Wednesday, 8 September 2010

مين اللي قتل صافي سليم؟

ايه ده؟ الظابط؟ والله ابراهيم عيسى قال لي من فترة تفتكري مين اللي قتلها قلت له الظابط راح ضاحك عليا
بس ما يتهيأليش، يمكن الصحفية
ابراهيم عيسى بيقول يمكن ابوها
وزنوبيا بتقول الوزير السابق السكران اللي ظهر في اول الاحداث لانه طول الاحداث ما ظهرش لحد دلوقت وماحدش جاب سيرته
ومعتز بيقول حتطلع عايشة في الاخر
وماما بتقول صاحبتها اللي هي كارولين
وانا قلت لهم دلوقت على التويتر يمكن يكونوا كلهم اتفقوا مع بعض عشان يقتلوها، يعني نديم كمال والظابط وصاحبتها والصحفية ورئيس التحرير كلهم كلهم اتفقوا مع بعض وخططوا لقتلها
هههههههههههههههههه ودي تخاريف صيام طبعا، احنا اخر الشهر ورمضان فحتنا
بس والله تخمين زنوبيا معقول
حنشوف
النكتة لو طلعت انتحرت هههههههههه
عموما لازم تقولوا لي المواعيد الجديدة ليلة العيد اللي هي الحلقة الاخيرة، ليلة العيد المواعيد بتتلخبط فلازم تقولوا لي الحلقة الاخيرة مواعيدها امتى يوم تلاتين
مش انا شفت حلقة من حلقات نادية الجنسي... ايه العظمة دي؟ دي تفوقت على نفسها بصراحة، وانضربت.. اه والله انضربت بالشلاليت، والحمد لله لحقت اشوف الحلقة اللي هي بتنضرب فيها، اكيد فاتني ضرب كتير، بس للاسف ما قالتش لاعااااا بس اكيد حتقول لاعاااا في اخر حلقة

6 comments:

سواح في ملك الله- said...

متهيالي بلال فضل هيسيب النهايه مفتوحه وعلي ماعتقد هو عايز يقول انه فيه ناس كتير فاسدين ليسوا فوق مستوي شبهه القتل اللي عايز اعرفه بقي ليه الاخ وحيد حامد مجبش مشهد نهايه حسن البنا لان الاستاذ الكبير اكتشف ان مشهد نهايه حسن البنا هو اللي هيرفع شعبيه الاخوان

FlashPack said...

The quiz on the right is not correct
i got the same result whatever my answers are

مش فاهمه said...

شوفتى الجماحة خلصت على ايه تخيلى بيقولوا ان وحيد حامض انهى الحلقات من غير ما يجيب سيرة مقتلحسنالبنا احسن الناس تتعاطف معاه قبل الأنتخابات ولا حاجه قوم اللى دفعوا له قالوا له كفاية كده تخيلى

جبهة التهييس الشعبية said...

صح معاك حق
الكويز غلط حاشيله

!!!...Just A girL said...

اختى بتقول ان اللى قتلها ابوها لانه كان سكران جامد يوميها الفجر و هو كان عايز امينة بنته ترجعله فكان فاكر انو لما يقتل صافى امينة هترجعله تحت تاثير الخمرة بقى

Bell said...

ابوههها... اخيرا
انا قلت با ابوها با مديره اعمالها

بس خالد الصاوي كان عبقري في المسلسل