Thursday 24 September 2009

كلمة القذافي/احمدي نجاد

حديث:
لقيت كلمة احمدي نجاد، كانت حلوة قوي، والحمد لله ما جابش سيرة الهولوكوست، فرنسا وامريكا وكندا واسرائيل انسحبوا اثناء كلمته وبعدين عرفت بعد كده انهم كانوا متفقين من قبل الجلسة انهم يعملوا الحركة دي وهو بيتكلم عشان "لا شيء اكثر تعبيرا عن الاحتقار من الانسحاب اثناء القاء الكلمة في الامم المتحدة" قالوا كده، وده كان بناء على طلب الجمهور اللي هو اسرائيل، هي اللي طلبت منهم كده، وبعدين وانا باتفرج لقيت مقعد الوفد الالباني خالي، مع ان ما جابوش سيرته، بس انا متأكدة انه شفته خالي، هي البانيا دي راخرة ايه دي؟
وعرفت ان فيه ناس انسحبت اثناء كلمة القذافي، على فكرة، غجر وشراشيح، اي والله، ده مش اسلوب محترم ابدا لما يتفقوا مع بعض عشان يربكوا اللي بيتكلم، دي قلة رباية، لو حد مننا عمل كده كنا بهدلناه وكنا قلنا له الانسحاب ضعف وكنت اقعد ورد وكل الكلام الخايب ده، صح؟ مش متربيين والله، مالهمش ام علمتهم ان ما يصحش تمشي وحد بيكلمك؟









مش لاقية كلمة القذافي بالعربي على النت، الخواجات نزلوها قبلنا، اللي ما شفهاش يشوفها الكلمة مهمة فعلا وكلها كلام حق، بصرف النظر عن رأينا في القذافي نفسه، سيدنا معاذ بن جبل قال: اقبل الحق وان جاءك من منافق او كافر. وهو على الاقل مش كافر يعني هههه
الكلمة فعلا مهمة وكويسة وشاملة وبيتكلم بمكنونات نفساوياتنا



هو هطرس شوية بالنوسبة ل: احنا عايزين نريح امريكا من تعبنا وهم ناس ضايفونا كتر خيرهم وكدهون يعني
ههههههه
كلمة احمد نجاد كانت موزونة اكتر وكانت حلوة قوي برضه ح ادور عليها واجيبها بس انتوا اتفرجو على دي

12 comments:

mido said...
This comment has been removed by the author.
فاروق عادل said...

المشكله انه قال كلام مهم كن طريقته بتسّفه الكلام انتى عارفه لو مبارك قالها كانت عملت صدى اكتر من كدة

mido said...

تانى لو سمحت

:D

amr imam said...

هو انتى لية مس مقتنعة انهم اصلا مش شايفنا
يا استاذتى المبجلة احنا محتاجين تحصيح جميع الاوضاع من جديد جوة الاول بعد كدة برة
غير كدة هنفضل بردة مش باينين
مع فاءق احترامى

soreal said...

I normally wouldnt bother... but i cant wait to get home to see this vid (they block youtube at work :( )

Unknown said...

شوفى المقال ده
اعتقد مهم اوووووى

د.حمزة زوبع
معلش يا فاروق
!

http://www.youm7.com/News.asp?NewsID=138769

Nohaz said...
This comment has been removed by the author.
Nohaz said...

:( u published

Unknown said...

نهى

انا اسفة
هو فيه ايه؟
اصل بصراحة مش بافهم قوي الفرانكو اراب بتاعك
هههههههههه

ابقى اكتبي انجليزي لو مش عندك كي بورد عربي

طب ايه؟
امسح ايه؟

Anonymous said...

ليه موش حاطه انا بكره اسرائيل في التصويت

انا صوت على ايه الاسئله دي ...... اصلي بجد موش لاقيه تعبير يبعبر عن مكنوني الداخلي لمشاعري تجاه الجاره الحسناء دي

mido said...

فى حاجات تانية فى الميل يا نوارة

Unknown said...

نهى
هههههههههههههه