Monday 20 September 2010

ااااااااااااااه.. لا نفوق شوية كده، عشان الموضوع بقى خطر

ملحوظة:
دي مدونة.. فاهمين يعني ايه مدونة؟ يعني محدتة من ام بلاش، بيفتحها واحد معبي في قلبه عشان يفضفض، يعني العالم الاول عملها لامثالنا من سكان العالم التالت عشان ينفسوا عن نفسهم
اصحاب المدونات مش من المشاهير، ولا هم الفنانة الاستعراضية جواهر، ولا هم قادة ولا زعما، دي مجرد ناس بترغي
ملحوظة 2:
زباين المدونة دول معلقين.. فاهمين يعني ايه معلقين؟ يعني بيكتبوا في التعليقات، عارفين ايه التعليقات دي؟ دي محدتة ببلاش برضه، واحد نفسه يتكلم برضه وعلى قلبه قد كده، نفسه يتخانق وخايف من المواجهة في الحياة العادية فبيدخل عند اي مدونة، ما يعرفش صاحبها، ولا صاحبها يعرفه، ولو شافه في الشارع مش حيعرفه، وبيعمل في الفضاء الافتراضي كل اللي نفسه يعمله في حياته العادية ومش قادر
دول مش جمهور، عشان الجمهور بيدفع فلوس، وحضرتك داخل هنا ببلاش، يعني ماحدش حيكلمك ويقول لك جمهوري العزيز، لانك مش شاري بفلوس، الفنانين وكبار الكتاب اللي بيقولوا جمهوري الحبيب، وقرائي الاعزاء دول عودونا على كده عشان بياكلوا عيش من ورانا، ماحدش في المحدتة دي بياكل عيش من ورا حد، لا انا باكل عيش من وراك ولا انت بتاكل عيش من ورايا، احنا قرفانين وبنطلع قرفنا في الخيال، بدل ما نقرف الناس في حياتنا، لا انت جمهور الفنانة الاستعراضية جواهر، ولا انت من اتباع القائد الزعيم، عشان لا فيه استعراضات ولا قادة هنا في ام الكمبيوتر ده
ملحوظة 3:
صاحبة المدونة دي كحيانة وبتمشي في الشارع بعشرين جنيه في شطنتها وساعات اتنين جنيه، وبتدخل البنزينة تمون بخمسة جنيه وعامل البنزينة بيضحك عليها
واصحاب مدونات كتير كده، اللهم الا اللي بيسترزق من ورا التدوين ودول مش كتير على فكرة.. في المجمل ماحدش من المدونين دول نجوم الفلوس والشهرة غيرته، لانه ما عندوش لا فلوس ولا شهرة.. ولا هو نجم اساسا، احنا كلنا على بعضنا على النت دي شوية بتوع كده، وفي اوروبا والدول المتغدمة بيسمونا
freaks
ولظروف طارئة على البلاد، النسبة الاكبر من سكان المنطقة فريكس، وبارك الله في صنع الغرب اللي بيخلينا ننفس عن اطوارنا الغريبة المكبوتة
ملحوظة 4: 
لو حسيت ان العالم الافتراضي سيطر عليك لدرجة انك واخد  الموضوع بجدية وبتتعامل مع صاحب مدونة ما على انه الزعيم جمال عبد الناصر وبتتعامل مع نفسك على انك سيد قطب اللي بيقول كلمة الحق في وشه ولا يأبه للمشنقة، دور لك على طبيب نفسي
بجد يعني، انت في خطر
ما تكبرش الموضوع والا تعيا
ملحوظة 5: 
فوق بقى... احنا ما بنعملش حاجة.. ما بنعملش حاجة ابدا، اخرنا بنرغي، بنتكلم عن مشاكل ومش بنعرف نحلها، وممكن نقترح حلها، وممكن نختلف، بس في النهاية احنا الكحيت بتاع مصطفى حسين واحمد رجب.. احنا ولا حاجة
ولا حااااااجة
ولاااااااااا حاااااااااااااااااااااااااجةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة
خاااااااااااااااااااااااااااااالص
لو انا مثلا على سبيل المثال مناضلة، تقدر تقول لي عمالة اطول لساني على حسني مبارك وسايبني ليه؟ ما هو يا الراجل ديمقراطي، يا انا اللي بعوضة
واكيد هو مش ديمقراطي.. انا اللي بعوضة، واقل من بعوضة، عشان حتى البعوضة الناس بترشها، بترقعها وهي بتقرصهم، لكن احنا ولا حتى بنترش
ولو انا وانت مهددين النظام كان زمانا متحاكمين احكام عسكرية ومرميين في غيابات الجب مع اخواتنا اللي بيهددوا الامن
النظام المصري ما بيقضيش عشر ثواني يفكر فينا
والمدونة دي مدونة شخصية، بتاعة واحدة.. والواحدة دي ما تعرفكوش، ولا انتوا تعرفوها، والواحدة دي مش شريهان، ولا انتوا فهمي عبد الحميد، ولا انتوا بتدوها فلوس على اللي هي بتعمله، واللي هو ولا حاجة غير شوية رغي، يعني دي انا اتكلم فيها زي ما انا عايزة لاني واقعا باكلم نفسي
وبدل ما اكلم نفسي فعلا واتجنن، باتكلم على الكي بورد، واقعد اتخيل شخصيات قدامي واوجه لها الكلام، بس انا مافيش حد قدامي
ولا اللي بيدخل يعلق، هو مش قدامي، ولا انا قدامه، عشان اللي بيدخل يعلق برضه بيكلم نفسه، وكلنا تحولنا لكائنات بتكلم نفسها
مش وحش... الرغي مش وحش، اهو نشغل مخنا شوية بدل ما يصدي من القعدة
والخيال مش وحش، الخيال حلو
الخلط ما بين الخيال والحقيقة هو اللي وحش
انت بتكلم الكمبيوتر.. انت بتكلم الكمبيوتر.. انت بتكلم الكمبيوووووووووووتتتتتتتررررررررررررررررررررررر
مش بتكلم انسااااااان 
فووووووووووووووق.. تخيل زي ما انت عايز بس فوووووووووووق
انا طول عمري من طفولتي وانا باتخيل طول الوقت، بس عارفة انه خيال، كنت باتخيل ان اسمي ليلى، وكنت بامسك المقشة واعملها مكروفون واغني فيها واتخيل اني مطربة، وكنت بالعب مع اصحابي لعبة انا الرقاصة وواحد منهم البلطجي وواحدة المطربة ونعمل خناقة في خمارة ونكسر اللي حوالينا، وكنا بنعمل فريق بوليس وندور على القتيل وننزل حفر في حوش المدرسة لما نطلع مصارينه عشان ندور على الجثة
بس كنا بنبقى عارفين انه خيال.. واحنا عيال صغيرة كده كنا عارفين انه خيال
فوقوا بقى.. المدونة دي خيال، والمعلقين دول خيال، واحنا بنتكلم في الخيال، عشان محتاجين ده بدل ما نتجنن في حياتنا العادية، واكيد لو قابلت واحد مجنون زي اللي انا عاملة له سبام ومصمم يكتب تلاتين تعليق في السبام حتلاقيه شخص لطيف وظريف ومش مجنون كده زي ما بيكتب، هو مضطر يطلع جنانه في السبام والا حيقتل قتيل
وانا كده
وانت كده
واصحابي على التويتر مش اصحابي
وانا على المدونة مش انا، وانت في التعليقات مش انت
ما يجيش واحد مهبوش اختلط الخيال بالحقيقة عنده هنا يقول لي انت اتغريتي على اساس اني نجمة الجماهير نادية الجنسي اللي الشهرة والفلوس غيرتها وعلى اساس انه الناقد العظيم سمير فريد
انا مش نادية الجنسي ولا هو سمير فريد، عشان انا ما عنديش شهرة ولا فلوس، ولا هو ناقد اريب، وانا ما اسميش جبهة التهييس الشعبية انا اسمي نوارة، وصحابي اللي بجد مش اللي في الخيال بيقولوا لي يا نونو او يا نوسة، واكيد كل الاسامي الكرتونية اللي بتدخل لي دي ما اسمهمش كده في البطاقة، وماهماش الناس اللي بتكتب دي 
ابوس ايديكوا فوقوا بقى عشان كده الناس ابتدت تفوت بجد، النت ده علاج لمواطنين العالم الثالث، مش مفروض يتحول لمرض 
هارش؟
ابدا.. ولا هارش ولا حاجة، عارف ليه؟ عشان انت مش في وعيك دلوقت، انت لابس الشخصية السرية بتاعتك وعايشها قوي زي ما خالد الصاوي بيعيش ادواره 
لا.. انا متبعة المدرسة الانجليزية في التمثيل، مش المدرسة الامريكية، مش باروح بالشخصية، انا بادخل في الاحساس اول ما بيقول داير، واول ما يقول ستوب بافصل من الشخصية
درب نفسك على الموضوع ده عشان ما يحصلكش اللي حصل لجاك نيكلسون وتمشي تضحك لوحدك وتحرق الفلوس وتتجوز ستميت واحدة وتطلقها عشان مش عارفة تعيش مع عفاريتك
تأكيدات:
احنا ولا حاجة
مش بنعمل حاجة
وما لناش دور ولا حاجة
ومش بنغير حاجة
ومش حنعمل ثورة بام المدونات دي
ومش بنخدم بلدنا
احنا بنخدم مخنا عشان ما يوجش منا
واللي مش عارف الكلام ده، فورا حالا: اقفل الكمبيوتر واقعد لمدة شهر ما تفتحش النت لحد ما جرعة الادمان تخرج من دمك وتبتدي تبص للحاجة من بعيد وتعرفها على حقيقتها

43 comments:

mido said...

طالما بنربط بين الافتراضى و ارض الواقع نبقى بنعمل حاجة

مثال :

التجمع على الفايسبوك لعمل مظاهرة فى الشارع

احنا المأجورين said...

لالالالالالالا
واضح انك صحى ولا اقولك واضح اننا انخدعنا فيكى وشكلك بتعملى المقدمات دى علشان تمضى على ترشيح جمال مبارك للرئاسة زى البنى ادم بتاع بن خلدون اللى اسمه خراب الدين ابراهيم
وبتعملى كل دا علشان الصدمة تكون هينة وبسيطة
لالالالالالالا
اعملى غيرها
مش هنتأثر بدعاوى الاحباط واليأس اللى بتعمليها وبتحاولى تزرعيها فينا لالالالالالالالالالالالالا
نوارة يابنتى خديها نصيحة منى واجرك على الله
اذا الشعب يوما اراد الحياة .... يتنيل ويقعد على جنب

أ / أحمد عبد المنعم said...

الأخت الفاضلة : نوارة

ليست هذه أول زيارة منى لمدونتكم المحترمة فقد قادتنى قدماى إليك سابقا لكن المرور كان سريعا لدرجة أنى لم أطلع اطلاعا حقيقيا على المدونة
اما اليوم
فقد قصدت قدماى الطريق إليك هادفا القراءة والمعرفة

فوجدتنى أرى حالة تبدو غريبة عما عليه المدونة باعترافك أنت

أختى :
يبدو أن الهموم أزعجتك
ولك الحق أن تنزعجى مع حبك الواضح فى المدونة لوطنك الذى أصبح على ما أصبح عليه الآن
أختى :
هونى عليك
إن الله وضع سننا للتغيير وما كان القلم غير فاعل فى فلك تلك السنن
إن للقلم أثره الذى قد لا يعطيه كلام الخطباءأو البلغاء
تستطيعين ان تدركى ذلك حين تشاهدين الناس عبر العقود الثلاثة الماضية
هل تغيروا ؟
نعم
يخبرك من عاش العقود بوعى
يخبرك ان للقلم أثرا ضخما فى حياتنا
فقد بدأت ثقافة التغيير تنتشر وهو أمر طبيعى للتغيير
أن لا يتحقق فجأة بل يجب أن يتعرف الناس عليه أولا ثم يتفاعلون معه ثم يكثر أتباعه ثم يأتى التغيير على أيدى زمرة صادقة من بين المتكلمين

أختى
لإن كان الناس يدخلون بأسماء مستعارة فهذا لا يعنى أنهم وهم
أو بلا وجود
إنهم حقيقة
أكثر رعبا للظالم
قد يبدون أشباحا فى نظرك لكنهم أشباح فاعلون يتحركون يغيرون
أختى
لا وهم
لا خيال
لا افتعال
إنها حقائق لكنها تبدو بسنة ثابتة

أشكر قدماى أن ساقتنى إليك اليوم وأشكرك على صبرك لقراءة هذا التعليق
وعلى فكرة أنا فى النت باسمى الحقيقى وبشخصيتى الحقيقية ولا أخفى شخصى عن أحد

Anonymous said...

كلامك ده نرفزنى بجد انتى شكلك تبع الجيش الثالث وتبع ممدوح حمزه اللى عامل انه بيشجع شباب 6 ابريل وجاى يقعد معلهم بعد سحور الحسين ويقولهم ان الامن بيسترزق من وراكم وقالنا اننا ولا حاجه ومبارك مكمل ولا هايهمه .................................بس سؤال ملح عليا هو لما نتى مالكيش لزمه امال الاخ فى الوطن القبطى اللى بيراقب تليفونك ده لازمته ايه ولا ليكون انتى مؤمنه باللى قاله حمزه انهم فعلا بيسترزقوا من المظاهرات اللى انتى بتبقى فيها ...............

Unknown said...

ميدو
ونضال الفيس بوك ده بقى اللي حيقود حركة التغيير زي توقيعات البرادعي كده

طب اقعد شهر بعيد عن النت

احنا المأجورين

انت كمان اقعد شهر بعيد عن النت

عشان التوقيع لجمال مبارك ده ضمن الهلاوس

ما هكذا تورد الابل
وما هكذا تغير الانظمة

اللي بيغير بينزل الشارع ويستحمل انه يموت منه ناس زي الثورة الايرانية والثورة الفرنسية اللي اتعملوا قبل النت

مش تجميعات على الفيس بوك ومع اول قفا كله يجري

وحيفضل يجري عشان هو بطل على النت بس

بطل من ورق

ا/عبد المنعم

واللي خايف يقول اسمه ده مناضل؟ ههههههههههههه

Unknown said...

masry

اقطع من النت لمدة شهر

Unknown said...

لو سمحتوا افصلوا النت لمدة شهر وشوفوا الحياة من غير النت شكلها ايه؟

حاكتب التعليق ده ستميت مرة لحد ما تسمعوا الكلام

لو سمحتوا يعني

Anonymous said...

تكون الجبهه اتقبض عليها وواحد سيطر على حسابها على تويتر وعلى المدونه ....قولى يا جبهه كلمه السر

Unknown said...

ما تدخلوش النت لمدة شهر

ما تدخلوش النت لمدة شهر

ما تدخلوش النت لمدة شهر

ما تدخلوش النت لمدة شهر

ما تدخلوش النت لمدة شهر

لو سمحتوا

لو سمحتوا

لو سمحتوا


الكلام يتسمع

مواطن مصري said...

تأكيدات:
احنا ولا حاجة
مش بنعمل حاجة
وما لناش دور ولا حاجة
ومش بنغير حاجة
ومش حنعمل ثورة بام المدونات دي
ومش بنخدم بلدنا
احنا بنخدم مخنا عشان ما يوجش منا
واللي مش عارف الكلام ده، فورا حالا: اقفل الكمبيوتر واقعد لمدة شهر ما تفتحش النت لحد ما جرعة الادمان تخرج من دمك وتبتدي تبص للحاجة من بعيد وتعرفها على حقيقتها


متفق معاكي

مش فاهمه said...

طيب و موضوع القمح مش ده واقع و فيه
ناس حقيقيين استهدى بالله
الكلمة نور و ممكن كلمات تغير اللى حوالينا خلينا نحلم و يبقى عندنا أمل

شمس العصارى said...

يا عينى
ــــــــــــــــــــــــ
ماله الولاء للنفس
بس ده غير الاستاذ ولاء
وغير ولاء السكرتيرة

Unknown said...

كويس قوي ان مش فاهمة فتحت موضوع القمح

انا باحب الشخصية دي

اقصد الشخصية اللي بتكتب تعليقات تحت عنوان: مش فاهمة

القمح اخد مساره الطبيعي

الغيط.. مركز البحوث.. وزارة الزراعة.. الصحافة.. الفضائيات.. واخيرا النت عشان نلم ناس

مين الناس اللي حتعمل حاجة فعلا؟

ناس عمرها ما بتدخل على النت

فلاحين

اللي على النت دورهم ايه؟

دورهم التضامن

زي اضراب ستة ابريل كده

:((

انا حاضطر اضرب كرسي في الكلوب واعترف على كل حاجة

اضراب ستة ابريل وهم

ابطال الاضراب الحقيقيين هم عمال المحلة

ناس عمرهم ما دخلوا النت

خمستلاف عامل انضربوا واتسحلوا وماحدش سأل فيهم

مجموعة الفيس بوك والمدونين وكل اللي على النت ركبوا على حدث حقيقي له وقع على الارض

واخدوا بطولة خيالية، والنظام سابهم ياخدوا البطولة الخيالية

والابطال الحقيقيين النظام فتح عليهم الرصاص الحي، وحبسهم باحكام مشددة

دي الحقيقة

احنا ما كانش قصدنا شر

اقصد الاولانيين من المدونين، ما كانش قصدنا ان الناس تعيش في الوهم بالطريقة دي

احنا كان قصدنا ان مدام فيه مستخدمين للنت بالفعل، وعايشين الوهم بالفعل، ليه ما نحاولش نستغل التول دي في اننا نكسر حاجز الخوف

وكان تصورنا ان ده حيساعد على تشغيل المخ ومن تشغيل المخ على تشغيل العضلات

ما كناش نعرف ان الموضوع حيقلب لدرجة ان الناس بقى لها عالم موازي بالطريقة دي ومقتنعة بيه تماما وكمان فاكرين انهم بيهزوا النظام

احنا بنهرج؟

اللي بيهز النظام بيتعمل فيه زي عمال المحلة، وزي الاخوان، وزي الفلاحين اللي اتخربت بيوتهم وانطردوا من اراضيهم

ودي الضريبة اللي لازم ندفعها لو عايزين نعمل حاجة

ده خيال ووهم ان حد يغير من غير ما يدفع تمن

وانا حاسة بالذنب اني شاركت في ان الناس تتوهم ان فيه تغيير من غير ضريبة وفي شغل حقيقي من غير تمن

ممكن جالي صحوة ضمير، ممكن من كتر الهلاوس اللي ملت الدنيا حواليا بقيت حاسة اني ساعدت في ان الناس تتوهم ان فيه نضال الكتروني

بس المعادلة سهلة وبسيطة، اللي بيعمل حاجة بيدفع التمن

اللي ما دفعش تمن يبقى ما عملش حاجة

محمد نور الدين said...

إلى النجمة بنت النجم ألف تحية من الجزائر .أنا لا أقول إلا ما قاله أبوك في آخر زيارة للجزائر قبل سنتين و بإمكانك أن تسأليه. كنا بالمسرح الوطني في امسية شعرية رائعة.و أبوك يا بنت أنجز في الجزائر ما عجزت أن تنجزه جبهة التحرير لقد استطاع بشعره الصادق و كلمته القوية أن يجمع المثقفين العروبين و الفرنكوفونيين و الإسلاميين و الوطنيين و النساء و الرجال لقد احبه ولايزال يحبه هؤلاء جميعا. قلت في تلك الأمسية سأله صحفي عن الممثلةالمسرحية صونيا وأنت تعرفين البقية، وصونيا كانت حاضرة فقال أبوك وبالحرف : صونيا دي مجونة رسمي. وضحكنا كلنا وضحتك معنا صونيا .وانا اضيف سنظل نحبك ونجلك ونقدرك ونحطك في رموش عينا غصبا عنك وعن اللي خلفوك لأنك نوارتناالغالية وسنتحمل كل زعلك و نرفزتك وعصبيتك فاهمة يا هبلة والا أشرح اكتر

Unknown said...

وبالنسبة لموضوع القمح يا مش فاهمة

سكينة فؤاد دفعت التمن ومشوها من الاهرام ومنعوا مقالاتها

ومع ذلك ده مش تمن جامد لان العمل ما كانش عمل جامد

برضه احد سلبيات النت ان الناس نسيت اننا دولة بوليسية، ونظام قمعي

افتكروا ان عندنا حرية بدليل اننا متسابين نتكلم على النت

ماهو احنا متسابين عشان احنا لسه ما عملناش حاجة

كان غرضنا - اقصد المدونين الاوائل - ان دي خطوة اولى

بس هي وقفت على كده وفضلت تتشعب والناس ابتدت تعيش في الخيال خالص

وابتديت احس بالذنب اني بارسم وشوش

:((

و:))

وانا قعدتي وحالتي النفسية واللي باعمله اثناء الكتابة على النت حاجة عكس الوشوش والتعليقات خالص

انا دلوقت باشرب بيبسي وباتفرج على فوكس موفيز وقاعدة على السرير وباضحك على فيلم كوميدي

باين الحالة النفسية دي في تعليقاتي وتدوينتي؟

انا ما اقدرش استمر كده

ممكن نستمر لان اللعبة حلوة

بس الناس تبقى عارفة انها لعبة

وعندي امل في التغيير عشان باختلط بالناس

بس مش من النت

Ahmed El-Ghamrawy said...

معاكى حق والله فعلا اهم فايدة من وراء التدوين ان الواحد مخه ميصديش ويخرج اللى جواه خاصة لو عنده شوية مبادئ وافكار المجتمع والنظام ملهومش فيها, بس فى مدونيين كتير كان ليهم فضل فى حاجات كتير

أ / أحمد عبد المنعم said...

ممكن تعرفينى على نفسك أكثر
يعنى اسمك
ومن والدك الذى ذكر كشاعر فى التعليق؟
وسؤال أخير


ما الحدث الجلل الذى ألم بك اليوم كى تكتبى كلامك؟

mido said...

معنى كده انكم نصابين اقصد اوائل المدونيين ؟

:))

احنا مركبناش على شغل حد

اعتقد احنا عملنا شغل فى وقفات خالد سعيد

Unknown said...

وهو ايه اللي حصل في خالد سعيد؟

انت مش حتفوق بقى من الوهم اللي انت فيه ده؟

لا مش حتفوق

عشان انت مبرمج نفسك على الخيال وخلاص

طيب

ايه اللي حصل في خالد سعيد

الناس نزلت، وتظاهرنا، وصلينا، وغنينا، وبعدين؟

فين حق الواد؟

طب ده حتى عماد الكبير الظابط اخد حكم.. حكم تافه صحيح بس اهو حكم

فين حق الواد؟ ولا حاجة، والليلة نامت وانتهينا، حتى اللي كان ممكن يستغل الظرف ويعمل حاجة قال ماليش دعوة يا بيه انا كنت نازل اعزي ما كنتش نازل مظاهرة

عشان نجيب من الاخر، اللي فعلا ممكن يعمل التغيير:
تيار سياسي قوي وشعبي وواصل للعمال والفلاحين والفقراء وسكان العشوائيات

والوحيد اللي تنطبق عليه بعض من هذه المواصفات هي الاخوان والاخوان مش حيعملوا حاجة لان اي حركة النظام حيضرب في المليان ويصفيهم

او

اتصال مباشر وقاعدة شعبية لشخصية كاريزمية برضه واصلة للعمال والفلاحين وسكان العشوائيات

حد كده زي سعد زغلول

بس زي سعد زغلول بجد

ولو حد وصل للناس دي وشخصية كاريزمية مش حيتساب يدخل ويخرج ويعمل حوارات في التلفزيون

عشان كده من الاخر البرادعي بيقدم رجل ويأخر رجل وكل شوية يسافر ويخلع

لانه خايف

وخايف لانه فعلا ممكن يتصفى

لحد دلوقت هو متساب له مساحة، مساحة مش خطر اول ما حيبقى خطر حيطلع ترابنتينه

اللي عايز يعمل حاجة بجد حيبقى مستعد يطلع ترابنتينه ومش حيهمه، حتى سعد زغلول اللي مفروض انه نصاب، طلع ترابنتينه واتنفى لما بقى خطر، صحيح الشعب ورطه بس الشهادة لله الراجل قبل التوريطة بنفس صافية ونية سليمة ودفع التمن

والاختصار

مافيش حاجة بتتعمل من غير تمن

النشاط الحقيقي لا يبدأ من الانترنت

المسار الطبيعي للاشياء يبقى زي موضوع القمح واضرابات العمال

حاجة تبتدي على الارض وتتنقل كملعومة للنت

حان موعد دفع الاثمان اذا كنا عايزين نغير فعلا

خلاص نت كده

النت دي كنا نقصد بيها ان الناس تشغل مخها وتفتح مواضيع كانت تابوهات بالنسبة لها

وخلاص الناس شغلت مخها والامر تخطى تشغيل المخ الى تشغيل مرضي للخيال وابتدوا يعيشوا في العالم الافتراضي

كفاية بقى
دي جريمة

الناس من اربع سنين ما كانوش كده

حان الوقت للعمل الحقيقي مع الناس

او

اذا كنا حنكمل حالة ال
freakness
دي

يبقى نبقى واعيين اننا ولا حاجة، واننا اداة تنفيس

ولا نحمل الشيء فوق ما يحتمل

لا قناة الجزيرة حتحرر فلسطين

ولا الدستور ومنى الشاذلي جهة شكاوى المواطنين

ولا المدونين بيحركوا الشارع ولا مناضلين ولا حيعملوا تغيير من ورا الكي بورد

الجزيرة قناة اعلامية قد يكون لها اتصال بمخابرات ما زي كل الوكالات ده عادي، في النهاية برضه دي وكالة اعلامية

الدستور ده جرنال فيه ناس بتكتب رأيها والرأي والكلمة مفيدة في حال ما اذا لاقت ناس تنفذ مش في حال ما الناس تعاملت معاها على انها الملجأ والملاذ وحملتها فوق طاقتها

المدونين مجموعة شباب بيفكروا وبيتخيلوا

بس ما بيعملوش حاجة

بيفكروا بس
التفكير حلو

بس هو مش اكتر من كونه تفكير وفقط

مش عمل

العمل عمل، ومحتاجينه اذا كنا عايزين نغير

والعمل يستلزم تضحيات وتعريض النفس لاخطار ودفع اثمان

والمثال اللي ضربه الاستاذ ابو هاجر ببابا مثال مغاير تماما

بابا ما كانش قاعد في صومعته يكتب شعر ويسجله

ده كان بينزل ينغني في ميدان التحرير

وكان عايش في حتة اسمها حوش قدم

وبيختلط بالناس ويعرفهم ويعرفوه

ومع ذلك الشعر لوحده ما يغيرش

بدليل انه واقعا ما غيرش وبقالنا اربعين سنة بنغني نفس اغانيه لان الوضع ما اتغيرش

التغيير عايز عمل

والعمل عايز تضحية

فوقوا بقى والنبي.. كفاية وهم

Unknown said...

لو كنت باكل عيش من ورا التدوين ما كنتش ضربت كرسي في الكلوب كده

بس ده ما كانش هدفي من التدوين من اربع سنين

ومن اربع سنين ما كانتش الدنيا كده

ولا كان الناس كده

فيه حالة هلوسة حاصلة في الحياة

مش مبسوطة انا كده

Rateb said...

طب ما انت كويسة وفاهمة اهو يا نوارة امال كان مالك قاعدة تشتغلي روحك طول الفترة اللى فاتت

- أحمد صبحي - مصرى فى فرنسا said...

ردك الأول علي مش فاهمة بخصوص ٦أبريل،كأحد تفاصيل وجزئيات النضال الأفتراضي،لمس الحقيقة،وهوده بالنسبة لي يمكن مربط فرس كلامك،واللي بيقولها عارية من غيرتزويق بين المدونين والفيسبوكيين والتويتريين،أنتا عارفة قد إيه كلامه بيبقا تقيل علي العايشين في الوهم الأنترنتي وأكترعلي بيتاجروا بيه!بعيداً عن واقع وحياة ومصيرعمال ٦أبريل الحقيقية في مواجهة نظام مستبد،يمكن يكون كلامك إنذار لشباب كتيريسيبوا دهاليز العمل الإفتراضى،وينزلوا للواقع،ويرجعوا ناس وطنيين من لحم ودم زي مبقول دايماً،زي مناضلي عصر الإستقلال التام أو الموت الزؤام،يعرفوا أسماء عمال المحلة والأحكام اللي خدوها بسبب ٦أبريلهم،بدل مايعرفوا أسماء تافهة بتاجر وبتكسب من ورا نفس التاريخ مستغلة غرق الناس في العالم الإفتراضي الموازي واللي عمره مابيتلاقي مع واقع الناس الحقيقي

Unknown said...

مش باشتغل نفسي

انا واحدة من الناس كان هدفنا ان الكتابة والنقاش اول الخطوات عشان يحصل صدى وحاجة حقيقية

مش ان الناس تبقى حبيسة النت وكمان تعيش في عالم موازي وبطولات وهمية

mido said...

وهو ايه اللي حصل في خالد سعيد؟

------------

القضية مخلصتشى عشان تسألى سؤال استنكارى يسفه من اللى حصل و اللى حيحصل

اللى حصل حتى الان :

ناس عمرها مشاركت فى اى تظاهرة او وقفة شاركت لاول مرة

الاعداد زادت اضعاف الاعداد اللى كانت بتنزل فى اى وقفة

الدولة حسيت بخطر الشباب دول و ان ممكن يبقوا خطر عليها فتعاملت معاهم بشىء من الحكمة و ده بسبب الكثافة فى التغطية الاعلامية الغير مسبوقة فى اى حادثة مشابهة

--------

عندك حق اضراب 6 ابريل اللى عمله قيمة الناس اللى فى المحلة

و الشباب كملوا من بعده و انضم ليهم فئات تانية باعمار مختلفة و نظموا فاعليات كتير جدا




و متنسيش اللى حصل للولاد دول فى 6 ابريل اللى فات




اتفشخوا


يعنى دفعوا التمن و ده ردا على كلامك



لأ مش عاجبنى كلامك خالص و الويب اداة فعالة للحشد و نجحنا فى كده على اد قدراتنا

و لسه

Unknown said...

احمد صبحي

عليك نوووووووووووووور

الاستقلال التام او الموت الزؤام

فعلا مش قولا

ناس تبقى مستعدة يتفتح عليها كوبري

اظن مرحلة ان الناس محتاجة اساسا تتناقش وتشغل مخها عدت وبقوا بيرطوا بزيادة

خلصنا

التفكير الزيادة بيدفع الانسان للتردد

والخوف

معاد العمل الميداني اللي بجد وانا الحقيقة ما عنديش حلول للناس اللي بقى كل عالمها وحياتها الانترنت وفاكرة ان دي الدنيا

ما اعرفش ايه اللي ممكن يعملوه مع الناس

بس الناس خلاص كده استوت وحتبتدي تاكل في بعضها

معاد ان حد يلمهم على هدف وطني ويبقى مستعد يضحي ولو يموت

Unknown said...

خلصنا يا ميدو

مستخدمي النت مش هم اللي حيعملوا التغيير ما تفوق بقى

اللي حيعمل التغيير ناس عمرها ما بتقعد على النت

ناس عمرها ما شاركت في المظاهرات ونزلت ودلوقت نزلت في مظاهرات طائفية

الناس استوت

وحيبتدوا ياكلوا في بعض لو فضلنا كده قاعدين ورا الكي بورد

حيموتوا بعض خلاص الناس مخها لسع

الناس من اربع سنين ما كانتش لاسعة كده

اللسعان ده يبقى كويس لو حد يعرف يوجه لسعانهم لان ده معناه انهم على استعداد للتضحية

لكن لو فضلنا قاعدين وعايشين في الوهم اللي احنا عايشين فيه وفاكرين نفسنا بننجز واحنا لا مؤاخذة يعني جيص في قفص الناس حتاكل بعضها

خلصنا بقى

خلصنا بقى من الوهم بقى

شوية حقيقة

mido said...

يا ماما و انا معترضتش على كلامك

فى انه لازم الناس دى تتحرك

انا معترض على تسفيه الويب كأداة

طب بصى

ايه اللى حرك فى مظاهرات كامليا؟

حتقولى الاعلام

و حضيف الويب

الشبكة دى بقت سلاح بيحرك الناس الشباب خصوصا

و شوفى حجم رد الفعل على الفيديو اللى ظهرت فيه و انتقاله للجرايد و القنوات

و ده يوضح انه (الويب) الفعل و بقية الاعلام رد فعل


الخلاصة

مش عايزين نقلل منه ولا نعيش فيه منعزلين

Unknown said...

يا زين ما خلفتي يا زينب

بتبشرني ان الفتنة الطائفية صناعة نتية؟

شكرا

وعلى فكرة طل اتهموها بالجاسوسية

عشان المساندة المصرية لها.. انا قلت لكوا حنخرب بيت البنت ماحدش صدقني

mido said...

النت وسيط لنقل المعلومات مش هو اللى صنع الفتنة طبعا

Unknown said...

يا قاسى يا راجون
ههههههههههههههههههه

Karim Fadl said...

منشرتيش تعليقي ليه؟ زعلتي منه؟ مش مشكلة ومش حقولك متزعليش، بس المهم انك ابتديتي تاخدي وتدي مع الناس توضحي وجهة نظر فيها الكثير من المنطق علي الرغم من اختلافي معاها

ما كان من الاول نتكلم كده ليه نخسر بعد عشان نبتدي نتكلم

وعايز بس الفت نظرك لحديث الرسول صلي الله عليه وسلم ومفاده ان من رأي منكم منكرا فليغيره فان لم يستطع فبلسانه فان لم يستطع فبقلبه وهذا اضعف الايمان

يبقى مينفعش نيجي نكسر فبعض حتى لو عالم افتراضي يعني يا يا ستي ولنا في كلام رسول الله اتباع

فيما عدا ذلك اتفق معاكي على الرغم من طولة لسانك

Unknown said...

وانا اعرفك منين عشان ازعل منك؟

هو بانتع في قلبي في ايه من الصبح؟

تلاقيه راح سبام، اصل الواد المجنون بتاع السبام بياخد في سكته تعليقات تانية

اه والله..

واحد وتلاتين تعليق

مين فيكوا بقى الحقيقة ومين الفوتوشوب عشان مبارك نقل لي دماغي بقى بصراحة

خليكوا ناس كويسة كده

او خليك انسان كويس واعترف

انتوا فوتوشوب كلكوا؟

Karim Fadl said...

انا يا ستي راجل حقيقي واسمي كريم فضل ومدير شركة في المهنسين وده صورتي الحقيقية ومقدمتش الضريبة العقارية

تمام كده

عشان خاطر بلدك بلاش التخبيط يمين وشمال وخلينا نسعي وربنا هو اللي بيصرف الامور

Free Soul said...

بالنسبة لشهر بعيد عن النت
انا قعدت شهر تقريبا بعيد عن النت - رمضان اللي فات- مش عشان متابعة المسلسلات - حد الله بيني وبين جنان مسلسلات رمضان
وياما قعدت قبل كده ايام واسابيع بعيد عن االنت
لأن النت بالنسبة لي وسيلة مش غاية في حد ذاتها
وسيلة اني اعرف اللي بيدور حواليه ووسيلة لأني اتعلم من الناس اللي فاهمة وعارفة وعندها علم اكتر مني
ووسيلة عشان اقول رأيي ولو بشكل عبيط على قدي
ووسيلة عشان اتواصل مع ناس فكريا مش ممكن ولا ينفع اني اقابلهم وجها لوجه
ناس عارفة انهم موجودين وانهم مش مستخبيين ورا شخصيات فوتوشوبية افترضاية
ناس بيقولوا اللي هما فعلا حاسين بيه
ليه المدونة خنقتك كده ومقالات الدستور مثلا ماخنقتكيش؟؟
ماهي هي بس دي منشورة عالورق (والنت)
ودي منشورة عالنت بس
الناس الافتراضيين دول اللي جمعهم ايام خالد سعيد ماتقتل كانت النت واللي نزلهم الشارع في مظاهرات حقيقية لفتت نظر العالم للي بيحصل في القضية كانت النت وخلت النائب العام يفتح القضية من تاني
ووقفات ايام الجمع اللي كانت بتصبغ كورنيش اسكندرية واماكن في كورنيش النيل بالاسود كانت من عالنت
واضراب 6 ابريل بدأ من النت
وكل دي مش اوهام دي حقيقة
بيان التغيير شغال عالجبهتين ناس ماقبلتش حد من بتوع التغيير فمضت البيان من على الموقع
وناس ماشفتش النت ولا تعرفه ومضوا البيان عالورق لما شافوا شباب موجودين وبيعرفوهم ايه هي مطالب التغيير
وممكن واحد عرف او اتعلم حاجة من عالنت يعرفها لأهله واصحابه واهلهم اللي مالهمش اصلا علاقة بالنت
وده بيكمل ده
ومتهيألي انتي بالذات بتكلمي ناس حقيقين وبيردوا عليكي مش بتتخيلي وجودهم -يعني اكيد احنا مش فيروس عمال يكتب الكلام ده-
انتي بتأثري فينا فيا وفي ناس كتير اعرفهم بيقرولك بنختلف معاكي ونتفق بس بنتعلم منك في الاخر
سلام يا نوراة

Anonymous said...

http://www.almasryalyoum.com/ar/node/150546

جمال الشاعر و كأنه بيرد على التدوينة بتاعتك يا نوارة !!

هتتباااااااااس يعني هتتباسسسسسسس !

على فكرة انا متفق معاكي في اللي بتقوليه بشكل كبير .. انا بس لفت نظري عنوان المقال قلت اما اجبهولك :D

مش فاهمه said...

نوارة بجد سعيده انك بتحبى الشخصيه اللى بتكتب باسم مش فاهمه اللى هى انا طبعا زى ما انا باكون سعيده اما لادخل المدونه بتاعتك و باقرأ لك فى الدستور اى نعم فيه حاجات بنختلف فيها بس فيه حاجات اكتر بكتير متفقين فيها
انا معاكى ان الفترة الجايه فترة افعال لا اقوال بس احنا الطبقه المتعلمه و المتوسطه اللى خلاص بتفرفر ممكن نعمل ايه غير اننا نزود من درجة الوعى عندنا و نفضفض قبل ما يهزمنا الأكتئاب اللى بنعانى منه كلنا بدرجات متفاوته بس صدقينى لو كان الأستعمار زى زمان بدبابات و عساكر عيونهم زرقا و شعرهم اصفر كنتى حاتلاقى مننا اللى بيموتوا فى المظاهرات و اللى بيتفتح عليهم الكوبرى لكن للأسف الأستعمار بقى اذكى بكتير و بقوا المستعمرين الجدد شبهنا و شعرهم اسود و مابقاش فيه دبابات بقى فيه تعليم انترناشيونال و جامعات فيها تعليم متميز و بقي فيه منتجعات و مدن للمستعمرين الجدد و ماتقدريش تطلعى عليهم لأنهم منك مهما حصل لأ بجد ماينفعش نعمل زى زمان لأن اللى بيتعمل فينا مش زى زمان
عايزنا ندفع التمن ما احنا بندفع التمن كل يوم و كل وقت فى قلقنا المستمر على بلدنا و على مستقبل ولادنا و على الفساد اللى حوالينا و ازاى نقدر نقاومه فرادى و كل واحد بيحاول يزرع فى اللى حواليه قيم و مبادئ كل ماحولك بيهد فيها بعد كده بجد احنا بنعانى اكتر من اللى زمان كانوا بيعانوا على الأقل زمان كان المهتم و اللى عنده درجه من درجات الوعى كان لو نهايته رصاصه كان بيرتاح لكن احنا كل وقت شايفين فساد و نهب و فروقات طبقيه و مستقبل مظلم و مش عارفين نعمل حاجه عارفه ليه علشان اللى زيك يا نوارة بييأسوا بسرعه
انا مش باحملك حاجه بس بجد انتى الأمل الوحيد بالنسبه لى ان صوتى ممكن حد يسمعه لأنك مش مدونه بس انتى صحفيه و صاحبة رأى و لو تفتكرى الحدوته بتاعة زمان بتاعه الطفل اللى ترك الحنفيه تنقط نقطه نقطه و فى النهايه الصخرة اللى تحتها اتخرمت
بلاش يأس يانوراة انتى عملتى حركه وعى فى اللى بيدخلوا عندك و بتكمليها فى الدستور انتى املنا الوحيد لحد ما نلاقى الشخص المحترم اللى الناس تلتف حوله و لحد ما يجى احنا معاكى و مش حانبطل ندخل عندك و لا نقرأ لك و لا نختلف و نتفق معاكى حتى لما بتتزربنى علينا و ايه يعنى هى يعنى جت عليكى
استمرى يا نوارة و صدقينى كلنا بندفع التمن بشكل او باخر من صحتنا و اعصابنا و شيخوختنا المبكره و عيالنا اللى مش عارفين نخليهم يسعدوا و يعيشوا طفولتهم لأ محملينهم باللى فوق طاقتهم من نصايح و قيم كل شويه نأكد عليها و الأحلام و الأمال اللى ماقدرناش نحققها
احنا بنعيش اللحظات اللى كنا بنقرأ عنها فى كتب التاريخ اللى كانت بتبقى فى نهايه عصر كل دوله نلاقى سطرين عن انتشار الفساد و الضرائب و ضعف الدوله الفلانيه ثم سقوطها و ظهور دوله بعدها و عصر بعدها احنا فى اسوأ الفترات ربنا ينجينا منها على خير بس مش وقته خالص نلوم على بعض و نقطع فى بعض بدل ما نلم بعض و نشاور بعض
و سلام يا احلى نوارة

مش فاهمه said...

نوارة بجد سعيده انك بتحبى الشخصيه اللى بتكتب باسم مش فاهمه اللى هى انا طبعا زى ما انا باكون سعيده اما لادخل المدونه بتاعتك و باقرأ لك فى الدستور اى نعم فيه حاجات بنختلف فيها بس فيه حاجات اكتر بكتير متفقين فيها
انا معاكى ان الفترة الجايه فترة افعال لا اقوال بس احنا الطبقه المتعلمه و المتوسطه اللى خلاص بتفرفر ممكن نعمل ايه غير اننا نزود من درجة الوعى عندنا و نفضفض قبل ما يهزمنا الأكتئاب اللى بنعانى منه كلنا بدرجات متفاوته بس صدقينى لو كان الأستعمار زى زمان بدبابات و عساكر عيونهم زرقا و شعرهم اصفر كنتى حاتلاقى مننا اللى بيموتوا فى المظاهرات و اللى بيتفتح عليهم الكوبرى لكن للأسف الأستعمار بقى اذكى بكتير و بقوا المستعمرين الجدد شبهنا و شعرهم اسود و مابقاش فيه دبابات بقى فيه تعليم انترناشيونال و جامعات فيها تعليم متميز و بقي فيه منتجعات و مدن للمستعمرين الجدد و ماتقدريش تطلعى عليهم لأنهم منك مهما حصل لأ بجد ماينفعش نعمل زى زمان لأن اللى بيتعمل فينا مش زى زمان
عايزنا ندفع التمن ما احنا بندفع التمن كل يوم و كل وقت فى قلقنا المستمر على بلدنا و على مستقبل ولادنا و على الفساد اللى حوالينا و ازاى نقدر نقاومه فرادى و كل واحد بيحاول يزرع فى اللى حواليه قيم و مبادئ كل ماحولك بيهد فيها بعد كده بجد احنا بنعانى اكتر من اللى زمان كانوا بيعانوا على الأقل زمان كان المهتم و اللى عنده درجه من درجات الوعى كان لو نهايته رصاصه كان بيرتاح لكن احنا كل وقت شايفين فساد و نهب و فروقات طبقيه و مستقبل مظلم و مش عارفين نعمل حاجه عارفه ليه علشان اللى زيك يا نوارة بييأسوا بسرعه
انا مش باحملك حاجه بس بجد انتى الأمل الوحيد بالنسبه لى ان صوتى ممكن حد يسمعه لأنك مش مدونه بس انتى صحفيه و صاحبة رأى و لو تفتكرى الحدوته بتاعة زمان بتاعه الطفل اللى ترك الحنفيه تنقط نقطه نقطه و فى النهايه الصخرة اللى تحتها اتخرمت
بلاش يأس يانوراة انتى عملتى حركه وعى فى اللى بيدخلوا عندك و بتكمليها فى الدستور انتى املنا الوحيد لحد ما نلاقى الشخص المحترم اللى الناس تلتف حوله و لحد ما يجى احنا معاكى و مش حانبطل ندخل عندك و لا نقرأ لك و لا نختلف و نتفق معاكى حتى لما بتتزربنى علينا و ايه يعنى هى يعنى جت عليكى
استمرى يا نوارة و صدقينى كلنا بندفع التمن بشكل او باخر من صحتنا و اعصابنا و شيخوختنا المبكره و عيالنا اللى مش عارفين نخليهم يسعدوا و يعيشوا طفولتهم لأ محملينهم باللى فوق طاقتهم من نصايح و قيم كل شويه نأكد عليها و الأحلام و الأمال اللى ماقدرناش نحققها
احنا بنعيش اللحظات اللى كنا بنقرأ عنها فى كتب التاريخ اللى كانت بتبقى فى نهايه عصر كل دوله نلاقى سطرين عن انتشار الفساد و الضرائب و ضعف الدوله الفلانيه ثم سقوطها و ظهور دوله بعدها و عصر بعدها احنا فى اسوأ الفترات ربنا ينجينا منها على خير بس مش وقته خالص نلوم على بعض و نقطع فى بعض بدل ما نلم بعض و نشاور بعض
و سلام يا احلى نوارة

مش فاهمه said...

نوارة بجد سعيده انك بتحبى الشخصيه اللى بتكتب باسم مش فاهمه اللى هى انا طبعا زى ما انا باكون سعيده اما لادخل المدونه بتاعتك و باقرأ لك فى الدستور اى نعم فيه حاجات بنختلف فيها بس فيه حاجات اكتر بكتير متفقين فيها
انا معاكى ان الفترة الجايه فترة افعال لا اقوال بس احنا الطبقه المتعلمه و المتوسطه اللى خلاص بتفرفر ممكن نعمل ايه غير اننا نزود من درجة الوعى عندنا و نفضفض قبل ما يهزمنا الأكتئاب اللى بنعانى منه كلنا بدرجات متفاوته بس صدقينى لو كان الأستعمار زى زمان بدبابات و عساكر عيونهم زرقا و شعرهم اصفر كنتى حاتلاقى مننا اللى بيموتوا فى المظاهرات و اللى بيتفتح عليهم الكوبرى لكن للأسف الأستعمار بقى اذكى بكتير و بقوا المستعمرين الجدد شبهنا و شعرهم اسود و مابقاش فيه دبابات بقى فيه تعليم انترناشيونال و جامعات فيها تعليم متميز و بقي فيه منتجعات و مدن للمستعمرين الجدد و ماتقدريش تطلعى عليهم لأنهم منك مهما حصل لأ بجد ماينفعش نعمل زى زمان لأن اللى بيتعمل فينا مش زى زمان
عايزنا ندفع التمن ما احنا بندفع التمن كل يوم و كل وقت فى قلقنا المستمر على بلدنا و على مستقبل ولادنا و على الفساد اللى حوالينا و ازاى نقدر نقاومه فرادى و كل واحد بيحاول يزرع فى اللى حواليه قيم و مبادئ كل ماحولك بيهد فيها بعد كده بجد احنا بنعانى اكتر من اللى زمان كانوا بيعانوا على الأقل زمان كان المهتم و اللى عنده درجه من درجات الوعى كان لو نهايته رصاصه كان بيرتاح لكن احنا كل وقت شايفين فساد و نهب و فروقات طبقيه و مستقبل مظلم و مش عارفين نعمل حاجه عارفه ليه علشان اللى زيك يا نوارة بييأسوا بسرعه
انا مش باحملك حاجه بس بجد انتى الأمل الوحيد بالنسبه لى ان صوتى ممكن حد يسمعه لأنك مش مدونه بس انتى صحفيه و صاحبة رأى و لو تفتكرى الحدوته بتاعة زمان بتاعه الطفل اللى ترك الحنفيه تنقط نقطه نقطه و فى النهايه الصخرة اللى تحتها اتخرمت
بلاش يأس يانوراة انتى عملتى حركه وعى فى اللى بيدخلوا عندك و بتكمليها فى الدستور انتى املنا الوحيد لحد ما نلاقى الشخص المحترم اللى الناس تلتف حوله و لحد ما يجى احنا معاكى و مش حانبطل ندخل عندك و لا نقرأ لك و لا نختلف و نتفق معاكى حتى لما بتتزربنى علينا و ايه يعنى هى يعنى جت عليكى
استمرى يا نوارة و صدقينى كلنا بندفع التمن بشكل او باخر من صحتنا و اعصابنا و شيخوختنا المبكره و عيالنا اللى مش عارفين نخليهم يسعدوا و يعيشوا طفولتهم لأ محملينهم باللى فوق طاقتهم من نصايح و قيم كل شويه نأكد عليها و الأحلام و الأمال اللى ماقدرناش نحققها
احنا بنعيش اللحظات اللى كنا بنقرأ عنها فى كتب التاريخ اللى كانت بتبقى فى نهايه عصر كل دوله نلاقى سطرين عن انتشار الفساد و الضرائب و ضعف الدوله الفلانيه ثم سقوطها و ظهور دوله بعدها و عصر بعدها احنا فى اسوأ الفترات ربنا ينجينا منها على خير بس مش وقته خالص نلوم على بعض و نقطع فى بعض بدل ما نلم بعض و نشاور بعض
و سلام يا احلى نوارة

مش فاهمه said...

نوارة بجد سعيده انك بتحبى الشخصيه اللى بتكتب باسم مش فاهمه اللى هى انا طبعا زى ما انا باكون سعيده اما لادخل المدونه بتاعتك و باقرأ لك فى الدستور اى نعم فيه حاجات بنختلف فيها بس فيه حاجات اكتر بكتير متفقين فيها
انا معاكى ان الفترة الجايه فترة افعال لا اقوال بس احنا الطبقه المتعلمه و المتوسطه اللى خلاص بتفرفر ممكن نعمل ايه غير اننا نزود من درجة الوعى عندنا و نفضفض قبل ما يهزمنا الأكتئاب اللى بنعانى منه كلنا بدرجات متفاوته بس صدقينى لو كان الأستعمار زى زمان بدبابات و عساكر عيونهم زرقا و شعرهم اصفر كنتى حاتلاقى مننا اللى بيموتوا فى المظاهرات و اللى بيتفتح عليهم الكوبرى لكن للأسف الأستعمار بقى اذكى بكتير و بقوا المستعمرين الجدد شبهنا و شعرهم اسود و مابقاش فيه دبابات بقى فيه تعليم انترناشيونال و جامعات فيها تعليم متميز و بقي فيه منتجعات و مدن للمستعمرين الجدد و ماتقدريش تطلعى عليهم لأنهم منك مهما حصل لأ بجد ماينفعش نعمل زى زمان لأن اللى بيتعمل فينا مش زى زمان
عايزنا ندفع التمن ما احنا بندفع التمن كل يوم و كل وقت فى قلقنا المستمر على بلدنا و على مستقبل ولادنا و على الفساد اللى حوالينا و ازاى نقدر نقاومه فرادى و كل واحد بيحاول يزرع فى اللى حواليه قيم و مبادئ كل ماحولك بيهد فيها بعد كده بجد احنا بنعانى اكتر من اللى زمان كانوا بيعانوا على الأقل زمان كان المهتم و اللى عنده درجه من درجات الوعى كان لو نهايته رصاصه كان بيرتاح لكن احنا كل وقت شايفين فساد و نهب و فروقات طبقيه و مستقبل مظلم و مش عارفين نعمل حاجه عارفه ليه علشان اللى زيك يا نوارة بييأسوا بسرعه
انا مش باحملك حاجه بس بجد انتى الأمل الوحيد بالنسبه لى ان صوتى ممكن حد يسمعه لأنك مش مدونه بس انتى صحفيه و صاحبة رأى و لو تفتكرى الحدوته بتاعة زمان بتاعه الطفل اللى ترك الحنفيه تنقط نقطه نقطه و فى النهايه الصخرة اللى تحتها اتخرمت
بلاش يأس يانوراة انتى عملتى حركه وعى فى اللى بيدخلوا عندك و بتكمليها فى الدستور انتى املنا الوحيد لحد ما نلاقى الشخص المحترم اللى الناس تلتف حوله و لحد ما يجى احنا معاكى و مش حانبطل ندخل عندك و لا نقرأ لك و لا نختلف و نتفق معاكى حتى لما بتتزربنى علينا و ايه يعنى هى يعنى جت عليكى
استمرى يا نوارة و صدقينى كلنا بندفع التمن بشكل او باخر من صحتنا و اعصابنا و شيخوختنا المبكره و عيالنا اللى مش عارفين نخليهم يسعدوا و يعيشوا طفولتهم لأ محملينهم باللى فوق طاقتهم من نصايح و قيم كل شويه نأكد عليها و الأحلام و الأمال اللى ماقدرناش نحققها
احنا بنعيش اللحظات اللى كنا بنقرأ عنها فى كتب التاريخ اللى كانت بتبقى فى نهايه عصر كل دوله نلاقى سطرين عن انتشار الفساد و الضرائب و ضعف الدوله الفلانيه ثم سقوطها و ظهور دوله بعدها و عصر بعدها احنا فى اسوأ الفترات ربنا ينجينا منها على خير بس مش وقته خالص نلوم على بعض و نقطع فى بعض بدل ما نلم بعض و نشاور بعض
و سلام يا احلى نوارة

مش فاهمه said...

نوارة بجد سعيده انك بتحبى الشخصيه اللى بتكتب باسم مش فاهمه اللى هى انا طبعا زى ما انا باكون سعيده اما لادخل المدونه بتاعتك و باقرأ لك فى الدستور اى نعم فيه حاجات بنختلف فيها بس فيه حاجات اكتر بكتير متفقين فيها
انا معاكى ان الفترة الجايه فترة افعال لا اقوال بس احنا الطبقه المتعلمه و المتوسطه اللى خلاص بتفرفر ممكن نعمل ايه غير اننا نزود من درجة الوعى عندنا و نفضفض قبل ما يهزمنا الأكتئاب اللى بنعانى منه كلنا بدرجات متفاوته بس صدقينى لو كان الأستعمار زى زمان بدبابات و عساكر عيونهم زرقا و شعرهم اصفر كنتى حاتلاقى مننا اللى بيموتوا فى المظاهرات و اللى بيتفتح عليهم الكوبرى لكن للأسف الأستعمار بقى اذكى بكتير و بقوا المستعمرين الجدد شبهنا و شعرهم اسود و مابقاش فيه دبابات بقى فيه تعليم انترناشيونال و جامعات فيها تعليم متميز و بقي فيه منتجعات و مدن للمستعمرين الجدد و ماتقدريش تطلعى عليهم لأنهم منك مهما حصل لأ بجد ماينفعش نعمل زى زمان لأن اللى بيتعمل فينا مش زى زمان
عايزنا ندفع التمن ما احنا بندفع التمن كل يوم و كل وقت فى قلقنا المستمر على بلدنا و على مستقبل ولادنا و على الفساد اللى حوالينا و ازاى نقدر نقاومه فرادى و كل واحد بيحاول يزرع فى اللى حواليه قيم و مبادئ كل ماحولك بيهد فيها بعد كده بجد احنا بنعانى اكتر من اللى زمان كانوا بيعانوا على الأقل زمان كان المهتم و اللى عنده درجه من درجات الوعى كان لو نهايته رصاصه كان بيرتاح لكن احنا كل وقت شايفين فساد و نهب و فروقات طبقيه و مستقبل مظلم و مش عارفين نعمل حاجه عارفه ليه علشان اللى زيك يا نوارة بييأسوا بسرعه
انا مش باحملك حاجه بس بجد انتى الأمل الوحيد بالنسبه لى ان صوتى ممكن حد يسمعه لأنك مش مدونه بس انتى صحفيه و صاحبة رأى و لو تفتكرى الحدوته بتاعة زمان بتاعه الطفل اللى ترك الحنفيه تنقط نقطه نقطه و فى النهايه الصخرة اللى تحتها اتخرمت
بلاش يأس يانوراة انتى عملتى حركه وعى فى اللى بيدخلوا عندك و بتكمليها فى الدستور انتى املنا الوحيد لحد ما نلاقى الشخص المحترم اللى الناس تلتف حوله و لحد ما يجى احنا معاكى و مش حانبطل ندخل عندك و لا نقرأ لك و لا نختلف و نتفق معاكى حتى لما بتتزربنى علينا و ايه يعنى هى يعنى جت عليكى
استمرى يا نوارة و صدقينى كلنا بندفع التمن بشكل او باخر من صحتنا و اعصابنا و شيخوختنا المبكره و عيالنا اللى مش عارفين نخليهم يسعدوا و يعيشوا طفولتهم لأ محملينهم باللى فوق طاقتهم من نصايح و قيم كل شويه نأكد عليها و الأحلام و الأمال اللى ماقدرناش نحققها
احنا بنعيش اللحظات اللى كنا بنقرأ عنها فى كتب التاريخ اللى كانت بتبقى فى نهايه عصر كل دوله نلاقى سطرين عن انتشار الفساد و الضرائب و ضعف الدوله الفلانيه ثم سقوطها و ظهور دوله بعدها و عصر بعدها احنا فى اسوأ الفترات ربنا ينجينا منها على خير بس مش وقته خالص نلوم على بعض و نقطع فى بعض بدل ما نلم بعض و نشاور بعض
و سلام يا احلى نوارة

Mahmoud said...

توارة لو سمحتي سؤال..
هو قغلا جاك نيكلسون بيعمل اللي انتي قلتي عليه ده؟
يعني بأة مش طبيعي كده والا انتي بتبالغي؟

واحد said...

http://www.shorouknews.com/Columns/column.aspx?id=302340


قوة المدونين

عبد الله السلفى said...

اكيد الخطر ده من زمان من ايام ما سبنا عزتنا بدينا وجرينا وراء الشيوعية والخمينى والتصوف على حساب المنهج السليم