Saturday 18 September 2010

قاطع مسيحيا تنقذ مسلما، قاطع وهابيا تنقذ مصر، قاطع مصر تنقذ نفسك

اه والله.. والطائفية يترد عليها بطائفية والعنصرية يترد عليها بعنصرية وداخلين لبعض قافية جروبات: قاطع نصرانيا تنقذ مسلما، قاطع وهابيا تنقذ مصر
وانا حاقاطعكوا كلكوا عشان انقذ مخي
ده ايه القرف اللي احنا فيه ده يا ربي.. تستاهلوا بعض

11 comments:

أبو أمك said...

طبيعي جداً...إذا كان الراجل الكبير قاطع علينا مية ونور

Karim Fadl said...

بقولك ايه، انتي حرقة دمك ودمنا معاكي ليه، كفياكي صويت بقه ووجع دماغ لان كل اللي بيحصل ده احنا عارفين ازاي بيتخططلوه وعارفين انو جاي علي هوا المنتفعين منه واننا بننفخ في قربة مخرومة ولا مقطوعة طول ما الطواغيت كابسة علي انفاسنا.

يعني من الاخر كل الهبل والمولد ده مش حينفض غير لما ينصلح حالنا ونخلص من الاستبداد يبقى سعادتك الصح اننا نسعي لكدة ونوفر طاقتنا لكدة

انا بقولك الكلام ده لاني حاسس انك واحدة واقفة وسط حارة فيها فرح شعبي شغال بمكريفونات وطبل وزمر وانتي عمالة تصويتي الحقونا الست بتموت ومحدش سامعك، يبقي الاحسن انك تحاولي تشدي الفيشة عشان الدوشة تخف والناس تلحق المريضة

وكلنا لازم نشد الفيشة

شمس العصارى said...

مين دول
ههههههههههههه
الحمد لله انا من فترة ولائى لنفسى

Nicholas Urfe said...

السلفية دايماً بحسها مرتبطة بنفسية الشخص مش بالدين، يعني السلفي هو أصلا سلفي قبل ما يكون مسلم أو مسيحي أو أي حاجة .

لكن مش موضوع قناعات فكرية أو اختيارات دينية .

السلفي ممكن مرة وحدة يبقى مسيحي والمسيحي ممكن يسلم ويبقى سلفي !!

الغريب ان السلفيين شايفين نفسهم اقرب للناس للدين ومافيش حد بيشك أنهم مسلمين حتى لو معترض على فكرهم مع انو بيني وبين نفسي بحس انهم أقرب للوثنيين .

Unknown said...

رجاء حار جداً - وبالزيت الحار كمان - من قارىء يـُحب كتاباتك يا ست الكل يا ست (نوارة الإنتصار أحد فؤاد نجم) اتركى مسألة مسيحى ومسلم وفتنة طائفية وأزهر وكنيسة والكلام الفارغ ده كله خالص لأنها مش لايقه عليكى أبداً

وهو أنا كان لازم أفكرك إن ده إسمك فى شهادة الميلاد

فيه يا ست نوارة مواضيع أهم جداً من الكلام الفارغ ده - وألا أنا يعنى إللى ح أقولك وإنتى مخك يوزن بلد

أن حاأبطل أقرأ لك خالص - يعنى عامل إعتصام وإضراب عن القراءة الرشيدة عندك لغاية ما تبطلى الموضوع السخبف جداً ده وتلتفتى للأهم - ومش عايز أقول وتلفتى لدروسك

مش فاهمه said...

انتى ليه مصرة تخلى الكفتين متساويتين و رجاء يا نوارة بعض من الأنصاف شويه يعنى عاجبك اللى بيتعمل فى العوا ده يعنى الكل حاطط فى بقه جزمة و بقى العوا هو اللى غلطان

Kontiki said...

العصور الوسطى و الخلافات حول الدين فى القرن 21 تخيلى الفراعنة بنوا الهرم وعملوا حضارة وبناء ثقافى و اجتماعى منظم ومتسق واحنا بنعمل كدة !! علية العوض :(

7amada said...

plz ya shabab e3mlo report lel page di 3ala el face
plz balash tkobo gaaaaaaaz ....???.... 3ala el nar
7atewa3 beena kolena
plz ne3ml report we ne2fl el saf7a di

مصطفى عبدربــه said...

اللي بيحصل ده مسخرة بكل المقاييس
الوهابيين هيولعوا في البلد

سواح في ملك اللــــــــــــــــــه- said...

السلام عليكم-- قرات مقالك(( لم تعد فتنه طائفيه)) مقال رائع فقد وصفتي الازمه كل الازمه في كلمات بسيطه هو من اجمل ماكتبتي تحيه لكي

محمد نور الدين said...

الف تحية من الجزائر Prof. Dr Fahmy . الموضوع ليس تافها بل إنه على درجة من الأهمية و الحساسية و الخطورة والأخطر من ذلك طريقة المعالجة البعض يتناوله باستخفاف و البعض يقلل من اهميته و البعض يصب الزيت على النار و البعض يتشنج و يتعصب وينزل سب وشتم على الجميع و هذا الموقف الأخير تمثله الغالية نوارة .لقد أرسلت اليوم في الصباح تعليقا على الموضوع لكن يبدو إنه لم يصل .وحتى إذا لم توافق ست الكل على نشره انا اتفهم موقفها ..