بكاميراتهم الرقمية، حريصين على التقاط الصور أكثر من حرصهم على أى شىء آخر.(تحبوا نبقى حريصين على ايه اخر؟ البوك بتاعنا مثلا؟) وقد نشأت علاقة غريبة بين قناة الجزيرة وبين هذه المدونات (لا الا الشرف..علاقة غريبة ازاي؟ ولا..بت..انتوا ليكوا في العلاقات الغريبة ياض انت وهي؟) التى أصبحت مصدرا خصبا للقناة تستمد منه أخبارها (انا شامة ريحة الدفاع بتاع اسلام نبيه في الكلام ده..أنا مش قلت ده تقرير امني؟) ولذلك قامت الجزيرة بعمل مدونة باسم الجزيرة توك لتساعد وتدعم عددا من المدونين المتخصصين فى تلك الفبركة وتستفيد من خبراتهم وكان رد الجميل بتبنى المدونات لحلقات «وراء الشمس» المفبركة التى قامت بتصويرها قناة الجزيرة وتم ضبطها مع هويدا طه المعدة بالقناة. (الله اكبر...ده ايه الفتوح ده كله؟ ده انتوا ملك خالص اشجيني كمان، مين العباقرة اللي كاتبين الموضوع ده هاتوهوملي العب بيهم)

مدونات الإخوان دخلت اللعبة فى وقت متأخر وتحديدا بعد واقعة ميليشيات الأزهر فى 11 ديسمبر 2006 عندما تخلت الجماعة عن الشباب وحملتهم مسئولية ما حدث وحدهم بعدها ظهرت مجموعة من المدونات لمساندة الطلاب الذين تم القبض عليهم لمشاركتهم فى العرض ثم تحولت مدونات المساندة لانتقاد الجماعة فى مواقفها السلبية وتخاذلها عن الدفاع عن الشباب الذين كانوا ينفذون أمرا صدر لهم من قيادتهم وليس من وحى خيالهم- كما صرحت الجماعة - وكانت النتيجة هى انطلاق الشباب للتعبير عن مطالبهم بعيدا عن الكبت الذى يشعرون به داخل الجماعة، (والله كتر خيركوا، دي شهادة اي مدون اخواني يعتز بيها لانها بتؤكد استقلاله) وعندما تنبهت الجماعة إلى الانفجار الوشيك حاولت تطويق هذه القوة الجديدة وتوظيفها لصالح الإخوان ولكن لأن شباب الإخوان تربوا فى جو مختلف ومطعم بأفكار مختلفة منها اليسارى ومنها الإخوانى ومنها الليبرالى، فكان لكل منهم مآربه الخاصة، (ايه ده؟ والله العظيم لو الاخوان دفعوا لهم فلوس عشان يعملوا لهم دعاية ما ح يكتبوا الكلام ده..مين الاغبيا دول، مع الاعتذار للاغبيا طبعا) ومع فضح التمثيلية التى حاول قيادات مكتب الإرشاد عرضها على الرأى العام تضاربت مصالح الشباب مع القيادات، ثم تضاربت مصالح الشباب مع بعضهم البعض بعد أن شعروا بفروق فى التعامل بينهم، فمعاملة أبناء القيادات من الإخوان ليست كمعاملة شباب الإخوان من العامة. محمد عادل الذى فشل فى الحصول على منصب رئيس تحرير موقع إخوان أونلاين بعد اصطدامه بالمرشد شخصيا بسبب تأسيسه لموقع إخوان أوف لاين الذى تسبب فى الأزمة الأولى بين الجماعة والشباب، ذهب يغرد وحده (صوصو صوصو) محاولا جمع أكبر قدر من إخوان المحافظات وشباب الإخوان بمنحهم مواقع مجانية من تصميمه وعلى السيرفر الذى يملكه بدون مقابل مثل إخوان البحيرة، وفى نفس الوقت تغيرت لهجة بعض المدونات الإخوانية من السياسية للاجتماعية جدا، وربما شخصية مثل مدونة أروى الطويل التى أصبحت كل تدويناتها عن خلافاتها مع والدتها وتلميحات لأنها تعيش قصة حب ترفضها العائلة لأنهم (مش رومانسيين) (يعني لا سياسي عاجب ولا اجتماعي عاجب؟). وفى مدونات أخرى لأبناء قيادات الإخوان الذين أدينوا في المعركة الأخيرة تجد مندبة وابتزازا عاطفيا، فكلها تحمل صورا وكليبات بكاء وعويل وافتقاد الأبناء لوالدهم، وهى مشاعر شخصية ذات أغراض سياسية أكيدة. (هههههه لا لا لا لا لا لا لا لا...استغفر الله العظيم، اقول ايه؟ اقول للي كتب الكلام ده ربنا يدوقك من اللي هم فيه ويحسسك بنفس مشاعرهم اللي انت بتسخر منها) ومن أهم تلك المدونات «هاعيش واتحدى أحزانى» لأسماء العريان، ومدونة «تستمر الحياة» لسمية العريان، مدونة «رجل حر رغم القيود» لزوجة خيرت الشاطر، ومدونة سعد الشاطر ابنه وغيرهم من الشباب والفتيات (يعني الناس دي مسجونة وللا احنا مخبينهم تحت السرير وبنتبلى عليكم؟) من أصدقائهم مثل مدونة أروى الطويل «أنا كده» ومدونة «يلا مش مهم» مجدى سعد و«يالالالى» لأحمد عبد الفتاح ومدونة «همساية» لآية علاء. (اه دول في نفس القضية عشان صحابهم؟ صحيح معاكوا حق...الصاحب ساحب)

وبعيدا عن مدونات اليسار المحرضة على العنف (ايه ده هي القضية جهزت كده على طول مسافة كام سطر؟ عنف ايه؟ اه انا نسيت: الخروج السلمي على الحاكم) ومدونات شباب الإخوان التى تتسول وتبتز العواطف (هي دي قضية ايه؟ يعني بند ايه في القانون بتاع عواطف ده) فهناك مدونات أخرى كثيرة لاتحمل لونا معينا ولكنها تناقش السياسة بطريقة جلسات الدردشة على المقاهى أو فتاوى سائقى التاكسى فى السياسة أثناء توصيلة طويلة ومن أهم تلك المدونات «جبهة التهييس الشعبية» (الله اكبر نفدت يا عيال، انا في تنظيم سواقين التاكسي، الله يكرمكوا والله كأنكوا قلتوا لي يا دكتورة) و«جبهة 30 فبراير» ومدونات مصرية للجيب». حتى عندما أنشأوا مجمعا للمدونات المصرية أطلقوا عليه «مملكة العمرانية» اسم أكبر منطقة عشوائية فى مصر تعج بالكثير من المنحرفين وتجار المخدرات والبلطجية وربما هو إحساس نابع من داخلهم (ايوة العقل الباطل) بما ينشئه من مجتمع حتى الصفحة الرئيسية للمجمع كل اللينكات بها ملقاة بشكل عشوائى وغير مرتب (قلة ادب، راميين المدونات يمين وشمال وناكشين الدنيا، مافيش مرااعاة للنضافة؟ انتوا بتعملوا كده في بيوتكوا؟) وتتصدر الموقع صورة ميكروباص فولكس الذى تشتهر به منطقة الهرم والمناطق المحيطة بها (وده يفسر سر تعاطف المدونين مع عماد الكبير حيث انه سواق ميكروباااااظ من الرعاع والغوغاء والدهماء زينا، الله يكرمكوا تاني، والله الموضوع ده كله كأنهم بيقولوا لنا يا باشمهندز)..

أما «اليوتيوب» فقد تحول إلى كارثة (يا اخوانا انا شامة ريحة جابر بن حيان، اصله كان بيحط اصانص الله يرحمه بقى) فإذا بحثت تحت مسمى تعذيب ومصر ستجد عشرات الكليبات الغريبة وغير الواضحة مع عناوين ضخمة لا تجد منها شيئا فى تلك الكليبات مثل كليب يحمل اسم تعذيب حتى الموت فى طنطا عندما تشاهده تجد شابين واقفين بجوار بعضهما ويدا تظهر أمام الكاميرا من بعيد تشير إلى اليمين وكأنها تصفعهما من بعيد فيميلان يمينا ثم يسارا ثم يخفضان رأسيهما إلى الأسفل وهما واقفان فى إيماءة تمثيلية للموت فتكتشف أن الهدف، كان جذبك لمشاهدة المقطع وبالتالى زيادة عدد المشاهدين وارتفاع ترتيبه فى الموقع ضمن إضافات المشترك، مجموعة كبيرة جدا من الكليبات التى تحمل عناوين بلطجة الأمن وضرب الأهالى فى الشوارع (استغفر الله العظيم، ليه الافترا ده يا شباب؟ ده الامن زي السكرة اهو، ده حتى بقى بيشتغل في الصحافة)عندما تشاهدها تجد أنها مشاجرات فى مناطق شعبية بين مدنيين لا يوجد بينهم عسكرى واحد والطرفان يتبادلان الضرب بشكل متساوٍ والمستفيد الجهات التى تتلقف تلك الكليبات وتستخدمها لتشويه صورة مصر وكأنها سلخانة، ومن التعذيب لكليبات التحرش الجنسى الجماعى حيث تكون كلمة جنس كفيلة بجذب أكبر عدد من المشاهدين فتكتشف أن المقطع ليس إلا عبارة عن تصوير لأعداد كبيرة من الطلبة أثناء خروجهم أو دخولهم للمدرجات أو لمشاجرات بين بعض الطلاب داخل المدرج بين المحاضرات وليس هناك أى أثر لتحرش شاب واحد بفتاة. (طبعا، دي مصر جنة) أما باقى الكليبات التى تحمل اسم سياسة فهى كليبات ومقاطع عبارة عن صور مجمعة ومرتبة بشكل متتالٍ ببرنامج للمونتاج مع تعليقات مكتوبة وموسيقى مصاحبة كلها تكيل الاتهامات بشكل يصور مصر دولة لا تحترم آدمية مواطنيها (لا العفو امي هي اللي ما بتحترمش ادمية البوتجاز وبتطبخ عليه كتير) ويجعل الصورة سوداء تماما والبعض الآخر مصمم بالجرافيك للتهكم على شخصيات سياسية كبيرة وبألفاظ نابية لا يمكن ذكرها أو وصف ما فى تلك المقاطع.

كان من الطبيعى أن يقوم شباب الحزب الوطنى بعمل جروب خاص بهم فى ظل التواجد التصاعدى لتيارات المعارضة على شبكة الإنترنت فيجب أن يكون لحزب الأغلبية مكان على الغرفة الإلكترونية «الفيس بوك».(هاهاهاهاهاااااااااييييييييييي يا اغبيا طب هم مش قايلين انهم حزب وطني....كرررررر طب قولوا بقى مين فيهم بيشتغل مع الامن، قولوا قولوا احنا في قعدة صفا مع بعض ده انتوا طلعتوا مسخرة). وليس ذلك فقط هو سبب تواجد الجروب، فهناك أسباب أخرى تتعلق بتزايد تواجد مدشنى الجروب الخاص بالتيارات غير الشرعية مثل الجماعة المحظورة لينقل مجال التصادمات ليأخذ حيزا إلكترونيا. الجروب المؤسس منذ أكثر من 3 شهور كان من الغريب أن نجد عدد أعضائه لا يتعدون 310 أعضاء فى الوقت الذى تتعدى فيه أعضاء جروبات الأحزاب السياسية الأخرى هذا العدد بمراحل (هاهاهااااايييي الله، الله، ربنا يخليكوا لينا يا رب، ربنا يخليكوا لينا يارب، احنا عايزين موضوع دعائي كده كل يوم، وطبعا الاحصاءات دي تؤكد انه حزب الاغلبية هرررررررر).. هدف الجروب هو نشر أفكار ومبادئ الحزب الوطنى لفتح شبكة تواصل مع أعضاء الحزب، وخاصة الشباب واستقطاب عدد أكبر من الشباب (هههههههه، ح اموت، مش قادرة بطني وجعتني، وهو بيستقطب ليه لما هو اغلبية وبسم الله ماشاء الله تعدى ال 310 عضو اهو حاجة تشرف بصحيح).. وفى الوقت الذى يدعو فيه الحزب إلى عمليات الإصلاح والاعتماد على الشباب فى توثيق العلاقة بين الشباب والحزب تبدو إمكانيات العمل على الجروب محدودة مقارنة بأن هذا الجروب يتحدث عن الحزب الأول فى مصر الذى يتعدى حجم عضويته مليونى عضو (احنا تمانين مليون، حزب الاغلبية تعداده اتنين مليون منهم مليون وسبعمية وخمسين عضو داخلين عشان يشغلوا عيالهم بالواسطة؟؟).. فكان من المنتظر أن يكون على الجروب أهم الأخبار والنشاطات التى يقوم بها الحزب ويكون موجها للشباب.. «أدمن» الجروب قالوا إنه يتم دائما إضافة أخبار كل ما يتعلق بالشباب والحزب الوطنى ولكن حساب الأدمن «مؤسس الجروب» يتعرض بانتظام لعمليات قرصنة تتسبب فى تسريب الأخبار بأكملها.(فيها ايه لما تتسرب؟ مش هي اخبار؟ وللا فيها حاجة سر؟)

----

الله، عثل عثل عثل عثل

احنا عايزين نبعت جواب شكر لجوز المخبرين دول

الحمد لله يا اخواااااااااااان حصلنا على كلمتين: بش وتس...بش وتس يا ولا؟

ونصيحة لوجه الله تعالى وربنا يعلم ان نيتي صافية، والنبي والنبي والنبي، اعملوا اختبار ذكاء للي بتشغلوهم

المتوسط بيبقى مابين مية لمية وعشرة

اللي اقل من خمسين ما تشغلهوش عشان ده مكانه معهد لرعاية حالته، وهي اختبارات بسيطة يعني، شوفوه بيعرف يربط رباط الجزمة وللا لا؟ بيدخل الحمام لوحده من غير ما يزروط نفسه وللا لا؟ عنده قدرة على قياس المسافات معقولة بحيث ما ينطش من الدور الاتناشر وهو فاكر انه ح ينزل سليم...كده يعني