Tuesday 7 September 2010

لا إله إلا أنت سبحانك إني كنت من الظالمين

همممممممممممممم
المفروض اني عاملة البوست ده عشان اصالحكوا، بناء على تأنيب طنط محسنة توفيق وماما على البوست اللي قبل اللي فات، قعدوا يقولوا لي حرام عليك، دول غلابة، بتعملي فيهم كده ليه؟ وحسسوني انهم بيتكلموا عن مراهق عنده اربعتاشر سنة واني عقدته وهدمت تصوره عن نفسه وما راعتش السن الحرجة اللي هو بيمر بيها وقلت له وشك فيه حبوب ودمك تقيل ومستوى ذكاءك اقل من المتوسط، مما قد يؤدي انه لما يروح المدرسة يضرب زمايله وممكن ينحرف ويشرب سجاير بسبب الكلام القاسي اللي قلتهوله، ومش بعيد يطفش ويسيب البيت
وطنط محسنة قالت لي: لما هم شعب واطي حارقة نفسك عليهم ليه؟ قلت لها: عشان انا واطية زيهم.. فبهتت
كانت خالتي الكبيرة الله يرحمها، عبقرية في الرياضيات البحتة، كانت دايما تقول: كله زيفت كله أرف وأنا كمان حمارة. ماما قالت لي انت عملتي زي خالتك: كله زيفت كله أرف وأنا كمان حمارة.
قلت لها ما كان معاها حق، فقالت لي: وذا النون إذ ذهب مغاضبا فظن أن لن نقدر عليه فنادى في الظلمات أن لا إله إلا أنت سبحانك إني كنت من الظالمين
بتوجع لي قلبي أمي.
فتحت المدونة عشان اصالحكوا، بس غبائي خلاني افتح الريدر وابص على كام مدونة على كام موقع على كام جرنال على كام تعليق من تعليقات الناس اللوز......... اففففففففففففففففف استغفر الله العظيم، له حق اسامة غريب يطلب من الدستور تقفل التعليقات وقال لي: ده اللي بيشكروني على المقال بيغيظوني اكتر من اللي بيشتموني عليه، بالاقيهم بيشكروني على عكس اللي انا كاتبه
وانا اياميها كنت حنينة وقلت له: ليه؟ ما تسيب الناس تنفس عن نفسها، انا في الاول كنت باقرا التعليقات على مقال الدستور واهتم ارد عليها، وبعدين لما اكتشفت ان جل المعلقين عصابيين بطلت ابص عليها، بس ما قلتش يقفلوا التعليقات لان دي ناس محتاجة تنفك
بعد ما اتغميت من الجولة النتية قفلت وقلت ابقى اصالحهم بعدين، لما انزل الشغل وارجع
نزلت الشغل فطبعا قابلت ناس... مشكلة دي اني اقابل ناس، هلاوس سمعية وبصرية
بس سواق التاكسي قال لمحمد ان العيد يوم السبت عشان رمضان السنة دي 31 يوم، وما كانش بيهزر، كان بيتكلم جد، اصل محمد مهتم يعرف العيد امتى، وقال لي انه سألني عشان مسلمة وسأل صلاح عشان شيوعي وسأل التاكسي عشان من السكان الاصليين زي ما بلال بيقول عليهم، ومن خلال تجميع اجاباتنا يقدر يعرف الاجابة الصحيحة من خلال معرفة المتوسط، ومش عارفة محمد مهتم ليه بالعيد مع انه مش صابم، ومش مسلم اساسا، وطبعا زي اي واحد مش مسلم وجاي من اسرة مسلمة رأيه المسلمين هم الغلطانين في كل حاجة وغلطانين اساسا انهم اتولدوا
وطبعا زي اي مسلم مولود في اسرة مسلمة قرر غيره من بقية الزملا ان المسلمين اصلا ما بيغلطوش لان معاهم توكيل من ربنا يعملوا اللي هم عايزينه وبتاع الامن قرر ان بتوع النت كدابين، وان الريس ما قالش اسرة حسنة، ده بتوع النت هم اللي فبركوا له الفيديو، واذاعة القاهرة الكبرى افشل اذاعة في التاريخ، وصاحبتي المسيحية بتقول هلاوس عن جدي اللي من الف سنة اللي كان فقير وعشان كده دخل الاسلام لانه ما دفعش الجزية واللي يضحك ان المسلمين بيزعلوا من كلامها ده، واللي يضحك اكتر انها بتزعل من زعلهم، وكلهم مصدقين حكاية خطف البنات، بس كل واحد فاكر ان التاني بيخطف البنات من عنده، والمدير رايح جاي بدفتر الامضا كأنه متجوزه على مراته عرفي، والعيال كلهم بيتخانقوا على صياغة خبر ماحدش حيقراه اساسا لان ماحدش بيشوف القناة بتاعتنا، وصاحبتي التانية بتتابع مسلسل العار وتقريبا هي الوحيدة اللي ممكن تتابع مسلسل زي ده،
المهم يعني...
ما تزعلوش

24 comments:

سواح في ملك اللــــــــــــــــــه- said...

هو ايه اللي محمد مش مسلم وبطرس مش مسيحي وياكوف مش يهودي هو الدكتور اللي انتي كشفتي عنده اسمه ايه هما هيغيروا الساعه في العيد والا لا دي اخره محمد وعلي وابراهيم معلش بكره تخفي وتبقي كويسه

سكوت هنصوت said...

تصدقي انا في اكتئاب من امبارح بسببك....انا حسيت اني اتغسلت واتكويت واتنشرت واتشطفت..من غير ما افهم انا عملت ايه اصلا...ده انا قعدت ابص في المراية..تكون بتكلمني...ماهي قالت يالي بتقروا المدونة..ماهو انت كمان يا مها بتقري المدونة ليه...حبكت يعني...بس تكونش بتكلمني...طب هو ايه الي حصل هه...يعني ايه الي حصل...هي نزلت المظاهرة وما عجبهاش الهتافات..ولا ما نزلتش المظاهره بس ما عجبهاش الهتافات...طب تكونش حد قالها على المظاهرة واتضايقت انها ما نزلتش....طب ماهي قالت مش هتنزل في الجوامع...قعدت يا شيخة اضرب اخماس في اسداس..انا بتشتم في ام المدونة دي ليه..إني افهم ابدا....بس معلش بقى...هنعمل ايه..بنتنا يا هيما نقتلها يعني

Ahmed Rihan said...

يا ستي ماهو احنا ماشيين كل يوم نشتم
في نفسينا عادي يعني
ولا عاجبنا حالنا ولا حال البلد
ولا تضايقي نفسك صحتك بالدنيا :]

Unknown said...

استاذة نوارة
ليه ما فكرتيش فى موضوع كاميليا من وجهة نظر الناس اللى حتتنقط وخرجت وتظاهرت باعتباره القشة التى قصمت ظهر البعير
وان امن الدولة اجبر على السماح للناس بالتنفيث عن نفسهم منعا للانفجار ولقطع الطريق على اعمال عنف تسيطر على عقول ناس عمرها ما فكرت فى مصر كميدان للجهاد
خصوصا ان قضية كاميليا ومن قبلها وفاء قسطنتين لا يمكن لاى شيخ سلفى انه
يقنع الشباب انهم يتجاهلوها درءا للمفاسد او اى حاجة من الكلام الفاضى ده اللى بيثبتوا الشباب به


فكاميليا اسلمت والا مكنوش غسلوا المغسول


والامن تواطا مع الكنيسة عليها


والنصوص الدينية صريحة ولا يمكن تاويلها باى شكل


والعدو محدد وظاهر
وبلاش حكاية ان الكلام ده طائفى ويخدم الامبريالية ويفتت لحمة المنطقة
فبغض النظر عن النصوص الدينية-راحع سورة الممتحنة-يمكن القول ان اتخاذ الاجراء المناسب ضد من يحتجز كاميليا ومن سلمها على السواء هو ما قد يحفظ لنا تماسكنا ضد اعدائنا فى الخارج وذيولهم فى الداخل خصوصا ان الكنيسة -من خلال اقباط المهجر- تجاهر بالاستقواء باعدائنا -يامريكا فينك فينك امن الدولة بينا وبينك-والهتاف ده بالذات بينقطنى فامن الدولة كما هو واضح لكل كفيف لا يعدو ان يكون مرمطون ل
cia
والامريكان بنفسهم كشفوا عن قيام امن الدولة المصرى -زيه زى اخواته فى الدول العربية-بتعذيب المجاهدين لحسابهم


فمش من العدل انك تصدقى خبر مريب حتى لو كان نزل فى المصرى اليوم والدستور-رضى الله عنهما -
وتتجاهلى مواقف صريحة للناس التانيين بحجة انك واخده منهم على كده
او باعتبارهم اقلية ياعينى مع ان حثالة الاوربيين لما هاجروا العالم الجديد كانوا اقلية برضه

Unknown said...

بالمناسبة ماريانا زكى اللى عملوا مظاهرات عشانها مسلمة والرابط اهو
http://www.youtube.com/watch?v=B1FlI6-OZzA
وهى بتطلب الحماية فى بلد اغلبيتها مسلمة
ولا حول ولا قوة الا بالله

مواطن مصري said...

مركز حقوقي يطالب مبارك بالإفراج عن الشاطر ومجدي حسين خلال عيد الفطر


طالبت المجموعة المصرية للمحاماة وحقوق الإنسان الرئيس مبارك بالإفراج عن كل من المهندس خيرت الشاطر النائب الثانى لمرشد جماعة الإخوان والكاتب الصحفي مجدى حسين.

وقالت المجموعة فى بيان صدر عنها اليوم الاثنين نطالب الرئيس مبارك أن يباشر صلاحياته وسلطاته ويصدر قرار رئاسيا بالعفو عن المعتقلين وكل المعتقلين في قضايا الرأي ضمن إفراجات عيد الفطر المبارك

http://dostor.org/politics/egypt/10/september/6/27874

فاكرة انا أتوقعت باية بالنسبة لصفقة مع الأخوان بالأفراج عن الشاطر في وقت قريب


عشان تبقى فاكرة بس


في أنتظار الصفقة الكبرى
http://stories-from-my-life.blogspot.com/2010/08/blog-post_8144.html

مواطن مصري said...

مركز حقوقي يطالب مبارك بالإفراج عن الشاطر ومجدي حسين خلال عيد الفطر


طالبت المجموعة المصرية للمحاماة وحقوق الإنسان الرئيس مبارك بالإفراج عن كل من المهندس خيرت الشاطر النائب الثانى لمرشد جماعة الإخوان والكاتب الصحفي مجدى حسين.

وقالت المجموعة فى بيان صدر عنها اليوم الاثنين نطالب الرئيس مبارك أن يباشر صلاحياته وسلطاته ويصدر قرار رئاسيا بالعفو عن المعتقلين وكل المعتقلين في قضايا الرأي ضمن إفراجات عيد الفطر المبارك

http://dostor.org/politics/egypt/10/september/6/27874

فاكرة انا أتوقعت باية بالنسبة لصفقة مع الأخوان بالأفراج عن الشاطر في وقت قريب


عشان تبقى فاكرة بس


في أنتظار الصفقة الكبرى
http://stories-from-my-life.blogspot.com/2010/08/blog-post_8144.html

amr said...

استاذة نوارة اتمنى انك تكونى خفيت من الاكتئاب عشان ابقى ضامن اجاباتك على الاسئلة. وما يبقاش عندى شك انك وقعه تحت ضغط زى كاميليا شحاته
سؤالى وياريت تردى عليه بمنهى الامانة المعهودة منك
انا طول عمرى باتفرج على الافلام اللى كان فيها مقاومة الفدائيين للانجليز وكان دايما المؤلفين فى كل الافلام يجيبوا النقراشى باشا عميل للانجليز وبيعذب الفدائيين ويضرب مظاهرات الطلبة بالنار وفتح عليهم الكوبرى الخشب وموتهم
ولكن الغريب فى مسلسل الجماعة ان وحيد حامد طلعه راجل وطنى وشريف ومخلص وبيحب مصر وبيعمل لمصلحة البلد
بغض النظر على ان المسلسل بيشوه صورة الجماعة او لاء
انا مش عارف اصدق مين
كل الكتاب اللى طلعوا النقراشى خاين
ولا
وحيد حامد
اللى طلعه وطنى وشريف
ياريت تردى على سؤالى وحياة اغلى حاجة عندك
وما تعمليش فيها من بنها وتنفضى

مهندسة كريمة said...

صفقة إيه اللى بيتكلم عليها مواطن

يعنى كأن الطبيعى إن الناس ديه تترمى فى المعتقل بدون لا ذنب و لا جريرة .. خاصةً إن القضاء المدنى برئهم بدل المرة تلاتة .. علشان كده عوكل حولهم لمحاكمة عسكرية

فلما يجيي حد يطالب بالإفراج عنهم .. تبقى صفقة و هبل و عبط ما أنزل الله به من سلطان

إيه التخراااااااااااايف ديه

احمد خليل said...

انتى قولتى أحلى كلام فى البوست دة،هو فعلا مراهق عندة اربعتاشر سنةومستوى ذكاءة اقل من المتوسط وممكن يجرى ويتجمع عشان يحرق كنيسة او يغضب ويهيج على ماتش كوره وهو مضروب بالجزمة كل يوم ومش لاقى ياكل
فتحت المدونةعشان اصلحكوا، بس غبائي خلاني افتح الريدر وابص على كام مدونة على كام موقع على كام جرنال على كام تعليق من تعليقات الناس اللوز......... اففففففففففففففففف
مراهق فعلا ومحتاج وقت عشان يكبر ويعقل ويفهم... ودة قدرنا ودورنا اننا نوعية ونعلمة ونصبر علية.يعنى نفس الشعب دة كان حدع وحلو فى قضية خالد سعيد.وتقس الشعب المراهق مش عارفين يبلعوة الصلح مع اسرائيل .نوارة يا ست الكل انتى بتكتبى الكلام الصحيح وبتقولى للاعور انت اعور ودا الصدق المطلوب والمفيد

Unknown said...

مين اللي طلع النقراشي وطني وشريف؟ ولا وحيد حامد طلعه وطني وشريف اللي فتح كوبري عباس على الطلبة

ده ابن وسخة.. الله يرحمه بقى ان كانت تجوز عليه الرحمة اساسا

وبعدين وحيد حامد ده غبي، كل الناس تعاطفت مع حسن البنا بسببه

Fatma said...

متهيألي اي سيناريست ما بيهونش عليه يطلع البطل بتاعه وحش حتى لو هو مش مدرك دا بيبقى بيحبه غصب عنه اعتقد دا اللي حصل مع وحيد وحسن البنا :)

Karim Fadl said...

يا نوارة هانم، هوا لازم نقول ابن وسخة عشان نعبر عن انفعالنا وعن خيانته؟

"ما يلفظ من قول إلا لديه رقيب عتيد"

أعذريني على التعليق بس يا ستي اعتبريها نصيحة لوجه الله.

Unknown said...

ثالثاَ – متطلبات ورقية
1- شهادة التخرج (الليسانس) المعتمدة من الجامعة التى درس بها الطالب المرحلة الجامعية الأولى + شهادة معادلتها من المجلس الأعلى للجامعات بالقاهرة (ويمكن للوافدين عمل تلك المعادلة على موقع المجلس الأعلى للجامعات على الإنترنت بنسخة مصورة من شهادة التخرج)
2- خطاب تزكية (ترشيح) من سفارة الطالب فى القاهرة يخص رغبته فى الدراسة بدءاً من عام معين
3- صورة ضوئية لجواز السفر والصورة الضوئية موثقة من السفارة بالقاهرة
4- عدد 5 صور شخصية
رابعاً – حصلت على كتيب دليل الدراسات العليا فى آداب القاهرة – وبه معلومات إضافية ويمكن أن إرسل إليك منه صفحتين زيادة بهما معلومات أكثر عن مقررات السنة التمهيدى وماجستير اللغة الإنجليزية – إن شئت – فى شكل وثيقة مرفقة على الإيميل الخاص بك ولاأعرفه حتى الآن

Unknown said...

المفروضة على الوافدين وكانهم جميعاً قادمين رأساً من دول ينابيع البترول ليس إلا – كما أنهم كشفوا لى أن الانتهاء من رسالة لماجستير لغويات إنجليزى بالجامعة الأمريكية بالقاهرة لا يستغرق سوى عام ونصف العام فى حين أنه يستغرق أربع سنوات كاملة فى جامعة القاهرة – كده على بلاطة – وابقى قابلنى – (وطبعاً أهل الخليج هم زباين المحل نظراً لقدراتهم المالية – رغم إنهم مش جايين لاعشان يدرسوا آداب ولاحاجة وإنما جايين عشان يهزروا ويلعبوا فى مصر - طبعاً) (فى رأيى قلة أدب من الطرفين – وكأن العلم والأدب أصبح مقصوراً على الأغنياء فقط لاغير – أما متوسطى الحال والفقراء – حتى ولو كانوا مثل الدكتور طه حسين أو الدكتور أحمد زويل - فعليهم البقاء على الرصيف لأن جامعة القاهرة – بجلالة قدرها – ما عادتش عايزة وجع دماغ من طلاب الطبقة المتوسطة المصرية والعربية – هى بتاخد دلوقتى الأغنياء بس فقط لاغير من أجل تدمير ما بقى فى الجامعات المصرية من علم وآداب – وده رأيى الشخصى وسوف أقوله فى عين الجميع وسأكتبه فى كل مكان فى مصر لأنه فى شرع مين إن شاء الله الواحد يدفع 2400 جنية استرلينى للتسجيل لسنة تمهيدى فى كلية الآداب بجامعة القاهرة – يعنى حولى 30 ألف حنيه مصرى – بالعملة الصعبة – ثم يدفع بعد ذلك 1200 جنيه استرلينى عن كل سنة تسجيل للماجستير ثم 3000 حنيه استرلينى عن كل سنة تسجيل للدكتوراه – يعنى يدفع له كده بتاع 100 أو 150 ألف جنيه مصرى للدراسة بس – وعشان يسكن ويعيش فى مصر خلال دراسته عايز له كده كمان بتاع نصف مليون إلى مليون حنيه مصرى لغاية ما يخلص دكتوراه فى الآداب – وعلشان إيه إن شاء الله الغلب ده كله - مايكونش عشان حتة دكتوراه لا راحت ولا جت ؟ – والا مايكونش ده ثمن الأجهزة والمعامل المتقدمة إللى أمريكا بتحسدنا عليها وإحنا مش دريانين – فى شرع مين إن شاء الله هذا الجنون المطبق إللى ما فيش شخص عاقل على ظهر الكرة الأرضية يرضى بيه إلا إذا كان شخصاً مجنوناً يضرب الناس ويقلع لهم ملط فى قلب الشارع – وحتى الجنون ذات نفسه له حدود برضه – لكن جنون جامعة القاهرة أصبح بدون أى حدود – ولو كان السادات عايش كان قال لهم : لأ بأه - دى مؤامرة – يا ولاد الـ...)

Unknown said...

المفروضة على الوافدين وكانهم جميعاً قادمين رأساً من دول ينابيع البترول ليس إلا – كما أنهم كشفوا لى أن الانتهاء من رسالة لماجستير لغويات إنجليزى بالجامعة الأمريكية بالقاهرة لا يستغرق سوى عام ونصف العام فى حين أنه يستغرق أربع سنوات كاملة فى جامعة القاهرة – كده على بلاطة – وابقى قابلنى – (وطبعاً أهل الخليج هم زباين المحل نظراً لقدراتهم المالية – رغم إنهم مش جايين لاعشان يدرسوا آداب ولاحاجة وإنما جايين عشان يهزروا ويلعبوا فى مصر - طبعاً) (فى رأيى قلة أدب من الطرفين – وكأن العلم والأدب أصبح مقصوراً على الأغنياء فقط لاغير – أما متوسطى الحال والفقراء – حتى ولو كانوا مثل الدكتور طه حسين أو الدكتور أحمد زويل - فعليهم البقاء على الرصيف لأن جامعة القاهرة – بجلالة قدرها – ما عادتش عايزة وجع دماغ من طلاب الطبقة المتوسطة المصرية والعربية – هى بتاخد دلوقتى الأغنياء بس فقط لاغير من أجل تدمير ما بقى فى الجامعات المصرية من علم وآداب – وده رأيى الشخصى وسوف أقوله فى عين الجميع وسأكتبه فى كل مكان فى مصر لأنه فى شرع مين إن شاء الله الواحد يدفع 2400 جنية استرلينى للتسجيل لسنة تمهيدى فى كلية الآداب بجامعة القاهرة – يعنى حولى 30 ألف حنيه مصرى – بالعملة الصعبة – ثم يدفع بعد ذلك 1200 جنيه استرلينى عن كل سنة تسجيل للماجستير ثم 3000 حنيه استرلينى عن كل سنة تسجيل للدكتوراه – يعنى يدفع له كده بتاع 100 أو 150 ألف جنيه مصرى للدراسة بس – وعشان يسكن ويعيش فى مصر خلال دراسته عايز له كده كمان بتاع نصف مليون إلى مليون حنيه مصرى لغاية ما يخلص دكتوراه فى الآداب – وعلشان إيه إن شاء الله الغلب ده كله - مايكونش عشان حتة دكتوراه لا راحت ولا جت ؟ – والا مايكونش ده ثمن الأجهزة والمعامل المتقدمة إللى أمريكا بتحسدنا عليها وإحنا مش دريانين – فى شرع مين إن شاء الله هذا الجنون المطبق إللى ما فيش شخص عاقل على ظهر الكرة الأرضية يرضى بيه إلا إذا كان شخصاً مجنوناً يضرب الناس ويقلع لهم ملط فى قلب الشارع – وحتى الجنون ذات نفسه له حدود برضه – لكن جنون جامعة القاهرة أصبح بدون أى حدود – ولو كان السادات عايش كان قال لهم : لأ بأه - دى مؤامرة – يا ولاد الـ...)

Unknown said...

المفروضة على الوافدين وكانهم جميعاً قادمين رأساً من دول ينابيع البترول ليس إلا – كما أنهم كشفوا لى أن الانتهاء من رسالة لماجستير لغويات إنجليزى بالجامعة الأمريكية بالقاهرة لا يستغرق سوى عام ونصف العام فى حين أنه يستغرق أربع سنوات كاملة فى جامعة القاهرة – كده على بلاطة – وابقى قابلنى – (وطبعاً أهل الخليج هم زباين المحل نظراً لقدراتهم المالية – رغم إنهم مش جايين لاعشان يدرسوا آداب ولاحاجة وإنما جايين عشان يهزروا ويلعبوا فى مصر - طبعاً) (فى رأيى قلة أدب من الطرفين – وكأن العلم والأدب أصبح مقصوراً على الأغنياء فقط لاغير – أما متوسطى الحال والفقراء – حتى ولو كانوا مثل الدكتور طه حسين أو الدكتور أحمد زويل - فعليهم البقاء على الرصيف لأن جامعة القاهرة – بجلالة قدرها – ما عادتش عايزة وجع دماغ من طلاب الطبقة المتوسطة المصرية والعربية – هى بتاخد دلوقتى الأغنياء بس فقط لاغير من أجل تدمير ما بقى فى الجامعات المصرية من علم وآداب – وده رأيى الشخصى وسوف أقوله فى عين الجميع وسأكتبه فى كل مكان فى مصر لأنه فى شرع مين إن شاء الله الواحد يدفع 2400 جنية استرلينى للتسجيل لسنة تمهيدى فى كلية الآداب بجامعة القاهرة – يعنى حولى 30 ألف حنيه مصرى – بالعملة الصعبة – ثم يدفع بعد ذلك 1200 جنيه استرلينى عن كل سنة تسجيل للماجستير ثم 3000 حنيه استرلينى عن كل سنة تسجيل للدكتوراه – يعنى يدفع له كده بتاع 100 أو 150 ألف جنيه مصرى للدراسة بس – وعشان يسكن ويعيش فى مصر خلال دراسته عايز له كده كمان بتاع نصف مليون إلى مليون حنيه مصرى لغاية ما يخلص دكتوراه فى الآداب – وعلشان إيه إن شاء الله الغلب ده كله - مايكونش عشان حتة دكتوراه لا راحت ولا جت ؟ – والا مايكونش ده ثمن الأجهزة والمعامل المتقدمة إللى أمريكا بتحسدنا عليها وإحنا مش دريانين – فى شرع مين إن شاء الله هذا الجنون المطبق إللى ما فيش شخص عاقل على ظهر الكرة الأرضية يرضى بيه إلا إذا كان شخصاً مجنوناً يضرب الناس ويقلع لهم ملط فى قلب الشارع – وحتى الجنون ذات نفسه له حدود برضه – لكن جنون جامعة القاهرة أصبح بدون أى حدود – ولو كان السادات عايش كان قال لهم : لأ بأه - دى مؤامرة – يا ولاد الـ...)

محمد نور الدين said...

إلى النجمة بنت النجم ألف تحية من الجزائر.
هكذا يا نوارة تتهمين قرائك بالعصابية. وحتى إذا قلت جلهم ، من يعرف أنه الاستثناء وليس القاعدة. هل نعاقب لأننا نحبك .ورغم ذلك يا بنت سنبقى نحبك ونتابعك ونعلق على كلامك .أيتها التحفة الرائعة، لقد كان لي الشرف أن التقيب اكثر من مرة مع المناضلة الفنانة محسنة توفيق ولن انسى ذلك اليوم في بيروت في أحد الملتقيات الفكرية .وفي المساء لما كنا نتناول العشاء دخل علينا فجأة البطل الشهيد فتحي الشقاقي كان يتبادل الحديث مع الحاضرين من بينهم المناصلة محسنة توفيق أجلسته امامها وهي ترتدي الجينز وتمسك بيدها ما يدخل السعادة للقلوب، لم يتحرج ولم يتضايق ، بل ظل يتحدث معها وهو يبتسم بدون أي احراج ، لأنه مناضل حقيقي ومسلم حقيقي

Unknown said...

يعني لما ناس مختلة تدخل على موقع الدستور وتروح رازعة عصيدة: أعباد الصليب لنا سؤال

يقوم ييجي ناس مختلة تانية ترد عليهم وتقول لهم محمد بتاع النسوان

دي ناس تتصنف ايه غير انها عصابية؟

انا مش مسئولة عن تعليقات الدستور

انا مسئولة عن التعليقات هنا

والحمد لله لانها مدونة غلبانة وعلى قد حالها مافيش غير عصابي واحد اسمه عمر باعمل تعليقاته سبام وخلاص

لكن طبعا كل العصابيين بيروحوا يعلقوا في الصحف عشان يفشوا غلهم ولو جه تعليقين من ناس محترمة بيبقى قصادهم عشرين تعليق من ناس يا اما ما بتتكلمش في موضوع المقال يا اما فهمته غلط يا اما داخلة خناقة مع حد تاني

ده كان فيه معلق عامل زي اللي بيدور على عيل تايه وكل شوية يدخل يقول لي: يا استاذة نوارة.. اين نجلاء بدير؟ لماذا تتهربين من الاجابة؟

هههههههههههه
طب بذمة النبي ده بني ادم؟

Unknown said...

على فكرة يانوارة
الاكتئاب من الامراض العصابية برضه
:]

أحمد الحديدى said...

يانونو انتى تقولى اللى انتى عاوزاة .. وتعملى اللى انتى شايفاه صح .. واللى يزعلك ابعتى لى
احنا هنكابر لحد امتى؟؟
اه احنا شعب واطى وما يتقلعش م الرجلين..
احنا هنكدب ؟
ولو ما كناش شعب
واطى ماكانش دا حصل لنا ..
واسم الله عليكى من الاكتئاب يا نونو

mostafa said...

المهمه الصعبه
منذ ان بدأت متابعة كتاباتك وانا اتصور انك مؤهله للقيام بالمهام الصعبه سواء لقدرتك علي التعرض لقضايا شائكه اوتمكنك من الاستمرار في الحوار والجدل رغم صعوبته
اليوم شعرت بانك لست بهذه الصلابه(وهذا انساني بشرط ان يكون فتره وتعدي) اقول هذا ليس لانك في تدوينتك السابقه لعنتي طوفان الانحطاط الذي يغرقنا جميعا لكني اقوله بمناسبة ما دونتيه هنا عن تفهمك للكتاب الذين يشعرون بالقرف من المعلقين علي كتاباتهم فقرروا قفل باب التعليق اضافة لانزعاجك من القارئ الذي يسالك هي نجلاء بدير فين؟
واسمحي لي ان اناقش هذه المساله علنا نصل الي درجة من الفهم خصوصا انني مشدود بحكم التخصص لمتابعة التعليقات وكذلك لمتابعة برنامج بحث ميداني زي العسل لتصوري انهم يوضحوا الكثير مما يدور في عقول المصريين وبالنسبة للتعليقات في الصحف فقد ركزت لفترة ليست قصيرة علي متابعة التعليقات في جريدة الشروق ولفت انتباهي ان التعليقات علي مقالات وحيد حامد واسعاد يونس جعلتهم يتوقفوا عن الكتابة في الجريدة وهذا من وجهة نظري شيئ ايجابي ولان لكل ايجابي اعراض جانبيه فهناك معلقين لديهم مشاكل شخصية او عقليه منهم علي سبيل المثال الاستاذ الذي يعلق لديك تعليقات مطوله شارحا ومحللا لموضوعات لاعلاقة لها اطلاقا بالتدوينة او موضوعها ومع ذلك فان قليل من الجهد يجعلنا نستوعب ان هؤلاء المعلقين يعانون من انعدام فرص التعبير عما يرونه فيستخدمون اي مساحة للصراخ بما لديهم بغض النظر عن منطقية ما يقولون اوارتباطه بالموضوع المطروح للنقاش, والتكنولوجيا كما تعلمين تتيح امكانيات تعيد المناقشات الي طريق العقل دون ان تغلق الباب نفسه
خلاصة ما اريد قوله حتي لا اطيل ان من هم مثلك ممن يحاولون التعرض للمهام الصعبة يجدر بهم ان يكونوا اكثر تفهما لما نعيشه فالقارئ الذي يلح عليك لمعرفة اخبار نجلاء غالبا ما يكون لديه شعور بان هناك(مؤا مرة) ولايعرف اي طريق غيرك لقطع شكه باليقين
اخيرا دعيني اعتقد ان اهم ما نجح فيه حكامنا خلال الربع قرن الماضي رغم فشلهم في كل ما عداه انهم سطحوا عقول الناس ولعلك لو شاهدتي بعض حلقات بحث ميداني للمست ذلك رغم كل مايمكن ان يقال عن ترتيب واعداد مثل هذه البرامج لذلك اتصور انه ان لم يكن انت ومن يشبهوكي قادرين علي السعي لاظهار ما اصاب عقول وارواح المصريين فمن من يمكن ان نطلب ذلك هل نطلبه من لجنة السياسات؟؟

mostafa said...

المهمه الصعبه
منذ ان بدأت متابعة كتاباتك وانا اتصور انك مؤهله للقيام بالمهام الصعبه سواء لقدرتك علي التعرض لقضايا شائكه اوتمكنك من الاستمرار في الحوار والجدل رغم صعوبته
اليوم شعرت بانك لست بهذه الصلابه(وهذا انساني بشرط ان يكون فتره وتعدي) اقول هذا ليس لانك في تدوينتك السابقه لعنتي طوفان الانحطاط الذي يغرقنا جميعا لكني اقوله بمناسبة ما دونتيه هنا عن تفهمك للكتاب الذين يشعرون بالقرف من المعلقين علي كتاباتهم فقرروا قفل باب التعليق اضافة لانزعاجك من القارئ الذي يسالك هي نجلاء بدير فين؟
واسمحي لي ان اناقش هذه المساله علنا نصل الي درجة من الفهم خصوصا انني مشدود بحكم التخصص لمتابعة التعليقات وكذلك لمتابعة برنامج بحث ميداني زي العسل لتصوري انهم يوضحوا الكثير مما يدور في عقول المصريين وبالنسبة للتعليقات في الصحف فقد ركزت لفترة ليست قصيرة علي متابعة التعليقات في جريدة الشروق ولفت انتباهي ان التعليقات علي مقالات وحيد حامد واسعاد يونس جعلتهم يتوقفوا عن الكتابة في الجريدة وهذا من وجهة نظري شيئ ايجابي ولان لكل ايجابي اعراض جانبيه فهناك معلقين لديهم مشاكل شخصية او عقليه منهم علي سبيل المثال الاستاذ الذي يعلق لديك تعليقات مطوله شارحا ومحللا لموضوعات لاعلاقة لها اطلاقا بالتدوينة او موضوعها ومع ذلك فان قليل من الجهد يجعلنا نستوعب ان هؤلاء المعلقين يعانون من انعدام فرص التعبير عما يرونه فيستخدمون اي مساحة للصراخ بما لديهم بغض النظر عن منطقية ما يقولون اوارتباطه بالموضوع المطروح للنقاش, والتكنولوجيا كما تعلمين تتيح امكانيات تعيد المناقشات الي طريق العقل دون ان تغلق الباب نفسه
خلاصة ما اريد قوله حتي لا اطيل ان من هم مثلك ممن يحاولون التعرض للمهام الصعبة يجدر بهم ان يكونوا اكثر تفهما لما نعيشه فالقارئ الذي يلح عليك لمعرفة اخبار نجلاء غالبا ما يكون لديه شعور بان هناك(مؤا مرة) ولايعرف اي طريق غيرك لقطع شكه باليقين
اخيرا دعيني اعتقد ان اهم ما نجح فيه حكامنا خلال الربع قرن الماضي رغم فشلهم في كل ما عداه انهم سطحوا عقول الناس ولعلك لو شاهدتي بعض حلقات بحث ميداني للمست ذلك رغم كل مايمكن ان يقال عن ترتيب واعداد مثل هذه البرامج لذلك اتصور انه ان لم يكن انت ومن يشبهوكي قادرين علي السعي لاظهار ما اصاب عقول وارواح المصريين فمن من يمكن ان نطلب ذلك هل نطلبه من لجنة السياسات؟؟

سواح في ملك اللــــــــــــــــــه- said...

ياجماعه نجلاء الامام لاتستحق الحديث عنها هي كل ماتتمناه ان يتحدث الناس عنها حتي لو تركت دينها من اجل ذلك زائد لو شفتها وهي بتتكلم تحس ان مريضه عقليا بتتكلم مش مزبوطه في كلامها ولهجتها المتطاوله بلاحجه مقنعه بتدل علي انها مولعه بالشهره لايضر الاسلام ترك نجلاء الامام ليه بس الضرر الاكبر بييجي من جوه الاسلام مثلا زي عبير صبري اللي سابت الحجاب وبتتكلم عن المايوه او بسمه وهبه بتاعه اقرا