Monday 14 December 2009

جميلة بو حريد بتستلف؟

Mother Djamila


SOS from Mother Djamila







اسفخص على دنيا كلها لما جميلة بو حريد تحتاج يوم تستلف عشان تاكل، واللي جاب لي الخبر مواطن مصري، وبصرف النظر عن وجهة نظره في اننا لازم نعمل حملة لجميلة بو حريد "عشان نطلع احسن منهم" ههههههههههههه اه يا قلبي يانا، هو احنا بنلعب في الفصل هنا؟ شوف الناس بتقول ايه وده بيقول ايه؟ مافيش حد فينا احسن لما ست الناس تعيش مش لاقية تاكل، دي جزمتها بينا كلنا، مافيش حد في العالم العربي كله يستاهل يتبص في خلقته لما جميلة يوصل حالها كده، هي جميلة دي جزائرية يا ناس؟ جميلة اللي كسفت رجالة العالم (ايام ما العالم كان فيه رجالة) تخص الجزائر بس؟ ما تخصش كل انسان عربي؟ هو لو النيل نشف تبقى مشكلة مصر والسودان بس؟ هو فيه اغنى من العرب؟ الله، بتروح فين الفلوس يا عم الامور انت وهو؟ بتتصرف على هيفا واخواتها اللي نافخين كل حتة فيهم عند بتاع الكاوتش لما شوية وح نلاقيهم طايرين في الهوا

يعني ايه؟ يعني ايه جميلة تضطر تستلف وللا حتى تضطر تطلب زيادة معاش؟ يعني ايه انا مش فاهمة يعني
اه.. انا قلبي وجعني قوي... دي صعبت على مواطن مصري اللي بيحب هتلر
ثانية واحدة بس.. هي الدنيا فيها حاجة مش مظبوطة حاصلة وللا انا اللي بقيت حساسة زيادة؟ اللي بيحصل ده طبيعي؟


58 comments:

مواطن مصري said...

و الله المفروض مصر تتحرك و تعمل حاجة ليها

فين ابن اشرف مروان ولا حتى بنت جمال عبد الناصر

ولا جيهان او حتى طلعت السادات او الناصرين يعملو حااجة ليها

و نطلع احنا الكبار بردو دي بعيد عن الكورة و الي حصل


مهما يحصل انا انسان بردو يا نوارة

مواطن مصري said...

بالنسبة لهتلر بالرغم انة كان ديكتاتور بس محدش ينكر عبقريتة العسكرية

مواطن مصري said...

اة الخبر كان ع التويترر و قلت اجيبهولك

Unknown said...

بتفكرنى بالأستاذ عبد الوهاب المسيرى رحمة الله عليه
اللى قعد يبعت للحكومه علشان تعالجه وطنشوه وفى الأخر تكفل الأمير عبد العزيز بكافة مصاريف العلاج
عايز أعرف حاجه واحده بس
هو ممكن توصل درجة الموت على السلطه والكره للدرجه دى ؟
علشان منسق حركة كفايه تسيبوه كده
ولا علشان كان بيزعلكوا بموسوعاته عن اليهود ؟
مين اللى قلبه يستحمل شماتة المرض ولا الموت ؟
المشكله ان ده مش عار عليه
زى هو مش عار على السيده جميله تاج راسنا
ده عار علينا أحنا
شرف ليهم انهم عايشين و بيموتوا فقرا وعار علينا اننا بنصرف ملايين على شوية شرا...
ونسيب رموزنا يتلطموا

مصطفى عبدربــه said...

انا متهيألي آخر مرة سمعت عنها انها عايشة في فرنسا وبتتمتع برعاية جيدة
جايز بعد لما جوزها الفرنسي مات رموها في الشارع
بتحصل !

مش دي أول مرة تحصل فيها حاجة زي كده
والأمثلة على كده كتير جدا متتعدش

يعني جميلة مش أول واحدة
للأسف

Unknown said...

هو بجد وضع مزرى وغير محترم

بس أنا عايز الفت نظرك لنقطتين : ست الناس أو سيدة نساء العالمين واحدة من اثنتين : مريم ابنة عمران و فاطمة الزهراء بنت الامام على

أما حكاية جزمتها بينا كلنا فانتى حرة تعتبرى نفسك أقل من جزمة أى حد بس مش من حقك تعممى ده على كل الناس

hypsiphobia said...

لا أعتقِد أنّنا يجِب أن نأخُذ هذا الخَبر على أنّه حقيقة. طبعاً أنا أعرِف أنّ الكثير مِن القامات العظيمة لا تجِد قوت يومِها في زمننا هذا بينما يقوم العُظماء من أثريائنا وقادتنا العرب، كالوليد بِن طلال مَثلاً، برعاية المُمثّلات والراقصات وتسيير الطائرات الخاصّة إذا ما راقصة فكشِت إجرها عالمسرح.
لكِن يبقى أنّ الخير فينا، ويبقى أنّ خبراً كهذا هزّك وهزّني وسيهزّ جميع من يقوم بقراءتِه، إذن من المؤكّد أنّ الكثيرين مِن المُحيطين بجميلة العَظيمة لن يسمحوا بهذا الأمر.

ثُمّ ما هو الهدف بالضّبط مِن تنظيم "لميِة" كما اقترح هذا الشّخص؟
عفواً لكنّني لا استطيع هُنا أن أفترِض حُسن النّوايا. هذا سيكون تجريح علني.

خواطر شابة said...

أصدق تعبير عن ما يحدث الان العبارة التي قالها عادل امام في فيلم عمارة يعقوبيان عندما قال نحن في زمان المسخ هذا ما يحدث فعلا سيدتي لقد أصبحنا في زمن المسخ

Unknown said...

جاك فيرجيس مات امتى؟
عموما جميلة عايشة في الجزائر من سنين طويلة بعد ما اطلقت من جاك فيرجيس واخدت ابنها وراحت بيه الجزائر واتربى وكبر هناك

وعمرها ما عاشت كويس

ده كلام عمر طاهر ده وما اعرفش جابه منين والله

هي كانت عايشة مستورة بتاخد مرتب من حركة تحرير الجزائر لانها بتشتغل فيها

مرتب كده زي مرتبات احزاب المعارضة هنا وربت ابنها وخلاص

دلوقت الظاهر المرتب من ايام سيدنا نوح وهم مش بيزودوه

يعني هي رتبتها في حركة التحرير اكبر من رتبة بو تفليقة
ريسته يعني
ازاي يسيبها كده

ورجال الاعمال العرب اللي عمالين يصرفوا فلوس عشان يناموا مع الرقاصات وبعد كده يصرفوا فلوس عشان يقتلوهم

ماحدش فيهم نص راجل حتى يتكفل بيها

دي هرم
وهرم عالمي مش عربي بس

Unknown said...

حقة يا ما يهمش لو كان كل اللي مضايقك منها انها مش محجبة

!!!!!!!!!!!!!!!!

والله تلاقيك متضايق منها عشان مش محجبة

آآآآآآآآآآه يانيييييييييييييييي

Unknown said...

عمرو
بس الدكتور عبد الوهاب المسيري الله يرحمه كان عنده مورد رزق من شغله وكتبه
اقصد هو ما احتاجش الا لما عيي الله يرحمه بس طول ماهو بصحته كان لاقي ياكل من شغله
جميلة ما جاتلهاش فرصة تعمل حاجة خالص غير تحارب وتتعذب وتتحاكم وبعد ما طلعت تتعالج بقى
دي مشكلة مناضلين كتير في حرب التحرير الجزائرية، انهم ما كانش عندهم ثانية يرتبوا حياتهم عشان يشتغلوا حاجة بعد كده، كل حياتهم كانت يا هربانين يا بيحاربوا يا مسجونين
والمصيبة ان بعد التحرير يتنسوا
وبوتفليقة له تاريخ نضالي طويل والمفروض انه يرعى زمايله اكتر من كده

Unknown said...

مواطن مصري
ههههههههههه
والله عارفة انك انسان وقلبك طيب

بس بطل تحب هتلر والنبي
بس مش تكره هتلر وتحب تشرشل بقى ههه

ما تحبش سفاحين دول قتلوا ناس

Unknown said...

ماستر اوف سيرموني

لا هو الخبر صحيح لاني شفت فيديوهات جزائريين تقريبا بيشدوا في شعرهم وبيقولوا يعني ايه جميلة مش لاقية تاكل وانتوا بتاكلوا في قتة محلولة ورجال الاعمال واكلين البلد

من ناحية ان الحملة ممكن يبقى فيها اهانة
اممممممم

هي وجهة نظر

بس ممكن مثلا نعمم الحملة وبكده ما يبقاش فيها اهانة

يعني جميلة مش الوحيدة اللي بتتعامل كده

صحيح انها مهمة لانها علامة في التاريخ النضالي العالمي

بس مثلا محاربين حرب اكتوبر، بيشحتوا
الفدائيين بتوع السويس، كل اللي حارب عشانا مش لاقيين ياكلوا

ازاي يعني؟

ايه المهانة دي؟
كل الفلوس دي تتصرف على لعيبة الكورة والرقاصات واللي اتعذبوا عشانا وخاطروا بحياتهم واصيبوا باعاقات يبقوا مش لاقيين ياكلوا؟

Unknown said...

وايه اللى جاب سيرة الحجاب فى كلامى؟

عمرك سمعتى عنى انى من الاخوان؟

مانا طول عمرى باعلق عندك..ولا انتى فهمتى تعليقى غلط ؟

أنا لما باقول سيدة نساء العالمين هما مريم بنت عمران وفاطمة الزهراء فده مبنى على حقائق وليس توجهات دينية

محمد - مايهمش- m5m سابقا

طنطـــا واى said...

يا عم مواطن هى مصر دى كانت الدادة بتاعت الملجأ ؟؟ خليها تروح تاخد من بطل العرب المناضل الشهيد / عنتر بن يحــــى
او قناة الحظيرة حتدفعلها قرشين عشان تطلع فى برنامج تشتم فى مصرائيل وخيانة اليهود المصريين وتحيا الوحدة العبرية

يساري فلسطيني said...

زمن اغبر
.....
وغيرها كثير من المناضلين في العالم العربي
......
ياسيدتي الموضوع موضوع حضارة ليس الا , هناك شعوب متحضرة تعطيكي حكومات متحضرة وهناك شعوب توووووت تعطيكي حكومات عربية

اعتقدت في البداية انه خبر استفزازي ولكن تاكد صحته


تحياتي

Unknown said...

هو انت
m5m
!!!!!!!!!!!
يبقى مأير منها عشان مش محجبة
هههههههههههههههههه

ايه سيدة نساء العالمين؟ انا جبت سيدة نساء العالمين؟ انا باقول ست الناس
وهي ست الناس طبعا
لو تعرف تعمل زيها ورينا
وجزمتها بينا كلنا
ولو تعرف تعمل زيها ورينا
انا ما ادعتش اني اعرف اعمل زيها
وللا عشان هي جزائرية؟
طب هي جزائرية ولو تعرف تعمل زيها ورينا
طب لو تعرف تعمل نصها ورينا
طب لو تعرف تعمل ربعها ورينا
ولحد ما تعمل ربعها هي ستك وستي وجزمتها بينا كلنا

mado said...

الامر محزن جدا لو بطلة ومناضلة زي جميلة بو حريد توصل للحالة دي.انا كنت فاكر ان الموضوع دا عندنا بس.لان في ابطال من ابطال اكتوبر و المقاومة الشعبية شفتهم بيشتكو انه مفيش مورد دخل ليه وان القوات المسلحة اهملتهم.وكذا مرة اشوف في برامج ناس ليهم بطولات وضحو علشان البلد وبيتشكو انهم مش لاقيين تمن العلاج.واضح جدا ان الانظمة العربية بتتعامل كدا مع رموزها وابطالها.

يساري فلسطيني said...

كنت اعتقد ان الجزائر مختلفة!!!! ولكن يبدو انهم كلهم عرب


لمن لم يقرأ رسالتها: اقرأ



وأشارت إلى أنها لم يسبق وأن فكرت في اللجوء إلى الحصول على مساعدات مالية غير مشروعة، مؤكدة أن مجاهدين ومجاهدات أخريات يعيشون نفس الظروف الصعبة، وأن الرئيس من خلال المكانة التي يحتلها لا يمكنه ولا يريد أن يعرف ما تعيشه هذه الفئة.

واستطردت قائلة: "إن ما يتقاضاه المجاهدون لا يرقى إلى المبالغ الكبيرة التي يتقاضاها نواب البرلمان أو ما تحصلون عليه أنتم شخصيا (بوتفليقة) وكذا ما يحصل عليه محيطكم"، ودعت بوتفليقة إلى التوقف عما أسمته "الإهانة"، بإعادة النظر في "المنحة المتواضعة التي يحصل عليها المجاهدون ليعيشوا بكرامة ما تبقى لهم من أيام".

في عصر القوادين و المجرمين يجوع الشرفاء ...
قد يكون لك رأي اخر و لكن لو كان من ابتسم في و جه الموت و قدم ابنائه و حفيده و شقيقه فداء للعرب + صدام حيا لكان له فعلا اخر

تحياتي

Anonymous said...

حاجة واحدة مش مضبوطة؟
وهي جميلة بس؟

تموت الأسد في الغابات جوعا، ولحم الضأن تأكله الكلاب

Unknown said...

يا طنطاوي
مصر لو فيها خمستاشر واحد زيك يبقى تستاهل لقب مصرائيل بجدارة

الطمي ياللي مانتيش غرمانة

Unknown said...

ggt1230

انا حطيت فيديوهات الجزائريين

Unknown said...

mado
ahmad nassr


كنت لسة باقول لزنوبيا على فدائيين السويس اللي بيشتغلوا سواقين ميكروباص عشان ياكلو

قالت لي وزاهي حواس بيتعالج على نفقة الدولة يا ستي

mado said...

يانوارة في واحد مش فاكر اسمة كان بيزرع الغام للدبابات في سينا وفقد عين وعنده شظايا في جسمة والدولة رافضة تعالجة علي حساب القوات المسلحة.وواحد تاني عنده فشل كلوي وبردة مفيش اي استجابة لمطالبة ورافضين عالجة.
الناس دي المفروض تتكرم مش تتبهدل.
بالنسبة للسيدة جميلة بو حريد بجد اتصدمت من الخبر كنت فاكر ان في اهتمام من الحكومة الجزائرية بيها بس واضح كل الانظمة العربية انظمة وسخة .

sal said...

اذا كان الغراب دليل قوم
يمر بهم على جيف الكلاب
وما دام كبراءنا وحكامنا غربان ناعقة
فلا نتوقع منهم الا مثل هذه المواقف المزرية
اما الشرفاء فلهم الله
ولكم ولناالصبر والسلوان

وائل صلاح said...

الله أكبر

صدر أمر قضائي بالقاء القبض على وزيرة الخارجية السابقة تسيبي ليفني في بريطانيا
بتهمة إرتكاب جرائم حرب ضد الفلسطينين

اللطيف إن ليفنى كانت تستعد للمجئ إلى لندن ضمن زيارة غير رسمية

و كان قد تم الحجز لها فى فندق
يقع في منطقة "هيندون" شمال غرب لندن

و لكن بعد صدور أمر القبض عليها ترددت معلومات أنها عدلت عن الزيارة في آخر لحظة لتوقعها محاولة الاعتقال

مما يدل على مدى جدية الأمر و تخوف الصهاينة منه

الخبر تم إذاعته فى الجزيرة
و تلقوه كمان على هذا اللينك


http://www.shehab.ps/newsdetails.aspx?NID=2203&cat_ID=1

يساري فلسطيني said...

طلبت منك مرة تحطي فيديو انزاع بعد جريمة الدعس المتكرر للفلسطيني في الخليل و طلبتي اللينكات و بعتها ليك

في راي فيديو رائع و بطولة خرافية

ولكن يبقى التساؤل حول توقيت اذاعته

على العموم يانوارة شوفيه و القرار ليكي .... و اذا عندك وجهة نظر اخرى افيديني اذا مش وقته

تحياتي


على فكرة ... يعلم الله فقط ما فعلته تمسكا بمبادئي ... و لكن هذه الفتاة تاكيد لعبارة الحذاء التي تكررينها و يزعل منها الجماعة المهذبين

http://www.youtube.com/watch?v=py-9GwFxIXc

يساري فلسطيني said...

علياء

اخيرا اصبح اليوم جميلا

راح اوزع كنافة على حبايبي


شكراااااااا لك

و يومك دائما جميل انشاء الله

يساري فلسطيني said...

الحياة حلوة:غني و سمعني

ولم تتوفر معلومات حول مكان ليفني وما إذا كانت قد ألغت الزيارة أم شاركت في المؤتمر الذي انعقد بلندن لدعم إسرائيل.

فقد تلقت ليفني دعوة للمشاركة في المؤتمر ولم يعلن أي إلغاء لهذه الزيارة قبل انعقاد المؤتمر ما يطرح إمكانية صدور القرار وهي موجودة بالفعل بلندن حسب مراسل الجزيرة.

وقال المراسل إن أول الأنباء التي تحدثت عن إلغاء الزيارة وردت اليوم أي بعد صدور القرار في الصحافة اليهودية بلندن مشيرا إلى تردد أقوال سابقة مفادها ان ليفني شوهدت داخل الفندق الذي تدور فيه أشغال المؤتمر.

وكان عشرات من المتظاهرين قد شاركوا في احتجاج في لندن أمس أمام مقر المؤتمر باعتبار أن ليفني تشارك في أشغاله.

ترحيب وصمت
وفي تصرح لمراسل الجزيرة نت عاطف دغلس قال الناطق باسم مركز الاعلام الحكومي بالسلطة الوطنية الفلسطينية إن السلطة ترحب بالموقف البريطاني بتوقيف ليفني

في الأثناء قال مراسل الجزيرة في القدس إلياس كرام إنه لم يصدر أي رد فعل رسمي إسرائيلي حتى الآن.

وأضاف أن إسرائيل تتعامل عادة مع مثل هذه القضايا بكل جدية وهي تخصص طاقم خبراء يرصد جميع التحركات القضائية ضد الإسرائيليين للتعامل معها ما يطرح فرضية أن تكون ليفني قد ألغت فعلا الزيارة بناء على


نصيحة من وزارة الخارجية الإسرائيلية.

يذكر أن وزيرة الخارجية الإسرائيلية السابقة تسيبي ليفني كانت أجلت سابقا زيارة مقررة لبريطانيا بناء على نصائح من وزارة الخارجية الإسرائيلية حول إمكانية تعرضها للاعتقال.

كما ألغى موشي يعلون نائب رئيس الوزراء الإسرائيلي زيارة إلى لندن في أكتوبر الماضي خشية التعرض للاعتقال.


اما بخصوص السلطة الفلسطينية ... اخرو على حالكم يازبالة

مع الاعتذار للمتابعين الحساسين

تحية

يساري فلسطيني said...

معلش يانوارة مش ملاقيين مكان نعبر فيه عن فرحتنا الا في مدونتك

الخبر القديم هنا: للقرائة و للبصاق على حكامنا العرب ... الرجاء عدم البصق على المونيتر عند رؤية صور الحكام

....

ذكرت صحيفة هآرتس الإسرائيلية اليوم الثلاثاء أن محامين في بريطانيا ودول أوروبية أخرى يجمعون منذ انتهاء الحرب على قطاع غزة في يناير/كانون الثاني الماضي إفادات فلسطينيين وأدلة من داخل القطاع التي يرون أنها تثبت تنفيذ الجيش الإسرائيلي جرائم حرب.

وتتعلق الأدلة بضباط الجيش الإسرائيلي بمستوى قادة كتائب فما فوق الذين شاركوا في العمليات العسكرية خلال الحرب على غزة. ويجمع هذه الأدلة والإفادات محامون في دول أوروبية بينها بريطانيا وهولندا وإسبانيا وبلجيكا والنرويج التي تسمح قوانينها للمحاكم المحلية بإصدار أوامر اعتقال ضد مواطنين أجانب مشتبه بتنفيذهم جرائم حرب.

جاء ذلك على ضوء توفر إمكانية لدى المحاكم في تلك الدول الأوروبية لمحاكمة مشتبه بضلوعهم في تنفيذ جرائم حرب وفقا للقانون الإنساني الدولي خلال الحرب على غزة أو في عمليات عسكرية سقط فيها مدنيون فلسطينيون.

وقالت هآرتس إن أحد الموظفين في مكتب المحامي دانيال ماكوفير، الذي يركز النشاط في الموضوع في بريطانيا، زار غزة في الأسابيع الأولى التي أعقبت الحرب من أجل جمع أدلة، وحصل على توكيل من مواطنين فلسطينيين بتقديم دعاوى باسمهم بموجب القانون البريطاني.

ورفض ماكوفير في حديث مع هآرتس إعطاء تفاصيل عن الضباط الإسرائيليين الذين جمع معلومات عنهم أو عددهم، لكنه قال إن هذا الأمر منوط بكل حالة، والحديث يدور عن كل من شارك في حدث قد ينطوي على اتهامات جنائية


الحياة حلوة

يساري فلسطيني said...

العزيزة نوارة

دماء من اشرفت المجرمة على قتلهم ايام عملها ك ش... في الموساد هم

اللواء في البحرية الفلسطينية مازن ابوغزالة

و العميد في الجبهة الديمقراطية الرفيق خالد نزال

لم تذهب هدر

تحياتي

يساري فلسطيني said...

نوارتنا

عندي ليك خبر عن اشرف مروان قد ... اقول قد .. يكون مهم

كيف ارسله بالايميل لك

تحياتي


ملحوظة

الخبر على هيئة صور و كنت ناوي ابعته لليثي بعد برنامجه

وائل صلاح said...

ggt1230

شكراً على التحية
و ربنا يجعل يومك أجمل

أد إيه فرحت بالخبر
و أسأل الله أن يُفرح جميلة بو حريد و كل المناضلين
اللى بذلوا و قدموا بدون انتظار المقابل

لكن للأسف ناكرى الجميل من حكام اليوم الذين يريدون الردم على أى صورة تشير لنضال و صلابة الأخرين

حتى تظل صورة الخضوع و الإستسلام هى السائدة
و تبقى ديه الصورة الطبيعية

حتى لا ينفضح ضعفهم و عجزهم

LMUUM said...

Nowara Stunning as Always ,,, You Have Such a lovely way in writing a message in each Post ,, i'm in Love With This Blog!!!!!
Thank You

حسن مدني said...

يا نوارة

هو زمن تحرص فيه الأنظمة العربية على التمثيل بأمثال جميلة بوحريد، وأبطال أكتوبر، وأبطال المخابرات السابقين.
وكل الأبطال والرجال، لكي يخرج جيل من الأشباه.

والحقيقة إنه هذه إحدى نقاط تفوق المقاومة اللبنانية، الحرص على المصابين وأسر الشهداء، واليتامى. مما يجعل المقاتل في المقاومة مطمئن على أسرته وأهله، بخلاف الحال عندنا.
قديما أيام ما كان مطلوب رجال، تم تكريم جميلة وأمثالها، اليوم المطلوب إذلال جميلة وكل جميلة في بلادنا العربية.

تحياتي

فطيمة said...

السلام عليكم
اختي الكريمة انا اعيش في الجزائر و فئة المجاهدين هنا في الجزائر او ارامل و ابناء الشهداء كل واحد يملك ملف يدل على انه جاهد او لديه شهيد اثناء الثورة فانه يتقاضى اجر كبير و كل فترة تقدم له ملكية عقار ما... لا ادري لماذا جميلة بوحيرد تطلب المساعدة ربما الخبر غير صحيح او ان هناك شيء اخر

مسلم مصري said...

ملاحظة صغيرة فقط. حسب ما أعرف الصحيح إن اسمها جميلة بو حيرد وليس بو حريد

حسن على said...

هل يجب ان ننبة - رفيق الكفاح - الرئيس بوتفليقة الى ما يجب ان يفعلة؟؟؟؟ لاأعتقد ذلك ,واتمنى حل المشكلة فور وصول الخبر للرئيس الجزائرى الوطنى الاصيل

مواطن مصري said...

مع كامل احترمنا للواد بس هو شتمنا ؟

هو مش قال الدراهم الي راحت لفنان المصرين الي ميطمرش فيهم ولا اناسمعت غلط؟

hadradz said...

السلام عليكم استاذة نوارة والجميع..عندي تعليق بسيط ..بخصوص تاج رؤوسنا ..هي تعانى من وعكة صحية وبالضبط قصور كلوى ربما لهذا ارادت المساعدة ..فهي الجزائرية التى لن تقبل مساعدة..الا للضرورة القصوى ..تاج رؤوسنا نفديها بارواحنا فما بالك ان قالت انها تحتاج مساعدة الجزائريين الان على مواقع الفيس بوك جهزوا حمالات للمساعدة حتى لو بكلمة طيبة وهذا أضعف الايمان ..العشرات بل الآلاف من أساتذة ومثقفين وتجار وحرفيين ومن مختلف شرائح الشعب الجزائري، الذين عبروا عن مساندتهم المطلقة والاستعداد التام للتكفل بالبطلة بوحيرد، وطالبوا بإيجاد حساب جاري لجمع الأموال لبوحيرد،الصراحة نحن لم نصدق الخبر بل ذهلنا منه كيف لبطلة ومفخرة الجزائر يصل بها بعد هذا الوقت الطويل لطلب المساعدة ...نحن فداها وارواحنا هينة فدى هذه الام هذه البطلة ...كم احبها ..راسي مرفوع بها هل تصدقون أن الشعب الجزائري سيبخل عليها ..اذا للاسف انتم لا تعرفون الشعب الجزائري ..ومتقوقعون على انفسكم

Unknown said...

ايه يانوارة قصيدة مايهمش اللى شغلتيها ف وشى فجأة دى؟

ولأ ياستى لا نصها ولاربعها بس برضه مش قابل انها ست الناس ولا جزمتها برقبة حد غير اللى حاسين بالدونية

وبعدين تعالى هنا

هو الواد اللى فى الفيديو ده مافيش غيره فى الجزاير؟

ده نفس الواد اللى ولعها قبل ماتش السودان وقال ان الصيع هما اللى رايحين السودان..ماله بقى ومال جميلة بوحريد؟

هو من ناحية توليع ومن ناحية تسليك؟

شمس العصارى said...

لست ضد الموضوع ولا ضد المناضلة جميلة بوحريد
بس دعوة لتوسيع الرؤية
اصل الموضوع اصبح طبقى فكرى مش انسانى
" مصر مليانة معتقلين الاف لا يعلم عددهم الا الله "
هل حس بيهم حد فى يوم
هل حد فكر فى شعور اسرهم و ما يعانوه
ام انه حقاً لا بواكى لهم

مواطن مصري said...

نوارة نجيب ساويرس اتباع و كان بيتكلم عمرو اديب في القاهرة اليوم و من كلامة كان زعلان اوي و شبة بيعيط و قال مش هيبيع موبينيل و على جستة

lastcrazyboys said...

معلش يا نــوارة ..بس انا عرفت ان الجزائريين متضايقين من الاساس من الاسم اللي طلعه الاعلام المصري على المناضلة
واسمها الحقيقي "جميلة بو حيــرد" مش "بو حريد" ..ممكن تكون تلاكيك
بس انا عن نفسي هتضايق لو اسمي انتشر باللفظ الخاطئ

طنطـــا واى said...

بدل ما تلطمى لانك مش غرمانة ومقضياها طق حنك .... واحسن من الكلام عن جزمتها وتبديلها من البنك المركزى بكام مصرى روحى اجمعى لنا اسماء سواقين الميكروباس بتوع السويس او المعوقين بتوع اكتوبر اللى مش لاقيين شغل لاولادهم وساعتها حاكون اول واحد ابوس جزمتك انت ونقدر نعمل عشانهم حاجة ... لكن الهتافات الحنجورية والدعاء على حكام العرب والاندلس والكلام اللى بيعجب العيال بتوع اتنين وعشرين سنة واصغر دة ؟؟ مش مصدقانى ؟؟ طيب ابقى قولى الله يرحمة لما تشوفيها على قناة الجزيرة بتحكى عن دور المصريين فى خيانة الامة وخيانة المجاهدين والشهداء

Unknown said...

أستاذ طنطاوى أسمحلى أرد عليك لأن كلام حضرك أستفزنى جدا وبعد اذن نواره طبعا
بالنسبه لأسر شهداء أكتوبر ومصابين الحروب وحتى المعافين من الأعمار الكبيره منهم أذا اتكلم حد عنهم تتدخل الجهات السياديه فورا وبالورق وتقولك أهو
أهوووووووووو
كام مليون ميزانيه لأسر الشهداء وكام مليون لجمعية المحاربين القدامى
تفتكر أنهم هايقبلوا مساعدات من الجوامع والجمعيات الخيريه ؟
وبالنسبه للجميله جميله بوحريد
تقدر تقولى حضرتك أيه بالنسبه لها ؟
عملت أيه لبلدك علشات تتهمها أتهام مسبق ؟
واحد مجاهده زى دى كانت ممكن تتاجر بأسمها وتروح لبلدان شقيقه وانت عارف ان فيه بعض البلدان مابتصدق وتقول ياعييييينى
رموهم وأحنا أويناهم
هى رفضت
رفضت حتى مساعدات الخليج اللى أمير واحد منها يعيشها ملكه ولوجه الله كمان
هى طلبت من الحكومه
حكومتها اللى ليها عليها حق تشيلها فوق راسها
وكمان علشان تتعالج
مش علشان تعيش مبسوطه

معلش
ردى على قد تفكيرى بس حبيت أتكلم

lastcrazyboys said...

انا عملت تحركاتي على قد ماقدر ..وعملت اتصالات بالعديد من اللي اعرفهم
وسخنت مع الموضوع ..إلى أن جاءني الرد من أحد الاخــوة الجزائريين ..بإنه مفيش كلام من ده .."والتهليل " ده بيحصل كل فترة من قرايبها عشان بيستغلوا اسمها في التسول

بعت رسالة وقلت له : لا ..ارجو تشرح لي اكتر بالتفاصيل عشان اقدر استفيد وافيد الناس هنا

جاتلي الرسالة هحطالك بالنص زي ماهي

ليس هنالك مشكل
أوكي
أنا اعرف المجاهدة بوحيرد جيدا
واستغربت الرسالة لأنني اعرف حياتها وكيف تعيش
ولكنني لم اتسرع في الحكم وقلت اتريث قليلا
وبعد نشر الموضوع
تدخل الدكتور عميمور محي الدين وهو من اعضاء مجلس الأمة وشخصية مشهورة وكاتب صحفي مرموق وصديق الرئيس الراحل هواري بومدين
ونشر شهادته حول الموضوع وقال فيها
""بمجرد أن قرأت الرسالة طلبت مقابلة وزير العمل والشؤون الاجتماعية الطيب لوح واستقبلني الرجل على الفور، وواجهته باستيائي فأخرج لي ملفا كاملا يؤكد أن المجاهدة الكبيرة أرسلت على نفقة الدولة وبتعليمات مباشرة من رئيس الجمهورية إلى أهم مستشفيات باريس في نوفمبر 2006 وفي فبراير 2008... مشاهدة المزيد، وكان سفرها بالدرجة الأولى مع المرافق الذي اختارته وهو أخيها، واطلعت بنفسي على أوراق المستشفى وصور تذاكر الطائرة
ويبقى أنني لا أعرف ما وراء هذا كله، وأشهد أمام الله أن بو تفليقة لم يقصر إطلاقا فيما يتعلق بعلاج المجاهدين، وكان آخر من استفاد من معونته المرحوم البشير بو معزة ثم العقيد الطاهر الزبيري، الذي يقضي الآن فترة نقاهة
وما شهدنا إلا بما علمنا"
وتناقشنا معه كصحفيين في الموضع فقال ايضا "قد شهدت بما رأيته اليوم بعيني، وليس لي ما أرجوه عند رئيس الجمهورية، وأنا لا أخفي مواقفي معه أو ضده، لكنني أضيف إلى شهادتي السابقة أن الرجل أمر على الفور بعلاج صالح صوت العرب، وكنت أنا تدخلت في الأمر لدى وزير الصحة مراد رجيمي، وعندما توفي محمد يزيد (وهو جاري، وموقفه وموقف عمي صالح من الرئيس معروف) أمر الرئيس بأن تتولى مصالح الرئاسة كل التكاليف طوال ... مشاهدة المزيدالأيام التي تحددها التقاليد بمجرد أن بلغه الخبر عن طريق مدير الديوان العربي بلخير، الذي طلبت منه تزويدنا بتابوت مكيف الهواء، حيث كان الجو حارا، وجاءنا التابوت بعد أقل من ساعة
وأنا أقول : من لم يشكر الناس لم يشكر الله، والحديث عن قيام الرجال الذين يتحملون مسؤولية الدولة وأيا كانت درجة مسؤوليتهم بواجباتهم الإنسانية هو ضمان للاستقرار النفسي للمواطن، والمجاهد بوجه خاص
وبالتالي فالتعتيم على هذا جريمة
مع تقديري للجميع بدون استثناء"
لمعلوماتك
المجاهدة بوحيرد تملك
1- فيلا بمنطقة زرالدة غرب العاصمة
2- شقة من أوسع و أجمل ما يكون بمنطقة تيليملي باعالي العاصمة
3- بيت بالعاصمة الفرنسية باريس
4- راتبها الشهري ساري المفعول وهو كبير للغاية
5- عرضت عليها مناصب كثيرة فأبت وىخرها منصب مستشارة برائسة الجمهورية
وبالتالي فهي في غير حاجة لأحد
ولمعلوماتك فإن عائدات التكريمات التي تصلها شهريا تقريبا تكفيها لتعيش كلمكة
مثل هذا النمط من الرسائل يراد به احرجا الرئيس من طرف بعض اقارب المجاهدة بوحيرد للحصول على منافع مادية
وهم لا يكفون عن التصريح باسمها للصحف التي تنقل عنهم وتكتب انها تنقل عن بوحيرد بينما هي بعيدة تماما عن الموضوع
ويمكن لأي شخص مهتم بالموضوع ان يطلب رقم مجلس الأمة الجزائري ثم يطلب ايصاله بالدكتور محي الدين عميمور وهو كما اسلفت سيناتور ونائب بمجلس الأمة (اي الشيوخ) وهو يعطيه كافة التفاصيل
كما يمكن لأي صحفي ان يطلب السيد ياسف سعدي وهو رفيق نضال بوحيرد وسيحكي له كل شيء
كما يمكن لأي من هذين الرجلين ان يدلا اي صحفي على بيتها في الجزائر ويأخذاه إليها
وانا ادعو زملاءك للقيام بعمل مهني وزيارة الجزائر و الجلوس مع السيدة مباشرة والتأكد من وضعها مباشرة بدون المرور على الصحف ولا على شهادتي الشخصية ولا على شهادة غيري
ويومها سيعروفون الحقائق
======

سكوت هنصوت said...

ya nhar eswed....ana ma3andesh 3araby 3ashan altom belsot el 7yany....ya nawara...shofelna 7esabha rakamo kam fe el bank we neb3atlaha....el set gamela teb3at este3'atha...la 3eshna wala kona...la setat wala regala...law el set dieh fedlet metbahdela...shofelna 3nwanha tayeb neb3atlaha...nestasma7ha....nebos edeiha we regleiha...enaha tsame7na enena mara3enash shebetha we 7a2aha...belahy 3aleky teb3aty 7alan...enty akeed hate3rafy tetsarafy we tegeby 3enwanha

طنطـــا واى said...

يا مستر عمر ما عاش اللى يستفزك ... يا ريت تقرأ رد لاست كريزى لو مش عاجبك ردى انا .... فرق كبير جدا بين الاحلام والواقع ... فرق كبير جدا بين الشعارات والحقائق ... فرق كبير جدا بين الواقع وما هو المفروض ان يكون الواقع ... وبعدين نوارتنا زعيمة معارضتنا ربنا سترها معانا انها مش بنت حسنى مبارك لانها وعملا بقانون ونظرية التوريث السائدة فى كل الدول العربية كانت حترمينى اول واحد فى مكان محدش راح فية غير عمنا نجم . دى مش طايقالى كلمة او اعتراض وهى اصلا معارضة ؟؟؟ امال لو حزب وطنى كانت عملت فية اية ؟؟

Anonymous said...

مفيش علاقة بين رد لاست كريزي وكلامك يا سيد طنطاوي عشان تحيل اللي بيكلمك إليه :)

انتا بتوزع اتهامات يمين وشمال على الكل، عندك مشكلة ما -معرفش ايه هي على فكرة- مع قناة الجزيرة وعمال كل شوية تجيب في سيرتها، عندك فيما هو واضح مشكلة ما مع انه حد يقول انه مصر مفروض يكون لها دور في الدنيا ومش عايز حد يقول أي حاجة، عندك مشكلة مع نوارة الديكتاتورة المحتملة اللي انتا بتعلق في مدونتها وبتقول انها مش طايقاك (وكأن حبك فرض على كل حي)

أما لاست كريزي بيقول انه الخبر ممكن يكون مش صحيح واننا لازم نتأكد..مقالش حاجة الراجل من كل الرغي اللي انت بترغيه ده، فسيب الراجل في حاله دلوقتي هو بيكلم حضرتك دلوقتي..

Unknown said...

بالظبط زى ما أستاذ أحمد ناصر قالك كده
كلامك ملهوش علاقه بكلام لاست كريزى
لأن كلامك كان فيه اتهام ليها بدون مبرر
لاست كريزى جاب معلومه ان مش هى اللى قالت كده

وكلنا هانفرح جدا" بالمعلومات دى اذا كانت صحيحه لأننا نتمنى الخير لكل مجاهد خدم قضيه وطنه ويعيش عيشه كريمه ويكون مستور فى الحياه والموت على الأقل

Unknown said...

يا جماعة انا سايبة طنطاوي ده كعبرة للخلق
لو ما شربتوش اللبن ح تبقوا زيه

Unknown said...

http://www.aljazeera.net/NR/EXERES/A7600DD4-7F18-4C96-B080-F351FFB7204A.htm

Unknown said...

نسيت أقول بالنسبه للأخ اللى كان بيقول انها هاتشتم مصر

أديها جايه تتعالج فى مصر
أيه قولك بأهههههههه

Dr. Eyad Harfoush said...

ده مش طبيعي وبس، ده طبيعي جدا يا نوارة، هي طول عمرها كده على رأي عمنا جاهين
اخطفني يالي تحبني ع الحصان
الدنيا قالت يوم ف ماضي الزمان
اخطفني يالي تحبني ع الفرس
الدنيا قالت قام خطفها الشيطان

هاتي هايفا المنفوخة وهاتي البطلة جميلة بوحريد وحطي طل واحدة في قاعة واعملي اعلان، شوفي كام واحد هيحضر علشان يسمع مذكرات بطلة وكام هلفوت هايروح يتفرج على مزة، هي كده، وفي البلاد المتنيلة على عينها زينا بتبقى أبو كدة كمان
تحياتي وتقديري

طنطـــا واى said...

د. اياد منور وانت الوحيد فى الدنيا اللى مقدرش أعض فية ...

مع انى معاك فى كل اللى قلتة بس جلد الذات عمال على بطال وكأننا شعار التخلف والجهل الابدى والشعوب الحيوانية مش معاك فية ....
طيب هات انت الراجل بتاع جايزة نوبل هارولد بنتر ومعاةآونغ سان سو كي وربيعة قدير وشرين عبادى وأمنتو حيدار ونوارة نجم عشان متزعلش وهات البت اللى مش منفوخة شاكيرا شاكيرا او البت البلاك من غير وايت بيونسية ومن غير اعلان وفى اى دولة من دول العالم المتقدم الحر العظيم التى خلف المحيط وخلف الخليج وشوف كام هلفوت هايروح يتفرج على مزة، هي كده، وفي البلاد المتنيلة على عينها ((زيهم)) بتبقى أبو كدة كمان زى عندنا بالضبط

دى مشكلة تكوين انسانى يا دكتور

تحياتي وتقديري

Unknown said...

أسف - الموضوع من بدرى
بس أكتشفت النهارده وأنا بسمع أغنى نوبيه للفنان محمد فوزى أن فيه أغنيه مقطع من أغنيه نوبيه لجميله بوحريد

ذات الخطوات الموزونة
كصدى الأجراس المحزونة
كلهاة الطفل بقلب سرير
لم تبلغ سن العشرين
واختارت جيش التحرير


وفيه كمان قصيدة (فضة ) والتي أشتهرت عند النوبيين ب(أغلى من لؤلؤة بضة)وهي من
كلمات الشاعر البحريني (علي شريحة) وغناء الكابلي هي بلا شك
أروع ماقيل في تمجيد المناضلة الرمز / جميلة بوحيرد


أغلى من لؤلؤةْ بضّة
صيدت من شط البحرين
لحن يروى مصرع (فضة)
ذات العينين الطيبتين

كتراب الحقل كحفنة ماء
كعناق صديقين عزيزين
كملابس جندى مجروح
مطعون بين الكتفين

تصدقوا أنبسط أوى

Unknown said...

أسف تانى
المقطع

http://www.4shared.com/file/188786761/f9844b1/___.html