Sunday, 6 December 2009

مرهم محروق فاز ازاي؟

مرهم محروق احلق فاز ازاي في انتخابات الصحفيين في الاعادة؟ ازاي يعني؟ ده كل المؤشرات كانت بتقول ان ضياء رشوان هو اللي ح يفوز!!!! ازاي يعني
هي حصلت انتخابات الصحفيين كمان؟ 
ماهو حاجة من الاتنين، يا الانتخابات اتلعب فيها يا صحفيين مصر... بلاش بقى دلوقت، لحد ما نتأكد ان الانتخابات ما اتلعبش فيها ابقى اقول الصحفيين ايه؟ ماهو مالهمش اي عذر غير ان يكون الانتخابات اتلعب فيها
غير كده يبقى مسجلين خطر ولازم يتقدموا للمحاكمة وياخدوا حكم بالاعدام حرقا بجاز وسخ

15 comments:

حسن على said...

مرهم محلوق احلق...دةفارسى والا اردو؟؟؟؟؟

المهدى said...

مش الأنتخبات يا نوارة اللى ملعوب فيها الصحفيين هما اللى ملعوب فيهم عموما هو لم يفوز كان يحتاج إلى 5 أصوات ليفوز فيه إعادة الأحد القادم

mido said...

الاعادة يوم الاحد القادم

دانتيلا said...

انا شايفة ان فرق النتيجة مش كبير. حوالى 20 صوت. وممكن تكون اتزورت. الله اعلم

dodo555555.jeeran.com

mido said...

مرهم

عطى بعض الصحفيين وجبات

و بيقولوا 30 شقة فى اسكندرية

غير انه بيقول لهم حزودكوا 40 جنيه

mido said...

على فكرة البوست ده محتاج تظبيط

مرهم مفزش

و الاعادة لسه يوم الحد

mohra said...

الاعاده لسه بعد اسبوع

haani_mahmoud said...

معلش
ممكن اعرف هو مين الاستاذ مرهم محلوق احلق؟

مهندس حر said...

يا ريت تؤهلى نفسك لأن مرهم برضه هيفوز يوم الحد الجاى .. و الصحفيين لا إتلعب فيهم و لا فى نتيجة إنتخاباتهم لكن همه مجرد ناس عاديين زينا كده بيجروا على رزق العيال و بيشوفوا مين اللى ليه دلال على الحكومة يطلعلهم منها حسنة تنفع تسدد حق درس خصوصى للواد أو البت..

كونك تتوقعى من الصحفيين المثقفين اللى همه النخبة يكون لهم موقف مختلف فدى غلطتك أو غلطاتك بقى .. لأن أولا مفيش مثقفين لا صحفيين و لا غيره .. بح ما بقاش بيتعمل منهم عشان مش بيجيبوا همهم .. ثانيا النخبة دى كلمة قبيحة و إحنا شعب محافظ معندناش نخبة و إباحية و كلام فارغ من ده .. ثالثا .. مين قال عندنا صحفيين؟ لما إحنا ماعندناش صحافة يبقى صحفيين إيه اللى إنتى بتتكلمى عنهم؟ ..

أجدعنها صحفى فى هاذوها البلد عايش و بيكتب فى حدود المواءمات و التفاهمات مع الأمن كده عينى عينك فيبقى مهما عمل و مهما كتب هو فى النهاية ما إسموش صحفى لأن الصحفى لا يقول الحق يا إما لأ..

Al said...

حصل " مرهم "أحمد على 1497 صوتا مقابل 1458 صوتا لرشوان لكن أصوات أحمد تقل عن النصاب القانوني اللازم للنجاح.

المهدى said...

يا باشمهندس إزاى متلعبش فيهم وهما ناس زينا وإزاى ما فيش صحفى بيكتب إلا بتنسيق أمنى ما هو ده معناه أنه فاسد وفاسد معناه أنه اتلعب فيه
أما حكاية أنه بيدور على مصلحته فممكن يحقق أضعافها مع ضياء رشوان وكمان يحترم نفسه بس بشوية جهد مكرم جايبلهم 80 جنيه شحاتة وياريت ياخدوهم وضياء رشوان بيكلمهم عن مضاعفة ميزانية النقابة من 80 مليون إلى 180 مليون بس لازم تواجه الدولة عشان تاخد حقك
وللعلم اللى محتاجين لل80 جنيه بحق وحقيق كلهم كانوا مع ضياء رشوان أما اللى خايفين من المواجهة وبس هما دول اللى وجهتهم المؤسسات لتأييد مكرم

ثانيا مين اللى قال أن مكرم كسبان فى الإعادة الفارق 39 صوت وضياء سيحتفظ بأنصاره( لأن ده أختيارهم الحر ) أما الموجهيين فوارد جدا أن يتخلفواأو يرفضوا أو يصحوا أو يولعوا بجاز
كمان فيه حوالى ألفين لم يدلوا بأصواتهم أما كسلا أو يأسا دول ممكن نسبتهم الغالبة برضوا تروح لضياء
فاسدين نعم لكن فيه أمل

مواطن مصري said...

لا يا نوارة فية اعادة يوم الأحد و ضياء رشوان انشاء الله هيكون النقيب

الخوجة said...

غريبة عليكم معشر الصحفيين او مايطلق علية صحفيين بصحف من دم الشعب علشان تقنع الناس بانه يتم سرقة احلامهم ليل نهار لو عندنا صحفيين ماكانش الواحد يمدح الحكومة فى مقالات اد كدة الواحد منهم ساعه مايشم نفسه بيهرى بدن زملائة ويضخى بيهم من دم الشعب مفروض ان مافيش حاجه اسمها صحافة وصحفيين عندنا تانى اما الان فيه مدونات وصحافة الكترونية اخبارهم بايته وباهته زييهم
وكلهم بلا استثناء مايقدرش ينشؤ الا بعد الموافقة يبقى دول كتبه فقط مش صحفيين دول من عينة الباشكاتب وكلهم بما فيهم ضياء الا مايعرفش يفتى فى بتوع القاعدة وبس يفتى بمعنى يفتى وهو مايعرفش حاجه
ومايعرفش ان فيه حاجات كتير اتغيرت
الأحسن شوفوا الشباب سيبوكوا من كبار السن الموضة دى انتهت

عبد الزهراء المصري (علي الحسيني) said...

يانوارة إنتخبات الصحفيين فيها غعادة وفي الإعادة إفادو وسلم لي على نقيب النظام مكرم حمادة .
الحمد لله أن ربنا ماكتبش لي التوفيق في الإنضمام في الوقت الحالي للصحفيين ، بلا قرف .

إنـســـانـة said...

حيعيدوها؟

ليه ده الراجل كانوا جايبينوا امبارح فرحان وزقطط ومرفوع على الاعناق ولا كأنه حرر الاقصى