Monday, 20 September 2010

هو كل ده بركات السفارة المصري؟

ياااااااا "الدفاع عن كرامة الطائفة السنية" ده الكلام ده بيتقال في لبنان؟ ده كل ده بركات السفارة المصري واحمد ماهر؟ معقولة؟ لالالالالا معقول؟ لالالالالالالالا
لالالالالالالالالالالالالالالالالالالالالالالالالالا
طب ايه؟ طب يطردونا طاه.. بلدهم حتتخرب، احنا نستحمل ومش حتحصل حرب طائفية لان فرق النسبة كبير ولان مافيش امكان فيها تكتلات مسيحية وتكتلات مسلمة، لكن لبنان مافيهاش هزار، دول لسه مموتين بعض عمناول
الله يخرب بيتك يا عوكل.. هي الناس ناقصاك؟ مش كفاية اللي عملته فينا؟ 
طب بقى ماحدش يسمع كلامنا.. ما بترجعوا تعيطوا بقى وتلوموا علينا، سيبونا في حالنا، وكل واحد عقله في راسه يعرف خلاصه
-----
سويسرا بقى بقت نازية على ابوها وبقت تسخر العلم عشان تشتم المسلمين زي ما هتلر كان بيسخر العلم عشان يثبت ان اليهود اغبيا
هي مش سويسرا دي كانت طيبة زمان وبتعمل شوكولا والناس بتحوش فيها فلوسها المسروقة؟
ااااااه
احنا وقعنا
لا وربنا رازيني بشوية بهايم حيدخلوا يسيبوا تعليقات زي وشهم تحسسني ان مصر تحولت لمصحة عقلية وان القيامة لازم تقوم بقى عشان شرار الخلق جم اهم
احنا رايحين باعتين واحد من اللي بيعلقوا عندي في السفارة بتاعتنا يقول للناس في بلدهم حزب اللات والرافضة عباد القبور؟ احنا اتجننا؟ وهم اتجننوا يتأثروا بكلامنا؟ مش لو كنا بننفع كنا نفعنا نفسنا؟ يعني ايه السفارة المصري تعمل لهم فتنة طائفية تقوم تتعمل.. هم هبل ولا ايه؟ حتى اللبنانيين طلعوا مجانين وبيسمعوا كلامنا؟ بيسمعوا كلامنا ليه؟ شكلنا مقنع يعني؟ امال الدنيا كلها عمالة تتفرج علينا وعلى فتنتنا الطائفية ليه؟ 
---------- 
ثم ايه التفاهة اللي هيكل بيقولها دي؟ وماله جاررنا لمناقشة تافهة كده؟ ايه قام عمل له قهوة والظاهر سمه بس لا مش ممكن يكون سمه، لا والتانية الهايفة سكينة السادات تقول يعني ايه السادات يعمل فنجان قهوة بنفسه هو كان خدام عشان يعمل فنجان قهوة؟ 
انا مبسوطة قوي من الهبل ده
لا بصراحة ما بقتش مبسوطة.. الهبل زاد يعني
حنقضي ستميت سنة بقى نتكلم عن فنجان القهوة اللي شربه عبد الناصر ومات واللي عملهوله السادات اللي مات برضه
ده موضوع مهم جدا الحقيقة، باب القلعة متركب بالعدل ولا بالمقلوب؟ ثم هيكل ده مش لاقي حاجة يقولها؟ توه ما افتكر ان عبد الناصر قبل ما يموت شرب فنجان قهوة؟ وما قالش من ساعتها ليه؟ قهوة ايه اللي حنتكلم فيها دلوقت واحنا عندنا فتنة طائفية واكابر الناس عمال تخرف وتقدم في بعض بلاغات للنائب العام ورايحين نعمل فتن للناس والمعارضة بتتخانق تشارك ولا ما تشاركش في الانتخابات واللي مش حيشارك حيبقى اثم واللي حيشارك حيبقى خاين وسويسرا بتقول ان النقاب بيجيب هشاشة عظام وبري بري وسكربوط وتليف في الكبد وبروستاتا وده راح طالع زي الخازوق لوحده يقول لنا فنجان القهوة عشان ندخل في خناقة تاني.. عاشر... سبعمية وخمستاشر
قال قهوة قال.. يا عم روح احكي حواديت قبل النوم بتاعتك دي بعيد عنا احنا كنا ناقصينك؟
----------
لا وشوفوا شوفوا عودة الندل ده كمان
مالك ومال شيكابالا الله يخرب بيتكككككككككككك ما تسيبه يا راجل، مش كفاية العمل اللي معمول لنا ومدفون تحت سور النادي؟ عايز تمشي الحيلة؟   

11 comments:

Halim said...

هو انت زمالكاويه يا نواره؟؟؟؟
لو موالكاويه فعلا يبقى يا ميت خساره على العاقلين بجد :))))))

أبو هاجر said...

إلى النجمة بنت النجم ألف تحية من الجزائر: دعينا من سويسرا وخلينا في همومنا و مصايبنا .شوفي ياست الكل
عندنا مثل جزائري وهو موجود عندكم أيضا يقول اللي ماعندوش كبير يخلق كبير .و المقصود بكلمة يخلق ، يصنع وهذه حكمة شعبية رائعة و المقصود
بذلك أن يكون للشعب القدوة و المثل الأعلى و النموذج .اما ان نقلل من أعلامنا و نتفه أقوالهم فهذا يانوارة الانتصار شيئ مخيف .وبمنتهى الصراحة و الصدق ،ورغم الود و الاحترام و التقدير و التبجيل المحبة التي أكنها لك ،لكن طريقة "ترياقتك "واستصغارك لتلك القلعة الكبيرة و الهرم الشامخ الأستاذ الكبير محمد حسنين هيكل .فهذا أيتها النوارة الرائعة لا يليق بك على الإطلاق، بل يا نوارة يسيء إليك كثيرا أنت تنتمين إلى الجيل الجديد لست مسؤلةعن احقاد الماضي عبد الناصر كان يمثل ليس شموخ مصر إنما الأمة العربية رغم كل الأخطاءو التجاوزات وهي كثيرة. كما ان هيكل با نوارة ليس مثقفا ملكا لمصر وحدها، بل للأمةالعربية هذاالرجل يعد ثروة قومية.ولقد تابعت تلك الحلقة كما تابعت جميع الحلاقات فالرجمل نفى نفيا قاطعا تلك الحادثة بل امتعظ واستهجن من يقول ذلك وقال بالحرف ان السادات لا يقوم بذلك لأسباب عاطفية واخلاقية.
ملاحظة: أناأعرف وحافظ بصم ردوك النارية اللي ما ترحمش. و لن أغضب منها، حتى إذا قلت مادخلك أنت ايها الجزائري البربري البلطجي. فإن قلتها فقد قالها قبلك الكباتن.
ولك اجمل التحيات يا اجمل نوارة

مواطن مصري said...

ععودة الندل عودة مورتا

الرد هيبقى في الاستاد يوم متش المقاولين

قريتي بيان الالتراس ل الر\د على مورتا

مواطن مصري said...

نوارة موضوع لبنان وراة سورريا

عاوزة توقع العلاقة الي بين مصر و لبنان


سوريا زقت كام واحد عشان يسخنو اللبنانين و الاعلام اللبناني يعملو موضوع زي أزمة مصر و الجزائر و يقلبو على مصر عشان الحريري يقع


يعني الي بيروج كلام الفتنة حتى الان من انصار سوريا و بشار الأسد

مواطن مصري said...

نوارة موضوع لبنان وراة سورريا

عاوزة توقع العلاقة الي بين مصر و لبنان


سوريا زقت كام واحد عشان يسخنو اللبنانين و الاعلام اللبناني يعملو موضوع زي أزمة مصر و الجزائر و يقلبو على مصر عشان الحريري يقع


يعني الي بيروج كلام الفتنة حتى الان من انصار سوريا و بشار الأسد

سواح في ملك الله- said...

ااااااهاحنا وقعنالا وربنا رازيني( ((((بشوية بهايم حيدخلوا يسيبوا تعليقات زي وشهم تحسسني ان مصر تحولت لمصحة عقلية وان القيامة لازم تقوم بقى عشان شرارالخلق))))--- طيب عيب خللي الناس تحترمك وتقدرك لو اللي عندك ده مسحه غرور فربنا يشفيكي منها ولو انتي الوحيده اللي بتفهمي في الكون متروحي تحلي مشاكله بس المشاكل مبتتحلش بالعبط اللي انتي بترطشيه ده المشاكل عايزه ناس عاقله تحاور المتعصب والمتساهل وانتي بقي من النوع اللي مستهبل

جبهة التهييس الشعبية said...

سواح في ملك الله

انا مستهبلة ومغرورة وبنت ستين في سبعين
ما تجيش بقى تاني احسن تتعور

انت غاوي تعذب نفسك؟

سواح في ملك الله- said...

انا اكيد مش ناوي اجي تاني بس اللي مش قد النقد مينتقدش حد يحط لسانه في بقه يبلعه احسن يبطل كتابه شوفيلك شغلانه تانيه وسلام بقي احسن اتعور

karim said...

ليه كده يا بنت الحلال؟ مالك فيه ايه؟ بقى ده اسلوب لتوصيل الفكر والتعامل مع الغير؟ انا عايز اقولك اني كنت منبهر بيكي لما ابتديت اقراء مقالاتك في الدستور وابتديت اتابعك لكن للاسف سلوكك بيضيع اي احترام ليكي عند الغير

وبعدين انا عايز افهم انتي بتكتبي عشان توصلي فكر ووعي ولا عشان تقلي ادبك علي خلق الله وتهيصي شوية وخلاص؟ للاسف انتي متفرقيش كتير عن احمد عز وصفوت الشريف وامثالهم اللي بيسنخدموا زكائهم في ازية خلق الله انتي كمان عندك فكر عميق ومميز لكن بتستخدميه لتنطيط على خلق الله

تفتكري اسلوبك ده يفرق ايه عن اسلوب التيوس اللي بكرش اللي الواحد منهم يبص للشاب ويقول له انت تفهم ايه يا حمار ده انا اكبر منك وافهم عنك في حين ان التيس ده ميعرفش اكتر من انه يبصم على دفتر الحضور والانصراف ويبقى كتر خير الدنيا لو عرف يكتبله كلمتين علي بعض في مذكرة

انا اللي افهمه اني لما اناقش بهيمة او شوية بهايم يبقى هدفي اني اساعدهم يفهموا ويقوموا بدور ايجابي مش اني اثبتلهم انهم بهايم

لما اشوف واحد عاصي ومضيع يبقى المفروض اشفق عليه واحاول اخد بايده مش ابصله باستعلاء واقوله يا ضايع

من فضلك بلاش تخسري الناس واتعلمي يكون عندك زكاء اجتماعي

أبو هاجر said...

إلى النجمة بنت النجم ألف تحية من الجزائر: يا بنت سكينة فؤاد قالت فيك كلام رائع وجميل وتحدثت عن الصحفية في مقتبل العمر وهي طبعا تقصدك ثم ذكرتك بالاسم ووجهت لك كلام رائع من كاتبة ومثقفة رائعة تمثل وجه مصر الجميل الذي نتظره وسيعود حتما
وفي النهاية واحد اختلف معك تهددينه وتقولين نعورك هكذا نعورك هي خناقة في سوق العتبة .
و لأنك غالية جدا و عزيزة جدا، ولأن العرب قديما قالت إذابلغت المحبة سقط الأدب بمعنى يسقط التكليف .أقول لك أيتها التحفة الرائعة هذا الأسلوب لا يليق بك

Marwa Nasser said...

بخصوص الأستاذ هيكل:
http://dostor.org/authors/11/55/10/september/20/29387