Wednesday 29 September 2010

أنا مع الرصين

لقد مللت الشخصيات الشاذة التي تتكأكأ على مدونتي ومقالاتي، ويصرون على التعليق والنقاش، بينما لا تجمعنا أرضية مشتركة يمكن أن نتحاور إنطلاقا منها، كما حدث تطور هائل في شذوذ الشخصيات الواقعة على رأسي مثل شرفة أسمنتية متهالكة وقعت على رأس مواطن مسكين، مدني، أعزل، حتى تحولت إلى أكبر جاذب للفصاميين، والعصابيين، وأصحاب الضلالات، وضحايا السكيتزوفرينيا، فلم تعد مواساة الثلة العاقلة تجدي نفعا ولا تطبب جرحا، بل إن بعضهم عاف التعليق على مدونتي، بينما تمسك النزر اليسير منهم بتربيت على كتفي في تعليق ثم الهرب سريعا قبل أن تصيبهم شظايا أحد المعلقين المنتمين لفريق: وآدي رقصة المجنونة يابا يابا ع اللمونة.
أثبت لي فريق العمل السلفي، القائم على التعليقات بمدونتي، ومقالاتي، وتويتاتي - عادة ما يدخلون في مجموعات إذ أن يد الله مع الجماعة - أن زميلي الذي يعتقد بأن الدين الصواب هو ديانة أحمد عدوية الجزء الثاني، وأن السادات لم يمت، وأنه قتل بيل كلينتون بضربة واحدة، وأن أوباما هو جمال عبد الناصر، هذا الزميل العزيز، هو شخص طبيعي جدا، يوجد في الأسواق ألوان من البضائع المستنسخة منه، بل وربما جرى عليها من التحديث والتطوير ما يجعلها تحفة فنية بديعة.
هذا، وقد أكد بلال فضل أن الكاتب الذي لا يخسر جزءا من قرائه مع كل مقال، عليه ألا يرضى عن نفسه، مما أذهل خاطري، وأثقل قلبي حزنا وهما، فإنني مع كل بوست وكل مقال أكسب مجموعة من القراء الناقمين الساخطين على حظهم العاثر الذي جعلهم يولدون في زمن ولدت فيه مخلوقة مثلي، ويأخذون عطلة من أشغالهم فقط ليتركوا تعليقات فحواها الهلوسة وهدفها اللا شيء ومجملها أنهم غاضبون مني لسبب ما. 
وبعد أن حار عقلي، وخلب لبي، وأسقط في يدي، أرسلت بريدا إلكترونيا لعمرو غربية أسأله: يخلصك إنت يا عاطف؟ وأرفقت بعض الروابط التي تلخص ما أكابده وألاقيه، فما كان من عمرو غربية إلا أن أجابني قائلا:
معلش


أصلك مش مملة و ينفع يقروك. خليك رصينة و مملة كدا و مش هييجوا لك.


خليك... مع الرصين
-------
أيها الأخوة المواطنون، لقد اتخذت قرارا أرجو منكم أن تساعدونني على تنفيذه، إنني أعلن من منبري هذا خلف شاشة الحاسوب الآلي، أنني من الآن فصاعدا مع الرصين. عسى الله أن يرفع عنا الغمة، ويطعمنا بعض الرضا عن النفس، والسلوى في الكرب.
هذا وبالله التوفيق، وحسبي الله ونعم الوكيل فيك يا فخري
مقدمته لكم:
جبهة التهييس الشعبية/ أوشة أخت مليجي

30 comments:

qrique said...

كده أحسن :)
بيتهيألي زمان كان الكتب الاسلاميه بيبقى ليها مقدمه صعبه أوي اسمها ديباجه
و الغرض منها ان الاغبيا ميقروش الكتاب مجرد ما يشوفوا المقدمه يتخضوا و يمشوا
حفاظا على الوقت حتى

anaURZ said...

طبعا صعب أن حد يعلق على السخافات د و خصوصا أللى مش مع الرصين ، أنما تعرفى أنتى عندك حق أنا لما بلاقى لينك لبوست جديد ليكى عالتويتر و أدخل و ألاقى كومنتات كتير أعرف أن الموضوع من نوعية خخخخخخخخ و أحا و تف شعبى يعنى و مبيقدمش فكر و مع كل مره ادخل فيها بكتشف أن الدنيا هى هى يمكن الفرق الوحيد بين المواضيع ، عدد السطووور .. لكن متقلقيييش ربنا كبييييير

Sha2loob said...

نوارة..... انتي زي ما بتكسبي كل يوم ناس جديدة تيجي تشتمك فأيضاً كل يوم في ناس أكتر بتحب تقرالك وتتابعك ويمكن كمان تتأثر بكلامك.
سيبك من الرصين والكلام الفاضي ده... انتي هنا قاعدة في بيتك وتقولي اللي انت عايزاه
واللي مش عاجبه يستحسن ميجيش ويخليه مع الرصين
على فكرة أنا كنت من زباين عم فتحي في يوم من الأيام... وكنت بقعد مع النخبة اياها الليبرالية وده يمكن اللي خلاني للأسف مقدرش أتعرف عليكي ويمكن كمان كنت واخد موقف منك
بصرف النظر عن كل ده... انتي ست جدعة وأنا عارف انك ست جدعة... خليكي أطاطا واوعي تبقي أوشة

محمد نور الدين said...

رضا الناس غاية لا تدرك
إلى ست الكل ألف تحية من الجزائر
قديما قيل ، من كان يحكم زمن شكسبير. كلنا نعرف شكسبير لكن أتحداك ،وأنت خريجة أدب أنجليزي ،إذا كنت تعرفين اسم وزير الثقافة زمن شكسبير .و أنا أيضا لا أعرفه ،لأن يانوارة ما يمكثف في الأرض ويستمر في التاريخ ،الكلمة الصادقة التي غالبا مايدفع اصحابها ثمنا غاليا لأنها تسمي الأشيا بمسمياتها و لا اذهب بعيدا ، لك أسوة حسنة في والديك ألم يدفعا ثمن الكلمة ،ثمن الموقف ،ثمن الإلتزام
وفي الأخير وكما نقول باللهجةالجزائرية ،أحنا معمرنالكش عينك يا بنت.
لك اجمل التحيات يااجمل نوارة تحيات صادقة من بيتي بالطابق الرابع بالجزائر إلى غاية عين شمس وتحديدا حي المدرسين وأكثر تحديدا الطابق 12 أما رقم البناية فهذا من اسرار الدولة

ماجد منصور said...

دى اول مرة اعمل كومنت..مفتقد لغتك وكلامك واسلوبك..اانا من الاغلبية الصامتة..الى بتتابع وبتنشر لينكاتك.. على البلوج.بالذات لانك بتكونى على طبيعتك بدون حسابات..مش عارف ده هيفرق معاكى والا لا..بس صدقينى ..فى ناس كتير..بتقرى ..وبتكون فى منهى السعادة والانشكاح ..بس بتكسل او مش بتعرف تبعبر..فبتكتفى زى بالمتابعة الصامتة..وسايبين الكونتات لكتائب السلفيين ..ههه هما بيحبوا المسميات دى كتائب الردع على النت..وبيدخلوا فعلا مجموعات ..ومش انت اول واحدة ..حصل ده مع اغلب الكتاب .المحترمين..زى بلال فضل..وابرهيم عيسى وعلاء الاسوانى..بكلمات سايقة التجهيز من نوعية انت شيعى متخفى..انت علمانى..انت صليبى..انتم بتوع ساويروس..وهكذا ولا يسلم الموضوع من ايات ..وشتائم من كل نوع ..وتذكير بالافعال الصليبية..والناس المحبوسين فى الاديرة من اول وفاء لحد كامليا وازاى ..ولا يمكن ..وتنهال الدعوات من كل حدب وصوب اكن كل مشكل مصر هتتحل .هما نفس الناس الى بيصمتوا صمت القبور على الغاز الى بيتباع لاسرائيل والتوريث .والفساد..والا اكن فيه اى حاجة..حتى الكاتبة المحترمة نجلاء بدير..انهالت عليها الشتائم والسباب..لا لشىء غير انها انتقدت رجل العصر العوا..انا طولت..كل الى عايز اقوله متزعليش..انت بتدلا امل لناس كتير. ان لسة فيه ناس بتفكر...تحياتى

Early bird said...

اعتقد انك كصاحبه مدونه ليكى الحق انك متنزليش التعليقات اللى مش عجباكى حتى لا يطفش منك اصحابك ولا يصيبهم رزاز التعليقات

بس كويس ان اصحابك مبيدخلوش لانهم لو دخلوامكنوش حيصابوا بالرزاز بتاع التعليقات وبس حيصبهم طرف من حلاوه لسانك والفاظك البديعه المهدبه ولا هم كلهم زيك كده

Unknown said...
This comment has been removed by the author.
Unknown said...

رزاز
رزاز
رزاز

Unknown said...

ماجد منصور
انا مبسوطة قوي بتعليقك
:)
بس انت شفت بعينيك: رزاز
والختمة الشريفة لاعذبهم

soreal said...

يعني بعد مأ عودتينا علي العاميه المصريه تقلبي فصحى!!!!!

طيب... وراكي وراكي.... و نشوف نفس مين الأطول P:

Early bird said...

كفايه مليتى المدونه تفافه كلامك كفايه ريقك كده حينشف

Early bird said...

فعلا انتى مكانك مع الاسوانى وابراهيم عيسى رجال هدا الزمن المثقفيين

مش عارف ليه حاسس ان التوريث والبيع الغاز والبلاوى التانيه موجود مع وجود صغار اللصوص من المرتشيين ومن وجود امثالكم اللى متصوريين انهم فاهميين كل شئ وهم دول المثقفيين بتوع الاشتراكيه والناصريه والعداله الاجتماعيه يكرهون كل ما هو اسلامى ويتجرءون على الصحابه بس على الاقل واحد زى رفعت السعيد ده واضح بقول انا باكره الاسلام انتم بقى ايه

مش عاجبك السلفيين ولا الاخوان ولا بتوع عمرو خالد ولا كمان ابو هريره امل انتوا عايزيين ايه ايه بديلك الاسلامىعايزيين كلام من كتاب وسنه مش كلام فاضى اعتقد ان اختلافك مع السلفيين لانهم لا يطبقوا صحيح الدين والا لانهم بيطبقوا الدين وخلاص
لفوا ودوروا حول نفسكم
عايز بقى اعرف حجم انجازتكم احنا جماعه السلفيين وكل اللى يهمنا الاخره ومش عايزيين الدنيا انتم بقى يا مصلحى الدنيا عملتم ايه بتتعالوا على الناس وبتقولوا ان نسبه الاميه كبيره واحنا بس المثقفيين ومبتفوناش اى غدوه

والله لو كانت الاميه انقدت الناس انها تفكر بطريقتكم يبقى الجهل فعلا نعمه

Early bird said...

على فكره فيه حرف بايظ عندى فى الكيبورد وبدكائك كده احب انك تخمنيه

Early bird said...

ابقى اقرى مقالات اسامه غريب

الراجل مصدوم بقالوا يوميين من ما قاله القساوسه ومش عارف يستوعب الوضع الحقوا بقى كمثقفيين احتوه احسن بعد كده تلاقوه بتكلم عن الحسنه اللى فى دقن كامليا اللى هى مواطنه مختفيه واحنا كسلفيين كارهى النساء بندور عليها وانت كلبراليه متقدمه عايزاها تروح فى داهيه

عبد الله السلفى said...

لو حضرتك فهمتى المنهج الصحيح للدين بشكل هادى مش هتهاجمى ابو اسحاق الحوينى ولا اى عالم

ماجد منصور said...

..بعد مادركنا ..ان فيه ناس همها الاخرة..ومش مهم عندها الدنيا(على اساس ان البلوج بوابتك الى الجنة) ..بس بين وقت للتانى ..بيسيبوا الاخرة ..ويفكروا يعملوا كومنتات توعية ..وترهيب ..وتذكير(ده بردو اكيد بيقرب من الاخرة).والاهمية القصوى ..لبلوغ السماء العلى ..عن طريق فتح الابواب لجموع الناس بتوع ربنا ..او بتوع الاخرة ..لعمل غزوات منظمة على الكتاب الخارجين عن الدين..ومساندى الصليبيين فى كل مكان وزمان ..واعلان الجهاد الاكبر على النت ..(الله اكبر ولله الحمد) دى من مسلسل الجماعة ..وعليه مما سبق ولحق ..اعلن انضمامى بشخصى الضعيف ..للمقاومة السلمية ..لكتائب الجهاد على النت ..بصفتى واحد من بتوع الدنيا حلوة نغمتها حلوة..وواحد من الناس الفاضية بتوع الفساد والتوريث ..والهتيقة بتوع المظاهرات.الى بتروح التحرير ..وعابدين ..مش جامع القائد ابراهيم ..الى بتكون مظاهراتهم بمعدل 50 عسكرى لكل متظاهر..هههه.. .ومستعد لقبول الزاز متضامن مع صاحبة البلوج الاصلية

Nicholas Urfe said...

لو كان العلمانيين بعاد عن الدين فالسلفيين أبعد، عقل نصي متحجر ، تجميد للنصوص وتجميد للزمن مع النصوص ، أكثر من يسيئ للإسلام هم السلفيين.

أكثر الهجمات على الدين الإسلامي تأتي بسبب التفسيرات والنتاج السلفي المعاصر والقديم.

مافيش حاجه بتدمر البني آدم من جوه زي السفلية ، بتحول البني آدم لكائن بلا أخلاق حقيقية ، ومقاييسيه الأخلاقية مرتبطة بنص احتمالات كدبه أكبر بكثير من احتمالات صدقه ، يعني ما بيتعاملش مع الحياة كإنسان حقيقي.

Nicholas Urfe said...

المشكلة إن المصريين اليوم ما يعرفوش فهم للإسلام غير الفهم السفلي ،

وبالتالي حتى الشخص غير المهتم بالتدين والإلتزام بقى الرابط بينه وبين الاخلاق والدين هو الفهم السلفي وبالتالي بقينا نشوف سلفيين غير سلفيين المظهر ، وده بياثر على حياتنا العملية ومعاملاتنا.التعامل المباشر مع الواقع ومشكلاته أختفى ، بقى كل حاجة تتكلم فيها مع حد تلاقي الكلام بينتهي في الآخر لربنا عايز كده والنبي قال كده ، والله والنبي برئ من التخلف والفقر والجهل ده.

والله ما حد هيدي فرصة للملحدين والمشبوهين والخونة يهاجمونا إلا السفليين

Nicholas Urfe said...

كل اللى يهمنا الاخره ومش عايزيين الدنيا
-----------------------------------

هي دي المشكلة !


أحنا كمان مش عايزين الدنيا ، إحنا عايزين الحياة .

والحياة اللي السلفي مستغني عنها ومستبدلها بالآخرة أحنا عازينها ومهمة لينا جداً .

وربنا نفسه عايزنا نهتم بيها .

لو الإسلام هو السلفية فأنا مش عايز اكون مسلم .

Nicholas Urfe said...

السلفية فهم مصلحي بالكامل وتوظيف للدين في خدمة الكروش والمصالح والشهوات .

تأسيس السلفية الاساسي على الأحاديث مع إهمال كمي واضح للتعامل والتركيز على النص القرآني ،وده مش من فراغ

الأحاديث اول ما اتكتبت كان بعد وفاة النبي ( ص ) بحوالي 150 سنة .

من أجل إعطاء شرعية دينية لمواقف ومصالح سياسية ايام العباسيين ،

النت مليان ابحاث عن الأحاديث وكتابتها وملابساتها وأول آية في كتاب الله هي اقرأ ، يبقى روحوا أقرو، وإنا واياكم لعلى هدى او في ضلال مبين

Nicholas Urfe said...

يكفي لفهم حقيقة السلفية قناة زي قناة الناس

تجلي رائع للرأسمالية السلفية الإسلامية البراجماتية .

عبد الله السلفى said...

للدرجة دى محدش فاهم ايه السلفية بجد انتو محسسنى انها كفر اقرا يا من تحكم قبل انت تكتب

عباس ابن فرناس said...

موش عارف ليه كل ما ابص على المشوير بتعتكم دى احس ان انا بمثل دور حاجب المحكمة فى مسرحية (شاهد مشفش حاجة) وان انتو كمان بتمثلو دور الشاهد الى شاف كل حاجة

Kontiki said...

:) البوست بالعربية الفصحى انعش ذاكرتى ببعض المصطلحات التى احتاجها احيانا اثناء الترجمة
بصى يا نوارة المبدأ انك بتكتبى عشان فى جواكى حاجة عاوزة تقوليها او توصليها سيبى التعليقات ايا كان اسلوبها عشان تشوفى التيارات اية و بتتكلم ازاى بس ماتخديهاش على اعصابك يعنى اتفرجى وسيبينا نتفرج :)

Early bird said...

يا سيدى احنا خلينالك الحياه الحلوه الرائعه اللى ملهاش زىو بعديين فعلا انا كل كلمه باكتبها اتمنى انها ترضى الله عنى وادخل بيها الجنه

عملتوا ايه للدنيا والحياه اللى عجباكم بقى
واحب اقولكم ان واضح فى عمليه التوريث ان مش جمال بس المطروح لا ده الاخ علاء كمان علشان لو فلتنا من ده يبقى نلبس فى ده
والاخ اللى بيقول لو كان الاسلام هو انى ابقى سلفى يبقى مش عايز ابقى مسلم

يا بنى اقرا القران والاحاديث الصحيحه والتزم بها قدر استطاعتك وملكاش دعوه بسلفى ولا اخوانى ولا غيره احنا معندناش كهنوت وربنا هو اللى حيحاسبك

وبعديين يا سيدى ابقى انت واجهه جادل العلمانيين والملحديين بدل السلفيين اللى كاسفينك وابقى قولى بقى هم بيهاجموا السلفيين والا بيهاجموا الاسلام كفكره ودين

Early bird said...

اللى بيقول الاحاديث اتكتبت بعد وفاه الرسول ب150 سنه
انا مكنتش واخد بالى انت بتنكر الاحاديث بالكليه مع ان الاحاديث مكتوبه باتباع اسلوب علمى واضح ومعروف درجه كل حديث ومين رواته وكانوا فعلا على عهد بعض ولا لا وكانوا بيحفظوا كويس حتى درجه امانتهم

وادا كانت الاحاديث مش صحيحه امال حنصلى ازاى والا حتى نحج ازاى والرسول قال خدوا عنى مناسككم
قال - صلى الله عليه وسلم- : ( يوشك الرجل متكئا على أريكته ، يحدث بحديث من حديثي ، فيقول : بيننا وبينكم كتاب الله عز وجل ، فما وجدنا فيه من حلال استحللناه ، وما وجدنا فيه من حرام حرمناه ، ألا وإن ما حرم رسول الله - صلى الله عليه وسلم - مثل ما حرم الله ) رواه ابن ماجة ، وفي رواية أبي داود : ( ألا إني أوتيت الكتاب ومثله معه ، ألا يوشك رجل شبعان على أريكته يقول : عليكم بهذا القرآن فما وجدتم فيه من حلال فأحلوه وما وجدتم فيه من حرام فحرموه
قال رسول الله : ( تركت فيكم شيئين لن تضلوا بعدهما كتاب الله وسنتي ولن يتفرقا حتى يردا علي الحوض ‌) رواه البيهقي وغيره ، ‌وقوله : ( فعليكم بسنتي وسنة الخلفاء المهديين الراشدين ، تمسكوا بها وعضوا عليها بالنواجذ ) رواه أبو داود ، وقوله : ( صلوا كما رأيتموني أصلي ) رواه البخاري ، وقوله : ( خذوا عني مناسككم ) رواه النسائي .

وقوله : ( نضر الله امرأً سمع مقالتي فوعاها وحفظها وبلغها ، فرب حامل فقه إلى من هو أفقه ..... ) رواه الترمذي وغيره ، وقوله - كما في البخاري - : ( إن كذبا علي ليس ككذب على أحد ، من كذب علي متعمدا فليتبوأ مقعده من النار

ادينى سمعت كلامك وقرات عقبالك بقى ). ) .

عبد الله السلفى said...

Nicholas Urfe
ياريت بلاش شعارات رنانة وتهم معلبة للسلفيين كروش ايه انتوا اخر ناس تتكلموا على الكروش بزمتك بتصلى الفجر فى الجامع؟ عمرك اعتكفت يا مسلم فى رمضان ؟ جاى تكلمنا احنا مين شايل هم الدين؟ مين نشر جمعيات تحفيظ القران؟ مين نشر الجمعيات الخيريرة؟ مين اعاد الثقة للناس بعد انتهاء عنف الخوارج؟ يا ريت الاقى اجابة؟

Nicholas Urfe said...

الأخوة الأفاضل عبدالله السلفي والسلام عليكم ،

أولاً احتراماتي لشخوصكم،

ثانياً : لن أخوض في سجال ديني فهو اسوء أنواع السجال والنقاش وعلى مجى سنين طوال لم أر ولو لمرة واحدة سجال ديني ينتهي بأي شئ مفيد أو تبدل لقناعات أطرافه .

ثالثاً: للتذكير لست قرآني .الإسلام بالنسبة لي فلسفة أوسع بكثير من هذه المحاولات الكلاسيكية ( قرآني، سلفي ، معتزلي جديد، الخ الخ ) التي تدور دائماً في إطار المقدس مهما بدت متنقاضة ومتعارضة .

رابعاً: شيئان يحولان بين أن نلتقي يوماً ما لا يهم حيلولتهم هذه ولكن يهم معرفتهم : المقدس من ناحية ، فأنا لا أعرف ماذا ماهو المقدس

ومن ناحية أخرى ، أنا ممن يعتقدون أننا نريد ثم نمنطق،

فالانسان يعرف الاشياء عبر ذاته وليس عبر عقله فقط أو عاطفته فقط .

يعني أنت مزاجك وتكوينك النفسي هو سلفي أصلاً وبالتالي لو عرض عليك اي فكر سواء الاسلام أو الرسم بالفحم فستختار سلفية هذا الفكر

وأنا مزاجي وتكويني النفسي نقدي تحرري وبالتالي ايضاً سامارس نفس الدور في اي فكر ، وكل ميسر لما خلق له !

وبالتالي معيار الصواب والخطأ في الأفكار بيننا غير مشترك.

خامساً:

مادة النقاش ألا وهي مصداقية الرواية الإسلامية معروضة في آلاف المواقع الانترنتة لمن يرغب والردود عليها والردود على الردود وهلم جرا.

يا عزيزي لا تقبل اي شئبدون دليل موضوعي ومقنع ،والبينة على من ادعى !

أنت تريد مني أن يشكل علم الجرح والتعديل مصداقية عندي ، اي انه طالما قيل أن فلان كان أمين في روايته فيجب أن أقتنع بهذا!

طالما أن السلسة قيل انها صحيحة فهي صحيحة وبما أنها صحيحة فالمتن صحيح ، وبما أنه صحيح فهو شئ مطلوب أن يكون له أثر في حياتي كما هو وتفسيره هو كما هو رغم أنه كلام وصلنا من ضمن كلام آخر لم يصلنا ولم نعرف ظرفه وحاله ووقته ولماذا قي وباي نبرة قبل الخ الخ !

بالله عليك يا شيخ أرفق بعقلي ..

لي عودة !

Nicholas Urfe said...

كتبت قبل هذا التعليق تعليق طويل اتمنى انه لم يضيع بسبب عطل فني .

المهم النقطة التي اريد أن اشير اليها هي أنه لا يمكن أن نقول أن تصديقنا لما يطلق عليه حديث نبوي هو تصديق مؤسس على اساس علمي.

المصداقية التاريخية على أساس علمي غير موجودة ، لا يوجد سبب مقنع يمنعني من التشكك أن النبي قال هذا ولم يقل ذاك أو عنى هذا ولم يعني ذاك. بل بالعكس يكون الشك هو الأصل في هذه الحالة .

كل كلمة وكل حرف في علم الحديث قابلة للتشكيك في صدقها ، حتى الشخص العادي غير المتخصص يمكنه أن يسأل نفسه لماذا اصدق هذا الكلام وهذه البراهين .

وليس معنى وجود رد سابق أو دليل أن هذا الرد أو ذاك الدليل صحيح.

وبالنسبة لحديث يوشك أحدكم ، فما المانع إن صدق أن يكون محاولة سياسية تاريخية حدثت لقطع الطريق على المعترضين على التزوير التاريخي فيما اسموه علوم الحديث ؟

هناك كتاب اسمه التاريخ الآخر لسليمان بشير موجود على الفور شيرد وهو مجرد اقتراح مني ويوجد العديد من الباحثين والكتاب الذين تناولوا نفس الموضوع.يمكنكم مراجعتها ان احببتم.ويمكنكم الدخول لأي موقع ملحدين عربي وممارسة دوركم الدعوي التوعوي وستجدون ارض خصبة لللسجال .



السلام عليكم

abooood said...

نوااااااااااااارااااااااااااااااااااااااااااااااااااه ابوس شبشبك بلاش رصين تاني