Saturday 12 September 2009

Stop Islamification of Europe

الدنيا كلبة يا سي احمد
الدنيا كلبة قوي
---
انا عمالة اقرا في الخبرين واعيد وازيد فيهم وصعبان عليا نفسي قوي، الخبر الاولاني بيقول اننا تاني فئة مضطهدة في امريكا بعد المثليين جنسيا في امريكا (مع اني مش شايفة ان المثليين مضطهدين في امريكا، بس يمكن، هم ادرى) وان تمانية وتلاتين في المية من الامريكان شايفين ان الاسلام دين عنف، وطبعا ده نتيجة لاحتلالنا كل من فيرجينيا ونورث كارولاينا، الى جانب احتلالنا القائم لفرنسا والنمسا
الخبر التاني عن مظاهرة عملتها جمعية "محاربة أسلمة اوروبا" ههههههههه والله العظيم اصحاب العقول في راحة، والمظاهرة جات على اثر بناء مسجد في انجلترا ونتج عنها احداث عنف وواحد كان رافع شعار كاتب عليه: العنصرية اسوأ شيء، لكن الاسلاموفوبيا هي صوت العقل، وكان قبلها بيومين مظاهرة ضد "الاصولية الاسلامية" ونتج عنها احداث عنف، وطبعا ده لان احنا اللي عندنا عنف
هي بقت كده؟
هيييييييييييييييييييه
الله يرحم ايام ما كنا بنبعت لهم: من امير المؤمنين الى كلب الروم. طب هو ايه اللي خلا هارون الرشيد ينسحب من لسانه ويقول البق ده؟ اهم بينتقموا اهم
يا عيني، احنا بقينا عاملين زي احمد مظهر في الايدي الناعمة، خووونة، وامريكا بدخلتها الوسخة دي علينا عاملة زي وداد حمدي بجوزها وقططها، وصلاح ذو الفقار ده عامل زي المسيحيين اللي احنا مقعدينهم جنبنا عشان نذلهم ونفش غلنا وخيبتنا فيهم بعد ما كل الخدامين هربوا ومش لاقيين حد نمسك في خناقه غيرهم، والشيعة عاملين زي مريم فخر الدين عمالة تشتري في سيمفونياتنا اللي ماحدش بيسمعها وفوق البيعة بنهزأها: امال فين بنتك دي؟
ماتت -
فين صباح بقى؟

70 comments:

مواطن مصري said...

ههههههههههههه

لازم نفرق بين الاسلام كدين عظيم و الاسلامين

الي بيشوهو صورة الاسلام دي نقطة

النقطة الثانية الظاهر العنصرين في كل مكان زي الي بيعترض على بناء مسجد

بيعترض على بنء كنيسة عندنا

المشكلة الحقيقية في طرح الخطاب الديني و الشخصيات الي هتنشر الدين الاسلامي

خصوصا اورباتختلف عن افريقيا و عننا

Kalimalhus said...

إنتى زعلانة من مين بالضبط؟.. الغرب فى النهاية رغم كل إدعاءاته مازال عنصريا و الفاشيست الصلع دول همه مجرد قمة جبل الجليد و الواقع إن الإسلاموفوبيا مستشرية بين كافة الطبقات هناك و التجارب اليومية للمسلمين و العرب دليل على كده.. أنا هبقى أدورلك على بلوج واحدة أمريكية قررت تجرب تلبس حجاب و تقضى يومها و تشوف هيحصل إيه و النتيجة إن كان هيجيلها إنهيار عصبى من كتر قلة الأدب و الزغر و الهجوم الصريح اللى إتعرضتله نتيجة إن الناس إفتكروها مسلمة (ماحدش كلمها عن الحجاب نفسه على فكرة كلهم كانوا عايزينها ترجع بلدها عشان مش عايزين مسلمين عندهم)..

همه متعصبين ضد الآخر و إحنا كذلك .. واضح إن تجربة الوصول إلى التسامح من خلال منهج علمانى فشلت و فى نفس الوقت إحنا حدفنا تراث التسامح اللى بيمثل مكون أساسى من الإسلام من الشباك و بالتالى مابقاش حد أحسن من حد.. فإذا كانت خيبتهم السبت و الحد فإحنا خيبتنا لم ترد على حد

Kalimalhus said...

مواطن..

إيه حكاية أوروبا تختلف دى؟.. نعملهم إسلام نص كم يعنى و ألا بكرانيش..؟

و بعدين مش ملاحظ إن المفروض حسب الفكرة بتاعتك عن أوروبا و الدول المتقدمة إن مجتمع زى بتاعهم ده مش المفروض يبقى فيه تعصب و تطرف و عنصرية .. يعنى مش ملاحظ كده إن الليبرالية بتاعتهم أثبتت فشلها و فشلهم؟

Unknown said...

زعلانة من احمد مظهر
هي وصلت ان احمد مظهر يقعد يتملق في وداد حمدي ويفهمها انه بيحبها عشان بتديله فلوس وقاعدة بقططها في بيته وبس فالح يطلع عين صاحبه وبنته؟
وصحابه ده راخر، ماهو دكتور في حتى هو كمان

Unknown said...

بدل ماهو بيتملق وداد حمدي ما يشوف له شغلانة شريفة عشان الناس تحترمه

مواطن مصري said...

العنصرية موجودة في الاسلامي و العلمانين

Unknown said...

يا مواطن
مافيش اي مقارنة ما بين امة بتمر بمرحلة اضمحلال وامة تانية المفروض انها في اوج مرحلة ازدهارها

والثقافات والحضارات يتحكم عليها بالمراحل اللي ازدهرت فيها مش بمراحل اضمحلالها
لان مراحل الاضمحلال في كل الامم والثقافات شبه بعضها من اول الفراعنة لحد النهاردة

واوروبا مرت بمرحلة اضمحلال سودا وكانوا مقملين وهدومهم مقطعة وبيعملوا بيبي في ركن في الاودة
وتصادف انهم وقتها كانواا مسيحيين وكان بينهم حروب اهلية وحاجة تقرف الكلب الحزين
هل ينفع انك تحكم على حضارة ودين من فترة اضمحلال دي وتقول ان المسيحية مثلا بتخلي الناس ما تستحماش؟ كل الناس في مراحل اضمحلالها ما بتستحماش
والله
انت مش شامم ريحة الناس في الشارع دلوقت؟
زي ما واحد يجيله اكتئاب كده ويبقى مالوش نفس يقوم حتى يسرح شعره

دي حاجة
الحاجة التانية ايه وجه المقارنة ما بينا احنا دلوقت وما بينهم هم دلوقت؟
المقارنة المنصفة فعلا هو مقارنتهم دلوقت بينا ايام عزنا، او مقارنتنا بايام ما كانوا مقملين

مواطن مصري said...

يا نوارة الاحداث بتعيد نفسها

يعني مث انا بشبة الوضع الان بوضع الي كانت في فرنسا ايام الثورة الفرنسية

و سيطرة الكنيسة على الدولة

كانت بردو فرنسا وقت انهيار

زينا كدة دلوقتي

simplymoi said...

Nawara

Though I am Muslim but when I went to London last year, I saw:
1. from East to west London halal food(halal MacDonald's, subway,pizza hut in southall) or restaurant even in the newsstand in the underground
2. The famous shops turn on Arabic music
3. Try to walk on knightsbridge at weekend, it is like middle east
4. almost every neighbourhood had Arabic grocery store
5. The bus driver / supermarket worker talks either about halal items or some Arab words
6. Most the five star hotels hired staff whose speaks Arabic as second language in the summer
7. Nawara we owned this city and stayed there for 3 months and everywhere I saw Arab people, Arab shops in oxford street, Sheppard bush and the famous Edgar road(the shop signs there are Arabic)

Imagine nawara the English people when they saw all these. Plus, we Muslim have lot of kids and they do not the same. So, we are increasing in the population.

However, they stole from us lot in old times(colonization era)our wealth.

سيف said...

مواطن مصرى

ارجوك بلاش تفتى فى التاريخ

و متشبهش ما قبل الثورة الفرنسية

بحالنا دلوقتى

لأن انت كده بتناقض نفسك

موقفك من ثورة او انقلاب يوليو معروف

يبقى بتحتفى ازاى بالثورة الفرنسية؟
!

amr imam said...

اولا انا بشكرك على طرح المواضيع المهمة دية وفتح مجال لنقشها ثانيا انا عاوز اقول ان الاسلام متشوة كدة كدة ازاء كنا معتدلين او كنا متطرفين او كنا اى حاجة الاعلام الصهيونى العالمى لو ملقاش مصيبة للاسلام هيفصلة مصيبة يعنى كدة كدة متشوهين
يبقى الاهم من اننا نقعد نقول اصل والله الاسلام حاجة والتطرف شى تانى وان دية قلة قليلة من القلل المقللقلا اى كلام يعنى باختصار
اننا نعمل نوعى الناس نعرفهم مصر دية كان فيها مين وعمل اية نعرفهم ازاى احنا كنا على قمة العالم كائمة اسلامية كل مثقفين مصر شركاء فى اى ضرر بيقع نتيجة عن جهل او عدم معرفة
لازم نعمل اكتر ما نتكلم لازم يكون لينا دور اجابى فى مجتمعنا المصرى الاول ومجتمعنا العربى والاسلامى
مع فائق احترامى للجميع

مش فاهمه said...

بخصوص موضوع صلاح ذو الفقار و المسيحيين قرأتى الحوار ده
الدكتور سليم العوا بيتكلم عن اخواننا المسيجيين و اللى بيعملوه فينا - و بيتكلم عن المتطرفين المسليم كمان - بس هم مش ملايكه يعنى
http://www.almasry-alyoum.com/article2.aspx?ArticleID=225519

حزيــــــــــــــــــن said...

يخرب عقلك يا نوارة
انا ميت من الضحك
ومن الاسى فى نفس الوقت
لسه مخلص مقال عن اذدواجية العنصرية
الناس اللى بتفضل تنادى بحرية الرأى والعقيدة وبعد دقيقه يوصفوا حد انه رجعى ومتخلف وظلامى لمجرد انه قال عبارة ان شاء الله

بعد اذنك هشير البوست دا فى الفيس عندى

احمد مهنى

Dr Nemo said...

مممممممم ممممممم مممممم حديث لا ينتهى ولغط دائم وبطيخ ومشمش وبرقوق كمان ..... دى حالة النقاش دايما لما بندخل فى تناقضات الغرب ونقعد نبكت فى نفسنا يا شباب ويانواره..... المشكله ان الغرب كمجتمع مدنى قام للاسف على اخذ حقك بالقوه ايا كان نوعها دبلوماسية او عنيفه ...قايمه على احترام الاخر او حتى احتقاره لحد ما يلم الدور..... ياريت نراجع ازاى السود خدوا حقهم فى امريكا عشان نتكلم بعدها .... مش معنى كده انى بطرح نفس النوذج كخيار قدام المسلمين لان الفرق حتى شاسع ما بين صراع ايدلوجى وعرقى ..... لكن كخطوط على الطريق نقدر نقول ان لازم تتلازم حاجتين فى نظر الغربى عشان تعرف تاخد حقك منه..... انه يراك مظلوم اوى وفى نفس الوقت تبقى شوكتك جامده فى حلقة اوى.... لو اخدت واحد بس من الشكلين دول مش هتعدى على خير ومش هتاخد حقك .... مواطن مصرى لو طلع يقولى ما زى ما بنعمل فى المسيحين هما حقهم يعملوا فى المسلمين والخرف ده ...مش هرد عليك يا عمرو ... هفجر نفسى فى المدونة واوريك شغل الارهاب والوهابييين صح :)

Deema said...

http://fora.tv/2009/09/01/Islamic_Identity_in_the_US_Reza_Aslan#fullprogram

a very interesting interview with Reza Aslan

احساس لسه حى said...

اسرائيل راحت فين

تبقى هى صباح

اما الفرق بين اللى بيحصل هناك وهنا

انن هناك عايشين فى حرية وشعبهم مش مكلوب علشان يرفض الاخر ويقف قصاد الاخر بعنف

اما هنا الناس اللى مكبوته ومخنوقه لما يستخدموا العنف ده شئ طبيعى لازم يوصبوله مع غياب الديمقراطية ووجود الديكتاتورية

ورمضان كريم

مواطن مصري said...

سيف

هناك فرق شاسع بين انقلاب يوليو الي قضى على الحريات و اصبح الحكم فردي


و شخصن مصر في شخص

و بين الثورة الفرنسية الي بنت فرنسا بعد كدة على الديموقراطية و الشورى و الحريات


يا ريت اشوف ثورة زي ثورة فرنسية و يتم تطبيق التجربة الفرنسية او التركية

Unknown said...

مش عارفة صباح يانوارة؟

صباح اللى بنبيعلها الغاز ببلاش

صباح اللى مقطعين نفسنا عشان ابنها شاليط وسايبين ولادنا يموتوا بايديها

صباح اللى شغالين لها مرشد سياحى ووديناها منابع النيل مع أثيوبيا تبنى هناك سدود تحجز عننا المية

وطبعا ولايهمنا عشان أثيوبيا دى كخة والريس اتطخ عنها من 15 سنة


..

بس يعنى ايه الدنيا كلبة يا سى أحمد؟

SERVANT OF JC said...

ما يقوم به الاسلاميين الان هو تطبيق دقيق لسنة رسول الاسلام ... !!

الرسول كان يغزو ويسبي النساء ويأمر بإغتيال معارضيه .. وهي كلها احداث موثقة في كتب السيرة النبوية

هؤلاء الإسلاميين هم المراية اللي بتعكس صورة الإسلام الحقيقية ..

واللي معترض علي كلامي يناقشني مش يقولي انت نصراني كلب حقير حفيد للقردة والخنازير .. وكلام الف ليلة وليلة دة هو

يا أمة ما انا بقاريء !!

مواطن مصري said...

نوارة انتي مصدقة new worl order ولا ؟

Unknown said...

النسر المصري
اعتذر عن نشر تعليقك


servant of christ

هو من حيث انك كلب وخنزير فدي حقيقة علمية يعني مش محتاجة ادلة ده كومن سنس

بس انت تتكلم كده عشان دي اخلاقك وامراضك اللي محتاج تتعالج منها

لكن انا مسلمة يعني مؤمنة بقول ربنا: ولا يجرمنكم شنآن قوم على ألا تعدلوا، إعدلوا هو أقرب للتقوى

ورحمة بيك وبضعفك مش ح ارد عليك

انت برضه في حمايتي

Unknown said...

simplemoi

والله الكلام ده يخوف
لانه شبه وصف حالة اليهود في اوروبا قبل الهولوكوست

عمرو امام

والله انا مش شايفة اي داعي للنبرة الاعتذارية اللي عندنا فعلا يا عمرو

يعني احنا لو اخدنا عينة عشوائية من اي عشر سنين في التاريخ وحسبنا الضحايا اللي اتقتلوا بايدين كل المنتمين للديانات التلاتة الى جانب الهندوس والشيوعيين مثلا ح نلاقي ان المسلمين عاملين اقل معدل
دي حقيقة استاتيستيكية

اصلا اننا نقبل الاتهام ونحاول نرد ونبرأ ده في حد ذاته قبول لفرضية مالهاش اي اساس علمي ولا اي وجود دي كلها مبنية على البروباجاندا

هات اخر عشر سنين واحسب عدد القتلى ضحايا القاعدة، وضحايا امريكا (وملحوظة بقى يعني امريكا دولة مسيحية، مش زي الدول الاوروبية يعني)، وضحايا اسرائيل، وضحايا الهندوس والسيخ في الهند

انا باكلمك بجد هات تعداد الضحايا
المسلمين اقل ناس في معدلات القتل والاقل ناس لهم ضحايا قتلى او جرحى

يبقى على اي اساس احنا بندفع عن نفسنا اتهام اصلا مالوش اساس علمي


مش فاهمة

والله مافيش حد ملاك احنا كلنا بني ادمين
بس لما يبقى فيه مشكلة بين اغلبية واقلية لازم وضروري تبقى دايما الاغلبية هي اللي غلطانة والاقلية اي حاجة بتعملها بتبقى رد فعل
ده كومن سنس


حزين

ازيك يا احمد
بس انا برضه شايفة من الظلم الحكم علينا واحنا موكوسين كده
يعني احنا محتاجين نتعالج اه بس حرام علينا نفسنا
بالراحة شوية احنا غلابة


Dr Nemo

هههههههههههههههههههههههه


وتهون عليك المدونة


احساس لسة حي

لا اسرائيل مش صباح طبعا
صباح المفروض انها هي اللي ح تساعد احمد مظهر انه يحسن من نفسه


اسرائيل هي جوز وداد حمدي



m5m

ههههههه
انت ناس الفيلم بقى
صباح كانت كويسة في الفيلم ده مش وحشة

مواطن مصري said...

عجبك كدة يا نوارة

http://www.youm7.com/News.asp?NewsID=135837

منظمة يهودية تتهم "اليوم السابع" بمعاداة السامية


انا بحب اليوم السابع جدا

مواطن مصري said...

هههه احساس لسة حي و خادم المسيح

الاثنين نفس الفكر تقريبا متطرفين دينيا


هما الي مرجعين العالم لورا و معيشين الناس في حروب

mido said...

مواطن مصرى@


الثورة الفرنسية قطعت رقاب ناس

من غير محاكمة

يعنى العن من ثورة يوليو على الاقل كان فى محاكمات

ثانيا انا استفدت ايه من فرنسا الديمقراطية ؟

ولا حاجة

صفر

بالعكس منعوا الحجاب فى الجامعات و ضربوا العلمانية فى مقتل

و الالعن انهم أكبر دولة مساندة للاستبداد فى العالم العربى و افريقيا

الجابون مثلا

mido said...

جورج اسحاق هاجم هانى عنان و نفى كلامه عن تقبل كفاية للتوريث

SERVANT OF JC said...

** اقتباس: (هو من حيث انك كلب وخنزير فدي حقيقة علمية يعني مش محتاجة ادلة ده كومن سنس)

الرد: فعلا من شابه نبيه فما
ظلم!

يا أخت نوارة (يا بتاعة الكومن سينس).. ألا تعلمي أن الرسول الكريم ذو الخلق العظيم كانت تحيته لليهود والنصارى: (يا إخوة القردة والخنازير)..؟!! علي الفكرة.. أنا لا ألومك علي هذة الألفاظ.. وأيضاً لا ألوم أي شيخ إرهابي يقف علي منابر الجوامع في مصر ليكفر الأقباط ويسبهم وينعتهم بأقذر الصفات.. !! فهذا هو المسلم الحقيقي الذي لا يعترف بإنسانية غير المسلمين حتي ولو كانوا مواطنين في نفس الدولة.. عارفة ليه؟ لأنه مثلك تماما يراهم فقط مجرد خنازير وحيوانات نجسة!! وابقي سلمي لي علي حقوق الإنسان والحريات والمواطنة والشعارات اللي حضرتك بتنادي بها!! الظاهر انها أمراض ناس مصابة بالهلوسة والتهييس..!! واختيارك لاسم المدونة كان فعلا اختيار في محله.. مجرد جبهة للتهييس!!

** اقتباس: (بس انت تتكلم كده عشان دي أخلاقك وأمراضك اللي محتاج تتعالج منها)

الرد: وحضرتك بقه طبيبة تخصص أمراض نفسية وعصبية وأنا مش عارف يا دكتورة نوارة..؟!
إيه..؟! خلاص بقيتي بقدرة قادر معالجة نفسية وقمتي بعمل تحليل لشخصيتي وتشخيص لحالتي النفسية؟!! هو أي حد يختلف مع سيادتك مع الرأي لازم يكون مجنون في نظرك ومصاب باضطرابات عقلية؟!! مش هتبطلوا الإسلوب دة بقه.. ؟!! خلاص.. حضرتك اللي عاقلة وسيد العاقلين كمان.. وإحنا اللي ربنا خلقنا ناقصين للعقل.. معلش لو كان عقلنا علي قدنا بقه هنعمل إيه.. مش بأيدينا.. ربنا اللي خلقنا كدة!!

** اقتباس: (لكن انا مسلمة يعني مؤمنة بقول ربنا: ولا يجرمنكم شنآن قوم على ألا تعدلوا، إعدلوا هو أقرب للتقوى)

الرد: طيب يا مسلمة .. إيه رايك في قول أشرف الخلق: لا ولاية لكافرعلي مسلم؟ وقوله: لا يقتل مسلم بكافر؟؟ وقوله ايضا: لا تبدؤوا اليهود والنصارى بالسلام فإذا لقيتم أحدهم في طريق فاضطروه إلى أضيقه؟؟ وقوله تعالي: لا تتخذوااليهود والنصاري أولياء؟!! يمشي معاكي الكلام دة.. ولا إيه الظروف؟؟ ولا انتي هتؤمني ببعض الكتاب وهتكفري بالبعض الآخر؟! دة حتي يبقي حرام في رمضان!!

** اقتباس: (ورحمة بيك وبضعفك مش ح ارد عليك)

الرد: مين قالك إني ضعيف لا سمح الله؟؟ الحمد لله انا باخد فيتامينات.. ومقضيها هريسة ليل والنهار عشان لما ربنا يرزقني كدة بواحدة وأكمل بها نصف ديني انكحها بقوة ثلاثين حصان!!

** اقتباس: (انت برضه في حمايتي)

الرد: ههاهاهاها .. انا في حمايك الإله اللي خلقني..
وبعدين انا ابقي في حمايتك انتي ليه؟؟ غريبة.. !!
آه .. قولي كدة .. انتي عايزه تحميني وتدفعيني الجزية .. مش كدة؟؟
لا فرصة تانية بإذن الله ...

أتمني انه يكون عندك الشجاعة وتنشري تعليقي .. عشان نقدر نشوف مين فين اللي ضعيف ومين فين اللي بياكل كفيت؟!!

سلام يا استاذة الكومن سينس!

Dr Nemo said...

هههههههههه نواره معلش معتديش تردى عليه الواد ده لسه طالع من بكابورت من بتوع البال توك يعنى الكلام معاه ملوش لازمه .... زى ما بيقولوا كده جاى يشتم ويمشى ... واحنا عالم مياكلش معانا قلة الادب وقل حاجه ممكن يترد عليك بيها هوه ان اكتر واحد فينا كمتابعين للمدونة بيكره الفكر الاسلامى او على الاقل بيعتب عليه فى كتير من محاوره "مواطن مصرى " نعتك بالمتطرف ودا اقل ما يقال نظرا للريحة اللى شاممها من كلامك " فى نتانه فى منطقة التليقات النهارده يانواره باختصار اطردى هذا الحلوف من هنا خليه يرجع بكابورته ممتلئا بالحكمة الكدابه

Unknown said...

AhmeD 3llaM

انا عملت كوبي للجزء الاول من ردك ونزلته الجزء التاني مش ح انزله يا احمد معلش


servant of christ
انا وهوه ومونيكا

لقد كان الاسلام في عنفوان قوته رحيما وكما قال
غوستاف لوبون
ان العالم لم يعرف فاتحا ارحم من العرب ولو شاء لاباد طوائف كبيره وصغيره وحاشاه ان يفعل فما تلك خطته ولا تلك سيرته ولو فعل
لسكت التاريخ مسكينا كما سكت لابادة المسلمين في الاندلس

ان المسلمين كانو ومازالو ارق اهل الارض
يقولون
السلام علينا وعلي عباد الله الصالحبن


--------
وماحدش يشتمه انا خلاص شتمته وعملت الواجب اللي عنده رد يرد عليه هو كلامه اهبل اصلا
-------------

Servant of Christ

اولا ليه مش خادم المسيح؟ ليه بالانجليزي يعني؟ حضرتك خواجة؟

ثانيا: هو المسيح علمك تسب الدين للناس؟ انا شتمتك انت ما شتمتش دينك
وما اقدرش اشتم دينك والا ابقى خرجت من ديني انا


ثالثا: والله الليلة دي غالبا ليلة القدر وانا ممكن اضيع وقتي في الرد على النقاط نقطة نقطة بس ح اقسمهم بقى لاني مش ح ابقى فاضية الليلة
الملايكة نزلت

بس مبدئيا انا عايزة اقول لك حاجة واحدة فقط لا غير

لو المسلمين لا يعترفوا بانسانية غيرهم ماكنتش حضرتك ح تبقى موجود
كان اتعمل في جدودك اللي اتعمل في المسلمين في اسبانيا

هممم
قول لي بقى، انت تبع مين؟ اقصد يعني مين اللي بيدفع لك تهبل الهبل بتاعك ده؟ ماهو ما تقنعنيش ان انت غبي منه فيه كده؟

يعني لما الخواجات بيقولوا الكلام ده هم لهم عذر ولهم اسباب
عذرهم ان تواجد المسلمين في مجتماعتهم حديث جدا
واسبابهم انهم عايزين الزيت اللي في بلاد المسلمين ومن ثم عايزين يحتلوهم وطبعا المسلمين مش ح يرضوا يحتلوهم فحيضطروا يقتلوهم طب كده ضميرهم ح يأنبهم قوم عشان ضميرهم ما يأنبهمش يألفوا اساطير وياخدوا النصوص خارج سياقها وكمان هم مابيفهموش عربي وما عندهمش المام بالثقافة إلخ

لكن احنا يا بعيد بقالنا اربعتاشر قرن بوزنا في بوز بعض
يعني المفروض اننا عارفين بعض كويس
المجتمعات الخليجية في السابق كان برضه عندها اوهام واساطير عن المسيحيين
ومع ذلك المجتمعات الخليجية بتتطور جدا ومع ان تواجد الموظفين المسيحيين في مجتمعاتهم حديث جدا الا ان تعصبهم ضد المسيحيين بينحسر بمعدلات عالية جدا

الظاهرة الغريبة بقى ان مجتمع زي المجتمع المصري اللي مفروض انه كان متنوع من زمان يبقى فيه ناس زيك وناس معادلين لك بين المسلمين كمان

كده نبقى احنا ناس عيانة فعلا
يعني انا مثلا ما نزلتش تعليق النسر المصري لانه كان فيه شتيمة للمسيحيين واقتباسات من المهبوش اللي اسمه زكريا بطرس
لان مدونتي لا تسمح بالطائفية ولا العنصرية
بس نزلت تعليقك لعدة اسباب
(مش عشان انا مسلمة وباجي على اللي مني زي ما المسلمين عادة بيعملوا)
بس عشان انا باعيد تاني، مؤمنة ان اللي اقوى عددا وعتادا عليه مسئولية، بصرف النظر عن دينه
يعني اوروبا وامريكا عليهم مسئولية لان عندهم قنابل، لما المسلمين اللي عندهم يخرجوا في مظاهرات غاضبة لازم يسمحوا لهم لانهم اصلا فاشخينهم والعكس ليس صحيح، لا ما يسمحوش بعنصرية ضد المسلمين لان المسلمين هم الاضعف في المجتمعات دي، والتظاهرات العنصرية ضدهم ح تخوفهم، لكن تظاهرات المسلمين حتى لو كانت عنصرية مش ح تخوف حد

نفس الكلام ينطبق على تعليقك
انا انزل تخاريفك دي وارد عليها او ما اردش مش مهم
بس انت يسمح لك بكده لانك الاضعف بسبب قلة العدد والظروف الحالية والاحساس بالخوف اللي اكيد بيتملكك بسبب الاحداث الاخيرة
لكن العكس مش صحيح
ما يتلمش عليك المسلمين ويرعبوك لانك مهما كنت قليل الادب انت مش ح تقدر تعمل لهم حاجة

فهمت؟
ما اظنش

نيجي بقى لنقطة اربعتاشر قرن
يعني انت عايز تفهمني انك فعلا مقتنع بالكلام ده؟ غبي يعني للدرجة دي؟ ما بتفهمش للدرجة؟ عمرك ما شفت مسلمين في حياتك؟ عمرك ما ندرت في سيدنا الحسين؟ عمرك ما شفت مسلمين نادرين في دير مسيحي؟
عايز تفهمني ان بعد الف وربعميت سنة اكتشفت لنا دلوقت حاجة في دينا احنا ما كناش عارفينها بقالنا الف وربعميت سنة؟

يعني هو ده الدين الاسلامي اننا نخلص منكوا؟ كنا غلطانين طول الاربعتاشر قرن اللي فاتوا

طب متشكرة يا حجة الاسلام
اهو فيه ناس ابتدت تاخد بفتواك

مواطن مصري said...

نوارة متضيعيش وقت مع ناس متشددين عاوزين الحرق


لو عندك فيديو لخطاب نصر الله نشوف هيقول اية

عشان افهم اية الي جرى في جنوب لبنان بيقولو اليونفيل نشرو قوات كثير على الحدود

مواطن مصري said...

الغريب الي يدخل في مدونة احساس و خادم الاثنين نفس الفكر

دول وباء او فيروس في المجتمع

Unknown said...

مواطن هو السيد اتكلم خلاص؟

رئبال عبدالله said...

بخصوص قولك : لا ولاية لكافر علي مسلم؟
كيف تثبت الولاية بمعنى التصرف بمصالح الشخص الآخر والكافر لا يؤمن بالطريقة التي يعتنقها الاخر لادارة حياته؟
جوهر الولاية ان يتصدى من يعرف لادارة حياة من لا يعرف. ولو اقر الاسلام بان الكافر قادر على ادارة حياته او حيوات الآخرين ، ماهو مبرر نزول المنظومة الاخلاقية والاجتماعية والعدلية الاسلامية في هذه الحالة ؟

وقوله: لا يقتل مسلم بكافر؟؟ وهذا من بديهيات الحرب التي كانت مفتوحة بين الاسلام والكفار، اعطني حديثاً للرسول يجوز تكرير قتل المعاهد او الذمي بدون عقاب؟ واعطني بلداً اسلامياً واحداً يبرأ المسلم في حال قتله لمغاير عدواناً وظلماً.


وقوله ايضا: لا تبدؤوا اليهود والنصارى بالسلام فإذا لقيتم أحدهم في طريق فاضطروه إلى أضيقه؟؟
هذا الحديث عن الرسول الاكرم خلاف سيرته مع من كان يؤذيه من الكفار فكيف بمن لم يؤذي احداً.


وقوله تعالى: لا تتخذوااليهود والنصاري أولياء؟
!!
كيف تود ان يتخذ المسلمين اليهود والمسيحيين اولياء وهم مختلفون منهجياً والولاية تستدعي الاتباع
ولماذا لا تذكر الآية التي تقول :لا يناهكم الله عن الذين لم يقاتلوكم في الدين ان تبروهم وتقسطوا اليهم
الا يكفى البر والقسط والعدل والرحمة ان تسود؟ هل من الضروري ان يوالي المسيحي المسلم بحيث يخرج عن دينه او بالعكس ؟

Unknown said...

رنبال عبد الله

شكرا


هههههههههههه
بهيج سايب تعليقات تفطس من الضحك
بس طبعا مش ح اقول بيقول ايه

بس يا بهيج عيب

Unknown said...

رنبال عبد الله

لو عندك نص المعاهدة ما بين الرسول واليهود والمسيحيين ياريت تفيدنا بيها كمان

SERVANT OF JC said...

الاقتباس الأول:

(لقد كان الإسلام في عنفوان قوته رحيما)

الرد:

أي الرحمة التي تتحدثين عنها والقرآن نفسه يأمر المسلمين بأن يكونوا أشداء علي الكفار؟! أين دليلك علي هذة الرحمة؟! وما رأيك بهذة الآية الكريمة: "يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ وَمَأْوَاهُمْ جَهَنَّمُ وَبِئْسَ" – التوبة 73.. وأيضاً في هذة الآية: "يَا أَيُّهَا الَّذِينَ آمَنُوا قَاتِلُوا الَّذِينَ يَلُونَكُمْ مِنَ الْكُفَّارِ وَلْيَجِدُوا فِيكُمْ غِلْظَةً وَاعْلَمُوا أَنَّ اللَّهَ مَعَ المتقين" – التوبة 123. فيا تري ما معني الغلظة في كل هذة الآيات؟؟

إن كنتي تجهلي ولا تفهمي معاني اللغة العربية, فانا ممكن أساعدك في أن تتعلميها.. الغلظة معناها القسوة والشدة وهي كلمة مضادة للرحمة التي لا أجدها في هذا الكتاب!!

حتي وإن كان هناك رحمة فهي رحمة خاصة للمسلم فقط.. فلا رحمة للكافر..!! وهذا هو دليلي علي ما أقول.. قول القرآن: "مُحَمَّدٌ رَسُولُ اللَّهِ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ تَرَاهُمْ رُكَّعًا سُجَّدًا يَبْتَغُونَ فَضْلًا مِنَ اللَّهِ وَرِضْوَانًا سِيمَاهُمْ فِي وُجُوهِهِمْ مِنْ أَثَرِ السُّجُودِ" – الفتح 29..

إذن فالرحمة هنا التي تتحدثين عنها يا أختاه هي رحمة بين المسلمين فقط.. أما الكفار فالشدة والغلظة مطلوبة ومأمور بها من إله الإسلام في التعامل مع كل كافر لا يؤمن بالإسلام ونبوة محمج...!!

مواطن مصري said...

انا سامع انة هيتكلم النهاردة
ناس بتقول الساعة عشرة

مواطن مصري said...

حكاية الولاية انا مش هستفاد بدينة سواء مسلم او يهودي او مسيحي المهم الكفائة

يكون كفائة و قد كلامة و فعل مش بوق و بتاع خطب

المفروض الناس تختار ذو الكفائة

رئبال عبدالله said...

اهم البنود من المعاهدات بين المسلمين وغيرهم :
بسم الله الرحمن الرحيم هذا كتاب من محمد النبي صلى الله عليه وسلم، بين المؤمنين والمسلمين من قريش ويثرب، ومن تبعهم فلحق بهم وجاهد معهم أنهم أمة واحدة من دون الناس.
وإن المؤمنين المتقين على من بغى منهم أو ابتغى دسيعة (كبيرة) ظلم أو إثم أو عدوان أو فساد بين المؤمنين، وإن أيديهم عليه جميعا، ولو كان ولد أحدهم.

ولا يقتل مؤمن مؤمنا في كافر ولا ينصر كافرا على مؤمن، وإن ذمة الله واحدة يجير عليهم أدناهم، وإن المؤمنين بعضهم موالي بعض دون الناس.

وإنه من تبعنا من يهود فإن له النصر والأسوة غير مظلومين ولا متناصرين عليهم.

وإن سلم المؤمنين واحدة لا يسالم مؤمن دون مؤمن في قتال في سبيل الله إلا على سواء وعدل بينهم.

وإنه لا يحل لمؤمن أقر بما في هذه الصحيفة وآمن بالله واليوم الآخر أن ينصر محدثا (مجرما) ولا يؤويه وأنه من نصره أو آواه فإن عليه لعنة الله وغضبه يوم القيامة ولا يؤخذ منه صرف ولا عدل.

وإن يهود بني عوف أمة مع المؤمنين، لليهود دينهم وللمسلمين دينهم مواليهم وأنفسهم إلا من ظلم وأثم فإنه لا يوتغ (أي لا يهلك) إلا نفسه وأهل بيته.

وإن على اليهود نفقتهم وعلى المسلمين نفقتهم، وإن بينهم النصر على من حارب أهل هذه الصحيفة، وإن بينهم النصح والنصيحة والبر دون الإثم، وإنه لم يأثم امرؤ بحليفه وإن النصر للمظلوم.

وإن اليهود ينفقون مع المؤمنين ما داموا محاربين.

SERVANT OF JC said...

الإقتباس الثاني: (وكما قال غوستاف لوبون: ان العالم لم يعرف فاتحا ارحم من العرب)

الرد:

الغريب إنكم كمسلمين تدينون كل أنواع الاحتلال الأجنبي الذي تعرضت له مصر في تاريخها الطويل من زمن الهكسوس حتي احتلال إسرائيل لمنطقة سيناء.. ولكن تأتون عند العرب وتصمتون وتسمون دخولهم لمصر (فتحاً) !!! ولكن الحقيقة كما قالها الدكتور سيد القمني انه لم يكن فتحاً كما تدعوا كذبا ونفاقا بل كان غزوا بربريا واحتلالا عسكريا لمصر من اجل نهب ثرواتها وخيراتها من جانب الجيوش العربية القادمة من شبة الجزيرة الصحراوية القاحلة!! والدليل علي ذلك هو بقاء العرب في مصر وسيطرتهم علي الحكم السياسي وفرض الجزية علي شعبها بحجة حمايتهم!!.. فلو كان عمرو بن العاص قد جاء لمصر من أجل نشر الإسلام كما تدعوا, فلماذا ظل فيها ؟؟ لماذا لم يترك مصر ليحكمها شعبها المصري ويعود هو إلي موطنه الأصلي في شبه الجزيرة العربية؟؟!

SERVANT OF JC said...

الإقتباس الثالث: (لسكت التاريخ مسكينا كما سكت لابادة المسلمين في الاندلس)

الرد:

غريب جداً أمركم!! وما الذي أدخل المسلمين لأسبانيا أصلا؟! وبأي حق يقوم هؤلاء العرب بغزو هذة البلاد الأوروبية؟!! فهل كان الأسبان يحاربون المسلمين في زمن الدعوة المحمدية حتي يكون للمسلمين العذر والمبرر بغزو بلادهم؟!! حتي وإن حدث ما تسميه بالإبادة.. فالأوروبيين في ذلك إنما كانوا يدافعون عن بلادهم وأرضهم التي استعمرها العرب لأكثر من 800 سنة من الزمان بدون وجه حق!!

رئبال عبدالله said...

خادم المسيح

نسأل الله عز وجل بحرمة اوليائه ان نكون جميعاً خدماً للمسيح (ع) وانبياء الله كافة.
وان نكون حقاً وصدقاً في خدمة رسالاتهم التي امرهم الله بادائها وحمل الناس عليها
وفي الخاتمة اتركك لنصوص منسوبة زوراً للسيد المسيح (ع) توضح لك سهولة القدح والذم ضمن سياسة الاقتطاف وحرف الكلم عن مواضعه:
لا تظنوا أني جئت لألقي سلاماً على الأرض،
ما جئت لألقي سلاماً، بل سيفاً،
فإني جئت لأفرق الإنسان ضد أبيه،
والابنة ضد أمها، والكنة ضد حماتها،
وأعداء الإنسان أهل بيته
----------

SERVANT OF JC said...

الإقتباس الرابع: (ان المسلمين كانو ومازالو ارق اهل الارض - يقولون السلام علينا وعلي عباد الله الصالحبن)

الرد: فعلا.. منتهي الرقة.. ولتنظري إلي عمليات قطع رقاب الرهائن علي يد الجماعات الاسلامية وهم يصيحون "الله أكبر.. الله أكبر" ... ولتشاهدي المسلمين وهم يحرقون السفارات لمجرد ان جريدة دنماركية نشرت صور كاريكاتيرية لرسول الاسلام! العالم كله اليوم ينظر لكم نظرة الشك والريبة.. لقد اصبحتم في نظرهم جماعات غوغائية تكفن نساءها بالحجاب والنقاب, وتقطع الايدي والأرجل من خلاف وتجلد المرأة التي ترتدي البنطلون !! الظاهر انك لم تخرجي خارج اطار البلد اللي انتي تعيش فيها, ولم تتعاملي مع الأجانب.. وقتها فقط ستعرفي الفرق بين المسلمين (خير امة اخرجت للناس) وبين غيرهم (من الكفار اصحاب الفكر والحضارة) !!

Unknown said...

ايه الواد الغبي ده؟
المسلمين اللي في اسبانيا كانوا اسبان وقعدوا تمن قرون
يبقى بقى الوثنيين لما كانوا بيدبحوا المسيحيين كان معاهم حق
ويبقى من حق الهنود الحمر انهم يدبحوا البيض


انت غبي يالا؟ انت مش عارف ان الكلام اللي بتقوله ده بيدين اصلا دخول المسيحية لمصر؟ وبيدعم دخول العرب لمصر لان العرب كانوا بيدافعوا عن منطقتهم ضد الدخول الروماني

ومش بس كده، انت بتحلل للمسلمين انهم يحرقوا بقى المسيحيين اللي بيصلوا
مش انت بتقول ان هو الاسلام كده؟
طب الاسلام حضرتك مؤمن بيه مليار ونص، يعني مش وارد انه يتم القضاء عليه زي ما خيالك المريض بيصور لك
مافيش غير انهم يلتزموا بفتواك ويخلصوا عليك لانهم اصلا لما سابوك كل ده كانوا غلطانين وبيعملوا ضد الشريعة وفقا لكلامك

انا قايمة اصلي والله يكون في عون اللي ح يردوا عليك

الامام علي قال ما جادلني عالم الا غلبته وما جادلني جاهل الا غلبني

اطمن انت الغالب في المناقشة دي

انا ح اسيب التعليقات

والنبي يا بهيج ما تعمل مغرز الله يخليك

انا ح ابقى باصلي
والله لو لقيتك عامل حركة قرعة لادعي عليك
خليك حلو بقى

SERVANT OF JC said...

الاقتباس الخامس: (وماحدش يشتمه انا خلاص شتمته وعملت الواجب اللي عنده رد يرد عليه هو كلامه اهبل اصلا)

الرد:

وهذا حقا أفضل اثبات ودليل علي ان المسلمين هم أرقي أمة علي وجه الارض!!

أشكرك من اعماق قلبي..

وعلي أي حال.. انا لا اهتم بالشتائم.. فهي تعبر عن ضعف وهزالة موقف قائلها لا أكثر !!

رئبال عبدالله said...

خادم المسيح


الغلظة والشدة على من عاثوا في الارض فساداً رحمة كلية لضحاياهم، لا يهدي الرحيم للقتلة وقاطعي الطرق ومنتهكي الاعراض سيفاً يعنيهم ... بل سيفاً لابادتهم
والخطاب القرآني موجه لهؤلاء حصراً، والدليل ان الاسلام لم يستأصل اتباع الديانات الاخرى عندما كان قادراً على ذلك
واذا اردت ان تستعين بالقرآن الكريم، فاستعن به كله، لان بعضه يفسر بعضه
وهذه ايات الرحمة

"إِنَّ اللهَ بِالنَّاسِ لَرَؤُوفٌ رَّحِيمٌ" (البقرة 143)، و"سَلاَمٌ عَلَيْكُمْ كَتَبَ رَبُّكُمْ عَلَى نَفْسِهِ الرَّحْمَةَ"(الأنعام 54 ).

إِلاَّ مَن رَّحِمَ رَبُّكَ وَلِذَلِكَ خَلَقَهُمْ" (هود 119 ).
لاحظ ان الخطاب يتحدث عن الناس بغض النظر عن ديانتهم
وفي خطابه للمسيحيين واليهود قال:
قُلْ يَا أَهْلَ الْكِتَابِ تَعَالَوْاْ إِلَى كَلَمَةٍ سَوَاء بَيْنَنَا وَبَيْنَكُمْ أَلاَّ نَعْبُدَ إِلاَّ اللهَ وَلاَ نُشْرِكَ بِهِ شَيْئًا وَلاَ يَتَّخِذَ بَعْضُنَا بَعْضاً أَرْبَابًا مِّن دُونِ اللهِ" (آل عمران 64).
وهذه توجياته للمسلمين في تعاملهم مع اصنام الوثنيين:
وَلاَ تَسُبُّواْ الَّذِينَ يَدْعُونَ مِن دُونِ اللّهِ فَيَسُبُّواْ اللّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِم مَّرْجِعُهُمْ فَيُنَبِّئُهُم بِمَا كَانُواْ يَعْمَلُونَ

قليل من الانصاف ياصاحب

SERVANT OF JC said...

*** (اولا ليه مش خادم المسيح؟ ليه بالانجليزي يعني؟ حضرتك خواجة؟)

الرد: وهو أي حد يكتب اسمه بالإنجليزي يبقي خواجة؟؟ دة إيه العقل دة يا ربي !!!

*** (ثانيا: هو المسيح علمك تسب الدين للناس؟)

الرد: وفين أنا سبيت دينك يا كذابة..؟!! أنا بقول الحقيقية كما جاءت في كتبكم!

*** (انا شتمتك انت ما شتمتش دينك)

الرد: لأ برافووو..
وهو كلامك لازم يكون بالشتيمة.. مفيش عقل تفكري وتتكلمي به بالمنطق.. ؟؟

*** (وما اقدرش اشتم دينك والا ابقى خرجت من ديني انا)

الرد: ووصف العقيدة المسيحية (أو النصرانية كما تسمونها) بأنها عقيدة منحولة ومحرفة وفاسدة وشرك بالله؟؟ كل دة تسميه إيه؟؟

SERVANT OF JC said...

رنبال عبد الله

استني انت شوية ..
دورك جاي بعد الأخت نوارة

SERVANT OF JC said...

** (لو المسلمين لا يعترفوا بانسانية غيرهم ماكنتش حضرتك ح تبقى موجود)

الرد: فعلا بقاء الأقباط في مصر حتي هذا اليوم هو معجزة.. !!
بس انا عايز افهمك حاجة.. مش معني ان الأقباط موجدين لغاية النهاردة في مصر انهم لم يعانوا من الإضطهاد علي ايدي الجيوش الإسلامية الغازية أو ان الإسلاميين كانوا رحماء بهم زي ما بتقولي!! عندك مثلا أمريكا اللي ضربت اليابان في الحرب العالمية الثانية بقنبلتين نوويتين, وبالرغم من كدة الشعب الياباني لم ينقرض او يختفي تماما.. ولكن بالطبع مئات الآلاف من اليابانيين ماتوا من تأثير هذة القنابل المدمرة!! فهل معني ان الشعب الياباني موجود لحد النهاردة ان أمريكا لم تضربهم بالسلاح النووي وترتكب جريمة ضد الإنسانية وتقضي علي الآلاف منهم؟؟ فكروا بالعقل شوية.. !!!

مواطن مصري said...

ههههه اية يا نوارة هي مدونتك هتبقى مجال للتبشير


و الاسلمة


اللهم اهلك الارهابين المسلمين ب الارهابين المسيحين و ريحنا منهم و من شرهم

مواطن مصري said...

اصحاب العقول في راحة كفاية اسمة خادم عبد


مش انسان حر

SERVANT OF JC said...

*** (قول لي بقى، انت تبع مين؟ اقصد يعني مين اللي بيدفع لك تهبل الهبل بتاعك ده؟ ماهو ما تقنعنيش ان انت غبي منه فيه كده؟)

الرد:

ههههههه .. انت تبع انهو تنظيم سياسي؟؟ ههههههه. .. انتي شغاله في جهاز المباحث او المخابرات.. صح؟ ولا شايفاني من الإخوان المسلمين والجماعات المحظورة؟؟! ايه السؤال الساذج دة اللي بتسأليه؟؟ طيب وانتي بالصلاة علي النبي تبع مين؟؟ تبع حزب الله الإيراني اللي انتي حاطه صورة زعيمه نصر الله ونعلك وجزمتك فوق راسي؟ ولا تبع حركة حماس الإرهابية اللي اقتحمت الحدود المصرية بالقوة؟

مواطن مصري said...

نوارة تبع نفسها

و سعات بنختلف معاها و عارف تاريخها المشرف و تاريخ والدها


انما انت و امثالك و اخوانك من الاخوان العملاء الي بتقبضو اموال من الخارج و عاوزين تولعها

عشان تستفيدو من فلوس مايكل منير و العملاء

SERVANT OF JC said...

بهيج لما أشوفك

طيب انت مش راجل وعندك دماغ تفكر بيها وايد تكتب بيها؟؟

ليه بقه متبقاش راجل كدة وترد علي كلامي بدل ما تتريق زي العيل البليد ؟

(العيل دة لذيذ جدا وغبي جدا )

هو دة كل اللي ربنا قدرك عليه؟؟

روح إقرأ واتعلم لك كلمتين بدل ما تكون واحد من مليار ونصف مليار طور !!!!!

SERVANT OF JC said...

مواطن مصري ..

وهل لو واحد مسلم اسمه عبدالله هتعتبره برضه انسان (عبد) مش (حر)؟؟ وهترفض تتحاور معه عشان هو عبد؟

وبعدين االي انت مش عارفه اننا نعتبر انفسنا ابناء واحباء لله مش مجرد عبيد مثلما يعتبر المسلمون انفسهم كذلك ..

mido said...

يا جماعة بلاش تردوا عليه

سيبوه بهرتل و يقل فى أدبه و يقول على طور و على ده همجى

بيحاول يستفز الكل و يستدرجهم فى معركة وهمية

SERVANT OF JC said...

رنبال عبد الله

"يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ

من هم الكفار في رايك؟؟ اأيس هم من كفروا بالإسلام, وبنبوة رسول الإسلام؟؟ أليس اليهود والنصاري هم أيضاً كفار بالإسلام وبالتالي يقع عليهم حكم هذة الآية الكريمة؟؟

إذن فالشدة والغلظة هنا تقع علي كل من يكفر بالإسلام كدين ورسالة من الله.. وليس فقط الذين يفسدون في الأرض كما تقول.. !!

أما عن باقي آيات السلم الموجودة بالقرآن, فهي كلها منسوخة بأية التوبة 5 (آية السيف).. وهذا ليس كلامي .. هذا كلام حبر الأمة الإسلامة ابن العباس !!

SERVANT OF JC said...

اقتباس:

والدليل ان الاسلام لم يستأصل اتباع الديانات الاخرى عندما كان قادراً على ذلك

************

فعلا .. الإسلام لم يستأصل أهل الكتاب الذين وافقوا علي أن يدفعوا الجزية عن يد وهم صاغرين أذلاء .. ولماذا يستأصلهم طالما انه يستفيد منهم ومن الجزية المفروضة عليهم؟؟

Unknown said...

حسبي الله ونعم الوكيل فيك يا بهيج

اشوف فيك سنة
انا مش قايلة لك ما تنطقش

اعتذر عن التعليقات
ح امسحها وارجع الموديرشن

Unknown said...

servant

والله واضح انك بتعاني من الوحدة لأنك رغاي قوي، بزيادة يعني


طيب انا مستعدة اسليك بس ياريت تقول لي هدف الطراش اللي حضرتك عمال تطرشه ده

شوف انا صابرة عليك لحد دلوقت ازاي؟ وسايباك تطرش لحد ما مواطن اتضايق وقال قلبت تبشير؟

عارف ليه؟ عشان انا متعاطفة معاك

انا اصلي متعاطفة مع الزمالك والمسيحيين والفلسطينيين

ياريت بقى تجيب من الاخر وتقول لي هدفك عشان نبقى بنتسلى على نور

يعني انت هدفك تعبر عن كراهيتك للمسلمين

لو الامر كده اتفضل، انا شخصيا ح اسيبك تقول كل اللي في نفسك
حقك لو انت جواك مرارة وغضب وغيظ وعايز تعبر عنهم

انا برضه من فئة مضطهدة عالميا مش بس محليا وحاسة بيك

بس عبر عن كراهيتك زي ما انت عايز لانك بني ادم ومقموع من غير ما تجيب سيرة المسيح بقى
عشان المسيح طالب منك طلب صعب قوي ما اظنش انك تقدر عليه وانت في حالتك دي
طالب منك تحب اعداءك
وبما انك اختارتني انا مثلا عدوة ليك لمجرد اني من دين انت متضايق من اتباعه اللي دلوقت ارتبط اسم دينهم ارتباط شرطي عندك بالاعتداءات الطائفية
وماحدش يقدر يطلب منك انك تقدر الظروف اللي بيمروا بيها لان ده فوق طاقتك كبني ادم
وانا شخصيا زي ما مقدرة الظروف اللي بيمروا بيها مقدرة كمان الظروف اللي انت بتمر بيها
بس ما تحشرش اسم المسيح بقى
عشان انت ما عندكش اي حاجة منه ولا من تعاليمه
زي ما انا مش عايزة من اي حد من المسلمين الغاضبين انهم يحشروا اسم الاسلام في الموضوع لان غضبهم غضب قبلي ناتج عن اضطهاد عالمي
وللاسف يا استاذ خادم
هي دي طبيعة الانسان، اللي بيتعمل فيه بيعمله في غيره
اليهود عملوا كده، والمسيحيين عملوا كده، ودلوقت المسلمين بيعملوا كده
والزمالك بيعمل كده في الماتشات كمان
بس ده، رغم انه فعل انساني ومفسر ومفهوم، لكنه مش مقبول

ده بالنوسبة لانه لو كان هدفك تنفس عن نفسك يعني

نفس ياللا

لو هدفك انك تنصر الناس يعني
همممم
طيب يا خادم، انا مستعدة اتنصر، بس تجاوب على اسئلتي اجابات مقنعة


لو هدفك انك بعد كل ده تطلع المسلمين من مصر
يبقى قول لي عشان اطلب لك مستشفى المجانين


لو تبع منظمة معينة وبتقبض فلوس عشان تعمل كده، يبقى ربنا يرزقك
بس استرزق في حتة تانية بقى
الا الاسترزاق في مدونتي

في كل الاحوال انت مثير للشفقة
وفي كل الاحوال ياريت توضح لي هدفك عشان لما اخد وادي معاك في الكلام ابقى متابعة بس

Unknown said...

ههههههههههههههههههه
منك لله يا بهيج

SERVANT OF JC said...

يا استاذة نوارة ..

أنا لا مبشر بالمسيحية

ولا أنا كاره للمسلمين

ولا أنا أتقاضي أموالأ من الخارج

ولا أنا تبع اي منظمة من اللي في دماغك

ولا أنا بحاول أنفس عن ما بداخلي من أحقاد زي ما انتي بتقولي

اولا: أنا مش ضد المسلمين كاشخاص بل بالعكس كثيرين منهم ناس محترمة وأقدرهم.. أنما أنا ضد الغش والتزوير والتدليس وقلب الحقائق .. !! واكيد كمان ضد مصادرة حرية التعبير بدون اي قيود

كل الموضوع إني كتبت تعليق بقول فيه رأيي بصراحة مطلقة بدون مجاملات لأي أحد ..

حضرتك بعدها قمتي بالرد ووصفتيني بالكلب والخنزير وقولتي دة حقيقية علمية واعتبرتي كمان اني مصاب بأمراض نفسية .. وغيرها من الإهانات الشخصية

وأنا بدوري رديت علي تعليقاتك كلمة كلمة في حدود وقتي المتاح ..

أدي كل الحكاية ...

لو التعليقات دي مزعلاكي اوي كدة .. بسيطة ممكن تمسحيها بضغطة ماوس واحدة .. ويا دار ما دخلت شر !!!

لكن أرجع واقول للاسف ان الأغلبية لا تعرف لغة الحوار المحترم ..

لمجرد اني بتكلم في امور تخص العقائد الدينية .. نلت وابل من الشتائم واخرها من شخص اسمه (بهيج) اللي كتب شتائم قذرة جدا وحضرتك تفضلتي مشكورة بحذفها

أنا مليش اي اهداف سوي توضيح الحقائق بمنتهي الحيادية وفي أطار من النقد الموضوعي ..

من يجد في تعليقاتي اي شيء منافي للصحة يناقشني فيه بهدوء بدل من السب والشتم والتريقة !!!

يعني لو كلامي خاطيء .. حضراتكم تقولوا خطأ في كذا وكذا والصح كذا وكذا .. وانا بدوري أرد وهكذا يكون الحوار البنَاء ...

شكرا لكي ولكل الإخوة حتي من تفضلوا بتوجيه الشتم لي

البنفسج الحزين said...

الاخوة الاعزاء واضح جدا ان الاخ ده اللي مسمي نفسه خادم المسيح (واصلا هو يا عيني ميعرفش ان المسيح منه برئ وميرضاش انه يكون خادم عنده)مسيحي متعصب ومتطرف وكارة وحاقد علي المسلمين معلش اعذروا جهله ومحدش يرد عليه ولا يديله فرصه يحقق غرضه من الكلام لان ممكن يكون هدفه التبشير بطريق غير مباشر علي اساس انه فاكر انه ممكن بكلامه الجاهل الفارغ ده يشكك حد من المسلمين ضعاف الايمان والعياذ بالله في دينه او اللي مش فاهمين الحجج والاسباب .وبعدين انا شايفه انك بتستشهد بالقران طب هو انت مقريتش الايات اللي بيتبرأفيها سيدنا عيسي عليه السلام ممن يتخذوة وأمه الهين من دون الله . وبعدين ايه موضوع (نحن ابناء الله دي)كيف يعقل أن يكون لله عز وجل زوجه او ولد او شريك حاشالله قل هو الله أحد الله الصمد لم يلد ولم يولد ولم يكن له كفوا أحد)صدق الله العظيم .واخيرا يا أخي في البشريه ادعوا الله لك من كل قلبي في هذه الليله المباركه أن يهديك الي سواء الصراط وأن ينير لك طريقك فتري الحق كما نراة والحمد لله علي نعمه الاسلام.

Unknown said...

يا خادم
لا انت ما دخلتش تتناقش بشكل محترم انت دخلت تطعن في نبي الاسلام وتصف الدين الاسلامي بانه بيكرس للعنف زيك زي اللي تقرير كاتب عنهم انهم عنصريين ضد الاسلام
وبسبب آراء زي آراء حضرتك اللي كتبتها التقرير بيصف المجتمع الامريكي بالتمييز ضد المسلمين
يعني حضرتك متبني وجهة نظر تمييزيه وعنصرية

ده مش نقاش محترم
مافيش واحد نازي يدخل يقول لي اليهود اغبيا ومجانين بالوراثة وزوائد بشرية ويقول لي انا باتناقش معاك بشكل محترم

ويقدر يجيب من التوراة ومن تاريخ اليهود ما يخرجه من سياقه عشان يدلل على كلامه

انت اتشتمت لانك مصري
يعني مفروض انك تعرف احسن من كده
الا اذا كنت متربي برة بقى يبقى ساعتها ممكن الواحد يعذرك ويرد عليك

لكن انت قلت على المسلمين مليار ونص طور
ده مش نقاش محترم

انا ما قلتش على المسيحيين تلاتة مليار طور

ولا قلت على السيد المسيح ما يمسه زي ما انت قلت على النبي

مش لعجزي
انا اقدر اغلط في السيد المسيح من نصوص الانجيل واقتطعها من سياقها
اقدر اغلط في الكتاب المقدس من نصوصه المقطوعة من سياقها زي مثلا معركة اريحا اللي حضرتك مؤمن بيها ومصدق ان ربنا قال لبني اسرائيل يقتلوا الرضع والنساء ويحرقوا البيوت ويقطعوا الاشجار ولما مجموعة من بني اسرائيل تعاطفت مع امهات ورضع ربنا غضب عليهم

انا كنت اقدر اقول لك ان بوش هو الممثل الحقيقي للمسيحية

او حتى انك ممثل حقيقي لما بداخل المسيحيين
بس انا عارفة ان دي مش هي الحقيقة
وانت بتدلس وبتدعي انك ضد التدليس
لو انت مصري ومتربي في مصر فعلا تعرف كويس قوي ان الكلام اللي بتقوله ده مش حقيقي وهو التدليس بعينه

ثم فين وابل الشتائم ده؟
ماحدش شتمك غير انا وبهيج
الناس كلها ردت عليك

انت اللي سبت لنا الدين وقلت على السباب حقائق
وسبت لنا النبي بتاعنا وقلت عليها حقائق
واستهزأت بآيات القرآن وخرجتها من سياقها وافتريت واتبليت ولويت عنق الحقائق

وماحدش فينا عمل فيك كده
لاننا ببساطة مسلمين وما نقدرش نعمل كده لا في سيدنا عيسى ولا في السيدة مريم ولا في الكتاب المقدس

يعني انت ماسكنا من ايدنا اللي بتوجعنا يعني؟

انت تقدر تشتم محمد
احنا ما نقدرش نشتم عيسى
انت تقدر تشتم المسلمين الاوائل
احنا ما نقدرش نشتم المسيحيين المصريين اللي كانوا موجودين بيكافحوا ضد الرومان
انت تقدر تستهزأ بآيات القرآن وتقول ويل للمصلين وما تكملش
لكن احنا ما نقدرش نستهزأ بالتوراة والانجيل اللي انت مؤمن بيهم حتى لو مؤمنين انهم محرفين
لأننا مش عارفين انهي آية مدخولة وانهي آية منزلة
والرسول قال لا تصدقوهم ولا تكدبوهم لنفس السبب ده، احنا مش مؤمنين ان الانجيل متألف من اوله لآخره وانه حكي شعبي زي ما علماء الانثروبولوجي بيقولوا
احنا مؤمنين انه كتاب منزل فيه بعض المدخول عليه وكلمة التحريف اللي مضايقاك دي قوي لها معنى
التحريف اللي احنا مؤمنين بيه له ثلاثة اوجه
1- حذف آيات
2- إضافة آيات
3- إساءة تفسير آيات وهو الأغلب

ده اللي قريته عند ابن كثير اللي يعتبر من ائمة السلفيين
وعليه ولاننا ما عندناش اخبارية بايه اللي اتعمل بالظبط اثناء الكتابة فاحنا صحيح مش بناخد تشريع من الكتاب المقدس لكن ما نقدرش نغلط فيه ولا نتريق على اياته لاننا مش عارفين ممكن نخبط في اية منزلة فعلا ونروح في طوكر

لكن انت ما عندكش التمييز الدقيق ده
انت مؤمن ان محمد من الانبياء الكذبة
وماحدش طلب منك انك تؤمن بانه نبي
بس على الاقل زي ما انا باحترم مقدساتك بموجب ايماني وباعتبرها مقدساتي انا
يبقى على الاقل حتى لو عايز تتناقش تقول كلام معقول
كلامك مبني على عنصرية وعلى اتهام مليار ونص من البشر بانهم تيران وعلى التجريح في شخص النبي وانت مصري وعارف شخص النبي مهم ازاي عند المسلمين
وعشان كده شتمتك
لانك مصري وتعرف احسن من كده

Unknown said...

وبعدين يا سلام على التسامح: فيه من المسلمين ناس كويسة

كتر خيرك والله

طب بص بقى يا استاذ خادم

الاديان كلها شبه بعض
وتصيدك للاسلام ينفع ويمشي قوي مع المسيحية واليهودية والبوذية والهندوسية والالحاد كمان
ايه رأيك بقى؟

العقائد، حتى الوضعية منها، مبنية عشان تشبع تلات حاجات عند الناس
التفكير، والعاطفة، والتضحية

التفكير بمعنى ان كل ديانة لها منطقها ولها فلسفتها المبنية عليها
وبما ان الانسان سفسطائي بطبعه فكل منهج تفكير وكل فلسفة في الدنيا ينفع تفند بمنطق آخر
والعاطفة نفس الحكاية
بمعنى ان كل دين بيكرس لعواطف معينة بينبع منها قيم اخلاقية والعاطفة دي اصلا مزروعة في منهج التفكير بتاع العقيدة دي

عرفت اعبر؟ استنى اديك مثال
مثلا الاسلام، الفلسفة الاسلامية مبنية على العدل
ومن البنا ده، الاسلام بينمي عاطفة معينة للاحساس والتحمس الى العدل ومنها بيخرج بقى ايه اللي يصح وايه اللي ما يصحش ايه المستحب وايه المكروه
المسيحية مبنية في فلسفتها على المحبة وعليه فهي بتنمي عاطفة تكرس للفلسفة دي وينتج عنها اخلاقيات معينة
ممكن المحبة والعدالة يتقابلوا وممكن يتنافروا لان ممكن الحب يؤدي الى عدم العدل، وممكن العدل يتحدى الحب
في الحالة دي بيحصل صدام في الاهداف
لكن المنهج واحد يا استاذ خادم
منهج البناء واحد
العنصر التالت التضحية
التضحية مهمة لاشباع النفس الانسانية، عشان الانسان يحس انه عايش لهدف
كيفية التضحية هي اللي بتختلف
المسيحيين عندهم ربنا ضحى بابنه
المسلمين عندهم هم بيضحوا بنفسهم
لكن برضه المنهج واحد وان اختلفت المفاهيم

وبما ان المنهج واحد فانت لو ح تعترض على منهج الاسلام يبقى لازم بالضرورة تعترض على منهج المسيحية وبالعكس
اذا ح تعترض على المفاهيم ده موضوع تاني، كل انسان له مرجعيته في المفاهيم بتاعته حسب خلفيته وتاريخه وثقافته ووجهة نظره

انما تزوير حضرتك للتاريخ وكمان تقول بتصححه واتباع منهج امريكاني في المناقشة

عشان كده شكيت فيك، زي ما يكون اللي دربك على النقاش امريكان

والمنهج الامريكاني مبني على تكثيف الهجوم ووضع العدو في حالة دفاع دائمة واقتطاع الامور من سياقها والسفسطة لخدمة اهداف معينة
دي طريقتهم وبيدرسوها كمان في الجامعة

يعني حتى الاوروبيين ما بيعملوش كده، بيفكروا بعمق شوية

اتباع المنهج ده يا استاذ لا هي مناقشة محترمة ولا نيلة

انت كلامك عنصري وتمييزي وخطاب كراهية

وفوق ده كله دخلت دخلة (ودي حتة امريكاني صرفة برضه) بانك تجرح "العدو" جرح يفقده صوابه عشان تخرج منه اوحش ما عنده

انت عشت في امريكا شوية؟ ماحدش بيعمل كده غيرهم لما بقوا مملين بطريقتهم المكررة

يعني انت دخلت على تجريح في سيدنا محمد وانت عارف وقع التجريح ده على الناس ايه

اقول لك؟ اسأل المسيحيين عملوا ايه في اليهود عشان قالوا لهم على السيد المسيح انه ابن حرام وشاذ جنسيا

مش الكنيسة الكاثوليكية بس
والكنيسة المصرية كمان

وبناء على المنهج ده، تمكن اليهود من انهم يعملوا سمعة للمسيحيين بان، زي ما كاتب يهودي قال: "لم يعرف التاريخ اكثر دموية من أمة أحبوا أعداءكم" والله ناسية اسمه ايه الراجل ده
مش سبينوزا
اظن واحد تاني
بس ح ادور لك عليه

هم استفزوهم وخرجوا منهم اوحش ما فيهم وبعدين شنعوا عليهم

وانت بتعمل كده دلوقت

الف باء احترام الانسانية انك تحترم العقائد
مافيش حاجة في الدنيا كلها اسمها دين او عقيدة وحشين
والا يبقى ده اتهام للانسانية او للمجموعة البشرية التابعة للدين ده
بانهم يا اما ناس وحشين يا اما ناس اغبيا زي ما تفضلت وقلت
وده اسمه عنصرية
والعنصرية هي الفكر الانساني الوحيد الوحش
ء

Unknown said...

يعني يا سيدي الفاضل انا ح امشي معاك للاخر: بص، المسلمين دول بديول وقرون، والاسلام ده دين اللي صنعه الشيطان ودين دموي وانا جدي اسلم عشان ما دفعش الجزية
وح ارجع بقى لدين جدي
اعتبرني مسيحية قبطية
بس ياريت تقول لي: مش احنا حبايب ربنا؟ طيب بيعمل فينا كده ليه؟ الاول مستعبدين للرومان ونصرهم علينا، وبعدين مستعبدين للمسلمين ونصرهم علينا
طب المسلمين ربنا بيعذبهم عشان هم يستاهلوا
احنا بقى بيتعمل فينا كده ليه؟

طيب احنا مسكنا مصر دي خمس دقايق كده وكان ساعتها فيه ناس تابعة للديانة المصرية القديمة
راحوا فين الناس دي؟

يعني المسلمين المفتريين سابوا مننا ناس عايشة
احنا بقى لما قدرنا على الوثنيين عملنا فيهم ايه؟ وللا اختفوا بمعجزة من ربنا زي ما احنا فضلنا بمعجزة من ربنا برضه؟

آه
طب والمعجزة دي ما نزلتش على المسلمين خلصتنا منهم ليه؟
دول فضلوا قوة عظمى عشر قرون على قلبنا

طب كمان قول لي والنبي، انا جدي الندل ده اللي اسلم عشان نتانته ومستخسر يدفع فلوس مع انه لما اسلم دفع زكاة مال اكبر من الجزية
هو هو نفسه جدي ده
لما كانوا الرومان بيعذبوه بس عشان يغير طايفته ما سمعش كلامهم ليه؟
للدرجة دي نتن وبخيل؟ التعذيب البدني عنده اهون من دفع خمس دنانير في السنة؟

طيب يا استاذ خادم المسيح
محمد كداب، صح، طب لو محمد كداب يبقى كداب في كل حاجة انا مش ح اصدقه في اي حاجة قالها خالص

ومنها ميلاد المسيح والانبيا كلهم
هات لي بقى دليل علمي واحد على ان سيدنا عيسى اتولد اصلا

المؤرخين الرومان كتبوا عن محمد في كتبهم مع ان الجزيرة العربية ما كانتش تحت سيطرتهم

Unknown said...

تكملة التعليق اللي اخير


وما كتبوش عن سيدنا عيسى اللي مفروض انهم هم اللي عدموه

الهنود والفرس كتبوا عن محمد في حياة عينه

وما كتبوش عن المسيح اللي المفروض ان المجوس راحوا سجدوا له

طيب الواقعة دي مش مذكورة لا عند الفرس ولا عند الهنود

فيه بقى دليل على ميلاد السيد المسيح؟
بخ
مالوش اثر

Unknown said...

احمد علام
معلش انا اسفة مش ح انزل تعليقك

Anonymous said...

أنا رأيي إننا نسيب القرود تتنطط والكلاب تعوي براحتها، ومننساش إن عندنا مشكلة أخطر وهي حكامنا العرب، علشان كده لازم نوصل جيل مثقف لا يتحكم فيه حتة عسكري بدبور مبيعرفش يقرا حتي ولا يكتب، إستقلال فلسطين هو مفتاح لعصر ذهبي جديد للأمة الإسلامية، مش عايزين ننسا إن فيه خنازير محتلين فلسطين ماسكينهم قرود أمريكية، وكلاب متعصبة في أوروبا، وخونة في العرب والمسلمين

Unknown said...

مافيش خنازير محتلين فلسطين
بطلوا تقولوا كده عشان ختمت بدفن الخنازير اللي بجد في الجير الحي وهم مالهمش ذنب هم مش اسرائيليين

اللي محتل فلسطين ناس عنصريين جايين على دبابات الاحتلال وطردوا السكان الاصليين وطعنونا في الضهر بالرغم من اننا وقفنا جنبهم لمدة عشر قرون وانقذناهم من الفناء مرتين

مرة لما العرب دخلوا الفلسطين ولحقوا اليهود على اخر لحظة قبل ما الامبراطورية الرومانية تخلص عليهم خالص

ومرة لما صلاح الدين انتصر على الصليبيين قبل ما يتمكنوا من افناء اليهود تماما برضه في اخر لحظة
وهم مش بينكروا حاجة زي دي
هم نفسهم اليهود
حتى الاسرائيليين معترفين لصلاح الدين الايوبي بانه انقذهم من الفناء
والمرة التالتة في الهولوكوست لما كانوا بيهربوا عندنا وكنا بنحميهم
وجزاء الحسنة دي انهم تحالفوا مع اللي كانوا بيضطهدوهم ضدنا اول ما حسوا ان مركبنا احنا بتغرق
ولو كانوا جم من غير سلاح ومن غير تحالف مع الاحتلال وقعدوا زي الناس المحترمة ما كناش اعترضنا
هو احنا امتى اعترضنا على هجرة اليهود لينا؟ هم كان لهم حد غيرنا يحميهم؟
وطول ماهم بياخدوا دعم من القوى العظمى مش ح نعرف نعمل لهم حاجة هم ح يفضلوا كده راكبين على ضهر الحضارة الغربية وقبل ما تقع بخمس دقايق ح يهربوا زي ما هربوا مننا ويجروا بسرعة عشان يتحالفوا مع القوة الصاعدة الجديدة

غالبا ح تبقى الصين

مش احنا، احنا لسة علينا شوية
طيب احنا فين من الصين بقى؟ هم دلوقت خلاص رستقوا امورهم مع الصين
واحنا لسة لازقين في شبشب امريكا اللي قربت تقع
ما قدمهاش اكتر من قرن واحد مش ممكن يزيد عن كده ابدا لانها استهلكت نفسها بسرعة واتصرفت زي العيل اللي عنده سنتين اللي ماسك مسدس حقيقي وعمال يلعب بارواح الناس

اسرائيل بقالها عشرين سنة بالظبط بتربط مع الصين
احنا ايه علاقتنا بالصين؟