Sunday, 20 September 2009

جولة في العالم الاسلام

حبيت اشوف العالم الاسلامي بيعيد ازاي لفيت لفة على التلفزيونات
قطر: جايبة مسرحية مصري بطولة احمد بدير
سوريا: اخبار عن بشار الاسد
لبنان: كله اغاني فرايحي، سبحان الله، اللبناني لبناني حتى لما يبقى المنار: ينعاد عليكن تارارارام، ينعاد عليكم تارارارارارام، ينعااااااد عليكم ترارام (ده مجرد فاصل)، قناة لبنانية تانية جايبة بحيرة البجع، وباقيين مهيصين برضه
البحرين: مجاميع كتيرة (بتاع ستمية وخمسين واحد كده) واقفة في الصحرا بتطبل وتغني وترقص
السودان: برضه واقفين في الصحرا بيطبلوا ويغنوا، بس هم خمسة بس، واقفين بترتيب الطول، تلاتة لابسين ابيض وواقفين في النص واتنين لابسين اخضر الطويل واقف على اليمين والقصير واقف على الشمال، وما بيرقصوش
كردستان: جايبة الكاميرا الخفية الامريكاني
الكويت: الاولى الكويتية جايبة مسلسل امريكاني والتانية كارتون امريكاني
العراق: بيعيطوا على ستنا فاطمة، ايوة ستنا فاطمة بنت سيدنا محمد عليه الصلاة والسلام
دبي: بيتكلموا في التليفون، مش فاضيين
ابو ظبي: جايبين مسلسل سوري
ايران: اخبار.. اخبار... اخبار، وبعدين اخييييرااا: برنامج اخباري للتعليق على الاخبار، وشكلهم بيستعدوا لحرب فعلا، ربنا يستر
الاردن: جايبين مزة ملبسينها عسكري وحاطين لها تلاتة كيلو مكياج ومخلينها تغني اغنية حماسية
ليبيا: عيال صغيرة لابسين اخضر بيغنوا للعيد والقائد
المغرب: لسة ما ابتدوش اصلا
السعودية: انا مش باتكلم على الخمسة وتسعين في المية من الفضائيات الممولة من السعوديين، انا باتكلم عن السعودية: السعودية الاولى: مسلسل كوميدي سعودي بطولة واحدة اسمها انتصار شرشاح، التانية: بيتكلموا عن الاكل السعودي بالانجليزي، السعودي تي في: واحد بيقول العقل السليم في الجسم السليم
عمان: من الواجب علينا يا اولاد ان نحافظ على صحتنا لانها نعمة من الله تبارك وتعالى
برنامج اطفال، بس على فكرة حلو، وفيه قيم كويسة ومعمول بطريقة لطيفة
وعاملين اعلانات توعية على انفلونزا اتش وان اف وان
اليمن: عيال صغيرة لابسة بدل وبيصوروا زي اغاني شكري ابو عميرة كده
مش لاقية تونس والجزائر، مع انهم كانوا بيجولي قبل كده، صحيح ما كنتش ح افهم، بس كنت ح احس
فلسطين: فيه الفلسطينية عمالة تكتب على الشاشة: قناة الوحدة الفلسطينية، وقناة فلسطين جايبين برنامج اطفال
مصر: مذيع بيقول: احنا النهاردة عايزين نتكلم عن العيد، واهم حاجة في العيد الكحك

12 comments:

مواطن مصري said...

ههههههههههه كل سنة و انتي طيبة

ايران: اخبار.. اخبار... اخبار، وبعدين اخييييرااا: برنامج اخباري للتعليق على الاخبار، وشكلهم بيستعدوا لحرب فعلا، ربنا يستر


أكيد العالم زي الجزيرة ليهم أجندات

و أحسنلك متتفرجيش عليها لائنهم بيمسكو العرب و الدول العربية بيشتمو فيها


المجاميع دول الي بيغنودول انا مش بفهم فنهم خالص

و مش عارف هما بيقولو اية

مواطن مصري said...

اشتريتي رواية دان براون الجديد؟

جبهة التهييس الشعبية said...

معلش يا مواطن
هم امتى شتموا العرب؟ اذا كان اللي بيقدموا قناة العالم عرب، ح يشتموا نفسهم؟

انت اللي بتشتم العرب يا مواطن
انا دخلت لقيتك شاتم العرب على المدونة بتاعتك

جبهة التهييس الشعبية said...

الظاهر فعلا اهم حاجة في العيد الكحك

mido said...

5

بوستات فى 24 ساعة؟

:D

كل سنة و انت أطيب و أجمل

جبهة التهييس الشعبية said...

هههههههه
اصل عندي واجب وباتهرب منه

ما انت عارف

كل سنة وانت طيب

mido said...

طيب شوفى الفيديو انا حتجنن منه

!!!!!!!!!!!

mido said...

حنفذ الحاجات اللى بعتيهالى على الميل من فترة يمكن أقدر أساعدك

:D

mido said...

وثائق جديدة تفضح الملك حسين فى احداث أيلول الأسود

rain drop said...

معلومة صغيرة مش مهمة: انتصار الشراح ممثلة كويتية مش سعودية

acto said...

happy new year

acto said...

الان رايت كل الناس مبسوطه وسعيده رغم الضنك المعاش الان وتحت اي ظروف لوجود الاعياد والاحتفالات المقامه ولو بشق تمره