Thursday, 23 September 2010

انا ما اعرفش واحدة اسمها سها يا مصححي الدستور

فيه شخص ما في التصحيح في الدستور بيكرهني، اه والله، بيتعمد يكتب لي حاجات في المقال عشان يضحك عليا الناس
مين سها؟ سها مين؟
انا كاتبة: سهي عليهم.. يقوم يعملها لي سها عليهم؟
هي سها يسهو، بس دي للفاعل: سها محمد
لكن: سهي على محمد
وقبل كده كتبت: شروى نقير، عملوها لي: شرا ونقيرا
مين شرا ونقيرا دي ؟

وكتبت سعد نبيهة، عملوها لي: سعدنا بيهه
وحاجات كتير بالشكل ده، ده مرة كتبت ايعاز عملوها لي ايعاذ، ومرة كتبت النزر اليسير عملوها لي النذر اليسير، نذر ليه؟ ربنا ما يجيب نذر، نزر يعني نصيب، نذر يعني انذارات، حكمة بالغة فما تغني النذر، بس انا بطلت اكتب النزر اليسير دي خالص لان كل الناس بتكتبها النذر اليسير، كل الناس، كل الناس كل الناس، المصححين في كل حتة في الدنيا بيكتبوها النذر
كرامتي وجعتني قوي، لان اكيد القراء حيقولوا: البت الحمارة دي ما اخدتش الابتدائية؟
بس دي مقالب، لان مصححين الدستور كويسين، طب ليه المقالب دي؟ لو متضايق مني يقول لي شايل مني في ايه؟

8 comments:

mezology said...

هو مصححين الدستور سريين؟؟
يعنى ماتقدريش تعرفى مين اللى مستقصدك كده؟
:D

إنسان افتراضي said...

@mezology

هي عارفة اسم المصحح
وأنا عارف الاسم

بس مافيش داعي للأسماء

أنا من كام يوم قلت لنوارة على تويتر أن "فلان" المصحح بتاع الدستور مستأصدها بالذات

لأني بصيت في مقال زميل بيكتب معاها في نفس الصفحة لقيت فيه 4 غلطات: 3 في الإملا + غلطة فاحشة في النحو

مش عارف هي أخدت بالها من التويتة دي ولا لأ

بس يبدو كده أنها بتأيدني في نظرية المؤامرة
:D :D

وكله كله كوم.. وسعدنا بيهة كوم تاني

ده أنا شميت شياط أعصاب نوارة بعد "التصحيحة" دي من 700 كيلو


يا عيني عليكي يا نوارة

يا مضطهدة يا نوارة

يا مستهدفة يا نوارة


وكما قال الشاعر:ـ

ولعها ولعها

:D

:D

مواطن مصري said...

شفتي الفضيحة شفتي الفضيحة

انا دورت و دعبست على النت لقيت

المشروع القانون الديموقراطي الي عاوزة

امريكا تفرضة ب القوة على مصر

مشروع قانون الديموقراطي الأمريكي الذي تريدأن تفرضة على الحزب الوطني

http://www.scribd.com/doc/34727229/U-S-Senate-S-RES-586-via-MyGov365-com

http://www.govtrack.us/congress/billtext.xpd?bill=sr111-586

مواطن مصري said...

شفتي الفضيحة شفتي الفضيحة

انا دورت و دعبست على النت لقيت

المشروع القانون الديموقراطي الي عاوزة

امريكا تفرضة ب القوة على مصر

يعني احنا طراطير مش عارفين نعمل حاجة


مشروع قانون الديموقراطي الأمريكي الذي تريدأن تفرضة على الحزب الوطني

http://www.scribd.com/doc/34727229/U-S-Senate-S-RES-586-via-MyGov365-com

http://www.govtrack.us/congress/billtext.xpd?bill=sr111-586

مواطن مصري said...

امريكا جاية تفرض الوصاية علينااااا

زي ما فرنسا و انكلترا فرضوو الوصايا

مواطن مصري said...

امريكا جاية تفرض الوصاية علينااااا

زي ما فرنسا و انكلترا فرضوو الوصايا

dr.lecter said...

مقالتك النهارده كانت لظيظه

عبد الله السلفى said...

اخطاء عادية بتكرر يوميا