Monday 27 September 2010

الراجل اعتذر.. فيه حاجة تاني؟

البابا شنودة اعتذر، فيه ايه تاني؟ حتسكتوا ولا ايه؟ فيه حاجة تاني؟ اه فيه.. فيه، اقطع دراعي فيه، مش حيسكتوا ابدا الا العوا يطلع ويقول اسكتوا فيسكتوا
هو طالع التلات اما نشوف حيقول ايه
بس هو اصلا اصلا الموضوع ده مش حيتلم، ده حيتفتح مواضيع تانية، والناس بقت عاملة زي الفصل اللي المدرس بتاعه غايب ومشرفة الدور تحت بتشرب شاي
وعمالين تبالغوا في الفوضى لحد ما جمال مبارك يمسكنا ويعفقنا كلنا ونبص نلاقي نظام هتلر عشان ترتاحوا، واهي البشاير بانت اهي
واللي عملوا الفوضى والفتن بجد مش حيجرا لهم حاجة.. احنا اللي حنتعفق ويطلع ترابانتينا، والناس حتقبل عادي، ما التاريخ الاسود في التواطؤ الشعبي على القهر من ايام محمد علي يعني
يالا بالشفا الخازوق المغري
على الله العوا بقى يلم الموضوع ويدخل الكتاكيت بيتك بيتك خلينا نفضى لفورين بوليسي اللي بتقول لنا عسى ان تكرهوا شيئا وهو خير لكم دي

38 comments:

باحث عن حب said...

]ا ساتاذه نوراه
انتى شوفتى
بتاع قطاع الاخبار
خايف على مشاعره
وحاسس ان
الكلام اصلا مترتب
وهو كده فعلا
وبقوله طيب امنعوا المظاهره بتاعه يوم الجمعه
يقصد بتاعه مسجد الفتح
وقال ايه ميعرفش حاجه عن الفيديو بتاع كاميليا
وفيها ايه يعنى ميفرقش متصور من جهه معلومه ولا مفبرك المهم انها مسيحيه
حاجه تطق

Unknown said...

مش المشكلة فى الاعتذار طبعا هو مشكور
بس لو حضرتك ملاحظة المناوى كان عامل زى اللى بيستجوبه علشان يطلع كلام معين
وبرضه طلع الكنيسة مش غلطانة وبنت حلال.......ماشى الكلام هاتهدى دلوقتى وتولع فى اول فرصة وبكرة تشوفى
ده خللى المرة دى حتى المعتدلين حتى الازهر اللى مالهوش فيها زعلوا
الحل الوحيد ان البابا يبطل يدخل نفسه فى السياسة زى الازهر كده ويخلليه حلو....يا اما يدولوا حتة من العباسية ويعملها دولة زى الفاتيكان كده علشان يطلع اللى فى دماغه
شوفتى حضرتك لما قال بنحقق جوة الكنيسة وبنعاقب
قشطة وفين بقى الدولة المدنية
ايه يعنى احنا نقول السلفية غلطوا واتصرفوا غلط وعمارة ذودها
والكنيسة تطلع ملاك؟؟؟
ده كلام يا ست الكل؟؟
اسف دى بدون اعتراف بالخطأ
هاتخللى احساس الاضطهاد يزيد عند المسيحيين وبكرة تشوفى

Unknown said...

لا ما انا عارفة ان المسلمين مش حيسكتهم غير مسلم والمسيحيين مش حيسكتهم غير مسيحي

دي معروفة

ماحدش حيسكت المسلمين غير العوا

على الله يسكتهم بقى

Unknown said...

بس على فكرة انا قلبي اسود قوي يعني ما بانساش

اقصد يعني الجزائر
وبعدين القرف اللي حصل ده

باحوش انا بقى، عشان ساعة ما الناس تتفشخ ما يصعبوش عليا

mido said...

متخافيش محمد عمارة قام بالواجب

افتحى موقع الدستور اول خبر =))

Unknown said...

الكنيسة تطلع ملاك فين؟ ما الراجل قال انا اسف واي ترضية عايزينها اعملها لهم بس ما ينفعش يشتموني في المظاهرات

بس هو عموما ماحدش حيسكتكوا غير واحد مسلم


سامعني بقى يا امن الدولة.. خلوا العوا يلايمها ويبوسوا بعض خلينا نخلص

المسلمين مش حيسكتوا الا العوا هو اللي يسكتهم زي ما جننهم

Unknown said...

الله يخرب بيت اهلك يا عمارة
ده انتوا عالم مفترية.. ربنا ما يحكمكوا على ولايا

Unknown said...

معلش انا سهران بقى وارد على كلامك
هو ينفع يقول انا اسف بس انتوا اللى غلطانين؟؟
لو انتى مسيحية وسمعتى الكلام ده هاتتأكدى انك متضطهدة وان البابا علشان يحافظ عليهم اعتذر غصب عنه
حاولى تتبادلى الادوار زى ما بتنصحينا
علشان كده باقولك الحكاية هىتولع فى اول فرصة
فيها ايه لو قال احنا غلطنا فعلا
فى المظاهرات بتاعة الكاتدرائية والمسلمين غلطوا فى مظاهراتهم
(طبعا معاه حق فى مسألة شتيمته دى(
المهم الموضوع خلصان مؤقتا ومش ده المهم
ىالمهم ايه اللى يجرالنا فى السنة اللى جاية دى؟؟
ماهو لو فيه راجل عدل حاكم البلد دى ماكانش دا كله حصل
وكان ادى الكل بالجزمة
منه لله بقى ملك الفياجرا على راى بهيج
:(

Unknown said...

ماهو انتوا غلطانين يا عم

انتوا غلطانين

هو اعتذر عن هلوسة بشوي وقال ده كلام ما يتقالش وما كانش مفروض يتقال ولو كان في القاهرة كنت استدعيته والصحافة ما كانش مفروض تقول الكلام ده ويا سيدي انتوا مش ضيوف احنا اللي ضيوف وانا اسفة واي ترضية عايزينها اعملها

انما انتوا غلطانين طبعا
انتوا مش عايزين حد يقول لكوا انكوا غلطانين ابدا؟ شعب الله المختار اللي بيطلع منكم وحي؟ حتى الشتيمة في الناس؟
عملتوا مظاهرات وشتمتوا الراجل وقلتوا عليه كلام قذر وماحدش اعتذر لحد دلوقت

على الله العوا بقى يصلح موضوع السلاح ده خلينا نخلص

بس احنا مش حنخلص

وبكرة تشوف

مش حيسكتوا لحد ما جمال مبارك يمسك البلد ويبقى عنده مبرر قوي يحكم بقبضة حديدية

وحتى لو حبسني ولا قتلني حابقى شمتانة فيكوا برضه

اصل بصراحة تستاهلوه وتستاهلوا كل اللي هو حيعمله فيكم

mido said...

يا دى جمال اللى طالع عليكم ده

لو الننوس مسك ارحم من اى عسكرى و تفلت منه البلد و حتبقى فوضى

انسى الواد ده عمره ميحكم و لا واحد من شلته حيشم ريحتها
الحكم لازم يبقى عسكرى فى نظرهم غير كده حيعتبروه خطر عليهم شخصيا

Unknown said...

مصطفى الفقي قال بنتعامل معاه في الحزب انه رئيس مصر القادم
والعالم كله عمال يقول لنا هراس جاي الواد حيركب
واحنا قاعدين نستنتج؟

ما الوكالات كلها عمالة تقول هو الواد هو الواد

ومصطفى الفقي قالها لنا في وشنا

ايه يخلينا نخمن والناس بتواجهنا بالكلام مش مخبيين علينا

Unknown said...

انا قلت والله اللى عملوا مظاهرات وشتموه غلطانين000واللى بيسبوا فى المسيحيين ليل ونهار برضه غلطانين

ومسألة السلاح من غير دليل غلط
بس بقولك المسيحيين فهموا الاعتذار ده ازاى وخشى شوفى تعليقات المسيحيين شكلها ايه

مالهاش حل صدقينى غير ان البابا يبعد عن السياسة والمسيحيين يعملولهم حزب ده يبقى ارحم والله

والموضوع ده خلص يا خوفى يابدران من المخبى ويكون جمال ده اشتغالة ويخرعونا بواحد تانى

mido said...

الوكالات دول ميعرفوش معلومات احنا نعرفها جتهم خيبة
مصطفى الفقى قال كده فعلا بس رد عليه صفوت و سرور و مفيد و هاجموا حملة جيمى الوهمية بتاعة رجال الاعمال

محمود المصرى said...

بسم الله الرحمن الرحيم

بالنسبة لكلام الدكتور محمد عمارة يا نوارة هل هو حقيقى ام لا؟
لو حقيقى قولى اه ولو مش حقيقى قولى لا كداب فى اصل وشه .
لكن الراجل فعلا طرح سؤالين منطقيين جدا ليه ماكانش فى فتنة طائفية قبل شنودة ؟ وليه مافيش مشاكل طائفية مع الكاثوليك والبروتستانت (رغم انهم اكتر ناس بيقوموا بعمليات التنصير فى مصر) ؟
بالنسبة لشتيمة شنودة هل هى كانت فعل ام رد فعل؟ مش انتى اللى قلتى ان ردود الافعال لا تحاكم اخلاقيا؟
اما موضوع انه قال اللى انتوا عاوزينه فأحنا عاوزينه يشوف البابا كيرلس كان بيعمل ايه ويعمل زيه بالظبط ولا هو اجدع من البابا كيرلس؟
طبعا فى تعقيبات كتير على كلامه لكن المهم فى الموضوع ان الكنيسة لن تعود كما كانت .
وفى النهاية القضية ليست فيما يقوله العوا او غيره من المسلمين لأن التظاهرات حدثت قبل ان يتكلم العوا بأسابيع وان توقفت لن تكون بسبب كلامه , لكن زى ما كتكوت قال ان القضية هاتفضل مشتعلة لغاية مشكلة تانية .

Unknown said...

ثانية واحدة يا شباب

ثانية واحدة

محمود المصري

انت حسبي الله ونعم الوكيل فيك

بس

محمود المصرى said...

بسم الله الرحمن الرحيم

الله حسبنا ووكيلنا جميعا
ماعنديش اى مشكلة ان نحتكم الى اعدل الحاكمين .
لكن عاوز اقولك حاجة انا ادرك جيدا ان هناك فرق بين مسألة التوجيه وادارة الازمات وبين الاراء الذاتية والحقائق , وانا ارى اننا الان فى موضع ذكر الحقائق والاراء ولسنا فى موقع ادارة الازمات وبالتالى المفروض اننا نذكر الحقيقة المجردة بعيدا عن الحسابات السياسية .

Unknown said...

لا انت ما بتذكرش حقائق
انت بتكدب
وعشان كده باقولك حسبي الله ونعم الوكيل فيك

mUsLiM said...

على الرغم من كوني على يقين من أن ما قاله الأنبا بيشوي إنما هو سياسة للكنيسة وعقيدة عندها

وهذا لا يعيبهم لأنه من الطبيعي أن يكفروا بالقرآن والإسلام

ومن الطبيعي ألا يؤمنوا أصلا أن القرآن كتاب من السماء وأن محمد ليس نبياً مرسلاً حاشاه صلى الله عليه وسلم

ولكن غير المقبول هو المجاهرة بذلك فى وسائل الإعلام أو فى المنتديات العامة وذلك إحتراماً لمبادئ الشريعة وعقيدة الإسلام

فالدولة فى الإسلام مصدر السلطات فيها للشعب والسيادة فيها للشريعة

ولذا حرم فقهاء الشريعة بالإجماع السماح لأهل الكتاب بإظهار صلبانهم فى الشوارع علانية والمجاهرة بإعتقاداتهم مادامت البلد التى يعيشون فيها داخل الدولة الإسلامية مختلطة بين مسلمين ونصارى

وإن كانت البلد خالصة للنصارى فلهم فعل ما يشاءون

وعليه وبعد قراءة تصريحات شنودة الأخيرة فالواجب هو التهدئة ومحاولة منع الفرقة والفتنة دون الإخلال بإتخاذ الإجراءات اللازمة لمنع تكرار ما حدث ومنع العنجهية الباباوية التى سادت فى الأيام الأخيرة من الإعتراض على أحكام القضاء والتصريح بعدم تنفيذها

والله من وراء القصد

السلام عليكم

عم مينا said...

محمود المصري

هقولك أنا ليه ماكانش فيه فتنة طائفية قبل البابا شنودة.. علشان المسلمين اللي كانوا عايشين في مصر قبل البابا شنودة كانوا مسلمين بجد.. ماكانوش المسلمين الجدد اللي أتكلم عليهم عمر طاهر في مقالاته
أما بالنسبة لكاثوليك و البروتستانت فانت بجد فاهم اللي انت بتقوله؟ ولا بتردد كلام محمد عمارة وخلاص؟

مصعب رجب said...

بصي يا نوارة

علشان نجيب الموضوع من أوله

أنا معنديش مشكلة إن كاميليا أسلمت ، أو لم تسلم .. لكن المشكلة الأساسية أنه حتى الآن لم تخرج كاميليا نفسها ، لتعلن أنها اختارت الديانة الفلانية

الأول قالوا بنعمل غسيل لمخها المغسول

وبعد كده البابا قال دي اتجننت

وبعد كده اتسرب الفيديو اللى اتنشر في اليوم السابع

وبعد كده لما الشباب ضربوا الفيديو وطلعوه متفبرك الكنيسة قالت منعرفش حاجة عن الفيديو

وبعد كده البابا قال طلعت في تسجيل معرفش تلفزيوني ولا إيه

عايزة تحلي المشكلة يبقى كاميليا شحاتة نفسها تخرج على الهواء مباشرة على أي قناة محترمة ، وتعلن أنها غير محتجزة ، وأنها الآن على الديانة الفلانية بكامل إرادتها .. هذا كفيل بأن ينهي الكلام كله سواء عند المسلمين أو المسيحيين

نقطة كمان : سفينة الأسلحة مش العوا هو اللى اتكلم فيها لوحده .. وزير الداخلية أصدر قرار اعتقال لابن وكيل مطرانية بورسعيد

عايز أقول بقى إن لا كلام بيشوي نفسه له لازمة ، ولا اعتذار شنوده له لازمة ، ولا كان المفروض نعمل ثورة أصلا على الكلام ده كله
إيه الجديد يعني
دين شايف إنه صح ، وبيطعن في الأديان التانية .. حاجة طبيعية جدا
ما هو مطلوب أن يحدث

1- خروج كاميليا شحاتة بنفسها على الهواء مباشرة

2- الكنيسة تقتصر على الجانب الروحاني فقط .. ملهمش في السياسة .. ولا أشوف شنودة طالع يأيد مبارك ، ولا أشوف قسيس تاني بيدي تعليمات للمسيحيين يروحو ينتخبوا مرشح بعينه

دع ما لله لله ، وما لقيصر لقيصر

مش فاهمه said...

اللى عايزه اقوله - و قلته قبل كده - العوا سكت كتيؤ و الدنيا ولعت فى ليله القدر وفى ليلة ختم القرأن فى اواخررضان والعوا ما أتكلمش الا بعدهابكتير يبقى منين بس مستنيين العوا يسكتهم هو كان اصلا قومهم
احنا من بدرى بندن و نكاكى على حقوق الأنسان و المرأة اللى بقى من حقها تخلع و تسيب بيتها و عيالها و من وراها ماما سوزان و ماما مشيره خطاب ومع ذلك مش من حقها تغير دينها او تطالب بحقها انها لا تجبر على الحبس حتى لو اهلها اللى عايزين كده
مالناش دعوة بقه بالعوا و عمارة
و بعدين البابا بيقول مستعد لترضية المسلمين طب ازاى حايراضيهم ازاى بس
هو يخليه فى اسرار الكنيسه و المسيحيين يعملوا لهم حزب و الأخوان حزب و نعيش فى تبات و نبات

مش فاهمه said...

اللى قصدته و لا كلام شنودة ولا كلام العوا حايأثر فى الجانبين محتاجين نفتح و نناقش اسس الدولة المدنيه و ان القانين تمشى على الكل المشكله ولا كانت فى المسلمين ولا فى المسيحيين المشلخ كانت فى نظام غلط هش و ضعيف و جبان وطالما مافيش تغيير فى النظام يبقى استنوا الولعه الجايه

محمد نور الدين said...

إلى النجمة بنت النجم ألف تحية من الجزائر
شنودة مش واحد جالس في قهوة في سوق العتبة لافف سيجارة و ويقول أي كلام.
لقد كانت عباراته منتقية وبعناية فائقة لهذا جاء كلامه حمال أوجه ويحتمل أكثر من تفسير لأنه يعلم أن المفاوضات لم تنهي و ما قاله هو استراحة محاربين. علماأن كلامه فيه شيء من الإزدراء واستسغار للآخر لما يقول أن بيشوي لو كان في القاهرة لأستدعيته.هو يعني غير قادر على استدعئه لما يكون مثلا في السيبلاوين إنه توزيع إدوار. و الذي أصدر التعليمات للأزهر بتصعيد اللهجة يريد أن يربح الجولة القادمة .و الذي أمر بتوزيع بوستير عمر سليمان ورفع ذلك الشعار هو أيضا طرف قوي في المفاوضات ،و من امر بأن تنظم مظاهرات في مسجد عمرو بن العاص تحديد وليس مسجدا آخرا لما له من الرمزية و الإحائية يريد أن يوصل رسالة
استغلها طرف آخر فاستنفر الجهة الأحرى فقال قائلهم أنتم ضيوف
إن هذا المشهد السياسي بالصورةالتي نراه يؤكد أن النظام انقسم على نفسه هناك قوى متصارعة داخله وهي مستعجلة لحسم الموقف وهذا يعود في تقديري إلى امرين إثنين أن الأمريكيين أصبحوا غير متشبثين بالتوريث.وهم يفتشون الآن عن شخصية تكون محل اجماع لهذاانفتحوا على الجميع وعلى رأسهم الإخوان مما زاد في إرباك النظام وبخاصة إنه لم يعد هناك القوت الكافي و الأمر الثاني مرض الرئيس مما يعني ليس هناك تجديد

الميكروباص said...

الراجل اعتذر ... فيه حاجه تاني؟
وهو من امتى احنا في مصر بنقبل اعتذارات؟

يعني مثلا اسامه سرايا اعتذر عن الصوره المفبركه في قناة او تي في من يومين- هل تقبلين اعتذاره؟

بالتأكيد لأ- وسيبقى الحديث عن الصوره المفبركه إلى ما شاء الله وسنقول عليه انه حرامي ونصاب ومزور إلى الابد
اما لما شنوده يعمل حاجه او حد من عنده يعمل اي حاجه فلا يوجد اي مانع عندنا من تقديم الولاء والطاعه لما يفعله حتى نظهر امام الناس اننا متحضرين ونقبل الاعذار ونريد الاستقرار داخل البلد ولا مانع من اننا نقول انه رجل حكيم ويخاف على البلد أكثر من المسلمين انفسهم ولو احد قال كلام غير هذا لكان في نظركم متخلف وجاهل
اما لو صدر الخطأ -او التصريح- من احد المشايخ فلن تتركيه أبدا طول عمره وستذهبين لتأتي بحواراته من على اليو تيوب لعرضها هنا بشكل مستمر

المهم

قصر الكلام

نحن نقبل الاعتذار او لا نقبل ليس لأن عندنا مبدا قبول لعذر
ولكن العمليه بتكون حسب المزاج

محمود المصرى said...

بسم الله الرحمن الرحيم

بعد اذنك وضحى بس انا كدبت وقلت ايه؟

Anonymous said...

وحتى لو طلع الدكتور العوا وقال أسكتوا محدش هيسكت
عارفه ليه يانوارة لأن المسلمين مالهمش كبير ودى هى المشكلة
لما كنا نقول لبعض العلمانيين خلوا فيه سنة أحترام وأنتوا بتتكلموا عن علماء الأزهر أو أى عالم من علماء الدين حتى لو غلط غلفوا نقده بأحترام كانوا يقولوا مفيش كهنوت فى الأسلام ومحدش معصوم والأسلام غير المسيحية
وعليه هات يا شتمية وتريقة وقلة أدب لحد ما أصبح المسلمين بلا قيادة دينية محترمة تقدر تقول صح صح أو غلط غلط
دلوقتى فكرك أن السلفيين ألى مبيطقوش سيرة الدكتور العوا هيسمعوا كلامه لما يقول خلاص الكنيسة أعتذرت ولموا الموضوع دا لو أصلا ما أستلموش الدكتور العوا هو كمان جنب الكنيسة
عموما الوقت اللى أحنا فيه دا مفاهيم كتير هتتغير ولحد ما يمسك جمال مبارك الحكم النخبة العلمانية هتتعلم حاجات كتير أقوى
يلا بالشفا

Unknown said...

معلش يا أ/ نوارة ياريت تنشري ده لأنها حالة إنسانية حرجة جدا:
نداء إلي كل من يمكنه التبرع بالدم ...توجد حالة حرجة بمستشفي التأمين الصحي بشارع الطيران مدينة نصر ، قسم الأورام ، إسمها مدام/ نجلاء إبراهيم محمد .. ولا يهم الفصيلة لأن بنك الدم في مستشفيات الحكومة يهمه فقط إيداع كيس بديل. وهذا تليفون زوجها المرافق لها : 0148165236

محمود المصرى said...

بسم الله الرحمن الرحيم

عم مينا

هذا قولك لكن انا شايف ان الامم لا تتغير فى لحظة واحدة , يعنى ماحصلش ان مصر صحيت فى احد الايام لتجد ان المسلمين اللى بجد ماتوا ومابقاش غير المسلمين اللى كدة وكده .
بالتأكيد طرأت تغيرات على طبيعة الشعب المصرى وتفكيره وتوجهاته بمرور الزمن لكن التغير الدرامى لا يمكن نسبته الى اسباب تستغرق عشرات السنين لكى تحدث .
وطبعا حضرتك عارف نظريتى واجابتى على هذا السؤال فلا حاجة لسردها .
بالنسبة للكاثوليك والبروتستانت انا اتصور انى فاهم ما اقول لو لدى حضرتك توضيح ما قد يجعلنى اراجع تفكيرى فهذا يسعدنى جدا .
لكن بالمناسبة انا اتمنى ان كل مسيحيى مصر يكونوا رعايا للكنيسة الاورثوذكسية لأسباب اراها .
تحياتى

Early bird said...

وحول محاضرة الانبا بيشوي فى مؤتمر تثبيت العقيدة والتى ثار فيها جدل وحوار حول مسألة آيات من القرآن ومدى دقتها، قال البابا شنودة:"الذي أفهمه من جهة الانبا بيشوى أن الآية التى ذكرت كانت آية ليس من الأصول أن نتدخل في مفهومها، وأنا أقول دائما أن الحوار الدينى بيننا يجب أن يكون فى النقاط المشتركة بيننا وبين أخوتنا، ويكون الحوار مجرد تعاون من أجل خير البلد ونشر الفضيلة، ومن أجل قضايا وطنية، ولكن ليس من الأصول أن تدخل الخلافات الدينيه الدينية في هذا الحوار".

وأضاف "أن كل شخص له إيمانه الذى يعتز به ولا يصح إطلاقا أن نجرح إنسانا في أموره الايمانية، وهذا الأمر لا نتعرض له إطلاقا لأن نفسية كل إنسان نتحدث له هى أمانة في اعناقنا وواجب روحى لدينا بأن لا نجرح أى انسان، ولا أعرف حصل سرد لمثل هذه الاحداث، وربما كان المقصود أن يعرضوا آيات لكى يصلوا إلى حل فى الخلاف الذى فيها، لكن عموما ليس من الأصول أن تعرض هذه الآيات".

وتابع البابا شنودة قائلا:" إنهم كان لديهم الظن بأن المؤتمر المنعقد للكهنة فقط، فكأن ناس يفحصوا بعض أمور داخل البيت وليس للخارج، لكن بعض الصحفيين حضروا وأخذوا بعض التصريحات وبدأوا فى النشر

لعم مينا بتاع المسلميين الجدد والقدامى الناس دى مشكلتها مع ايات القران وبيقولوا احنا كنا بناقشها داخل بيتنا وبنقول بتحريفها داخل بيتنا والمشكله انكم قفشتونا وعرفتم احنا كنا بنقول على اياتكم _خلى بالك _ اياتكم مش اخلاقكم اللى اتغيرت اياتكم وكونكم بقيتم مسلميين جدد غير متمسكيين باياتكم وكل اللى هاممكم المظهروبعديين الراجل مانكرش انه فى مؤتمر تثبيت العقيده المسيحيه قال ان فيه ايات من القران حد الفها بعد النبى علشان يثبت عقيديتكم وبعديين مصدرش اعتدار من الكنيسه لانه مكانش متوقع رد الفعل ده طيب كويس ان رد الفعل بيجيب نتيجه اهه

أبو عمر - الصارم الحاسم said...

عم مينا

المسلمين قبل مجئ شنودة...او على الاحرى قبل عام 1970 كانوا ما بيصلوش في الجامع - الا العواجيز وكبار السن - والباقي اما بيصلوا في البيت او ما بيصلوش اصلا ولا يعرفوا يتوضوا احيانا...كان الحج خيال علمي وطقوس غاضمة...كانوا مشغولين بعبدالحليم وسعاد حسني وتحية كاريوكا واحمد رمزي ونجوى فؤاد ورشدي أباظة....كان الستات بتلبس ميني جيب وميكروجيب ولبس مفتوح من كل ناحية ومايوهات كمان....كان الرجالة بيلبسوا الدهب....كان الخمور منتشرة في بيوت كتيرة...كان الاختلاط المحرم على اشده


هما دول المسلمين اللي يريحكم التعامل معاهم وتتمنوا رجوعهم


وانتهى هذا كله بصفعة 67...عندما ظن المصريون بحالهم هذا انهم ملكوا الدنيا وظنوا انهم قادرين عليها من غير ربنا


كانت الناس ملهية عن خطايا وجرائم نظام الثورة بفضل اآلة الاعلامية والاستقرار الاقتصادي - اللي كان راجع اصلا لبقايا عهد الملك - وبقايا هيبة مصر القديمة


يمكن ماكانش فيه مشاكل زي اللي موجودة دلوقت لان الاقتصاد كان شادد حيله ولسوا قريبين من عهد الملك اما كان الجنيه يساوي 6 و7 دولار وازمة المساكن والزواج لم تظهر بعد وفساد التعليم والاعلام لم يؤثر بعد في اخلاق وتعاملات الناس....لكن لو ماكانش الدين دخل مع دخول المشاكل
دي ثق ان الاحوال في مصر كانت لتكون اسوأ بكثير

هذا غير ان وجود الدين مع ضيق الحال افضل عند الله الف مرة من عدم وجود الدين مع سعة الحال....لاننا قوم نؤمن بالآخرة...وأن الآخرة خير وأبقى وأن المهم هو رضا الله وليس رضا الناس الذين يوسوس لهم الشيطان بكل خطأ ويلبسه بالباطل احيانا بثوب الحق والحكمة


لسنا حال نوارة هنا هو
:
انسى دينك...انسى اسلامك...انسى عبادة ربك عبادة صحيحة اللي هي اول حاجة نزل عشانها الوحي على نبيك....انسى حرية التحول للاسلام وحرية التحول لعبادة ربك عبادة صحيحة وحماية هذا الحق بالجهاد اذا استلزم الامر اللي هو تاني حاجة نزل عشانها الوحي على نبيك....انسى....انسى كل ده.....المهم ان الا تثير الفتنة يا متوحش...المهم المم......والمهم الامبو


ولكن وفي الآخر لن تجدوا المم ولا الامبو يا بشر وسيحل عليكم غضب ربكم طالما فرطتم في دينكم

اما شنودة فهو ماكر طول عمره....سبحان الله نحن اذكياء جدا في كل شئ لكن نيجي على ما يوافق هوانا ونفقد ذكائنا هذا

افضل شئ قيل عليه هو تعليق الأخ الجزائري الحبيب أبو هاجر

Unknown said...

احا

انتوا يا ثلاثي اضواء المسرح

فيه واحد من شهر فبراير طالع تلاتة دين ابوه شيخ

شيخ سلفي
ما عملش حاجة غير صوته حلو في القراية وبيخلي الناس تعيط وبيسعى في كفالة اليتيم والاصلاح بين الناس

واخد افراج من امن الدولة مرتين واللي ماسك قضيته مركز النديم والشبكة العربية الشيوعيين الكفرة اللي مشغلين نصارى عباد صليب كتير

هو ما يشبهش كاميليا الشيخ محمد؟ مش كتبنا عنه قبل كده
انا من امبارح ما نمتش والساعتين اللي نمتهم جالي فيهم كوابيس الدنيا من اللي سمعته بيحصل له جوة السجن

ومش طالبة من حد حاجة غير النشر على اوسع نطاق عشان لما حكايته تتنشر يعرفوا انهم حيتفضحوا ويعتقوه لوجه الله

الا ما دخلتوا تسيبوا كلمة مواساة ولا نشرتوا حاجة عن حالته وماحدش تناقل اللنك ولا نشر حاجة غير الكفار والنصارى

ينعل ابو ده نفاق في الارض انا من امبارح باعيط

وماسكين في مينا؟

طيب يا مينا غير اسمك لابو لؤي الانصاري عشان يعتقوك

ولا عشان الراجل واقع في ايد امن الدولة يبقى يولع بجاز وسخ

أبو عمر - الصارم الحاسم said...

أحــــتــــين

تلاتة اربعة خمسة ستة

بلاش انتي بالذات تتكلمي على النفاق...متهيألي قلبك للحقائق في الفترة الاخيرة وبشكل فج يديكي اعفاء من الموضوع ده


وعموما على الرغم من عدم قبولي لآرائك مؤخرا لا انتي ولا استاذك ابراهيم عيسى الا اني اول حاجة عملتها انهاردة هو نشر البوست بتاع الشيخ محمد عزت - على الفيس بوك - وطلبت من الناس نشره كما طلبتي ومن قبل ما أرد على عم مينا

طبببعا هتقولي وطالمنا مش طايقني انتى ايه اللي جايبك...زي ما قلتلك قبل كده....للاسف بقت مهمة زي جرنان الاهرام بالظبط حتى وان كنا مش طايقينها

أبو عمر - الصارم الحاسم said...

تاني يا نوارة


لسان حال نوارة هنا هو
:
انسى دينك...انسى اسلامك...انسى عبادة ربك عبادة صحيحة اللي هي اول حاجة نزل عشانها الوحي على نبيك....انسى حرية التحول للاسلام وحرية التحول لعبادة ربك عبادة صحيحة وحماية هذا الحق بالجهاد اذا استلزم الامر اللي هو تاني حاجة نزل عشانها الوحي على نبيك....انسى....انسى كل ده.....المهم ان الا تثير الفتنة يا متوحش...المهم المم......والمهم الامبو


ولكن وفي الآخر لن تجدوا المم ولا الامبو يا بشر وسيحل عليكم غضب ربكم طالما فرطتم في دينكم

Early bird said...

لا طبعا مننشرش اى حاجه عن حالته ولا اصلا اتكلم عنه انت متبنيه قضيته والمحدته شاغاله على الواسع وكله كلام فى كلام زى ما قلتى فبل كده حندخل نقلك ايه بندعيله وده اقصى حاجه نقدر نعملها زى ما بنعمل لكاميليا بالضبط لكن تبقى مش شايفه الفتنه الطائفيه اللى فى البلد ومحملاها كلها للمسلميين اللى اتجرا عليهم كلاب السكك باكتب علشان اعرفك وجهه نظر مجموعه من الناس اللى هى برضه كلام
كنا عملنا ايه لخيرت الشاطر ولا لحسن مالك ولا لكل المقبوض عليهم وبالنسبه لمينا انت برضه اسمك نواره وبنت كاتبه اسلاميه لا تريزا ولا كاترينا ولما الكلام ميعجبناش بنرد عليه

Early bird said...

http://www.youm7.com/News.asp?NewsID=283738&SecID=12


الظاهر يا حاجه انتى فيكى شئ لله

علشان جمال مكانش عاجبك اهم بيلمعوا التانى قلتى لما جمال يمسك حتسيبى البلد امال لما ده يمسك بقى حتعملى ايه

Unknown said...

استاذه نواره مينفعش واحدة معجبة تقول احه حرام عليكى

عبد الله السلفى said...

شنوده انكر اعتذاره بعد كده على المصرى اليوم وهوا عمره ما هيطلع نفسه غلطان عشان يبين انه زعيم ومينفعش يغلط

hala said...

من الأصل هذا الراجل من الأول ليش يحكي ويخبص بالحكي