Friday 4 December 2009

العالم بقاله قد ايه ماشي مع اوباما في البطال؟

اوباما عريس الغفلة، داخلين ع السنوية اهو.. ايه بقى؟ نعم؟ ها؟ ايه الفرق ما بين السنة اللي قضيناها معاه والتمن سنين اللي قضيناها مع بوش؟ حصل ايه؟ خرج من العراق؟ خرج من افغانستان؟ قفل جوانتانمو؟ عمل ايه من الوعود الخلابة بتاعته بعد ما سلبنا اعز ما نملك وسلمنا نفسنا ليه؟ خلع زي اي راجل ندل وقال لنا زي ما مشيتوا معانا ممكن تمشوا مع غيرنا وانا عمري ما اتجوز شعوب مشيت معاها قبل الجواز.. انا مش قلت كده؟ مش قلت اتقلي يابت وما تدلقيش؟ اشربي بقى

---------
من الجزيرة فيه عبارتين اصطدموا في النيل
-----------
من واحد زميلي ساكن في القليوبية قال لي القطر في القليوبية خرج عن القضيب تاني، بس المرة دي ماحدش حصل له حاجة عشان كان ماشي على مهله
هو محمد منصور ح يتساب كده من غير ما يحصل تحقيق في صفقة العربيات الجديدة اللي كل شوية تطلع من القضيب دي؟
---------
الاهم من ده كله، مصر، بعد ما الجزائر طلعت المسدس وراحت مولعة فينا ومتنا مشنوقين،  كل ما تشوف الجزائر على القهوة في بطولة تطلع تجري  وقال عاملة نفسها مقموصة

ههههههههههههه شأمظونا
طبعا خايفين نتضرب تاني بعد طولة اللسان دي، ما انا قلت لكوا احنا بنعرف نشرشح ما بنعرفش نضرب وهم ما بيعرفوش يتكلموا بس بيضربوا، لما انتوا بتخافوا من الضرب ما لايمتوهاش من الاول ليه؟

------
شروط البرادعي: لو كان عندنا بسطرمة كنا عملنا لكوا بيض بالبسطرمة لو كان عندنا بيض
نزاهة ايه ومراقبة ايه ولجنة ايه؟ ايه الكلام القبيح ده؟ وكمان طالب دستور جديد؟ ايه الاحلام السيكوباتية والخيالات المريضة دي؟ طب ما نغير له الشعب بالمرة، ماهو شعب بيخرج في مظاهرات بالالاف عشان خسر ماتش ويعمل عبيط لما العيش يغلا يبقى شعب مش ح ينفع يتحكم الا بالناس اللي موجودة دي
طيب يا دكتور، خليك زي ما انت اوعى تتحرك، ح نروح نغير لك الدستور والقانون والشعب ونهر النيل ونجيلك.. نص ساعة اربعين سنة بالكتير، اشرب الشاي بتاعك

17 comments:

mido said...

البرادعى لم يكشر عن أنيابه بعد

:D

ده لسه معملش حاجة و صحابك ركبهم ميت عفريت

:))

salwaa said...

نوارة العروبه
الاستاذ المحترم محمد على ابراهيم رئيس تحرير الجمهوريه اللى وصف اول ماتولى احلى اكلة كبسه أكلها فى السعوديه كتب
الجمعه ان البرادعى مزدوج الجنسيه وان معاه باسبور سويدى وهذا الباسبور هو اللى فتح له الباب ليتولى المنصب الكبير فى المنظمه الدوليه وانه لايعرف مصر من اربعين سنه..والاهم انه كان قبل الاخير فى دفعته ولهذه الاسباب مجتمعه لا يصلح...علم؟؟

مهندس مصري بيحب مصر said...

آه بيقولوا عبارتين في رشيد
ربنا يستر

أما شروط البرادعي مش عارف دي ايه ؟
إحراج للنظام و لا إعتذار بالذوق عن الترشيح

أوبامة مين و الناس نايمين ماللي فات مات يا أختي

ola said...

الحمدلله
هنبطل نلقح كلام على الجزائر الفترة الجاية في الطوك شو
ههه
إمبارح هناء السمري و سيد على ابتدوا الشغل على البرادعي
أهو تغيير بقى
الواحد كان زهق من موضوع الجزائر

مواطن مصري said...

هشجع سولفينيا ضد الجزائر

و هشجع كوت ديفورا الفريق الممثل ل افريقيا


انا مش عارف لية مش عاجبك البرادعي يعني لا ايمن نور عاجبك ولا اسامة غزالي حرب عاجبك

طب قولي مين عاجبك؟؟؟

قولينا أسم

ولا نجيبلك خيرت الشاطر يعني ؟

مواطن مصري said...

بيقولك في حملة لتنظيم كأس العالم في اسرائيل و فلسطين عام 2018


The 2018 World Cup will be held in Israel&Palestine!
Or so we wish to believe...
In fact, this site is dedicated to making this wish come true. Only a positive, long term vision for this troubled region can make a fundamental change! “We have a dream”, and we're urging you to support us and show the world that we are not the only ones.... Sign up now, and get a seat for the final in our Jerusalem stadium!
دة موقع الحملة

http://goal2018.org/index.php?option=com_content&task=view&id=18&Itemid=32

دة اعلان الحملة

http://www.youtube.com/watch?v=Ll-oEOPUeEE

simplymoi said...

Nawara

Please watch this video and tell me your opinion in this movement, maybe it is the answer to the world peace. I value your opinions.Zeitgeist: Addendum
dotsub.com
www.zeitgeistmovie.com www.thezeitgeistmovement.com www.thevenusproject.com

simplymoi said...

Nawara

Please watch this video and tell me your opinion in this movement, maybe it is the answer to the world peace. I value your opinions.

أبو أمك said...

لو على التغيير نغير
بس حد يقوله يغمض عينيه عشان إحنا بنتكسف نغير قدام حد

Unknown said...

ههههههههههههههههههههههههه

ربنا يسعد قلبك يا رب

حسن مدني said...

ما احنا قلنا من زمان، أوباما زي اللي قبله، واللي قبل اللي قبله، والموضوع مش حيتغير فيه غير الإخراج الشكلي، الإضاءة. لكن السيناريو هو هو
---

أنا حاشجع الجزائر في كاس العالم، وخاصة قدام أمريكا، يمكن يعرفوا يجيبوا تارنا.
---

البرادعي
أنا مش متأكد قوي، أنا رأيي إنه حايفضل شاغل الناس، وبعدين لا يمكنه الترشيح دوستوريا، وفجأة نلاقي القصة خلصت ومافيش قدامنا غير جمال، وشوية أراجوزات.
لكن أي حد عايز يترشح لازم الدستور يتصلح أولاً، ولازم يكون فيه رقابة محايدة. وإلا فكلنا عارفين النتجية، وشفناها كثير.
----
أنا عجبني التعليق ده جدا

لو على التغيير نغير
بس حد يقوله يغمض عينيه عشان إحنا بنتكسف نغير قدام حد
---
تحياتي

مواطن مصري said...

لا بس سياسة اوبما المرادي هتركز ع باكستان و افغانستان


عشان تهديد ايران من جهة و الصين من جهة تانية

بس طلع صايع ابن الاية

جلال كمال الجربانى said...

بصراحه الدكتور البرادعى حلم بس عايز معجزه حتى يتحقق
هل ممكن يتحقق بس
أنا حفضل أحلم انه حيتحقق

ودمتِ بخير

Unknown said...

هو البرادعى بالكلام اللى بيقوله ده يبدو فعلا" أنه ماعداش على مصر
وبقاله كتير أوى كمان

بالنسبه لأوباما طبعا" أنا مش من مريديه وجموع الحالمين والمتيهين به
بس برضه لأمانة الرأى
صعب على أى أداره أمريكيه أنها تلم اللى بوش هببه فى 8 سنين
وأوباما نفسه قال هاناخد وقت
هو كده كده قاعد 4 سنين ومش رايح فى حته

يساري فلسطيني said...

معلش يانوارةاليوم يوم طلبات المستمعين
مواطن مصري طالب لبن اقصد فلم العصفور

و انا لدي هذا الطلب
..

طلب شخصي من اصدقائنا الجزائريين

في الفيديو الخاص بالسلام الوطني الجزائري و المنشور اعلى صفحتك الرئيسية و في الدقيقة 1 و 14 ثانية هنلك صورة لمعتقل جزائري يبتسم و فتاة محاطة بدزينة من الجنود

من هم

و انا سابحث عن اتفاصيل بعد معرفة اسمائهم


خديني على قد عقلي القديم

مع تحياتي

يساري فلسطيني

hadradz said...

ggt1230

الذي كان يبتسم اسمه الشهيد أحمد زبانة المعروف بشهيد المقصلة في حدود الساعة الرابعة صباحا أخذ الشهيد من زنزانته وسيق نحو المقصلة وهو يردد بصوت عال أنني مسرور جدا أن أكون أول جزائري يصعد المقصلة وكان لهذه العملية صداها الواسع على المستوى الداخلي والخارجي ، فعلى المستوى الخارجي أبرزت الصحف ، صفحاتها الأولى صورة الشهيد وتعاليق وافية حول حياته . أما داخليا فقد قام في اليوم الموالي أي 20/6/1956 جماعة من المجاهدين بناحية الغرب بعمليات فدائية جريئة كان من نتائجها قتل سبعة وأربعين عميلا وإعدام سجينين فرنسين. وأيضا يسمى بالذبيح الصاعد

أمر بالستر said...

نوارة أنت لا تخرفين بما لا تعرفين بخصوص الجزائر ما علق برأسك هي اكليشيهات ناصرية للعلم أنا جارة لهم من المغرب وهم يؤدوننا جدا بدون سبب سوى الحقد