Thursday 10 September 2009

مين بقى سامية فهمي؟

لتكون مالهاش اي اصل ولا اتولدت اصلا، بس معقولة صالح مرسي يكدب؟ النهاردة بقى في الحلقة، في اول الحلقة سامية كانت حامل وفي اخر الحلقة نسيوا انها كانت حامل والحياة مشيت عادي
والمخابرات عرفت انها حامل اما هي فما عرفتش انها حامل، على نفسها يعني، هي ما عرفتش، والمخابرات عرفت، اعيد الجملة بصيغة تانية عشان تصدقوا عينيكوا؟
مين بقى سامية فهمي
تكونش نادية حلمي؟ طبعا ما حدش ياخد مني كلام، انا باحاول اشوف مين اعلامية اسمها شبه اسم سامية فهمي، بس نادية حلمي اذاعية مش صحفية، وياترى مين نبيل؟ ما اخدش اعدام يعني؟ طب لو اخد اعدام مش كنا عرفناه؟ ماهو مش ممكن اكون باضيع وقتي واشل نفسي واشلكوا معايا وفي الاخر يطلع في الوهم، وبعدين لما احنا كان عندنا احمد الهوان ورفعت الجمال وسامية فهمي
امال ايه اللي حصل لنا ده كله؟ وللا المعلومات كانت بتوصل ويبوسوها ويركنوها جنب الحيط؟
عموما الحمد لله، عصر الجواسيس انتهى الى غير رجعة، اللي بيشتغل لحساب اسرائيل دلوقت بيقول بصراحة ويزعق للي يقول له: اخص، لا وبيوظف ناس معاه كمان، وفوق ده كله بيلاقي ناس تجري وراه عشان يشغلهم
هي نادية الجنسي ما مثلتش دور سامية فهمي قبل كده ليه؟ ازاي الدور ده يفوتها من غير ما تمثله وتنضرب وتخر دم وتتخرشم وتكبب في وش الكاميرا وهي بتقول: لاعااااااااااااااااااا وبعدين التيترات تنزل

31 comments:

-_- said...

و الله انا لسة بسأل اخواتي مين بقى سامية فهمي دي ؟

مسلسل حلو

مدونة النسر المصرى said...

اولا مبروك انضمامك للدستور وربنا يستر عليكى
ثانيا انتى جن مصور وفاهمة وارية كل حاجة
يعنى مخربشة ومطقطقة وفاهمة الفوله
واذا كان ده حلو فهو كمان مصيبة وكارثة
انا كنت بصراحة كنت حاتكلم عن المسلسلات فى رمضان خاصة افراح ابليس وحرب الجواسيس وابن الارندلى
خاصة ان الثلاثه يناقشوا قضايا فى المجتمع مثل
الغش والنفاق والسلطة المغموسة بايدى السلطة
تحياتى لك بدوام المشاكسة وللاهل السلام

فاتيما said...

أنا كمان كنت بسال سؤال
اكثر فلسفية و لوذعية و ديناميكية
الست دى تبقى بنت مين ف مصر عشان تبقى بالأهمية الفزيعة دى
عند المخابرات بتاعة
اخوانا البعدا ؟؟
انا برضو سالت امى امبارح إكمنها من نفس الجيل دا يا شارم
و لا تعليق

Anonymous said...

هههههههههههه

بجد انت مركزه مع المسلسل ليه كده ..... وبعدين زمان كانت المخابرات بتعرف كل حاجه :D

ساميه فهمي ممكن تكون صحفيه موش معروفه

هرطقة said...

ماهو بعد كامب ديفيد حضرتك بقوا داخلين البلد عينى عينك
واللى اعترض كان محمود نورالدين

simplymoi said...

لم يكن رأفت الهجان أو سمير الإسكندراني أوجمعة الشوان هم كل الوطنيين الذين صفعوا المخابرات الإسرائيلية «الموساد» علي وجهها فحرب الجواسيس بين مصروإسرائيل زاخرة بالاسماء التي يتم الكشف عنها بين الحين والآخر، ومن هؤلاء الصحفية ليلي عبدالسلام البطلة الحقيقية لمسلسل «حرب الجواسيس» والذي يعرض الآن

Yazminaz said...

اسمها الحقيقي " ليلى عبد السلام " .. وعملوا معاها حوار في صوت الأمة
5 / 9
ونبيل فهمي بتقول واحد اسمه " محمد فهمي إبراعيم " كان معروف في ايطاليا باسم " ماريو " وعرفته لما كانت مسافرة تشتري عربية من هناك ... يعني حد دلها عليه !!!
بتقول لا كان فيه حب ولا جواز ولا ديولو
واتقبض عليه في الآخر هنا في مصر في كازينو النيل واتحكم عليه بالمؤبد

جـــــــر شـكـــــــل said...

زماااااااااااااااااااااااااااان سمعت أن المذيعة همت مصطفى اللى كانت رئيسة التليفزيون وكانت مقربة جداً من الرئيس المؤمن انور الساداتى بلغت عن جوزوها الجاسوس 00
وأظن أن حكايتها اللى كانت متداولة أيااااااااااااااااااااااااااامها كانت قريبة من حكاية سامية فهمى 00

والله أعلم

جـــــــر شـكـــــــل said...

زماااااااااااااااااااااااااااان سمعت أن المذيعة همت مصطفى اللى كانت رئيسة التليفزيون وكانت مقربة جداً من الرئيس المؤمن انور الساداتى بلغت عن جوزوها الجاسوس 00
وأظن أن حكايتها اللى كانت متداولة أيااااااااااااااااااااااااااامها كانت قريبة من حكاية سامية فهمى 00

والله أعلم

ياسمين حميد said...

"وللا المعلومات كانت بتوصل ويبوسوها ويركنوها جنب الحيط"

اتوقع ان هذا فعلاً ماكان يحصل

mido said...

The Real Samia Fahmy

Unknown said...

شارم
المسلسل يشل بس ما تعرفش باقعد اتابعه ليه؟

النسر المصري
ازيك
طب بتشوف ليلى مراد؟ مش ممكن، اسكتشات فكاهية


فاتيما
ده الموساد كانت طالباها بالاسم

فتاة من الصعيد
ولما هي مش معروفة الموساد طلبتها بالاسم ليه؟

هرطقة
وبعد كامب ديفيد فيه مصريين بقوا اسرائيليين

سمبل موا

يا اخوتشي انا الصفعات دي مش شايفة لها اي اثر يعني
مين ليلى عبد السلام دي بقى؟

ياسمينا
طب بذمتك يا شيخة عمرك سمعتي عن واحدة اسمها ليلى عبد السلام؟

جر شكل
ههههههههههههه
انا كل ما اسمع اسم همت مصطفى افتكر انور السادات وهو بيقول لها: يا همت يا بنتي
واقع من الضحك

الراجل ده كان معيش البلد في مسلسل كوميدي مدته حداشر سنة
اهو على الاقل كان بيضحكهم مش زي الكبة ده

ياسمين حميد

وانا برضه شايفة كده
طب كانوا بيكلفوا نفسهم ويجندوا ناس وفلوس والجاسوس راح الجاسوس جه على ايه بقى؟

وللا كان لازم يبعتوا المعلومات على ورقة دمغة

ميدو

مشتكرين

Unknown said...

انا قريت الكلام اللي كاتباه زنوبيا

هممممم

طب البنية اتعرض عليها عرض بيتعرض على ناس كتير دلوقت وبيقبلوه من غير ما يحسوا ان فيه مشكلة

والمخابرات مش بتجري وراهم ولا حاجة

mido said...

يا جماعة روحوا على اللينك اللى انا حاطه حتلاقوا صورة الصحفية الحقيقة و معلومات عنها

mido said...

الحاجة اللى تغيظ ان منة شلبى طول الحلقة تزعق لهشام سليم

و لا كأنه مخابرات

زى ميكون اخوها الصغير

:S

mido said...
This comment has been removed by the author.
Unknown said...

يا ميدو دي امبارح قالت له انت ما عندكش دم

يا جدعان ما ينفعش كده ده ظابط مخابرات

انا مش فاهمة المخابرات ساكتة ازاي على البهدلة دي

المشخصاتي said...

مسلسل اقل ما يوصف انه صفر فنيا .. اخراج تعبان وتمثيل مبتذل وتصوير سيء واهتمام بالنص والتاريخ ولا أسوء .. من الاخر المسلسل ده جريمة فنية والله يرحم رأفت الهجان

Yazminaz said...

دي طول حلقة النهاردة قاعدة تزغر له وتبرق له .. ده لو جوز امها هتعامله أحسن من كده

انا ابتديت أحس إن العلاقة بين منة شلبي وهشام سليم زي ما يكونوا كانوا متصاحبين زمان أيام المراهقة ...
وبعدين هشام سليم ساب منة شلبي علشان بنت تانية احلى منها مثلا ... فمنة اتفرست منه وراحت مصاحبه نبيل سالم ..
قوم بقى لما نبيل سالم طلع مشيه بطال ...
منة قاعدة تهري وتنكت في نفسها قدام هشام سليم اللي بقى ضابط مخابرات قد الدنيا ...

:D

tamer.sala7 said...

http://www.soutelomma.org/NewsDetails.aspx?NID=2622

مع اني حاسس انها برضه بتحور

tamer.sala7 said...

الاهم من المقال بتاع الولية ليلي عبدالسلام دي كلام حسام الدين مصطفي

الراجل بصراحة ظبطهم

Kalimalhus said...

نوارة أنا بدأت أقلق عليكى.. بصفتى المهندس اللى بتتعالجى عنده فأنا انصحك بالتوقف عن مشاهدة المسلسل ده و إلا أنا مش مسئول عن أى فيوزات تضرب فى نافوخك و إنتى عارفة إن مش فاضل منهم كتير و قطع الغيار بطلوا ينتجوها من ساعة ما الشركة إتخصخصت و العمال لسة مضربين..

محمد حمدي said...

سمعت عن جروب : هعيد وافرفش بدون تحرش؟
ده جروب على الفيس بوك لتوعية الشباب ومناقشتهم وتفهيمهم ان التحرش سلوك خاطىء , وإننا لازم نبطل التبريرات السخيفة لافعالنا زى ان التحرش عقاب للبنت اللى لبسها متبرج ... الخ

الجروب هدفه عمل توعية للشباب قبل عيد الفطر المبارك اللى اتحول لموسم تحرش من ألاف الشباب , اللى كتير منهم –ياللعجب- بيكونو بيصلو ويصومو لحد اخر يوم فى رمضان واول يوم فى العيد بيتحولو لكائنات متحرشه وبتضايق فى خلق الله

كمان الجروب مش بيشتغل على الانترنت وبس , احنا بنخاطب شيوخ الجوامع ينهوا الشباب عن التحرش ويفكروهم بقيم الدين وضرورة غض البصر.. الخ خلال خطبة الجمعة او خطب التراويح وصلاة الليل , وكمان بنكلم معدى برامج التوك شو والجرايد الرسمية والخاصة لعرض حملتنا والتركيز عليها

لو تقدر تشارك معانا ببوست فى البلوج بتاعك تحط فيه لينك الجروب واهدافه تبقا دى خدمه كبيره ممكن تساعد بيها شاب على الهدايه او تحمى بنت من التحرش

ايه رايك ؟

لينك الجروب

http://www.facebook.com/group.php?gid=158203229767

سنابل said...

بجد ابتديت اقلق عيكي من حرب الفسافيس ده
طب رمضان قرب يخلص
نبقي نجيب لك الجرعة منين

مواطن مصري said...

بس انا عمري ما شفت وحدة تزعق لظابط المخابرات و تخرج لودها من غير رد فعل منة ولا ينادي فرج و يهددها ب الصور

ن

Unknown said...

ههههههههههه
هي كل الناس قلقانة عليا من المسلسل ليه؟
:)
اكيد المسلسل صالح للاستخدام الادمي بدليل انه بيتعرض في التلفزيون

وللا تاريخ الصلاحية مضروب؟

Kalimalhus said...

المسلسل صالح للإستعمال الآدمى بس الضمان لا يشمل سوء الإستعمال .. يعنى أنا شخصيا بتفرج عليه يوميا بحكم إنه بييجى وقت السحور بس من أول يوم أدركت إنه مسلسل كوميدى و من ساعتها و أنا مستمتع بيه جدا..

المشكلة إنك واخداه جد و بتفكرى فى التفاصيل و ده مش كويس لأنه بيعمل أوفر ستريتشنج لعضلات التفكير و ممكن يجيبلك كلاتش .. الحل إنك تعملى زينا كلنا تضحكى و تقوللى اللهم إجعله خير و تشربى وراه كوباية ميه (مش من الحنفية) و ياريت تمتنعى عن أكل أى حاجة خضرة عشان البروتين الحيوانى اللى فى مية المجارى ممكن يعمل تخمة ..

حسـّون الملعـون said...

أنا مريح دماغي وما بشوفش غير مسلسل إبن الأرندلي ليحيى الفخراني

وبرأيي الشخصي (دلوقتي أنا متقمص دور الناقد الفني) إن إبن الفخراني بالمسلسل حيبقى له مستقبل مشرق


بلا سامية فهمي بلا نيلة

مواطن مصري said...

بصراحة فعلا ابن يحي الفخراني في المسلسل هيبقى نجم و هيضرب احمد عز و السقا كمان

مخبر قمل دولة said...

نبيل فاروق كان كتب عنها باختصار في سلسلة حرب الجواسيس اعتقد باسمها الحقيقي
على ما اذكر كان اسمها هبة سليم .. دا اذا ماكنتش ذاكرتي خلطت بينها وبين حد تاني
لمزيد من التفاصيل راجع سلسلة حرب الجواسيس الأعداد الخاصة العدد رقم 3 او 4 او 5 او 6 :D
مش فاكر والله بس هو مش واحد ولا اتنين
غلاف العدد كان لونه احمر بالمناسبة بس مش فاكر اسم العدد
تقريبا كان فيه صقر او حاجة زي كده

Salam said...

ولدت سامية فهمي بأسرة متواضعة في كفر الهندوة وهي تنتمي الي هنداوي الشهير وليس لها صلة من قريب او بعيد بالواد ابن ابو سليم ابو لسان زالف ( ويجعله عامر )