Tuesday 28 September 2010

طل ملوحي ماتت ولا عايشة؟

 تحديث:
بالنسبة لبحر الظلمات الميل بتاع سفارة سوريا في مصر عمل فيلير
انا جبت موقع وزارة الداخلية وبعت شكوى في حتة ارسال الشكاوى لو سمحتوا ابعتوا الالتماس هنا
حادور على وزارة الخارجية واجيب لكم اللنك
لا مافيش وزارة خارجية، مافيش، ده ميل الاذاعة والتلفزيون السوري
--------
النظام السوري ملزوم يظهر طل زي ما كاميليا ظهرت في الفيديو كده، ويبقوا يقولوا بقى حسنة ولا مش حسنة، المهم هو مش حر فيها، على الاقل لو ماتت نعرف لها جتة، ولا حتى امها تعمل عزاها
مش معقولة بحر الظلمات ده
يعني ايه امها مش عارفة هي فين، وخلف ده يقول "الفرس الصغير مات" والعملية في النملية، ايه ده؟ هم عايشين في المغارة؟ 
لو ماتت يتعلموا من نظامنا ويضربوا شهادة طبية ويقولوا جالها الزايدة الدودية، بس امها تعرف مصيرها
ولو عايشة على الاقل يسمحوا لامها تقابلها وتطلع تقول لنا انها قابلت بنتها وانها بخير وعايشة، وامها مش حتقول اكتر من كده لما تشوفها، هي عارفة ان بنتها اسيرة
ده موقع السفارة السوري، عايزاكوا كلكوا تبعتوا ميلات مناشدة وتتصلوا بالارقام الموجودة اننا نعرف مصير طل الملوحي وهل هي عايشة ولا ميتة، ولو عايشة امها تزورها، مرة واحدة بس، تشوف بنتها مرة واحدة بس وتتأكد انها على قيد الحياة ومش حناخد كلام غير من امها
مش حناخد كلام غير من امها لان الكل دلوقت بياكل عيش على قفا البنية وبيسترزقوا من وراها
ولما بس نطمن على البنت ونعرف مصيرها يبقى لنا كلام تاني
عشان طل الملوحي مش الوحيدة اللي في سجون سوريا، وطل الملوحي مش المدونة الوحيدة اللي اتقبض عليها في سوريا، ونظام سوريا مش فجأة سنة 2010 وبعد مفاوضات واشنطن بقى ديكتاتور، طول عمره كده
بس نطمن على البنت الاول
انا حابعت الميل اهو، ومن بكرة الصبح كلنا نتصل بسفارة سوريا على التليفونات
ارجوكم، مافيش حاجة تخوف في الموضوع ده، دي حتى سوريا يعني، ما هياش امريكا ولا اسرائيل، مافيش مدعاة للخوف، السوريين بس هم اللي لهم حق يخافوا، لكن اي مواطن عربي ما يخافش، اعتبرها بنتك، اختك، زميلتك، دي بنت كويسة، ونشطاء في مصر كتير يعرفوها، وما عملتش حاجة، ولو عملت حاجة، يا سيدي افرض انها اتجسست لاسرائيل، دي عيلة عندها تسعتاشر سنة، امها تعرف بس هي من اهل الدنيا ولا من اهل الآخرة
اه.. حاجة كمان، اللي عايزين طل تطلع فعلا باخلاص هم اللي يبعتوا، بمعنى ان الرسالة يبقى هدفها اننا نعرف مصير طل، مش واحد بيسجل مواقف على قفا البنت وما يهموش انشالله تولع بجاز وسخ، المهم هو يعمل بطل
مناشدة اننا نعرف مصير طل وبس، البنت في ايد ناس الله اعلم حيعملوا فيها ايه
تصحيح:
رقم التليفون اللي موجود في اللنك غلط، ارقام التليفونات اهي
0237495210
0237495214
ومواعيد العمل من تمانية صباحا لاتنين ظهرا
وملحوظة تانية وتاني:
انا مش حاقف وقفات احتجاجية قدام السفارة السوري لاني صدقا عايزة البنت نعرف مصيرها وعايزاها تخرج، مش عايزاها تولع بجاز وسخ عشان ازايد انا واخوفهم اكتر واخليهم يخفوها اكتر واكتر ويمكن يلبسوها مصيبة كمان

14 comments:

Anonymous said...

و هو نظام الكلب ابن الكلب ليه مش عايز أمها تشوفها أصلاً ؟ تفتكري إنه بيتقل عشان مستني محايلتك ؟
البنت أكيد, لو عايشة, في حالة صحية سيئة جداً بسبب تعذيب نظام الحيوان, و في الحالة دي برضه مش هيخلوا أي إنسان -مش كلب- يشوفها غير لما تتعالج
ده لو مكانوش قتلوها فعلاً

Unknown said...

لا مستنيين مظاهراتكم

mohamad said...

http://www.shorouknews.com/ContentData.aspx?ID=304016

Anonymous said...

مظاهرة مين ؟ انتي فاكرة نفسك بتكلمي مين ؟
ولا أهه كله أي كلام أصلاً و سد فراغ الصمت اللي مش موجود
لو تحبي تمسحي التعليق اللي فات و ده امسحيهم, و لو مش عايزة مش هتفرق معايا

محمد نور الدين said...

من فوق مدرجات جامعة دمشق استنكر أحد الأساتذة ،وهو ابن الطائفة، موقف العالم من مجزرة حماة فقال بالحرف " شو خصو العالم حماة بلدنا وأحنا أحرار فيها بدنا سويها أتوستراد " والله العظيم بالحرف يانوارة
هذا كلام أستاذ جامعة يا نوارة و ليس ضابط مخابرات

محمد نور الدين said...

من فوق مدرجات جامعة دمشق استنكر أحد الأساتذة ،وهو ابن الطائفة، موقف العالم من مجزرة حماة فقال بالحرف " شو خصو العالم حماة بلدنا وأحنا أحرار فيها بدنا سويها أتوستراد " والله العظيم بالحرف يانوارة
هذا كلام أستاذ جامعة يا نوارة و ليس ضابط مخابرات

Unknown said...

انا معاكى فى كل كلمة
بس مش عارف ليه شامم ريحة امريكان فى موضوع طل ده
وخصوصا خبر موتها !!
لما صاحب التصريح ده عارف من شهر ما اتكلمش ليه الا دلوقت؟؟
وايه حكاية رفع قضية على النظام السورى؟
الله اعلم بس يمكن التصريح ده علشان الامن السورى يضطر يظهرها...الله اعلم

Anonymous said...

"لا حول ولا قوة إلا بالله
يقتلوها لية هي قاتلة حد ..ايه الغب دا
..هو لازم الوطني الشريف يجي على ضهر دبابه امريكية عشان ياخذ حريتة.

wahat_alshohada said...

راسلوا السفارات السورية في بلادكم. طالبوهم بالافراج عن طل

http://freetalnow.blogspot.com/2010/09/blog-post_21.html

Unknown said...

سوريا دولة محكومة بنظام بوليسى

عبد الله السلفى said...

النظام السورى قمعى فاشى بعثى متشدد ضد اى اتجاه سياسى او دينى

Anonymous said...

بما ان الكل يتكلم نتكلم عن البعثيين الفاشيين حزب نشاء في دمشق,من قبل مفكرين ومدرسين جامعيين وطلاب ,يجعهم نخب الوطن سنة وشيعة ومسيحيين وووو,يوصف حزب البعث على أنه مزيج من الاشتراكية، والقومية العربية
ويرفع الحزب شعار ورسالة" أمة عربية واحدة ذات رسالة خالدة" أما أهدافه فهي "وحدة، حرية، اشتراكية". وترمز "الوحدة" الى اتحاد الاقطار العربية، و"الحرية" من القيود الاوروبية وتحرر الاقطار العربية منها. الحزب عانى من ثلاث مشاكل هزت كيانه ومصداقيته ، الاولى عدم وجود منهج وبرنامج عمل علمي واضح المعالم يمكن تنفيذ افكاره على الارض فبقي اسير اهدافه التي بقيت شعارات لم تجد من ينفذها والثانية ، تسلط اشخاص غير مؤمنين بفكر الحزب على قياداته التنظيمية والرسمية بعد توليه السلطة لاكثر من مرة وفي اكثر من دولة عربية .
صدام حسين قام بتطهير ووضع اسس جديده على حزب البعث الذي كان يتبنى فصل الدين عن الدولة
,ليجعل منة حزب بعثي جديد,وتغير الاخذ بنظام الحزب الواحد,البعض منها لم يطبق على ارض الواقع ..كما ان الحزب لا دخل له في من يضع قانون شخصي له على أنه لا يجوز لأي شخص أن يترشح لرئاسة من خارج الحزب .

Anonymous said...

لا ينكر عاقل ان الحزب بقي اسير شعارات لم يحقق منها شي, وضع ديموقراطي حقيقي يحترم حقوق الإنسان
دولة المؤسسات وسيادة القانون
.

Anonymous said...

موقف وممنوع في العراق على راس السلطة في سوريا.