Tuesday 22 September 2009

إيه ده؟

المصلين كانوا ح يضربوا الامام عشان بيشتم الشيعة؟
انا مش فاهمة حاجة، هو قال لهم ايه عشان يقوموا عايزين يضربوه؟ ده لازم هطرس في الكلام جامد قوي، دي مش حاجة معتادة ان الناس تتجرأ على الامام مالم يكون مخرف كبير، عايزين نعرف قال لهم ايه؟ اللي يعرف حد ساكن جنب الجامع يطقس لنا كده، ده واحدة قالت له: "حسبي الله ونعم الوكيل فيك دي مش خطبة عيد" وراجل كبير قال: ارموه على الارض بدل ما يبوظ علينا صلاتنا!!! ايه ده؟ يخرب بيته هو عمل ايه؟ الجامع اسمه ابو زهرة في مصر الجديدة، حد يشوف لنا الموضوع ده

31 comments:

أبو أمير said...

ياريت تغير الرابط بالمصدر الأصلي وهو المصري اليوم على الرابط ده
http://www.almasry-alyoum.com/article2.aspx?ArticleID=226602&IssueID=1535

Unknown said...

شكرا على الرابط يا ابو امير
حاضر ح اغيره

Unknown said...

هم كاتبين حتة من خطبته انه قال فيه تلات اخطار على الامة الاسلامية اليهود والصليبيين والشيعة
ههههههههههههههههه

بس معقولة الناس ضربته عشان كده؟

أبو أمير said...

أولا أنا كنت شاكك في الخبر نفسه علشان كده بحثت عن المصدر الأصلي
لقيته فعلا منشور كما هو في الموقع إياه
بصراحة الموقعين لا يخلا من الشبهات
أعتقد إن السبب في غضب المصلين مختلف
مش عارف إيه هو
بس أعتقد إن الخبر تم تعديله بشدة لكن يصلح للنشر

Unknown said...

ايه السبب التاني يعني؟ فقع زغرودة في وسط الخطبة؟

عموما لو حد ساكن جنب الجامع ده يقدر يسأل لنا

وبعدين ما اعتقدش انهم يكدبوا قوي كده يا ابو امير

هههههههههههه

انا مش فاهمة كل الناس بقت شكاكة قوي كده ليه؟ :) ده انتوا بقيتوا شكاكين اكتر مني

Unknown said...

باقول لك يا ابو امير

امام الحرم ابو نضارة سودا ده، اسمه ايه؟
طلع في البي بي سي يقول: كل شيوخ الشيعة كفار

في البي بي سي، مش في قعدة مع صحابه
وكفار
كفار
كده

طب هو ماله هو بالكلام ده؟ ولما هم كفار بيدخلوهم ازاي بقى الحرم؟ لو كانوا فعلا مؤمنين انهم كفار ما كانوش دخلوهم يحجوا

أبو أمير said...

ومش معقولة برضة الناس بقت ثورية وحقانية كده فجأة ويقوموا بضرب الإمام وما أدراك ما ضرب الإمام الإمام أو محاولة ضربه علشان قال الخطر الإيراني أو الشيعي
إنت دج حتخليني اتفاءل
والوضع ما يسمحاش بأي تفائل

Unknown said...

ثم مد ايه وثني ايه الراجل المجنون ده؟

ما يحذر من المد الجوعي اللي مالي البلد

Unknown said...

هههههههههههههههههه

يا حبيبي يا اخويا
يا عيني
ههههههههههههههههههههههه

طيب خلاص
انا ح اسألك لك حد ساكن في المنطقة دي عشان نعرف

ههههههههههههههههه
لا حول ولا قوة الا بالله
منك لله يا حسني جبت للناس اكتئاب بقت خايفة تفرح

أبو أمير said...

أديكي انت قلتي أهو
ناس كتير بيقولوا كده وماحدش ثار ولا اعترض ولا حاول حتى يقول إحم
مش تقولي لي ضرب الإمام
أعتقد إن الخبر ده مدسوس من الأمن
وله تطورات
إن مثلا الناس دول شيعة مثلا وفعلا المد الشيعي حقيقة وكدهون
أكيد الخبر له توابع

Unknown said...

ح يعملوا قضية تنظيم شيعي لاربعتلاف مصلي يا ابو امير؟
هههههههههههههه

خلاص ح نسأل

Unknown said...

مسجد ابو زهرة ده في انهي حتة في مصر الجديدة وانا اروح اطقس بنفسي

Unknown said...

في احمد عبد الخالق الحجاز

ح اروح اسأل

أبو أمير said...

أيوة ميدان الحجاز وتابع ليه مدرسة اسلامية اسمها مدرسة أبوزهرة الاسلامية
وده موقع حاطط صور كتير لصلاة العيد في المسجد ده ومش جايب أي سيرة عن أي حاجة
http://www.ksastudents.com/vb/t31475.html

Unknown said...

شوفى الخبر ده كمان
-----------
إمام مسجد فى «أبوكبير»: اختلاف العلماء فتنة.. واللى مالوش لحية يبقى ست.. واللى يدخل الجامع يبقى زى الجزمة

http://www.almasry-alyoum.com/article2.aspx?ArticleID=226614&IssueID=1535

mido said...

انا شايف انكم شاكين فى صحة الخبر؟
!

Unknown said...

لا انا مش شاكة
ما اعتقدش ان المصري اليوم ممكن تجازف بمصداقيتها للدرجة دي

ابو امير هو اللي شاكك
وانا ح اسأل ده فركة كعب من هنا ان شاء الله

mido said...

خلى بالك بقى

SEMSEM said...

ههههههههههههههههههه

ياريت تبلغوني قالهم ايه

ده باين عليه شيخ علي ما تفرج

عاشق الجنة من الإخوان صلى على النبى said...

فيه أئمة كتير الايام دي كده
ولا حول ولا قوة إلا بالله
صلي علي النبي

مواطن مصري said...

عملاء ايران في مصر مش بعيد نشوف الحوثين في مصر

لازم يتم ايقاف المهزلة الي بتحصل دي و لو ب القوة و طردهم

خارج مصر

مش هنستنى لما يبقى عندنا مليشيات مهدي او خلاي نائمة ايرانية او حتى نشوف حوثين جدد

Unknown said...

mowaten massry

enta betbherny, 7a2i2y betbherny

ana delwa2t fi el sheghol ana ro7t el masged beta3 abu zahra ya shabab we kol el kalam elli katbah el masry el youm sa7i7 100%

we fe3lan el setat kaman etkhan2o ma3a el imam besabab eno qaren el shi3a be el yahood

اسد الجيزة said...

زي ماقولتي ياستاذة توقعي حجات زي ديه الايام الجايه واربطي بالموضوع ده وموضوع ايران

Unknown said...

lama arga3 7a akteb post

mido

akhalli bali me eh?

we 7ad y2ol li mowaten masry beykharraf bey2ol eh?

حـنــّا السكران said...

شفتي هالخبر بنفس الصفحة ؟

http://www.almasry-alyoum.com/article2.aspx?ArticleID=226593&IssueID=1535

بعد ثلاثين سنة على المعاهدة المشئومة , لازال "الإسرائيلي" بحاجة لأن يغلقوا له الشارع ليشتري حلويات من محل مصري , ولا زال العامل المصري البسيط يشعر انه بقوم بفعل شائن عندما يدخل الاسرائيلي محلاً يعمل به .
يعني كلّ هذا لا يعني للأنظمة العربية أي شيء ؟ لا يعني شيئا للنظام المصري " المستقتل " على المعاهدة عندما يضطر لغلق الشوارع لزبون اسرائيلي ليشتري كيلو بقلاوة ؟
يبدو و بعد كل هذه السنوات , و على هذه الحال , أن المعاهدة و العلاقات مع هذا الكيان ليست سوى " نكاية " من الأنظمة بالشعب .

اسد الجيزة said...

زي ماقلتي ياستاذة توقعي حاجات ممن كدة كتير الايام الجايه ومش بعيد يقبضوا علي تنظيم شيعي الايام الجايه اربطوا الموضوع ده بموضوع ايران

ahmed samir said...

http://arabic.cnn.com/2009/middle_east/9/22/houssni.unesco/index.html

خسر خسر خسر
هييييييييييييييييه

فاروق عادل said...

فاروق حسنى اتغلب يانواره

Unknown said...

ههههههههه ايوة
عرفت ان مرسي الزناتي اتهزم يا رجااااالة بالانجليزي

عشان يحرم يلحس الجزم تاني

Unknown said...

سلام عليكم يا نوارة

أنا صليت العيد فى مسجد أبو زهرة الحصلت فيه الواقعة :)

اه طبعا الشيخ مكنش موفق فى اختيار موضوع الخطبة

و الحصل انه حظر الناس من الشيعة و قال فى 3 اخطار على الأمة اليهود و الصليبين و الشيعة

بس الشيعة خطرهم شديد لأنهم يؤمنون بالتقية و الكلام ده..و مقالش أى معلومة جديدة تقريبا

أ. سيد عبد الستار الكان من الاخوان هو القام و قعد يهزله الميكروفون عشان يسكت راح الخطيب قال:

خذوه عنى

قام أ. سيد عبد الستار وقفله و قاله انت بتعمل فتنة

راح الشيخ قال:

أطرحوه ارضا :)

و الناس اتلمت شوية حواليه و في ناس سخنت و افتكرت الراجل شيعى و قالت ايوا اضربوه و بعدين الجو هدى و الراجل كمل الخطبة و دعا و خلاص...


مفيش وصف تفصيلى احسن من كده أظن :)

Unknown said...

ايوة
فيه واحدة بعتت لي على الفيس بوك من جيرانك
بتقول لي اصلا واضح انه شيخ غريب لان مرة كان بيحذر الناس من الايتام لانهم مجهولي النسب

هو الراجل ده طبيعي؟

بيحذر الناس من الايتام؟
اهي دي جديدة بقى

ما تشنقوه
:)