Saturday, 12 September 2009

هي السما منورة وللا انا بيتهيألي؟

السما الليلة دي شكلها حلو قوي، انا ح ابقى ابص على الشمس بكرة وهي طالعة ان شاء الله
اسيبكوا بقى واقوم اقول لي دعوتين

37 comments:

ahmed samir said...

السيد حسن نصر الله ع المنار دلوقتي

مواطن مصري said...

عاوزين الفيديو و الملخص يا نوارة

tuhamy said...

السلام عليكم .....ازيك ياأستاذة نوارة

الليلة فردية واحتمال كبير تكون ليلة القدر

فينبغي على المسلم الاقتداء بالنبي صلى الله عليه وسلم فإنه هوالأسوة والقدوة،والجِدّوالاجتهاد في هذة الأيام

بقيام الليل والتهجد



محروق سامية فهمي ع اللي جابوها اليومين دول


اللهم نسألك قيام ليلة القدر

أرجو الدعاء لنا بإصلاح أمرنا وان يكتب الله اجرنا واجركم



اللهم بلغنا ليلة القدر

مواطن مصري said...

نوارة شفتي الفلم الاسرائيلي لبنان فاز امام الفلم المصري المسافر


شوفي الاعلان الفلم و قولي يستحقو ولا فلمنا أجمد؟
http://www.youtube.com/watch?v=IvYCW1LVFIE

جبهة التهييس الشعبية said...

يا عم الجوايز دي بتتوزع انت عارف ازاي
حتى اصلا احكي يا شهرزاد اخد جايزة لاسباب تانية خالص غير انه فيلم حلو

هو مش فيلم مهرجانات عشان ياخد جايزة
رغم انه عجبني
بس هو مش فيلم مهرجانات

جبهة التهييس الشعبية said...

تاني جايزة راحت لمخرجة ايرانية بتشتم الثورة

افهمها انت بقى

مواطن مصري said...

ياسمين نشأت

انا شايف انها قايلة كلمت حق

غير كدة احكي يا شهرزاد و واحد صفر فلمين كويسين جدااا


بس التحكيم مش مظبوط

جبهة التهييس الشعبية said...

اسمها شيرين نشأت
وما بتقولش كلمة حق ولا حاجة
دي من بتوع الشاه

مواطن مصري said...

ياسمين شرين كلهم اخوات

:D

بدراوى said...

اعتقد ان فوزها بالجايزة مسيس
لو فيه فيلم بيتكلم عن الإسلام
و بينصفه
عمره ما حيفوز

مواطن اصحى شوية

جبهة التهييس الشعبية said...

اه يا مواطن نسيت اقول لك
حسن نصر الله ما اتكلمش عن السياسة النهاردة اتكلم عن ليلة القدر
وقال: مافينا نحكي بالسياسة بدنا نحكي بكلام نافع
:)
وطلب من المسلمين يدعوا له

مواطن مصري said...

يا خسارة

مواطن مصري said...

هي هي هي انهي مسلمين بقى

لول

هههههه

:D

بهزر

mido said...

يا جماعة شوفوا الفيديو المسخرة ده

اضحك مع منة شلبى

موبايل ظهر سنة 68 فى المسلسل

:d

مواطن مصري said...

هيهيهي يا ميدو الموبيل كان موجود زمان في اوربا اكيد الي معاة الموبيل ددة


كان سي اي اية

لول

جبهة التهييس الشعبية said...

ما تنسوش الساعة 5 و38 دقيقة تبصوا على الشمس وهي بتطلع

عمرو امام said...

انتى فعلا لو عاوزة تشوفى منظر الشمس وتتجننى يبقى على البحر فى نويبع
مش قادر اوصفلك لازم تشوفى

جبهة التهييس الشعبية said...

هيه هيه
الشمس طالعة من غير شعاع النهاردة

هيه هيه

Dr Nemo said...

انا مش عايز افتى بس انا لسه شايفها دلوقت وكانت لامعه اوى لكن حتة شعاع دى احسبها منين بقا انا هسيبلك وصلة للصورة اللى انا صورتها بكاميرا موبايلى العتره بس افتكر مش كافية للحكم
http://3.bp.blogspot.com/_rkOC-gKfU4o/Sqxt-pza1hI/AAAAAAAAAJI/x5kJJvPGoWU/s400/IMG0700A.jpg
مستنى قولك

جبهة التهييس الشعبية said...

انت ايه اللي اخرك ده كله؟
انت لازم تشوفها وهي طالعة عشان تشوف طالع لها شعاع وللا لا

دلوقت خلاص شعاعها طلع

استنى اما اشوف صورت ايه؟

Dr Nemo said...

ههههههههههههههههه جامده يا ميدو تعيش وتتخنق...... دى ريادة مصرية صميمة ومش معقول يعنى انتا تستغرب ليه؟؟؟؟ اللى لبسوا احمد مظهر ساعه فى فيلم صلاح الدين مش هيعملوا موبايل فى 68 ياراجل دا يبقى حتى تاخر حضارى روووووووووق

جبهة التهييس الشعبية said...

لا ده مش شعاع

بص شكلها زي البيضة المقلية ازاي؟

اقول لك
استناها بقى لما تطلع بكرة عشان تشوف انها لما بتطلع حتى لما بتبقى في نصها بيبقى لها شعاع كأنه رماح كده طالعة منها

الشمس في الشروق لها شكل وفي الغروب لها شكل

المفروض شمس تاني يوم ليلة القدر بيبقى شكلها شبه شمس الغروب مش الشروق

شبه اللي انت مصورها

جبهة التهييس الشعبية said...

وعموما برضه انا مش عايزة افتي

استنى لما نشوف شمس بكرة شكلها ايه عشان نفرقها عن دي

لو ينفع تصورها اول ما تطلع بكرة برضه

ماشي؟

جبهة التهييس الشعبية said...

بص شعاع شروق الشمس

http://internetmedianews.files.wordpress.com/2009/06/sunrise.jpg

ودي شمس الغروب

http://www.freefoto.com/images/1007/01/1007_01_5---Sunset--Perranporth--Cornwall_web.jpg

Dr Nemo said...

اوك وانا على فكره كنت شايفها من اول نمنومايه طلعت منها بس استنيت اصورها كامله مش اكتر يعنى انا متابعها من اول الشروق خالص .... بس هركز فى موضوع الشعاع ده بعد كده

Dr Nemo said...

بس خلاص الصورتين اللى انتى مطلعاهم وضحوا كل حاجه.....فعلا كانت من غير شعاع انا كنت شايف حدودها كاااااامله من غير اى "نغش حواليها" لو واخده بالك من قصدى كانت نسخه من شمس الغروب الى انتا نشراها دى .... نقول مبروك اقمتى الليله صح؟ ربنا يتقبل من الكل

جبهة التهييس الشعبية said...

بس برضه مش عايزين يعني نأكد حاجة
انا وانت بنخمن برضه
احسن يلبسونا طروطر بنجوم واهلة ويفتكرونا بنضرب الودع
ههههههههه

برضه ح ابقى اخد بالي من شمس بكرة وانت برضه صورها في نفس التوقيت اللي صورت فيه الصورة دي

Sarah said...

و أنا كمان يتهيألي إنها إن شاء الله تعالى ممكن تكون ليلة أمس
أنا أعيش في منطقة شبه صحراوية و أجاركم الله من نباح الكلاب كل ليلة
إمبارح طول الليلة صمت تااااااااام
ولا صوت و لا حس
والله كان شئ لافت للنظر جدا
عموما بردو أنا كمان هاخد بالي النهاردة تاني علشان أتأكد

جبهة التهييس الشعبية said...

سبحان الله
:)

Sosso said...

ya nawwara ana batfarreg 3ala 7arb el3asa3is, Fee vetrina maktoob 3aliha summer 09. Looool

Sosso said...

ah nessit el plasma wel computer flat sceen etc etc

فلاشاوي said...

طيب يا نوارة حملي الملف ده بسرعة
هو 4 صفحات فقط
في أدله على أن ليلة القدر غالبا ليلة الثلاثاء
يعني الليلة اللي جاية دي

متحكميش قبل ما تقري

http://shadywaad.googlepages.com/d984d98ad984d8a9d8a7d984d982d8afd8b1.pdf

جبهة التهييس الشعبية said...

انا عارفة الراجل اللي عمل ليلة القدر دايما التلات ده
انا لسة مش عارفة اذا كنت انت جايب اللنك بتاعه وللا دي حاجة تانية
بس لو هو يا فلاشوي ح اشعلقك من حواجبك
:)

جبهة التهييس الشعبية said...

ثم ان التلات اللي جاي ده مش ليلة وتر

جبهة التهييس الشعبية said...

يا عم ما دكتور نيمو واخد صورة للشمس وفرجنا عليها اهي من غير شعاع يا راجل
وانا شفتها من غير شعاع

وطلع هو الراجل بتاع يوم التلات اللي انا عارفاه

هات حواجبك بقى

جبهة التهييس الشعبية said...

دكتور نيمو صور الشمس؟

جبهة التهييس الشعبية said...

انت فاكر الوقت اللي اخدت فيه الصورة؟

لو فاكره ياريت بكرة لو تقدر تاخد صورة للشمس في نفس التوقيت