Tuesday 22 September 2009

هي كل الناس دي شايلة في قلبها من فاروق حسني؟

تحديث: امريكا تدخلت عشان تدعم المنافسة البلغارية، نهارنا مدوحس لو رجع لنا مكسور الخاطر، ح يطلعه فينا
هههههههههههه حرام عليكوا، والله انتوا ناس وحشة، اولا ما اقولكوش على كمية التليفونات اللي جات لي عشان: انت بتدعمي نظام مبارك؟ قال ايه؟ عشان باقول فاروق حسني ربنا يسعده ويبعده، وجو دخل يقول لي يعني يا نوارة هي مصر عدمت ناس بتفهم؟ هو عشان مصري وخلاص ما عندكوا البرادعي مثلا، وللا كنتوا بقى تبعتوا اللمبي
اولا انا طالبة سحب الاهانة اللي لحقت باللمبي يا استاذ جو، ده مثلي الاعلى، وباستعير من حكمته ومقولاته التاريخية كتير.
ثانيا: يا سلااااام بقى لما فاروق حسني يروح ده ح يدعم النظام المصري دوليا؟ طب خدوا دي بقى: النظام المصري ثابت بثبات اسرائيل، وش كده، مش فاكرين لما كوندوليزا رايس بوخت على عوكل، وشارون بنفسه لم بؤجته وراح على واشنطن يقول لهم إلا عوكل، ده حبيبي، ويلزمني؟ فاكرين وللا بننسى؟ وشوية الناصحين دول اللي راحوا لامريكا يقولوا لها انا ممكن انفخ لك شفافيفي والبس لك بدل رقص حمرا وما اقولش لا على اي زبون، والغلة اخر النهار كلها بتاعتك بس سيبيني اعمل ديمقراطية وتنمية، إتألشت واتباعت وتم احتواءها من قبل امريكا لصالح النظام المصري، عشان دي مش نصاحة يا روح خالتك انت وهو. دي غباوة، لأن مافيش حاجة اسمها تتساب تعمل ديمقراطية وتنمية وتقول انا مستعد اخدم مصالح اسرائيل زي ما انتوا عايزين، مش كفاية انك تطبع وتخلف من اسرائيل، اسرائيل من مصلحتها وامنها القومي انها تبقى الدولة الوحيدة المتقدمة في المنطقة، وتبقى الدولة الوحيدة اللي فيها شبه ديمقراطية في المنطقة، وتبقى الدولة الوحيدة الممثلة للحضارة الغربية في المنطقة، يعني ايمن نور وسعد الدين براهيم بدون ذكر اسماء لما قالوا انا مستعد اعمل عجين الفلاحة، وابقى مش بس مخلب قط، ده انا ابقى القط نفسه ما كانوش بيثبتوا حسن نواياهم، دول كانوا رايحين ينافسوا اسرائيل على حجر امريكا، وده مش مسموح بيه، الشيء الوحيد المسموح بيه ان الدولة المجاورة لاسرائيل يبقى فرق التقدم اللي بينها وبين اسرائيل نص قرن على الاقل، وتبقى دولة فيها فقر، وقهر، وديكتاتورية، وتبقى مش مستقرة، والدولة تبقى ملبوخة في مصايبها، وفوضى، يعني يبقى الحال على ماهو عليه، هو ده مصلحة اسرائيل. ولو اتغير حسني وجه نظام تاني مستعد يماين مع امريكا مش ح يفرق غير في تغيير الوشوش. فشيلوا امريكا من دماغكوا خالص وبطلوا لحس لجزمتها، مشششششششش ح تساعدكوا، ووجود فاروق حسني من عدمه مش هو اللي ح يحلي النظام في عين امريكا، امريكا مبسوطة مع النظام ومتستتة ومتهنية، وبتاخدكوا في حضنها عشان توسخكوا زي ما وسخته وما يبقاش حد فيكوا له عين يفتح فيه. انسوها بقى، انسوها زي ما نسيتوا اهم قضاياكوا واصلكوا وفصلكوا وتاريخ بلدكوا. التغيير يا ييجي منك ومن ارتكازك على قاعدة شعبية واثقة فيك وتستحمل انت وهم نتائج اختياراتكوا يا تقعد بقى تقمع بامية وما توجعش دماغنا.
(ده بالنوسبة للي كلموني النهاردة عشان يقولوا لي كده بتدعمي النظام دوليا، ده ولية اللي يراهن على الدعم الدولي)
ثالثا: بالنوسبة لملحوظة جو بإنه حاجة ح تعر مصر مش ح تشرفها، آه، بس ده ممثل النظام، وكما ذكرت له في التعليق، ده نظام الكبير اللي فيه بيعمل زيارة مفاجئة لكارفور، دي الادمغة اللي في النظام ده، فاروق حسني ده المفروض انه المتعلم اللي فيهم، طب نعمل ايه؟ ده مرشح النظام، يعني ح يجيبوا واحد بيفهم منين؟ ح يفتروا على ربنا؟ والله لو عندهم احسن منه ما كانوا عزوه علينا، وانا عايزاه يمشي بقى، انا ما يهمنيش اليونسكو ولا صورتنا في اليونسكو ولا ما يسمى بالدعم الدولي، دي ناس نصابة عايزة تمص دمي، هم ما ارتكبوش في حقي كل الجرايم دي عشان يعوضوني عنها، يروح لهم، هو بيحبهم وهم بيحبوه، اهو نغير وشوش، يمكن ييجي اي حد تاني، اذا ما نفعش يبقى على الاقل ما يضرش، اي حاجة، اي حاجة مختلفة، وش جديد يبعت رزق جديد، ده انا وعيت على الدنيا لقيته، ثم هو لو اسرائيل والسعودية موافقين عليه يبقى خلاص، انا بس كل اللي يهمني انه لما يروح يبقى زي قلته، ما يعملش حاجة خالص، لانه اي حاجة ح يعملها ح تبقى ضدنا مش في مصلحتنا
طبعا عشان يثبت ولاءه، بس يروح، يروح بقى شوية عشان النفس
بس جو بيقول لي ح يجيبوا زاهي لحواس؟ ده ح يمنعنا نمشي في الشارع عشان ريحتنا، زاهي لحواس؟ على رأي نادية الجنسي: لاااااععععاااااااااااا
ملحوظة: ايه المحبة دي كلها يا روقة اللي لك في قلب الناس، انت ما تتخيلش الناس اكلت دماغي قد ايه عشان قلت يروح اليونسكو، ههههه، ربنا يديم المعروف

16 comments:

mido said...

طب اتفضلى بدائل فاروق حسنى فى الثقافة :

زاهى حواس

محمد سلماوى

محمد كمال

ايه رأيك؟

--------
كلام يوسف القعيد:

- الوزير القادم

لا تجد مثقفاً مصرياً إلا وهو مشغول بمن سيكون وزير الثقافة القادم. ورغم إعلان فاروق حسني أنه إن فشل في انتخابات اليونسكو لن يستمر وزيراً. فأعتقد أنه لا يملك هذا. فلا هو سيستقيل. ولا الرئيس مبارك قد يقيله. أما إن نجح وأصبح أميناً عاماً لليونسكو فمن المؤكد أن الوزير القادم لا أقول سيكون من اختياره شخصياً. لكنه سيشير بمن سيأتي بعده. وقد سمعت عن نفسي أن الدكتور عليّ الدين هلال كُلف بعمل تصور للعمل الثقافي في المرحلة المقبلة. وأن الاختيار كان يتراوح بين الدكتور فوزي فهمي أحمد والدكتور زاهي حواس. وأن كفة زاهي ترجحت بعد زيارة أوباما الأخيرة لمصر. وأن لجنة السياسات لديها مرشحها لمثل هذا المنصب وهو الدكتور محمد كمال ابن بورسعيد والقريب جداً من جمال مبارك

Unknown said...

مين محمد كمال؟

زاهي لحواس وسلماوي؟

لاااااااععععععااااااااااااا

ارجع يا فاروق

ارجع لدارك امك في انتظارك

سلماوي لأ
لأ
ده شحات

ولحواس لا لا لا

والنبي ياريس حرام عليك

هم مش كانوا قالوا سراج الدين؟

mido said...

مش عارفة محمد كمال عضو أمانة السياسات؟

Unknown said...

وده سيكو سيكو برضه؟

mido said...

هو شرط المنصب يبقى سيكو؟

:D

mido said...

لول


للأسف السيد المحترم محمد كمال

(متزوج )

و عمل حفل زفافه فى

قاعات قصر محمد علي بشبرا و الى اتفتحتله مخصوص

amr imam said...

يا جماعة شاغلين نفسكة لية بالموضوع دة بصة هو ابراهيم عيسى قالها امبارح فى برنامج نحن هنا عند نجيب سويراس
سواريس الى مطبع مع اسرائيل عينى عينك
ما علينا مش وضوعنا
هو قال يا جماعة اية البروباجندة دية هو اية المنصب دة هيعمل اية لمصر هنيقى من الدول العظمة لمو اخذة ولا هنبقى دولة متقدمة بعد الشر
ولا هنبقا دولة لبرالية
ولا حاجة والله ولا حاجة طب لما المنصب دة مهم للدرجة الى عملين عليها الهيصة دية
لو مهم كدة هتبقى الناس على الاقل عارفة مين هو المدير الحالى مين الى هياخد مكانة ابننا البار
ولا حد عارف
ولو حد عارف يبقى بالصدفة
دة مثال بسيط
على العموم
ربنا يوفقة

يا نوارة
لو موجودة ممكن تدخلى عندى تقرائى اخر بوستين

mido said...

مصلون يشتبكون مع إمام مسجد بسبب تحذيره من «المد الشيعى»

فاروق عادل said...

تتوقعى مين يانوارة يبقى وزير الثقافه لو فاروق حسنى فاز فى اليونسكو

حـنــّا السكران said...

ههه أنا كنت بكتب تعليق الان على البوست السابق و ما كنت منتبه انه في بوست جديد .
معك حق .. أنا أعتذر اعتذاراً شديد اللهجة منك و من الأخ العزيز اللمبي .
ـ أنا بعرف انه مرشح النظام و بيمثّل النظام , و فعلا الظاهر مافي طريقة يحلّ عن دين أم الثقافة المصرية غير انه عوكل يشوف له منصب أرفع و أحسن .. بس أنا قلت اللي قلته عشان خاطر "مواطن مصري " لأنه فاروق محسوب على مواطن كمواطن من العرق المصري .. لذلك أنا بدّي حدا يشرّف مواطن في الخارج , بما انه غالي عليّي

ـ أنا حطّيت حالي مطرح عوكل لدقيقة و نصف .. و ما لقيت حدا أقدر أنكّد فيه على الشعب المصري أكتر من زاهي ..و أعينه وزير ثقافة في حال صعد فاروق و ارتقى نحو درجة أعلى على سلّم اّمون .

حـنــّا السكران said...

كله سيكو ؟

الظاهر أنه السيكو شرط أساسي

منشان الثقافة تضلّ مفتوحة للجميع

و على مصراعيها .

و هيدي نتيجة جديدة من نتائج " الإنفتاح " .. أيام علي بابا .

يا ما قال لكم : انفتحوا .. انفتحوا ..و انتم كبّرتواراسكم .. طيب .. أهو اللي انفتح ..هو اللي بيكسب .

مواطن مصري said...

نوارة ادعي للزمالك النهاردة هيلعب ادام الاسماعيلي

Kalimalhus said...

موضوع إنه متجوز ده مش إثبات لأى حاجة :)

و مايفرقش عمل فرح فين طبعا..

أنا أؤيد و بشدة الدعاء لروقة بإن ربنا يسهله و يسلك طريقه و يزيحه عننا .. و بصراحة مايفرقش معايا خاااالص مين ييجى بداله ..

إنتوا شكلكوا مصدقين إن فيه أهمية حقيقية لمين يبقى وزير فى البلد دى .. الموضوع ده إنتهى عندنا .. يمكن ماخدتوش بالكم لأنه إنتهى بالتدريج و إنتهى من وزارة ورا التانية على فترات مختلفة .. لكن إحنا دلوقت فى عصر تأثير الوزير يعتبر معدوم كل ماهناك هو تغير وشوش و تغيير أرقام حسابات بنكية بيروحلها المعلومات (جمع معلوم).. غير كده كل وزارة مش ماشية كما هو معتاد و بنفس الطريقة.. و سيبكوا بقى من التصريحات بتاعت الوزرا عن اللى بيخربوه فى البلد لأن قوى التخريب حاجة تانية و أى وزير هييجى فى أى وزارة هينفذ نفس برنامج التخريب و التجريف..

يبقى إحنا بس مصلحتنا هى فى إننا نشوف أى خلقة مختلفة .. يعنى مش كل حاجة بايظة و كمان الملل ياكل فينا..

إدعوا لروقة إدعوله ....

Unknown said...

يخرب بيت ابوه
ههههههههههههههههههههههه

ده استجابة لطلب مهندس باننا ندعي لروقة

عمرو

احنا دولة مهلابية

ميدو

ده خبر كويس

فاروق عادل

بيقولوا زاهي لحواس يا فاروق

جو

هههههههههههههههههه

لعلمك السيكو سيكو بيوسع المدارك والمدارك بقى تتملي ثقافة

مهندس حر

ايوة
الواحد يغير وش
بس مش ممكن ابدا يبقى لحواس

لحواس لا

Unknown said...

نسيت اقول لك يا جو

عوكل عمل زيارة مفاجئة لكارفور عشان يطمن على سير العمل

ههههههههههه

هو حد من عياله مشارك فيه وللا ايه يا شباب؟

Abu ShoSho said...

أدي أخرة الجر أهو رادع و حيطلع علينا الجديم و الدديد