Sunday, 20 September 2009

البوست السادس، اصل مش جايلي نوم

زاهي لحواس ح يسمح للمصريين بزيارة الاهرامات
!!!!!!!!!!!!!!
مناطق الآثار تستقبل زوارها في العيد
والسماح للمصريين بزيارة الأهرامات


كتب - أشرف مفيد


أكثر من‏150‏ موقعا ومنطقة اثرية في جميع المحافظات تستقبل ابتداء من اليوم زوارها لقضاء أيام العيد حيث قام المجلس الاعلي للآثار بعمل الاستعدادات اللازمة لتسهيل الزيارة علي المواطنين بالتنسيق مع العديد من الوزارات والهيئات الأخري‏.‏ ويقول د‏.‏زاهي حواس الامين العام للمجلس الأعلي للآثار‏:‏ تم السماح للمصريين بزيارة منطقة الاهرامات بسبب اغلاق هضبة الاهرام التي يجري تطويرها حاليا ويتم بالتنسيق مع شرطة السياحة اخلاء أية مجموعات تسئ للاهرامات من حيث ممارسة الالعاب أو العبث بقيمة الأثر باي شكل من الأشكال‏.‏ وتيسيرا علي المواطنين تقرر تواجد مديري المناطق والمواقع الاثرية ابتداء من الصباح وحتي نهاية اليوم لضمان الحل الفوري لأية مشكلة طارئة‏.
--------
رمضان ولى هاتها يا لساني: بقى يا لاهي لغواص ح تسمح لنا ندخل بلدنا؟ وح تعين لنا بوليس عشان يراقبنا واحنا بنزور اثارنا؟ وقبل كده قال انا مش باسمح للمصريين بزيارة الاثار عشان نفسهم مضر على الاثار؟ نفسنا وحش من كتر ما بنشهق في الملوخية
انت يا عم التربي انت بتعمل ايه في حياتك غير عمال تنبش في قبور الناس وتطلع جتتهم وتفرج الناس عليها لما في الاخر ح تتسخط شكمان عربية منفس من كتر اللي بتعمله في الميتين ده؟ وانت بقى اللي نفسك طالع منه عناقيد عنب وسبايط موز؟ لما كنت لازق لاوباما وعمال يكلمك بقرف وزهقان منك؟ يا ترى كان شامم ايه عشان يكلمك كده؟ احنا نفسنا ده طالع منه ايه غير فول وبصارة وطعمية؟ يعني زي اللي كان بياكلهم اللي بنوا الاهرامات نفسهم، يعني كل الناس نفسها حلو وحنين واحنا اللي نفسنا طالع منه بواجير جاز؟ احنا نفسنا اوحش من اللي بياكلوا صراصير وفيران؟ ها وايه كمان؟ وقدمنا وحش على الاهرامات؟ وعينينا وحشة على الموميات؟ ومن جوانا غباوة وبنبر على التماثيل، ومعانا بسم الله الرحمن الرحيم بيكسر الازاز..انت يا عم انت واعي بتقول ايه وللا انت مش مسئول عن كلامك؟ لو ربنا ابتلاك بعاهة في مخك يطلعوا لك شهادة عشان ما نآخذكش بعد كده على هطرستك، احنا برضه ناس عندنا رحمة وكله الا المرض، ربنا ما يكتب على حد اللي انت فيه
حد يخيط له بقه ده، مش كفاية فضيحة لاس فيجاس؟‏

13 comments:

بدراوى said...

ايوان طبعاً
عشان النفس
فيه انفلونزا خنازير
و ممكن الأثار
يجيلها عدوى

صباح الفل
هو حضرتك مش ناوية تبطلى سياسة شوية حتى فى العيد

mehro said...

سايق عليكي اللي بتحبيه قولي إيه اللي حصل في لاس فيجاس

Rateb said...

هو زاهى حواس راجل مستفذ بجد تحس انه اثار الفراعنه بقت عزبته الخاصة انا فاكر انه كان بيكلم متحف فى المانيا باسمه من غير اى صفات وبياخد قرارات لوحده كده ماهو اللى فوقيه كلهم دلاديل

واخر حاجة سمعتها عنه انه خلا رامز جلال يفتح تابوت موميا اول مرة يتفتح بقى بيجامل بجثث الناس والله بلد كل حاجة فيها تغيظ

جبهة التهييس الشعبية said...

مهرو

بص انا عندي تاجات حواس باع ارضه يا ولاد
دوس عليها وانت تعرف
بالمختصر
في لاس فيجاس بانيين اهرامات واثار مصرية ومدينة كاملة اسمها
luxur
وكان في فترة تعمل سيرش على لوكسر تلاقي بتطلع لك لاس فيجاس
ومش دافعين لنا حقوق ملكية فكرية وفوق البيعة محتكرين حقوق الملكية لاسم الاقصر والناس تكلم زاهي حواس يقول لها دي دعاية ببلاش لمصر

جبهة التهييس الشعبية said...

راتب
رامز جلال؟
ورامز جلال ما خافش

مواطن مصري said...

معلش انا بحترم زاهي حواس هو انسان مصري جدا و محترم و بيعمل كدة

لصالح تاريخنا

انا بحب الراجل دة و بحترمة عشان عامل مجهود في السنين الاخيرة و اكتشف حاجات جديدة

و دي اثار بلدنا

مهندس حر said...

أنا معدى أقولك كل سنة و إنتى طيبة و أعاده الله عليك و على والديك الغاليين بكل خير إن شاء الله..

ماليش نفس أعلق على أى حاجة .. و الشخص المذكور مش ممكن أعلق عليه حتى لو عندى نفس لأنه هيسد نفسى كده كده..

Rateb said...

http://dostor.org/ar/index.php?option=com_content&task=view&id=32480&Itemid=35

ده لينك الخبر فى الدستور

Rateb said...

يا عم مواطن مهما كانت انجازاته واكتشافاته ده مايديلوش حق التعامل كأنها عزبة ابوه

فليعد للدين مجده said...

انا فعلا الموضوع ده تعرضت له بصورة شخصية حيث اخذت زوجتي وأولادي الصغار لزيارة الهرم فمنعني الامن بحجة منع دخول المصريين من الدخول

فعلا شئ يغيظ وتصرفات مستفزة

المنع هو حل سهل للمسئولين الكسالي الذين لا يريدون بذل الجهد في ابتكار حلول ترضي جميع الاطراف

شوكولاتة said...

أنا بصراحة بحب الراجل ده جدا لأنو عمل حاجات كتير نطقت السياحة في بلدنا وبعدين أنتي مش واخدة بالك إن المصريين فعلا بيروحوا يخربوا الدنيا
ده أنا مرة واحدة حكتلي إنها كانت في الهرم ولقيتهم قابضين على واحد كان ماسك حتة فحم وكان ناوي يكتب للذكرى الخالدة ومش بعيد كان يكتب رقم تلبفونه

كل سنة وأنتي طيبة

جبهة التهييس الشعبية said...

انا مش عارفة الناس اللي بتحب واحد بيحتقرها وبيقول عليها نفسها وسخ دي ايه؟

واحد بيحتقرنا
تحبوه ليه؟

فتاه من الصعيد said...

كل سنه وانت بالف خير ... وكل الاسره الكريمه طيبه وبخير

بالنسبه للهرم ... فهو الظاهر اسمه هرم حواس

ممكن سؤال ...انا سمعت في البيت بيتك ان لو روقا فاز هيسيب الوزاره .... لو ده صحيح انا هعمل نداء ونصلي كلنا في يوم واحد صلاه قضاء حاجه وندعي في وقت واحد انه يفوز ويغور