Thursday, 3 December 2009

يا لااااااااااااااااهووووويييييييييييييييييي


الله يخرب بيوتكوا على بيت كاس العالم على بيت الكورة على بيت الماتشات على اليوم اللي شفتكوا فيه
يا لااااااااااااااااااااااهوييييييييييييييييييييييي
احسن
احسن
احسن يا بتوع كرامة مصر احسن... ابقوا كلوا كرامة مصر بقى وغمسوا بيها
كله من تحت راس فردوس عبد الحميد
طب والله لانزل نص الخبر.... كلوا:

المصيلحي يستغل أحداث "الجزائر" ويفقد المصريين "أغلى ما عندهم"!!


في هدوء تام شرب المصريون أكبر "مقلب" في حياتهم منذ ما يزيد على 30 عاما بعد أن استغلت حكومة د. احمد نظيف انغماس ملايين المصريين في الأحداث الصاخبة التي رافقت مباراتي مصر والجزائر يومي 14 و 18 نوفمبر 2009 وقامت بتمرير مسألة رفع رغيف الخبز المدعم من 5 قروش إلى 20 قرشا بواقع 400%.






وهي العقدة الكئود التي فشلت جميع الحكومات السابقة منذ أحداث 17 و18 يناير عام 1977 التي أطلق عليها انتفاضة الخبز أو الجوع ، في تجاوز حتى نصفها، فكان الحديث فيما سبق عن تحريك سعر الخبز من 5 قروش إلى عشرة، لكن كانت جميع الدراسات الأمنية تحذر من مغبة هذا الإجراء لخطورته على استتباب حالة الأمن الداخلي.






فأمام شاشات الإعلام وقف دكتور علي المصيلحي وزير التضامن الاجتماعي المصري ليعلن أنه تم تحديد الدعم العيني للخبز بـ13 جنيها ونصف جنيه للفرد شهريا بعد إقرار السياسة الجديدة لدعم الخبز التي تمنح للمواطن اختيار طريقة الحصول على الدعم مع رفع سعر الخبز إلى 20 قرشا.


وأضاف المصيلحي انه سيكون بمقدور المواطن الاختيار ما بين حصوله على قيمة الدعم نقديا أو الحصول على دقيق مدعم، أو أن يشترى الخبز بسعره المدعم من المخابز ومنافذ البيع.






وأكد الوزير أن تحديد 13.5 جنيه قيمة مادية لدعم الخبز جاءت بعد دراسات متأنية، لأنه إذا كانت تكلفة إنتاج الرغيف 20 قرشاً، منها 15 قرشاً دعماً، ومتوسط استهلاك الفرد 3 أرغفة يومياً يعنى أنه يحتاج ما قيمته 45 قرشاً لدعم رغيف الخبز يومياً، و13.5 جنيه شهرياً.






وكانت تقارير صحفية أفادت سلفا باعتزام الحكومة إعادة هيكلة دعم رغيف الخبز وتوزيع الدعم وفقاً للحالة الاجتماعية، أعقبتها تصريحات بأن الإبقاء على الدعم العيني لرغيف الخبز الهدف منه الوصول إلى بعض الفئات التي يصعب الوصول إليها في حالة تحويل الدعم بأكمله إلى نقدي.






لكن هذه الأنباء قوبلت برفض قاطع من نواب البرلمان من قبل حيث رأوا صعوبة تطبيق الدعم النقدي علي بعض السلع الأساسية قبل زيادة الأجور ضعفين عن حدودها الحالية مع الحصول علي ضمانات من الحكومة بتثبيت الأسعار لجميع السلع إضافة إلي ضمان ثبات أسعار الكهرباء والمياه والغاز والبنزين والسولار دون زيادة حتى يشعر المواطن بزيادة حقيقية في الأجور.


إلا أن حكومة نظيف رأت التربة مهيأة تماما هذه المرة لضرب ضربتهم والناس نيام، فراحت تلهيهم في أحداث الشغب التي رافقت مباراة مصر والجزائر التي أقيمت بالعاصمة السودانية الخرطوم، ومن قبلها بالتمهيد لمباراة القاهرة ثم الفوز، وبالطبع التقط المصريون الطعم، بعدما فتحوا أعينهم فوجدوا أنهم فقدوا أغلى ما عندهم ونقصد به "رغيف العيش".






فالمواطنون في مصر لديهم اعتقاد بأنه ليس مهما مضاعفة سعر كيلو اللحم فهم في جميع الأحوال يأكلونها في المواسم والأعياد وكذلك الحال مع الدواجن التي يرى كثير منهم أن صدورها وأوراكها عورة لا يجب الاطلاع عليها إلا من خلال الهياكل والأجنحة، أما "رغيف العيش" فهو العيش بحق فهو رفيقهم لملأ البطون طوال اليوم، ومن هنا فله قداسة خاصة سلبهم إياها د. احمد نظيف "الله يسامحه".






الخطير في الأمر أنه لم يلتفت أحد لهذه الخدعة رغم أنها تمس مصير أكثر من ثلثي الشعب من محدودي الدخل ومعدوميه، فيكفي أن نعلم أن أكثر من مليون و200 ألف مصري محالين للمعاش وأصحاب معاش التضامن تقل دخولهم عن 200 جنيه شهريا وفق الإحصاءات الرسمية الحديثة.
وقبل عيد الأضحى شهدت الأسواق ارتفاعا جنونيا في أسعار اللحوم التي قفز سعر الكيلو منها إلى أكثر من 50 جنيها حتى أنها في كثير من الأحياء لم تجد من يشتريها حتى رابع أيام العيد.






كما قفزت أسعار السلع التموينية بمعدلات خطيرة حيث تعدى سعر كيلو السكر بالأسواق 450 قرشا بزيادة قدرها 100%، في حين وصل سعر كيلو الأرز 325 قرشا بزيادة قدرها 80% على الأقل.
---------------
عاااااااااااااااااااااااااا
انا باكره كل الناس.. باكره كل الناس.. باكره كل الناااااااااااااااااااااااااااااااااااس
ما قلنا كده من الاول
ح ياكلوا منين بس ياربي؟ ح ياكلوا منين؟
كلوا رجل ابو تريكة بقى، انا مالي.. مالي وانا مالي وانا مالي.. مش هم دول اللي نزلوا يرقصوا في الماتش الاولاني ويتظاهروا عند السفارة الجزائري في الماتش التاني؟ ماهم دول اللي بيشتروا الرغيف اللي كان بخمسة
خلاص بقى.. هم مبسوطين، انا مالي؟

56 comments:

mido said...

ياكلوا جاتووو

مواطن مصري said...

متستعجليش

كل واحد دورة جاي

امس الجزائر و بكرة المصيلحي

مواطن مصري said...

معلش هو سؤال الخبر نزل على مواقع تانية ولا المحيط بس عشان نتأكد من صحة الخبر

يعني لينك رويترز ولا مصراوي حتى او الشروق

؟؟؟

أبو أمك said...

ولا تفرق معانا
طول ما المصرية للاتصالات عاملة المكالمة بتلات قروش
لما نجوع نبقى نتكلم في التليفون عشان نجيب في سيرة الناس وناكل لحم أخينا ميتاً

ggt1230 said...

في فلم الارهاب و الكباب سئل عادل امام
الرجل العجوز في الباص ان كان هناك شىء سوف يرخص

فاجابه اننا كبشر سنرخص

...

الفلم مضحك و لكن الواقع مر
من للاطفال
من للعجائز

من للغلابة

...


و بعد خبر منى الشاذلي

اعتقد ان العاصفة قادمة

امانى عزالدين said...

ليكى حق تقولى يا لهوى
واضيف
يا خرابي يا خراشي يا مصيبتك يا مصر
يا عينى عليكى يا مصر
يا عينى عليكى فين ولادك اللى خايفين على كرامتك بقة
اللى هاصو على ماتش كورة
فينهم بقة فينهمممممم
فين اللى فتحو بقهم اد كدة
فين علاء اللى كان صعبان عليه ولادنا اللى اتبهدلو ف السودان
مش هيصعب عليه ولادنا اللى هيجوعو ف مصر
يالهوىىىىىىى بجد1986

mido said...

المواطن يختار إما الدقيق أو الخبز المدعم

المصيلحي: تحديد الدعم العيني للخبز بـ13.5 جنيه شهريا

http://tinyurl.com/ylkvuc9

مواطن مصري said...

و هو الشعب لازم ياكل عيش ما ياكلو جاتو

زي ما ميدو بيقول او بلاش ياكلو كرواسون

هتشوفوا said...

والله مش عارف أقول ايه,اللي فاكره أن أنا اتربيت في طابور العيش , يعني كنت بقف فيه من وأنا عندي 3 سنين لحد ما كرهته جايز علشان أنا زي ما كانت أمي بتقول علي بحب الجوع والراحة ولسه مابقتش مسؤول عن حد وفكرة أن لو اشتغلت بجد مش هابقى فاضي أقف في طابور عيش وبعدين أحنا فلاحين عندنا رز كتير وانا بحب أكل أي حاجة بالرز حتى البامية والملوخية يعني كنت ساعات بقتنع بمقولة (لما الناس مش لاقيين ياكلوا عيش طب ما ياكلو جاتوه ياكلو كل اللي يحبوه) وطبعا كلام برده أن الفلاحين بيشتروا العيش المدعم ويأكلوه للفراخ وده حقيقي,وطبعا الدعم بيتسرق والدقيق بيتسرب وأنا أساسا بكره أصحاب الأفران بتوع العيش المدعم ومفتشين التموين اللي بياخدوا العيش من غير ما يقفوا في الطابور وكمان بينقوه ده حتى زمان كان العيش الفينو مدعم وطبعا كنت مستغرب وفاكر بقى كلام من نوعية مفيش اتنين أخوات يقفوا في الطابور, والله ده حصل أمي وخالتي واقفين في الطابور يقوم عيل شغال في الفرن يقولهم ماينفعش انتوا أخوات وهما متجوزين وكل واحدة عندها عيال غير الزحمة والخناق وكنت طبعا بضايق يعني بحس بالذل وبتمنى اخلص من الهم ده, أكل بقى ماكلش ولا حتى أموت من الجوع مليش دعوة فيه ناس تانية لازم تتصرف وتأكلني وبعدين حالة اكتئاب جامدة طبعا وفكرة ماهي البلد خربانة ونظام ابن كلب يعملوا بقى اللي يعملوه يعني هي جت على دي والله بكرة الناس تنسى ولا هيفرق معاهم ولا هيتحركوا

كل ده انا عشته وكلها أفكار ممكن أنساها ولا أغيرها بس الواقع اللي بجد أني أعرف ناس كتير قارايبي بتعتمد على العيش المدعم وعندها عيال كتير وبجد الناس دي الكام حنيه اللي بيوفروه يفرق كتير معاهم

wutever0 said...

مش مصدق ولا ايه يا مواطن يا مصري؟؟؟

بس مصدق ان فريق الجزائر فتح راسه بنفسه؟؟؟؟؟؟؟؟؟

أههههههههههههههههههههههههههههه

اخناتون ب يفرفس في قبره

dr.lecter said...

مش قلتلكم كنت عارف ده

احا في كيس مليان بلابيص

ادي اخرتها ياشعب يامغيب يااهبل

اشربوا بقي

هناكل بعض خلاص ياللا بالهنا والشفا

المهدى said...

لو الخبر ده صحيح ده مش يبقى ذكاء من الحكومة ولا إنتهاز لإنشغال الشعب بمبارة الجزائر ده يبقى حد من جوة الدولة بيوقعها والكلام ده مش بعيد عن خناقات الإعلام مع الخارجية والخارجية مع الأجهزة الأمنية وبيان منى الشاذلى الهام حول الست هانم وخداماتها ولا بعيد عن مجلس أمناء هيكل ولا ترشيح البرادعى ومخرج عماد أديب الآمن
هناك ميت يد بتلعب وبتجهز لمرحلة جديدة
ويبقى كل الهيصة والدوشة الغير مبررة مش عشان ماتش كورة ده عشان كان آخر فرصة لتأجيل الأنتقال
كل ده يصح لو كان الخبر صحيح

بهيج الشرير said...

هل صحيح ياأبلتي أن عوكل الأول ملك الفياجرا وقاهر الهكسوس معتقل عزرائيل في سجن القناطر

الشجرة الأم said...

أخيراً الكرامة نقحت .. ولكل شيء ثمن حتى لو كان رغيف العيش المُر

أنصار السنة والسلف الصالح said...

أيها الفاني
لا سلا م عليك لأنه ديني الإسلام وافتخر به وصاني بان اسلم على من له دين وأنت لا دين لديك انته وجماعتك تعانون من نقص ومرض نفسي وانا متاكد من الشي هذا لأنه أنت وشاكلتك تعرضتم للقهر والاضطهاد الأسري من ضرب وذل وعدم اهتمام من الاهل وقصور في التربيه مما نتج عنه نقص في الشخصيه وخوف وشك وعدم استقرار عاطفي ونفسي وانصحك انت وشاكلتك زور اقرب طبيب نفسي للتاكد من كلامي لذلك انت انسان رافض للواقع وتلجا الي الخيال والحلم بالعيش بالحياه الماسنويه الي انت وغير درسها وهي تقدس الشيطان وتكفر بكل الاديان وتتلذذ بالخمر والنساء والجنس وانت بنفسك تهاجم الجنس والنساء المسلمات ؟؟

اسال نفسك واسال كل انسان على شاكلتك .. هل انت مرتاح نفسيا ؟ لا والله واقسم بالله انك تموت باليوم الواحد الف مليون موته لانك لا تجد الراحه النفسيه حياتك ضنك وجحيم وقهر ووساوس وهذا اكبر دليل واتحادك فييه انه كلامي صحيح ودليل على ذلك من خلال كتاباتك التي لا تخلو من السب والشتم والرفض للواقع لانه اي انسان راضي النفس سعيد يرا نظره تفاءل وحب للحياه ولكن انت واشكالك ترا الحياه موت وكره وبغضاء تبحث عن الراحه ولا ولن تجدها الى ان تموت وحتى بالموت ….اسال الله ان يهديك بس

اتقي الله في نفسك وفي اهلك وفي دينك اتقي الله في نفسك الذي كل يوم يعطيك الفرصه انت واشكالك للتوبه النصوحه حتى تعود الي ربك وتستغفر ذنبك وانت تعلم انك غلطان ولكنك تكابر نفسك على ذلك اتقي الله الذي لم ياخذ بصرك حتى ترى الحق .. اتقي الله الذي لم يشل يديك وانت تسب وتلعن لدين حتى تستغفر وتتوب اتقي الذي الذي تاكل وتشرب وتعيش على ارضه عاار عليك اذا جاءك شخص في بيتك واكل وشرب وشتمك تغضب وتثور فما بالك بالذي خلقك واشكالك من عدم واتمنى من الله العلي انه يردك اليه رد جميلا ..

وحسبنا الله ونعم الوكيل
ترقبوا ردودي المزلزلة من الآن فصاعدا
وكن جريئا وانشر تعليقي لو كنت تجرؤ

سيد المعلمين said...

كلام المعلم " هتشوفوا " صح ميه في الميه !

ggt1230 said...

لنوارة... لجابر ... و لمصر

http://www.youtube.com/watch?v=y8ioa73tDWc

فتاة فلسطين

تتكلم بالسكين

أنصار السنة والسلف الصالح said...

أيها الفاني
لا سلا م عليك لأنه ديني الإسلام وافتخر به وصاني بان اسلم على من له دين وأنت لا دين لديك انته وجماعتك تعانون من نقص ومرض نفسي وانا متاكد من الشي هذا لأنه أنت وشاكلتك تعرضتم للقهر والاضطهاد الأسري من ضرب وذل وعدم اهتمام من الاهل وقصور في التربيه مما نتج عنه نقص في الشخصيه وخوف وشك وعدم استقرار عاطفي ونفسي وانصحك انت وشاكلتك زور اقرب طبيب نفسي للتاكد من كلامي لذلك انت انسان رافض للواقع وتلجا الي الخيال والحلم بالعيش بالحياه الماسنويه الي انت وغير درسها وهي تقدس الشيطان وتكفر بكل الاديان وتتلذذ بالخمر والنساء والجنس وانت بنفسك تهاجم الجنس والنساء المسلمات ؟؟

اسال نفسك واسال كل انسان على شاكلتك .. هل انت مرتاح نفسيا ؟ لا والله واقسم بالله انك تموت باليوم الواحد الف مليون موته لانك لا تجد الراحه النفسيه حياتك ضنك وجحيم وقهر ووساوس وهذا اكبر دليل واتحادك فييه انه كلامي صحيح ودليل على ذلك من خلال كتاباتك التي لا تخلو من السب والشتم والرفض للواقع لانه اي انسان راضي النفس سعيد يرا نظره تفاءل وحب للحياه ولكن انت واشكالك ترا الحياه موت وكره وبغضاء تبحث عن الراحه ولا ولن تجدها الى ان تموت وحتى بالموت ….اسال الله ان يهديك بس

اتقي الله في نفسك وفي اهلك وفي دينك اتقي الله في نفسك الذي كل يوم يعطيك الفرصه انت واشكالك للتوبه النصوحه حتى تعود الي ربك وتستغفر ذنبك وانت تعلم انك غلطان ولكنك تكابر نفسك على ذلك اتقي الله الذي لم ياخذ بصرك حتى ترى الحق .. اتقي الله الذي لم يشل يديك وانت تسب وتلعن لدين حتى تستغفر وتتوب اتقي الذي الذي تاكل وتشرب وتعيش على ارضه عاار عليك اذا جاءك شخص في بيتك واكل وشرب وشتمك تغضب وتثور فما بالك بالذي خلقك واشكالك من عدم واتمنى من الله العلي انه يردك اليه رد جميلا ..

وحسبنا الله ونعم الوكيل
ترقبوا ردودي المزلزلة من الآن فصاعدا
وكن جريئا وانشر تعليقي لو كنت تجرؤ

ggt1230 said...

الفتاة الفلسطينية

" صمود كراجة "

التي فتحت بطن الجندي الاسرائيلي

و تعاركت معه و غيره من الجنود

تهدي تحياتها للقائد البصل ابو مازن

و لجميع الحكام العرب


http://www.youtube.com/watch?v=yPnm6CrQTf4

مواطن مصري said...

تسمحيلي ارد على wutever0 said...


أنا لا أحترم من لا يحترمني

فاذا كنتت جزائري فهذا شأن مصري لا يخصك

الزنارى said...

صراحة الكلام دة لو حصل فعلا يبقى الحكومة دى ضيعت نفسها و مش هتكمل لاخر السنة
يعنى الواحد بدل ما كان بيجيب العشرين رغيف بجنية هايجبهم بأربعة جنية .
بس أعتقد ان الكلام دة مش هيمشى ابدا

Appy said...

مفيش الكلام ده انا قريته وسسالت ناس جيرانى بيجيبوا عيش مدعم قالت ليه زى ما هو انا قريته من كام يوم الكلام ده مش صح يا نواره

Amr said...

مالكوا ياجماعه
أنتوا لسه واخدين بالكم ولا ايه ؟
الخبر قديم من ايام طوبة الجزائر هنا!!!!!


اللى طلعوا فى مظاهرات السفاره الجزائريه هاياخدوا بالجزم لو طلعوا أمام وزارة مصيلحى
ده أذا حد طلع

عيش ؟
هى يعنى جت على العيش ؟
مصر دلوقتى لو جت دوله تانيه وشدتها من شعرها وأغتصبتها تحت الكوبرى مش هاتفتح فمها أصلا"

muhanad said...

لا والله بجد ؟؟؟؟

هو انتو لسه فايقين دلوقتى من السطل ولا ايه

ما الكلام ده قعدنا نصوت عليه فى وسط ما اللى بيهاجم بيهاجم واللى بيدافع بيدافع وكله جوه دائرة اللعبة بمزاجه وفاكر نفسه فالح وفصيح

الخبر نازل ومعروف من يوم 21 اللى فات

http://www.arabianbusiness.com/arabic/574157

بس ما تخافوش كل واحد مش قادر هياخد مع الخازوق 13جنية ونص شهريا تعويض يروح يشترى بيهم لبوس خافض للحرارة وفاتح للقنوات

ola said...

والله أنا تقدري تقولي فرحانة ماهي لازم
تبوظ قوي قوي علشان الناس تفوق
يمكن تكون قربت يا نوارة
مين عارف

Kontiki said...

هو دة الجون
هى دى الحرفنة
هو دة التمرير البرازيلى
مش قلت قبل كدة فى حيلة وهدف ورا دة كلة
لبانة الكرامة وش****** الاعلام متأجروش عشان ماتش
بينى وبينك احسن
خلى الشعب يسف التراب لما يسفوا التراب حيفوقوا يمكن يفوقوا
اقسم بالله العائلة المالكة وطقم مهرجى البلاط اقسم بالله عاوزة اعمل فيهم زى ما حصل فى الثورة الفرنسية بالظبط
بنفس الوحشية و المقصلة
انا لو مرضت معنديش تأمين
ولو رحت التامين بيصرفوا للناس اسبرين اخرهم وعيادات مكتظة و وضع يقرف
ودعم مفيش
ورغيف عيش وزاد تمنه
والهجرة خلاص مافيش فايدة مفيش سفارة اوروبية بتستنضفنا اتوصمنا بالارهاب والتخلف
لازم يكون اخرهم المقصلة

جبهة التهييس الشعبية said...

يا ناس حد يحوشني

يامواطن

مال الجزائر دلوقت؟

بقى دي لهجة واحد جزائري؟

وبعدين
عندي انا بقى الجزائريين لهم دعوة بكل حاجة ويتدخلوا في كل حاجة

قال شأن مصري قال

هوندا said...

مستغربة ليه يانوارة انا كنت متأكده ان فترة المباراة ده والخمة الشعب هينتج عنها مصيبة مابعد المباراة بصراحة كنت منتظره الكارثة دى يلا ورونا بقا الكورة هتاكلنا ازاى

mido said...

الخبر موحود فى موقع اخبار مصر

http://tinyurl.com/ylkvuc9

مواطن مصري said...

نسيت اقلك ان العيش زي ماهو مغلاش ولا حاجة

إنترنتاوي said...

أؤيد و بشدة

لأن ببساطة دعم رغيف الخبز يسرق و لا يصلنا منه الا الفتات

اين يذهب دعم رغيف الخبز الأن؟

أولا الى أصحاب المخابز
ثانيا بعض مفتشي التموين عديمي الضمير
ثالثا إنسان صبور و فاضي و يستطيع الوقوف في طابور الخبز
رابعا تأكله المواشي

إذا طبق الدعم العيني فستكون أول مرة أحس فيها بالمساواة في هذا البلد
و يا ريت يعطونا دعم السلع التموينية عيني أيضا حيث أني لا أستفد من دعم بطاقة التموين من عشرات السنوات

يا ريت كل واحد يحسبها مع نفسه , كم يستفيد من دعم الخبز و دعم البطاقة التموينية
أنا عن نفسي هحسبها بكل دقة
أنا لا أستفيد من دعم الخبز غير 10 أرغفة أسبوعيا و العشرة أرغفة هذه مسروق نصفها لأن وزنها بالنسبة للوزن القانوني لا يتعدى النصف
إذن الدعم الحقيقي الذي يصلني هو دعم 5 أرغفة إسبوعيا و الحكومة تقول أنها تدعم كل شخص ب 3 أرغفة يوميا يعني أنا حقي في الدعم هو 21 رغيف إسبوعيا و لا يصلني منه الا 5 فقط يعني الربع تقريبا ناهيك على الأهانة و العطلة أمام الأفران

يعني يا أبله نوارة أنا لا يصلني الأن من ال 13 جنيه و نصف الا ثلاثة جنيهات و نصف فقط و أهانة و عطلة أمام أفران الخبز

نيجي لدعم السلع التموينية , أنا لم أستفد بها منذ عشرات السنوات و هناك أجيال لا يعرفون معنى بطاقة التموين أصلا

الأفضل أن نطالب الحكومة بزيادة الدعم العيني للخبز ليصل الى 20 جنيها للفرد مثلا يعني الأسرة المكونة من 5 أفراد لو أخذت 100 جنيها أفضل لها بكثير

أيضا نطالب الحكومة بالدعم العيني للسلع التموينية الذي لا نعرف عنه شيئا

محمد فوزي said...

نواره
قبل ما أختلف معاكي ( كالعاده ) على موضوع البوست عاوز أشير بس لنقطه الأخ اللي مسمي نفسه أنصار السنه والسلف الصالح ده , انا جالي كلام زي ده تقريباً من غير معرف وواضح إن الشخص ده لوحده أو وآخرين بيدخلوا يرموا التعليقات دي بطريقه عشوائيه بدليل إنهم لا بيبقوا عارفين ده ولد ولا بنت ولا عامل تحكم ولا مش عامل , وده عندي مالوش غير معنى واحد إن دي جماعه أو حد ملحد ومتصور إنه ممكن يسيء للإسلام والمسلمين بالأسلوب المتخلف ده ,
حبيت أعرفك عشان متتخضيش أولا وعشان أكشفه ثانياًوعشان تشوفي لو فيه حد تاني حصل عنده نفس الموقف

عملنا الواجب الإنساني
نيجي بقى للإختلاف

سؤال يا جماعه يعني إيه الحكومه كانت عاوزه تلهينا في ماتش الجزائر دي ؟ معناها إيه الجمله دي ؟ وكل واحد داخل يقول شايفين مش قولنالكم ؟ هي الحكومه عمرها إستأذنتنا يعني في حاجه ؟ وبعدين اللي أفهمه انا إن الإلهاء ده بيبقى بعد القرار عشان يمتص ردود أقعاله مش قبله
طب ما هو ماتش الجزائر خلص أهو وإحنا رجعنا فضينا تاني , إيه اللي يمنعنا إننا نعترض على الموضوع ده لو حقيقي ؟ ولو معترضناش إيه علاقة مباراة الجزائر وإستغلالها كملهاه ده ؟

يا إخوانا هو أي كلام وخلاص ؟

Nubian said...

والله الحكومه بتلعبها خارسه مع الشعب. وده قلم جديد في سياسة الالهاء. المهم انا مش شايف ان الموضوع كبير قوي يا جماعه.. ما هوه الرغيف ابو خمس قروش ده مش موجود . ولو لاقيته ما تعرفش تاكله.. والناس كلها عايشه على الرغيف المستورد. ربنا يكون في عون اصحاب المعاشات اللي بيقبضوا 200 جنيه في الشهر. انا من رأيي الحكومه تلغي المعاشات ويصرفوا لاصحاب المعاشات عيش وزيت وسكر وفراخ ولحمه و خضار.اما بقه الحلوين اللي بيهيصوا علشان الماتش.. يروحوا يشوفولهم شغله تانيه بقه لان الحكومه بتحضر لهم في القلم الجديد في سياسة الالهاء... ويا عالم الجاي ايه؟؟

واحدة مفروسة said...

نوارة الكلام ده متهألى مش مظبوط
لأن العيش فى المنافذ زي ما هو ب 5 قروش
انا سألت البواب قالى ب 5 زي ماهو بس صغروا الرغيف
متهيألى الناس اللى كاتبة الخبر عاوزة تولعها و خلاص

واحدة مفروسة said...

نوارة هو سؤأل يفرس
بس هو انتى بتجيبي اخبارك من المواقع ديه؟؟؟
يعنى الكلام اللى بيكون مكتوب مؤكد؟؟؟
من غير ما تتفرسي بس
لأن النت دلوقتي مين ماكان عاوز يكتب اي حاجة حيكتبها بس مش شرط تكون مظبوطة
تحياتي

مهندس مصري said...

هنا في السعودية رغيف العيش قيمته حوالي 25 قرش بس متوافر في كل محلات القالة و ما يملثش مشكلة لإن الدخل المتوسط للفرد هنا = 10 اضعاف متوسط الدخل لنظيره في مصر
عايز يرفع الدعم
ok
بس يرفع المرتبات و يخليها زي مرتبات الناس في بقية الدول حوالينا
دا المرتبات في فلسطين المحتلة أكتر من مصر بكتير
إحنا الناس عايشين في مصر على الفتات
حسبنا الله و نعم الوكيل

فتاه من الصعيد said...

اعتقد ان الخبر موش صحيح

اصل لو صحيح كنا سمعنا حد اتكلم .... امال المعارضه والاخوان بيعملوا ايه في البلد .... ولا هما كانوا مشغولين بالحرب الكرويه كمان

تحياتي

karima said...

سلام الله عليكم أستاذة نوارة حبيت اضيف شيء انه الان الجزائر بعد المبارة استطاعت ان تحل مشكلة من أكثر المشاكل تعقيدا وهي الهجرة الغير شرعية لم يسجل خفر السواحل أي حالة حرقة كما نسميها منذ ماتش القاهرة ...الى حد الان

Os Ansary said...

والنبي عمو الشيشاني اكرمنا بسكوتك

karima said...

http://www.youtube.com/watch?v=3IHD08b0jco

هذا هو العدو ..وليس مصر أو الجزائر

Wild at Heart said...

أنا مش لاقية الخبر خالص في أي جريدة تانية، يمكن يكون قصدهم على أحجام كبيرة شوية :S
أصل العيش دلوقتي بقى أحجام حسب اللي يقدر يدفع يعني بابا بيجيب عيش شكله غريب كده وكبير شوية بس ب60 قرش.
يا رب ما يكونش الخبر صح!

ggt1230 said...

طلب خاص ان امكن يا اخت نوارة

في صفحتك الرئيسية ثبتي الكثير من المواضيع القومية و خصوصا عن ماساةفلسطين و خيانات المسؤولين

هل اطمع ان تضعي الفيديو الخاص
بالبطلة
" صمود كراجة "

و طعنها للجندي الاسرائيلي و هتافها قبل اعتقالها

ربم انانية مني و انا متابع جديد و لكنه العشم في ابنة من كتب قصيدة
لينا عن فتاة فلسطينية اخرى استشهدت
في السبعينات

اتفهم ان لم تستطيعي

و لكي التحية و الشكر

يساري فلسطيني

ggt1230 said...

الى كريمة

نعم هذا هو العدو الفاشي

و هذا هو رد فلسطين

http://www.youtube.com/watch?v=y8ioa73tDWc

http://www.youtube.com/watch?v=yPnm6CrQTf4

ola said...

الخبر قديم من أول أزمة الماتش
و نشر في المصري اليوم نقلا عن مصيلحي ليومين متتالين
لو فاكرة التاريخ بالضبط كنت جبت اللينك
و أعتقد الموضوع هيتنفذ فعلا خلال الأيام القادمة
يليه طبعا القرار الآخر برفع الدعم عن أنبوبة البوتاجاز وللي ميعرفش فيها أزمة اليومين دول و سعرها وصل ل30 جنيه

دا غير إنهم بيراجعوا بطاقات التموين حاليا و القرار إن أي واحد مرتبه أكثر من 1000 جنية أو معاشه أكثر من 750 جنيه لن تجدد له.
لما أمي راحت مكتب التموين علشان الموضوع ده سألوها إن كان عندنا غسالة فول أوتوماتيك ولا لأ
والله العظيم حصل جد الكلام ده

إنترنتاوي said...

كلمة دعم عيني التي تكررت في مشاركتي , أقصد بها الدعم النقدي

جبهة التهييس الشعبية said...

ggt1230
لنكات

ggt1230 said...

الى نوارتنا



و هذا هو رد فلسطين

http://www.youtube.com/watch?v=y8ioa73tDWc

http://www.youtube.com/watch?v=yPnm6CrQTf4

ggt1230 said...

واحد من اللنكات تنتهي فيه معركة الضرب بوقوف البطلة الفلسطينية صمود و هي مقيدة و تهتف الله اكبر

تحسين باننا كلنا اقزام و تافهين

كلناااااااااااااااااااااا

نسبة بقائها حية كانت معدومة

و نسبة ان يكو الحكام العرب من ذوات الدم الحار ايضا معدومة

بالمناسبة شو اخبار الكورة

و

ولا بلاش

تحياتي

يساري فلسطيني

مايهمش said...

حرام عليكى ياشيخة

اشمعنى أبو تريكة؟

كله الا أبوتريكة

مهندس حر said...

أولا .. فيه ناس فاكرة الخبر جديد و ناس فاكرينه غير صحيح و يظهر إنهم كسلوا يقروا اللينكات و يعرفوا التفاصيل..

التصريح صدر فعلا عن مصيلحى و قال فيه إن الأمر هيطبق مع الميزانية الجديدة يعنى المفروض منتصف العام القادم .. فالناس اللى فاكرين الخبر مش صحيح لأن الرغيف أبو شلن لسه موجود بقولهم إنه هيفضل موجود لغاية يوليو القادم حتى لو القرار هيتنفذ..

ثانيا .. لفت نظرى رد مهندس مصرى بخصوص المرتبات .. مين تحديدا هيرفع المرتبات؟ .. الحكومة؟ .. الحكومة حاليا لا تتحكم إلا فى مرتبات جزء محدود من العمالة و القطاع الخاص بيحدد مرتباته وفق العرض و الطلب و طول مافيه بطالة يبقى العرض هيفضل عالى و سعر السلعة اللى هى البنى آدم يعنى منخفض و دى من المبادئ البسيطة جدا للنظام الرأسمالى..

حل البطالة هو خلق وظائف و الحكومة خلعت من القصة دى لأنها سلمت راية التنمية للقطاع الخاص و القطاع الخاص مش من أهدافه خلق وظائف .. أهدافه خلق أرباح و مادام فيه عندنا وسائل تربح كتير مفيهاش أصلا لا عمالة و لا غيره زى تسقيع الأراضى أو شراء شركات قطاع عام و بيع أصولها يبقى مين هيوجع دماغه و ينشئ مؤسسات تحتاج عمالة؟؟

ثالثا .. فيه ناس عاجبها إلغاء الدعم العينى لأسباب منطقية فعلا..بس بيفوتهم إن فشل الدعم العينى يعود للفساد و عدم كفاءة الأجهزة الرقابية و مادام العاملين دول هيفضلوا قائمين فأكيد الدعم النقدى برضه هيفشل و بصورة أفدح لأن إحنا بنتكلم عن فلوس سائلة و أسامى فى كشوف زى بتاعة الإنتخابات كده و النتيجة إن عدد إضافى من الموظفين الحكوميين هيقبوا على وش الفتة فى حين إن المواطن مش هيعرف يتلايم على رغيف عيش ولا حتى بالضرب..

زقزوق said...

رغيف العيش مش حيتمس الا مع انتهاء الفترة الاولى لجمال
الناس دى مش بتلعب ولا بالغباء دا

Shoukry said...

Hahaha ...
Also, Hany Sorror vanished like a fart and finally the cenral bank admitted how the economical crisis affected "severly" Egypt's economy

God be with us :(

muhanad said...

الدعم هيتشال بداية من موزانة 2010/2011 مش من دلوقتى
يعنى التطبيق مش هيكون قبل شهر يوليو القادم
-------------------

الاخ انصارالسنة والسلف الصالح

مش عيب بعد الكلام الفصيح ده كله اللى مش عارف انت جيت تكتبه فين هرب منك وجاء على هنا
تكتب ترى بالشكل ده (ترا

بس عاوز الحق فعلا
اى كلب واخد سب الدين لبانة فى بقة يستاهل ضرب الجذمة على دماغه ودماغ اللى جابوه كمان علشان مش عارف يطلع
غضبه ويظهر اعتراضه الا بسب الدين

Wanda said...

فيه حد هنا شاطر قوى :-)
ياترى مين الحكومة الى حبت تمشى الموضوع فى الخباثة :-) و لا النواب الى ناموا فى موضوع الجزائر و طرمخوا انهم يردوا
و لا الشعب المصرى الى تعايش مع ازمة طابور العيش و اثبت انه مستعدد لكمان زيادة

يارب ينعدل حال اقتصادنا بحيث لما سعر كل حاجة يبقى ماشى مع السعر العالمى بدون دعم برضة نكون مستورين و عيشين بكرامة
ساعتهم لعلمكم سعر العيش ساعات حيرخص و ساعات حيغلى و لا حيفرق معانا

za3lan said...

ببساطة كده العيش لسه ماغليش وهيغلى أكيد اللى إنت كتباه ده صحيح عن ال ١٣ جنيه ونص بس كل ده لسة كلام بيحضروا بيه للموضوع وهترسى فى الأخر إنهم يرفعوا الفلوس ل ١٨ ولا ٢٠ جنيه بناءً على تعليمات الرئيس وبرضه الرغيف هيغلى واللى هياخد الفلوس دى بس اللى عنده بطاقة تموين ودرل قلوا جدا اللى إنت قلتيه ده كلام غير موضرعى وكأنك بتسعديهم فى تهيءة الناس وبتفصلى بين اللى هيتأثر من غلو العيش لما يغلى لأنه فى الغالب مبيقراش حاجة على النت وبين اللى بيقرا لأنه هيصدق ويستغرب زيك الناس ليه معترضوش وبالتالى تتفرق جهوهم بدل مايتجمعوا ويعينوا بعض ... وكمان المسلمانى برضه طول أسبوع العيد حلقات معاده زى منى بالضبط وغالبا الإثنين فى أجازة .. أرجو تحرى الدقة والموضوعية .. وشكرا

zahra said...

أول مرة أقرأ الخبر ده.. بس برده الحكوة قايلة الي عايز فلوس ياخد والي عايز العيش ياخد