Tuesday 15 September 2009

رسالة من تحت البتنجان/ الامريكان ياخدوا جمال ويدونا المشروع الصحي

يعني انت يا عوكل يا حبيبي بتعرف عبري؟ بتفهم الشفرات دي؟ اذا كان الست ام شعر منكوش اليهودية الاسرائيلية بتقول بيحطوا لنا طلاسم حوالين الكتب بتاعتنا مش بنفهمها ولما نسألهم يقولوا مش لازم تفهموا دي حاجات عشان تحميكوا
تاخد كتاب تمسكه بايدك وانت مش عارف فيه ايه؟ افرض فيه شفرة او توجيهات للواد شاليط، افرض فيه سم، افرض فيه سحر، افرض على رأي ابو يوسف فيه آلية متطورة جدا لتتبع مكانه، ما بقاله مرمي حدانا مليون سنة اهو وماحدش سأل فيه بزيارة وللا قفص فاكهة، ما افتكروش يبعتوا له كتاب ادعيا غير دلوقت؟ طب هم دلوقت في شهر أيلول بتاعهم ده زي رمضان عندنا كده او زي الكريسماس عند المسيحيين، وفي الفترة دي الحاخامات بيقعدوا يقروا حاجات ويعملوا حاجات حتى اليهود نفسهم مش فاهمينها، وكتير من اليهود متشككين فيها مش بس الست المنكوشة، وده مش اول ايلول يعدي عليه وهو عندنا عشان نقول ماهو موسم بقى كل سنة وانتوا طيبين، ما بعتوش حاجة قبل كده ليه؟ اشمعنى دلوقت؟ هو مش متنيل قاعد واكل شارب قايم نايم وخلاص، يعني ايه توصل له حاجة انت مش فاهمها ولا عارفها، انت مش شايف شكل الصفحة عامل ازاي؟ انا لما شفت شكلها اتسرعت، ايه ده؟
والنبي حد يقول لي المرسوم على جناب الصفحة ده ايه؟ عمري في حياتي ما شفت كده ابدا عند اي حد في الدنيا، ولا حتى عند الهندوس اللي بيبقى عندهم حاجات مش مفهومة كتير
----------
بالنوسبة للتسعة وخمسين في المية اللي بيقولوا اوباما ح يحولهم اشتراكيين، ياريت يحولهم اشتراكيين يمكن يعرفوا يحسوا بغيرهم بدل ما واحد معتوه يطلع يقول انا مش مستعد اشتغل واصرف ضرايبي على
a lazy unemployed or a loser homeless 
لو مش عاجبهم المشروع عشان ح يعالج اللي عنده تأمين واللي ما عندوش ياخدوا جمال مبارك ويدونا المشروع الصحي ويخلوا اوباما عندهم احنا مش عايزينه، احنا عايزين المشروع الصحي بتاعه بس
ده احنا في عرض ندفع نص دخلنا ضرايب لو ح يروح لعلاج الغلابة، ايه القسوة دي؟ ازاي الرفاهية تقسي القلب بالطريقة دي
عموما انا مش باصدق استطلاعات الرأي قوي، ممكن يكونوا بيسألوا ناس معينة في اماكن معينة هم عارفين انهم جمهوريين او اغنيا وخايفين يدفعوا ضرايب للفقرا، وواحد يقول: ما الفقرا يتعالجوا في الكنيسة، مش ممكن تكون اغلبية اي شعب في الدنيا بتفكر بالطريقة دي، اكيد الاستطلاعات دي متفبركة
مش ممكن
يعني انا قابلت ناس بتفكر كده بس اولا: مش بالبجاحة دي، يعني يعرفوا يحوروا كلامهم بحيث ما يبانش بالقسوة دي: "ربنا عمل اغنيا وفقرا" "ماهو لازم يبقى فيه فقرا عشان ندفع لهم زكاة المال" هههههه "يعني زي اللي بيقول ما الفقرا يتعالجوا في الكنيسة" بس مش بجح يعني، ثانيا: بيبقوا عيال صغيرة قوي ما شافوش في الدنيا حاجة، ثالثا: بيبقى اهلهم اغنيا قوي وغالبا متشككين في مصادر فلوس اهاليهم وضميرهم واجعهم وبيحاولوا يبرروا، رابعا: مش هم الاغلبية خالص، ولا يعملوا تلاتة في المية. انما ناس ترقع الكلام كده وش من غير كسوف: انا ما اصرفش فلوسي على العواطلية والهومليس؟ مش معقول
لا مش معقول
لالالالالالالالالالا مش معقول
مافيش حد كده اصلا، البني ادم مهما كان عنده رحمة شوية، ولو ما عندوش على الاقل ماشفتش البجاحة دي على حد، ثم انا خالي عايش في امريكا ومرات خالي امريكانية وبتقول لي: طب انا كل يوم اسمع نسب عن رأي الشعب الامريكي، طب انا امريكانية، عمر ماحد سألني قبل كده ليه؟ هو انا مش ليا رأي برضه؟
يارب المشروع الصحي ده يتمرر عشان نعرف نطالب بيه دلاديلهم هنا، وللا احنا دلاديل في مصايب بس 

38 comments:

مواطن مصري said...

ممكن يا نوارة لينك الخطبة بتاعت التامين الصحي

انا مش فاهم الموضوع ماشي ازاي

Unknown said...

انا مش عندي لنك الخطبة
بس اللي فهمته من المقالات اللي قريتها

http://www.washingtonpost.com/wp-dyn/content/article/2009/08/21/ AR2009082101778_3.html

http://news.bbc.co.uk/2/hi/americas/8160058.stm

ومن خالي

(خالي كان رئيس معهد السراطنيات في بن سلفانيا بس هو دلوقت متقاعد، بس بييجي مصر كل سنتين عشان يعالج هنا)

ان 25 مليون بس من الامريكان هم اللي عندهم تأمين صحي، الناس اللي ما عندهاش، يا اما بتشتغل خطافي، يا اما مش عندها شغل، يا اما اترفدت من شغلها، يا اما هومليس...إلخ

الهومليس دول لا هم لوزرز ولا حاجة دول ناس البنك حجز على بيوتهم عشان ما سددوش الاقساط

لما حد منهم يعوز يتعالج يروح لشركة التأمين وهي تقدر بقى يا تعمل له تأمين يا متعملوش حسب الضامن حسب نوع المرض لو عنده مرض مزمن زي السكر ما يرضوش يعملوا له تأمين

المشروع اللي اوباما عايز يعمله عايز يعمل زي كندا وانجلترا او يمكن اكتر فرنسا
اللي هو تدفع نسبة من التكليف ممكن توصل لخمسين في المية وممكن اكتر
لكل الناس

اللي عنده تأمين التأمين يغطيه
واللي ما عندوش الضرايب تغطيه
وده ح يستتبع ان التأمين يبقى تبع الدولة مش تبع شركات التأمين
زي انجلترا
وانه ياخد ضرايب من الاغنيا اكتر

المعترضين بيقولوا الآتي (غير الكلام الخرا اللي قالوه): احنا ما عندناش ثقة في مؤسسات الدولة والتأمين لما يبقى تابع للدولة ح يبقى مش كفء
في نفس الوقت بيقولوا ثم ان القطاع الخاص كده مش ح يقدر ينافس مستوى الدولة
(ما تفهمش ازاي الدولة مش ح تبقى كفء وفي نفس الوقت القطاع الخاص مش ح ينافس معاها)

الاعتراض التالت
مش عايزين ضرايب زيادة
الاعتراض الرابع
احنا مش شيوعيين عشان نعمل كده
!!!!!!!!!!!!
واللي ما عندوش تأمين صحي يتعالج عبر المؤسسات الخيرية والكنيسة

طبعا المؤسسات الخيرية قائمة على التبرعات، صحيح اللي بيتبرع لهم بيعفى من الضرايب بس
اولا: ليه يعني اللي ما عندوش تأمين يبقى شحات؟
ثانيا: هم كده تحت رحمة تقدير المؤسسات الخيرية وتحت رحمة تبرعاتها كمان
او بيتعالجوا تبع الكنيسة
طيب الكنيسة ح تعالج بوذي؟ ح تعالج يهودي؟ ح تعالج مسلم؟ ح تعالج ملحد؟
الكنيسة ح تعالج المسيحيين بس
والمسيحيين اللي تبع طايفتها
بالرغم من انهم مش بيقولوا كده، بيقولوا احنا ح نعالج كل الناس بس في الواقع برضه هم تحت رحمة الكنيسة يا تعاملهم كويس يا تعاملهم وحش
مافيش سيستم محدد بيلزمهم
وفيه هومليس كتير بيتاخد منهم اعضاء من خلال الجمعيات الخيرية دي
هو عايز يعالج كل الناس تبع سيستم واحد
واقرا المقالتين لانك مش ح تقعد مع خالي بقى
هههههههههههه

أبو أمك said...

طب يا ترى ينفع في زيارة مبارك اللي جاية لأمريكا أبعت علبتين سجاير كليوباترا بوكس لواحد صاحبي
ولا مش هيرضى يكرمني زي اليهود ويقول لي أصل معايا وزن زيادة

Unknown said...

ههههههههههههههههه
ههههههههههههههههههههه
هههههههههههههههههههههه
ابو امك
ربنا يسعدك يارب زي ما بتدخل البهجة على قلبي
هههههههههههههههههه
ههههههههههههههههه

مواطن مصري said...

نوارة شفتي الموقع الغريب المريب العلوقي دة


http://cyberdissidents.org/index.php


شوفي دة كمان

http://cyberdissidents.org/index.php?option=com_content&view=article&id=14:whoswho&catid=4:legsislative-watch&Itemid=16

لاحظي ان الموقع دة مفهوش اسرائيل مع ان المؤسسس لية واحد اسرائيلي

الموقع دة مريب و راة ان

Kalimalhus said...

موضوع المعارضة الكبيرة اللى بيواجهها الأخ أوباما بخصوص مشروع الرعاية الصحية بيتعلق بالمفهوم الليبرالى المتطرف لدور الحكومة..

لو قريتى لحد من المفكرين المدافعين عن الرأسمالية و الحريات الفردية إلخ هتلقيه بيتكلم عن الحكومة المحدودة الإختصاصات .. و بشكل محدد دور الحكومة عندهم ينحصر فى حماية الأفراد و الممتلكات .. يعنى الحكومة هى بوليس و جيش و محاكم و بس..

أكتر من كده الناس دى بتعتقد إن أى توسيع لدور الحكومة فى حياة الأفراد يمثل إعتداء على حريتهم الشخصية و على حرية السوق مما يؤدى إلى كل أنواع المشاكل الإقتصادية و يهدد بإنهيار الإقتصاد و تعريض حياة الناس للخطر .. (لما عجلة الإنتاج تتوقف يبقى الناس هتموت من الجوع).. بس كده

طبعا العالم الغلابة عقليا و معظم الأمريكان و تحديدا من البيض البروتستانت همه (باى ديفينشن).. غلابة عقليا ما بيفهموش الأمور كده .. بس كفاية معاهم دعاية من نوع إوعى الشيوعية حاسب من الفاشيستية.. و من الحاجات اللى لعبولهم بيها فى نافوخهم فكرة إن مين هيكون له سلطة الإختيار لما مريض يتحط على أجهزة دعم الحياة .. يعنى لو الحالة ميأووس منها مين هيقول نطفى الجهاز أو نسيبه شغال.. على أساس إن اللى يدفع هوه اللى يقول.. و طلعوا بقى عناوين من نوع الحكومة هتموت الجدة.. مع إن ولاد العبيطة لو فكروا فيها هيلاقوا إن فى الوضع الحالى الولية مش هاتتنيل تتحط على جهاز التنفس الصناعى من أصله و هاتتساب فى الشارع تفرفر زى الكلب اللى دهسته عربية!!

المهم بقى إن الحاج الهضبة بتاع الصحة عندنا هيطبق نظام تأمين صحى زى اللى فى أمريكا حاليا و اللى أوباما عايز يغيره .. و بيضحك على الناس و يقولك فصل الممول عن مقدم الخدمة و اللى هو سبوبة للقطاع الخاص بحيث تتاخد من جيوبنا الضلاايب و تتحط فى جيوب مقدمى الخدعة و إحنا ناخد صابونة و حتة قطنة و مفيش داعى أقول فين إكمننا فى رمضان..

Kalimalhus said...

يا مواطن..

روح على موقع البيت الأبيض هتلاقى أى خطبة أو كلمة أو كحة كحها أوباما موجودة صوت و صورة و نص

Unknown said...

كويس انك جيت
صحح لي النحوي ده:

"قبل خروج أيٍ منهما"

صح؟

أي تحتها كسرة؟ صح؟
رد بسرعة

Unknown said...

اه صحيح
ايه موضوع الحكومة اللي ح تموت الجدة ده؟

ده اوباما طلع بنفسه يقول: ما تخافوش مش ح نموت الجدة
ههههههههههههه

Kalimalhus said...

كسرة صح أو بمعنى أدق تنوين بالكسرة.. و لو بتقرى فصحى صحيحة النون بتاعة التنوين تنقلب ميم عشان الميم فى أول منهما.. هههههههه

ما هى حكاية الجدة هى موضوع أجهزة دعم الحياة يعنى لو الحكومة بتدفع التكاليف ممكن هى اللى تقرر إن كانت الست تفضل على الجهاز و ألا يفصلوا عنها الكهربا و يسيبوها تفيص.. ده واحد من الموضوعات اللى عملت قلق كبير عشان تعرفى إن الأمريكان ظروف الآى كيو عندهم صعبة طحن و إن ماكانش على القرشين اللى عندهم كان العالم كله غرقهم تفافة من كتر الإحتقار..

Unknown said...

ايوة اسم الله عليك
هي التنوين
يعني هي صح:
قبل قدوم أيٍ منهما
قبل خروج أيٍ منهما
كده مظبوط

ربنا يكرمك ويفتحها في وشك ولا يغلب لك ولية قادر يا كريم بحق لايام المفترجة دي الهي ينولك كل اللي في بالك

mido said...

هههههه

نوارة نسيت اقولك ان الكلام العبرى الغريب ده

اهداء خاص من الحاخام عوفاديا يوسف لمبارك

Mohamed said...

اولا يا ابو امك انت مشكلة بجد و يا سيدى اعتبر السجاير وصلت و انا هبعتلك تمنهم مع عوكل بس على الله توصل وميقولكش صحبك بيسلم عليك.
ثانيا موضوع التامين الصحى ده لا يرفضه عاقل لكن اللى انا شايفه حواليه ان كل الاعتراضات اللى بتسمعوها هى عن اوباما نفسه يعنى عنصرية متغطية تحت مشروع التامين الصحى .
شوفى جون ستيوارت http://www.huffingtonpost.com/2009/09/15/jon-stewart-returns-slams_n_286906.html اما موضوع الجدة فدة حافز للدكاترة انهم يناقشوا dnr زى الوصية كدة فبالين قالت عاوزين يموتوا الجدة و ابنى الصغير وطبعا البرينلس صدقوها.

Anonymous said...

اكيد فتشوا الكتاب واكيد في واحد حاخام من اللي موجودين في الرئاسه فهمهم الطلاسم:D

Unknown said...

مهم جدا حول سهولة قيادة المتطرفين من خلال اجهزة مخابرات متعددة

خبير" مزيّف في مجال "الإرهاب" يعترف بتلفيق أكاذيب عن "التطرف"
اعترف رجل بريطاني، انتحل صفة خبير في مجال الإرهاب، بأنه خدع صحفاً محلية وسياسيا بارزة ولفّق روايات كاذبة عن "التطرف" الإسلامي. وذكرت صحيفة "صن"، أمس، أن غلين جينفي, اعترف بأنه لفّق رواية قيام إسلاميين في بريطانيا بإعداد لائحة بأسماء شخصيات يهودية بارزة لتصفيتها، خلال مقابلة أجرتها مع المحطة الإذاعية الرابعة التابعة لهيئة الإذاعة البريطانية "بي بي سي".


وأضافت الصحيفة أن جينفي انتحل شخصية "متطرف" إسلامي في موقع للمتشددين على شبكة الانترنت، حيث حث المسلمين على وضع لائحة بأسماء شخصيات يهودية بارزة في بريطانيا لضربها.

واشارت الصحيفة إلى أن الخبير المزيّف في مجال "الإرهاب" سرّب اللائحة إلى وكالة أنباء بريطانية وإلى النائب عن حزب المحافظين البريطاني المعارض باتريك ميرسر.

ونسبت الصن إلى النائب ميرسر، الضابط السابق في الجيش البريطاني ورئيس اللجنة البرلمانية الفرعية حول مكافحة "الإرهاب" قوله إنه مسؤول عن ترويج هذه الرواية، وقدم اعتذاره للذين أُصيبوا بالذعر من ورائها.
-------

طبعا هو لم يلفق الخبر هو حاول قيادة المتطرفين لتفيذ عمليات ضد هذه الشخصيات البارزة وحاول استثمار معرفته بوقوعها من خلال تسريبها لوسائل الاعلام

Unknown said...

يا جماعة اشتراكية ايه , هو العدالة اليومين دول بقت اشتراكية ؟؟
.اشتراكية يعني استبداد و عبودية وووو


و هذا لا يعني ان الرأسمالية نظام جيد
بل هو نظام فاشل أيضا.

Unknown said...

نيمو فين؟

نيمو
الشمس طلعت عندكوا اساسا؟

:))

Dr Nemo said...

هههههه ثوانى برفع الصور والفيديو وجاى بيهم

Dr Nemo said...

صورة واحد
http://2.bp.blogspot.com/_rkOC-gKfU4o/SrG5Io0E7WI/AAAAAAAAAJY/-CJWhPXG2nM/s400/IMG0706A.jpg

صورة اتنين
http://1.bp.blogspot.com/_rkOC-gKfU4o/SrG5JCy9m0I/AAAAAAAAAJg/xATX9hanTIM/s400/IMG0707A.jpg

صورة تلاته ودى من كاميرا موبايل مفروض انه عدل شوية
http://1.bp.blogspot.com/_rkOC-gKfU4o/SrG5JqT3AWI/AAAAAAAAAJo/r9OwWUWT9Mw/s400/ncnb.jpg

فيديو واحد من موبايلى العتره
http://www.youtube.com/watch?v=fqHZRrvxiAw

فيديو اتنين ودا من موبايل مفروض انه انضف شوية لقيت ناس واقفين يصوروا وعلى فكره انا اللى معدى الطريق فى اول الفيديو خالص ده هههههههه شكلى زى ما اكون مضروب ولا حاجه

""هبعت الوصلة لوحدها كمان دقيقتين على ما الفيديو يترفع على اليوتيوب""

Unknown said...

طب ايه يا نيمو
دي من غير شعاع

يبقى كانت امبارح؟ ايه اللخبطة دي؟ عموما انا عملت حسابي برضه
هههههههههههه

Unknown said...

اصل انا ما قدرتش اشوفها عشان كان عندنا سحاب كتير قوي

Dr Nemo said...

http://www.youtube.com/watch?v=a_Fg5TX1VXM

Dr Nemo said...

http://www.youtube.com/watch?v=koUkOqtIkcg الوصلة دى احسن

Dr Nemo said...

لالالالالالالالا كانت عادية
سيبك من كلام اللى بيصوروا ...... خلينا على مبأنا لحد ما يجد جديد.... ليلة تلاته وعشرين كانت "حمرااااااء ضعيييييفه" واحلف على كده....... بعد كده كلهم شبه بعض

Dr Nemo said...

سورى تانى وصلة عملتلها ديليت خليكى فى الاولى معش حيرتكم

Unknown said...

الوصلة التانية بيقول لي دوبليكيتد ومتشالة

بس شفت الفيديو الاولاني

اما كان ح يبقى حتة مقلب لو كان الواحد اعتمد على انها ليلة تلاتة وعشرين

هو كده بقى الشمسين بتوع اليومين

قارن وقول لي رأيك

ده شمس تلاتة وعشرين

http://3.bp.blogspot.com/_rkOC-gKfU4o/Sqxt-pza1hI/AAAAAAAAAJI/x5kJJvPGoWU/s400/IMG0700A.jpg

ودي سبعة وعشرين

http://1.bp.blogspot.com/_rkOC-gKfU4o/SrG5JqT3AWI/AAAAAAAAAJo/r9OwWUWT9Mw/s400


بس امبارح السما ما كانتش صافية خالص يا نيمو دي كانت مليانة سحاب
مش ليلة القدر السما بتبقى صافية؟

كان عندكوا سحاب برضه؟

Dr Nemo said...

سورى تانى وصلة عملتلها ديليت خليكى فى الاولى معش حيرتكم

Unknown said...

ايوة لان ليلة امبارح كمان كانت السما مليانة سحاب
والنهاردة ماعرفتش اشوف الشمس اصلا غير بعد ما طلعت بكتير وطبعا كانت جامدة

Unknown said...

بص عملت سيرش على شمس ليلة القدر ولقيتهم مصورينها بمن سنين سابقة

http://shots.ikbis.com/image/49310/large/___________1.jpg

شبه بتاعة تلاتة وعشرين

Dr Nemo said...

كان عندنا سحاب على فكره لو عايز تعرف مكان التصوير بالظبط هتلاقينه محدده..... على الكوبرى كمان لو دققتى هههههههه..... المهم انه امبارح على ما اظن انا واللى اتكلمت معاهم وطبعا الله اعلم "مش ليلة القدر" والاهم انه فيه اتفاق انها فاتت هما قالوا خمسه وعشرين وانا برجح تلاته وعشرين لانى شفت 25 بعينى وكانت زى النهادره تمام..... الخلاصه انه ان شاء الله هيا 23 وعشرين

Unknown said...

ان شاء الله
لالالالالالا
مش ممكن خمسة وعشرين
مش ممكن
انا عيني كانت ح تروح من الشمس يوميها
ههههههه
ان شاء الله تلاتة وعشرين

انا يوميها بالليل عرفت بالاحساس لما بصيت في السما وحسيت انها منورة وصافية
وقبل كده في سنين سابقة كانت تلاتة وعشرين برضه

مرة السنة اللي قبل اللي فاتت

ومرة من سنين كتير برضه
المرتين كنت متأكدة انها تلاتة وعشرين

Dr Nemo said...

والله خير وبعدين مين يعلم مش يمكن لسه فى التلات ايام او اليومين الجايين ..... ننتظر ونشوف

رجل من غمار الموالى said...

تحياتى
..
أحنا دلاديل فى المصايب بس
...
....
كل عام وأنتم بخير

مدونة النسر المصرى said...

بنت بميت راجل
بقلم -ياسر حسن
لم التقى بها ورغم ذلك تجد فى كلامها عذب بنت
المعانى وصدق الحديث

نورارة نجم بنت بمئة راجل ورغم ذلك تجدها انثى طاغية مبهرة جذابة ،اللهم انى صايم اقرأ كلامها وستفهم معانيه وستجد انه اجتمعت معه بنت البلد وبنت الذوات وبنت ال الاكرمين

كل هذا تستشعره ولا تمل من الرد عليك او الحديث عن هموم الوطن الجريح واسلوبها الرائع فى (عش على الريح)

لذا قررت ان يكون هذا البوست مخصص لتلك الشابه اليافعة الذكية التى اقتحمت الرجوليه بانثويتها ووضعت فيه سر شويبس الذى رحل حسن عابدين ولم يعرفه احد حتى الان

تحيه لنوارة نجم بنت بميت راجل

SERVANT OF JC said...

الاستاذة نوارة

شكرا لزيارتك وتعليقك اللي حقيقي اسعدني بالرغم من سوء استخدام بعض الألفاظ فيه

ولكن علي اي حال أنا قمت بالرد عليه في بوست خاص حتي تتضح بعض الأمور عندك بدل حرقة الأعصاب اللي حضرتك بتعاني منها

شكرااااا

Unknown said...

النسر المصري
الكلام ده مكتوب فين

الاخ خادم

ولا
انت واد مش محترم يالا
ما تجيش تاني انا مش عارفة ايه اللي طسني وخلاني ابص على مدونتك

mido said...

الكلام ده مكتوب هنا

الخوجة said...

ياعم دول اشتروا البلد ووثقوا العقد فى الشهر
.العقارىhttp://alkoga.blogspot.com/2009/09/blog-post_5514.html