Thursday, 16 September 2010

انا مش ضيفة يا بشوي، ومش حاشتري غير من المسيحيين يا جبهة العملاء

تحديث:
رد سليم العوا، انا لسه باتفرج، لسه في الجزء التاني، بس مهم تشوفوه
الا صحيح ايه موضوع الاستشهاد ده اللي كل شوية بشوي يقولها دي، مافيش حد يحاكمه على الكلام ده؟ او يعالجه؟










لو اي حاجة حصلت لبلدي انا حاقتلكوا كلكوا.. حاقتلكوا كلكوا
------------
واطالب برفع قضية حجر على كل من جبهة معاتيه الازهر والمدعو بشوي اللي كل ما يفتح بقه يطلع هذيان رسمي، وقبل كده كتبت بوست طالب فيه بانكم تخيطوا له بقه، لكن بما انه ماحدش خيط له بقه، يبقى يتحط في مصحة للامراض العقلية، شاتم المسلمين والبروتستانت والكاتوليك وعامل زي اللي قالع عريان وواقف على الناصية يحدف الناس بالطوب
مين دول اللي ضيوف يا كتكوت؟ هو فيه بلد فيها خمسة وسبعية مليون ضيف وتسعة مليون صاحب بيت؟ ثم ايه التقسيمة دي؟ من امتى صاحب البيت والضيف بيتعرف بدينه؟ يعني المسيحي صاحب بيت لما يسلم بقى ضيف على طول توماتيكي توماتيكي؟ طب والمسلم اللي يتنصر؟ بقى صاحب بيت؟ والنبي انت اللي ضيف على دنيا العاقلين، انت مكانك اساسا مش هنا، مكانك هناك، مع عنتر ونابليون ونيرون وانا الاكسسسسسسسسسسس تووووووت، ومتهم البروتسانت بالعمالة، والكاتوليك بالشرك والوثنية، مافيش طبيب امراض نفسية وعصبية يشخص لنا حالته دي؟ انا مش عايزاه خلف لشنودة ده الا اذا كنتوا حتحولوا الكنيسة لمصحة امراض عقلية وساعتها يبقى التعامل معاها مختلف، يعني يتم الكشف على المسيحيين المصريين، واللي سليم عقليا ما يخضعش لتحكم الكنيسة فيه، ونكشف على المسلمين والمجنون اللي فيهم زي جبهة معاتيه الازهر كده يتم ايداعه في الكنيسة ويقعدوا مع بعض هم وبشوي يغنوا: انت يا حضرة نابليون؟ وي ميسيو وانا كمان نابليون انشانتيه
وانا بداية من النهاردة، مش حاشتري خيط في ابرة الا من محل مسيحي، حامشي ادور على المحلات اللي معلقة صلبان او صور العدرا واشتري منهم يا جبهة معاتيه الازهر ياللي بتقولوا لنا قاطعوا المسيحيين
ولو كنا في بلد محترمة، لو كنا في بلد اساسا مش طابونة، كانت الاشكال اللي زي بشوي وجبهة مخاليل الازهر اتقدموا للمحاكمة واخدوا اعدام رميا بالتفافة لحد ما يغرقوا في تفافة الشعب (ده في حال ما اذا ثبت صحة قواهم العقلية، انا باتكلم بجد، فعلا مش سلام في مخهم فيه حاجة، ربنا يعافينا يمكن صرع على الفص اللي تحت شحمة الاذن، بيقولوا النوع ده من الصرع بيتسبب في هلاوس، وهوس ديني) بس احنا نسينا يعني ايه بلد اصلا
فيه حد على التويتر قال لي طب افرضي المسيحيين هم كمان جات لهم اوامر يقاطعوا المسلمين ما يبيعوش لهم
لا، ما تستسلمش، تدخل المحل اللي معلق صور مسيحية وتشتري منه، لو ما رضيش يبيع لك ما تخرجش غير وانت شاري، انشالله تتخانق معاه، انشالله تهدده بانك حتتصل دلوقت حالا بامن الدولة وتبلغ فيه انه بيعمل فتنة طائفية
حتشتري من مسيحي يعني حتشتري من مسيحي، وانا شخصيا مافيش حاجة حاجيبها غير من المسيحيين، اكل شرب دوا هدوم، كله حاشتريه من محلات مسيحية، ومحلات مسيحية معلقة صور مسيحية كمان
مش شوية مجانين مهاويس معاتيه حيجننوا الشعب، ولو الشعب اتجنن يتفلق، انا مش ناوية اضحي بعقلي
لا وكمان مش كفاية الجنان اللي صايبين بيه نفسنا رايحين نطرطش على البشرية بجنانا، تخيل اللبنانيين اللي كان بينهم حرب اهلية بيشتكوا ان السفارة المصري بتعمل لهم فتنة طائفية
لا والله هم ما يقصدوش، هم بيتكلموا بس، وطبعا مدام فتحوا بقهم يبقى اكيد اتكلموا عن عباد الصليب والروافض والمسيحيين اصحاب البلد ودقن كاميليا وعلى رأي واحد على التويتر قال ممكن واحد يخسر صاحبه عشان مزة، لكن نص البلد تخسر النص التاني على واحدة مش مزة اصلا؟
لا وجبهة مخاليل الازهر دي ياما نفخت في النار ما بين السنة والشيعة في العراق
بالصلاة ع النبي.. اتجننا وماشيين نوزع خيراتنا على الناس... بعد ما كنا بنبعت قمح للي حوالينا بقينا بنبعت ذبذبات جنان
نداء بقى الى الاخوة العرب احذرونا.. احنا مش في حالتنا الطبيعية، وبعدين ما تعايروناش، عشان انا شخصيا بازعل، يعني حترمونا؟ راعونا لحد ما ربنا يعفي عنا، ده برضه عيش وملح يعني، استحملونا شوية لحد ما ربنا يقضي امرا كان مفعولا
الموضوع عمال يتطور.. اه والله الجنان بقى خيطير، قفزة كده من الكورة على الدين وباديين بداية مهببة قال في مساعدة النشطاء العرب، انا عارفة اننا حنخرب بيتهم.. انا عارفة والله
يارب من عندك الشفا
انا عمري ما كنت اتخيل اني استهفأ عالم دين ولا رجل دين بالطريقة دي، حد يهزأ نفسه كده؟ وانا سمعت ان د. العوا رد على بشوي، ما شفتش الرد، بس انا شايفة اصلا ان الهلاوس دي ما يتردش عليها غير بقضية حجر عليه وعلى جبهة مهابيش الازعر اللي قاعدين يضفروا شعرهم ويغنوا ويطلعوا بيانات دول

32 comments:

مواطن مصري said...

يا نوارة


و الله لو كنا بس دخلنا القاهرة و محصلش

الخيانة و طردنا الانكليز و المماليك

كننا نظفنا البلد من امثال بيشوي

و شنودة و مشليخ الازهر ب السلفين

و بالمعارضة و الحكومة

انا عاوز امسك البلد أعتقل مشايخ الازهر ب السلفين بشنودة و بيشوي و بالاخوان و المعارضة بالحزب الوطني و ارميهم رمية الكلاب في معتقل واحد


الواحد زهق و بعدين تاريخياً

حكم الصعيد لينا بقى و احنا مش ضيوف

احنا حكام الصعيد لمائة جد

Kontiki said...

:) روقى يا نوارة احنا خلاص مشاكلنا خلصت مش فاضل الا المسلم و المسيحى
http://www.youtube.com/watch?v=c2ToDCxYysc&feature=related
اة يا بلد قرون
اة يا بلد مجانين

Ramy said...

عارفه

أنا لسه بتكلم فى مدونة لبنانية علشان كده

علشان المجانين اللى زى بشوى

يعنى الناس فاكرة ان الموضوع مسيحيين و مسلميين

لالالا

الموضوع اكبر و بقى أقذر

كمان المسيحيين مع بعضو المسلمين مع بعض

يا خوووفى من دة كله

عارفه من كام بوست نشرت فيديو لماجدة الرومى بتتكلم عل فيه لبنان دلوقت من تفكك طائفى مش دينى

و قلت مش عاوزين نوصل نعيط بدل الدموع دم

بعد كدة

ربنا يستر

http://www.youtube.com/watch?v=32Q8E5aN2NM&feature=player_embedded

قهوة كتكوت said...

طيب على الاقل يا ست الكل جبهة علماء الازهر مالهاش سلطة على حد
انما بشوى ليه سلطة على كل مسيحى فى مصر وكله بيقول امين
شوفتيش انا حد مسيحى بيقوله ايه الهبل ده؟؟
شوفتش انا حد قال لنا يتعزل ازاى ده من الكنيسة ويروح مكانه الطبيعى فى العباسية؟؟
بقى احنا ضيوف؟؟
ليه وهما المسيحيين مقطوع نسلهم من اول الفتح العربى لغاية دلوقتى
على فكرة ماتلوميش اللى عامل رد الفعل لومى الفاعل الاصلى
انا مش هاقاطع مسيحيين صحيح
بس بقيت قرفان من ام الكنيسة باللى
حاكمينها....اوعى بقى العمليات الاستشهادية بتاعة بيشوى بن لادن
هههههههههههههههههههه

waleed said...

جبهة علماء الازهر كانت الجهة الدينية الوحيدة في مصر اللي صوتها كان محترم اثناء الحرب على غزة ,وبياناتها في الفترة دي كانت شجاعة ومميزةوهاجمت حسني مبارك بوضوح فياريت حتى لو فيه اختلاف معاها مايحصلش هجوم وتسفيه عليها

utopia said...

http://www.moheet.com/show_files.aspx?fid=413735
رد د العوا على المعتوووه بيشوى بن لادن

سواح في ملك الله- said...

انتي اساسا يااستاذه عايزه تقولي ايه الحكايه متستحقش تعليق بكره يطلع ويقول دي كانت ذله لسان ووحتي لو مقالش هو كان خد حكم علينا يعني لما عمروا ابن العاص دخل مصر سابنا ومشي الحكايه مش مستاهله الموضوع اتفه من اننا نديله اهتمام

محمود المصرى said...

بسم الله الرحمن الرحيم

ماله بس المستشار طارق البشرى؟
وبعدين هو العوا رد عليه فى ايه تحديدا؟
طيب السلفيين وجبهة علماء الازهر بتكرهيهم وعرفنا لكن ايه دخل البشرى فى الموضوع؟
هو طبعا موضوع المقاطعة دا اولا خيالى وثانيا غير مقبول لكن ماينفعش نقول انهم مخاليل , وليهم مواقف مشرفة كتير , لكن سؤال هو الجبهة عملاء لمين؟ السعودية برضه؟ وياترى شنودة وبيشوى وكل طقم الاكليروس هما اللى وطنيين ومخلصين ومش عملاء ومالهومش اجندة خاصة؟

جبهة التهييس الشعبية said...

لا الموضوع يستاهل وبشوي ده لازم يتحاكم او يتحط في مستشفى مجانين على ابسط تقدير

لان دي مش اول مرة يقول الكلام ده

دي تالت مرة يقول كده
اول مرة قلنا زلة لسان، تاني مرة قلنا مجنون، تالت مرة ايه؟ مجنون يحطوه في مصحة

مش كل شوية يطلع يجيب لنا سيرة الاستشهاد

يعني ايه استشهاد يعني؟ مش فاهمة الجملة؟ امن الدولة فين اللي بيقبض على مدونين وعلى عيال صغيرة لعبوا كراتيه في ساحة الجامعة؟

استشهاد ازاي يعني؟

معا سلاح فعلا؟

يتفتش

ولو طلع ما عندوش سلاح ينضرب بالجزمة عشان مجنون

ولو طلع عنده سلاح يتقدم لمحاكمة عسكرية وياخد اعدام

ايه التعريص ده؟

وبعدين باحب مبارك، وجمال شاب مؤدب، واحنا في العصر الذهبي للاقباط

ولما هم في العصر الذهبي للاقباط عاملين دوشة ليه؟

واعتذاره بعد تالت مرة من ذكر الاستشهاد مش مقبول

يتقدم لمحاكمة ويتحقق معاه زيه زي اي مواطن

هو انا المدونة التافهة لما اطلع كل شوية اقول مستعدة للاستشهاد مستعدة للاستشهاد ده معناه ايه؟

ما بال واحد في مكانته الدينية، يعني بيدي اوامر للمسيحيين بالحرب ولا ايه؟

ما قعدنا نقول لكوا مواطنة ومساواة والاسلاميين ما كانش عاجبهم المواطنة ولا المساواة

اشربوا بقى

جبهة التهييس الشعبية said...

مين اللي جاب سيرة طارق البشري؟

انبي تعوض عليا عوض الصابرين يارب

البلد كلها فوتت

جبهة التهييس الشعبية said...

وجبهة عملاء الازهر الله اعلم عملاء لمين

بس هم عملاء.. او مجانين

وبشوي يا عميل يا مجنون برضه

يتحاكموا الناس دي

بس احنا ما عندناش دولة اساسا

khaled said...

الأستاذ اللى أسمه مواطن مصرى أيه دخل مشايخ الأزهر والسلفين والأخوان فى الموضوع واللى هى تلقيح جتت
خلاص بشيوى وشنودة بقت كفتهم قصاد كفة الأزهر والسلفيين والأخوان وكل التيار الأسلامى فى مصر

قهوة كتكوت said...

نهاره ابيض يا نوار
مش عارف بتقاوحى مين
جبهة علماء الازهر دول بيغلطوا اه
انما عملا لمين؟ الدولة مش معترفة بيهم وعليهم قضايا بالحبس

اما بيشوى والكنيسة فاتعرف هما عملا لمين
لما يتقفشلك شحنة سلاح جاية من اسرائيل تبقى عميلة لمين؟؟
السيدة فى ضهرك يا شيخة تقولى الحق
احنا ياما هزقنا المجحوم طنطاوى
ولا بيشوى اغلى منه؟؟

سواح في ملك الله- said...
This comment has been removed by the author.
لورنس العرب said...

ما علاقة الازهر بالمووع ورجاله والسلفيين وغيرهم؟
هل شفتي واحد من هؤلاء قام بحبس احد تحول عن الاسلام؟

لماذا تحاولين ان توازني الامور فتقومي بحشر الازهر في الموضوع؟

من اخطا بالقول فعليه يكون الحديث
ولا داعي على الاطلاق من عمل عملية التوازن في الحديث عن طريق الكلام عن الازهر حتى لا يغضب الاخوه المسيحيين من الحوار

أبو هاجر said...

إلى النجمة بنت النجم ألف تحية من الجزائر .يا نوارة الانتصار اليوم رايح ازعل منك شوي مشكلتك يانوارة أنك تتحدثين عن النتائج وتتركين الأسباب وما تتحدثين عنه اعراض مرض أصاب مصر منذ فترة ليست بالقريبة .مصر مريضة يا نوارة وهي في امس الحاجة لعملية جراحية مستعجلة قبل فوات الأوان لإستئصال ذلك الداء قبل ان يستفحل مع التوريث فيتحول إلى مرض فقدان المناعة عندها لا ينفع معه اي علاج .إن ما يجري الآن تعبير عن أزمة وطنية عميقة، و الحل الحقيقي و الأبدي لايكون إلا حلا وطنيا . هنا تطرح مسألةالسلطةالسياسية أي بناء الدولة الوطنية الديمقراطية التي تضمن الحقوق و تحدد الواجبات من خلال عقد اجتماعي جديد نابع من الإرادة الشعبية . هذاهو الطريق السليم و الأقوم و الصحيح لبناء مصر قوية ومتماسكة

أبوعمر said...

نوارة

أول مرة أشوفك بتصدقى موقع المصريون

أنا قريت الكلام ده امبارح بس كنت شاكك

بس مادمتى صدقتى يبقى أنا أصدق على طول

وعلى ذكر الشراء من مسيحيين أنا كان ليا بوست قديم فى مدونتى المهجورة فيه الكلام ده

http://mayhemesh.blogspot.com/2009_08_01_archive.html

لو مستغنية عن 5 دقايق من وقتك ابقى بصى عليه

سواح في ملك الله- said...

بعد ان رايت حلقه الدكتور سليم العوا فان النتيجه مخيفه وهي السعي والبدء لتفكيك مصر وتقسيمها بواسطه دول كبري واستغلال قصه الطائفيه لانها نقطه الضعف ونقطه البدء المناسبه للتنفيذ

محمود المصرى said...

بسم الله الرحمن الرحيم

معلش قريت بشوى بشرى , غلط مطبعى ماكنتش مركز بتحصل فى احسن العائلات .
لكن جبهة علماء الازهر مش عملاء ولا حاجة كل الموضوع ان الكنيسة من زمان ماشية فى سكة معينةوهما شايفينها من الاول , ومن ايام السبعينات الناس حذرت , وكان على رأسهم مشايخ زى الغزالى وكشك وصلاح ابو اسماعيل ربنا يرحمهم , لكن زى مابيقولوا الفتنة اذا اقبلت عرفها كل عالم واذا ادبرت عرفها كل جاهل .
بالنسبة للمقاطعة انا ضدها تماما لأن المفروض عزل الجماعة المسيطرة على الكنيسة عن عامة المسيحيين مش حشدهم تحت لواء الكنيسة , طول عمر الكنيسة المصرية ومسيحييى مصر بينحازوا للمسلمين , وعمرهم ما قالوا استشهاد ولا ضيوف ولا الكلام دا , وكل الكلام دا لم يظهر الا على يد فريق الرهبان الجدد اللى دخل السلك الكهنوتى لغاية غير كهنوتية بالمرة فالحل ليس فى امدادهم بالدعم المسيحى لكن بتفريغ المسيحيين من حولهم والمقاطعة هنا تأتى بنتائج عكسية تماما .
لكن انتى رأيك وبكل صراحة ان الطرف الاسلامى سواء جبهة العلماء او السلفيين فى موقف الفعل ولا رد الفعل ؟
يعنى من الاخر شايفة ان اى واحد يتكلم عن مخطط كنسى قديم لتقسيم مصر دا واهم وبيخرف ومفوت وطائفى ولا كلامه منطقى؟

سواح في ملك الله- said...

زي ماقال الدكتور العوا الاستشهاد ده لما يكون في مواجهه الاعداء في الحروب هل تحولنا الي اعداء علي يد القس بشوي زي ماقالت نواره يجب محاكمته ومحاكمه كل من يسعي لاشعال مصر هي مش ناقصه اصلا والناس خلقها في مناخيرها مش مستحملين

bluerose said...

لورنس العرب
البيان ل"جبهة علماء الأزهر" مش الأزهر, و دي لا تمثل الأزهر بل هي جمعية أهلية, تم حلها في التسعينات لأن الإسم يتم استغلاله و تصوير أنهم جهة أزهرية رسمية و هم ليسوا كذلك, اللي رفع القضية و طالب بحلها كان شيخ الأزهر السابق عشان كدا العداء بينهم و بينه شديد

و أغلب أعضاء الجبهة مقيمين في الكويت حاليا

عصفور المدينة said...

يستطيع أي أحد أن يرمي اتهام العمالة والجنون بمنتهى البساطة ولو فتحنا باب الاتهامات المجانية فما فرقنا عمن نقاومهم من حكامنا بل ربما نعطي الحق لغيرنا أن يوجه نفس الأصابع لنا
مضايقينك جبهة علماء الأزهر فهل ترضين موقف علماء الأزهر الذين بدون جبهة

مضايقينك السلفيين ومضايقينك غيرهم وغيرهم
لماذا لا نطرح أطروحاتنا مجردة عن قرانها بالهجوم على الآخرين حتى لو اختلفنا معهم حتى يتبين الحق من الباطل
جبهة علماء الأزهر لديهم غيرة على الإسلام لا توجد لدى أحد
السلفيون حزنوا لمن يرون أنها مسلمة محتجزة في سجون كنسية
أعتقد أن كل ليبرالي وكل منصف وكل مسلم وكل مسيحي منصف بهذه المعطيات لو صدقت أن هناك امرأة تريد أن تغير اعتقادها نتفق مع حقها في ذلك

لماذا نطالب بحمية عن الإفراج عن طل الملوحي ولا نطالب بنفس المستوى باطلاق سراح من يريدون تغيير عقيدتهم
لماذا لا ينظر لهؤلاء المجانين - الجبهة- من وجهة نظرك على أنهم يمثلون رأي كثير من المسلمين
لماذا لا ترين أن رأي الأنبا بيشوي حر في وجهة نظره وهي تمثل وجهة نظر طائفة كبيرة من أقباط مصر ولك أن تتجلوي في المنتديات لتعرفي صحة ذلك من عدمه
لماذا ننظر إليها على أنها تعليق انفرادي يعبر عن وجهة نظر فردية يجب وأدها أو رفع قضية حجر على صاحبها بدلا من العمل بمقتضى صحتها في سياقها ومناقشتها وأخذها في الحسبان وخاصة إذا كان قائلها ممن له شأن في أنفس جمهوره
نحن هنا نتكلم عن المرشح بقوة وبدعم من ساويرس لخلافة البطريرك
وأنقل لك تعبير من شباب الأقباط في منتدياتهم

الارض القبطيه المصريه المحتله

مش فاهمه said...

فاكرة لما قلتلك فى الأول خالص فين سليم العوا
- المهم الراجل بيقول ان فين ناس كانت ضد تسليم وفاء لكن تم الضغط عليهم و ان شاء الله لا تثريب عليهم لأنهم كانوا مضطرين ياترى مين اللى ضغط عليهم وقتها
- الراجل بيقول ان كاميليا ولا اسلمت ولا حاجه يعنى الراجل عارف و فاهم
- الراجل بيقول ان فيه ملف بالقضيه متستف ومش حايتقفل لحد لما كل اللى سلم وفاء يتحاكم مش عارفه امتى
- ده بس للتذكرة ان فعلا البدايه كانت من موضوع وفاء اللى كنتى مش مقتنعه بيه لأ بجد المواضيع مش حاتنتهى على خير ربنا يستر

نيفين said...

كلام لورانس
لماذا تحاولين ان توازني الامور فتقومي بحشر الازهر في الموضوع؟

من اخطا بالقول فعليه يكون الحديث
ولا داعي على الاطلاق من عمل عملية التوازن في الحديث عن طريق الكلام عن الازهر حتى لا يغضب الاخوه المسيحيين من الحوار
---------------------
كلامك النهاردة فى الجون ..و أسمحليلى أقولك إن ده على غير العادة

أما أنت يا جبهة فلكى أن تعلمى إن جبهة علماء الأزهر هم من أفضل العلماء .. و هم ممن يقولون دائماً كلمة الحق عند السلطان الجائر
و تحملوا فى سبيل ذلك الإضطهاد و الإستبعاد و التشريد من الوظيفة .. و مش كلهم فى الكويت زى ما قال معلق هنا

فلو سمحتى إعقلى كده و إوزنى كلامك .. و بلاش الأفورة
يعنى إيه حاشترى من النصرانى حتى لو رفض
!!
أمر عجيب غريب الصراحة .. أنا أفهم إنك تقولى إنك مش حتقاطعى و حتتعملى عادى .. لكن أصر على الشراء منه حتى لو رفض
!!
طب إيه الحكمة
؟؟

عم مينا said...

أولا ما عاش اللي يقول عليكي ضيفة
أنا مش علق علي الكلام الانبا بشوي لانك قلتي المفيد

أنا بس عاوز اعلق علي كلام د. سليم العوا لان المفروض الراجل ده بيعبر عن الوسطية في الاسلام و لكن للاسف كلامه في الحلقة دي ماعجبنيش
د. سليم العوا بيتكلم و كأن المشاكل الطائفية في مصر ابتدت مع موضوع وفاء قسطنطين وبكده تبقي الكنيسة مسئولة مسئولية كاملة عن اللي بيحصل
أنا مش بنفي ان الكنيسة كان لها دور كبير في سوء العلاقة ما بين المسلمين والمسيحيين و لكن كلمة الحق تجبرني اني اقول ان المشاكل دي ابتديت من ساعة ما الناس اتهبلت في الدين و بالاخص المسلمين كونهم الاغلبية و طبعا ده خلي الاقلية المسيحية تتهبل هي كمان لحد ما بقي الوضع زي ما انتو شايفين

أما بالنسبة للكام واحد اللي اعدين بيدافعوا عن هيئة علماء الازهر فأنا مش فاهم يعني بتقروا اللي أنتم بتكتبوا؟؟
يعني ايه كان ليهم مواقف وطنية فمننتقدهمش؟ ما هو البابا شنودة ليه مواقف وطنية كتير.. معني كده ان أما يغلط نسكت؟

جبهة التهييس الشعبية said...

عم مينا

اه.. البابا له مواقف وطنية كتير

وخصوصا ضد اسرائيل

وخصوصا مع غزة

مش عارفة ناسينها ليه

بالنسبة لسليم العوا

في المجمل ملحوظتك صحيحة بس اظن ان ده له علاقة بعنوان الحلقة يا مينا لانه مر سريعا على مأخذه على التيارات الاسلامية بما فيهم الاخوان المسلمين لانهم رافضين المواطنة

بس عنوان الحلقة كان الكنيسة دولة جوة الدولة فهو ملتزم بعنوان الحلقة وبيتناقش في النقطة دي

لكن هي المشكلة الاساسية يا مينا مش ان الناس اتهبلت مسلمين ولا مسيحيين

المشكلة ان احنا مش دولة قانون

الناس تتدين او ما تتدينش او حتى تتجنن رسمي دي كانت حتبقى حرية شخصية لو القانون بيتعامل مع المواطنين بمبدأ المساواة وان الكل خاضع للقانون والمؤسسة الدينية في مكانها

انما الحالة اللي بتتكلم عليها لا تتوقف على ميول افراد لان مش الافراد اللي بيعملوا الدولة

المؤسسات هم اللي بيعملوا الدولة

ولو كنا منصفين وفيه مأخذ فعلا على كلام العوا هو ان الاسلاميين اللي هو عبر عن اعتراضه على برنامجهم ما اخدوش موقف حاسم فيما يخص دولة القانون

مش الاسلاميين بس، الحكومة والمعارضة، ده لسه بيتقال على المسيحيين الارثودوكس "الطايفة" كده.. الطايفة

طب خلاص، الطايفة بقى ربنا كرمها وبقى معاها فلوس عايزين منها ايه؟ ولا لازم يكسروا مناخيرها

انما مش مفروض قدام القانون يبقى فيه حاجة اسمها الطايفة، المفروض كل الناس مواطنين خاضعين للقانون زي ما الدستور المصري بيقول

وبسبب التراخي في تطبيق دولة القانون كل المشاكل دي حصلت

وبسبب التراخي في تطبيق دولة القانون النقطة اللي اتكلم فيها العوا بخصوص الاسلمة والتنصير، ان الاسلمة تتم تحت اشراف قانوني والتنصير يتم دون اشراف

طبعا

لان الاتنين مش متساويين، لو دولة قانون يبقى فيه قانون للمتحول من ديانة لديانة بصرف النظر هو جاي من انهي ديانة ورايح انهي ديانة

لكن مافيش قانون واضح، ومافيش دولة قانون بتتحكم في ده، ده متروك لمؤسسات دينية هي اللي تحدد يعملوا ايه في ايه

وهو اللي بيسلم بيروح الازهر ليه انا عايزة افهم؟

هو الازهر ده سيدنا محمد لازم يسلموا على ايده؟

واللي بيتنصر بيروح الكنيسة ليه برضه؟

ده تغيير في وضعه القانون حيأثر على الزواج والطلاق وموقفه القانوني فيما يخص الاحوال الشخصية

يبقى المفروض المكان الطبيعي المحكمة مش الازهر ولا الكنيسة

لكن اقحام الازهر والكنيسة هو اللي جرد القانون من صلاحياته وهو اللي خلق المشاكل دي كلها

مش حنمشي نربي المواطنين ونقول لهم ما تتطرفوش في ميولكوا الدينية

دي حريتهم الشخصية

لكن المفروض ان يبقى فيه قانون يساوي بين المواطنين

وانا عارفة كويس قوي ان لا المسلمين ولا المسيحيين عايزين كده ولا عايزين دولة قانون ولا مساواة لان دي فرصة جيدة للتسابق وكل واحد وشطارته

لكن تتفرض عليهم غصب عنهم

اهو هنا بقى مافيش ديمقراطية

لان ماحدش بيعمل استفتاء على تحقيق العدل والحقوق

جبهة التهييس الشعبية said...

اه

بخصوص بقى المواقف الوطنية لجبهة علماء الازهر وللبابا شنودة

ولا يوزنوا عندي مليم

اللي يؤذي بلده ويروح يعمل سبع على اسرائيل يبقى بينصب علينا

منين بيدافعوا عن الفلسطينيين ومنين بيخربوا بلدهم وعايزينها تبقى حرب اهلية وييجي فيها احتلال

فيه مثل بيقول لو كان العلق بينفع كان نفع نفسه

wahat_alshohada said...

انا مش معاكى يا نوارة فيما يتعلق بجبهة علماء الازهر. صحيح انا لا اوافق على بيانهم الاخير بشأن المقاطعة لكن هذا لا يمنع انى احترمهم و اقدر مواقفهم جدا.

karim said...

السلام عليكم ورحمة الله وبركاته

المشاركات السابقة فيها من الاراء والاراء المضادة اللي تغني عن أني اردلكن استوقفتني جملة في رد نوارة بصراحة تخجل انها تطلع من شخص المفروض انه موضوعي ووظيفته قيادة الوعي وتشكيل آرات قراءه وهي

وجبهة عملاء الازهر الله اعلم عملاء لمين

بس هم عملاء

دي رد مخجل لأننا المفروض منوصمش حد بالعمالة إلا لو كان فيه أدلة واقعية ومؤكدة

علي فكرة أنا مش معاهم في كل اراءهم ولا ضدها كلها لأننا كلنا بشر وسعات بنعك فما لا يؤخذ كله لا يترك كله

صح النوم said...

اختنا العزيزه
متهيالى مافيش مسيحى شفناه مره بيتهجم على الكنيسه كده او بيسخر من البابا او القساوسه او من اصغر راعى فى كنيسه او اى راهب اقصد ان عيب ومايصحش السخريه من علماء افاضل بالشكل الفج ده وماينفعش نقلل من هيبتهم كده مهما اختلفنا معاهم فى الرأى يظل احترامهم واجب عليكى وعلى كل مسلم عاقل ياستى ارفضى واختلفى واعترضى بس من غير اهانه وماتفتكريش انه يقلل من غلطك فيهم انك بالمره بتشبطى فى الانبا بيشوى كمان علشان يعنى من باب انك كنتى عادله فى السخريه من ممثلين الجانب المسلم وممثل عن الجانب المسيحى لايشفع لك اهانتك للانبة ا انك تغلطى فى علماء الازهر الاجلاء وكفايه اندفاع وتسرع لانى فعلا بلاحظ انك احكامك متسرعه وبتاخدى الامور بشكل عشوائى ..اشترى من اللى تشترى منه حقك
بس بذمتك عاوزه اسالك سؤال....انتى دينك قالك ان فيه صليب اتصلب عليه عيسى ابن مريم؟ دينك قالك ان المسيح ابن الله؟ دينك قالك ان دى هى الديانه المسيحيه الصحيحه وان دول هم المسيحيين فعلا؟ احنا عايشين مع مسيحيين ؟ بذمتك جاوبتى وقلتى ايه؟ لسه برضه حتشترى من مسيحيين؟ طب هات لى واحد مسيحى فعلا وانا اشترى منه ...كفايه بقى حرام عليكى انتى بتضحكى على روحك واللا على مين

عم مينا said...

مين سمعك يا نوارة؟ الواحد اتنبح صوته من كتر المطالبة بدولة القانون.. مفيش دولة قانون من غير ديمقراطية.. احساس الحاكم انه جاي وفق ارادة شعبية هو اللي بيديله الشجاعة في تطبيق القانون علي الجميع
لكن أما الحاكم بيبقي عارف انه جاي غصب عن الشعب بيبقي مضطر يعمل توازنات.. يفرح دول شوية ودول شوية.. يوقعهم في بعض ساعات وهكذا

سيبك من جبهة علماء الازهر لان طول عمرهم مجانين وأنا شخصيا مش مصدوم من البيان بتاعهم
اللي مخوفني فعلا هو كلام الانبا بشوي ود.سليم العوا.. لانهم بيعكوا جامد في الوقت اللي هما بيمثلوا تيارات المفروض انها معتدلة
يعني الكنيسة طول عمرها بتاخد بالها في تصريحتها و بتحافظ علي مشاعر المسلمين.. أما يطلع يقول أصحاب البلد ومش أصحاب البلد يبقي فيه مشكلة
و د.سليم العوا ممثل لتيار معتدل بردو وعضو في حزب الوسط اللي أنا شخصيا بحترم معظم الناس اللي فيه وافكارهم.. أما يطلع يتكلم عن دولة للاقباط و اسلحة في الأديرة يبقي لا مؤاخدة اتجنن هو كمان

mostafa said...

مين اللي جاب سيرة طارق البشري؟

انبي تعوض عليا عوض الصابرين يارب

البلد كلها فوتت

فعلا يظهر الهلاوس طالت الكل