Friday 10 September 2010

السودان حتتقسم يا بتوع الحسنة في دقن كاميليا

مرة الازاز في تي شيرت محمد فؤاد، ومرة الحسنة في دقن كاميليا
حسبي الله ونعم الوكيل 
حسبي الله ونعم الوكيل
والنهاردة السودان وبكرة مصر، بس يا ترى لما الصعيد ينفصل عن بحري العاصمة حتبقى ايه؟
انا عايزاكوا تتخانقوا مع بعض الخناقة دي، سيبكوا بقى من ان خطة تقسيم مصر اتنشرت قبل كده واحنا ما التفتناش، وسيبكوا ان العالم بيشتغل على السودان لما هلهلها ودمها في رقبتنا، وسيبكوا من ان تقسيم السودان يعني عطشنا احنا، واتخانقوا مع بعض على العواصم، بتوع بحري يتخانقوا حتبقى اسكندرية ولا دمياط ولا بورسعيد وبتوع الصعيد يتخانقوا حتبقى اسيوط ولا قنا ولا سوهاج 
مش عايزاكوا تفتوا فرصة ما تتناقشوش في حجم رجل الفيل زي البيزنطيين
بس لسه لسه، لسه عندنا استفتاء، وبعدين تقسيم، واحنا لسه حنتقسم كمان كام سنة، يعني عندكوا وقت تدوروا على الحسنة في دقن كاميليا من هنا لسنتين تلاتة
هيلاري كلينتون‏:‏ انفصال جنوب السودان حتمي
واشنطن ـ من هدي توفيق‏:‏




هيلاري كلينتون‏:‏ انفصال جنوب السودان حتمي
توقعت وزيرة الخارجية الأمريكية استقلال وانفصال جنوب السودان عن الشمال‏,‏ ما سمته هيلاري كلينتون المحتوم‏.‏


وأعلنت لدينا تحديات صعبة في السودان‏,‏ وقالت إن الوضع في الشمال والجنوب هو بمثابة قنبلة موقوتة سوف تترتب عليها عواقب هائلة وتحديات رهيبة كما قالت‏.‏
كانت هيلاري ترد علي سؤال خلال لقاء مع مجلس العلاقات الخارجية في واشنطن‏.‏
وقالت إن الولايات المتحدة تعمل جاهدة مع شركاء لضمان اجراء الاستفتاء في جو من الهدوء والسلام والاعداد لما وصفته بالنتيجة الحتمية باستقلال الجنوب وانتقدت هيلاري عدم وجود الاهتمام الضروري لموضوع الاستفتاء في الموعد المحدد‏..‏ والسبب كما قالت‏..‏ هو أن الجنوب ليست لديه الخبرة والامكانية لاعداد متطلبات اجراء الاستفتاء أما الشمال كما قالت لا يريد وليس متحمسا لبذل الجهود لاجراء الاستفتاء لأن النتيجة واضحة إزاء ما سوف يسفر عنه الاستفتاء‏.‏
أعلنت اهتمام الولايات المتحدة البالغ بموضوع السودان وقالت إن الإدارة كثفت وجهودها في جوبا في الجنوب‏.‏
وأنشأت من الآن ما يعتبر قنصلية أمريكية ولها الآن قنصل أمريكي في جوبا عاصمة الجنوب‏.‏
وأوفدت الدبلوماسي الأمريكي السابق بريتستون ليمان للمساعدة في الإعداد للاستفتاء بين الشمال والجنوب‏..‏ بالتحديد لبحث القضايا الرئيسية بشأن اقتسام الثروة والسلطة‏..‏ ودخل البترول‏.‏
أضافت أن الإدارة تحاول إقناع شمال السودان الخرطوم والجنوب بإجراء الاستفتاء تنفيذا لاتفاق السلام الشامل‏..‏ كما قالت‏.‏
أشارت الي أن الفترة الزمنية الباقية قصيره للغاية لاجراء الاستفتاء وسوف نحتاج للكثير من المساعدة وسوف يساعد مركز كارتر الرئيس السابق في ذلك‏.‏
إلا أن هيلاري أكدت أن المشكلة الرئيسية هي عندما يحدث المحتوم علي حد قولها بإعلان استقلال الجنوب وتجري واشنطن مفاوضات مع الجنوب والشمال حول كيفية التعامل مع نتائج الاستفتاء واستقلال الجنوب‏.‏
وذلك بالتركيز علي التعامل مع دخل البترول وقالت إذا كنت في الشمال‏,‏ وتجد فجأة أنه سيتم رسم خط حدودي وسوف يفقد الشمال‏80%‏ من دخل البترول‏.‏
وما هي الصفقات التي يمكن أن تعقد؟‏!‏
حتي يتم تخفيف العنف الذي سيحدث‏!‏
أضافت واذا نجحنا في وضع اتفاق جيد فإنه سيكون صعبا جدا بالنسبة للشمال‏.‏
كما قالت هكذا تعد الولايات المتحدة لاستقبال العالم لدولة إفريقية جديدة في جنوب السودان في الوقت الذي يحتدم الصراع الإفريقي حول مياه النيل من المنبع الي المصب‏..‏ والصراع حول البترول بين الشمال والجنوب‏.‏


--------
عشان نبقى واضحين مع بعض، مصر اسمها في المشروع الكبير: الجائزة الكبرى
يعني بعدها مافيش تاني
احنا مش حرين نعمل في بلدنا اللي احنا عايزينه فيه ناس معلقة في رقابينا كفاية اللي عملناه في الناس قبل كده

37 comments:

سواح في ملك اللــــــــــــــــــه- said...

حيثمايوجد البترول تجدوا مناخير امريكا

سواح في ملك اللــــــــــــــــــه- said...

مش برضه الازاز االلي في التيشيرت بتاع فؤاد كان في السودان

سواح في ملك اللــــــــــــــــــه- said...

اه طبعا الجائزه الكبري هو احنا اقل منها ولا ايه احنا دوله رائده في ايه مش فاكر

بهيج الشرير said...

كل سنة وأنتي طيبة ياأبلتي

مواطن مصري said...

الحقي في انفجارات في كاليفورنيا بتولع

مواطن مصري said...

الحمد الله طلع انبوب غاز و الموضوع ملهوش علاقة ب المسلمين ولا العرب يا فوكس نيوز متعملش ضجة علينا بقى

Unknown said...

كله منفد على كله
يعنى فكرك التسخين اللى داير مابين المسلمين والمسيحيين ده صدفة؟؟؟
تبقى طيبة اوى
وخللينا فى اوهامنا وفاكرين ان من النيل الى الفرات والعلم ابو خطين زرق
دول منظر بس و ماحدش هايعرف الا اما نلاقيهم مشرفين فى المعادى وعلى ضفاف دجلة وشكلها قربت اوى
عيد اسود على دماغها ست زفتة هيلارى

Mohamed said...

كل سنة وأنتي طيبة

احمد خليل said...

السودان خلاص إتقسمت ،دولة فى الشمال مسلمة وفقيرة، ودولة مسيحية او وثنية غنية بالبترول فى الجنوب . الدور على مصر الجائزة الكبرى لاسرائيل ومصر انقسمت من السبعينات الاغلبية المسلمة بتحرق الكنايس والاقلية بتلوز بالكنيسة..والشرخ بيوسع يوم بعد يوم... واذا العقلاء ما لحقوش يعملوا حاحة...ورائى مش حيقدروا
اكبر قوى سياسية فى مصر اليوم الاخوان المسلمين والكنيسة،والتقسيم فى صالح الاثنين، وبيسعوا الية

أبو عمر - الصارم الحاسم said...

ومبن قال ان موضوع ماتش الجزائر ومحمد فؤداد يستوي مع موضوع كاميليا والمسلمات الاسيرات
؟

وموضوع كاميليا وموضوع تفتيت مصر والسودان مرتبطان ببعض ...كلاهما نصارى الجنوب في مصر والسودان هما أداة تفتيت البلدين

البداية واحدة...دعاوى اضطهاد طائفي....ثم تسليح لهم - سمعتي عن حادثة الزيتون وكيف تمت وعن سفينة المتفجرات بتاعة بورسعيد واللا الحاجات دي ما بتسمعيهاش ان شالله ما تسمعيش وحش - والخطوة الجاية هي بروز التمرد المسلح حقيقة على السطح مع تسليح اكثر تطورا لهم من الغرب ودعم ديبلوماسي زي ما عملوا مع جنوب السودان خاصة مع قرب موت مبارك الاب وان جاء الابن فهتخف وهتضعف قبضة الجيش والشرطة وهنخش في دوامة عنف داخلي سواء طائفي او اجرامي او اجتماعي - او جهادي في سيناء ومفيش مشكلة في الجهادي من حيث المبدأ لكنه لن يكون بشكل ممنهج ومنظم وتحت سيطرة الدولة القوية فهيضر هنا بوحدة مصر وان كان هيفيد في نواحي مالهاش علاقة بمصر

كل ده واحنا عايشين في الرومانسية والتسطيح وونشالله سمع خير ومانسمعش حاجة وحشة عن حبايبنا اببببببببدا

Anonymous said...

عندما نتعلم أحترام الفرد سنتعلم الأهتمام بالقضايا الكبرى أذا كنتى يا أستاذة نوارة تعتقدين أن الأهتمام بقضايا التغيير والحريات والمشكلات السياسية أولى من الأهتمام بقضية مثل قضية أختطاف كاميليا فأعلمى أنه أذا لم تحل قضية كاميليا وقضية خالد سعيد وكل قضايا الأضطهاد الذى يمارس سواء من النظام أو من الكنيسة أو من الأزهر أو من بعض الأتجاهات السلفية ضد من يخالفهم سواء كا أضطهادا فرديا أو جماعيا سياسيا أو دينيا
أذا لم تحل مشاكل الأضطهاد والتعسف فسيتم تقسيم السودان وكل الدول العربية ولن تحل أى مشكلة من المشاكل فى الداخل ولا الحارج
ما دامت هذه النغمة التى تهون من قضايا فردية لصالح قضايا عامة موجودة فسيظل الوضع كما هو عليه
أذا كانت كاميليا أسلمت أو تنصرت فهذه ليست المشكلة أنما المشكلة لماذ تحدث حادثة مثل حادثة كاميليا أصلا ؟
أذا كنا نخشى أن السودان سيتم تقسيمه فما حدث فى موضوع كاميليا يؤكد أن مصر تم تقسيمها بالفعل

مهندس مصري بيحب مصر said...

و ايه اللي يمنع اننا نتكلم في كل الموضوعات دي مع بعض
و لا نكتم الحق في موضوع علشان نلفت الإنتباه لموضوع تاني

Unknown said...

يا محمد انتوا ما بتعملوش اي حق ده عين الباطل يعني شوف الصارم الحاسم ده بيتكلم كده زي ما يكون فيه سلك كهربا مفوت في دماغه نتائجه غير مرتبطة بمقدماته خالص، بيقولك دعاوى اضطهاد وتسليحهم وبعدين يخلص لنتيجة بقى اننا لازم نصعد ونعمل مواجهة عشان نخلي امريكا تدخل وتظبطنا مثلا

امال لو ما كانوش باعتين جواب لاوباما؟

بس بقى حتخربوها على دماغنا

ومافيش حد لفت الانتباه، ماهواش موضوع قديم وبنفتحه دلوقت يا محمد، كلينتون لسه قايلة الكلام ده امبارح

ساعتنا قربت

وربنا حيحاسبكوا واحد واحد والله العظيم على اللي عملتوه في البلد ده

مهندس مصري بيحب مصر said...

يا بنتي أنا ضد تقسيم السودان طبعاً
لكن برضه ضد إختطاف واحدة زي كاميليا و غسيل المغسول لها كما قالوا
اللي في الفيديو دي مش هي خالص
يبقى ازاي ألغي عقلي و أسكت على الموضوع علشان أخلص و خلاص

انا مش مسؤول عن كلام الصارم الحسام
بس فعلاً الكنيسة و شنودة زودوها قوي و مبارك سايبها تضرب تقلب و فرحان بالهيصة

سواح في ملك اللــــــــــــــــــه- said...

الي الاخ مهندس مصري مشكلتنا ان احنا بنفكر بالعاطفه كونك ان انت تتمني ان هي تكون مسلمه ده شئ وكون هي او مش هي ده موضوع تاني تاني حاجه الموضوع زاد عن حده وبوخ مينفعش الكلام اللي احنا بنعمله ده لو هي مراتك او بنتك عمرك ولا هتعرضها علي شريط فيديوا ولا هتهتم براي الناس ومش بعيد تطلقها عشان جابت لك الكلام خليكو في الاهلي والزمالكط احسن

Unknown said...

يا ابني مبارك مش سايبها تضرب تقلب

مبارك هو اللي محرك ده كله

مين قال لك ان مبارك فاقد السيطرة؟

بالنسبة لشنودة، اه هو بقى اللي فاقد السيطرة واللي مسيطر دلوقت بشوي، شنودة عيان ومش عارف يتصرف وعمالين يرفعوا تقارير بان البنات المسيحيات المسلمين بيخطفوهم

وهو ما بقاش زي الاول مش عارف يسيطر، بشوي عايز يبقى البابا لما شنودة يفلسع، وعشان كده عمال يهوبص بالطريقة دي

من حيث ان الكنيسة زودتها اه زودتها يا محمد، بس خليك عادل كمان، وكمان السلفيين زودوها، وحرضوا الناس كتير على اعتداءات على المسيحيين

ومافيش حد في ام البلد دي ماشي عدل عشان يحتار عدوه فيه

المسألة مش مسألة تقسيم السودان، احنا حنعطش يا محمد، واحنا حنتقسم احنا كمان

وما بقاش فيه حد عنده ولاء للبلد دي، اللي عنده ولاء لامريكا عشان فاكرها حتنقذه واللي عنده ولاء للسعودية عشان بتقبضه

مين بقى حريص عليها؟

بالنسبة لموضوع كاميليا بص له من بعيد كده حتلاقيه شبه موضوع الجزائر

موضوع الجزائر عبارة عن: خسرنا ماتش والجمهور كل علقة
ايه دخل مصر وكرامة مصر ومشكلة الصحارى ما بين الجزائر والمغرب؟

موضوع كاميليا: كاهن مجهول الهوية قدم بلاغ لامن الدولة ان مراته مختفية

ما تفهمش ازاي بقدرة قادر انتشر بين الالاف اللي عملوا مظاهرة ان واحد مسلم خطفها واسلمها بالعافية

ثم ظهر انسان مجهول اخر اسمه الشيخ ابو يحيى حلف على المية تجمد ان كاميليا اسلمت طب فين اقرا اسلامها؟ نسيت اصوره

دي كل الحكاية من اولها لاخرها

دي كل الحكاية اللي على اساسها المسيحيين والمسلمين عملوا مظاهرات في كنايس وجوامع واتصرفوا بوساخة هم الاتنين

عاملة زي قتل صافي سليم كده، واحدة ابوها قاتلها وفي السكة ما بين القتل لاكتشاف القاتل الناس كلها اتفضحت

كاهن وشيخ ماحدش يعرف عنهم حاجة وواحدة طفشانة

على اساسهم قامت الثورة الطائفية وكل واحد طلع خرا من جواه

خرا خرا خرا خرا

مافيش متظاهرين محترمين ابدا

والمسألة مالهاش علاقة بتغيب مواطنة يا محمد برضه خليك حقاني

لو له علاقة باحتجاز مواطنة بشكل قسري كانت المظاهرة تبقى عند النائب العام

مش عند الكنيسة والجامع

المظاهرات عند الكنيسة والجماع لان دوافعها طائفية

وطائفية وسخة ورمة وخاينة كمان

لما ناس توصل بيهم الدناءة انهم يقولوا حندول القضية ونبعتها للامم المتحدة ويبعتوا جواب لاوباما تبقى دي ناس وسخة ورمة وخاينة

لما ناس توصل بيها الوصولية والعبودية والغباوة انهم يهتفوا لجمال مبارك: يا جمال حتبقى الريس خطف بناتنا مش كويس تبقى دي ناس وسخة ورمة وخاينة

وبصراحة انا ما بقتش طايقة حد في البلد خالص

زي ما كنت كارهة كل الناس ايام الجزائر

ودي هوجة يا محمد

هوجة زي هوجة الجزائر، مالهاش علاقة لا بالحق ولا بالقانون

هوجة ومتهندسة ومعمولة بالقصد عشان نوصل في الاخر اننا نبقى زي السودان

وزي ما هلولة الجزائر زودت عزلتنا وخلت طوب الارض في العالم العربي يكرهنا

خلاص كده مصر بقت لوحدها لو اتفرمت ستين حتة ماحدش حيسأل فيها من محيطها الاستراتيجي بسبب الخرا اللي طلع مننا ايام ازمة الجزائر

برضه دلوقت الحكاية بتتطبخ وحتشوف يا محمد انها حتتطور

اسمع بقى السيناريو القادم عشان ما تتفاجئش

الطائفية حتتطور وحتوصل لمصادمات
وامريكا حتتدخل عشان تحل النزاع وتحمي الاقليات
ومصر حتتقسم شمال وجنوب وشمال شرق

دور على خريطة مصر في خطة الشرق الاوسط الجديد وانت تلاقيها

وكل مشارك في الفتنة دي دم البلد دي ملطخ ايديه

وانا بابرأ الى الله من اللي بتعملوه في بلدي

وحسبي الله ونعم الوكيل

سواح في ملك اللــــــــــــــــــه- said...

لو التصرفات بين قطبي البلد بالطريقه دي كل يوم هتلاقي حادثه بنت اتنصرنت وقصادها بنت اسلمت وهتبقي العمليه سجال يوم لك ويوم عليك وهنولع في بعض وعندنا بنات مسلمات لايعرفن شئ عن دينهن كونهن مسلمات في البطاقه ومثل هؤلاء مااسهل التاثير عليهن

Unknown said...

مافيش حد في دين ام البلد دي يخاف عليها؟

التاريخ حيذكر ان الحسنة في دقن كاميليا هي اللي قسمت مصر بعد سبعتلاف سنة من توحيد الملك مينا للقطرين

سواح في ملك اللــــــــــــــــــه- said...

يااستاذه احنا بندعوكي استاذه فبلاش لهجه من عينه دين ام و كذا ام دي عشان عيب وانا عارف الكلام مش متوجهلي بس حافظي علي هدوئك وقرائك لو سمحتي

أبو عمر - الصارم الحاسم said...

مهندس مصري

وماله كلام الصارم الحاسم



نوارة

صافي سليم
؟
!!!

مش مشكلة....الاول كان ماتش الجزائر وبعدين صافي سليم

انا بقول نجيب حسن محفوظ يحقق في الموضوع...اي والله...عايزين واحد زيه هو اللي يحقق في الموضوع ده

وعلى فكرة فيه واحد كان حط لك قبل كده لينك للشبكة السلفية لمقاومة التنصير نفوا فيه موضوع جواب اوباما ده اللي انتي عمالة تلفي بيه

وامريكا لن تتدخل لحماية نصارى مصر بعدما حدث في افغانستان والعراق...كله فرقعات وتهويشات واوراق ضغط على النظام الحالي امخوخ

وفاهم منكلامك ده في خوفك على مصر من كده ان ام النضال خافت اخيرا من ورقة التهديد والرعب الاستعمارية
؟

اتغيرنا كتير

Unknown said...

بس يابني

بس يابني مدير المرصد الاسلامي بنفسه قايل انه حيبعت القضية للامم المتحدة
http://dostor.org/politics/egypt/10/september/4/27646
يارب ينفخوه

أبو عمر - الصارم الحاسم said...

اولا هو نفى فعلا موضوع الجواب لاوباما

ثانيا...في رأيي انه غلطان انه يبعت للام المتحدة طبعا


البنات دول يطلعوا بطريقة من اتنين

سلطة الدولة...اولا ثم ثانيا ثم ثالثا


اما انه يصدر قرار ملزم باحضار كل الفتيات المسلمات المختفيات الى مكتب النائب العام واظهارهم في مؤتمر صحفي مباشر ومفتوح بنقابة الصحفيين

وان امتنعت الكنيسة عن التنفيذ....يبقى جهاز مباحث امن الدولة الهمام اللي بيعرف دبة النملة يعرف البنات دول محجوزين في انهو مكان بالظبط

ويتم مهاجمة المكان ده حتى وان كان اكبر كنيسة فيكي يا مصر عن طريق القوات الخاصة مدعومة بالأن المركزي ويبقى معاهم كاميرات بتصور - بتبقى موجودة الكاميرات دي في تجهيز زيهم القتالي ...وتحرير هؤلاء البنات

ثم القبض على كل قسيس وكاهن شارك في هذا الامر لو ثبت من الاقتحام حدوث عمليات تعذيب او حتى لمجرد امتناعهم عن تنفيذ الامر القضائي الاول ..كل قسيس حتى وان كان شنودة وبيشوي وتقديمهم للمحاكمة


الحل التاني...ان نامت الدولة في العسل...ان الناس نفسها تقتحم الكنيسة وتطلعهم بالقوة



غير كده الف مظاهرة قدام النائب العام او في المساجد لن تفعل شئ وهتكون ظواهر صويتة طالما الحكومة مصرة على عمل ودن من طين وودن من عجين


اما اننا نسيبهم عشان خاطر الوطن وشركاء الوطن وتراب الوطن وان دي موضوعات تافهم وايه يعني واجحدة اسلمت والكلام اللي مش جايب همه ده فده فعلا اللي هنتحاسب عليه حساب عسير قدام ربنا وابرا الى الله من كل من يقول هذا

أبو عمر - الصارم الحاسم said...

بس الراجل من غلبه قال كده...لكن عقائديا اجده مخطئ والله اعلم - لا يجب ان يستعين بالأمم المتحدة ويجب ان يستعين بالناس داخل مصر.... غير ان الامم المتحدة لن يفعلوا له شيئا وحتى لو هيفعلوا

انا باتكلم عقائديا انه مخطئ....لكن طبعا انتي بتتكلمي وطنيا مش عقائديا

أبو عمر - الصارم الحاسم said...

وياريت تتفكري شوية فيمن تم استخدامهم لتقسيم السودان...وفيمن يراد استخدامهم لتقسيم مصر والمقارنة بينهم

نقطة المقدمات والنتائج اللي مش عاجباكي

Sahran said...

نوارة مرحباً بك ,,
قرأت التعليقات بالأعلى , ولفت انتباهي ملاحظة ذكرتيها عن ترديد المتظاهرين لمقولة :
يا جمال حتبقى الريس خطف بناتنا مش كويس

بالنسبة لي , فالمسألة أصبحت واضحة ,,,

مشكلة مصر والجزائر كان المايسترو فيها هو علاء مبارك , والذي فجأة صرنا نراه في التلفاز وقتها , واليوم يعودوا من جديد , باللعب على الوتر الطائفي المنهك أصلاً منذ سنين ,,
هم يلهوا الشعب بمشاكل سخيفة , ومن تحت الأضواء يتم توطيد معركة التوريث لصالح جمال مبارك ,,

لست مصرياً , وقد يعتبر البعض بأن لا حق لي في الكلام عن مصر , ولكن كجار لمصر أشعر بالأسى لما وصلتم إليه


تحيااااااااااااااااااااااتي لك


ودمت سالمة

Unknown said...

ابو عمر -
المشكلة ان لهجتك مش لهجة اقناع
لو اتكلمت بدون عصبية ممكن توصل رايك احسن- انت كلامك فيه كتير صح بس
انك تقول النصارى كلهم وحشين تبقى غلطان...الرسول ص لما حارب اليهود حارب كل مرة بسبب وما قالش كل اليهود خاينين
ممكن لو قلت الكنيسة هى اللى غلط تبقى اقرب للدقة
المسيحيين اغلبهم مضحوك عليهم
زى كتير من المسلمين
وانا معاك كل اللى قال ان مافيش حاجة صغيرة وحاجة كبيرة
بس مع نوارة ان دورنا قرب
ويمكن نبقى بعد ايران وسوريا فى الليستة وده مش بعيد
وبعدجين مين قال ان الامريكان خدوا درس من افغانستان والعراق؟؟
هما كانوا خدوا درس من كوريا ولا فيتنام ولا ولا ؟؟
دى اجندة ومصلحة اللى حاكمين امريكا وهاتتنفذ يعنى هاتتنفذ
فعلا احنا نايمين فى العسل

Early bird said...

لا هى ماسمهاش كده

هى اسمها السودان حيتقسم يا بتوع المواطنه

اسمها السودان حتتقسم ياللى سايبين دوله الكنيسه تحكم

اسمها السودان حتتقسم باللى سايبين الرهبان يتسلحوا وسايبين اقرايب المطارنه بتوع بور سعيد يجيبوا متفجرات

اسمها السودان حتتقسم وانتم يا مثقفيين متغافليين عن نغمه العرب الغزاه وارجعوا يا مسلميين مطرح ما كنتم

اسمها السودان حتتقسم با للى شافيين ان عداء الغرب لينا مجرد علشان فى ايدينا ثروات مش بيهاجموا العقيده بتوع البوسنه ايه الثروات اللى فى ايدهم لما الصرب طلع ميتينهم
ومحاكم التفتيش كانت ليه الا لمحو الهويه الاسلاميه لان الاسلام هو الهدف

مش الحسنه اللى فى دقن كاميليا هى اللى لهيانا

تركنا لديننا وجرينا وراء اليميين واليسار هو اللى جايب لينا الكافيه

Unknown said...

هو بس عندي كام سؤال

السلفيين بييجوا عندي ليه؟ اه والله، اكيد عندي حاجة غلط، ماحدش فيهم بيفكر يروح عند حد تاني

ايه عنصر الجذب فيا للسلفيين؟

الصارم الحاسم

انا عارفة طبعا موقفك من الحيادية، فاكرة انك قلت لي ان الحيادية بين المسلمين وغير المسلمين بتخرج من الملة قبل كده

بس احب اوريك نفسك بس، انا ضد تدويل القضية لكن الراجل قال كده من غلبه

ولو واحد مسيحي قال نفس الكلمة يبقى ابن كلب عميل مش بيقول كده من غلبه

ليه؟

اه.. عشان الحيادية والعدل حرام بيودوا النار

Unknown said...

يا جماعة أولا علشان البلد ماتولعش
يبقى بالضغط على الدولة علشان
تنفذ القانون على الكنيسة
حتى لو كان الانبا شنودة هو مالوش حصانة...انما تقتحم الكنيسة دى يعنى نولع فى بعض والامريكان والييهود هما الللى يكسبوا


وبعدين ايه دخل حرب البوسنة فى الهجوم على الاسلام
صحيح الحرب فعلا على عقيدة الاسلام لكن بسبب ثروات ومصالح عند المسلمين
وبسبب دوافع ثأرية من ايام الحروب الصليبية....انما يعنى لو كانوا بيحاربوا الاسلام علشان هو صح
يبقى كانوا اسلموا من زمان

Early bird said...

طيب يا فيلسوفه تفتكرى السودان حيقسم ليه شمال مسلم وجنوب مسيحى

مع انه يعنى السودانيين معروفيين بطيبتهم يمكن طيبتهم دى هى السبب وماكنوش شافيين الحفره اللى بتتحفرلهم

يمكن اتقسموا علشان كان كل واحد بيدور على اكل عيشه وسايب التنصير يشتغل فى الجنوب وماكنوش واخديين بالهم من التسليح اللى بيردم الجنوب حتى اصبح لهم جيش يناطحوهم بيهده حتى المسيحيين اللى عايزين الانفصال مش مكفيهم ان واحد مسيحى يبقى نائب الرئيس هم اصلا مش عايزيين مسلميين

ملحوظه التعليقات اللى شايفه اها سلفيه ابقى احذيفيها يا ستى محدش قالك اقريها

Unknown said...

يعني ايه السودانيين معروفين بطيبتهم؟ ههههههههههههههههههههههه ايه الكلام المتخلف ده؟

صح، هم السودانيين معروفين بطيبتهم وبوابين

برضه ما قلتليش، بتيجوا عندي ليه؟ ايه اللي فيا غلط بيجيبكوا عندي؟

Unknown said...

وفيه واحد عصابي ملا لي السبام وكل شوية اخش سليكت اول وامسح السبام

طب هو عارف انه محطوط سبام، بيكلم نفسه؟

mido said...

السلام عليكم

ايه رأيك فى عمر البشير ؟؟

سواح في ملك اللــــــــــــــــــه- said...

دورنا ماقربش ولا حاجه كل دي مشاكل داخليه ممكن تتحل وانا مش بقول الكلام ده من فراغ رغم ان في مشاكل داخليه كتير بس مصر في العشرين سنه الاخيره اتعرضت لمؤامرات كتيره عربيا ودوليا وتجاوزناها مصر من الداخل مشاكلها كتير صحيح بس مصر لازالت من اقوي دول الشرق الاوسط والكلام ده مش مبالغ فيه مصر كذا مره حاولوا يجرونا لحروب ملناش علاقه بيها واللي مفكر البلد ممكن تتقلب فوضي في لحظه يرجع بذاكرته شويه ايام مظاهرا الامن المركزي مجرد نزول الجيش ظبط البلد انا مش متحيز لنظام الحكم بس دي الحقيقه

doudou said...

حسبي الله و نعم الوكيل يا مسلمو بني اسرائيل
تحسبهم جميعا و قلوبهم شتى"""
النهاردة في صلاة العيد(كنت في جامع في منطقة شعبية عادية مش في منطقة عشوائية) وجدت أطفال بلبس قديم متهالك و شباشب مقطعة وواحد حافي خارجين مع أهلهم يصلوا العيد مش قادرة انسى المنظر وأنا اللي كنت فاكره نفسي قلبي جامد
رأيكم ايه يا مثقفين دام عزكم يابتوع نضال آخر زمن في العوامات بزمتكم دي بلد هتقوم لها قومة؟مسحيين بقى و مسلمين المصري هو المصري
وكاميليا اتخطفت يارجالة
مين اللي خرب السودان وفلسطين و بيشرشح ليل نهار للعرب و ايران و يبوس ايد أمريكا مش برضه أم الدنيا

Unknown said...

doudou

شفتي؟

شفتي الهنا اللي انا فيه؟

شايفة اللي التعليقات؟

شفتي اللي انا فيه؟ صدقتيني لما قلت لك حتقابليهم في اي حتة في الدنيا اوعى تفتكري انك انت اللي منحوسة؟

صدقتيني؟

مواطن مصري said...

وفاة طل الملوحي .. داخل معتقلات النظام السوري


http://www.democraticac.com/ar/2009-10-11-11-43-12/97-2009-10-26-20-08-41/3910-2010-09-10-18-56-15


هل هذا الخبر صحيح عاوزين تأكيدات