Friday, 11 September 2009

فيه ام كده في الدنيا؟



اتفرجوا عشان اللي بيقولوا ان قلب الام مش عارفة ايه، المقال ده جه لامي بالميل، وطبعا دمها اتحرق، تقوم بدل ما تخبيه عني تبعتهولي فرورود بالميل، بتنتقم مني عشان باكل كل الاكل اللي في البيت وباخلص الحلويات، واقول لها ليه يا ماما كده تقول لي: ما انا عايزاك تتجنني اكتر ما انت مجنونة، طب انا باكل الحلويات عشان هي عندها سكر وانا خايفة عليها تقوم هي تقول لي كده؟ وعلى رأي اللمبي: فيه ام كده في الدنيا؟
طيب، السؤال اللي بيطرح نفسه حاليا دلوقت: الراجل ده مجنون؟ مجنون..صح؟
السؤال التاني: هي اللغة العربية لغة ميتة؟ ماتت امتى؟ امال هو الابعد كاتب بانهي لغة؟
السؤال التالت: مين صاحب المثل العبقري بتاع الفلاح اما يتمدن يجيب لاهله مصيبة؟
وبعدين يا عم الكتكوت ما تاخد ننوس عين امه وتسافر بيه في اي داهية يتعلم اللغة الانجليزية اللي افضل من اللغة الميتة ومن هنا ورايح "باذن الله" ما تبقاش تكتب باللغة دي، لا وبالبجاحة بيدعي ربنا عليهم
حد هنا خريج اداب انجليزي او اداب عبري يقول للكتكوت ده ان دراسة الكتب المقدسة او مقاطع منها اساسي لتعلم الثقافة وتطور اللغة؟ يعني مثلا دراسة مقاطع من انجيل الملك جيمس كانت ضرورية عشان نعرف التطور اللي حصل للغة الانجليزية من اول ملحمة بيوولف لحد ما اتطورت بشكلها الحالي ودراسة مقاطع من انجيل الملك جيمس بنفس ضرورة دراسة مسرحيات شيكسبير وشعر تشوسر
حد بقى خريج علم نفس يقول للمخبول ده ان اللي لا يجيد لغته الام مستوى ذكاءه بيبقى قليل اللي هو الآي كيو وقدرته على تعلم اللغات الاخرى بيبقى ضعيف لانه اصلا مهاراته اللغوية محدودة بسبب محدودية اجادته للغته الام وانا اعرف مترجم مسيحي حفظ القرآن عشان يتمكن من اللغة العربية ويقدر يترجم من وإلى، ولما حفظ القرآن الانجليزي بتاعه اتحسن
عشان مش مريض نفسيا ومش بيعاني من عقدة الدونية والانحطاط اللي عند كاتب المقال اللي ان شاء الله ح يتسخط كنبة اسطنبولي بالكلام اللي هو كاتبه ده

35 comments:

احساس لسه حى said...

هو المقال اقراه ازاى وهو فين مش تحطيه

مواطن مصري said...

الراجل انا اتفق معاة في حاجات و اختلف معاة يمكن هو معرفش يعبر صح
بس انا

فعلا شايف ان الطالب بردو لازم يدرس التذوق الفني

زي ما فية حصص لتعليم الديني يبقى فية حصص لتعليم الموسيقي

و بعدين المنهج الديني او التعليم الديني فعلا

انتج اية الان؟ غير المتطرفين فكريا

و ان التميز بيبدأ في الفصل العنصري في حصة الدين

انا من حقي كمسلم اعرف المسيحي بيدرس اية و من حق المسيحي يعرف ديني

اي تبقى مادة اسمها حقوق الانسان عشان تطلع اجيال

تحترم بعديها و تعرف معنى المواطنة

مش تطلع اجيال متطرفة و عنصرية

و بعدين دي اختيارية واحد عاوز يدرس دين

يرووح الازهر الشريف يتعلم هناك

واحد عاوز يدرس لغات و علوم

يروح التعليم الخاص بفلوسة

مواطن مصري said...

انا شايف ان التعليم في مصر هو سبب التطرف و التعصب الي احنا عايين فية

لو علوزين نقضي على التطرف و التعصب يبقى نهتم ب التعليم و نعلمهم المواطنة

و احترام الاخر و حقوق الانسان

mido said...

مين الجحش ده ؟

البعيد لا عنده بصر و لا بصيرة

mido said...

انت عترتى على المقال ده فين ؟

جبهة التهييس الشعبية said...

احساس لسة حي
المقال محطوط يا حبيبتي دوسي عليه عشان تشوفيه
او اهو

http://1.bp.blogspot.com/_xSlv7nqGt3M/SqmjLQxg4mI/AAAAAAAAAVE/zG81dcH6MV4/s1600-h/securedownload.gif

مواطن مصري
صح
انت صح
نعلمهم ان الدين حاجة وسخة واحسن يخلعوا منها
والله احنا مش ذنبنا انهم فضلوا يحرمواا على الناس عيشتها بالوهابية بتاعتهم لحد ما كفروا زي الراجل ده
القرآن مكون رئيسي في ثقافتنا
اللي مش عاجبه ثقافتنا بالسلامة والقلب داعي له بس ما يتحسبش علينا يغور في اي داهية بقى احنا ناقصين بلاوي
مش هو بيحب اللغة الانجليزية؟ ما يسافر امريكا خليهم يدوه بالجزمة هناك

ميدو
ما باقول لك ماما بعتتهولي

مواطن مصري said...

بردو فهمتيني غلط يا ريت تشوفي تعليقي تاني انا بقول

اية

الي عاوز يتعلم و يدرس دين يروح المدارس الي تبعالازهر او الكنيسة تتعلم

دين بس الي عاوز يتعلم الباقي يروح تعليم الخاص يتعلم هناك

و يبقى اختياري

انما ميتفرضش علية منهج معين


و بعدين انا مقولتش

ان الدين حاجة وسخة يا نوارة

راجعي تعليقي تاني

Dena said...

هو ماله كلامه متلخبط كده؟؟؟ كان ناقص يقول حسبي الله و نعم الوكيل فيكم

:D

maman de said...

this article is old ya noona
this guy is a typical secular arab
by the way he is from kuwait
rabenna yerhamna

helperF1 said...

لو طلابنا من مدرس لغة عربية أن يقيم هذه التدوينة من صفر حتى ١٠٠ %
ماذا ستكون النتيجة ؟

جبهة التهييس الشعبية said...

مين طلابنا دول بقى يا مدرس اللغة العربية؟

فتاه من الصعيد said...

طيب ايه دخل الارهاب باللغه العربيه والدين .... ده غبي ولا حمار .... ولا بيتكلم عن دين تاني واحنا موش واخدين بالنا

اصلي موش مصدقه ان في حد عنده حد ادنى من الثقافه والفهم يتخيل ان تعليم اي لغه او اي دين يؤدي للأرهااااااااب

هو انا كده لما بشتمه ابقا فطرت .... اصلي موش هاين عليا مشتموش .... بس قلت اعرف هعيد اليوم ولا لا

Mo said...

يا نوارة قبل ما نعلق على المقال لازم نفهم الوضع العام المحيط بكاتب المقال و اسباب كتابته.
السيد احمد البغدادي من مواليد الكويت سنة 1951 يعني بعد 5 سنين من بداية تصدير النفط و ما تلاه من استقدام للعمالة الاجنبية والحاجة للمدارس الاجنبية, عاش و درس فيها حتى اكمل ليسانس العلوم سياسية والاقتصاد سنة 1974. الجيل بتاع البغدادي ده كانت الدراسة عندهم على مرحلتين, المرحلة الاولى "الغير رسمية" هي الدراسة عند من يسمى ب"الملا" و هو شخص من اهالي الحي ممن يجيدون القراءة والكتابة و تلاوة القران الكريم, حاجة زي الكتاب كده. و لما يدخلوا المرحلة الثانية من التعليم "الرسمي" كان التركيز على فهم ما حفظوه في الصغر و تنمية الناحية المعرفية عندهم. النتيجة ان الطلبة في الزمن ده كانوا بيخلصوا مدرسة و هما متأسسين صح في الدين و على درجة مقبولة من الفهم الى جانب دراستهم الدنيوية.
البغدادي في مقاله لا يهاجم الدين و لا يهاجم رجال العلم الذين علموه و لكنه يهاجم النظام التعليمي الحالي و من يسمون اليوم برجال العلم. لعلمك التيار الليبرالي المتشدد ده صوته ماطلعش بالعلو ده الا من قريب. انا اتولدت و اتربيت في الكويت و عشت هناك لحد سنة 2001 لما دخلت جامعة في مصر. التحول الى التطرف الديني و الزيادة الواضحة في المظاهر الدينية و منها التغلغل الى داخل المدارس والمناهج التعليمية لم يظهر الا في الفترة الاخيرة. للأسف لما تسمعي الكلام الفاضي اللي بيطلع من الناس دي تحت اسم الدين ماتخافيش على التعليم ولا على الدستور لأ دا انتي تخافي على الدين نفسه.
مشكلة البغدادي زيه زي اغلب اللبراليين في العالم العربي, قوة ايمانهم بقضاياهم و احساسهم انهم هم الوحيدين المدافعين عن سماحة و وسطية الدين الاسلامي في مواجهة طوفان من التطرف بتخليهم ساعات يقولوا كلام من غير ما يحسبوا تأثيره و لا ان في حد ممكن يشوه معناه... طبعا مش كل من ادعى انه لبرالي او علماني بيكون قصده النقد البناء و بالتالي ارجو وان ردي مايتفهمش على انه دفاع عنهم. انما انا بس حبيت اوضح الوضع المحيط اللي ادى الى كتابة عامود زي اللي كتبه البغدادي.

مجرد مدونة said...

هو فى ناس كده بجد؟؟؟؟؟

Rateb said...

http://www.metransparent.com/old/texts/ahmad_al_baghdadi_time_to_put_end_to_obscurantism.htm

انا لقيت المقال فى اللينك ده

الفلاح اما يتمدن يجيب لاهله مصيبة؟ حلوا اوى التعليق ده

الشخص العربى اللى مش عاوز يتعلم لغته ده يبقى غبى لأنه بيضحى بالف وربعمية سنه من الثقافة يعنى بعيدا عن الدين خالص انا ماظنش ان اللى يقرا للجاحظ وبديع الزمان الهمذانى والمتنبى وابن الرومى ده هيكون شخص افقه ضيق او متطرف حتى
وامثال الراجل ده اللى بيحاولوا يفصلونا عن هويتنا هما المنتجين الحقيقييبن للتطرف

لأن فى النهاية احنا شرقيين والاسلام واللغة جزء من ثقافتنا الشعبية غصب عننا فالثقافة الغربية مابنقدرش نبلعها مهما حاولنا فبينتج عن كده شخص بيميل للدين من غير ما يكون يعرف لغته ولا عنده ادوات للبحث فبيقبل باى تفسير بيتقدمله من الشيخ بشكل عاطفى وده حال الوهابية والناس اللى بتحب عمرو خالد واى مريدين لأى حد بيتكلم فى الدين فى مصر

Samrt.Business said...

المقال ده قديم قراتة يمكن اكثر من سنة
و كاتب القرف ده اصلا الناس في الكويت بيدولة بالجزمة لكن لسة لاقي صفيحة زبالة ينشر فيها وساختة

Khaled Mahdi said...

You might disagree or agree with the author. He is a famous Kuwaiti professor in social sciences. His writings are provocative simply because he thinks this is the only way to drag people into discussion. The author is very intelligent and raise vital issue in a twisted tone. He is not purely secular , last time I met him he came from Omra !!!

The point is well raised about a reaction of many Kuwaiti intellectuals against the Wahabi way of thinking. Nicely put

jaqoup said...

طيب و احنا ذنبنا ايه طيب تجيبيلنا الضغط و تخلينا نغتاب الراجل و احنا صايمين كدا
:D

mido said...

Khaled Mahdi

العلمانيين بيروحوا عمرة عادى

مش فاهم ايه العلاقة؟

واحد عايز يناقش قضية مهمة

يقوم شاتم فى الدين و اللغة

دى طريقة ذكية زى ما انت بتقول ؟
!!!!!!!!!!

جبهة التهييس الشعبية said...

mo

حضرتك شايف انه لما يقول ان اللي بيحفظ قرآن ده مقرئ في ترب او ارهابي وان اللغة العربية لغة ميتة ده ما بيهاجمش الدين ولا الثقافة
هي دي وسطية الدين؟
طب انا بقى مش عايزة وسطية الدين لو سب الدين هو الوسطية

بص يا سيد مو، لو الوهابيين كرهوا الناس في الدين الليبراليين ح يكرهوا الناس فيما يسمى بالوسطية اذا كانت دي اصلا وسطية


مجرد مدونة

تصدقي؟

راتب

كلامك داخل مزاجي قوي


سمارت بزنس
والله طمنتني انهم بيدوله بالجزمة
لو محتاجين نبعت لهم شحنة قباقيب انا ممكن الم لهم تبرعات

واسافر بنفسي اعارة اساعدهم في الشغلانة دي
وببلاش والله من غير مرتب



خالد

انت شايف انه ذكي
وكمان راجع من عمرة
لا ده غبي رسمي بقى


jaqoup

امي هي السبب
:)


ميدو

الحقيقة اللي اسمه بغدادي ده انا مش شايفة فيه ريحة الذكاء

شايفاه مقعد وعنده شعور بالدونية وغبي وعنده عقدة الخواجة وجاهل كمان

Mo said...

يا نواره الراجل لما بيقول ان حافظ القران مقرئ في ترب مش قصده المعنى الحرفي :) القصد من الكلمة ان التعليم الديني الايام دي بقى كل التركيز فيه على امور الاخرة و الغيبيات و أهمل تماما الجوانب الدنيوبة زي الاخلاق و المعاملات و كده, و كأن الواحد اتخلق بس علشان يموت.

اما موضوع ان اللغة العربية لغة ميتة فممكن اؤكدلك ان المعني هنا هم المدرسين والأئمة اللي اللغة عندهم اصلا ضعيفة و مش اللغة هي اللي مستهدفة. بمعنى اصح ان اللي بيدرسوا المادة للطلبة او اللي بيسمعوها للناس في المساجد هما اللي بيقتلوها مش انها لغة مالهاش لازمة. والنتيجة ان الطلبة في المدارس مش بيهتموا باللغة ولا بيدوها التقدير اللي تستحقه و مش بعيد تدخلي محاضرة تلاقي الدكتور بجلالة قدره مش عارف يقرأ ولا يكتب من غير اخطاء نحوية و املائية. وتلاقي المدونة دي كلها ناس زي اخينا بتاع "لو طلابنا مدرس لغة عربية" :)

واخيرا علشان ما اطولش, انا متفق معاكي على نقطة الوهابيين و تكريههم الناس في الدين و ان العكس صحيح مع العلمانيين او اللبراليين. لكن كل ما نفهم كل واحد بيفكر ازاي حانقدر نتعامل مع كل طرف بقدر من الذوق والقبول بدل ماهو كل واحد عمال يقول على اخوه ده كافر و دا ظلامي.

أبو أمك said...

سيبك منه..وكما قال الشاعر
لو كل كلب يعوي ألقمته حجراً
يبقى هانسيب شغلنا ونقعد نحدف طوب

مواطن مصري said...

khaled

العلمانين مش كفرة

اية العلاقة هو علماني و بيؤدي العمرة ولا الحج دي علاقتة بربنا

و بعدين الكويت اما اخوان اما شيعة

فأكيد النتيجة مش هطلع ناس معتدلة

عندهم اكيد شاف الويل من الوهالبين و الاخوان الي هناك

Dr Nemo said...

احنا ليه دايما كده بنخدم على العالم الواطيه من اول صاحب ايات شيطانيه مرورا بالرسام الدنماركى انتهاءا بهذا المخرف...... اناس لا تنشر سوى عثاء احوى لا فيه خير ولا حتى موزون ومتظبط
يعنى بجد يا نواره انتى كده بتعملى شبه بتوع حملات الدفاع عن الرسول- السذج - اللى كل لما يطلع "فسفوسه " موقع او مخرف اى اى مصيبه تغلط فى حاجه من ثوابتنا يقفو ويقولوله لا استريح انتا احنا هنظبطك ونشهر ونروق عليك..... فى ايه يا نواره ما تروقى كده ..... لما يبقى حد ليه اسمه وثقله فى المجال بتاعه اى كان نبقى نهلله ونشخط ونعيط وننف فى وشه كمان .... لكن اقل من كده نحلقله ولا اللمبى فى اى فيلم ساقط من بتوعه .... وروقى لاخر مره بدال ما على اخر الشهر الناس هتعيد وانتى هتضربى شمال ..... نصيحه ملهاش علاقه بالموضوع .... بطلى تتفرجى على حرب الجواثيث

Appy said...

لا انا مش عارفه هو مش فاهم ولا بيناقد نفسه
ده بيقول ان الفن ومش عارفه ايه احسن من تلاوه القران البيه مش عارف ان اجمل الاصوات فى العالم زي ام كلثوم وعبد الوهاب اللى قواهم قرايتهم للقران ومخارج الالفاظ طلعت صح من كده
دا انا العربى عندي ضايع بسبب ان مش بعر ف اقرأ قرأن صح
ربنا يشفى الناس الجهله

Sonnet said...

شكرا على هذه التدوينة
اللغة العربية ليست مينة
على الاطلاق

مواطن مصري said...

اتهمت مجموعة تراقب سير الانتخابات الأفغانية السبت، حركة "طالبان" بقطع أصابع امرأتين في مقاطعة قندهار، كانتا قد شاركتا في الانتخابات الرئاسية التي عقدت الخميس الماضي.

وقال نادر نديري، من منظمة "الانتخابات الحرة والعادلة"، إن الحركة "المتشددة" أقدمت على قطع أصابع الأفغانيتين التي لونّها الحبر السري، الذي يوضع كعلامة لمنع التزوير من خلال التصويت أكثر من مرة، بهدف ترويع الناخبين ومنعهم من الإدلاء بأصواتهم.

وكانت طالبان قد هددت بتكثيف هجماتها أثناء الانتخابات الرئاسية، ما مثّل خطورة كبيرة على الناخبين خاصة في المقاطعات الجنوبية التي تعد معقلاً رئيسياً للحركة، وهو الأمر الذي دفع قوات حلف شمال الأطلسي "الناتو" وعناصر مشاة البحرية الأمريكية "المارينز" للانتشار في مراكز الاقتراع لتسهيل مشاركة المواطنين في الانتخابات.

http://www.aaramnews.com/website/64063NewsArticle.html

طالبان تقطع أصابع نساء شاركن بالانتخابات

طالبان تقطع أصابع ناخبات أفغانيات

http://www.alwatan.com.sa/NEWS/newsdetail.asp?issueno=3250&id=115067

عاقبت حركة طالبان الناخبين بقطع أصابعهم، تنفيذا لتهديداتها السابقة لمن شارك في الانتخابات الأفغانية الخميس الماضي.
وكشف مراقبون للانتخابات أمس أن مسلحين من الحركة قطعوا أصابع امرأتين في مقاطعة قندهار شاركتا في الانتخابات الرئاسية.


http://www.jihadwatch.org/archives/027307.php
Taliban cuts off index fingers of two women who voted


و ها


اية رائيك بقى نسيب اخواتهم الي في مصر يوصلو للحكم

عشان تبقى نهاية مصر على ايديهم

mido said...

مواطن مصرى بيقولك الكويت يا اما اخوان او شيعة



لا تعليق

بدراوى said...

ابقى شوفى الحملة ديه
اللى عاملها
محمد حمدى

http://demaghy.blogspot.com/2009/09/blog-post_08.html
---------------------
سمعت عن جروب : هعيد وافرفش بدون تحرش؟
ده جروب على الفيس بوك لتوعية الشباب ومناقشتهم وتفهيمهم ان التحرش سلوك خاطىء , وإننا لازم نبطل التبريرات السخيفة لافعالنا زى ان التحرش عقاب للبنت اللى لبسها متبرج ... الخ

الجروب هدفه عمل توعية للشباب قبل عيد الفطر المبارك اللى اتحول لموسم تحرش من ألاف الشباب , اللى كتير منهم –ياللعجب- بيكونو بيصلو ويصومو لحد اخر يوم فى رمضان واول يوم فى العيد بيتحولو لكائنات متحرشه وبتضايق فى خلق الله

كمان الجروب مش بيشتغل على الانترنت وبس , احنا بنخاطب شيوخ الجوامع ينهوا الشباب عن التحرش ويفكروهم بقيم الدين وضرورة غض البصر.. الخ خلال خطبة الجمعة او خطب التراويح وصلاة الليل , وكمان بنكلم معدى برامج التوك شو والجرايد الرسمية والخاصة لعرض حملتنا والتركيز عليها

لو تقدر تشارك معانا ببوست فى البلوج بتاعك تحط فيه لينك الجروب واهدافه تبقا دى خدمه كبيره ممكن تساعد بيها شاب على الهدايه او تحمى بنت من التحرش

ايه رايك ؟

لينك الجروب

http://www.facebook.com/group.php?gid=158203229767

Sonnet said...

المقال هنا
بصيغة HTML
بدل الصورة
http://www.metransparent.com/old/texts/ahmad_al_baghdadi_time_to_put_end_to_obscurantism.htm

sal said...

http://www.alarabiya.net/articles/2005/03/21/11431.html

The Laundry Man said...

نوارة

المقالة ديت كتبها الكاتب قبل سنوات, ويوميها قامت عليه القيامة واترفعت عليه دعاوي واتحبس

لكن أمير الكويت الراحل طلعه من الحبس بمكرمة اميرية بسبب الحالة الصحية للكاتب

وكان مسمي روحه اياميها: سجين الرأي

:)

Nah·det Masr said...

انا متفق مع مقال د. البغدادي وأزود عليه ان احنا يفضل اننا نلغي الدين خالص من المدرسة ونركز على العلوم والرياضيات لأن مصيبتنا وتأخرنا في دول.

Khaled Mahdi said...

I am so sorry to comment on your BLOG, please remove my comment :))
Thank you

جبهة التهييس الشعبية said...

هو حد شتمك هنا؟