Tuesday, 14 September 2010

حملة الاكتفاء الذاتي من القمح: يا قمحنا ارجع لنا



للانضمام الى مجموعة الفيس بوك اضغط هنا وده بانر جديد



بما اننا نقدر نحقق الاكتفاء الذاتي من القمح باعتراف رئيس مركز البحوث الزراعية
وبما اننا اتخرب بيتنا في القمح وبكرة نشحت ونجوع
وبما ان الاكتفاء الذاتي من القمح له الاولوية عند اي مواطن مصري
وبما ان فيه ناس كتير وعلماء مستعدين لخدمة البلد
وبما ان فعلا انا ضامنة الرأي العام برقبتي وانهم مستعدين يتبرعوا للمشروع ده
انا مع سكينة فؤاد في حملتها لتحقيق الاكتفاء الذاتي من القمح
ايه؟ فيه ايه؟ مش عايزين تحققوه ليه؟
اللي عايز ينضم للحملة احنا محتاجين في المرحلة الاولى للآتي
تدوينات عن المطالبة للاكتفاء الذاتي للقمح لاننا نقدر نحققه
بانرات للحملة
ان شاء الله حنجمع توقيعات على البلاغ االمقدم للنائب العام
المشاركون في الحملة:
مواطن مصري
انا وهؤلاء
مدونة مصري
self

7 comments:

سواح في ملك الله- said...

جزاكي الله خيرا يابنت مصر الحقيقيه

عبقرينو said...

متضامن وبكل شدة ولكن
انا عندى ارض فى سيوة لما فكرت ازرع قمح اعمل اكتفاء ذاتى لاهالى الواحة بس لاقيت التقاوى تمنها 800 جنيه للفدان بالاضافة لمصاريف الزراعة وبعد ما يطلع انتاج الحكومة هاتشترى منى القمح ب 900 جنيه يعنى هابقى كسبان 100 جنيه بس فى الفدان
لما فكرت اتعامل انا مع نفسى المعدات مش متوفرة ماكينات الحصاد وفصل القشرة عن الثمرة والمطحن كل ده مصاريف تشغيل مش هاقدر عليها
من الاخر الحكومة لازم تشجع زراعته وتشتريه من الفلاحين باسعار اعلى من الاسعار العالمية بكتير علشان تشجعنا على زراعته

utopia said...

بجد يا نوارة مش عارف اقول لك ايه
ربنا يبارك ليك
جبتى التايهة فعلا ....هى دى الحملة الصح.....
ربنا يبعد عننا الملل واليأس لغاية ما نوصل لهدفنا

قهوة كتكوت said...

بجد هو ده الموضوع اللى يستاهل حملة
بس يارب مايبقاش اخرته صورة منسية على البانر

Zeinab said...

هشارك يا نوارة، بس له محتاجة اكتب بوست

havetime said...

ياريت والله الحملة ديه تستمر وتطلع بتيجة ايجابية وماتبقاش مجرد حماس وقتى وربنا يبعد عنها المحبطين والساخرين من اى شئ

الخوجة said...

حملة الاكتفاء الذاتي من القمح: يا قمحنا ارجع لنا - wheat self-sufficiency Campaign