عاااااجل: والد طل الملوحي يؤكد أنها على قيد الحياة

الخبر ورد في موقع أخبار سوريا

وإليكم نص الخبر

والد طل الملوحي لسيريانيوز: ابنتي بصحة جيدة وهي محالة للقضاء وستتم محاكمتها خلال فترة قصيرة


الاخبار المحلية




قال دوسر الملوحي والد الشابة السورية طل الملوحي إن "ابنته بصحة جيدة ووضعها طبيعي, وانه قام بزيارتها برفقة والدتها عهد الملوحي مساء يوم الخميس 30 أيلول في سجن دوما للنساء في محافظة ريف دمشق".


وكذب دوسر الملوحي ما تناقلته تقارير إعلامية مؤخرا أشارت إلى أن طل تعاني من وضع صحي سيء, فيما أشار بعضها الآخر إلى أنها توفيت في السجن.


ونفى الملوحي, في تصريح خاص لسيريانيوز عقب زيارته ابنته, (حسب ما أفادت به طل) أن "تكون قد أوقفت كونها مدونة أو لأسباب تتعلق بحرية التعبير", مشيرا إلى أن "ما نشر بهذا الخصوص مجرد ادعاءات كاذبة لا أساس لها من الصحة".


وأكد والد طل أن "ابنته موقوفة بسبب ارتكابها أعمالا تسيء إلى امن سورية, وذلك من خلال اتصالها بجهات خارجية", حسب تعبيرها.


وأوضح دوسر الملوحي انه "ستتم محاكمة ابنته أمام القضاء خلال فترة قصيرة, وانه سيقوم بتوكيل محام للدفاع عنها أمام القضاء السوري المختص".


سيريانيوز
----

ومن العجب العجاب ألا تمتلك وسائل الإعلام المصرية المستقلة مثل صحيفة الشروق أي وسيلة اتصال بعائلة طل، وأظن أنه بإمكانهم الحصول على رقم هاتفهم من رئيس المركز الحقوقي الذي نشر خبر وفاتها، ونرجو من صحيفة الشروق، أو النشطاء المتصلين بهذا المركز السعي للحصول على وسيلة اتصال بعائلة طل، فإن لم يكن صاحب المركز على اتصال بعائلة طل، فهذا يعني أنه ليس له علاقة بقضية طل، مما يجعل تصريحاته بنفس قدر مصداقية تصريحات أبو يحيى وأبو محمد، كما أنه كان يجب على النشطاء الذين أخذوا على عاتقهم قضية طل أن يتصلوا بأسرتها لمعرفة احتياجاتهم وكيفية مساعدتهم والتحصل على أخبار ذات مصداقية، هذا ألف باء العمل السياسي، ومن أساسيات تدشين الحملات، وعدم إيجاد وسيلة للاتصال بأسرة طل تجعل من الحملة: مولد وصاحبه غايب
-----
التعليق الاخر بخصوص الخبر:
طيب.. هي على قيد الحياة والحمد لله وبصحة جيدة، أما ان يقول والد المتهمة على لسانها أنها أوقفت بسبب ارتكابها أعمالا تسيء إلى أمن سوريا
ههههههههههههههههههههههههههههههههههههههههههههههههههههههههههههههههههههه
الله يكون في عونهم
يارب فك اسرها

مقال مهم حول الأزمة بين مصر وحزب الله

رابط المقال هنا، به روابط الأخبار والمصادر المشار إليها بالمقال

وسأنشر نص المقال لأنه ممتاز، وسأبرز بعض النقاط الهامة بالمتن

الهذيان المصري الأخير عن حزب الله ودلالاته

by Muhammad Waked

تثير الأخبار الأخيرة عن المناوشات التي تجري الآن بين مصر و «حزب الله» الكثير من التساؤلات عن دلالتها وعلاقتها بالسيناريوهات التي يجري إعدادها لمستقبل المنطقة. وتأتي هذه الأخبار كالعادة مقتضبة ومبهمة، تخفي أكثر مما تعلن. كما تحمل في طياتها الكثير من الهذيان المصري عن «حزب الله». وهذا بطبيعة الحال يصعب من قراءة دلالاتها، وإن كان لا يقلل من أهميتها.

أتى آخر فصول هذا الهذيان في خبرين رئيسين يتناولان العلاقة بين مصر و«حزب الله» يتناقضان تماما مع بعضهما من حيث الشكل والمضمون، على الرغم من أن الفترة التي فرقت بينهم لم تزد عن ستة أيام. أتى الخبر الأول في صدر الصحف الرسمية المصرية يوم الثلاثاء ٢١ سبتمبر لينقل لنا هجوم مصري مفاجيء وهستيري على «حزب الله». وكان عنوان هذا الخبر في صحيفة «الأخبار» المصرية «مصر تعرب عن قلقها من تطورات الأحداث في لبنان»، وصاحبه عنوان فرعي يقول «الخارجية: نأسف لتجاوزات المأجورين في مهاجمة مصر». وكما جرت العادة في هذه الأحوال لم يذكر متن الخبر «حزب الله» بالإسم، على الرغم من ورود الخبر في الصفحة الأولى، تماما كما لم يذكره بيان الخارجية الذي نقل عنه الخبر.

ما نتحدث عنه هنا هو خبر يعبر عن قلق مصر من «بعض اللبنانيين» الذين يرفضون الخضوع «للسلطتين التنفيذية والقضائية في البلاد (لبنان) بشكل سافر» ويرتكنون «إلي قوة السلاح الخارج عن سيطرة الدولة اللبنانية» في تحقيق مآربهم. وعلى الرغم من انطباق هذا الوصف بشكل حرفي على كل الفصائل اللبنانية تقريبا، يكفينا عدد المرات التي ورد فيها تعبير «السلاح الخارج عن سيطرة الدولة» وإستخدام لفظ «المأجورين» لكي نستنتج أنهم يهاجمون «حزب الله». وعلى نفس النهج، نشرت جريدة «الأهرام» خبر يماثل ما جاء في «الأخبار» - بما أشتمل عليه من غمز ولمز وعدم ذكره أسم من يهاجمه - على صفحتها الأولى، تحت عنوان «حسام زكى: مصر فوجئت بالتحريض علي الفتنة في لبنان». أما صحيفة «روزاليوسف» ففضلت نقله في مانشيتها الرئيسي تحت عنوان «بيان مصري «ناري» ضد المأجورين في لبنان»، وهو ما يتماشى مع أسلوب الردح والإثارة الرخيصة المعروف عنها.

أول ما يستوقف الإنتباه في هذا الخبر هو عدم ذكر الجهة التي يهاجمها بشكل مباشر، وذلك بالرغم من ورود الخبر في صدر الصفحات الأولى لكل الصحف الرسمية المصرية. هكذا بدأ المصريون يوم الثلاثاء ٢١ سبتمبر بخبر رئيسي في كل الصحف الرسمية يهاجم «لمأجورين اللي ما يتسموش» ويترك للقراء مهمة تحديد هويتهم. وتقليد «قطيعة اللي ما يتسموش» هذا منقول بشكل شبه حرفي من التقاليد الرسمية المتبعة في نقل أخبار المعارضة في مصر، هذه التقاليد الغبية التي تصر على تسمية «الاخوان المسلمين»، على سبيل المثال، بـ«الجماعة المحظورة»، وأحيانا ما تؤدي إلى تسمية حركة «كفاية» بـ«أصحاب الأصوات العالية». للأسف، أصبح هذا النوع من المراهقة الفكرية من صميم العمل الصحافي الرسمي؛ وأحيانا ما تنتج عنه مهازل كبرى، خاصة عندما يخرج علينا الكتبة الحكوميين في حملة شعواء لمهاجمة «الخارجين عن الشرعية» أو «أصحاب الأبواق المزعجة» دون تسميتهم، وهو ما يصعب على الكثير من القراء معرفة من يهاجمون، فيضيع هدف حملتهم وسط حيرة القراء.

(ههههه أنا شرقت من الضحك في الحتة دي لأن الناس فعلا بتهتم اكتر قصدهم على مين كأنهم بيقروا أخبار فضائح الفنانين في مجلة الشبكة.. ياااا.. أتذكرون مجلة الشبكة يا صاح منك له؟ حيث أنني لا زلت مع الرصين)

وثاني ما يستوقفنا في هذا الخبر (وما تنشره الصحف الرسمية عن المقاومة بشكل عام) هو التوحد التام بين الخطاب الرسمي المصري وخطاب اليمين اللبناني، وهذه نقطة مهمة لم تحظى بالإهتمام الكافي حتى الآن. فمن الملاحظ توحد خطابات قوى «الاعتدال العربي» مع بعضها منذ حرب تموز ٢٠٠٦، على أقل تقدير. ثم بدأ هذا الخطاب يتوحد مع نظيره الإسرائيلي بشكل شبه تام منذ حرب عام ٢٠٠٩ على غزة. يظهر ذلك بشكل لا يترك مجالا للشك في الذرائع التي إستخدمتها كتبة النظام في الهجوم على حركة «حماس» في أثناء حرب٢٠٠٩، والتي لم تكن تقليدية على الإطلاق. أعني بذلك أنها تجاوزت تبريرات الماضي التي كانت تنصب على لوم «حماس» على إرتكابها «خطيئة كبرى» بإعطاء الذريعة لإسرائيل لضرب غزة؛ تجاوزت تلك الذريعة التقليدية للاستهزاء بـ «حماس» لأن قادتها كانوا يختبئون «تحت الأرض» وفي «المستشفيات» و«الفنادق» في الوقت الذي تركوا فيه المدنيين الأبرياء في العراء لتقتلهم الحرب. كل هذه التبريرات مأخوذة بشكل مباشر من خطاب تبرير الحرب الإسرائيلي، ولا تخطر على ذهن عربي بشكل تلقائي. وتشير كافة الشواهد إلى هذه الخطابات ستتوحد أكثر في المستقبل نظرا لتوحد المصالح.

(لو استطعت أن أعلق جرسا في الجملة الأخيرة لفعلت، علينا التأهب لسماع خطاب صهيوني محض في الفترة القادمة، ليس فقط من الآلة الإعلامية للدولة، وإنما من بعض التيارات الأخرى كالليبرالية والسلفية، عشان ما تتلخبطوش ده أنا، بس لسه مع الرصين)

الأهم من ذلك هو أن الخبر وبيان الخارجية الذي نقل عنه، صيغا كرد فعل حماسي على أحداث محددة لم يحدداها، فالبيان يقول «ان مصر التي طالتها من تلك التطورات تجاوزات من بعض المأجورين والحاقدين علي المواقف المصرية والمدفوعين لمهاجمة مصر وتوجيه السب لرموزها آثرت الترفع عن تلك التفاهات تماما وعدم تمكين هؤلاء من الاستمرار في تجاوزاتهم لانها تدرك انهم في الحقيقة يعانون من ازمة يسعون لتجاوزها من خلال استخدام اسلوبهم المفضل في التطاول ضد الكبار ». هذا إنما رد فعل شخص تلقى صفعة قوية ويريد أن يردها «بحرقة» لدرجة أنه إنخرط في وصلة ردح هابطة ثم إدعى إنه إنما «يترفع عن تفاهات» الطرف الآخر.

للأسف ليس من السهل التعرف على الصفعة التي هزت النظام المصري إلى هذا الحد نظرا لكثرة الصفعات التي تلقاها في لبنان في الفترة الأخيرة. لكن لازال من الممكن تحديد مجموعة من نقاط الإضطراب بين مصر وحزب الله، كما فعل ثائر غندور مؤخرا في مقال له في الأخبار اللبنانية، منها إعتقال مصر لـ «خلية حزب الله» والحكم عليها بأحكام مشددة (المجموعة التي إعتقلت لمحاولتها تهريب السلاح للمقاومة في الغزة)، ثم كلام اللواء «جميل السيّد» عن دورٍ لقنصل مصر «أحمد حلمي» في التآمر على سوريا والمقاومة، وإتهام المعارضة اللبنانية لمصر بتسليح مجموعات مناهضة للمقاومة والعمل على إلى إذكاء الفتنة بين اللبنانيين، وشيوع الحديث مؤخرا عن إندثار الدور المصري في لبنان. والنقطة الأخيرة هي من المضحكات المبكيات في هذا الشأن، فأنا شخصيا لم أكن على علم بأن لمصر دورا في لبنان إلا بعد أن تواترت الأخبار عن إندثاره.

في النهاية، لم تبالي الصحف المستقلة بهذا الخبر«الناري» ومرت عليه مرور الكرام. وهذا يعني أنهم غالبا ما إعتبروه أقرب للفضفضة العاطفية التي لا تستحق التعليق منه للسياسة. لكن لم تكاد ستة أيام تمر على هذه الحملة حتى خرجت علينا الصحف بخبر يتناقض تماما مع ما سبق عرضه. فإذا بصحيفة «المصري اليوم» تنقل في صفحتها الأولى خبرا عن إجتماع «أحمد حلمي» (القنصل المصري الذي تتهمه المعارضة اللبنانية بالتدخل في شؤون لبنان والتآمر على المقاومة) بـ«حسين عزالدين»، مدير مكتب العلاقات العربية بـ«حزب الله». وأكدت «المصري اليوم»، وهي صحيفة ذات علاقات أمنية قوية، أن هذا الإجتماع أتى «فى إطار المساعى المصرية - بحسب تصريحات الجانب المصرى - لتحسين العلاقات مع حزب الله اللبنانى». وأضافت أن «مصادر خاصة» رفضت الإفصاح عنها أكدت لها «أن اللقاء كان بطلب من القنصل المصرى عبر وسيط، رفضت (مصادر المصري اليوم) الإفصاح عن اسمه، تمهيداً للقاء محمد البديوى، السفير المصرى فى بيروت، والسيد حسن نصر الله، الأمين العام للحزب، لكن الموعد كان مع مسؤول العلاقات العربية بداية».

هنا إنعكس الحال تماما، فالصحف الرسمية التي أدارت حملة «المأجورين» تجاهلت هذا الخبر وكأن شيئا لم يحدث - وهو بالضبط ما يفعلونه حيال أخبار المظاهرات في مصر - في حين إهتمت به الصحف المستقلة التي تجاهلت حملة «المأجورين» في البداية. ثم بدأت الأخبار تتوالى وتكشف تفاصيل جديدة عما حدث، منها أن الطرفين إتفقا على الإعلان عن هذا اللقاء، بدلا من إبقائه سرا كما حدث في لقاءات سابقة، وهو ما يشير إلى رغبة قوية في التهدئة. وكما هو متوقع، أثار هذا الخبر الكثير من التساؤلات حول أسباب هذه التهدئة والرغبة في تحسين العلاقات.

أثنت معظم التعليقات التي وردت على هذ الخبر على الإنترنت على هذا الاجتماع ورأت فيه تحولا إيجابيا يضع مصر في الجانب الصحيح من المعادلة. لكن تخوفت بعضها من أسباب هذا التحول، على أساس أن مصر لا تملك قرارها، وعليه فإن مصدر هذا القرار لابد وأن يكون مؤامرة صهيونية ما. وتعددت المؤامرات المقترحة، منها على سبيل المثال، أن يكون نمى لعلم النظام المصري معلومات عن قرب شن حرب على لبنان، ولذلك قرر أن يبتعد عن هذا السيناريو أمام الناس. وفسر اخرون سبب هذا التحول بوجود فريق داخل الخارجية المصرية يرفض طريقة تعامل النظام مع «حزب الله» ويريد الإبقاء على «شعرة معاوية» معه. يستند هذا التفسير في غالب الأمر على أسلوب مصر في التعامل مع «حماس»: ضربها طوال الوقت مع الإبقاء على صلة بها. في حين فسر آخرون من حسني النوايا ذلك التحول بوجود تيار قومي داخل المؤسسة الأمنية المصرية يريد مصر أن تغير من موقفها تجاه المقاومة بشكل أكثر جذرية من مجرد الإبقاء على «شعرة معاوية».

في رأيي لا يوجد مجال حقيقي لاستقراء تحولات جوهرية في موقف النظام المصري من «حزب الله» في هذه الأخبار، فموقف هذا النظام ينبع من مصالح جوهرية تابعة للإمبريالية الأمريكية لا تتغير إلا بتغيير النظام وعلاقة مصر بالإمبريالية. كما لا يوجد أي معنى حقيقي لاستراتيجية «شعرة معاوية» مع «حزب الله» كما هو الحال مع «حماس». فمصر لا تستطيع أن تضر أو تنفع «حزب الله» كما تستطيع مع «حماس». بمعنى آخر، لا يوجد ما يمكن أن يقنع «حزب الله» بتغيير أيا من سياسته من أجل طرف أضعف كثيرا من أن يمسه بأي سؤ أو منفعة.

أظن أن السبب الذي دفع النظام المصري لطلب هذا الإجتماع أبسط من كل هذه التفسيرات بكثير، وهو نفس السبب الذي دفع النظام لشن حملته الفاشلة ضد الحزب «المأجور» في بداية الأمر. السبب في رأيي هو حالة الفزع التي حتما أصابت النظام المصري عند إعلان المقاومة اللبنانية أن مصر تتآمر عليها وتسلح فصائل مناوئة لها. فهذا التصريح يحمل لمصر رسالة مفادها أن المقاومة تتابع ما تفعله في لبنان عن كثب. وثانيا، أن ما تفعله مصر هو من الضعف بحيث يمكن أن يعلن عنه في الصحف بشكل واسع، وكأن المقاومة تستهزيء به. لكن الأهم من كل ذلك هو أن هذا الإعلان هو في حد ذاته عمل سياسي مدروس يحمل تهديدا مبطنا للنظام المصري بأن يكف وإلا تحمل العواقب. فإذا ما «وقعت الفأس في الرأس» وتدهورت الأمور بحيث أصبح الحسم العسكري هو الحل الوحيد سيتعامل الحزب مع الوجود المصري كعدو مباشر، تماما كما تعاملت مصر مع «خلية حزب الله». يعلم النظام المصري أن قدراته على حماية أي شيء في لبنان معدومة، ويعلم علم اليقين أنه لا يستطيع مناطحة «حزب الله» في لبنان، ولذلك عمد للتهدئة عندما ما أن تلقى تهديد الحزب المبطن. بإختصار شديد، تصريحات المقاومة الأخيرة عن دور تآمري لمصر في لبنان هي تصعيد من نوعية «إتلموا أحسن لكم» وأظن أن طلب مصر الإجتماع مع الحزب كان للتأكيد على أن مصر «هتتلم». ولذلك قام النظام المصري بحملته الهزلية ضد «حزب الله» قبل الإجتماع بثلاثة أيام، لإدعاء فحولة لا يمتلكها.

ولذلك ما أن إنتهى الاجتماع حتى عاد النظام المصري لسخافاته السابقة، فخرجت علينا صحيفة «الحياة» اللندنية بعد الإجتماع بثلاثة أيام فقط بمقال يحمل عنوان «القاهرة رفضت طلب «حزب الله» لقاء البديوي». وينقل هذا المقال عن مسؤول مصري رفض الإفصاح عن أسمه نفيه التام لأن يكون الإجتماع عقد بطلب من الجانب المصري. وأكد هذا المسؤول أن «حزب الله» طلب في هذا الإجتماع بعقد إجتماع تالي بين السيد «حسن نصر الله» والسفير المصري في بيروت لكن مصر رفضت ذلك بشكل قطعي. وأضاف «مصر تنظر إلى الاتصال الأمني باعتباره اتصالاً غير رسمي ولا يرقى إلى مستوى يعتد به للقول بتحسن العلاقة بين الحزب ومصر». والغرض من ذلك لا يقتصر على نفي كل التحليلات التي قرأت هذا الإجتماع على أنه بادرة تحسين العلاقات بين الطرفين، بل التعالي على فكرة تحسين العلاقات أصلا، تماما كما لو كانت مصر هي الولايات المتحدة، وهو ما يعيدنا إلى مسألة توحد الخطاب المصري مع خطابات الاستعمار في المنطقة. وعن الغرض من الإعلان عن هذا الاجتماع قال «هذا الإعلان يخدم تماماً أجندة حزب الله الذي يواجه موقفاً سياسياً عصيباً في الفترة الحالية في ضوء التطورات الأخيرة والعلاقات اللبنانية الداخلية المعقدة». وهذا التصريح يتناقض تماما مع ما سبق وقاله المسؤول ومع سياق الاجتماع، حيث أنه يعني أن مصر قبلت أن تجتمع مع الحزب لكي تخدم أجندته التي تعارضها بشدة. وعليه كان على هذا المسؤول أن يقدم لنا سبب آخر للإجتماع، فقال أن مصر «رأت من الحكمة إجراء اتصال أمني مع «حزب الله» ولكن يجب ألا تذهب التفسيرات إلى ما يتعدى ذلك». وفي نهاية الحوار حسس هذا المسؤول على بطحته الكبيرة، فأنهى حواره بنفي قاطع لوجود أي صلة بين عقد هذا الاجتماع والتصريحات الأخيرة عن تآمر مصر على المقاومة.

(هههههه الله يكسفكم)

من نصدق هنا، هل نصدق المسؤول المصري «المطلع» الذي أعترف لـ«المصري اليوم» بأن مصر هي اللي طلبت عقد هذا الإجتماع من أجل التهدئة مع «حزب الله»، وأنها أرادت بهذا الإجتماع الترتيب لإجتماع بين أمين عام «حزب الله» والسفير المصري؟ أم نصدق المسؤول المصري، «المطلع» أيضا، الذي نقل عكس ذلك لجريدة «الحياة»؟ في الحالتين لدينا مصدر مصري مسؤول «رفض الإفصاح عن إسمه»، وفي الحالتين لدينا جريدتين يدافعان عن مصالح الإستعمار بالمنطقة، والجهات التي تقف ورائهما معروفة للجميع. (غالبا هو نفس المسئول اللي ما يتسمى، خايف مراته تقفشه) أظن أن ما حدث هو أن مصر أكدت لحزب الله أنها سوف «تتلم» ثم عادت لهذيانها لإدعاء فحولة تفتقرها، ولا أظن أن «حزب الله» سيهتم كثيرا بهذا الهذيان طالما اكتفت مصر به وصرفت النظر عما هو أخطر منه. كما أظن أن توحد الخطاب المصري مع الخطابات الإمبريالية في المنطقة يؤجج هذا الهذيان (مع التأكيد على تعدد أسبابه)، لأنه يقنع النظام المصري بأنه قوى إقليمية عظمى، لا خادم «غلبان» للإمبريالية أقصى ما يستطيع عمله هو منع «الشيبسي» و«النسكافيه» من دخول غزة. ويبدو أن هذا النوع من سوء تقدير قدرات الذات هو ما دفعه أصلا ليلعب في الساحة اللبنانية بما يفوق قدراته بمراحل، ليثبت جدارته لنفسه قبل أن يثبتها لسيده المستعمر، لكنه في نهاية المطاف «غلبان جدا» ويعلم حقيقة قوته، ولذلك ما أن «شخط» فيه «إتلم يا أحسن لك» حتى ذعر و«اتلم»، ثم عوض ذلك الاحراج بالإكثار من الهذيان، الذي أصبح لا يجيد سواه. فليهذي كيفما يشاء، الذي يهم الطرفان الآن هو أن النظام المصري «هيتلم خلاص»، أما الهذيان فيظل حق أصيل لتعويض ذلك الاحراج الذي كشف له أن قدراته هي أبعد ما تكون عن الخطاب الذي توحد معه تحت ضغط تحالفته المشبوهة.

أتت هذه الأحداث ولبنان يمر بمرحلة دقيقة: ترقب لحرب تشنها إسرائيل وتصعيد غير عادي بين اللاعبين الكبار. كما أتت مع قرب إنتهاء مهلة حزب الله للأنظمة العربية لحل مسألة القرار الظني للمحكمة الدولية، وفشلهم في حلها يعني أنه سيحلها هو بطريقته. وهذا ما دفع الكثير لتحميل الهذيان المصري أكثر مما يحتمل، وهو ما يعني بالتبعية تصور قدرات لبنانية للنظام المصري لا يمتلك عشرها.

-----------

انتهى المقال، وأظنه تحليل واف ومتكامل، إلا أنني مازلت خائفة من تبعات محادثات واشنطن وملحقاتها، ورغبة النظام المصري في تمرير جمال مبارك رئيسا لمصر، وكان النظام المصري قد قدم كل التنازلات التي يمكن تقديمها في مصر، ولا يملك الآن إلا أن يمارس دناءاته خارج الحدود المصرية بعد أن أجهز علينا بالكامل، وقدم كل الأوراق المصرية مكشوفة على الطاولة. كما إن النظام المصري، وبسبب إدراكه لضعفه المؤسسي، والذي غطاه المقال بشكل واف، أصبح يستعين بتيارات وتكوينات غير رسمية، ويعقد معها صفقات، هذه التيارات، إن لم تكن تتمتع بالقوة المؤسسية، فإن لديها ميزة التحرك بحرية والتغلغل عبر وسائل عديدة لا تتوافر للأنظمة والدول ومؤسساتها، ويجدر هنا الإشارة إلى أن هذا المنهج الذي اتبعه النظام المصري مؤخرا، هو أيضا شكل من أشكال التوحد مع السياسة الإمبريالية التي أشار إليها المقال، فهو منهج مستعار من السياسة الأمريكية التي تعتمد في تخريبها للمستهدف على تكوينات تحمل عنوانين "الأهلية" و"المدنية" و"غير الربحية"..إلخ، وكما لم تتدخل الدولة بكامل مؤسساتها في الفتنة الطائفية الدائر رحاها في مصر، واستعانت بمجموعات وتكوينات تبدو "أهلية" يمكنها عقد صفقات مع تكوينات مشابهة داخل وخارج الدول المستهدفة، والتي وكل إلى النظام المصري - مع الأنظمة المعتدلة الأخرى - مهمة الضغط عليها، من خلال زعزعة استقرارها داخليا، أو تشويهها خارجيا لتهيئة الرأي العام العالمي لقبول العدوان عليها عسكريا كما حدث مع العراق. الأمر الذي قد يضع الكثير من التيارات والأشخاص الذين يتمتعون بقدر من النزاهة في موقف شديد الحرج. 

الجدير بالذكر أن: ربنا يستر فالنظام المصري ربما يكون "غلبان" لكنه منوفي برضه.

مع المزيد والمزيد من الرصين

هذا وقد قمت بنقل رصانتي لموقع العصفور المغرد، الذي زعم هيكل إنه طير الوروار، ولولا حديثه عن فنجان القهوة المسموم لكنت اعتمدت عليه كمرجع للترجمة

ويجد الإشارة إلى أنني قد خرجت بنظرية ليس عليها أي دليل علمي أو مادي، وجاري البحث في المختبر لإثبات مدى صحة النظرية، ويحسن أن أنشر عليكم ما قمت به من تعذيب للزملاء على موقع العصفور المغرد أو الوروار بزعم هيكل:

علينا التحذير من خطأ علمي فادح يرتكبه البعض - وأنا منهم - أننا نقيم الاتجاه العام للشارع المصري عبر تعليقات القراء على المواقع الالكترونية
وهو خطأ إحصائي جسيم، إذ أن الشبكة الإلكترونية ليست دليلا يجدر الاستشهاد به للتدليل على ظاهرة معينة في بلد يعاني من أمية القراءة والكتابة
يرجع ذلك التشكك من قبلي إلى حقيقة التنوع السكاني على طول وادي النيل، ويجب مراعاة الاختلاف بين الريف والحضر إذا ما رغبنا في رصد الاتجاهات
وقد أثار الزميل، مشكورا، نقطة هامة، ألا وهي جهلنا بالهوية الحقيقية للمعلقين، وما إذا كانوا يمثلون عينة إحصائية مناسبة أم لا @gad_egy
الأمر الذي يدعونا للتأمل، وعدم التسرع في إصدار أحكام جزافية على الاتجاهات العامة في الشارع المصري دون دراسة وافية وعلمية
وهناك نقطة هامة يجب الالتفات إليها، ألا وهي محاولة خلق اتجاه عام زائف من خلال إحداث ضجة وصخب أجوف عبر وسائل الاعلام التقليدية والشعبية
وهي نفس تجربة عدوى الضحك والبكاء التي يمر بها الجمهور في المسرح والسينما، الإكثار من التعليقات وتكرار المنطق على اذن المتلقي يصيبه بالعدوى
ومن ثم، يتم خلق اتجاه عام في الشارع المصري، لا ينبع من الميول الحقيقية لأفراد المجتمع، وإنما يتم تكوينه بعدوى التصريحات والنقاشات الاعلامية
بالرغم من عدم وجود أدلة مادية على صحة التحليل السالف ذكره، إلا أنني أحبذ اعتماده مؤقتا لتفسير اتجاهات وظواهر شاذة مثل الطائفية والعنصرية
لولا مراعاة الصداقة لاستشهدت بعينات من الحضور الذين نعلم تاريخهم الفكري والذي تناقض في بعض الاحيان مع اندفاعات نزقة لمواقف تأثرت بعدوى الرأي
وإذا سلمنا بصحة الفرضية الآنفة مؤقتا، بقي أمامنا مسألة منطقية تحتاج للدراسة والتقييم، ما هي الجهات المسئولة عن تخليق تيار عام زائف؟
إذا تمكنا من تحديد هذه الجهة، ومعرفتها على وجه الخصوص، سنتمكن من معرفة أسباب خلق تيارات هدامة وزرعها بشكل اصطناعي في المجتمع
يمكننا بسهولة تتبع الجهات المسئولة عن الإعلام التقليدي، ومن ثم تحليل المادة التي تقدمها، ومعرفة أهدافها، ثم التصدي لها طالما أنها هدامة
إلا أن المشكلة الحقيقية تكمن في الإعلام الشعبي، والذي يبدو أنه أصبح أكبر تأثيرا في الآونة الأخيرة،
فإن تتبع الجهات المحرضة على نشر فكر معين عبر وسائل الإعلام الشعبي، والشبكة الإلكترونية بشكل عام، أمر في غاية الصعوبة إن لم يكن مستحيلا
وإيمانا منا بحرية التعبير، فإننا نأبى أن يتم تتبع العينات أمنيا، كما إننا لا نثق في جهاز الأمن البتة. لذا فإننا مضطرون للجوء لتحليل الخطاب
وحتى يفي تحليل الخطاب بالغرض المطلوب، دون الوقوع في الأهواء والانحيازات، علينا عرض الخطاب الواحد على أكثر من محلل ينتمون لتيارات عدة
في المجتمعات الاستهلاكية، الشعوب تنشغل بما يشغلها به الإعلام، ولا أحد يفكر بشكل مستقل تأملي نظرا للانشغال بالسعي وكسب الرزق
فإذا أضفنا نسبة الأمية، وتدهور التعليم، تمكنا من تشخيص مستوى التسطيح للمواطن والذي يجعل عقله بعد ذلك لقمة سائغة للبرمجة
إلا أن الفضاء المفتوح جعل تتبع الجهات المسئولة عن توجيه عقل المواطن واهتماماته أمرا غاية في الصعوبة
وإذا ما ابتغيت تتبع الجهات المستفيدة والموجهة عبر تحليل الخطاب والظرف الآني في الساحة السياسية اتهمت بالتخوين والتدخل في النوايا
الإعلام الشعبي، او الشبكة العنكبوتية، غدت أوسع تأثيرا حتى على الإعلام التقليدي، الأمر الذي ينذر بخطر التعرض لمؤثرات غير محمودة
وحتى لا يفهم من كلامي أنني أدعو لمصادرة حرية التعبير عبر الإعلام الشعبي، أقول بأن التتبع الأمني ليس هو الحل بل إنه التعقيد
وإنما علينا اللجوء لتحليل الخطاب، دون الاستجابة لتهديدات الإرهاب الفكري التي تتهم كل متتبع بالتخوين والانصياع لنظرية المؤامرة
لقد درسنا في الدراما أن ما يعبر من القلب يسهل وصوله للعقل وليس العكس، ومن ثم، فإن إثارة المشاعر حتى لدى المثقفين تسهل توجيههم
لا أعرف سندا علميا لتجاهل نظرية المؤامرة، الواقع أن هناك جهات متصارعة متعارضة المصالح، من الطبيعي ان تضع كل جهة خطة لكسب المعركة
علينا اتباع بعض الخطوات، اولا: تجريد الخطاب وفصله عن الشخص، ثانيا: عرض الخطاب على عدة عقول
إذا تمكنت من اثارة مشاعر قلة من المثقفين، ولنقل فرد واحد، ستتمكن من التأثير على عدد كبير من المتعلمين مما يؤثر على كل الجهلاء
وعن المؤامرة الكونية تقول أوشة أخت مليجي:
لا يمكننا الجزم بوجود هذا النوع من المؤامرة او عدم وجوده، نتعامل مع الحقائق العلمية التي تؤكد وجود قوى متصارعة تخطط لاهدافها
أنا لا أتحدث عن خطاب متطرف، أو أي خطاب بعينه، وإنما أعتقد أننا علينا تحليل كل الخطاب المؤثر وما يسمى بالهوجات من كافة الاتجاهات
ولنضرب مثالا ببعض الحملات التي انضممت إليها أنا، حملة القمح على سبيل المثال، على العقلاء من المتابعين تحليل خطاب الحملة
ودراسة فحواه، وأهدافه، والجهات التي يخدمها، بمنأى عن الأشخاص الذين يطلقون هذا الخطاب، وبذلك يمكن دراسة الحملة دراسة وافية
واهدافها، وافتراض الجهات المحركة لها، ومدى سعة انتشارها، ومدى فشلها ونجاحها، ومن ثم رصد بعض الاتجاهات وهكذا
------------
كانت معكم من موقع العصفور المغرد مراسلتكم: أوشة أخت مليجي
وقد تم تدوين الرسائل على المدونة، حيث أن الأطروحة الآنف سردها مازالت محلا للبحث والاختبار، فارتأت أوشة أخت مليجي، حفظ ملاحظتها لدى جبهة التهييس الشعبية إذ إن موقع العصفور المغرد يخلو من الأرشيف
سنوافيكم بتطورات الأطروحة حال توصلنا لمعلومات جديدة

أنا مع الرصين

لقد مللت الشخصيات الشاذة التي تتكأكأ على مدونتي ومقالاتي، ويصرون على التعليق والنقاش، بينما لا تجمعنا أرضية مشتركة يمكن أن نتحاور إنطلاقا منها، كما حدث تطور هائل في شذوذ الشخصيات الواقعة على رأسي مثل شرفة أسمنتية متهالكة وقعت على رأس مواطن مسكين، مدني، أعزل، حتى تحولت إلى أكبر جاذب للفصاميين، والعصابيين، وأصحاب الضلالات، وضحايا السكيتزوفرينيا، فلم تعد مواساة الثلة العاقلة تجدي نفعا ولا تطبب جرحا، بل إن بعضهم عاف التعليق على مدونتي، بينما تمسك النزر اليسير منهم بتربيت على كتفي في تعليق ثم الهرب سريعا قبل أن تصيبهم شظايا أحد المعلقين المنتمين لفريق: وآدي رقصة المجنونة يابا يابا ع اللمونة.

أثبت لي فريق العمل السلفي، القائم على التعليقات بمدونتي، ومقالاتي، وتويتاتي - عادة ما يدخلون في مجموعات إذ أن يد الله مع الجماعة - أن زميلي الذي يعتقد بأن الدين الصواب هو ديانة أحمد عدوية الجزء الثاني، وأن السادات لم يمت، وأنه قتل بيل كلينتون بضربة واحدة، وأن أوباما هو جمال عبد الناصر، هذا الزميل العزيز، هو شخص طبيعي جدا، يوجد في الأسواق ألوان من البضائع المستنسخة منه، بل وربما جرى عليها من التحديث والتطوير ما يجعلها تحفة فنية بديعة.
هذا، وقد أكد بلال فضل أن الكاتب الذي لا يخسر جزءا من قرائه مع كل مقال، عليه ألا يرضى عن نفسه، مما أذهل خاطري، وأثقل قلبي حزنا وهما، فإنني مع كل بوست وكل مقال أكسب مجموعة من القراء الناقمين الساخطين على حظهم العاثر الذي جعلهم يولدون في زمن ولدت فيه مخلوقة مثلي، ويأخذون عطلة من أشغالهم فقط ليتركوا تعليقات فحواها الهلوسة وهدفها اللا شيء ومجملها أنهم غاضبون مني لسبب ما. 

وبعد أن حار عقلي، وخلب لبي، وأسقط في يدي، أرسلت بريدا إلكترونيا لعمرو غربية أسأله: يخلصك إنت يا عاطف؟ وأرفقت بعض الروابط التي تلخص ما أكابده وألاقيه، فما كان من عمرو غربية إلا أن أجابني قائلا:

معلش


أصلك مش مملة و ينفع يقروك. خليك رصينة و مملة كدا و مش هييجوا لك.


خليك... مع الرصين
-------
أيها الأخوة المواطنون، لقد اتخذت قرارا أرجو منكم أن تساعدونني على تنفيذه، إنني أعلن من منبري هذا خلف شاشة الحاسوب الآلي، أنني من الآن فصاعدا مع الرصين. عسى الله أن يرفع عنا الغمة، ويطعمنا بعض الرضا عن النفس، والسلوى في الكرب.
هذا وبالله التوفيق، وحسبي الله ونعم الوكيل فيك يا فخري
مقدمته لكم:
جبهة التهييس الشعبية/ أوشة أخت مليجي

امال الخناقة كانت على ايه؟

د. العوا بيقول عندي معلومات ان كاميليا لم تسلم ابدا

والبابا شنودة بيقول كاميليا ما اسملتش

خلاص مصدرين موثوقين بالنسبة للطرفين بيأكدوا ان كاميليا يا عيني عليها لم تسلم

امال الخناقة كانت على ايه؟

الخناقة شخصية، بين العوا والبابا

طب واحنا مالنا؟ خبطوا في بعض هم الاتنين

طب واحنا ذنبنا ايه؟ 

نعزمهم على الغدا ونصلح بينهم

بس انا كاميليا دي صعبانة عليا.. متجوزة راجل واضح انه حاجة صعب خالص، والدليل رد فعله على غيابها، قوم مظاهرات، اللي يجنن بلد مش حيعرف يجنن مراته

راحت يا قلب امها اخدت في وشها وقعدت عند قريبتها

قام قالوا لها انت طفشانك من البيت عمل فتنة طائفية وفيه مظاهرات في الكنيسة

قامت رجعت 

قام قامت مظاهرات تاني لما رجعت

قام قالوا لها رجوعك للبيت عمل فتنة طائفية، طلعي شريط خليهم يسكتوا

قامت يا قلب امها طلعت شريط عشان يسكتوا

قام عملوا مظاهرات تالت

بس كله خير يا كاميليا، كله خير يا حبيبتي، شوفي ربنا عمل كده عشان يرضيك بعيشتك، انت طفشتي من جوزك عشان مجنون، قام ربنا عمل ده كله عشان يثبت لك ان البلد كلها مجنونة.. ما تزعليش بقى، هو ده الصنف المطروح في الاسواق ارضي بقى بنصيبك يا بنتي وربي ابنك,,, حنعمل ايه؟ ادي الله وادي حكمته

يعني جوزها المجنون ده، ما كانش عارف يتصل بقرايبها قبل ما يقدم بلاغ ويقول المسلمين خطفوا مراتي؟ ما كانش عارف حتى يلف عليهم في البيوت بدل ما يعمل مصيبة؟ والبنية يا قلبي اتبهدلت، وناس قعدت تمقق في صورها، وفي وشها وبقت فضيحة بجلاجل

معلش يا بنتي، معلش يا حبيبتي.. نصيبك.. ومش نصيبك لوحدك، ده نصيبنا كلنا

دلوقت الخناقة شخصية ما بين البابا والدكتور العوا

لا البابا عايز يعترف ان مظاهرات الكنيسة غلط بينما متضايق من مظاهرات الجوامع

ولا العوا عايز يعترف انه مالوش حق يقول الكنيسة فيها سلاح

ومتضايقين من بعض، طب احنا مالناش صالح بالخناقة دي

صلوا ع النبي بقى انتوا الاتنين، موسى نبي عيسى نبي محمد نبي، او اتخانقوا، بس احنا مالناش فيه

فين بقى ابو يحيى وابو محمد اللي طلعوا زي الخوازيق دول؟ حد يقبض عليهم ويعلقهم من ودانهم

الغريبة ان د. العوا والبابا شنودة متفقين في الآتي:

حوار الاديان لا يكون في الصحافة، والهدف منه التفاهم لا اشعال الفتن

يجب على الطرفين احترام عقيدة الاخر

والعوا قال باللفظ: لا المسيحي يقول لي انكار الصلب ضد عقيدتي ولا المسلم يفضل يكرر على المسيحي انجيلك محرف انجيلك محرف

كاميليا ما اسلمتش

ما فيش داعي للغط اللي حصل

المسلمين والمسيحيين يجب ان يتعايشوا ومافيش عندهم خيار تاني

العيش واحد حاجة والدين في القلب

طيب متخانقين على ايه؟ لما متفقين في كل النقاط دي؟ متخانقين على ايه؟ 

متخانقييييين على ايييييييييييييييييييييييييييييييييييه؟

واحنا ذنبنا ايه؟  

طل ملوحي ماتت ولا عايشة؟

 تحديث:
بالنسبة لبحر الظلمات الميل بتاع سفارة سوريا في مصر عمل فيلير
انا جبت موقع وزارة الداخلية وبعت شكوى في حتة ارسال الشكاوى لو سمحتوا ابعتوا الالتماس هنا
حادور على وزارة الخارجية واجيب لكم اللنك
لا مافيش وزارة خارجية، مافيش، ده ميل الاذاعة والتلفزيون السوري
--------
النظام السوري ملزوم يظهر طل زي ما كاميليا ظهرت في الفيديو كده، ويبقوا يقولوا بقى حسنة ولا مش حسنة، المهم هو مش حر فيها، على الاقل لو ماتت نعرف لها جتة، ولا حتى امها تعمل عزاها

مش معقولة بحر الظلمات ده

يعني ايه امها مش عارفة هي فين، وخلف ده يقول "الفرس الصغير مات" والعملية في النملية، ايه ده؟ هم عايشين في المغارة؟ 

لو ماتت يتعلموا من نظامنا ويضربوا شهادة طبية ويقولوا جالها الزايدة الدودية، بس امها تعرف مصيرها

ولو عايشة على الاقل يسمحوا لامها تقابلها وتطلع تقول لنا انها قابلت بنتها وانها بخير وعايشة، وامها مش حتقول اكتر من كده لما تشوفها، هي عارفة ان بنتها اسيرة

ده موقع السفارة السوري، عايزاكوا كلكوا تبعتوا ميلات مناشدة وتتصلوا بالارقام الموجودة اننا نعرف مصير طل الملوحي وهل هي عايشة ولا ميتة، ولو عايشة امها تزورها، مرة واحدة بس، تشوف بنتها مرة واحدة بس وتتأكد انها على قيد الحياة ومش حناخد كلام غير من امها

مش حناخد كلام غير من امها لان الكل دلوقت بياكل عيش على قفا البنية وبيسترزقوا من وراها

ولما بس نطمن على البنت ونعرف مصيرها يبقى لنا كلام تاني

عشان طل الملوحي مش الوحيدة اللي في سجون سوريا، وطل الملوحي مش المدونة الوحيدة اللي اتقبض عليها في سوريا، ونظام سوريا مش فجأة سنة 2010 وبعد مفاوضات واشنطن بقى ديكتاتور، طول عمره كده

بس نطمن على البنت الاول

انا حابعت الميل اهو، ومن بكرة الصبح كلنا نتصل بسفارة سوريا على التليفونات

ارجوكم، مافيش حاجة تخوف في الموضوع ده، دي حتى سوريا يعني، ما هياش امريكا ولا اسرائيل، مافيش مدعاة للخوف، السوريين بس هم اللي لهم حق يخافوا، لكن اي مواطن عربي ما يخافش، اعتبرها بنتك، اختك، زميلتك، دي بنت كويسة، ونشطاء في مصر كتير يعرفوها، وما عملتش حاجة، ولو عملت حاجة، يا سيدي افرض انها اتجسست لاسرائيل، دي عيلة عندها تسعتاشر سنة، امها تعرف بس هي من اهل الدنيا ولا من اهل الآخرة
اه.. حاجة كمان، اللي عايزين طل تطلع فعلا باخلاص هم اللي يبعتوا، بمعنى ان الرسالة يبقى هدفها اننا نعرف مصير طل، مش واحد بيسجل مواقف على قفا البنت وما يهموش انشالله تولع بجاز وسخ، المهم هو يعمل بطل
مناشدة اننا نعرف مصير طل وبس، البنت في ايد ناس الله اعلم حيعملوا فيها ايه
تصحيح:
رقم التليفون اللي موجود في اللنك غلط، ارقام التليفونات اهي
0237495210
0237495214
ومواعيد العمل من تمانية صباحا لاتنين ظهرا
وملحوظة تانية وتاني:
انا مش حاقف وقفات احتجاجية قدام السفارة السوري لاني صدقا عايزة البنت نعرف مصيرها وعايزاها تخرج، مش عايزاها تولع بجاز وسخ عشان ازايد انا واخوفهم اكتر واخليهم يخفوها اكتر واكتر ويمكن يلبسوها مصيبة كمان

عااااجل: انا مفلوقة من العياط

كنت نازلة الشغل في امان الله جالي تليفون نقل نص التطورات اللي حصلت في قضية الشيخ محمد عزت محمد خضر وهو الشيخ اللي من كفر البطيخ ومحتجز بلا سبب ولا تهمة وقدم تظلمين وافرج عنه واعيد اعتقاله في المرتين

زي ما نقلت لكم شكوى الزوجة

حانقل لكم نص اللي حصل مع الشيخ محمد عزت محمد خضر

اللي حصل انه قدم تظلم تاني وافرج عنه تاني وتم نقله من امن الدولة بالقاهرة لامن الدولة بدمياط

زي ما هو موجود في اللنك الراجل ده عنده سبع امراض، وهو محجوز في امن دولة دمياط المفروض انه كان بيستعد لانهاء الاجراءات عشان يخرج، جاله نزيف، فقال للسجان انا عايز اروح المستشفى لاني معايا الادوية بتاعتي بس جالي نزيف وحاسس اني محتاج اسعاف

فالسجان قال له الظابط بيقول اوامر من فوق انك ما تروحش المستشفى، قال له طب خليني اقابل الظابط ده

غموا له عينيه وبعدين دخلوا بيه على مكتب طبعا هو مش عارفه بس عرف من الصوت انهم اتنين، غالبا اتنين ظباط

واحد منهم قال له: يا شيخ محمد انت راجل محترم، ومثقف، ومستواك الفكري مرتفع، وكنت مؤدب، ايه اللي خلاك تتجاوز وتروح للصحافة والنت والجزيرة؟ انت مش عارف ان كل ده ولا يفرق معانا في حاجة؟ احنا اللي حاكمين البلد، واي حاجة ضد النظام مش حتمشي يا شيخ محمد احنا عايزينك تعقل

- اعقل ازاي يا باشا؟ اللي اقدر عليه عملته، صحيح مش حاطلع بمقال ولا ببرنامج، بس الرسول امرنا بالاخذ بالاسباب ودي الاسباب اللي في مقدرتي اني اعملها

الظابط 2: انت عايز تطلع يا شيخ محمد؟

الشيخ محمد: طبعا يا باشا

الظابط2: وعايز ترجع تخطب تاني الجمعة؟

الشيخ محمد: ياريت

الظابط 1: بس الناس بتحبك يا شيخ محمد

الشيخ محمد: الحمد لله

الظابط 1: الحمد لله ازاي يا شيخ محمد انت كده عملت لنا مشكلة.. ما تبقاش تصلي الجمعة في جامع كبير يا شيخ محمد، ابقى صلي في جامع صغير، وبعدين احنا مش كنا منعناك من الخطبة؟ تقوم تقرا آيات تخلي الناس تعيط؟

(الشيخ محمد صوته حلو)

وتطول في القراءة؟ يعني انت بتتحايل علينا؟ انت مش عارف احنا مين؟

الشيخ محمد: طب ايه رأيك يا باشا ما اصليش الجمعة خالص

الظابط1: لا انا ما اقدرش اتحمل الوزر ده.. احنا بس عندنا مشكلة انك عامل لنا بلبلة

الشيخ محمد: انا عامل بلبلة؟ يا باشا انا باخطب في الدين، ومش بادخل في السياسة، وبأمر الناس بصالح الاعمال، والحمد لله عملنا جمعيات خيرية، وأصلحنا بين عائلات كان بقالها سنين مش بتكلم بعضها

الظابط 1: عليك نوووور، مش عايزينك تصلح بين الناس تاني

الشيخ محمد: حضرتك مش عايزني اصلح بين الناس تاني

الظابط1: خالص يا شيخ محمد، ما تدخلش في المصالحات نهائي والا حتئذي نفسك

الظابط 2: قلت لي بقى انك عايز ترجع تخطب تاني

الشيخ محمد: يا ريت

الظابط 2: ماشي، ايه رأيك احنا حنخرجك ونرجعك تخطب الجمعة تاني، بس فيه تلات شروط: اولا: تهدا على نفسك شوية، مافيش احسن من الهدوء، يعني بلاش الحماس اللي في صوتك ده وانت بتتكلم، ثانيا: في مواضيع خط احمر ما تتفتحش، احنا اللي حنقولك تخطب في ايه كل مرة وموضوع الخطبة وتقول فيها ايه، ثالثا: تخلص الخطبة وتروح بيتك على طول ما تقعدش في الجامع

الشيخ محمد: طب ماهو حضرتك انا عندي اقتراح احسن، ما اخطبش خالص، اقعد في البيت، اكمل الماجيستير والدكتوراه بتاعتي دي قدامها ولا عشر سنين

الظابط2: ما الناس حتجيلك البيت

الشيخ محمد: طب انا ممكن انزل دمياط البلد، حاسيب امي العيانة واسيب حياتي واخد ولادي ونسيب كفر البطيخ خالص

الظابط1: ماشي

الظابط 2: ماشي ايه؟ لا لا لا لا.. احنا عارفين نلمك في كفر البطيخ لما تروح تعمل لنا مشكلة في دمياط البلد؟

الظابط1: ماهو انت مش حتعمل حاجة في دمياط البلد يا شيخ محمد مش كده؟

الشيخ محمد: ايوة يا باشا

الظابط2: لا برضه

الشيخ محمد: يعني لا ولا اه؟

الظابط1: بص يا شيخ محمد، سيبنا نفكر، وحنعرض الامر على عقلنا وقلبنا ونقول لك

(ملحوظة: الحوار منقول بالنص، وقالوا له عقلنا وقلبنا)

كل ده وهم مغميين عينيه وبشربوه نعناع والراجل عنده نزيف اساسا

الشيخ محمد: طب انا عايز اروح المستشفى دلوقت انا عندي نزيف

احد الظباط: طب ثانية واحدة

جه حد اخده وهو مغمي كده ودخله مكتب تاني، لما دخل المكتب التاني، قيل له انه في مكتب رئيس الامن في دمياط، والله اعلم لانه اساسا ما كانش شايف حاجة

ودار الحوار الاتي:

الظابط: بقى بتشتكينا يا شيخ محمد

الشيخ محمد: انا باعمل اللي في ايدي عشان اخرج

الظابط: انا حاجيب لك من الاخر عشان ما عنديش وقت لك.. مافيش اي حاجة ضد النظام ده حتمشي في البلد، احنا اللي حاكمين البلد دي فاهمني

الشيخ محمد: يا باشا انا عملت ايه ضد النظام؟

الظابط: انت كويس يا شيخ محمد، والناس بتحبك، واحنا حنرجعك تخطب وتطلع شرايط وتعمل كل اللي انت عايزه

الشيخ محمد: يا باشا انا مستعد اسيب البلد، لا عايز اخطب ولا عايز اعمل حاجة

الظابط: لا حترجع وحتخطب وحتعمل كل حاجة، بس تنسق معانا

الشيخ محمد: ازاي يا باشا؟

الضابط: يعني الناس بتحبك، اولا احنا بس عايزينك تبعد عن العمل الخيري شوية، وتروح المسجد، انت الناس بتحبك وبتتلم حواليك، حتلاقي عيل جاي بيقول لك نفسي اجاهد، عيل بيكلمك عن ظلم الحاكم، بيسألك اسئلة سياسية.. مش حتعمل حاجة، بس تقول لنا اسمه، وما تخافش مش حيتئذي

الشيخ محمد: رب السجن أحب إلي مما يدعونني إليه.. يا باشا انت عايزني ابلغ في الناس عشان تعملوا فيهم اللي عملتوه فيا؟

الضابط: باقولك مش حيتئذي

الشيح محمد: لو كنتوا قلتوا لي الكلام ده قبل ما ادخل السجن كنت صدقت ويمكن كنت قبلت، بس بعد الجحيم اللي شفته هنا يا باشا اعمل في الناس اللي اتعمل فيا؟ انا باكلمك وانا بانزف يا باشا

راح الظابط شاتمه شتيمة قذرة اللي نقل لي ما رضيش يقول لي هي ايه، ورجعوه للزنزانة

وبعدين رجعوه من امن دمياط لامن الدولة في القاهرة

وانا باعيط دلوقت

ملحوظة: النص من مصدر شديد الثقة

وحسبي الله ونعم الوكيل

انا مش طالبة منكم حاجة.. مش طالبة منكم غير ان البوست ده يتوزع على اوسع نطاق، وربنا شاهد علي اني نقلت كل اللي جالي بامانة
تحديث:
عشان انا مشهدة عليا ربنا بس فيه جملة نسيتها في الحوار
لما الظابط الاخير عرض عليه انه يبلغ اسامي العيال اللي بتتكلم في السياسة وقال له مش حاعمل الناس اللي اتعمل فيا قال له حاجة كمان وغالبا هي دي اللي خلت الظابط يشتمه قال له:
انا واحد اكاديمي، نابغ في دراستي وباعمل ماجيستير، عايزني اشتغل عندك مرشد؟ ده ما يليقش بيا
ويمكن عشان كده الظابط شتمه لانه افتكره بيتنطط عليه

ونحن نحيي معاكم د.فريدلم هاوس اللي جه يهني ويبارك

المؤامرة الصهيونية المرة دي اللي اطلقها مش وائل خليل، وانما امي حبيبتي

لانها بتقرا الاهرام يا عيني

وهي اللي لفتت نظري

اتفضلوا:

أمسية ثقافية لتكريم نصر حامد أبو زيد
كتب ـ علي محروس‏:‏


في آمسية ثقافية سادتها المحبة والوفاء اقيمت تكريما للمفكر الراحل نصر حامد أبو زيد مساء أمس الأول بالمسرح الصغير بالأوبرا حضرها نخبة من المفكرين والمثقفين.

منهم زوجته د‏.‏إبتهال يونس ود‏.‏جابر عصفور رئيس المجلس القومي للترجمة ود‏.‏أحمد مرسي رئيس اللجنة المنظمة للحفل ود‏.‏عماد أبوغازي رئيس المجلس الأعلي للثقافة ود‏.‏شيرين أبو النجا ومني ذو الفقار ود‏.‏حسن حنفي ود‏.‏فريدلم هاوس ود‏.‏أمنة نصير ود‏.‏برهان غليون‏(‏ سوريا‏)‏ وعلي حرب وحسن ياغي‏(‏ لبنان‏)‏ وطالب المولي‏(‏الكويت‏)‏ والشاعر زين العابدين فؤاد وفيصل دراج‏(‏ فلسطين‏)‏ قالوا عنه إنه صاحب منهج علمي يجب أن تتواصل منهجيته من خلال الأفكار والنتائج العلمية‏.
------------

وكل ده بيؤكد ان وائل خليل ماهو الا "الاخ البلوجرز" كما قال اسامة سرايا، وان علا رامي كان لازم تتجوز ابو الليف

بس امي قالت لي ان في الستينات مفيد فوزي ضرب حوار مع جنرال موتورز

اه والله وكتب يقول: وقال الجنرال موتورز ثم نظر الجنرال موتورز

ونزلت في صباح الخير

عيب يا جدع احنا من زمان
بس انتوا اخدتوا بالكوا ان كل ده حصل في "آمسية"؟
------
الشخصية طلعت حقيقية، بس اسمه: فريد ليمهاوس
مش
فريدلم هاوس

الراجل اعتذر.. فيه حاجة تاني؟

البابا شنودة اعتذر، فيه ايه تاني؟ حتسكتوا ولا ايه؟ فيه حاجة تاني؟ اه فيه.. فيه، اقطع دراعي فيه، مش حيسكتوا ابدا الا العوا يطلع ويقول اسكتوا فيسكتوا

هو طالع التلات اما نشوف حيقول ايه

بس هو اصلا اصلا الموضوع ده مش حيتلم، ده حيتفتح مواضيع تانية، والناس بقت عاملة زي الفصل اللي المدرس بتاعه غايب ومشرفة الدور تحت بتشرب شاي

وعمالين تبالغوا في الفوضى لحد ما جمال مبارك يمسكنا ويعفقنا كلنا ونبص نلاقي نظام هتلر عشان ترتاحوا، واهي البشاير بانت اهي

واللي عملوا الفوضى والفتن بجد مش حيجرا لهم حاجة.. احنا اللي حنتعفق ويطلع ترابانتينا، والناس حتقبل عادي، ما التاريخ الاسود في التواطؤ الشعبي على القهر من ايام محمد علي يعني

يالا بالشفا الخازوق المغري

على الله العوا بقى يلم الموضوع ويدخل الكتاكيت بيتك بيتك خلينا نفضى لفورين بوليسي اللي بتقول لنا عسى ان تكرهوا شيئا وهو خير لكم دي

فورين بوليسي: عسى ان تكرهوا شيئا وهو خير لكم

تحديث:
د. العوا الثلاثاء في العاشرة مساء على حسب قول حسام عيد.. البابا شنودة امتى؟
تحديث:
ود. العوا كمان حيتكلم في العاشرة مساء.. لا اعرفوا لنا بقى البابا حيتكلم امتى، والدكتور العوا حيتكلم امتى عشان نعرف نتابع الجريء والجميلات.. ايه ده؟ هو انا مش امبارح قلت اذا كان بشوي مضايقكوا عشان مدب حيجيبوا لكوا شنودة؟ والنبي انا فيا شيء لله.. المهم، يارب ما يعرضوا الاتنين في نفس الوقت
العوا حيتكلم في العاشرة، بس الساعة كام بالتحديد؟ وشنودة الساعة كام بالتحديد؟
احنا عندنا ترمس كتير في البيت، ولب، بس ما عندناش فشار، ممكن ابادل شوية ترمس مع حد عنده شوية فشار
---------
احساسه ايه جمال مبارك والفورين بوليسي بتقول عليه: عسى ان تكرهوا شيئا وهو خير لكم

طب واحنا ذنبنا ايه يا امريكا يا بلد وسخة فعلا، بجد لو لبسونا جمال مبارك انا حاعلق صورة بن لادن على العربية وعلى الحيطة وعلى المدونة

مدونة؟ هو عاد فيه مدونات بعد ما جمال مبارك يمسك؟ ده احنا امبارح على التويتر لما قرينا مقال الفورين بوليسي جات لنا صدمة وقعدنا نتخيل كميات القمع والقهر اللي حنلبسها

طبعا.. حييجي بقى، ويقول لك البلد فوضى، اساسا هم عمالين ينخربوا في البلد، ويهبلوا فيها، ويعملوا حالات الفوضى، ويخوفونا بالفتنة الطائفية عشان والبلد بتقع خلاص الناس نفسها هي اللي تطالب بجمال مبارك

وساعتها بحجة الفوضى.... يا لهويييييييييييييي، حيشنبرنا كلنا

انا باقول لكوا الكلام ده وقلبي حاسس.. وبعدين ده بيحب هتلر يا جدعان، والله، بان قوي ايام ازمة الجزائر دي، بيحب هتلر

وله افكار نازية كده

احنا وقعنا

طب يجيبوا علاء، نبعت للفورين بوليسي نقول لها: إن مع العسر يسرا.. ممكن نجيب علاء اذا كان ضروري واحد الاي كيو بتاعه تحت تسعين يعني، هو لازم يبقى دمه تقيل كمان؟

وبيقروا لنا قرآن ليه؟ انا كنت حاسة من ساعة ما اوباما جه ختم لنا المصحف في جامعة القاهرة انه زي السادات، وبعد ما يعمل فينا العملة السودا دي حيقول: ربنا لا تؤاخذنا إن نسينا أو أخطأنا

المصيبة بقى اننا بتنا ليلة نعيط على ان كله حيغطس وان امريكا وافقت عليه، بما انها ولية امرنا يعني، صبحت الصبح لقيت بلال كاتب المقال ده

:(

طب الرئيس مبارك يترشح فترة سادسة.. طب ايه؟ وبقوا يقروا لنا قرآن من دلوقت؟

بالنسبة لمسلسل الجريء والجميلات بتاع الفتنة الطائفية اللي مش عايز يخلص، الازهر اخيرا صحي من النوم واستنكر، والبابا شنودة حيطلع يتكلم النهاردة... فاصل ونواصل

والنبي انا حاسة ان الفتنة الطائفية دي معمولة عشان نلبس الخازوق المغري وبمزاجنا

احنا بنهيب بالاخوة في سوريا لما القضا يلحقنا يبقوا يعملوا لنا حملة.. احنا جاملناهم، يجاملونا بقى... والنبي حتوحشونا كلكم.. مع السلااااامة يا المونياااااا

شرح العوا غلط في ايه

انا متفهمة تماما الناس مش شايفة تشابه بين موقف العوا وموقف بشوي 

لان هي دي الناس اللي مش شايفة تشابه ما بين بوش واوباما

لان الناس بتشوف ان الاشيك اكيد احسن، مع ان الاشيك مش بالضرورة يبقى احسن، ممكن اقول لك انت غبي، وممكن اقول لك: حضرتك ما بتفهمش

الاتنين معناهم: انت غبي

التوضيح ده ان شاء الله حاكتبه في الدستور عشان مساحة القراءة تبقى اوسع لاني مصدقة تماما ان الناس مش شايفة التشابه مش لانهم طائفيين، هم فعلا مش شايفينه

العوا راجل اكاديمي، مفوه، شيك من الاخر كده، حاجة فخيمة، بس هو قال فيه سلاح في الكنيسة

صحيح انه طرح فكرته على شكل تساؤل، وصحيح انه صاغ كلامه بشياكة مش زي بشوي اللي بيدب الكلام بشكل بدائي، بس عشان تعرف كلامه حلو ولا وحش، صح ولا غلط فيه حاجتين تعملهم دلوقت حالا وانت قاعد

1- رد فعل المهابيش على كلام العوا كان ايه

2- تخيل ان العوا اسمه تادرس وانه قال نفس الكلام بس شيل كلمة كنيسة والاخوة الاقباط وحط مكانها كلمة جامع والاخوة المسلمون

دلوقت اعمل كده

اقصد لو عايز توصل للحق

انا عملت كده، انا حاكدب وحادعي؟ لا مش حاكدب ولا حادعي، سمعت العوا اول مرة استشيكت الكلام

وبعدين رجعت فرغت البرنامج على الكمبيوتر، وقلبت الكلام، بجد.. مش الكلام اللي اتنشر في الجرايد، لان ده تفسير الصحفيين، الكلام اللي هو قاله، شلت كلمة كنيسة، وحطيت كلمة جامع، وشلت كلمة اقباط وحطيت كلمة مسلمين

ولما عدت قراية الكلام لقيت نفسي زعلت على روحي

يعني انا نفسي اهو باعترف اني غلطت في الحكم واني احتاجت اعيد النظر وافرغ البرنامج الطويل ده واعمل عملية الاحلال والتبديل دي عشان افهم الكلام صح، وباعترف لكم اهو ان اسلوبه المفوه المرتب بهرني في الاول

ماهم السفسطائيين كانوا بيكسبوا المحاورات بالطريقة دي، الواحد عايز الحق ولا عايز الشياكة

انا شلت كمان كلمة سلاح وحطيت مكانها خطف المسيحيات عشان اخلي الاحلال والتبديل اكثر واقعية، انا شخصيا بازعل قوي من كلام خطف المسيحيات ده لانها اتهامات باطلة ليس عليها دليل وعاملة زي اتهامات الاسود اللي في البدروم

خلاص كده؟

طيب بعد ما تعمل كده (انا باكلم ناس عارفة ومتأكدة انهم عايزين يعرفوا الحق مش عايزين يهللوا وخلاص، وعارفة ان فيه ناس بتقرا تانية مش حتعمل كده لان الموضوع بالنسبة لهم مش حق وباطل، هو مش عايز يسمع غير وجهة نظره، فالبوست ده مش موجه لهم، البوست ده موجه لناس معينة انا عارفاهم بالاسم وعارفة من خلال تعليقاتهم بيفكروا ازاي، زي مثلا المهدي ومش فاهمة على سبيل المثال لا الحصر، مش هم بس فيه غيرهم، بس دول اللي حاضريني) المهم

معلش عطلوا نفسكوا شوية، واعملوا الحكاية دي زي ما انا عملت، مافيش حاجة احسن من المذاكرة عشان الواحد يحكم صح

خلاص كده ذاكرت كلام العوا وعملت التبديل ده وشفت وقعه عليك ايه؟ مش لازم ابدا توصل للنتيجة اللي انا وصلت لها، انا باقول لك الطريقة اللي توصل بيها لنتيجة اقرب ما يكون للصواب بالنسبة لك انت، لان مش كل الناس بتزعل من اللي انا بازعل منه، المهم بس توصل لنتيجة حقيقية مافيهاش مؤثرات خارجية مثل نصاعة الاسلوب، وفصاحة المنطق..إلخ

هات بقى كلام بشوي، الكلام اللي انتشر ما عندناش للاسف تسجيل له

برضه اعمل نفس الحكاية، سواء في موضوع الضيوف ده، او في موضوع القرآن

واعمل عملية الاحلال والتبديل اللي باقول لك عليها، وحاول انك تخليها واقعية، يعني هو مثلا قال المسلمين ضيوف، حط مكانها المسيحيين اقلية، هو اتكلم عن القرآن وقال ان فيه اية محطوطة ايام عثمان بن عفان، شيل القرآن وحط كلمة الانجيل، وشيل عثمان بن عفان وحط مكانها مثلا قسطنطين

خلاص كده

بعد ما قريت بشوي بالشكل المعكوس ده، كام مسلم  بيقول نفس الكلام بقالهم خمس سنين دلوقت؟ انا عاداهم على فكرة

علينا اننا نتفق على قانون يسري على الجميع.. ده في حال ما اذا كنت مسلم بجد، اقصد مسلم متفهم للفلسفة الاسلامية، او لنقطة الانطلاق بتاعة العقيدة الاسلامية وهي العدالة ومن نقطة الانطلاق دي بيتسلسل ضفيرة منطقية زي شريط الدي ان ايه كده، وبيوصل في النهاية لنتائج معينة، وده حال كل العقائد، المهم يعني، نقطة انطلاقك انت كمسلم العدالة، العدالة لا تفرض عليك منهج معين، ولكن تفرض عليك نتائج معينة، وهي غير الحرية اللي مبني عليها المسيحية، العدالة تعني: اعمل اللي انت عايزه، اتبع المنهج اللي انت عايزه على شرط توصل في النهاية لنتيجة ان الناس سواسية كأسنان المشط وان المنهج اللي بتتبعه لا يؤدي في النهاية ان حد يجور على حق حد

صح؟

طيب، قدامك اختيارين دلوقت:

يا اما انت شخص روحك رياضية، لا تأبه للطعن في القرآن، ولا في الرسول، ولا في العقيدة الاسلامية

مش بتتضايق لو حد قال لك يا عباد الكعبة؟ يبقى براحتك قول يا عباد الصليب

مش بتتضايق لو حد قال على القرآن الخرفان؟ يبقى براحتك قول الكتاب المكدس

مش بتتضايق لو حد قال المسلمين بيخطفوا البنات بدون دليل ولا بينة واحدة؟ براحتك قول يمكن المسيحيين عندهم سلاح وانت برضه ما عندكش دليل ولا بينة واحدة

بتضايق؟

انا شخصيا باتضايق، بس مش لازم تبقى زيي، انا باتضايق لاسباب برضه لها نقطة انطلاق وتسلسل منطقي وصلني لنتيجة ان ده كلام يضايق، بس فيه غيري مش لازم يتضايقوا

لكن لو كنت بتضايق زيي، ما تقولش كلام يخلي الرد عليك جارح في حاجة عزيزة عليك

ربنا بيقول على المشركين، على اللات والعزى ومناة وهبل: ولا تسبوا الذين يدعون من دون الله، فيسبوا الله عدوا بغير علم.

يبقى منين سامح لنفسك تقول على الناس: احنا الاغلبية وكلامنا هو اللي يمشي، بكتابهم المكدس، وربهم الخروف، عباد الصليب، النصارى، اللي احتمال يبقى عندهم سلاح في البدروم؟

العوا ما قالش الكلام بالبدائية دي، ببساطة لانه مش بدائي، ربنا انعم عليه بالبلاغة والعلم والاسلوب المبهر، ينفع يستخدمه لصالح اثارة الناس وتجريح ناس تانية؟

طب ربنا ما انعمش على بشوي لا ببلاغة ولا علم ولا اسلوب مبهر، الراجل مدب، انتوا متضايقين منه عشان مدب ومش بيعرف يزوق اسلوبه، ولا متضايقين منه عشان فحوى كلامه؟ لو الحكاية كلها انه مدب، نجيب لكم البابا شنودة يقول نفس المعنى باسلوب لطيف ومبهر وببلاغة، المسيحيين مش حيشوفوا ان الكلام يضايق، المسلمين بس هم اللي حيتضايقوا مهما كان الكلام بليغ وناصع، وشنودة عنده من الذكاء اللي عند العوا، مش ذنب بشوي ان الاي كيو بتاعه منخفض، دي خلقة ربنا

احمد خالد توفيق قال العوا كلامه موزون بالمازورة، صح.. ده يحمله مسئولية اكبر، احنا بنلعب شطرنج ولا عايزين نهدي الناس، ايه الهدف النهائي؟ افهم بس الهدف النهائي من كلام د.العوا عشان نشوف الكلام الموزون بالمازورة ده يؤدي للهدف ولا يؤدي الى انه يبقى قرينة لامعة في ايد مشعلي الفتنة؟

اوعى حد يقول لي الهدف الحقيقة، عشان الحقائق يستدل عليها بالادلة الدامغة، مش بالظن، ولا بالتساؤل الملغم والمبطن بمعاني قد تستغل في اغراض اظنها منافية لاهداف العوا

اذا كان هدفه تحقيق المواطنة زي ما هو قال بنفسه، كان كافي انه ينتقد الكنيسة لعدم انصياعها لاحكام القضاء، وكان كافي انه ينتقد بشوي على كلامه دون الخروج باستنتاجات ملغمة مافيش عليها ادلة مادية زي امتلاك سلاح او الظن بامتلاك سلاح او التساؤل اذا كانوا يتملكوا سلاح

اللي قاله بشوي قلة ادب، بس قلة الادب تدفع دفعا في سكة امتلاك سلاح؟ على كده السلفيين عندهم ترسانة نووية بقى

من حيث ان بشوي بيوجه رسالة فحواها: بقالكوا سنة واتنين وخمسة تتريقوا على كتابنا وثالوثنا وصليبنا وفاكرينا ما عندناش لسان؟ لا عندنا لسان ونقدر نقل ادبنا، وعندنا منطق ونقدر نرد، وعندنا حجة ونقدر نجرح، مش عشان ساكتين نبقى ما نقدرش

بس دي رسالة ظالمة

ظالمة لواحدة زيي مثلا، انا مسلمة، آمل أن أكون مؤمنة، معتزة بديني، واخترته وانا في الجامعة بعد  ما قريت كذا ديانة بمحض ارادتي وحريتي، وعمري في حياتي، ولا حتى بيني وبين نفسي، ما حقرت ديانة، ولا عقيدة، ولا ايمان، عشان بسبب دراستي للاديان المختلفة بشكل مش بطال، وبسبب اني كنت باقراهم وانا فعلا مش عايزة اخد منهم موقف مسبق ولو طلع معاهم حق كان عندي النية وقتها اني اغير للديانة اللي باقراها، بسبب كده، ربنا قدرني اني اشوف نقطة الانطلاق، او اللبنة الفلسفية اللي بتنطلق منها كل عقيدة (بما في ذلك الهندوسية ولو اني تعبت قوي عشان اجيب مصادر لها) والتسلسل المنطقي اللي بيخرج من اللبنة دي والنتيجة النهائية اللي بيوصل لها التسلسل واللي بيؤدي حتميا لشكل الديانة

لو انت بتحترم عقلك حتحترم عقل غيرك، ممكن المنظومة كلها، او الدي ان ايه بتاع العقيدة الفلانية ما اقنعكش، بس هو مش بيقنعك انت لكن بيقنع غيرك، ومين قال لك انك انبه من غيرك ولا افهم من غيرك عشان تحقر منظومة فكرية اقنعته وما اقنعتكش؟

لو انت مؤمن صحيح مش حتحقر غيرك، مش بتحقر غيرك الا لما تكون مهزوز والمنظومة الفكرية اللي انت بتدعي الانتماء لها مش قادرة تقنعك بنفسها وبشكل مستقل، وعشان كده بتلجأ انك تحقر غيرك وتقلل من غير عشان تثبت لنفسك ان انت صح، لو حاسس انك صح فعلا مش حتحتاج تطلع غيرك غلط بالتحقير والتسفيه والاهانة، لو انت حابب اختيارك لنفسك مش حتحس انك بتكره اختيارات غيرك، لو انت فاهم عقيدتك ومتبنيها عن اقتناع مش حتستغبى غيرك، كل الكلام اللي بتقوله على غيرك ده كلامك لنفسك، لو مؤمن بعمق مش محتاج عناصر خارجية تقنعك ان انت صح بدليل ان اللي مش معاك في الفريق عبيط واهبل وحمار، مش بتحتاج تعمل كده غير لما تحس ان فيه حاجة غلط في الفريق بتاعك، فبتدور على اغلاط اكبر في الفرق التانية عشان ترتاح وتستكين.. جدد ايمانك، انت عندك مشكلة لو ده سلوكك

طيب انا ذنبي ايه يا بشوي، انا صدقا وعمقا فعلا باحترم الدي ان ايه بتاع الديانات التانية والعقائد التانية كمان بما فيها الالحاد، عارفة تركبيتها، ومش اختياري، ومش راكبة على دماغي، بس فاهماها ومحترماها

وعمري ما سكت على قلة ادب ولا تطاول على اديان الناس

ذنبي ايه انا عشان بتحدف ناس بتقول على كتابك مكدس انك تخبطني في السكة؟ ماهو ده نفس الحكاية لما ييجي حد يرد على بشوي يقوم ياخد كل المسيحيين بذنبه

زي ما المسيحيين بيتاخدوا بذنب الامريكان

زي ما المسلمين بيتاخدوا بذنب القاعدة

زي ما اليهود بيتاخدوا بذنب الصهاينة

انا اتاخد بذنب الحويني واتخبطت طوبة في دماغي 

والعوا كمان اخد المسيحيين بذنب بشوي وشنودة واتهمهم بحيازة سلاح والناس دلوقت اللي نازل عليها فتشوا الكنايس فتشوا الكنايس

ليه؟ ايه القرينة؟ فين السلاح بتاع المسيحيين عمرنا شفنا لهم سلاح؟ فين عقد توريد السلاح؟ طيب اللي عارف ان فيه سلاح شافه فين؟ في انهي كنيسة وانهي بدروم؟ 

مافيش

فيه بس ابن وكيل المطرانية هرب سلاح، طلع بمب ما طلعش بمب، طلع من الصين من اسرائيل، ما يخصنيش

هو ابن شيخ الازهر لو تاجر مخدرات يبقى بالضرورة المسلمين كلهم شمامين؟ بالضرورة الازهر مخبي مخدرات في البدروم؟

ابن وكيل المطرانية مهرب سلاح. نقطة من اول السطر، فين الدليل على ان السلاح ده اتورد للكنيسة؟ هو تاجر السلاح عنده دين؟ تاجر السلاح بيبيع للسنة والشيعة سلاح في العراق، بيبيع لحزب الله واسرائيل اثناء الحرب سلاح، وابن وكيل المطرانية لو تاجر سلاح، حيبيع للي يشتري، مش حيطلب منه البطاقة، حيطلب منه المعلوم

ومع ذلك، لو فيه نسخة لعقد توريد سلاح للكنيسة طلعوها

لو فيه مكان معين حد عارف ان المكان ده في كنيسة فيه سلاح، يطلع يقول اسمه الثلاثي ورقم بطاقته ويبلغ النائب العام عن المكان ويبقى مستعد ان لو ما لقوش السلاح في المكان ده يتحاسب بتهمة ازعاج سلطات واثارة فتنة طائفية

الكلام من غير قرينة شهادة زور

اظن اي مؤمن من اي ديانة يعرف يعني ايه شهادة زور.... ولا ما يعرفش؟

انتهى

عاجل: القبض على مجموعة من النشطاء اثناء تظاهرهم امام ستار باكس المهندسين

تحديث:
العيال خرجوا
اسماء النشطاء من احسان سلطان:

القبض على وسام عطا ومصطفى شرارة - محمود احمد - كامل عرفة - عبدالرحمن هانى - ياسمين الجيوشى - احمد عباس - سارة ابو زيد - نهى جيلانى - سلمى زكريا

دلوقت هم في قسم الدقي، معاهم تلات محامين عرفت اساميهم ومش فاكرة منهم غير احمد الجيزاوي، فيهم حد اسمه صقر وحد تاني ناسية اسمه، معلش السن بقى

وسنوافيكم بالاخبار

نداء الى اصحاب القلوب الرحيمة

انا عايزة مونولوج صغيرين صغيرين طب ما انتوا كنتوا قدنا

من فيلم قلبي دليلي

وحيث اني متخلفة كمبيوتر، فالفيلم اهو، الناس بتقطع المونولوج وتاخده تنزله على اليوتيوب، لو مش معوقة كمبيوتريا كنت عملتها

بس ارجوكم.. اتوسل اليكم.. بلييييز بليييييز انا منهارة، هاتوا لي المونولوج ونزلوه علا اليوتيوب، ربنا ما يغلب لكوا ولية، وبكرة تعرفوا ان العمل ده خدمة وطنية

ما تشيلوش الفشار واللب.. العوا ما تراجعش

صغيرين صغيرين طب ما انتوا كنتوا قدنا

بادور على المونولوج ده على اليوتيوب مش لاقياه، حد عنده المونولوج ده؟

المهم.. العوا طلع بيان  بيقول انه ما تراجعش

والله من وراء القصد

احنا حنبقى بغال من القعدة بالفشار واللب قدام الفيلم ده.. مافيش استراحة نعمل ستريتشينج طيب؟

بشوي والعوا يتحديان الملل

عثل يا اخواتي عثل

انا خلاص كده مش حاعرف اعيش من غيرهم هم الاتنين، حاعمل ايه دلوقت؟ ده انا باصحى كل يوم ادور على تصريحاتهم، بالذات تصريحات بشوي، جميلة جميلة

اولا العوا قال الكلام اللي قلته لصحفية الشروق ما كانش للنشر ههههههههههههههههههههههههههههههه اما بت غلسة صحيح، الراجل بينم معاها ويتفك معاها بكلمتين تقوم تنشرهم؟ وقال ان الناس فهمته غلط في حوار الجزيرة

هو عموما في حوار الجزيرة فعلا كان مثير لكن ما قالش نصا الكنيسة فيها سلاح، عملها كأنها تساؤل، بس تساؤل منيل طبعا، لكن حطها في شكل تساؤل

فالراجل يعني ما كانش بيتهم الكنيسة بامتلاك سلاح، ده كان بيسأل بيسأل.. هو السؤال حرم؟ ياباي عليكم.. قاعدين على الساقطة واللاقطة كده؟ بس تاني مرة ما تنمش مع حد ما تعرفوش على حد مش موجود، عاجبك كده؟ اهي الصحفية نقلت لهم الكلام وبقت بوليكة، عامل زيي والله، كل ما اتكلم على حد من وراه اتلفت الاقيه واقف ورايا وسمع كل حاجة هههههههههه ربنا بيعاقبني، عشان كده حرمت وبقيت اقول كل حاجة في وش كل الناس

واتضح برضه ان الناس فهمت بشوي غلط

ده حتى بيدافع عن الاسلام في المجمع الكنسي وبيقول لهم ماحدش يغلط في الاسلام والمسلمين، مهما كان دول عشرة عمرنا وابو ولادنا، والصحافة هي المسئولة، هي اللي فهمت غلط، لان الحوار كان هادئ، يبقى ازاي الحوار هادئ وهجوم على الاسلام؟ 

صحيح، الراجل عمر ما الواحد سمع حسه بيزعق ولا حتى بينادي على بتاع القوطة من البلكونة، يبقى ليه تقولوا على الحوار الهادئ اللي صوته واطي انه هجوم يا كفرة يا كفرة

طب ايه؟ اتصالحتوا كده يا شباب؟ ولا حتعملوا حاجة تاني؟

لا حتوحشوني، اوعوا تغيبوا، انا صحيح كنت قلقانة من الفتنة بس بعد شوية ادمنتكوا، مش عارفة مين حيسليني بقى بعد ما تمشوا

ممكن تعملوا تشانل على اليوتيوب وتقولوا فيه الكلام بتاعكوا عشان نتسلى وننبسط؟

جبت التايهة يا نعيم يا قاسم

الا صحيح، الناس كلها ماسكة في خناق بعض فجأتن وكأنها.. وكأنها.. كحة شيطان.. مشيها كحة

السنة والشيعة اتخانقوا في الكويت عشان عيل اهبل شتم السيدة عائشة

المسلمين والمسيحيين اتخانقوا في مصر عشان راجل اهبل بلغ ان المسلمين خطفوا مراته

المسلمين والمسيحيين اتخانقوا حتى في امريكا عشان معتوه اهبل قال حاحرق القرآن

كل الحاجات دي فجأتن كده وفي نفس التوقيت؟ 

الشيخ نعيم قاسم من حزب الله قايل كلام لوز هنا واخر براجراف بقى جايب التايهة، كل الناس ماسكة في خناق بعض وعملية بيع فلسطين بتتم على قدم وساق وماحدش واخد باله

صحيح.. ما جاتش في بال حد دي يا عيال، اوعى حد يقول نظرية مؤامرة، اذا ما كانوش يتآمروا عشان مشروع حياتهم، وطوق النجاة لشعبية اوباما، وتسليم اخر مفتاح من مفاتيح فلسطين لاسرائيل، وكمان بيخططوا للبنان وسوريا عشان يقفلوها خالص، ونتانياهو قال مانيش قايم قبل ما تشوفوا لي حل في سوريا ولبنان ونخلص ليلتهم بقى خلينا نفضى لايران (سوريا.. ها؟ سوريا اللي فجأة اكتشفتوا ان فيها معتقلات، ما المعتقلات دي من ايام الملك خشبة) ولو تلاحظوا مافيش حس للصهاينة خالص في الليلة دي، الخناقة كلها ما بين المسلمين وبعض، ومابين المسلمين والمسيحيين، الا ما شمينا ريحة يهودي في الموضوع، ايوة باقول يهودي بما ان الخناقات كلها دينية ومذهبية، ده حتى بشوي ما سابش طايفة مسيحية الا ومسح بيها البلاط وما جابش سيرة اليهود خالص، الا الراجل مدام مهبوش كده وبيقول البت ووتر جتة الصايعة بتاعة الشوبان والكاتوليك المشركين الكفار، ده كلامه عن المسلمين الطف كلام يعني، ما فاتش بالمرة على اليهود ليه؟ اشمعنى دول وقعوا من قفته مدام ماشي يهبش يمين وشمال؟ والعوا عمال يتكلم عن سلاح الكنيسة والناس رايحة تقفل كل حاجة عن سلاح المقاومة، ومبارك سايبنا نولع بجاز وسخ، عشان ابنه طبعا، الا احنا مش متعودين ان مبارك بيرفع سماعة التليفون ويقول اسكتوا يا عيال قوم العيال يسكتوا؟ مش هو اللي قفل على موضوع وفاء قسطنطين وقال الموضوع ده ما يتفتحش تاني قام اتقفل؟ اشمعنى المرة دي سايبنا مطرح ما نحط راسنا نحط رجلينا

في كل الهلولة دي حد عارف ايه اللي حصل في المفاوضات؟ 

انا بقى اقول لكوا ايه اللي حصل في المفاوضات، عباس قال مستعد اعترف بيهودية الدولة لو حيعملوا لنا دولة فلسطينية

ونوفوستي بتقول صفقة جمال مبارك تمت خلاص

والواد اوباما حيموت وينجز الليلة دي لانه على حافة الهاوية وهو عايز يترشح تاني

اوعى وشك بقى

خليكوا في ياسر الحبيب ودقن كاميليا، وعلى رأي مبارك، الولعة دي مش عندنا احنا بس، ده في كل العالم، ودايما ابطالها مسلمين، واليهود مختفيين من الصورة، ليه بقى؟ ده حتى اليهود متعودين على الشتيمة وكل الناس طالعين شاتمينهم نازلين شاتمينهم يا قلبي.. اشمعنى المرة دي ماسكين في بعض وناسيينهم؟

انا ما اعرفش واحدة اسمها سها يا مصححي الدستور

فيه شخص ما في التصحيح في الدستور بيكرهني، اه والله، بيتعمد يكتب لي حاجات في المقال عشان يضحك عليا الناس

مين سها؟ سها مين؟

انا كاتبة: سهي عليهم.. يقوم يعملها لي سها عليهم؟

هي سها يسهو، بس دي للفاعل: سها محمد

لكن: سهي على محمد

وقبل كده كتبت: شروى نقير، عملوها لي: شرا ونقيرا

مين شرا ونقيرا دي ؟

وكتبت سعد نبيهة، عملوها لي: سعدنا بيهه

وحاجات كتير بالشكل ده، ده مرة كتبت ايعاز عملوها لي ايعاذ، ومرة كتبت النزر اليسير عملوها لي النذر اليسير، نذر ليه؟ ربنا ما يجيب نذر، نزر يعني نصيب، نذر يعني انذارات، حكمة بالغة فما تغني النذر، بس انا بطلت اكتب النزر اليسير دي خالص لان كل الناس بتكتبها النذر اليسير، كل الناس، كل الناس كل الناس، المصححين في كل حتة في الدنيا بيكتبوها النذر

كرامتي وجعتني قوي، لان اكيد القراء حيقولوا: البت الحمارة دي ما اخدتش الابتدائية؟

بس دي مقالب، لان مصححين الدستور كويسين، طب ليه المقالب دي؟ لو متضايق مني يقول لي شايل مني في ايه؟

سلاح الكنيسة/ ابراهيم عيسى واون تي في

الشق الاول:

اللي عنده دليل مادي يقدر يتقدم به للنيابة ان الكنيسة عندها سلاح، يتفضل يقدمه، ولو النيابة تجاهلته او غطت على الكنيسة انا مستعدة انشرهوله

انما ان الناس تدور تتهم الناس بالباطل ومن غير دليل بالطريقة دي، ده قرف، وما بقاش هزار، الاول الواحد كان بيتعامل مع الاقاويل دي على انها مضحكة زيها زي اشاعة الاسود اللي في البدروم والسحر اللي بيرميه المسيحيين للمسلمين على العتب والتفة اللي بيتفها القسيس في عجينة القربان، لكن دلوقت الموضوع اخد منحنى خطر.. هدئ السرعة

يمين بالله اللي حيهلفط في موضوع السلاح ده لابلغ فيه البوليس، البينة على من ادعى واليمين على من انكر، يا ناس يا مؤمنة يا مسلمة يا محترمة، قول الزور، قول الزور، قول الزور، اللي ما عندوش دليل وما شافش بعينه يبقى بيشهد شهادة زور، اتقوا الله، اتقوا الله، قول الزور جاي مع الشرك بالله، مش كل ما بشوي يهلوس الناس تقول السلاح اللي في الكنيسة، بشوي ده واحد فرحان بالشهرة وكل ما يخرف تخاريفه الناس تنشر له كلامه، فلقى ان التخاريف بتشهره، وعمال يتكلم على الشورت اللي بتلبسه جويس ماير والسجاير اللي بتدخنها والبروتستانت اللي بيغروا الشباب الارثوذوكس بحمامات السباحة المشتركة ههههههههههههههههههههههههههههههههه ووتر جتة الصايعة بتاعة الشوبان، الراجل ده مش معقول، مش معقول مش معقول مش معقول

والله لولا ان البلد مش مستحملة كنت انا رحت بنفسي وقعدت اسلي روحي بكلامه واضحك، فيه رجل دين يخوض في اعراض الناس؟ هههههههههههه عسل والله عسل

بس مش طالبة العسل الاسود في الظرف اللي احنا فيه، ودي مش اول مرة يهلفط، قبل كده في مكتبة الاسكندرية حضرت له محاضرة قال فيها كلام لوز لوز لوز، بس ما كانش الاحتقان واصل للمستوى ده، والدستور ما فهموش هو بيقول ايه راحوا ناقلين كلامه غلط، بس لما نقلوا كلامه غلط خلوه كلام يعقل شوية، لان اللي هو قاله في المحاضرة عن الكاثوليك كان يخلي الواحد يقع ويرفس على الارض من الضحك، ومالوش معنى، فالصحفي حاول يعمل معنى للكلام 

بس في الظرف اللي احنا فيه ده، لا طالبة نكت بشوي، ولا طالبة نكت السلاح وتفة القسيس في القربان، والا حاشتغل لكوا الباز افندي واقدم بلاغات للنائب العام فيكوا كلكوا

--------------

 الشق التاني:

بالنسبة لابراهيم عيسى، اون تي في بتقول ان ابراهيم انشغل بالدستور فعشان كده مشوه

ده على اساس انه قبل كده كان عاطل وكانوا بيشغلوه كنوع من انواع مساعدة الشباب العاطل وايجاد فرص عمل لهم ولما جواب القوى العاملة جاله قالوا له كفاية بقى ندي فرصة لشاب غيرك؟

ماهو طول عمره رئيس تحرير الدستور، من ساعة ما ربنا خلقه وهو رئيس تحرير الدستور، وبرج العقرب، يعني يشتغل تلتميت شغلانة لحد ما يقع من طوله، ده العادي بتاعه، وطول عمره كده، وربنا ما يعيدها ايام لما كانوا بيقفلوا له الجرايد وكان قاعد من غير شغل، مافيش برج عقرب بيقعد من غير شغل الا ويتجنن ويجنن اللي حواليه، وكان كل تلات ايام يطلع جرنال ويقفلوا له الجرنال، وكل تلات ايام: الو نوارة احنا حنطلع جرنال، يالا اكتبي مقال.. الو نوارة احنا حنطلع جرنال

- امال الجرنال اللي من تلات ايام راح فين

- لا ده قفلوه

وهكذا.. ويكتب اسم مستعار، كان باين بيحط اسم: شادي، ويحط صورته هههههههههههه

بس مع وجود الفضائيات والناس اتلهت فيها لقوا ان مافيش مانع الدستور يطلع لان الناس حتفضل تسمع وتشوف على انها تقرا

مش يحترموا ذكاءنا شوية؟ طبعا مش حيقولوا لنا: احنا كنا فاكرين اننا نعرف نلمه لما ندي له برنامج لقيناه ضرب لنا كرسي في الكلوب

بس على الاقل يقولوا اي عذر تاني، يقولوا احنا بنعمل تطويرات في القناة وان شاء الله لما نخلص حنستدعيه تاني

يقولوا خلافات مالية

يقولوا خلافات بينه وبين المخرج

يقولوا البرنامج مش مناسب لخطة القناة الجديدة

اي كلام.. اي هطرسة من اللي الناس مش بتاكل منها بس تحس برضه ان اللي بيكلمها عامل لها حساب

ثم تجديدات ايه اللي في الدستور؟ يادي سيد البدوي، سيد البدوي يمتلك عشرة في المية من الاسهم ومافيش حاجة اتغيرت في الدستور من ساعتها، ايه التطويرات اللي حيعملها في الدستور؟ كان بيشغل الدستور بالمنافلة وحيركب له مولد؟ كان توك توك وحيقلبه ميكروباظ بالنفر؟ حيركب له اكوالايزر؟ مش يحترمونا شوية؟

مش ممكن قلة الاحترام للناس دي، كده خطر على عقلهم الباطن، والله العظيم كل حالة الجنان اللي صايبة الناس دي سببها احساسهم ان ماحدش عاد بيحترمهم ولا مهتم يضحك عليهم باحترام شوية ولا عامل لهم حساب

عشان كده طايحين عشان يفهموا النظام ودلاديله انهم ناس محترمة ولهم وجود يعني ما ينفعش يطنشونا كده

بشوي حيسكت امتى؟

اي حد يعمل حوار مع الراجل ده، او يدعوه في ندوة، يبقى متعمد يعمل فتنة طائفية

وبجد مش باهزر، الراجل يتعرض على طبييب، اذا طلع سليم عقليا يتعرض على المخابرات بقى، مين اللي زاقه يعمل كده؟ او بالاحرى مين اللي دافع له تبرعات وشارط عليه يولع في البلد، اذا كان حد واعده بمنصب يبقى نأبه على شونة بعد ما سوأ سمعته كده

ويتعرف ايه اتصالاته ده عشان يعمل حاجة زي دي

والبابا ساكت ليه؟ لو عيان او مش دريان واللي بيحضر موعظته ده الفوتوشوب بتاعه يقولوا لنا برضه، ولو عارف وساكت امال ايه وش الوطنية اللي كان مديهولنا ده؟ 

المهم يعني.. هو ده حيتساب يخرف كده؟

وبعدين يعني ايه الاية اضيفت بعد موت الرسول ومش من القرآن، يعني هو مصدق في كل القرآن وهي الآية دي اللي شاكك فيها؟ ايه الاشتغالات دي

طب والله ما طبيعي... حد يكشف عليه بجد

اون تي في تمنع ابراهيم عيسى من الظهور في بلدنا بالمصري

ما اعرفش ليه حتى اكثر الناس اشتراكية يقولوا: بس انا باحب ساويرس

ليه؟ تحب ساويرس ليه؟ ايه الفرق بينه وبين اي رجل اعمال تاني؟

الفرق الوحيد ان الاسلاميين بيكرهوه، وطبعا مش بيكرهوه حبا في العدالة الاجتماعية، بيكرهوه عشان مسيحي ومعاه فلوس مما يدل على ان الكنيسة اكلت البلد، مع انهم ربنا كارمهم بكتير تانيين، احمد عز، احمد بهجت، سيد البدوي (ده حتى بيقولوا عليه متدين ومش بيفوت فرض هههه) وصلاح دياب

هم كل دول مش مسلمين؟ 

لا العلمانيين بيحبوا ساويرس عشان الحرية والليبرالية، ولا الاسلاميين بيكرهوه عشان العدالة الاجتماعية، العلمانيين بيحبوه عندا في الاسلاميين، والاسلاميين بيكرهوه عندا في المسيحيين، والمسيحيين بيحبوه عندا في المسلمين، وهو اساسا مالوش في حد فيهم، هو له فلوسه وماله

انا شخصيا ما باحبش اي رجل اعمال في الدنيا، لان البني ادم عشان يبقى ملياردير لازم يبقى حرامي ومصاص دماء وبيتاجر في الانسانية كلها، امال جاب فلوسه دي منين؟ من تعبه وشقاه؟ ماحدش بيتعب اكتر من البنا، ولا الفلاح، ولا العامل اللي بيشتغل اتناشر ساعة، اشمعنى دول مش معاهم مليارات؟

هأ.. بيقولوا لك من عرق جبينه طلع مصاري ها الانسان، طيب كيف هيدا وكيف ملايينه وما مرة شايفينه عرقان

طبعا انا استغليت الفرصة عشان ابث افكاري الاشتراكية المسمومة السوداء، بمناسبة ان النظام المصري مارس ضغوط على نجيب ساويرس عشان يمنع ابراهيم عيسى

انا عارفة الخبر من امبارح، بس استنيت شوية عشان اعرف ملابسات الموضوع، مافيش ملابسات، كلموا ابراهيم قالوا له: متشكرين مش عايزينك تطلع تاني

فقال لهم: العفو.. تعالوا كلوا بسكوت

خلاص كده

الاسباب واضحة، بقاله تلات شهور بس وعمل في بلدنا بالمصري كل ده، ولو ما كانش عمل حاجة ما كانوش منعوه

ربنا يستر على الدستور بقى، بس غالبا مش حيعملوا للدستور حاجة، لان الاغلبية من المصريين بيتفرجوا على التلفزيون ومش بيقروا، فتأثير الفضائيات على ملايين بينما تأثير الجرنال، مهما وسع انتشاره، على الاف، وعادة الناس اللي بتقرا مش بتعمل حاجة، السميعة بس هم اللي بيعملوا حاجات، عشان كده كنت بازن في انه يعمل برنامج يقول فيه اللي بيكتبه في مقالاته

المهم يعني، انا مش باحب المغفلين ولا اللي بيشتغلوا نفسهم وعندهم هلاوس وخيالات

يعني رجل الاعمال رجل اعمال، لا مسيحي ولا مسلم، ورجل الاعمال له مصالح مع النظام، والنظام بيديله بالجزمة القديمة وينسل على راسه القبقاب وقت ما يحب ويسيبه وقت ما يحب واللي متساب متساب بمزاج النظام، ولما النظام بيحس بخطر بياخد اجراءات وصاحي لنا، كل ما كنت اكثر تقعرا، او اقل موهبة، او حاسب بتعمل ايه، النظام ما يخافش منك، او على الاقل بيبقى عارف انت بتوصل لحد فين ويفرملك وقت اللزوم، وكل رجال الاعمال في ام البلد دي تحت سيطرة النظام زي ما النظام بيخدم مصالحهم هم بيحلوا له عيشه وبيظبطوه

يعني ما يطلعليش واحد يقول لي انا باحب نجيب ساويرس اصله مع الحريات وليبرالي ومش عارفة ايه عشان الراجل بيطلع يقول كلمتين حلوين ويبتسم ابتسامة ساحرة، مافيش واحد متقيد بمليارات يفهم في الحريات ولا في العدل، ما يفهمش غير في الفلوس 

وما يطلعليش واحد يقول لي ساويرس الصليبي، لو اكل عيشه يستلزم انه يولع في الكنيسة والاقباط كلهم حيولع.. قصدي اكل كفياره

هو لطيف وشكله حلو ودمه خفيف وبيقول كلام يوري ويبلف، وده بسبب انه اسيوطي مش بسبب انه مختلف عن بقية رجال الاعمال

خلصونا بقى من ليلة بحب واكره دي

البلد مسروقة واللي نقدر نهبشه منهم نهبشه وما نقولش لا، جه لابراهيم فرصة يكلم الناس ويوصل لهم رسالته، قبل الفرصة، لان المال ماله، والبلد بلده، والناس ناسه، والنظام ورجال الاعمال عاملين بينه وبينهم سور ورا سور 

جه النظام ما عرفش يحتويه وابتدى يعمل قلق قالوا لزكي قدرة يدبح فدبح، لان زكي قدرة لا يملك انه ياخد اي قرار، له مصالح ومال ومحتال واللي يقول عليه المعلم نافذ.. عادي ما اتصدمش

لما كلمته لقيته بيضحك عادي، انا اللي قعدت اعيط عشان البرنامج صعب عليا لانه كان حلو ومفيد، بس هو واخد الموضوع بخفة شديدة وشكله كان متوقع وحاسس انه كسب لما سهاهم وقدر يكلم الناس تلات شهور

انا اللي متغاظة ومتضايقة، مش مصدومة اه، بس متضايقة، الشغل كان حلو،

بس نبص للجانب الايجابي ونقول انهم تلات شهور مثمرين والشعرة من دقن النظام المصري مكسب

بس على الله بقى اشوف ساويرس لابس الوش اياه

شفتوا؟ ادي اخرة العالم الافتراضي

الا بقى الكمبورورر ده طلع وبال علينا، والله، مش كفاية جنن الشوباب وخلاهم يعيشوا بشخصيات وهمية، البلد كلها تحولت لعالم افتراضي

اتاري بقى الفوتوشوب ده شغال من زمان قوي

ما داهية يطلع مافيش رئيس في الدنيا اسمه حسني مبارك اساسا، وتطلع دي كلها فوتوشوباية وعايشين فيها بقالنا تلاتين سنة

غالبا كده على فكرة.. لانه اعتاد ما يردش علينا، يبقى مش موجود، ودي صورة مرسومة، والسادات ما ماتش اصلا ولابس وش عشان ما يتقتلش تاني 

وابنه جمال ده.. ده جمال السادات اساسا

وعبد الناصر ما شربش فنجان قهوة، عبد الناصر شرب عصير جوافة، ده اذا كان فيه حاجة اسمها عبد الناصر اصلا وما طلعش فوتوشوباية هو راخر

على فكرة الثورة ما قامتش، دي كانت فوتوشوباية وده الملك بيحكمنا من ساعتها، بس لابس لنسز سودا عشان ما نعرفوش من عينيه الخضرا

نهار اسود.. ليطلع مافيش بلد اسمها مصر.. ايه ده؟ القيامة قامت؟ القيامة قامت والناس اتحاسبت واحنا في جهنم وفاكرين نفسنا لسه في الدنيا؟  لا.. ده انا مستنية المهدي وسيدنا عيسى لما ييجوا وربنا يملا الدنيا عدل.. 

طب ممكن نعرف بيضحكوا علينا في ايه تاني؟ الا طلعنا تمانين مليون اهبل يا عيني ومدقوقين على قفانا.. ولا احنا مش تمانين مليون، اه، الشعب كمان فوتوشوب

على فكرة مافيش شعب.. اه، مافيش، ماهو مش ممكن الشعب كله بيتصرف على قلب رجل واحد تصرفات غريبة عجيبة مريبة، اكيد قتلوا الشعب وده هو واحد بس، وعاملين له فوتوشوب عشان يبان انه كتير وانه شعب، وهو اصلا مافيش شعب، هو الواحد ده، وخمسة معارفي، والباقي فوتوشوب، والخمسة معارفي دول اساسا ميزتهم عن الواحد عشان هم مختلفين عنه، انما هو الباقي واحد اصلا، زي صورة سوسو ومودي دول اللي عبارة عن ولد عامل ولد وهو نفسه عامل بنت وبيحب نفسه

اه والنبي.. الشعب كله كده

وطلع مافيش شعب كمان؟ 

طب مافيش ايه؟

انا موجودة طيب؟ ولا انا مت وده الفوتوشوب بتاعي؟

هم ليه طلعوا كلهم بيضحكوا عليا؟ اتاري الواد اللي افتكرته مجنون وقال لي انه العالم كله بيضحك عليه، وان الدين الصحيح اللي مفروض الناس تتبعه دين احمد عدوية وان الناس بتضحك عليه - بما فيهم انا - وبتفهمه اننا في رمضان بينما احنا في يناير واننا مش خريجين اداب وهندسة ده احنا خريجين مباحث ومخابرات طلع معاه حق

عارفين فيلم ميل جيبسون

conispiracy theory 

اللي فضل طول الفيلم يقول كلام مجانين وفي الاخر طلع كلامه كله صح؟

اهو ده بقى فوتوشوب هو راخر.. مافيش انسان اسمه ميل جيبسون اساسا