Thursday 10 September 2009

من أَجَلَك انت

اصل انا ساعات بتنتابني حالات كده مالهاش تفسير، يعني مثلا جابر كان عايز ينشر بانر تحت عنوان من أجلك انت على اوسع نطاق بحيث ان اللي يعمل سيرش على العنوان ده اول حاجة تطلع له البانر، قمت انا لما شفت البانر اتكسفت انشره، وقبل ما حد يقول كلام قلة ادب واسمع اصوات مش كويسة هنا في المدونة الطاهرة، انا مزاجي متقلب وساعات بعض الحالات العجيبة بتنتابني
بس بعد ما شفت الخبر ده
عرفت ان الشعار الناس قرته غلط، التشكيل مهم جدا، هم يقصدوا من أجَلك انت، يعني احنا عاملين حملة ح تاخد من اجلك انت ايها المواطن، وعليه، فلا حياء في العلم، البانر ده توصيف علمي دقيق للحملة
وعلى راي الشاعر، اللي هو هو محمد جابر: اللي يتكسف من بنت عمه ما يجبش منها جمال

ويكفي تعرفوا ان اللي بعت لي الخبرين دول وللا عينيك هو مينا زكري، عايز يموتني المسيحي

13 comments:

بهيج الشرير said...

إزاي ياأبلتي الناس بتلوم سواق القطر لما فرمل لما شاف البقرة، الراجل يعمل إيه يعني إذا كانت البقرة ضحكت له، هو في حد يقدر مايقفش للبقرة الضاحكة
!
وعلى فكرة ياأبلتي بعد حادثة القطر دي، عوكل ملك الفياجرا وقاهر الهكسوس ممنوع من دخول الهند

مواطن مصري said...

ناقص يكتب في الصورة

مع تحيات محلات خد فطيرك

هههههههههه

Kalimalhus said...

أنا مش عارف إنتى إيه مضايقك فى تصميم أخونا جابر .. أنا شايفه متوافق جدا مع شعار الحزق الوثنى اللى على شكل مقشة تتوسط الهلال و النجوم .. و إحنا كلنا عارفين إيد المقشة ترمز لإيه بالضبط .. ده حتى جابر كان حونين قوى و يمكن دى دعوة منه للتحول من إيد المقشة لخيار أكثر رحمة و فتح مرحلة من ممارسة أكثر إنسانية و أوضاع أقل وطأ لأن القاعدة الشعبية الحقيقة تعبت قوى..

عبد الزهراء المصري (علي الحسيني) said...

أنا شفت الصورة دي عالفيسبوك على حساب جابر وحطيتها عندي في مدونتي من إمبارح لأنها بصراحة صورة مناسبة ومعبرة عن الحالة العامة لبلدنا مصر من أيام عوكل إلى ماهو قادم في عهد جمال بن عرس على رأي بهيج .

وداعاً يامصر

عبد الزهراء المصري (علي الحسيني) said...

والله من وجهة نظري يانوارة بعد الخبر ده المنشور في جريدة الدستور وأنا بقول إن الصورة دي قليل عليها صباع واحد ومن وجهة نظري أننا نتضمامن ونرفع أيدينا كلها مش بس صباع واحد للحزب الوثني وللحكومة وللنظام وعلى رأسهم عوكل الله يخرب بيوتهم كلهم.

***********************

«الداخلية» تجامل طارق نور وتواصل اعتقال مكتشف سرقة بروموهات «القاهرة والناس» رغم قرار إخلاء سبيله
===============================
كتب- رضوان آدم ومحمد الجارحي:

استمر اعتقال أجهزة الأمن للشاب تامر عزب لليوم الثاني علي التوالي رغم قرار نيابة العمرانية مساء أمس الأول - الأحد - بإخلاء سبيله بضمان محل إقامته علي خلفية البلاغ الذي تقدم به رجل الأعمال المعروف وصاحب وكالة الإعلانات طارق نور بسبب إنشاء عزب - 22 عاماً - جروباً علي الموقع الاجتماعي الشهير فيس بوك يكشف سرقة إعلانات وبروموهات قناة القاهرة والناس التي تم بثها خلال شهر رمضان الماضي من إعلانات أجنبية.

وقال والد تامر عزب في تصريح خاص لـ «الدستور»: فوجئت بترحيل ابني من قسم العمرانية بعد قرار النيابة بالإفراج عنه إلي وحدة مكافحة المخدرات بقسم بولاق،
وذهب ابني ماهر - شقيق تامر - إلي النيابة لتقديم شكوي بسبب استمرار احتجاز شقيقه بدون سبب قانوني، بعدما قاموا بتفتيش المنزل وصادروا الكمبيوتر الخاص به.

وأصدرت الشبكة العربية لمعلومات حقوق الإنسان بياناً أمس أدانت فيه اقتحام الضابط وليد عبد السلام منزل الشاب تامر عزب والقبض عليه مجاملة لرجل الأعمال طارق نور.

رحلتنا في الحياة said...

البانر لسه شايفة على الفيسبوك

Anonymous said...

ألا سؤال ولا مؤخذه لأنه ولابدن منه
هي العائله الكريهه
أقصد الكريمه ممكن تمشي
يعني في ما يثبت في العلم الحديث أو القديم إن ممكن ده يحصل
نفسي حد يطمني
إيه هي أسوأ الإحتمالات ؟
وهنعمل إيه ساعتها ؟
وما هي أحسن الإحتمالات ؟
وبردو هنعمل إيه ساعتها ؟

بيقولوا لسه سنتين لحد الإنتخابات
المفروض نغير إيه ؟
صلوا علي النبي كده وركزوا ومخمخوا
وقولولي

سلالالالالالالالالالالام

Unknown said...

على فكره بأه البوست ده جامد جدا" وعلى النظام الأمريكى كما يحبه الأخ قائد ثورة التطوير

هتشوفوا said...

قد كده مضحيين علشان خاطر مصر , والله انا شايف انها فكرة هايلة وزوار المدونة هيزيدوا,بس انا بطلب من جابر يميلوا شوية أصل هتلاقوهم يا اما بيلحسوا في المونيتور يا اما بيحاولوا يقعدوا عليه, وده ممكن يجرح مشاعرهم, يا خرابي يانا

هتشوفوا said...

أو يغطيه بمنديل ويكون معقم لو سمحتوا وبكدة مانخدش حياء حد والفايدة هاتفضل كاملة

الميكروباص said...

زعلانه ليه؟
هو فعلا من أجلك انت
وعشان يؤكد لك انه خايف على مصلحتك بيشاور لك بأكبر صباع في ايده عشان تطمئن انه مهتم بيك
اما لو شاور بالصباع العادي هايكون زيه زي باقي الناس

هتشوفوا said...

أو يغطيه بمنديل ويكون معقم لو سمحتوا علشان مانخدش حياء حد (تبعا للقاعدة الفقهية لا ضرر ولا ضرار)

Unknown said...

ألا صحيح ياجماعه
السنتين الجايين دول تعتقدوا هايلحقوا ينهوا فيه مخطط تصعيد الأخ مفجر ثورة التطوير(كما قال سيدنا أحمد عز سلام الله عليه)

أنا عن نفسى شايف أنهم اتأخروا شويه - وأن البابا هايكمل على الكرسى لحد مايظبطوا الدنيا حواليه