Tuesday, 22 September 2009

متفرقات

يا عيني يا فاروق، يا حرام، قريتوا يا بوز الاخص انت وهو، اهو الراجل اتكسر بخاطره، ولايهمك يا روقة، تعالى عندنا تاكل لقمة وترمي عشرة، ترمم مسرح وتحرق عشرة، وما تبقاش بعد  كده تمشي ورا عوكل وتمسح جوخ لحد تاني، اهو شوفوا، عوكل استأذن له من اسرائيل واسرائيل اخدته على خوانة برضه، عشان بس يعرف ان رأيه في اليهود غلط، احنا ناس ولاد اصول برضه ومش ح نعايره، انا مش عارفة عوكل ح يصدق امتى اننا ولاد اصول؟
----
انا رحت مسجد ابو زهرة في مصر الجديدة عشان اتأكد من الخبر ده لان ابو امير شككني وقال لي: يا سلام بقى انت عايزة تقنعيني ان فيه امل؟ :) اه يا ابو امير فيه امل، رحت وسألت بتاع الامن اللي في الفيلا اللي قدام المسجد، هو صحيح حكى لي قصة حياته ورأيه في الملكية والثورة ووراني صور عياله وقال لي كل واحد متخرج من ايه مع اني ما سألتوش عن اي حاجة من دي خالص، بس في الاخر طلع كل اللي كتبه المصري اليوم حقيقي مية في المية، واللي خلا الناس تقوم عليه والستات تزعق وتحسبن عليه انه قارن ما بين الشيعة واليهود
-----
ايه لبس العيد ده؟ الناس لابسة ايه في الشارع؟ ايه البنطلونات الرجالي الجينز اللي العيال موسخينها بالطباشير دي؟ وايه ملابس عروسة البحور اللي البنات لابسها كلهم دي؟ فيه ايه؟ :) يارب يسعدهم يا رب

16 comments:

عاشق الجنة من الإخوان صلى على النبى said...

انت باين عليك بتحب فاروق حسني
ومش شمتان فيه ولا حاجة خالص
صلي علي النبي

جبهة التهييس الشعبية said...

الله
مش عشرة عمر؟
:)

mido said...

لا بس انت كنت عايزه يكسب

انا متغاظ منك

:D

فتاه من الصعيد said...

روقا اتهزم يا مينز :))



انا موش مع الخوف من المد الشيعي لان الشيعي الوحيد اللي اعرفه شخصيا تشيع في السعوديه لما اشتغل هناك في منطقه فيها شيعه .... واعتقد اننا زي ما بنطبع ونخلف ولاد على رايك مع اسرائيل .... يستحسن نشوف حد لينا معاه مصلحه وارضيه مشتركه

واذا كانوا خطر فعلا ..... فيكونوا في المرتبه العاشره مثلا على اساس ان كل الامم بتتكالب علينا

اما غضب الناس فاكيد ده يثبت ان الناس بتفهم .... وبتفهم جدا .... وتقدر تميز بين العدو الحقيقي والغير حقيقي .... او على الاقل العدو المؤكد والعدو المحتمل .... وانهم محتاجين من المثقفين شويه اهتمام بس .... وبلاش نظره فوقيه او سوداء

اخيرا بقا ... الترتر موضه :D

جبهة التهييس الشعبية said...

ميدو

حرام عليك، انت ما كنتش عايزه يكسب؟
طب اهو راجع لك اهو
عشان تنباساط بقى

ماحدش يزعله بقى ولا يعكر مزاجه

فتاة من الصعيد

اه انا انبسطت من رد فعل الناس قوي
بس على فكرة عشان الخطيب يخطب في خطبة العيد ويشتم الشيعة يبقى فعلا الحملة اللي توقعتها ابتدت

Phobos said...

Nawwarah, in the Farouk Hosny's interview with "ALmasry Alyoum", the he said that the only thing he didn't do in his life was get married, and the reason for that is "a secret ", the female interviewer laughed with him and said that she new the secret ...
7ad yifahhimni!
I know what goes around about him, but I can't believe they were actually joking about it ! It is mentioned at 5:00 ( exactly 5 minutes into the video.)

This is a link to the video interview
:
http://www.almasryonline.com/portal/page/portal/MasryPortal/MEDIA_DETAILS_AR?itId=UG120803&pId=UG120782&pType=2&itType=video

جبهة التهييس الشعبية said...

هههههههههههههه

يا حبيبي

هو اصله
gay
على الطريقة الغربية يعني متقبل نفسه تماما ما عندوش اي عقد من الموضوع ده

مش زي النموذج العربي للشاذ
والمثليين الغربيين بيبقوا زيهم كده
امال هم سموهم

gay

ليه؟
عشان هو جاي فعلا، بيبقى سعيد كده زي ما روقة سعيد

مواطن مصري said...

اهو هيقعد على قلبنا كمان 10 سنين

أبويوسف said...

انا بجد اتصدمت من موقف اسرائيل و امريكا فى موضوع فاروق حسنى.

ازاى اليهود يخلفوا وعدهم ده معروف عن اليهود انك تاخدوا بكلمة(اهو خدوا) و ان التجار اليهود كلمتهم اقوى من الورقة و الايصال او كما قال.

واوباما فين مساندته للجايز وانهم يمسكوا اعلى المناصب والا هو كلام و بس.

مش مشكلة يافاروق لقد خسر اليونسكو رجل (اسف مقصدش) من اغلى الرجالز.

ضكتور جدا said...

يا جدعان احنا المفروض نزعل
الراجل كان هيسبنا بقة ونخلص منه
أهو هيقعد على قلبنا كمان كام سنة
يلا
الصبر طيب

mido said...

مثقفون وفنانون يعلقون على خسارة حسنى انتخابات اليونسكو.. زاهى حواس: خسر بشرف.. جابر عصفور: هُزم بسبب رفضه لمخطط تهويد القدس.. أسامة أنور عكاشة: خسارة لمصر.. أشرف زكى: خرج من الانتخابات بطلا شعبيا

من اليوم الساقع

mido said...

منتهى الغرور : صورة تحفة بس مش لايقة على الوكسة

Dr Nemo said...

ههههههههههههه ايه ده يا نواره انا لفيت على كول المواقع الاخبارية الى بتسمح بالتعليق ...... كل اللى معلق من المصريين (الغالبيه عشان الامانه حوالى 99.3%)
مبسوطييييييييييييييين اوى اوى
وشمتانييييييييييين اوى اوى
اعوذ بالله الراجل ده وحش اوى كده لدرجة يشمت فيه الغريب والقريب؟؟؟ المشكله انه خسر كل حاجه يعنى قسما بربى انا ما ارضاش اقوله سلامو عليكو لو عدى عليا وانا بلعب فى التراب فى الشارع وموسخ هدومى والطبيعى ان محدش يرضى يقولى سلامو عليكو ..... شوفى بقا لما انا فى الوضع ده -انا- اللى مرضاش اسلم عليه......... يخصصصصصصصصص يا سحس

Moh'd Shaltaf said...

مبروك يا جو

هارد لك يا مواطن

شمتان قوي

mido said...

لو سمحتم حد يفهمنى اللوحة دى عبارة عن ايه ؟

حـنــّا السكران said...

خرج من الإنتخابات بطلاً شعبياً ؟؟؟
أشرف زكي ؟

أنتم عندكم في مصر شعب غير الشعب المصري يا نوارة ؟؟

...........

هههه محمد

وين مواطن ؟