Wednesday 30 September 2009

من تقاليد العائلة

اصل زاهي لحواس ده والسيد حسن نصرعليهم اجماع عائلي، من تقاليد العيلة اننا ما نطيقش لحواس زي ما من تقليد العيلة اننا نحب نصر الله
اتاري الناس ما رضتش تروح الاهرامات.... تصوروا؟ فاكرين لما قال نفسهم وريحة عرقهم وطرقعة قبقابهم حوشوهم عني مش طايق اشوفهم كأننا ضرايره؟ ومع ذلك ح نسمح لهم ييجوا؟ اتاري الناس ما راحتش وكرمشت الاهرامات ورمتها في وشه، ح يعمل حزازات ما بينا وبين الاهرامات، يا ناس، يا عالم، دي بتاعتنا... الا صحيح سؤال بس: هو السياح الاسرائيليين اللي بيقولوا انهم هم اللي بنوا الاهرامات، لحواس كان بيسمح لهم يدخلوا ايام ما كنا احنا ممنوعين؟



صافى ناز كاظم تكتب: برافو شعب مصر: تركتم الأهرامات لحواس


٣٠/ ٩/ ٢٠٠٩
هذا الكلام أكتبه ثالث أيام عيد الفطر المبارك وأمامى فى الصفحة الأولى لجريدة «الأهرام» بتاريخ٢٢/٩/٢٠٠٩ عنوان خبر يقول: «المواطنون فضلوا القناطر الخيرية على الأهرامات فى العيد»، وفى تفصيل الخبر بالداخل أفادت محررته بأن ٣ آلاف مصرى فقط زاروا الأهرامات، فى مقابل ربع مليون ذهبوا إلى حديقة الحيوانات،


ومثلهم إلى حدائق القناطر الخيرية ومئات آلاف آخرين إلى الحديقة الدولية، وأن مدير آثار الهرم الأستاذ كمال وحيد قال إنه «لا يدرى ما السبب لقلة الزوار المصريين للأهرامات»، كأنه لم يقرأ الخبر الذى نشرته «الأهرام» فى صفحتها الأخيرة يوم ٢٠/٩/٢٠٠٩ تحت عنوان:»مناطق الآثار تستقبل زوارها فى العيد والسماح للمصريين بزيارة الأهرامات»، وبه قول منسوب لزاهى حواس، الأمين العام للمجلس الأعلى للآثار، يعلن بلا حرج الاستفزاز التالى: «تم السماح للمصريين بزيارة منطقة الأهرامات»، بما يفهم أن المصريين كانوا ممنوعين من زيارة الأهرامات، رغم أن هذا الأمر كان مثاراً منذ سنوات، وكنت ممن تناوله بالاحتجاج فى جريدة «الوفد» حتى تدخل السيد وزير الثقافة، فاروق حسنى، وأوقف المنع مما دعانى وقتها إلى كتابة مقالى بـ»الوفد» تحت عنوان:»بشرى بشرى لبنى مصر بإمكانكم زيارة أهراماتكم»!


وهكذا نجد أن هذه النغمة غير الطيبة وغير المقبولة فى الحديث عن الشعب المصرى والآثار، ما زال السيد حواس يطبلها على دماغنا، كما بدأها منذ سنوات، حين بدأ حملته لتطفيش المواطنين من مناطق الآثار والأهرامات على وجه الخصوص محتجاً بأن أنفاس المواطنين، أهل البلد، ضارة بالآثار وكلام آخر مماثل لهذا التحقير الفاحش للمصريين أصحاب الآثار وملاكها والقائمين عليها، ولم تقف حملة حواس عند حدود الكلام البايخ بل تعداه، وأنا شاهدة بالتجربة العملية على إساءة معاملة المصريين عند مداخل الأهرامات إلى درجة أدهشت مصرى متجنس بالجنسية الأمريكية، حين أهين بجواز سفره المصرى ورد له جواز سفره الأمريكى اعتباره، مما دعاه إلى رفض المصالحة التى ترفضه مصرياً وتكرمه أجنبياً!


لا نناقش ضرورة حماية آثارنا من التناول الخاطئ لبعض الزوار من أهلنا أو من غيرهم، لكن هناك ضرورة حماية مماثلة للمصريين المواطنين من سياسة التحقير والتشهير والاستباحة المهينة لكرامتهم فى التعامل والمعاملة، تلك التى يعتمدها حواس ويوصى بها من يأتمرون بأمره، والشاهد عليها تصريحاته الفظة التى أوردتها جريدة «الأهرام» لتلطمنا صباح أول أيام العيد، فكيف كان من الممكن أن تنفتح شهية مصرى معتز بمصريته ليغامر بزيارة الأهرامات وهو تحت التهديد المذكور فى الخبر: «.. ويتم بالتنسيق مع شرطة السياحة إخلاء أى مجموعات تسىء للأهرامات من حيث ممارسة الألعاب أو العبث بقيمة الأثر بأى شكل من الأشكال ..»،


وقد بلغ التهديد أوج مسخرته بالصياغة التالية المكملة له بلغة طبوش العكر إذ يقول: «وتيسيراً على المواطنين تقرر تواجد مديرى المناطق والمواقع الأثرية ابتداء من الصباح وحتى نهاية اليوم لضمان الحل الفورى لأى مشكلة طارئة»، وصحيح أن الخبر لم يذكر أن «التيسير» المرتقب للمواطنين سوف ينفذ بالطريقة «الحواسية» المعروفة، بالشخط والنطر وقلة الذوق وخلافه، لكن كان بإمكاننا أن نستنتج ذلك!
----
انتهى المقال، وغير ابن صاحبة ماما اللي ما رضوش يعاملوه كويس غير لما طلع جواز السفر الامريكي (لما رجع بيقول: انا طلعته عشان اشوف ح يعملوا ايه؟) ولما طلعه قالوا له اتفضل ورفض يدخل وقعد يشتم فيهم زي المجنون هناك، واحد قريبنا برضه معاه جواز كندي راح مع والدته قالوا له: امك عشان مصرية تفضل برة وانت تدخل. اي والله عليكوا، وبرضه قريبنا ما رضيش يدخل، وقال لهم طب انا ح اقطع الجواز الكندي او ح ارميه في الزبالة ويا تدخلوني بجوازي المصري يا مش داخل، وخد بعضه ومشي، لانهم طبعا ما دخلوهوش بجوازه المصري. ما انا باقول لكوا تقليد عائلي
طب لما نتعامل كده في الاهرامات، الاههههرررررااااااامممماااااات، اللي هي تقريبا الحاجة الوحيدة اللي بتاعتنا في البلد دي، امال بنزعل ليه لما بنتجلد ونتقتل برة؟ قال على رأي المثل: اللي جوزها يقول لها يا كودا العيال يلعبوا بيها الكورة
---
ملحوسة: في الفترة اللي جاية ح ترتاحوا مني شوية، عشان عندي مذاكرة



24 comments:

خيرالدين said...

طبعا التعليقات على المقال تفقع
واضح اننا خلاص مقتنعين ان مواجهة سلوكيات خاطئه لبعض الناس هى اغلاق المكان فى وجه الجميع لانه التصرف الاسهل
وبلاش وجع دماغ
...
أنا مره وانا فى ثانوى رحت أجرب الانجليزى بتاع وأسال واحد
where do you come from?
رد عليا
from israel
بعدها عسكرى جه قعد يزعق فينا لاننا بنزعج السياح
....
على فكره مخطط تعديل موضوع التطبيع فى نقابةا لصحفيين ماشى زى السكينه فىا لحلاوه
العاشره مساء عامل حلقه مناظره بين هاله مصطفى وجمال فهمى وناس تانيه
لمناقشه الموضوع
تسلم لنا دماغك

Unknown said...

التعليقات معارضة لوالدتك
هو زاهى حواس عنده شوية حق برده
و لا ايه
؟!!

انا مش معاه بس اقرى التعليقات فى المصرى اليوم و قوليلى رأيك

Unknown said...

أبوالغيط: إيران دولة صديقة لمصر

http://www.youm7.com/News.asp?NewsID=140903

Unknown said...

احنا
يا دهوتي

ده انا كان قصدي اخرف

هو التخريف بيطلع صح ليه؟

بدراوي

قريت التعليقات، اللي بتقول ان المصريين معفنين وما يستاهلوش يزوروا اثارهم
!!!!!!!!!!!!!!!

هم مش مصريين زينا وللا ايه؟
اذا كانوا هم عارفين انهم معفنين فده مش ذنبنا احنا

بوبو said...

بغض النظر عن المقال وزاهي لحواس والاهران.. ازاي يعني هنرتاح منك؟ كدة مينفعش.. انا اتعودت اتابعك وبقى ادمان.. مذاكرة ايه دي ؟ هما اللي ذاكروا خدوا ايه؟ والنبي ما تغيبي عننا دا انا بجد بقيت متابعة مدونتك جدا

آه وكفى said...

لأ هو كان قافله لحد مايشوف حل في الناس اللي بتروح تفرقع البمب في الحجر على اساس انو مش بيرضى يفرقع لما يترمي في الرمل

Unknown said...

المثل بيقول : اللى يقول لمراته ياعورا .. مش يا كودا

جبتى منين ياكودا دى؟

................

وبعدين لما هو اجماع عائلى.. عم أحمد قال ليه لنجيب ساويرس انه نفسه اليهود يرجعوا مصر وانهم كانوا طيبين وفيهم أوليا صالحين؟

Anonymous said...

انها حقا عائله محترمه :)

والتعليقات على الموضوع اعتقد انها من نوع جلد الذات اللي اصبحنا نعشقه

انا ما رحتش الاهرامات غير مرتين ..... بس اعتقد ان مفيش اي تجاوز ممكن يعمل مشكله مزمنه لا تحل بزياه الوعي

يا ريت بس اعرف ايه اللي يخلينا نقفل اثارنا قدام المصريين كده بكل قله ذوق زي ما يكون الاهرامات بتاعت ابوهم

تحياتي

mido said...

انشرى نتيجة الاستفتاء الخاص باسرائيل فى بوست منفصل

خلص دلوقتى

مش عارف هل ممكن تاخدى صورة منه و تنشريها و لا لأ

مش فاهمه said...

بجد حانفتقدك ياريت ابقى شقرى برضه و سلامى لماما اللى باموت فيها بجد
بس بجد بقه انتى بتذاكرى ليه

Ahmed Fawzi said...

مبدئيا أنا لا أتفق مع السيدة صافيناز كاظم فى تحيتها لمن لم يذهب للأهرام و إعتبارها أنهم بذلك تركوا الأهرام لزاهى حواس ...
فبشكل ما يمكن إعتبار ذلك المبدأ نوع من لتفريط فى حق بديهى من حقوق المصريين . كما أن الأهرام ليست ملكا لا لزاهى حواس ولا للحكومة ولا لمصلحة الأثار بل إنها ملك للمصريين جميعا و ما هؤلاء إلا موظفين عندنا ..
ثانيا للأسف إن عدم ذهاب المصريين للأهرام إنما هو نجاح لمخطط زاهى حواس فى إقتلاع الأهرام و الأثار المصرية من أجندة النزهة و الثقافة التى كان يتمتع بهم المصرى حتى وصول سيادته لمنصبه .. و بالتأكيد سيؤثر ذلك بالسلب كثيرا على إرتباط المصرى لتاريخه و تكريس ثقافة الضآلة و الإستسلام عند المصريين و شعورهم بأننا شعب فاشل على مر التاريخ بدلا من أن يكون رؤيتهم لقطعة من تاريخهم محفزا لهم على الإجتهاد و محاولة إستعادة ولو جزء من أمجادهم المندثرة
ثالثا .. كانت التعليقات على المقال محبطة للغاية فقط نجح النظام فى تحويلنا إلى شعب قاهر لنفسه ولا يسعى للإصلاح بقدر سعيه للتدمير و التحطيم

رابعا و الكلام لزاهى و موظفينه ..................................................................................................................................................
تم حذفه حتى لا أتعرض للمسائلة القانونية

البنفسج الحزين said...

والله انا خايفه بكرة يقولوا نفس المصريين خطر علي مصر ويطردونا برا
البلد خالص ربنا يستر ... المهم انا عايزة اعرف هو انتي بتدرسي ايه يا نوارة وكل شويه تروحي تذاكري وتيجي تاني؟

Kontiki said...

نوارة ازيك
انتى اكيد فاهمة المصريين سلوك المصريين عامل ازاى اسمحيلى يعنى مش كل الناس عارفة يعنى اية اثر وحضارة مش كل الناس عارفة ان الهرم مش طوبتين و الله كبير اوى ودمتم ونروح نركب جمل و خلاص وبرضة مش مطلوب من الناس العادية العامة يبقوا خبراء فى المصريات عشان يتسمح لهم يزوروا اثار بلادهم !
الخلاصة ان المصرى سلوكة العام فى الشارع سيىء وسلوكة فى التعامل مع الاثار سواء الهرم او غيرة فية نسبة جهل مش قليلة زمان مدرسة التاريخ لما دخلنا عمود السوارى من جوة قالت لنا محدش يلمس اثر محدش يلمس الحيطان عشان متتأثرش عمود السوارى بقالة كذا قرن و ممنوع احنا كطلبة متفوقين فى رحلةعلمية اننا نلمسة مجرد نمد ايدنا ممنوع كام بقى واحد رايح يزور الاهرمات اخد حصة تاريخ او فاهم يعنى اية حضارتة وفاهم يعنى اية نحافظ على شىء هو ملك عام للمصريين كلهم طب بلاش انت منزلتيش قبل كدة فى العيد وشوفتى مستوى الزوار المصريين لمكان اثرى عامل ازاى ؟ اقولك اية بس السائح الفرنساوى قدام عينى شايفاة و هو بيتفرج على المزابل اللى بيعملوها المصريين وهم فى اى مكان وبعدين قام شال الزبالة و نضف الكرسى وقعد !! انتى عارفة مستوى سلوك العامة اذا كان مش بيعرفوا يحافظوا على شارعهم نضيف ولا على جنينة نضيفة ولا على شاطىء نضيف يبقى حيعرفوا يدخلوا الهرم و يطلعوا مش غير ميتقلب مزبلة !! زاهى عندة حق يمكن خانتة الالفاظ وهو بيعبر عن مساوىء زيارات المصريين بس دى الحقيقة مفيش وجه للمقارنة بين سلوك المصرى و سلوك الاجنبى فى الحفاظ على ملكية عامة وخصوصيتها ونظافتها وعشان كدة كلمة مصرى بقت وصمة فى البسبور ما هو برضة العسكرى اللى واقف مش حيعمل امتحان ذوق و لياقة ونضافة لكل زائر عشان يعرف دة حيقدر يحافظ على نظام ونظافة المكان ولا لا فأستسهلوا والاجنبى او اللى معاه جنسية يدخل والباقى لا . وبرضة الكلام دة مش جلد للذات او شايفين نفسنا معفنين فروق فردية يعنى انا بروح مكتبة اسكندرية اتفرجى بقى على الاوتوبيسات السياحية وهى بترمى جحافل من الطلبة فى كل الاعمار اول ما ينزلوا ارض ساحة الحضارات تتقلب ساحة مصارعه واكل و شرب وعصير وزبالة و ورق ويفضل الموظفين يجروا وراهم ، بيتهيألى الحل مش اننا نقفل منطقة اثارممكن يكون فى تعليمات وامن و مرشدين للناس للسلوك المقبول اللى يقوم باى سلوك مرفوض ننبه ولو كررة يخرج ممكن تكون فكرة صعوبتها فى اننا حنحتاج عدد كبير من الموظفين او المرشدين لمتابعه الناس الكبير والصغير بس مش مشكلة خريجين سياحة وفنادق كتير وفى سبيل تربية الذوق و الفكر العام وزرع التصرف الصحيح جوة النشىء وخلق جو مختلف يتعلموا منه يعنى اية اثر وحضارة و ازاى نحافظ عليها تهون اى حاجة :)

Ahmed Mohamed said...

يعني النغمه بتاعت هنسمح وهنخلي وهنيجي علي نفسنا وندخل المصريين
داعشان بس قلبنا ابيض مش حاجه دا ولا عشان لونكم قمحي
النغمه دي الي تضايق ومش مقبلوه

انما مأقدرش انسي ان ام المصريين دول
بيعملو حمام في المواقف العامه ويخلو ريحتها مصننه
وبعدين الاهرمات لما ريحتها تصنن
كده السياحه تنضرب
علي فكره احنا شعب فضولي اوي
وانا صغير مكنتش اسيب سايح او موزه سايحه الا واكلمها والاجانب بصراحه لطاف
جدا


ان انا اتساهل في حقي كمواطن لي حق في البلد المعفنه دي ايووه والله العظيم معفنه والي يتكلم احط صباعي في عينه فدا غلط اني اتساهل

وانهم كمان يسيبوها ويسبونا معفنين ويفضلو يروقوها للاجانب ورجال الاعمال
فدي مصيبه

وان انا اسكت ع الاتنين فدي حموريه علي فكره

Unknown said...

I totally agree with "Kontiki", the general mass behaviour is destructive. I ride the metro daily, and an example is the ladies wagon. men refuse to leave it for women unless there is a policeman to get them out otherwise they sit in our places and fight back if we tell them this is our place...this is just one example of the concept of lack of ADAB and ZOU2...that's the general behaviour of the Egyptians nowadays. So, of course i can expect they would be catastrophic when it comes to our mouments that we need to keep safe as its a source of income. The time of decency and good behaviour was when our number was decades ago when there was read educaion at schools and mosques. Now, its all about ego and pride and no respect for general ethics like cleanliness, order, quietness...etc

Unknown said...

طبعا انا مفترضة ان اللي بيتكلموا على سلوك المصريين هم اول ناس ينطبق عليهم كلامهم

لأن المنطق بيقول كده
اي انسان بيتكلم عن مجموعة بشرية هو منها اول ما بيوصف بيوصف نفسه اكيد، يعني انا لما اقول ان كل الستات مجانين وانا واحدة ست يبقى انا اكيد شايفة نفسي واصحابي الستات والمحيطين بيا من الستات مجانين، امال جبت الكلام ده منين؟ اكيد اول ما شفته شفته في نفسي

وللا ايه؟
وللا يا شيخ عبد الباري هو سيادتك مش معانا وللا ايه؟
وعليه فانا احب اسأل اللي قالوا على المصريين الكلام ده، طب انتوا ليه كده يعني؟ ليه ما ترموش الزبالة في الباسكيت وما تعرفوش قيمة الحاجة؟

وبعدين احنا ح نكلم السعودية تمنعكوا من الحج والعمرة كمان احسن توسخوا الدنيا زي ما انتوا كاتبين على المصريين اللي هم انتوا يعني

وللا انتوا مش واخدين بالكوا انكوا مصريين؟

AhmedEzzat said...

استاذه نواره :) انا اول مره اعلق هنا و بصراحه معجب جداا بطريقه حضرتك في الكتابه :) تقريبا لقيت ناس بتفكر زيي !!

بالمناسبه شوفي دا
http://news.yahoo.com/s/ynews/20091001/wl_ynews/ynews_wl936

http://buzz.yahoo.com/buzzlog/93063

Unknown said...

Good Morning Nawwara,
I don't agree about the idea that if i tal about a group then i do like them frankly...no, i try to be respectful and not throw any garbage in the street alhamduleallah, i follow the rules and try to be ZOU2 and MO2ADDABA:) mainly becuase i do believe in the value of ethics. Yet, what i find is the mass don't do that..mayybe becuase they are so oppressed that this is their way of objecting to everythign, by simply destroying everything beautiful. i am sorry to say its a fact...the manners of the Egyptian mass is definately not related to ethics and wha't good or bad, they are related to their own interest only...meaning, if they lie drawing on the rocks of Ahraam for their own intenrest and fun, they will do it...or you thin ia m wrong and these things don't happen? i hope i am wrong..really...but from what i see daily in the public transportation i can tell you i am right unfortunately..and if we talk about miniobuses too (as i ride every sort of public transportation there is :)) the men now don't let the women sit in the chairs, oh and by the way that includes the army people !! wallahy! army strong respectable riders when they see an empty chair they sit in it even when many women are standing!! :) and many men refuse to move to the back while the mini bus is empty and they just want to be near the door...causing many females like me alo tof difficulty in standing amongst them and when i tal andn ask them politely to plz move backwords so that even others can ride the mini, they simply act as if thy didnt hear me!

and frnakly, i don't do that alhamdulelaah i try to apply goodess in my behaviour cause that's what i am conviced of..i am not an angle of cours but i try to be a good human for the sake of decency and good ethics which i believe are the essense of all religions...
Good Day :)

Unknown said...

طيب بس انا عايزة اقول حاجة

الواحد لما يشتم المجموعة البشرية اللي هو منتمي ليها حاجة من الاتنين:
يا اما هو شايف نفسه كده وبيعمم على كل المجموعة

يا اما هو شايف نفسه احسن منهم

لو شايف في نفسه حاجة مش من حقه يعمم على الناس، ولو شايف نفسه احسن من الناس
ده على اساس ايه وبامارة ايه يعني شايف نفسه احسن من بقية الناس؟

اظن المصريين بيسافروا العمرة والحج، وشعوب تانية بسبب الفقر والاهمال ما اتعودتش على عادات الحفاظ على المكان

ومع ذلك فيه رعاية للمكان بحيث ان عمر ما الكعبة اتوسخت ابدا ابدا ابدا بالرغم من الملايين اللي بيروحوها في الحج ومئات الالاف اللي بيروحوها في العمرة من جنسيات مختلفة

يا ترى ليه؟

يا ترى الزبالة اللي مالية الشوارع دي مسئولية الشعب؟

ايه اللي بيخلي الدول الفقيرة متوسخة والدول الغنية نضيفة
عشان هم نضاف واحنا وسخين؟
وللا عشان فيه سيستم تنضيف

اي مكان مزدحم في الدنيا لازم يتوسخ
لازم عيل صغير ح يجري ويوقع كوباية فيها مشروب على الارض
لازم واحد ح ياكل لما يتبشم وممكن يرجع لا مؤاخذة
ده بيحصل حتى في جنينة حيوانات انجلترا
وفي مدينة ووالت ديزني
بس فيه ناس بتنضف وبتنضف بسيستم مش زي عمال النضافة بتوعنا اللي لحد دلوقت ماسكين مكانس قش
هو حد بينضف بمكانس قش دلوقت؟

طيب ماهم الناس دول بيروحوا حديقة الازهر
ما بتتوسخش ليه؟
عشان بتتوسخ وتتنضف
ودي شغلانة الحكومة اللي احنا بندفع لها فلوس
احنا بندفع فلوس عشان احنا نوسخ وهي تنضف بعدنا
مترو الانفاق مافيهوش زبالة ولا اكل مرميين على الارض
يا ترى ليه؟ عشان فيه قانون وفيه سبت زبالة كل خطوتين وفيه ناس بتنضف برضه

وعلى فكرة
حكاية انه يبقى فيه سبت زبالة والناس ما تعرفش تنشن ولما تيجي ترمي تروح موقعة الحاجة ورامياها جنب الباسكت مش جواه دي بتحصل في كل حتة في الدنيا

وفيه ناس مخصوص موجودين في حديقة حيوانات انجلترا عشان لما العيال الصغيرة بالذات ترمي علبة وتقع منها جنب الزبالة مش جواها يلموها
وعشان كل ما الباسكت يتملي يفضوه وينضفوه ويحطوا فيه كيس جديد

وبياخدوا فلوسهم من الحكومة، وما بيبقاش شكلهم بؤس زي اللي بنشوفهم هنا، بيبقوا لابسين بدلة نضيفة والدموية بتبك من وشهم عشان بياخدوا مرتب كويس

الناس لما تروح في حتة مش شغلتها تنضف المكان
هي الناس رايحة تتفسح وللا رايحة تسيأ الاماكن العامة وتاخدها فومين؟

لما المكان يتملي الناس واخر النهار يبقى وسخ تبقى دي مسئولية المسئولين عن المكان مش غلطة الناس

وما يبقاش الحل انك تمنع الناس اللي يدفعوا لك ضرايب وبتاكل وتشرب وتركب عربية من فلوسهم
يبقى الحل انك بدل ما تضرب فلوس الناس في جيبك توفر لهم نظام ينضف المكان لان ده حقهم انهم ييجوا على مكان نضيف ويوسخوه وانت تنضفه تاني وتالت ورابع وتعمل لهم سيستم يريحهم وتبقى باسكت الزبالة جنبهم ما يطخوش مشوار لاخر الدنيا عشان يرموا زبالتهم ويبقى فيه عمال حمامات ينضفوا ويبقى السيفون متصلح وما يقطعوش المية من الحمامات عشان يمنعوا الناس منها

ده واجبهم

وبما ان معظم المعترضين ان لم يكن كلهم عندهم عقدة الخواجة
احب اقول لكوا اني انا شفت في حديقة حيوانات انجلترا عيال صغيرة بترمي على الارض ودورت وشي ورجعت بصيت لقيت اللي اترمى على الارض اتشال في ساعتها

Unknown said...

اه ونسيت اقول حاجة
برضه في جنينة حيوانات انجلترا فيه باسكت كبير قوي بياخد الزبالة يوديها على الريسايكل مباشرة الى جانب الباسكتس التانية الصغيرة

Unknown said...

Nawwara,
I just read your answer...first i am not talking about garbage only, i am talking about the manners of men in transportation too. and i wrote some example. Also, are you really implying that i have 3o2det elkhawaga?? if so, why do you think that of me? anything i wrote indicates it?!
I have been reading your blog for almost a year now, and i never participated, and when i finally had the courage, i get called 3o2det elkhawaga?? i am disappointed frankly...maybe i am wrong though and u don't mean me?? plz explain.
Regards

Unknown said...

انا ما لمحتش عليكي بالذات
فيه كذا حد هنا دخل بيتكلم عن اخلاق المصريين وان الناس تستاهل تتحرم من بلدها
!!!!!!!!!!!!!!!!!

بصراحة انا عمري ما شفت ناس تتكلم كده عن بلدها وشعبها من غير زعل يعني كده

ماهو انا كمان بامشي في الشارع وباتعامل مع الناس ومش شايفة اللي انتوا شايفينه

وبصراحة في السواقة اللي سايقين اغلى عربيات هم احط ناس

واللي معاهم فلوس في البلد دي هم اكتر ناس اخلاقهم منحطة وجرابيع

واللي معاهم فلوس مش كتير في البلد دي

يعني مثلا مافيش فقرا بيرموا اكل في الزبالة

لكن فيه ناس معاها فلوس بترمي حتت لحمة ورز وعيش وخضار طازة في الزبالة

Unknown said...

بس ثانية واحدة احسن انت باين عليكي حساسة احسن تفهمي غلط اني لما باقول اللي عندهم فلوس جرابيع اني باتكلم عليكي وللا حاجة

انا اقصد ان الناس مش بالسوء اللي انتوا بتحاولوا تصوروهم بيه
ولما بيبقى عندهم فرصة يتعاملوا فيها كويس ويتوجدوا في مكان منظم وفيه قانون وفيه نضافة وهم حاسين فعلا ان المكان نضيف بيتصرفوا كويس

لكن لما بيتهانوا وبيتعاملوا باهمال وبيبقى المكان اصلا معفن ح يحافظوا على المكان ليه؟

ودي طبيعة اغلبية الناس
والناس اللي انت بتشوفيهم اغلبهم معاهم فلوس

Unknown said...

Hello Dear,
Thank you for explaining...But honestly i dont deal with rich people in public transportation...and in finishing my house too..i have been dealing with alot of workers for the past two years (as i am trying to finish some paint and pluming work and others...etc) and i can't tell you that all types have robbed me..the rich and the poor...actually the poorest man of them and the one that i trusted the most took some of my furniture! and i cant tell you how much i was hurt and disappointed although we sometimes leave together and ride the same microbus!! and he sees how tired i am to save any amount for the finishing...yet he stole me! he stole money through using bad KHAMAAT...and he stole actual 3AFSH !! small stuff but alot!...and the people in the transportation ya Nawwara look at how they treat eachother...everyone is YALLA NAFSY...again, am not an angel of course...but the general ethics have really deteriorated alot dear i totally believe that...and no, i disagree that it is the rich only as i haven't dealth with them, i only dealt with workers and people in public transportation daily. Atleast that's what i experienced. I wish there are GED3AN in this country left..i mean i am sure there are..but what percentage are we talking about really??

Anyway, this topic is really not as important as other much more important issues you are writing recently. so don't distract yourself and don't even publish this comment dear its just an email to you...i don't care to prove points really...
Thank you again for expalining...
Regards