Saturday 19 September 2009

حركة سوزان مبارك تنجح فى نشر ثقافة السلام

على منشر سواقين الميكروباص اللي روحهم في مناخيرهم وكل لما تكلمهم يطلعوا لك الكرباج واخرها واحد دهس صحفي نزل يتخانق معاه
(الراجل بيقول: قلت له ابعد لادوسك قام ما بعدش..يعني الراجل عداه العيب يعني)
وللا العشوائيات اللي اي حوار بسيط بيبقى بالسنج؟
وللا في منشر الناس اللي بتحرق البيوت على غيرها؟
وللا عند الناس اللي ماشية تأفئف وتخانق دبان وشها في الشارع؟
فين السلام ده؟ اللي شافه يسلم لي عليه والنبي
وللا ثقافة الجبن والخنوع والخوف من الهوا واستقوا الغلبان على الاغلب منه عشان مش قادر على اللي اقوى منه بقى اسمها ثقافة سلام؟ ايه حرقة الدم دي في العيد؟

7 comments:

مواطن مصري said...

أضحكي مع شيوخ الكويت


http://www.youtube.com/watch?v=Y0khGyAGZwg


ههههههههههههههههههههههههه

مواطن مصري said...

هيهيهيهيهي

http://www.youtube.com/watch?v=jN2n-wWxPAQ

mido said...

موقع اليوم الساقع بيحب يقوم بالواجب برده

أبو أمك said...

فين السلام ده ؟
اركبي ميكروباص من موقف العاشر وهو يوصلك
العيلة دي مدلعانا على الآخر
حرب وحاربنا..سلام وسلمنا
وبعد ما حسني مبارك هشتكنا
وسوزان مبارك بتبشتكنا
وجمال مبارك هاينيـ...
ولا بلاش

هرطقة said...

اقرى الخبر كويس
مكتوب "السيدة سوزان مبارك نجحت فى تحويل هذه الدعوة إلى رسالة سلام قوية وجدت صداها فى أنحاء المعمورة"
والمعمورة مافيهاش لا عشوائيات ولا ميكروباظ

ليه تتبلى على الناس بس

Unknown said...

هههههههههههههههههههه

صحيح
المعمورة فيها سلام

انا اسفة على الغلطة الفنية دي

عبد الزهراء المصري (علي الحسيني) said...

بسم الله الرحمن الرحيم
اللهم صلي على محمد وآل محمد وعجل فرجهم وألعن عدوهم


أخواني وأخواتي الكرام كل سنه وأنتم طيبين بمناسبة عيد الفطر وإن كان عند كثير من الشيعة أنه غداً الاثنين .

بداية أحب أعلق على الفيديو الي حطه الأخ مواطن مصري وبصراحة لي تعليق بسيط عليه وهو إن الأحاديث اللي قالها الراجل المتصل لأ تمثل الإسلام في شيئ أبداً بل هو إسلام آل أمية والدولة العباسية اللي بيحرم الخروج على الحاكم حتى لو كان فاجراً ويشرب الخمر وبهذا المقياس يمكنهم أن يقولوا لكل معارض لأ تعترض هذا حرام ومخالف للدين عالرغم أن الإسلام هو دين الحرية والعدالة والوقوف في وجه الظالمين المفسدين زي حسني لأ مبارك أو أبن مردخاي حاكم بلاد الحرمين .... إلخ
وبمقياسهم الأموي هذا سيخطئون الإمام الحسين صلوات الله وسلامه عليه وكل من سار على دربه في الوقوف في وجه المفسدين .
ثانياً بالنسبة لسوزان فأنا الست دي بتفكرني بمشيرة زوجة الديكتاتور في مسرحية تخاريف لما قال لها أنتي دورك تلعبي في الجماهير .
وعلى فكرة يانوارة بالنسبة لموضوع ضرب إيران بصراحة كان جامد أوي وعجبني بصراحة وإن كنت متوقع إن الموضوع ده ده هيجر كام دولة معاه لأن إيران لو أنضربت هتعمل زي الاسد الجريح فهتحاول تضرب كام دولة كده معاها وأنا شخصياً مع إسقاط النظام الإيراني لأنه نظام ظالم وفاسد وزيه زي نظام حسني لأ مبارك وعلى فكرة أنا مش بقول كده بسبب تاثري باللي حصل في المهزلة اللي أسمها إنتخابات مزورة الاخيرة ، لا طبعاً لكني اكتشفت أن هناك الكثير والكثير من الظلم الذي يحصل هناك بل والتستر على الفساد والفاسدين زي البلاد العربية بتاعتنا .

أخوكي
عبد الزهراء المصري