Thursday 17 December 2009

بانوراما الفيلم الاوروبي

ابتدى النهاردة يوم 16 وح يخلص يوم 22 ديسمبر
البرنامج كامل هنا
انا بانعي اليكوا بمنتهى الاسف ان المهرجان في سيتي ستارز، حيث المصريين الجدد (جرسونات قصيرين ورفيعين بشكل سريالي) وحيث كل انواع الجايز في كل القهاوي، وتدخل بقى المهرجان تلاقي كل المكتئبين في البلد جايين يروحوا عن نفسهم
انا ما شفتش النهاردة غير فيلمين، الفيلم الانجليزي
This is England
حلو قوي، قوي قوي، بيتكلم عن النازيين الجدد ومش ح افسر اكتر من كده عشان ما احرقش الفيلم، بس انساني وجميل
وفيلم اسباني اسمه الاحضان المكسورة بتاع بنلوبي كروز ما عجبنيش ابدا، حسيت انه فيلم هندي، نصيحة شوفوا الفيلم الانجليزي ضروري، انا لو جات لي فرصة اشوفه تاني ح اشوفه تاني ان شاء الله، وفيه فيلم ان شاء الله لازم ربنا يقدرني واشوفه اسمه الزمن الباقي فرنسي - فلسطيني
الحفلات من عشرة الصبح لحد حفلة تسعة بالليل، تسعة ونص يعني كده عشرة انتوا عارفين، فيه ترجمة طبعا على الافلام
طبعا مفهوم ان الفيلم الاوروبي مختلف خالص عن الفيلم الامريكي عشان بس ما تروحوش بتصور معين، بيبقى مبني على المشاعر مش على الاحداث، متهيالي احنا واخدين شوية على الفيلم الانجليزي


10 comments:

مواطن مصري said...

this england جاب سيرتي

هحاول اروح لو الجو دة متعدلش

http://www.youtube.com/watch?v=Kfy4Sjgbuf4

اخترناك يا برادعي اخترناك

على اغنية اخترناك اخترناك

ههههه

dr.lecter said...

شوفي فيلم اجورا اللي بيتكلم عن الفيلسوفه هيابتيا اللي كانت عايشسه في اسكندريه ايام الرومان

يساري فلسطيني said...

تحية

نفسي في نسخة من الفاجومي لتنزيلها

من الانترنت

لم اجدها في المكتبات

مع الشكر

مواطن مصري said...

سمعتي دي

Romel-B Ft. Priesto - Masry Gaza2ry رابررز عدم الأنحياز


http://www.4shared.com/file/174735137/e4e48f54/Romel-B_Ft_Priesto_-_Masry_Gaz.html

Anonymous said...

This is England
فيلم مميز فعلاً
لكن ده مش فيلم حديث ده قديم نسبياً انتاج 2006

http://www.youtube.com/watch?v=H0jkv2bRFgQ

لو عاوزه تشوفيه تاني
الفيلم موجود على مواقع تورنت كتيرة

ولو عاوزه تحميله من الرابيدشير ممكن أبعتلك لنكاته
لكن جربي تحمليه تورنت من موقع
isohunt.com
هيكون أسهل

حسن على said...

المصريين الجدد (جرسونات قصيرين ورفيعين بشكل سريالي اذا قيسنا اطوال واوزان الناس اللى عايشين ازمة اقتصادية مزمنة وفى بيوت ضيقة ولا يمارسون الرياضة لأزدحام الكتلة السكنية المخيف : سنجد انهم اقل طولا ووزنا وقوة من اقرانهم الذين عاشوا فى ظروف احسن

مواطن مصري said...

نيران من غزة على معدات مصرية

قال مسؤول أمني مصري إن مجهولين أطلقوا النار الخميس من داخل قطاع غزة على معدات مصرية تعمل على إقامة جدار فولاذي على الحدود مع القطاعhttp://www.aljazeera.net/NR/EXERES/2E578598-58A8-4A45-90C0-640401316367.htm

ولسة معترضة على الجدار

مصر من حقها حماية حدودها من المهربين

العلم نور said...

بانوراما جميلة وقريب راح يجي فيلم يكسر الدنيا بجد

كل عام وانت بخير

أبو أمك said...

الفيلم ده قصة ولا مناظر ؟

AhmedEzzat said...

انا كنت محمل This is England من فتره
و كنت مش مهتم قوي اشوفه يعني , بس انتي خليتيني اشوفه , بجد والله طلع فيلم ممتاز جدااا :) , بعدين مكنتش اعرف حاجه عن موضوع حرب الفوكلاند دا :D بس ادينا عرفنا اهوو:D

BTW اللهجه الامريكيه نعمه من عند ربنا :D