Saturday 26 September 2009

اللههههههه يرحمه

انا لقيت الخبر بس مش لاقية الفيديو اللي يلاقي الفيديو يباصي لي
مش عارفة حاسة ان البوماته ما بقتش توزع زي زمان، يمكن عشان ميت؟
ههههههههه استنوا استنوا، لقيته
الفيديو بيستفتح كده: تنبيه: لا نسمح بالموسيقى في تسجيلاتنا
لااااااااااااااا حول ولا قوة الا بالله، يعني احنا طرش مثلا؟ ما احنا شايفين انهم مش حاطين مزيكا هههههههههه، والله العظيم اصحاب العقول في راحة، وهو بن لادن اهبل يعني عشان يكتب الجملة المتخلفة دي؟ الله يرحمه يعني، لما كان عايش ما كانش بيعمل كده 
خدوا الفيديو، ما بيقولش حاجة، بيقول اطلعوا برة افغانستان
وبيقول حقايق حول الجرايم اللي في افغانستان، هييييه، افغانستان دي اغلب من الغلب، بس الكلام ده بيتقال في الاخبار، حتى السي ان ان اليومين دول شادة قوي على ان الجيش بيضرب مدنيين


المهم يعني، هم عايزين مننا ايه؟ بينزلوا لنا فيديو زي ده ليه؟ ثم جيران ايه اللي هم بيسيئوا لهم؟ هي افغانستان جيران؟ وناهيين الفيديو بـ"وان جنحوا للسلم فاجنح لها...الاية" يا سلام
ده كان ضارب ايه اللي بيعمل الفيديو ده؟ وللا ده فراغ وللا ايه بالظبط؟
وللا عايزين يخلعوا من افغانستان دلوقت عشان يتفرغوا لايران؟ الله اعلم، اصل مش معقولة يكلفوا نفسهم فلوس كده من غير هدف
هاه... وهم ح يفضلوا يكلموا نفسهم كده كتير؟ بيفكروني بالناس اللي على الفورمز اللي تعمل كذا اكاونت وتقعد تتخانق مع نفسها، وكان فيه مدون بيعمل كده والله، يدخل باكاونت تاني ويقعد يشتم نفسه وبعدين يدخل باكاونت تالت ويقعد يدافع عن نفسه على اساس انه مش نفسه، وخلاص احنا سبناه بقى يعني ماحدش بيكلمه في الموضوع ده

9 comments:

mido said...

Osama bin Laden Botschaft Deutsch - Censor News news.xirox.us

mido said...

هو ده الشريط الجديد

Unknown said...

انا الشريط اللي حاطاه هو ده اللي سمعت مقاطع منه في الجزيرة

اما اشوف انت جبت ايه؟
الالبومات كترت هههههه

Unknown said...

ماهو يابني اللي انا حطيته

mido said...

شريطك مترجم انجليزى

انما اللى انا جبته مترجم بالألمانى يعنى

النسخة الاوريجنال

:D

Unknown said...

هههههههههههه

Anonymous said...

بارك الله فيك

موضوع ممتاز

منتديات

http://www.56waat.com/vb

منتدى

http://www.56waat.com

دليل

http://dalil.56waat.com

قران كريم

http://www.56waat.com/quran

قصايد

http://www.56waat.com/hair

منتديات نسائيه

http://www.fr7ty.com/vb

فيديو مقاطع

http://www.fr7ty.com

حليمة بولند

http://www.7lema.net

Nohaz said...

i know the blogger u r talking about :D he was a very close friend once
kabary some ppl are sick

بتنفس حريه said...

http://www.almasry-alyoum.com/article2.aspx?ArticleID=227228

خدى ديه بمناسبه الالبونات :)