Monday, 7 December 2009

السلطات المصرية تهدم مستشفى خيريا للإخوان

هم الاخوان ح يفضلوا يأكلوا اللي مجوعاهم الحكومة ويلبسوا اللي معرياهم الحكومة ويعالجوا اللي بتمرضهم الحكومة؟
ليه يعني؟ متجوزينها عرفي والورقة مع الحكومة وخايفين لتفضحهم؟ 
ما يسيبوا الجعانين والعيانين والعريانين يا يموتوا يا ياخدوا حقهم بدراعهم ووالنبي كفاية بقى دور هاني شاكر اللي الاخوان متقمصينه ده: حبايب قلبي.. ربنا يخليكوا ليا... ربنا ما يحرمنيش منكوا
هرونا.. لا عارفين يلاحقوا على الجعانين، ولا يخلعوا بنفسهم، ولا سايبين الناس تجوع لحد ما تخلص لنا الحكاية لوحدها وفوق البيعة بينضربوا ويتشتموا... الرحمة بقى هو تعذيب النفس ده هواية عندهم؟

بقالهم تمانين سنة هاني شاكر.. ما يجربوا صلاح بسيوني شوية

82 comments:

مهندس حر said...

أحسن .. عشان كل الناس بتوع الجهود الظاطية يعرفوا إن الكلام ده ما ينفعش مع نظام فاسد و حكومة مؤذية لا بترحم و لا تسمح لرحمة ربنا إنها تنزل .. و بالمرة الإخوان المستثمرين يعيدوا النظر فى فكرة المجتمع الفاضل اللى على قمته جماعة من الأثرياء التقاة المؤمنين اللى بيحنوا على فقراء المسلمين بفضلة ما أفاء الله عليهم من خزائن نعمته تقوليش الخزائن دى جابوها من عند أبوهم.. و لما هى خزائن الله سبحانه و تعالى يبقى لكل عبيده نصيب منها مش يبلبط فيها البعض و ينتظر الآخرون إحساناتهم..

ماهو يالناس تفوق و تعرف إن ليها حق فى البلد دى و ياخدوه و يبطلوا شغل الشحاتة و المسكنة يا إما يتبطوا و يستسلموا لمصيرهم الإسود و يتنيلوا ينفقوا من سكات ..

و زى ما زعيم الشباب عيلاء قال مفيش طبطبة مفيش تحسيس كله بالبيادة من هنا ورايح..

بدراوى said...

ممكن تحضرينا فى البوست ده عشان اسمك جاى فيه
http://ta3melboyout.blogspot.com/2009/12/blog-post.html

مى said...

نونة

كل عام و أنت بخير .. و لو إنها متأخرة
لكن ظروف السفر و الحج حالت دون تقديمها فى وقتها




الرحمة بقى هو تعذيب النفس ده هواية عندهم
___________________

تصورى كتير أسأل نفسى نفس السؤال

خصوصاً لما بلاقى أستاذ جامعى و لا مهندس و لا دكتور كبير إخوانى
يقدر يعيش آمن بدون تهديد الأمن لأسرته و ماله
و تفتيش بيته و إعتقاله فى أى وقت

علشان كده بزعل جداً لما أقرأ لناس المفترض فيهم الفهم
يتهموا الإخوان بالسعى للسلطة
!!

ساعتها بتبقى الإجابة المنطقية
إنهم لو عايزين السلطة
كانوا يقدروا يخدوها بالعوم فى فتة الحزن الوطنى

لكن إيه اللى يخلى ناس زى حماس و لا حزب الله و لا الإخوان يضحوا بأمنهم و أسرهم
بدون الحصول على نتيجة دنيوية آنية مضمونة
ده كمان ممكن يموت قبل ما يشوف نتيجة تضحياته


علشان كده بتبقى الإجابة المنطقية فى الآخر

إن ديه ناس إتفقنا و لا إختلفنا مع أسلوبهم

لكنهم بدون شك بيعملوا لوجه الله

و ربنا على المفترى
قادر بحكمته يفضح الظالم و يظهر الحق

حارس طيبة said...

لماذا نحتاج الآن أن نسمي أنفسنا بالسلفيين؟

نحن الآن في وقت صعب ظهر فيه البدع والأهواء بكثرة ومن الناس الذين يدعون أنهم من أهل السنة والجماعة وهم في الأصل لا يرتبطون بأهل السنة والجماعة لا من قريب ولا من بعيد لأسباب لأنهم مبتدعون ضالون يغرقون في أوحال البدع فأصبح لزاما علينا نحن أصحاب المنهج الصافي والمعتقد الصحيح أن نميز أنفسنا بلقب شريف يمحوا أهل البدع من قاموسنا المشرف وتاريخا المجيد وما هم إلا مسيئين لمنهج أهل السنة والجماعة وهذا اللقب ما يزيدنا إلا عزة وفخر لأنه ينسب إلا أصحاب القرون الثلاثة الأولة وهم السلف الصالح رضوان الله عليهم واللقب هو ((السلفية)) قال شيخ الإسلام ابن تيمية"ولا عيب على من أظهر مذهب السلف وانتسب إليه واعتزي إليه بل يجب قبول ذلك بالاتفاق فان منهج السلف لا يكون إلا حق" وقال الإمام الذهبي "لم يدخل الرجل في علم الكلام ولا الجدال ولا خاض في ذلك بل كان سلفيا"واسم السلفية إنما هو محمود لقول ابن تيمية.

ggt1230 said...

تحية

ggt1230 said...

و الله مافي احد للشعوب الغلبانة
كله تكاتيك سياسية و على الحكم دور

فرقي بين انواعهم الشبه ثورية و انواعهم الصفراء... ولا اقولك ولو انه مايهونش علي زعلك ...
كله ياسيدتي يعمل لمصالح دينيوية و هاهم اصحابنا حماس مانعوا المقاومة مثل ضرتهم فتح و المخفي ... ولا بلاش
...........

الحل يتطلب صحوة و تحضر وعلينا ان لانعطيهم سمكة ولا ان نعلمهم الصيد الحل هو ما تفضلتي بطرحه و طرحه شاعرنا احمد نجم و لكن حيث ان الاهتمام بجلدة منفوخة اكبر من اطفالهم( و بطونهم المنفوخة من المرض) ... فلا حول ولا قوة


وصور الحرب بين الناس الغلابة عندكم لشراء الرغيف مالوش زمان
ويحرك احاسيس البغال مش بس البشر
....

ملحوسة: هل تعتقدين ان استلمو الحكم سيقبلون بواحد على تريليوووون من كتاباتك ان كنت ضدهم ؟؟؟؟


تحياتي لصوتك الصادق ورأيك الحر

the magnificent ninja said...

الاخوان مش عاجبينك ليه ان شاء الله ؟؟؟؟؟؟
سرقوا ؟؟؟؟نهبوا؟؟؟غرقوا الناس في العبارة؟؟؟صدروا الغاز للعدو؟؟؟أهانوا مصر و خلوها تتشتم على كل لسان؟؟؟
بلاش افترا بقى
و لا هو حقد و خلاص

و لا موضة آه ما هو شتيمة الاخوان و مشتقاتها دلوقتي بقت موضة منتشرة بين قطاع واسع من الناس.
اليساريون بيشتموا و العلمانيون بيشتموا و الليبراليون بيشتموا و مدعي السلفية بيشتموا و القاعديين بيشتموا
عالعموم القافلة تسير و كملوا انتوا الباقي

بالمناسبة يا نوارة انتي ملتك السياسية ايه

مواطن مصري said...

لو الاخوان عملو اللي و لبسو ملايكة انا مش مصدقهم


و بعدين يا نوارة سؤال هما لية بتوعالقاعدة بيعلقو كثير في المدونة عندك زي الواد بتاع انصار السنة و حارس طيبة؟؟؟

اقصوصه said...

حسبنا الله ونعم الوكيل فيهم

وبكل ظالم :(

Dr.Safaa said...
This comment has been removed by the author.
مدونة النسر المصرى said...

اخشى ان يخرج لاعبوا الجزائر بعد المبارة شايلين عيالهم فى حجرهم ...نقلت صحيفة "نيوز أوف ذا وورلد" البريطانية عن المدير الفني لمنتخب انجلترا أنه سيتم تقديم الفياغرا إلى المنتخب القومي لإنجلترا لتحسين أدائه أثناء منافسات كأس العالم التي تستضيفها جنوب أفريقيا العام المقبل ويزعم علماء أن الحبة الزرقاء قد ترفع مستوى المنتخب الإنجليزي وذلك بتقوية سعة الرئة الأمر الذي قد يساعد الفريق للتغلب على الآثار المترتبة عن اللعب في مستويات عالية عن سطح البحر، وهي ذات الأسباب التي أثرت على مستويات الفريق في كأس العالم بالمكسيك عام 1970

علياء said...

مهندس حر
بالرغم من احترامى لاراءك لكن اسمح لى بالختلاف معاك ,مش معنى ان الحكومة متقمش بواجبهاده يخلى بتوع الجهود الذاتية يتوقفوا عن جهودهم لان اللى حينضر هو الغلبان اللى مش لاقى ياكل
و يمكن يموت كمان من الجوع لكنه مش حيقوم بالثورة الفرنسية لو اتساب

الامر الاخر :اعتب علىك مسمى الاخوان المستثمرين لانهم شريحة عادية جدا من المواطنين فيهم الغنى و الفقير الفرق بس انهم عنهم تكافل بينهم و بين بعضهم و بينهم و بين الاخرين و بيعملوا ده مش فضل و منة و لكن بعقيدة انه فرض عليهم
كمان فلوسهم حصلوا عليها بشرف و بتعب لا بسرقة و لا محسوبية
لكن لما يبقى ال حديث فى الاساس عن مستشفى تعب الاخوان فى بناها و الحكومة تهدها ,و نيجى احنا كمان نقولهم تستاهلوا يا غجر انتوا فاكرين اننا عبيد احسانكوا يا اخوان مستثمرين روحوا الاول ثورولنا على الحاكم الظالم


يببقى اكيد فيه حاجة غلط

اخيرا لك تحياتى

علياء said...

نينجا
ياريت تقرا كويس قبل ما ترد لان واضح انك استعجلت فى الرد
و بعدين مينفعش نحكم على اقوال الانسان من خلال انتمائه السياسى
و لكن نحكم عليها صح و لا غلط لمجرد انها اقوال بغض النظر عن قائلها


لك تحياتى

علياء said...

استاذة نوارا
استاذة مي


ربنا يكرمكم يارب و الله انتم عسل

تحيز لنون النسوة؟
يمكن
بس و الله كلامكوا عجبنى جدا

مايهمش said...

فاكرة لما قلت لك ان شكلنا زبالة واحنا بنكسكس وياريتنا ثبتنا على موقفنا حتى لو غلط ؟

ياريت تقرى ده وتدينى رأيك

http://www.echoroukonline.com/ara/divers/45348.html

Kontiki said...

ازيك يا نوارة
اولا
هدم مستشفى ضد الفطرة و المنطق مستشفى يعنى مكان علاج ،يعنى مكان بيقوم بدور انسانى دة المفروض سواء بقى صاحبها له اى تيار سياسى او دينى او ملة او حتى بيعبد البقرة المصلحة اهم مصلحة المرضى اهم ! مصلحة الانسان اهم !
انما السؤال هل المستشفى دة كان قائم وشغال وفية عيانين وجت السلطات طلعت الدكاترة و العيانين برة و هدمتة ؟ بجد عاوزة اعرف اجابة
ثانيا
المُفترض ان الاخوان بيعملوا دة لوجه الله وانهم غير طامعين فى السلطة وكانوا عاموا فى فته الوطنى انا مش متفقة مع وجهه النظر دى نهائى لان فى دول العالم كلة كل دولة فيها احزاب وبرامج طب كان الناس كلها سابت احزابها وانضمت للحزب الحاكم و السلام
انما كلة عاوز السلطة وكلة عاوز يلعبها بطريقتة
Play it your own way
الاخوانى اتربى على مفاهيم معينة وانضم لجماعه بتدعمة و تدعم مفاهيمة وتصرف عليها
وعاوز يجتذب الناس بطريقتة هو ، طريقتة اللى بيتقنها ، وعاوز السلطة بطريقتة هو مش بطريقة
الحزب الحاكم ، و وفقا لمعتقداتة والطريقة اللى مؤمن انها صح .
وسواء بقى تخفى فى ثوب التقوى والدقن او لبس على الموضة وعمل مودرن
السلطة لها اغرائها وبعدين دى مصر ام الدنيا يعنى دخل قناة السويس والموانى وضرائب ودمغات كتير ومعونات ودخل السياحة واسعار على مزاج التجار الكبار وهيصة
يعنى تورتة تستاهل التعب والمصاريف
ومعتقدش ان شخصيات زى غاندى ممكن تتكرر كتير فى التاريخ اللى السلطة عندة كانت لمصلحة الشعب !
لما الاقى حد من الاخوان قاعد فى خيمة وعايش على المية و عليها نقطتين الليمون وبيصوم لما تحصل فتنة فى البلد ( احتجاجا وليس عبادة ) ولا لما يلاقى ظلم واقع على الناس و يسعى انه يغير قوانين ظالمة ابقى اصدق انه بيعمل لوجه الله وللانسانية وللتاريخ واعتقد انه كان احب وافضل عند الله من شيوخ فضائياتنا وجنود الاخوان ، واصحاب التدين الشكلى والبدع .

Kontiki said...

صحيح بمناسبة انى وسط الصفوة حد عندة معلومات
هل غاندى بيسيب جنودة على الناس
مبتصليش لية يا اخ مش مسلم انت
حقى اسالك يا اخى الامر بالمعروف و النهى عن المنكر
ولا بيجيى للبنات
الحجاب يا اختى دة فريضة والا تبقى متسيبة وغير شريفه و غير متدينة
حقى اقتل المرتد اة اقتلة
حقى اكفر مفكر من غير ما اقرا كتابة
حقة احجر على الفكر و افرق بين رجل و زوجتة عشان له افكار
حقى اضرب المدخن اة التدخين حرام
ولا جلسة جوز دقون مع بعض
الاول : انا نشرت التمثال بالمنشار اة امال عشان الشياطين متخشش البيت
الثانى : انا بقى بفتح العيادة من بعد صلاة الفجر لحد صلاة الضحى وبعد كدة بكون مش فاضى
واللى عاوز يجيلى بعد صلاة الفجر

mido said...

مايهمش@

مهم دول أصل الوساخة فى الجزء الاعلامى من الازمة

AhmAd Ragab said...

Erdogan is visiting Egypt on December the 15th ... Fahmy Howeidy has it on his blog website ...

Ana ba2ool lazem nera77ab beeh ... ne3'eez fel 7okooma shewayya ... wel rayyes "el monta5ab" elly 3andena :)

Fahd said...

هو ليه لما نتكلم عن حاجه تخص الاخوان نقعد نقيم فكرهم ودماغهم ومستقبلهم ونيتهم

ليه منتعاملش معاهم علي انهم بني ادمين عندهم مشكله ونتكلم في حدود المشكلة

ليه بتعتبر ان اي حد هو اخر لكن لما نيجي علي الاخوان نعتبرهم ولاد كلب

ليه كل مرة ننصب ليهم المحكمة ونشتم فيهم ونقول فيهم كل العبر

مين قال ان الاخون هم الإخوان المستثمرين يعيدوا النظر فى فكرة المجتمع الفاضل اللى على قمته جماعة من الأثرياء التقاة المؤمنين اللى بيحنوا على فقراء المسلمين بفضلة ما أفاء الله عليهم من خزائن نعمته تقوليش الخزائن دى جابوها من عند أبوهم

مين قال كده

ودائما نتهم الاخوان انهم عايزين سلطة

هما لو اصلا داخلين في المجال السياسي ومش عايزين سلطه يبقوا اغبيه
داخليه ليه لما هما مش عايزين سلطة

طيب مهو حزب الوفد عايز السلطة مهو ايمن انور عايز السلطة مهو اي حزب في مصر عايز سلطه

مهو البرادعي عايز سلطه

مهو حسني ماسك في السلطة وهو وعياله

ليه الناس دي مش وحشه لكن الاخوان يبقوا ليهم نوايا اخري ووعايز سلطه ولاد كلب

انت ياخ مواطن مصري انت ايه قيمتك في الحياة علشان تقعد تتكلم عن الناس باسطوانات محفوظة

انت بالنسبة لي اروع نموذج علي مواطن صالح بيسمع كل اللي الحكومة محفظاه

ياجماعه احنا بنصادر حق الناس دي في انهم يشعروا انهم مظلومين

لو دخلوا المعتقل يقولوا هما بيعملوا كده علشان يكسبوا تعاطف الناس
لما يتهد لهم مستشفي نقول عليهم كلام اقل ما يقال انه اهبل

انا كنت ارفض مصطلح مجاهدين الكيبورد

لكن للاسف لقيته في بعض المدونين

اسف للاطاله واسف للاسلوب

لكن فعلا مضايق علي طريقة التفكير

ggt1230 said...
This comment has been removed by the author.
زقزوق said...

رد فعل وموقف الجماعة دى من هجوم واذلال وتنكيل السلطة بيها غريب وعجيب ومهين ومخصي ومقرف 80 سنة فى دار الارقم بن ابى الارقم مخرجتوش منها؟ 80 سنة يا قرود يا ديناصورات متحجرة لما القيامة قامت عليكم وانتوا فى الدار

مهندس حر said...

علياء
-----
كلامى عن الجهود الذاتية مش معناه إنى رافضها بالجملة لكنى بقول إنها لا يمكن أن تسد الفجوة المترتبة عن تخلى الدولة عن دورها الإجتماعى و بالتالى فالأولى أن نوجه إهتمامنا أكثر إلى الضغط فى سبيل حصول الناس على حقوقها .. فيه طبعا تحفظات تانية لكنها متعلقة بتوجه أيديولوجى و بالتالى مش مطلوب إننا نتفق عليها..

أنا مدرك تماما إن الإخوان حركة ممتدة بعمق المجتمع و تضم أفراد من مختلف شرائحه و تعبير الإخوان المستثمرين مقصود بيه السخرية من توجهاتهم فى مجال الإقتصاد و مرة تانية ده أمر مبنى على توجه أيديولوجى و بالتالى طبيعى إنه يكون موضع خلاف..

الفكرة فى النهاية إننا تمادينا فى تجاهل الفروق فى التوجهات بين أطياف المعارضة المصرية فى سبيل تكوين جبهة موحدة فى مواجهة النظام لكن ثبت عمليا إن هذا السلوك تم إستغلاله من البعض للإنفراد بالشارع إلى حد تصور انهم الفصيل الوحيد ذو التواجد فى هذا الشارع و فى المقابل لم يقدم هذا الفصيل للجبهة الموحدة المطلوبة أى دعم حقيقى و ظلت حساباته المنفردة مع السلطة تحكم سلوكه تجاهها..

the magnificent ninja said...

نوارة
أنا مش عارف انتي ضد الاخوان ولا لأ؟و يمكن أكون اتسرعت في الرد بس برضه هما ما ينفعوش يخلعوا .. هو لو شخص عادي اتعرض لنفس مواقفهم حيث يفعل الخيرات و مع ذلك الحكومة بتحبسه و معظم الطوائف السياسية بتشتم فيه كان طهق من عيشته و خلع فعلا . و لكن الاخوان ما زالوا صابرين و ان شاء الله يصبروا الى أن تقوم دولة العدل.
مهندس حر
الاخوان ليس منهجهم حكم الأثرياء و كون العديد من قادتهم أثرياء ف دا مش عيب طالما فلوس حلال
.
ggt1230
بس ياض يا حاقد , حماس لم تمنع المقاومة و هي الآن تسعى الى تحرير المئات من الأسرى الفلسطينيين من مختلف الطوائف بما فيها فتح , و يا ريت بلاش كلام فارغ.
مواطن مصري
ان شاء الله ما صدقت
القافلة تسير و الكلاب تعوي
و ما فيش فرق بينكم يا علمانيين و بين القاعديين , الاتنين بيحاربوا الاسلام الفارق ان العلمانيين بيحاربوه علنا و القاعديين بيحاربوه باسمه

حسن على said...

الغنوة عاملة معايا شغل

احنا المأجورين said...

مش عارف ان كنتى بتهزرى بكلامك دا ولالا
بس فعلا الاخوان اصحاب رسالة مش دا عيبهم
المشكلة فى اللى بيهدم الرسالة دى
بغض النظر ان كنتى متفقة او لا

احنا المأجورين said...

مش عارف انتى بتهيسى ولا بتتكلمى جد بس فعلا الحكومة شوية من الخنازير لا يراعو الله ولا يعرفوه اصلا

علياء said...

مهندس حر

فيه طبعا تحفظات تانية لكنها متعلقة بتوجه أيديولوجى و بالتالى مش مطلوب إننا نتفق عليها

مرة تانية ده أمر مبنى على توجه أيديولوجى و بالتالى طبيعى إنه يكون موضع خلاف..

اول سؤال
ايه اللى فى توجهات الإخوان الإقتصادية يستوجب السخرية
ثانى سؤال
ايه موضع الخلاف الإيديلوجى هنا
يعنى ناس بنت مستشفى , هدتها الحكومة نقوم نقولهم احسن علشان احنا مختلفين معاهم ايديلوجيا

اما حديثك عن الجبهة الموحدة فده اكبر دليل على الظلم الواقع على الاخوان من القوى السياسية الاخرى لمجرد الخلاف الايدلوجى
فكلما حاول الاخوان تكوين نواة لجبهة موحدة مع بقية الاحزاب على ضعفها

سارعت الحكومة برشوة تلك الاحزاب حتى يتجنبوا الاخوان
ثم يتتابع المسلسل الممل
فاذا بكتبة الحكومة و سدنتها يسارعون بتتدبيج المقالات عن الاخوان الجبابرة اللى مش عارفين يتحدوا مع الاخرين
و يقلبون الحقائق بصورة مثيرة للغثيان

و الشواهد على ذلك اكثر من ان تعد او تحصى

علياء said...

Kontiki

انتى عارفة لما تقرى حاجة تختلف كليا عن المنطق و العقل
و يبقى عندك ردود كتيييييييييرة فى دماغك و متبقيش عارفة تبداى بايه و لا ايه

هوه ده احساسى بالزبط بعد قراية تعليقك
يعنى انتى عايزة من الاخوان علشان يثبتوا حسن نيتهم انهم يمشوا بخطوات غاندى و الميه و الليمون لحد ما يجيبوا للشعب حقوقه

طيب مينفعش بعد اذنك طرق تانية
ميه و ملح مثلا , و بعدها يشمر و يجيب للناس حقوقها و هما بيجرجروه على المعتقل و المحاكم العسكرية

عملتى انتى و لا اى حد بيعيب على الاخوان لاسر الاخوان و اهلهم لما كل يوم و التانى الحكومة الظالمة نازلة ضرب فيهم
و ناس كتيرة عمالة تتفرج عليهم و تنظر , اعملوا ده و متعملوش ده
اتضرب بالشلوت علشان لو اضربت بالجزمة تبقى عايز الحكم و نيتك وحشة


و بعدين بتتكلمى عن الدول الاخرى و الاختلافات الحزبية و عايزة تسقطى تجربتهم علينا

يا (اله الشمس!!) هنا القاهرة

علياء said...

نسيت اقولك يا
Konti..

ايوة المستشفى كان فيه مرضى و اطباء فى الجزء اللى تم بناءه
و ده كنتى حتعرفيه لو تعبتى نفسك شوية و رحتى للرابط اللى حطاه الاستاذة نوارة للبوست

رئبال عبدالله said...

الاخوان لا يستطيعون التوقف عن اداء مهام التكافل الاجتماعي، حتى لو كان ذلك يصب في خانة اخماد عوامل الثورة في المجتمع.
طبيعة عقيدتهم تدفعهم دفعاً في هذا الاتجاه،قد نستطيع دعوتهم الى دراسة الاداء والوسيلة، كي لا يستمرأ النظام الاحمق جلد من يأخرون قيامة الناس عليه.
والاخوان على كل الحالات يحتاجون الى مراجعة امور منها :
عدم ثقتهم بانفسهم وقدرتهم على التغيير
وعدم ثقة بعض فئاتهم القيادية بالتغيير نفسه وتحبيذهم الظاهر لحالة الجمود التي يسميهاالبعض استقراراً.

الشعب المصري بعكس مايعتقد البعض، لا يحتاج الى تربية ليتغير الى الافضل، هو بامس الحاجة الى التغيير ليتربى على الافضل.

dr.lecter said...

هي جت علي مستشفي واحده؟
مافيه مستشفيات تالنيه كتيره
وبعدين هما كده كده مقصقصين ريشهم ومجمدين فلوسهم في البنوك

مواطن مصري said...

شوف يا عم النيجنجا اتعلم الاول اداب الحوار و اتهم الناس انها بتهاجم الاسلام دة اولا ثانيا هما الاخوان احتكرو الدين لنفسهم هل هما مالايكة مثالا محدش ينتقدهم و الي ينتقدهم هل يبقي بينتقد الاسلام متخلنيش اقولك كلمة من ثلاث حروف و اكون شتام زيك امال مين الديموقراطية الي بتدعيها فعلا امثالك ميستحقوش الديموقراطية اللة يرحمك يا سادات

مهندس حر said...

علياء
-----
فيه ناس كتير بتفسر أعمال الأطراف الأخرى بما يشبه التآمرية من خلال نسبة أهداف متعمدة و واعية للطرف الآخر .. كلامى عن الإخوان مش بيدخل فى النطاق ده .. فى إعتقادى إن الإخوان مخلصين تماما فى توجهاتهم و يؤمنون بأنها كفيلة بتحقيق مصالح الناس و الأغلبية الساحقة منهم كأفراد هم من أفضل من يمكن أن تلتقى بهم من الناس فى هذا البلد و ربما يعود ذلك إلى أن الإخوان هى الحركة الأكثر إهتماما بالتنشئة العقلية و الأخلاقية لكوادرها..

فى المحصلة أنا لا أكره الإخوان الحركة أو الأفراد و لكنى فقط أختلف مع توجهاتهم الفكرية..

سخريتى من توجههم فى مجال الإقتصاد فيه إشارة إلى أنهم لم يقدموا على دراسة النظم الإقتصادية بالعمق الكافى فى ضوء المبادئ الأساسية للإسلام و إلا لما خرجوا فى النهاية بتوجه لا يختلف عن الرأسمالية إلا بما يشبه إلباسها الحجاب .. بمعنى أوضح هم و غيرهم من حركات الإسلام السياسى لم يروا فى الرأسمالية عورة إلا الربوية فى البنوك و بعض تعاملات البورصة فألبسوها ثوبا إسلاميا يغير من الشكل و لا يلمس المضمون لأنه مجرد تحايل يلتف حول الربا الظاهر ليسقط فى ربوية مقنعة ثم هم كغيرهم لم يدركوا أن الرأسمالية كلها عورة و أنها مصدر معظم شرور عالمنا الحديث بداية بالتفاوت فى الدخول و حتى إمبريالية الغرب ..

أنا بالتأكيد ليس لى مشكلة مع المستشفى الخيرى الذى هدمته الحكومة و بالتأكيد كنت أتمنى لو أنه إستمر يعمل فى خدمة من هم فى أمس الحاجة إليه .. لا يمكن تصور أنى من العمى بحيث أترك لأى توجه فكرى أعتقد فيه أن يخفى عنى حقيقة أن المضار فى النهاية هم بسطاء و مرضى فقدوا ملجأهم الأخير فى مواجهة شبح المرض الذى يأكل أجسادهم..

هذا لا يغير من قناعتى بأن العمل الخيرى - وحده - ليس هو الحل لما نحن فيه و هو عندما يكون صدقة من أصحاب الثروات فضرره أكثر من نفعه و الأفضل أن يكون عملا تعاونيا و تطوعيا فى كل مكوناته حتى يكون ملكا لمن يحتاجونه و لا يكون تفضلا عليهم من أحد..

موضوع تعامل الإخوان مع القوى الأخرى و مع السلطة قصة طويلة لا يمكن حسمها لأن ما نعرفه عنها ليس بالضرورة صحيحا و لذلك لا أرغب فى التمادى فى مناقشته خاصة و أنى لا أولى الأحزاب الرسمية أى قدر من الإهتمام و لا أراهم جديرين بالإحترام و لا أستبعد بل أكاد أوقن بعمالتهم للنظام و مؤسسته الأمنية و بالتالى ربما يكون خطأ الإخوان هو دخولهم فى أى تحالفات مع هؤلاء أساسا..

Kontiki said...

ازيك يا نوارة
علياء
انا عرضت مثل لاسلوب حياة غاندى اللى كان بيكافح بصدق عشان مبادئة مش طمعا فى حاجة مش مجال للتريقة لان حياته معروفة للى بيقرأ
ثانيا مشوفتش لنك الخبر انا اسفة حضرتك والله
وبعدين بالراحة على راى القائل احنا مجاهدى الكيبورد
اختلفى معايا زى مانتى عاوزة عادى جدا
انا لا اعتبر الاخوان نموذج للفكر اللى ممكن اتبعه و بالنسبة لى فى نسبة عدم حب لهم
وبكرة التدين الشكلى
واتاذيت منهم
وبرفض تدخل الدين فى كل اشكال الحياة
وبرفض المتمسحين فى الاسلام وهم اسوأ خلق الله خلقا
واكثر الشعوب جهلا
واكثرها انقيادا للزديلة واكثرها ضعفا
الناس اللى عاوزة فتوى فى كل حركة فى
حياتها
الناس عديمة القيم
الناس اللى بتأذى بعض وتجرح بعض و تتكلم على بعض بالسوء وتدفع رشاوى وتسيب شوارعها قذرة ونفوسها اقذر الناس اللى شفتهم بعينى بيحرموا بنت من التعليم و احنا فى القرن الواحد و عشرين اللى بيحجبوا البنت وهى تلات سنين و يحرموها من ممارسة حياة سوية اللى دلوقت وانا و انتى عارفين البنت ممكن تتنقب فى مجتمع متخلف عشان تلاقى عريس طبقا للتيار السائد فى المجتمع ! الناس اللى بتستنى الاعياد عشان يدبحوا و يوقفوا الفقراء طوابير عشان كيس لحمة! كل دة بعد ما يقفوا على سجادة الصلاة
بالنسبة لحكاية اله الشمس
اعتقد انتى بعيدة تماما عن فهم فلسفة الشمس او اله الشمس وانصحك بمزيد من القراءة
فى الفلسفات القديمة يمكن تلاقى فيها ملجأ وملاذ ومصدر للقيم و التطهر الروحى والنقاء النفسى و حب الناس و الطبيعه و النظافة و الخير بدون اذلال
وبمناسبة الامن بصى انا مش بفضلهم اه وانما انا مع حقوق الانسان على طول الخط يعنى مش من حق انسان انه يمنع اخر انه يلبس اللى على مزاجة
سواء نقاب او جلباب
او يطول دقنة هو حر
او يصلى 24 ساعه فى اليوم
دة بينه و بين ربنا
عاوز يبنى مستشفى يبنى
عاوز يبنى مركز ثقافى يبنى
بس صحيح لو بنى مركز ثقافى تفتكرى حيسمح فيه بالفنون الموسيقى مثلا و الفن التشكيلى ولا حيسمح بس بالاناشيد الاسلامية وفتوى ارضاع الكبير ونجاسة ميكى ماوس ثقافة البنت لو مش محجبة تبقى ****** ولا تصلح ام
تفتكرى الدين اللى غلط
معتقدش
تفتكرى التطبيق هو اللى غلط وفهم الناس و علم الفقه اللى اقتصر على منهج المسلم فى انه يقول ربنا لك الحمد ولا ربنا لك الحمد و الشكر
تفرق صح
شفتى قضايانا الفكرية العميقة المهمة
شفتى الفكر الاخوانى لطيف وجميل وبيخلى الحياة هدية من الله تستحق الحياة ازاى
وان شاء الله حنوصل لاقصى درجات الكمال
لما الستات كلها تلبس النقاب الاسود
ونجلد اللى تمشى ببنطلون
وعلى العموم فكرى كويس قوى لو الفكر الدينى اتسابلة الحرية الكاملة وطبعا لان مطبقية ليسوا ملائكة اكيد حيكون فى سلبيات وقصور واهواء شخصية واطماع اكيد حيكون فى تبعات خطيرة واحنا مش ناقصين كفاية التقدم و الرقى الاجتماعى اللى احنا فيه
هنا القاهرة فعلا مش باريس
شكرا وعفوا يا نوارة على طول لتعليق

Kontiki said...

بعد ما شفت الخبر
حصل قبل كدة و بيحصل انه بسبب التراخيص بتنزل الناس من بيوتها و بتتهدد الادوار المخالفة
من بيوت مش بس مستفيات
اقول ايه حسبى الله و نعم الوكيل
المفروض المسائل الادارية والخلاف على تراخيص تتحل اداريا او بالغرامات
مصلحة المرضى او الاسر اللى بتترمى فى الشارع اهم من ورقة ترخيص ممكن تطلع بالرشوى

جبهة التهييس الشعبية said...

هاي يا شباب

معلش انا مشغولة اليومين دولم

:))

بالنوسبة للموضوع

والله انا مش عارفة، بس الواقع اللي انا شايفاه ان الاخوان كل اللي بيعملوه انهم بيسدوا العجز اللي بينتج عن سرقات الحكومة وفي ذات الوقت ما بيحاولوش يستغلوا ده كقوة

فبتكون النتيجة انه بيبقى الوضع على ماهو عليه

زي ما احمد نصر قال: عاملين زي الرقاصة اللي بتصرف على البلطجي

وفوق البيعة مش كسبانين حاجة لا على المستوى الحركي ولا على المستوى الوطني

دلوقت فيه منظمات كتير هيومان ريسورسيز وتنمية من امريكا ومن انجلترا ومن الاتحاد الاوروبي، الموظفين اللي فيها، مصريين طبعا، بياخدوا مرتبات بالالافات ادي اول مكسب
انهم بيشتروا مواطنين من الطبقة المتوسطة وفوق المتوسطة بالمرتبات الكبيرة
تاني مكسب انهم بيحكموا سيطرتهم على الطبقة الفقيرة، وده اضافة للمكسب الاساسي ان الدولة باجهزتها في جيبهم
وفوق البيعة حرامية ونصابين وما بيعملوش حاجة حقيقية لانهم مش جايين عشان يعملوا حاجة حقيقية هم جايين ينشروا ثقافة معينة ويغيروا مخ الناس بطريقة معينة مش يغيروا احوالهم للاحسن

في المقابل الاخوان، هم رأسماليين وانا ضد الرأسمالية، بس هم بيعملوا راسمال وطني، ده غير بقى انهم مش حرامية فعلا، مابيضربوش التبرعات في جيبهم
ماعندهمش موظفين بياخدوا بالالافات
وبقالهم تمانين سنة الحكومة تسرق وهم يلموا من بعض عشان يسدوا العجز اللي بتعمله الحكومة
طب وبعدين؟ واخرتها؟ ايه الفايدة العايدة عليهم
انا والله مقدرة يعني طيبة قلبهم وهاني شاكر اللي هم فيه و"انما نطعمكم لوجه الله لا نريد منكم جزاء ولا شكورا" بس هم بيتصدقوا على الحكومة؟
بيتصدقوا على النظام؟ ماهو كده ح يفضل مستمر
وبعدين؟
قبل كده النظام كان بيسيب الاخوان يعملوا اعمال خيرية لان ده بيخدمهم
دلوقت مع انتشار المؤسسات الاجنبية اللي بتعمل كده هم مش عايزين الاعمال الخيرية بتاعة الاخوان
طب والاخوان اكلوا ايه وشربوا عليه مية؟
استفادوا ايه؟
بلاش هم يستفيدوا
الناس، الشعب الغلبان ده، استفاد ايه؟ مافيش اي فايدة عادت على الناس خالص
لازم يشوفوا لهم آلية تانية يشتغلوا بيها
يا اما يسيبوا الناس تجوع لحد ما تنفجر

علياء said...

مهندس حر

بدايةً
اختلافى فى الراى معك لن يمنعنى من الثناء على عودتك لاسلوبك الهادى فى النقاش

ثانيا
موضوع العمل الخيرى الاخوانى
رد الاستاذ رئبال على قصره كفى الحقيقة و وفى

ثالثا

فى المحصلة أنا لا أكره الإخوان الحركة أو الأفراد و لكنى فقط أختلف مع توجهاتهم الفكرية..
___________________

يا باشمهندس
إنما تأسى على الحب النساء

و الاخوان مهماش شخص مطلوب منى انى احبه او أكرهه
بس من الانصاف انى مظلمهمش و أنساق ورا الفكرة الإعلامية المعلبة عنهم
اذا ما إختلفت معاهم فكرياً

رابعاً
نيجى بأه لمربط الفرس
سخريتى من توجههم فى مجال الإقتصاد فيه إشارة إلى أنهم لم يقدموا على دراسة النظم الإقتصادية بالعمق الكافى فى ضوء المبادئ الأساسية للإسلام و إلا لما خرجوا فى النهاية بتوجه لا يختلف عن الرأسمالية إلا بما يشبه إلباسها الحجاب
__________________

انا مش عارفة مصدرك فى الكلام ده
لكن انا حتكلم من خلال برنامج الاخوان الإقتصادى اللى اعلنوه
و اللى حطوا فيه رؤية مبنية على حلقات إقتصادية
عربية فإسلامية ثم دول نامية
بتشمل المشروعات المشتركة و تنسيق الخطط و مثلثات النمو حتى نصل الى تكامل اقتصادى
الجديد فيه هو بعده الإجتماعى الإنمائى

فعلى سبيل المثال هناك دور لمؤسسات الزكاة والوقف كمصادر تمويلية مساعدة للتغلب على عجز الموازنة العامة، وهناك دور للمشروعات كثيفة العمل للحد من مشكلة البطالة.. إلخ

الحقيقة برنامج متكامل لإن المشرف عليه هو

الدكتور عبد الحميد الغزالى مؤسس قسم الإقتصاد الإسلامى فى جامعة ام القرى
و ده راجل شهد له الجميع بالفضل
و تستعين به كثير من الجامعات و المصارف و البنوك و تقدر تجيب سيرته الذاتية من وكيبديا
بس لإنه اخوانى
فبيعتقل و يتمنع من السفر و يتحط فى السجن بالسنوات


كفاية كده لإن القلب موجوع

لك تحياتى

علياء said...

Koti

أولاً
يعنى انتى بتنصحينى بالقراية و التعمق و انتى حتى مكلفتيش نفسك تقرى الرابط فى الموضوع اللى اتسرعتى بالرد عليه
و هى ديه يا !! الشمس مشكلة الكثيرين
مجرد ما واحد واخد موقف من المتدينين يلاقى اسم الاخوان تلاقيه جرى يضرب و يهزأ

و ده داء مبعفيش منه بعض منتسبى التيار الاسلامى

ثانيا
انتى عندك خلط تااااااااااااااااااام بين التيارات الاسلامية
فاسمحيلى اردلك النصيحة فياريت تقراى فى الفرق بينهم
و كون انك عندك حساسية منهم ده يمكن يكون حافز علشان تتأكدى او تشيلى اسباب الحساسية

ثالثا
الاخوان لا بيامروا بالنقاب و لا ببول الكبير و لا الصغير
و اساس و مبدأ و عقيدة عندهم الاهتمام الكبير و الشديد بالرقى فى التعليم
و اهتماهم اشد بتعليم نساءهم و بناتهم
على اعتبار ان المكان الطبيعى للاخوانى فى ظل حكومات ظالمة و شعب متأنتخ
هو المعتقل
فلازم يكون عارف ان فيه وراه و بجانبه و أمامه زوجة و أولاد على وعى و فهم

رابعا
لو بصيتى للإخوان نظرة منصفة حتى على المستوى الشكلى
حتلاقى ان مش كلهم ملتحين
و مش كل نساءهم منقبات
و ده مش ذم فى النقاب و اللحية
لكن لان ديه امور خلافية فبيبقى التمسك او حتى العمل متروك لرغبة كل شخص
فبالتالى من الظلم البين انى اقول انهم جامدين و متزمتين

اخيرا
انتى عارفة يا
Konti
احنا مشكلتنا ايه مع الاخوان
اننا بنتعامل معاهم بالصورة السلبية اللى رسخها الاعلام الظالم على مدى عقود

طب الحكومة و ليها مصلحتها
و بكرة لو حزب الوفد او التجمع مثلا اصبحوا قوة الحكومة حتعاديهم برضة و بمنتهى الشراسة

لكن احنا اللى مش حكومة
ايه مصلحتنا فى اننا نمشى فى مسيرة التشوية ديه و نرفع الرايات
!!!!!!!!!!!!!!!!

مى said...

الأستاذ رئبال عبد الله

كلامك بالفعل رائع
و أكتر ما آثار إعجابى به هو مراعاة دقة كل لفظ
و ما ذكرته يعبر بالفعل عن الواقع بدون مبالغة أو تفريط

بهيج الشرير said...

والنبي ياأبلتي أنا عندي سؤال ديني بخصوص رمضان والصيام إللي إحنا فيه ده! ياترى هل يجوز وأنا صايم أروح إسكندرية وأمشي في زنقة الستات واللا ده يبقى تحرش بالنسوان

شمس العصارى said...

لالالالالالالالالالالالالالالالالالالا يا نوارة
" اذا تخلينا عن الواجب .... فهل نستطيع ان نتخلى عن الضمير "

زقزوق said...

محمود سلطان بيخبط فى ابراهيم عيسى

http://www.almesryoon.com/news.aspx?id=21810

بهيج الشرير said...

هل صحيح ياأبلتي أن أحد الشعراء قال
بدل الحكيم رحت لمية، واخدت كل الأدوية، والكل قالوا على جرحي ماخدناهوش في الكلية تارالام لام لام تارالام لام ........ ياعنيا

وهل قال شاعر آخر أيضا
الجوز الخيل والعررررررربية أنغامهم حلوة عليا، وكشف الحكيم أصبح عادة ومن عيادة لعيادة وكل واحد أروح له يقول ...... قطعت قلبي بزيادة تارالام لام تارالام لام ........ بزيادة

the magnificent ninja said...

يا عم مواطن مصري
أنا أقرأ في المدونة دي تقريبا من شهر يونيو الماضي .
و معظم ردودك تدل على ميلك للتيار العلماني
و العلمانية ضد الاسلام
و أنا مش ضد الديمقراطية و لا حاجة
أنا ضد الافترا
و كلامك عن الاخوان و حماس دا ظلم و افترا
kontiki
واضح انك لا تعرفين أي شئ عن الاخوان و تخلطين بينهم و بين مدعي السلفية اللي هما بيشتموا في الاخوان ليل و نهار برضه
.

نوارة
مين قالك ان الاخوان رأسماليين
كون أن العديد من قادتهم أثرياء بأموال حلال أو كانوا أثرياء قبل أن تنهب الدولة أموالهم الحلال
لا يعني ذلك أنهم رأسماليين

احنا المأجورين said...

يابنتى اناحاسس انك بدأتى تهيسى بشكل يعنى منه الخوف
وبعدين الاخوان دنبهم انهم بيأكلوا الجعانين؟؟؟
مال حصسنى هيكون ايه اخرته بقى
المهم فىالليلة دى حكاية ادا ضربك على خدك الايمن
هم الاخوان ساكتين ليه ولا خايفين فعلا من حكاية الجواز العرفى دى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

mido said...

زقزوق

أحلى حاجة فى ابراهيم انه منفض لكل اللى بيشتموه

و اللى يفطس من الضحك ان محمود سلطان رئيس تحرير المصريون

موقع الفبركة الاول فى مصر مناصفة مع اليوم الساقع

Kontiki said...

صباح الخير
ازيك يا نوارة
علياء
منكرش ان ممكن يكون عندى خلط بين المذاهب و التيارات الاسلامية فى تعاليمها بس دة مش دافع ليا عشان اقرا اكثر وافصل بينهم الحقيقة انا افضل ان الدين يقتصر على المسجد والكنيسة واداء العبادات فى هدوء وبدون تعصب وزى ما بيقوله كل واحد يخلية فى حاله وشايفة ان دة اسلم طريق
انما هوجة الفتاوى واستخدام التيارات الدينية لاستقطاب الناس و خلط امور الدين مع السياس والعمل الاجتماعى و المنظرة على الفقرا
دة انا اصلا رافضاة و رافضة تبعاتة
تجربة حية واقعية لمعرفتك بس كنت قائمة فى يوم من الايام على عمل خيرى فى اسكندرية
وكانت الام اللى طالبة الاعانة عندها بنتين المهم طلب مسئول الصرف وصاحب الايادى البيضاء اللى انا عارفة انه من الاخوان ان البنات تتحجب و الا المعونة مش حتتصرف شوفتى الاذلال باسم الدين
دى واحدة
عاوزة كمان واحدة ولا يمكن سعاتك عايشة فى برج عاجى ماختطلتيش مع الناس

ثانيا
انا ثقتى فى نوارة و طريقة عرضها للخبر فوق 100%
فساعات نظرا لظروف العمل بكتفى اقرا اللى هى كاتباه بس
معلش يا ست الحاجة دة مش معناه انى غير متعمقة فى قراءة المادة المعروضة
وعموما شكرا على ردك
وشكرا يا نوارة

جبهة التهييس الشعبية said...

احمد سعيد
وحشتني
انت فين يا مقروص... ح اخنقك والله

علياء said...

انت عارفة المثل اللى بيقول
إن جانى عالم بحثته
و إن جانى جاهل غلبنى

اقسم ان ده شعورى و انا بقرا ردودك الغير منطقية بالمرة
يا ست الحاجة "بضاعتكم ردت اليكم"انت حرة تقرئى و لا متقريش ديه حاجة خاصة بيكى
لكن اللى مش خاص بيكى هو انك تكتبى فى حاجة انتى مش عرفاها و تطرحى رايك ده للنقاش بكتابته علناً
و لما يتقالك معلوماتك مغلوطة , إقرئى الاول حتى فى الجزئية اللى بتكلمى عنها, يكون ردك

بس دة مش دافع ليا عشان اقرا اكثر
!!!!

بس اعتقد من المنطقى انه يكون دافع ليكى انك متكتبيش عن حاجة انتى مش عرفاها و كلامك عنها يدل عن جهلك التام بها

حكاية رجل البر الاخوانى اللى بيشترط الحجاب مش راكبة خاااااالص

لان الاخوان ليهم 22 فرع للجمعية الطبية الاسلامية
بتتعالج فيها المحجبة و الغير محجبة
بل كمان المسلم و غير المسلم

ازيدك من الشعر بيتا
ان من افضل من يكتب فى الفكر الاخوانى هو الدكتور رفيق حبيب
المفكر القبطى
و الذى شارك ايضا فى وضع برنامج الاخوان المسلمين فى نسخته الاولى

حاولى بس تهدى كده شوية


وانصحك بمزيد من القراءة
فى الفلسفات القديمة يمكن تلاقى فيها ملجأ وملاذ ومصدر للقيم و التطهر الروحى والنقاء النفسى و حب الناس و الطبيعه و النظافة و الخير بدون اذلال

علياء said...

إستفسار يا
Kont
رجل البر الإخوانى ده كان بيتعاون معاكى عادى كده و عندك تحسس من الاسلاميين وجهلهم

يعنى مقلش ديه إمراءة و انا بحسب طبيعتى المتشددة لا يجوز لى التعامل مع النساء
فضلا عن كونها مخالفة لى فى الرؤى


!!!!!!!!!!!

مى said...

عليــاء
_ _ _ _ _

بصدق

مستمتعة جداااااااا بنقاشك

ربنا يبارك فيك

Kontiki said...

جاهل ! كتر خيرك يا مؤدبة
مش معنى مشاركتى فى نشاط خيرى انى لازم اقول ارائى على الملا ومش معنى انه اتفرض على الشخص المشار الية وجودى يبقى رضاه عن هذا الوجود واحترامة للانثى يكفى كلامة للسيدات بلهجة الامر وافتقارة لقواعد الذوق و اللياقة فى التعامل وهروبة من اى مناقشة مع اى انثى كانها كلب اجرب وهو واتباعه ذوى الدقون بيتعاملوا من منطلق القاعدة الذهبية ان السيدات مصدر للفتنة والرذيلة على مر التاريخ
ووقلهالك بالبلدى يا ست الحاجة ممكن يمشى يديكى بالكتف تقعى على الارض عادى هو الراجل لازم توسعيلة مكان
واتباعه القرفانين عن الرد على اى سؤال من اى طبيبة او مشاركة
وعموما بفرض انى شفت نماذج سيئة وانى جاهلة زى ما انبرى لسان حضرتك للدفاع عن قضية خسرانه
احب اقولك حاجة ويمكن تفهميها بعد كام سنة كدة
لو اتساب لاى تيار دينى فى مصر الحرية الكاملة فى ممارسة الانشطة السياسية و الاجتماعية والثقافية واستقطاب الناس بالدين دة لن يخلو من اشكال العنصرية والعنف ضد الاخر وضد نفسنا لتفرقنا شعب و شيع وكثرة الفتاوى والحكم على الناس وتحريم الفنون والكتابات وغيرة كتير جدا من السلبيات و لان القائمين على التطبيق ليسوا رسل منزلين بالوحى وفيهم نماذج سيئة ونماذج ايجابية ويفتقروا للحكمة نظرا لان محركهم الاول ثوابت دينية وليست انسانية ( هى فى الاساس مصدر للخلاف عدد المذاهب الاسلامية 7 وعددالفرق حوالى 43 دى معلومة بسيطة بحكم الدراسة مش الثقافة عشان انا جاهلة بت كلب :D ) حتكون النتيجة سيئة جدا
وانصحك يا اخت انك تطلعى تأشيرة لجبال افغانستان اولنيجيريا لتنعمى بحكم الشريعه بقيادة جماعه بوكو حرام
مقلتليش صحيح بتقولى ربنا لك الحمد ولا ربنا لك الحمد والشكر
!
:)

FlashPack said...

http://petitions.number10.gov.uk/stateofpalestine/

علياء said...

خلاصة القول

الهدف من نقاشى كله كان لتوضيح ان معظم ما يقال على الاخوان و يلصق بهم من تهم و تشويه
(و بقول معظم)

تهم باطلة
اما ان كاتبها او قائلها لم يعرف الاخوان اصلاً و لم يكلف نفسه حتى معرفة ما يتحدث عنه و أهو بيخوض مع الخائضين


او انه بيكون كاره للاسلامين
و مش بالضرورة يكون كاره للاسلام
لان جماعة الاخوان المسلمين لم تدع يوما انها هى جماعة المسلمين
و كرهه ده بيخليه يكتب اى كلام


او لجوء البعض لتشويه صورتهم من قبيل نفض اليد عن حتى ابداء التعاطف و التفهم مع فريق فى رايي كل جرمه انه رفع شعار

(إن أريد إلا الأصلاح ما استطعت)

فريق لا هو من الملائكة المجنحة
و لا هو من الشياطين أصحاب الذيول

له اخطائه كما ان له حسناته


و يمكن موضوع هدم المستشفى و موقف البعض المتخاذل منه كان نقطة كاشفة

لانه كما كنت اعتقد انه لا يختلف عليه إثنان

لكن للاسف حتى هدم المستشفى الخيرى طلع سيئة من سيئات الاخوان

فيا أيها المشوهون
ألا تستحوووووووون

mido said...

نوارة


جزء من تدوينتك عن منع بناء المأذن فى سويسرا

نزلت على جلوبال فوييسز

http://globalvoicesonline.org/2009/12/08/egypt-when-did-saudi-arabia-become-switzerlands-role-model/

حتلاقيها فى التعليقات

مهندس حر said...

كلمة جانبية .. أنا مش قادر أعرف الناس هنا فاهمين كلمة رأسمالية إزاى بالضبط .. أنا قصدى طبعا الناس اللى بتقول إن الإخوان مش رأسماليين ..

مهندس حر said...

علياء
-----
أنا بحب جدا عبارة "إنما يأسى على الحب النساء".. مع إنى لو مكان قائلها ما كنت لإقايض على حب عمر بن الخطاب بأى عرض دنيوى..

للأسف ماعنديش ما أقدمه للإخوان أكتر من الحب و الإحترام لشخوصهم و لإخلاصهم إلخ .. و بالتأكيد أنا مش مطالب بالموافقة على توجهاتهم الفكرية فى أى مجال سواء السياسى أو الإقتصادى أو الإجتماعى.. و ده تحديدا الحق فى الإختلاف اللى بحاول أدافع عنه هنا ..

المغزى إن فى هذا البلد قوى أخرى بخلاف الإخوان .. هذه القوى ستدعم حق الإخوان فى حرية التعبير و فى التخلص من الملاحقة الأمنية و التضييق المستمر على كوادرهم و الحملة الظالمة و تلفيق الأكاذيب من قبل الإعلام الحكومى و شبه الحكومى .. لكن الإشكالية الكبيرة فى هذا البلد أنك إذا دافعت عن حقوق أحد أصبحت محسوبا عليه و هى الوجه الآخر لفكر يستبعد حق الآخر فى الوجود بمعنى أن المعتاد أنك ما دمت تختلف مع أحد فلن تهتم بالدفاع عن حقوقه..

ما أقوله أنه ربما حان الوقت لأن نوضح أنه إذا كنا ندافع عن حقوق الإخوان و ندين التضييق عليهم فهذا لا يعنى بالضرورة أننا نقبل و نتبنى خطابهم الدينى و السياسى إلخ .. و هذا يعنى أنه يمكننى كما يمكن لغيرى أن ينتقد و يهاجم أفكار و توجهات الإخوان دون أن يحسب على النظام أو يتهم بالعمالة له لمجرد أن الإخوان هم الهدف الأول لقمع النظام..

علياء said...

Konti

على فكرة بس كلمة جاهل بامر مش شتيمة يعنى انا مثلا طبيبة فبالتالى اجهل الهندسة انما بقى قمة الجهل انى ادعى علمى بشئ لا اعرفه
لانى فى الحالة ديه ببقى اقنعت نفسى انى ابو العريف فى هذا الامر
فبالتالى عمرى ما حتعلم



بس برضة على الرغم من كده لازم ابدى إعجابى
بالفيلم العربى اللى انتى كتباه ده بتاع الراجل الإخوانى
إنسان الغاب طويل الناب
اللى بيدى للستات بالكتف القانونى


تصفيق حاااااااااد

استفسار بس
و يا ترى ده بيشيل اللحية بعد التصوير و لا بيخليها للفيلم الجاى

علياء said...

تصحيح بس

عدد المذاهب الإسلامية أربعة و هى

مذهب الأمام ابوحنيفة
مذهب الأمام مالك
مذهب الأمام الشافعى
مذهب الأمام احمد بن حنبل


اما بقى عدد الفرق
فده

العلماء نفسهم اختلفوا فيه
فمن قائل انهم
73
و من قائل انهم
76

فى النهاية

عن جد
أنامش واخداه الموضوع بشكل شخصى
و الا كنتى حتلقينى رديت على تهكماتك و انا و لله الحمد قادرة على ذلك جدا

لكنى زى ما وضحت
ان الهدف من نقاشى كله هو اثبات وجهة النظر اللى سبق و كتبتها

و انتى بكلامك و تعليقاتك كنتى احسن مثال لاثبات صحتها

AhmAd Ragab said...

kontiki،

هو في العادي لما بلاقي حد بينط من فكرة لفكرة ... ومن نقطة هجوم للثانية ... بقول "pass" وانقل على تعليق تاني لعلي استفيد ... بس الهجوم الكاسح إلي حضرتك عملاه ... متميز ... ومبتكر ... ومتباين لدرجة عجيبة شوية ... فاسمحيلي ابتدي الخص النقاط إلي انتي عرضتيها:

أول تعليق ليكي - تقييم الإخوان كحركة ساعية إلى السلطة ... والحكم على الأحزاب انها كلها "طامعة" في الكرسي هي في الحقيقة نظرة قاصرة جداً ... مع الاحترام ... ولكن هو ده بالظبط اللي حكومتنا الجليلة نفسها نفهمه ونصدقه ... وإن الحكم دة مطمع ... وعشان كدة بابا حسني رافض تركه للأوباش ومهيمن عليه وحيوكس ابنه بيه :)

حق أصيل في أي دولة ديمقراطية إن يكون فيه أساليب إدارة مختلفة وبرامج وأولويات متباينة للأحزاب ... كل واحد يبقى معاه بضاعة مختلفة ... وكل واحد شايف في نفسه الأحقية للحكم ينزل الشارع يعرضها ... والناس هنا هي اللي تحكم على البضاعة ده ... ومدى جودتها.

لما تقولي على إن الاخوان عايزين يلعبوها بطريقتهم ... فده صحيح ... ومش عيب ... واللي مش عاجبه يشجع فريق تاني أو حزب تاني وخلاص ... انما حكومتنا الشجاعة اليقظة لكل محاولات "القفز" على الحكم مش حتنولهلهم ... جيمي ينزل بالبراشوت ماشي ... انما اخوان يشتغلوا في الشارع لأ :)

المقارنة مع غاندي غير عادلة ... لإنه كان في الحقيقة بيواجه الانجليز ... مش أولاد بلده ... وحتى مع كدة ... فأنا مش شايف إن الاخوان اختلفوا عنه كثير ... هما ما مسكوش سلاح ولا عملوا حوادث إرهاب في البلد ... الناس لسة مصممة تشتغل ... وإعتقال حبس تعذيب إعدام ... مش مهم ... برضه حنشتغل ... مؤمنين بفكرهم ... وبيلعبوا بقوانين النظام الغير عادلة كمان ... مجلس شعب وشورى ونقابات وكله ... وبيجيب اجوال كمان ...

لو طبقنا نظريتك - أو نظرية الحكومة على الاخوان - على غاندي ممكن نطلعه إبن تلاتين وإنتهازي وممثل ومدعي مصلحة الأمة ... وهو مش عايز غير إنه يطلع الانجليز ال"حلوين" عشان يستفرد بالكرسي ... وده الهند ... يعني الشاي والفيلة والمحيطات والثروات الطبيعية ... اه يا غاندي يا مجرم :))

التعليق التاني - دمه خفيف ... ضحكني ... عشان فعلاً فيه ناس هايفة بتتبع الفكر دة وماشية حياتها بالحنتوفة ... ودول عبء على الاخوان ... بس نعيب على ثقافة المجتمع ككل ... أصل الهيافة استشرت في الشعب كله ... إلا من رحم ربي ... ولا حضرتك شايفة إن الهيافة تخص الإخوان بس؟ إتفرجي على كل فئات المجتمع ومدى ضحالة التفكير والاهتمامات ... بلاش كمان نتكلم على التعليم ... تميز ... عايزة في وسط كل ده ... تلاقي كل اللي مربيين دقنهم ولا عاجبهم كلام الاخوان يبقوا متميزين فكرياً ... ازاي؟؟ هما مش من نفس الطينة برضه؟

وبعدين تاني نرجع ونقول النظرة قاصرة ... لإن لو الفكرة ... أي فكرة ... وكل فكرة ... بتتقيم باللي اتبعها من بعيد ... يبقى النتيجة لم ينجح أحد ...

التعليق الثالث - بما اني مابحبش كلام الفلسفة وعبادات الشمس والحاجات النص كم ده ولا أفهم فيها ... فحاعمل "pass" لها ... بس حاجي لأخطر نقطة في كلامك ... واخدة بالك انك علاقتي على الاخوان وبتقيميهم وفكرهم وصلاحيته للحكم و و و و .... هو الاهتراء اللي حاصل في المجتمع ده سببه الاخوان؟ ... الطائفية اللي عمالة تكبر وترعرع ده سببها الاخوان؟ ينهار ذي بعده ... هو الاخوان مسكوا الحكم وأنا نايم؟

كل اللي انتي إشتكيتي منه ده سببه ناس غير الاخوان ... نشر النقاب في مصر لم يكن من عمل الاخوان ... التدين الشكلي لم يكن من صنع الإخوان ... جهل وتعليم المجتمع مش عمل الاخوان ... مش الإخوان اللي علموا الشعب مقولة "اللي له ظهر مينضربش على بطنه" ... ولا هما اللي اعتقلوا الآف مؤلفة على مدار ٨٠ سنة ... ولا هما اللي سمحوا بنحطاط مستوى الفن ... أو الحوار ... أو الكورة ... ولا هما اللي طلاعونا من كأس العالم :)

عندي محاضرة ... حكمل تعليق لما أفضى ... وأهلاً بردك :)

علياء said...

مهندس حر

لكن الإشكالية الكبيرة فى هذا البلد أنك إذا دافعت عن حقوق أحد أصبحت محسوبا عليه و هى الوجه الآخر لفكر يستبعد حق الآخر فى الوجود بمعنى أن المعتاد أنك ما دمت تختلف مع أحد فلن تهتم بالدفاع عن حقوقه..



كلمتك ديه لخصت كتير من الافكار

علشان كده بقول ان مش مطلوب من كل حد انه يدافع عن الاخوان
حتى و لو فى الوجود
لان الدفاع ممكن يكون ليه ضريبته اللى ميقدرش او مش عايز يتحملها

لكن من الحق و الواجب ان نطالب الكل بعدم الاساءة للإخوان فى المواضع الواضحة والتى يجب فيها التعاطف معهم

بمعنى إن لم يستطع المرء تقديم العون فعلى الأقل لا يركل المظلوم بقدمه

و ليكن مسلكه تبعاً لحديث رسول الله صلى الله عليه و سلم
:

من كان يؤمن بالله و اليوم الآخر فليقل خيراً أو ليصمت

لك تحياتى

رئبال عبدالله said...

السيدة مى

الحمدلله على السلامة وتقبل الله صالح
الاعمال



علياء
هناك اسلام تعبد به المسلمون قبل ولادة المذاهب التى تفوق اصابع اليدين، ومايصطلح على تسميته بالمذاهب ليست الا طرق للوصول الى الحق وهي بعدد انفاس الخلق

مى said...

أستاذ رئبال
_ _ _ _ _

جزاكم الله خيراً
و تقبل الله منا و منكم صالح الأعمال


بالنسبة للمذاهب الأربعة

هناك العديد بالفعل من المذاهب الفقهية
منها الذى إندثر و منها الذى ذهب أكثره و منها ما هو موجود


مثل مذهب الثورى و الليث بن سعد و ابن عيينة و الظاهرى


كما إنه كان لمعظم الصحابة و التابعين اختيارات فقهية


لكن إذا ذُكرت كلمة مذاهب أهل السنة و الجماعة

كان المقصود التلقائى هو
المذاهب الأربعة المعتبرة



تماماً إذا جاز لنا القياس على الأهرامات

فإذا ذكرت كلمة أهرامات مجردة

كان المقصود بها

الأهرامات الثلاثة
على الرغم من وجود عدد كبير من الأهرامات الأخرى

رئبال عبدالله said...

السيدة مى


استخدمت الاخت علياء مصطلح المذاهب الإسلامية، ولو اقتصرت على مذاهب اهل السنة والجماعة لكان الحق ماتقولين مع الحاق المذهب الظاهري بها.

ورأيت في التوضيح ضرورة لغاية في نفسي

Kontiki said...

صباح الخير يا نوارة
علياء
ولو عندى عندى جهل بموضوع وانا فاهمة طبعا انه كلمة جهل مش شتيمة انما استفزتنى الكلمة انما انا اتكلمت بحكم تجارب
اختلفت بقى المسميات
اخوان
سلف
جهاد
تكفير
ايا كان
النتيجة واحدة
الدين والمجتمع والسياسة و الحرية واستقطاب الناس بالدين
حقوق غير المسلم حق المسلم فى الحرية
طيب اسألى نفسك السؤال دة
مين القائم على تنفيذ الشريعه
بزمتك مش شايفة هوجة فضائيات الدين و الفتاوى
بزمتك مش شايفة هوجة البنات بالعبايات والطرح واخلاقهم تحت الصفر عشان دة بقى مظهر شكلى لابد منه عشان الواحدة تتجوز
محستيش بقلق لما طلاب الاخوان عملوا استعراض عسكرى فى الجامعه من مدة ( الجامعه يا طبيبة اللى هى مكان علم وثقافة ورقى دة المفروض )
طيب مسجد الجامعه الفاضى الا من القليل والجامعه كلها محجبات على منقبات على دقون مبتحسيش ان دة تدين شكلى !
مش شعار الاخوان دة السيفين وكلمة واعدوا ( تخيلى شعار جماعه دينية سيف وكلمة اعدوا مالوش انطباع نفسى دموى عندك )
اسالى نفسك حنعد لمين لاسرائيل وتحرير الاقصى ان لو جيشنا فكر بس يتحرك من مكانة حتتحرك جيوش امريكا و حلفائها للقضاء علية قبل ما يوصل سينا
طب قضية الدين والاخر دة اللى مخلى دلوقت المسلم يقول ماتجوزش الرحمة على المسيحى ولا يجوز علية السلام مش دة انتفاء لمعانى السلام الاجتماعى و اشعال لبذرة التعصب
ومش مخلى الراجل المسلم ( اللى بيصلى ومطول طرف دقنة وبيطلق على نفسة ملتزم ) ينظر لزوجتة على انها ( انثى فقط ) ومش ححلفلك انما من ضمن النماذج المشرقة اللى شفتها النموذج دة اللى زوجتة متفرقش معاة اللى حياخدة من دى هو اللى ياخدة من دى ولو زعلتنى اضربها وش كدة ولو ناقشتنى يبقى الويل ولو اتجوزت عليها كمان 3 عادى حقى ( مش دة انتفاء للمشاعر الانسانية وسمو العلاقة اللى تحولت بحكم الفتاوى لعلاقة رجل بانثى لافضاء شهوتة ومن حقة بدل الواحدة 4 فكرى يا طبيبة ) ونظرا لفكرة الملتزم انهم قوامون على النساء بينبع منها نوع من المعاملة المتعجرفة مع السيدات لانه الاعلى مرتبة بحكم الدين وزى ما اديتيك مثل وانتى مصدقتهوش وقلتى افلام عربى
طب انا غلط فكرى فى دى مش الانسان اللى بيطلق على نفسة " ملتزم " دة بيبتدى يتحول نفسيا من انسان عادى لانسان شايف نفسة على حق و الباقى على باطل انا بصلى وهم لا يبقى انا ملتزم وهم عصاة وانطلاقا من القاعدة الدينية الامر بالمعروف تلاقى الملتزم ادى لنفسة الحق انه يوقف حد فى الشارع ومبتصليش لية يا اخ وبتدخن لية ؟؟ والمنقبة توقف المحجبة دة مش حجاب يا اختى ( مش دة حيخلق صراعات اجتماعية برضة وانتفاء لمعنى الحرية الانسانية ) ومفيش داعى بقى اقولك ممكن النظرة الدينية دى للمسلم غير الملتزم ( بمنطقهم ) والفتاة غير المحجبة تفضى لاية !
تعرفى هنا فى ام الدنيا ممكن البنت تترفض عشان مش محجبة لانه انطلاقا قاعدة دينية الاحسن المحجبة ( على اساس بنتوسم فيها الفضائل والغير محجبة طالما دة دليل على عدم خوفها من الله وبالتالى لا تستحق ) تعرفى انا بديكى المثل دة ليه ! عشان الزواج هو الخلية الاولى لبناء المجتمع لما يبقى دة الاساس اللى هو قائم علية ( اساس شكلى ) يبقى بعد كدة نقدر نتوسم اسر صالحة ولا اسر مريضة بامراض نفسية و اجتماعية )
مش حكلم بقى عن الفنون والموسيقى والتفاهات دى ومنافذ الشيطان للروح المؤمنة

Kontiki said...

ولا حقولك على معنى التوكل اللى اصبح مشوة بحكم سعى الانسان المؤمن للجنة فى اعمالة وان الدنيا لا تستحق ( سؤال يا طبيبة بتزعلى برضة لما الاطباء يسيبوا المرضى ويغيبوا ساعه و اتنين فى صلاة التراويح ! )
مش حقولك بقى على دروس الفجر والشرايط اللى بنص جنيه اللى كلها صوات وصريخ على النسوان و عمايلهم والغرب الكافر واهل الكتاب اللى عارفين انهم على باطل واحنا متفضلين عليهم وسيبنهم عايشين معانا
هل انتى شايفة مجتمعنا المصرى بطبقاته ومستوياته التعليمية يتحمل كل دة ؟
هل انتى شايفة ان دة المفروض قضيتنا فى القرن دة ؟
هل هو دة سبيل التطور ؟
هل هو دة اللى حيقق لنا تطور اقتصادى زى سنغافورة ، ولا حقوق انسان فرنسية ، ولا ديموقراطية امريكية
بصى انا قريت على قد ثقافتى المحدودة
وشفت على حسب تجربتى المتواضعه
ولو عندى قصور فى قراءة المتون ونظريات الحكم الدينى انا اسفة حقك عليا
بس التطبيق يتكلم عن النظرية
الواقع يقول اية اللى فى العقول
وحال الناس يبين احنا رايحين فين
تفتكرى لو حد من الاخوان خلى الواحد ميتكسفش وهو بيقول انه مصرى انا حكون ضدة بالعكس !
بس فكرى هل حالنا دلوقتى بكل الامثلة اللى قلتهالك يبين ان فى حد بيشتغل من ثوابت دينية وفكر دينى ممكن يساهم فى نهضة المجتمع ولا ينتفى معاه حقوق الانسان ؟ ( وانا عارفة انه مش نابع من قصور النص الالهى فى القران وانما نابع من تطبيق البشر )
الاحسن الدين يقتصر على العبادات فى هدوء وبدون ازمات وعلى راى نوارة بدون تهييج وانصروا دينكم وسواقة القطيع على حسب اهواء الحاكم وبدون سلبيات اجتماعية وتخلفات .
ولا الاحسن نحاول نعمل نهضة اجتماعية وانسانية فى بلدنا
هل انتى شايفة ان قيادات الفكر الدينى سواء اخوان او غيرة على قد المسئولية ؟
لو انتى شايفة انه اة الاخوان هم الحل يبقى ملوش لازمة المناقشة والايام بيننا

Kontiki said...

اخيرا
انا لا دافعت عن صحة التصرف بهدم مستشفى ولا قلت انه صح لانه ضد الانسانية بس لازم نفتكر ان فى تصرف موازى له وهو هدم بيوت فيها اسر عشان التراخيص
انا مقلتش ان الاخوان وحدهم هم سبب كل البلاوى انما هم او غيرهم من جماعات الخلط بين الدين وكل شئون المجتمع والاقتصاد والسياسة دة شىء فى المبدأ مرفوض وتبعاته سيئة جدا من وجهه نظرى وطالما انا رافضة المبدأ يبقى حرفض كل اشكالة ( اخوان او سلف او غيرة )
( واكيد انتوا شايفين احسن وبتفهموا اكتر بس والنبى حد يدينى نموذج واحد لدولة اسلامية غير بترولية عندها رخاء اقتصادى وحقوق انسان وحرية كلهم كدة مع بعض عشان احاول اجيب الفيزا ) .
غاندى كان بيحارب الاحتلال وكان بيصوم لما الهندوس والمسلمين تحصل بينهم مشاحنات ومعارك وقتل وكانت بتتوقف المعارك لحبهم لشخصه وتقديرهم له ، غاندى كان نموذج لالتفاف الناس حولة لبساطة وانسانية مبادئة ورقيها بعيدا عن جنود الحجاب يا اختى ولماذا لا تصلى ومحاولة الفرض بالقوة والتأثير النفسى على الناس من مدخل الدين وحب الله والجنة احسن من الدنيا
المدافعين عموما رجاء نظرة منصفة لواقعنا المصرى العربى ومدى الجهل والاضمحلال والديكتاتورية والياس وعدم الرغبة فى التغيير وفقدان الانسان ثقتة فى نفسة وبحثه عن قشة نجاه من كل السلبيات ( والجديد فى الاسواق مش من حقنا نخرج على الحاكم عشان ربنا امرنا بطاعه اولى الامر ) ونظرة اخرى للمجتمعات المتقدمة فى الغرب شوفوا هما بقوا اية واحنا لسة بندافع عن اية وهل الطريق الصحيح هو طريق الاخوان المسلمين او اى تيار دينى سياسى ؟

علياء said...
This comment has been removed by the author.
علياء said...

كونت

زى ما سبق و قولتلك إن الموضوع مش شخصى بالمرة .. أنا كنت بوضح جزء من الظلم الواقع على الإخوان

و إنتى مشكلتك كما الكثيرين فى التعميم

يعنى مينفعش أساوى الصهيونى اللى إحتل أرضى باليهودى اللى مش محتل يعنى مش عايش فى فلسطين و كمان بينصر قضيتى
بالرغم من الفئتين يهود

برضة مقدرش أبص للى عمله بوش و بلير و برلسكونى
و اللى بيكمله دلوقتى الشاطر أوباما و جوردن براون
من قتل و تشريد الملايين فى العراق و أفغانستان

و أعمم و أقول شوفوا المسيحين الإرهابين بيعملوا إيه

ساعتها أكون إما ظالمة أو جاهلة
و بتجاهل المسيرات المليونية اللى خرجت فى العواصم الأوربية
بل و فى أمريكا نفسها
لتدين الأعمال البربرية التى يقوم بها حكامهم


نفس القياس تقدرى تقوليه على الإسلاميين
مينفعش تحطى الكل فى سلة و تطلقى عليها أحكام الإعلام المصرى المغرضة

فى النهاية لكى تحياتى

زقزوق said...

عندى سؤال لنيمو

لو اختك ليها نفس الموقف من الاخوان وبتكرههم وبتكره كل الجماعات الاسلامية والاسلام نفسه وبتكره نفسها حتى

حتكون سعيد لو رصيت لها انا او غيري نفس الكلام اللى رصيته لكونت دى؟

جبهة التهييس الشعبية said...

ايه ده يا نيمو ده يخرب بيتك

انا ما قرتش تعليقاتك لحد ماحد بعت لي قال لي انت قريتي تعليقات نيمو

يا نيمو ما تشتمش حد عندي هنا

انا اسفة ح اضطر امسح التعليقات

جبهة التهييس الشعبية said...

اهو واحد صعيدي عرفك كيف يكون الحديت مع الحريم

جدع يا زقزوق

Kontiki said...

ازيك يا نوارة
هى وصلت للشتم ؟
الحمد لله ان الانترنت كان عطلان
علياء
لكى ايضا تحياتى وشكرا على المناقشة و الايام بيننا
:)
بكره الاسلام نفسة صحكتنى فعلا
الاسلام اللى هو الصوم و الصلاة و الزكاة والصدقات واخلينى فى حالى واعامل الناس كويس بغض النظر عن دينهم او لونهم ومن غير تدخل فى شئونهم وعبادتهم ومتخذش من دة ذريعه للحكم عليهم او تقييمهم
دة الاسلام اللى اعرفة واللى بحبة
المتأسلمين بقى و السلبيات لاجتماعية وانتفاء الحقوق الانسانية والتطرف ولبس عباءة القداسة والضحك على الناس البسطاء الفقرا الاميين بشنطة رمضان وكيس لحمة عشان ينجحوا فى الشارع والانتخابات ويوصلوا للسلطة دة اللى انا بكرهه
الفقر
والامية
والامراض
والحكومة
خلقت مواطن غير معتز بنفسة ومنعدم الامل
وفعلا الحكومات غير الديموقراطية تسعى انها تخلى حياة المواطن سيئة جدا على كل المستويات عشان ميلتفت لحقوقة
مستنى اى قشة يتعلق فيها تنقذة
عموما شكرا على المناقشة

جبهة التهييس الشعبية said...

Kontiki

انا اسفة جدا جدا

والله نيمو مش قليل الادب ولا حاجة ده ذوق جدا بس هو يمكن مزاجه كان متعكر يوميها وللا حاجة

انا نزلت تعليقه من غير ما اقراه لحد ما مهندس حر قال لي لو سمحتي اقري تعليقات نيمو

معلش حقك عليا

علياء said...

كونت

الشنطة و اللحمة و الرشاوى الإنتخابية ده شغل بتوع الحزب الوطنى

و الرشاوى ديه بتختلف معاهم حسب المكان
يعنى لو فى نقابة الصحافيين
تبقى الرشوة لاب توب و
80
جنيه و لو فى مجلس الشعب تبقى تصاريح كهرباء و بناء

و هلم جرا

مشكلتك يا كونت .. أنتى و البعض هى اللخبطةالخلط و التعميم

مينفعش يا كونت
!!

إرجعى لتعليق
الأستاذ أحمد رجب هنا فى المدونة فيه المفيد

زقزوق said...

لا انا كنت بقول ولو

ولو حتى يعنى كارهه الاسلام نفسه

فميصحش.. الى اخرة

اضحك الله سنك يا حاجة

علياء said...

زقزوق

رد فعل وموقف الجماعة دى من هجوم واذلال وتنكيل السلطة بيها غريب وعجيب ومهين ومخصي ومقرف 80 سنة فى دار الارقم بن ابى الارقم مخرجتوش منها؟ 80 سنة يا قرود يا ديناصورات متحجرة

__________________

أعذرنى لم أنتبه لتعليقك التحفة إلا الآن


يا ترى ديناصورات و قرود الأخوان وعدوا حضرتك بحاجة و معملوهاش
!!

أو حضرتك من الأساس ليك عندهم حاجة علشان توصفهم بالقردة

هما مستحملين ظلم و قرف الحكومة و تجبرها

حضرتك مالك
!!

بينفقوا من أمولهم و جهدهم و آمان أسرهم لوجه الله على حد قولهم

و مظهرية و غباء على حد أقوال البعض

برضة حضرتك مالك
!!

فلا هم وعودونا بقلب أو عدل نظام الحكم

و لا وعودونا بالإتيان بدولة العدل و القانون

و لا لينا أى حاجة عندهم أصلاً تخلينا ننتقدهم
طالما لم يسيئوا لأى أحد
على العكس بيتسحملوا من الحكومة الظالمة المطمئنة إن الشعب مغمى عليه .. حيسيب الجلاد و ينزل ضرب فى الضحية

و يقولها يا قردة يا ديناصورة عمالة تضربى
80
سنة و إنت ساكتة
و بعدين يمسك كرباج
و يقولها دينك قالك تقعدى يا قردة
80
سنة فى دار الأرقم
_________

طيب مفيش إخوان ..بح خلاص

ما تتحركوا إنتوا يا شطاااااااااار
و تسيبكوا من القرود
!!!!!!!!!

عن جد
شئ فى منتهى العجب

رجاءً
بعض من التعقل و قليل من التواضع حتى يعرف كل منا قدره

فلا نتكبر و نُننظر على من لا يجد إلا أمنه و أسرته و ماله يبذلهم فى سبيل ما آمن أنه الحق



و صدق الأستاذ فهد فى تعبيره

مجاهدى الكيبورد

زقزوق said...

يا مزمزيل علياء
انتى بتعتذرى لى عشان مخدتيش بالك من تعليقى؟
باعتبارك المتحدثة الرسمية باسم الاخوان هنا مثلا؟
ولازم تردي على اى تعليق هنابخصوصهم؟
مش فاهم معنى الاعتذار والله
عموما واضح من تعليقك الاخيرا دا ان فيه سوء فهم شنيع حصل
وان محدش قدر يفهم ان انتى بتتكلمى عن جماعة تانية خالص
يا جماعة دى مش بتتكلم عن جماعة الاخوان المسلمين المعروفة
دى بتتكلم عن جمعية خيرية مسجلة فى الشهر العقارى
جمعية ماشية فى حالها وموعدتش حد بحاجة
وكل هم اعضاءها انهم يلموا من بعض فلوس عشان يبنوا مستشفيات
وكل همها ان الناس والدولةتسيبها فى حالها
واللى ميعجبوش الكلام دا
خلاص بح
مفيش اخوان

قال وانا اللى كنت محضر وجايب شوية اسئلة عن منهج الاخوان فى التغيير
نحو اقامة الدولة والحكومة الاسلامية
اللى بيتكلم عنها الاخوان من 80 سنه من ايام دار الارقم بن ابى الارقم
قصدى من ايام رسايل حسن البنا وتصوره للدولة الاسلامية

وهل دخول مجلس الشعب ب88 شاهد زور
دا كان فى تصورهم خطوة نحوتحقيق هدف مهم من اهدافهم وهو الدولة الاسلامية
وهل نجحت حركة واحدة فى التاريخ باسلوب تربية المجتمع وحده
وايه معنى الانبطاح لظلم الدولة
وانت اكثر تنظيم فى البلد قادر على تحريك الجماهير المنظمة بمئات الالاف
وايه لعنة تغليب مصلحة الجماعة على مصلحة الامة دى
معذرة..
اصلى مكنتش متصور انها مجرد جمعية خيرية مسجلة فى الشهر العقارى
لا عمرهم وعدونا بعدل نظام الحكم
ولا وعدونا بالاتيان بدولة العدل والقانون

علياء said...

عندما أسير فى الطريق فلا ألتفت للافتة بالرغم من لونها الفاقع

هنا أرى أن أعتذر عن عدم الإنتباه

و ليس لإنى أزعم أو زعمت أنى المتحدثة
باسم الإخوان المسلمين


____________________

يا جماعة دى مش بتتكلم عن جماعة الاخوان المسلمين المعروفة
دى بتتكلم عن جمعية خيرية مسجلة فى الشهر العقارى
جمعية ماشية فى حالها وموعدتش حد بحاجة
____________________________
هاتلى مصدر واحد يثبت إن الإخوان وعدوا أى أحد بشئ
فإلى أنت تأتى لى بهذا المصدر

فليس لل أو لأى أحد غير أفرادها الغارمين الحق فى محسابتها

كون إنها تقولهم إحنا حنعمل معاً لتربية الفرد فالأسرة
توطئةً لإنشاء مجتمع أفضل
و هم يوافقون على السير فى هذا الطريق معاً مهما حدث لهم

يبقى أفرادها بس هم الذين يحاسبوها إذا أرادوا
لإنهم المنغمسون فى أتونها و الأدرى إذا ما كانت قصرت أم لا

قعدوا بقى
80
و لا
800
ركبوا ناقة و لا طائرة

هذه هى خطواتهم و هذا هو جهدهم هم أدرى به

و اللى عايز يعمل حاجة أو يقدر يعمل حاجة يعملها
لا الإخوان منعوه و لا حيمنعوه

أقربلك الموضوع علك تعى ما أقول


هناك قرية
القرية ديه فيها جبل
لو إتشال الجبل حيظهر النهر و يعم الخير القرية

قامت مجموعة من سكان القرية من
80 و لا 100
سنة علشان تحاول تكسر فى الجبل

بقية السكان قعدوا يتفرجوا
و كل شوية المتفرجين بيزيدوا

و العمال عمالين يكسروا و يقع منهم ناس من التعب
و المتفرجين بيزيدوا

الوقت بيمر
و مع الوقت المتفرج بيبقى بجح
ما هو قاعد فاضى

فواحد متأنتخ يمسكلهم كتاب يسألهم فيه


و واحد تانى يشوف صخور الجبل عماله تقع عليهم

يزيط و يهلل و يقولهم أحسن ما أنتوا لو كنتوا أنجزتوا العمل بسرعة مكنش الجبل آذاكم و وقع عليكم يا قردة يا ديناصورات
!!!!!!!!


فى حين لو تعاون الكل
و مبقاش فيه متفرج و كان الكل عمال
كان الجبل أتكسر و مياه النهر جرت بالخير

أرجو ألا تكون مكابراً و تفهم المغزى


فى النهاية
لا أنت و لا أى حد ليه الحق فى مطالبة الإخوان بأى شئ سوى من غرم فى سبيلها

جمعية خيرية .. جمعية إستهلاكية
!!
سمها ما شئت

لكن لا تطالبها بحق أنت لم تبذل و لم تدفع فى مقابله شيئاً

مى said...

علياء
_ _ _ _

مثال القرية
ممتاز وضح الصورة و إختصر الكلام



ففى الجبل متسع لمن يريد أن يعمل

ليس بالضرورة أن يبدأ عمله مع العمال القدامى


لكن طبيعة العمل و إتحاد الهدف

أكيد أكيد حيوحد بين العامل القديم و العامل الحديث


و حيتلافوا السلبيات إن وجدت




جمعية خيرية .. جمعية إستهلاكية
!!
سمها ما شئت

لكن لا تطالبها بحق أنت لم تبذل و لم تدفع فى مقابله شيئاً

_ _ _ _ _ _


صح كلامك عندك حق

ربنا يكرمك يارب

عم مينا said...

المحكمة الإدارية حكمت بوقف الهدم
http://www.youtube.com/watch?v=4qZggn7oeZ0
لسة فيه قضاء محترم في مصر