Saturday 19 September 2009

هم المجاهدين دماغهم انضف؟

غالبا بتبقى دماغهم انضف
"لا يَسْتَوِي الْقَاعِدُونَ مِنَ الْمُؤْمِنِينَ غَيْرُ أُوْلِي الضَّرَرِ وَالْمُجَاهِدُونَ فِي سَبِيلِ اللَّهِ بِأَمْوَالِهِمْ وَأَنفُسِهِمْ فَضَّلَ اللَّهُ الْمُجَاهِدِينَ بِأَمْوَالِهِمْ وَأَنفُسِهِمْ عَلَى الْقَاعِدِينَ دَرَجَةً وَكُلًّا وَعَدَ اللَّهُ الْحُسْنَى وَفَضَّلَ اللَّهُ الْمُجَاهِدِينَ عَلَى الْقَاعِدِينَ أَجْرًا عَظِيمًا"


بص بقى مفضلهم بايه؟
"دَرَجَاتٍ مِنْهُ وَمَغْفِرَةً وَرَحْمَةً وَكَانَ اللَّهُ غَفُوراً رَحِيماً"


طب المغفرة والرحمة عارفينها، الدرجات دي ايه؟ الى جانب درجات الاخرة طبعا، هل فيه بقى درجة في الدنيا؟ انا باسأل مش بافتي، بس بالاحظ ان مخهم نضيف قوي، انضف من اي حد تاني، كنت قريت يا اما عند ابن القيم يا اما عند ابن كثير مش متذكرة ان العلماء لما كانوا يحتاروا في مسألة فقهية يبعتوا يسألوا أصحاب الثغور، يبقى الجهاد بينضف مخهم فعلا؟ طب بينضفه ازاي؟ هل مثلا الواحد لما بيبيع الدنيا ما يبقالوش اطماع فيها بيبقى تفكيره اصفى؟ هل مثلا مواجهة الموت المستمرة بتخلي الواحد دماغه انشط؟ بتحفز حاجة في التفكير؟ هل عشان مش شاغلين اود كتير في مخهم بالسفاسف اللي مخنا بيعج بيها؟ مش عارفة، انا عارفة بس ان مخهم حاجة تانية غير مخنا وخلاص، تلاقيهم يقولوا كلام كده يفاجئك بس تحس انه كومن سنس بس ما كانش خاطر على بالك ولا حاجة يعني، ما كنتش ح تقولها، ما تعرفش بيجيبوا الكلام ده منين ولا طريقة التفكير دي ازاي؟
:)
شفتوا حسن نصر الله النهاردة؟ قال كام حاجة كده فاجئوني بصراحة، زي مثلا ان السلاح النووي حرام، انا طول عمري مش مرتاحة من جوة نفسيتي للسلاح النووي ده ولا نفسي يبقى عندنا، بس فعلا السلاح النووي افساد في الارض، اول مرة اخد بالي، سواء استعمل، ولو ما استعملش تضييع فلوس، المفروض كل اللي عنده سلاح نووي مش ح يستعمله، طب مش الناس الجعانة اولى بالفلوس دي؟ مش الناس اللي بتشتغل وبتدفع ضرايب اولى انها تستفيد بيها في حاجة انسانية تخدمهم وتخدم الاجيال الجاية من بعدهم؟ ولو ح يستعمله اكيد ح يبقى حرام حرام حرام، حتى لو بيدافع عن نفسه ضد ابليس ذاته، لان فيه حيوانات ونباتات وحتى تربة الارض اللي من حق الاجيال الجاية انها تستخدمها كلها ح تتدمر، فناء للبشرية يعني، ومش فناء برحمة، ده امراض واوجاع واهوال ماحدش يتمناها، كارثة تاريخية، مين يحب يعمل كده في الانسانية الا اذا كان شيطان

113 comments:

mido said...

فى أسلحة تانية بتدمر الحرث و النسل

يا نوارة

عايزة تعرفى الفرق بين الانسان العادى و العبقرى

شوفى الفيديو

المجاهد بينطبق عليه الشروط تماما

Unknown said...

صحيح
كل
weapons of mass destruction
ده كفاية اسمها
وما اعتقدش ان حزب الله او حماس او الجهاد الفلسطيني او اي حد من اللي على الثغور عنده الاسلحة دي
ههههههه
دول غلابة يعني
وسبحان الله على بمب العيد اللي عندهم ده وواقفين على رجليهم برضه

ثم ان مخترع الاختراع ده كان هدفه يخدم البشرية مش هدفه انها تتعمل قنبلة ولما اتعملت قنبلة تبرأ منها

هههههههه
بس شوف يا اخي
اليهودي حتى لما يحب يخدم البشرية يعمل نووي
ههههههههههه
باهزر باهزر

mido said...

ايه رأيك فى الفيديو؟

Unknown said...

مبارك عليكم العيد
يا نوارة
:-)

TAFATEFO said...

السيف الخنجر .. الديناميت النابالم البارود النار الفوسفور .. الرصاص المسدس البندقية الرشاش انصف آلي .. الآلى .. الصواريخ الرؤوس الحربية .. المدفعية الطيران .. الكيماوي البيولوجي النووي

كله يقتل

اللي معاه سلاح قصاد سلاح .. ميخافش

اللي معاه سلاح مش مع عدوه .. ضعيف

المملكة العربية السعودية مولت القنبلة النووية الإسلامية الباكستانية (وليقل من يشاء ما يقول)

قال تعالى وأعدوا لهم ما استطعتم من قوة ومن رباط الخيل ترهبون به عدو الله وعدوكم

ترهبون مش تقتلون .. المثل بيقول الحيط الواطي تنطه الفراخ

Unknown said...

على اساس ان السعودية دي مرجع في اي حاجة؟
ده الواحد عشان يعرف الصح فين يشوف السعودية بتعمل ايه ويعمل عكسه
وايه وجه المقارنة ما بين السيف والديناميت وما بين فناء البشرية؟

Unknown said...

ميدو
الفيديو حلو قوي

قوي

Unknown said...

اه نسيت حاجة

وايه باكستان دي كمان ان شاء الله؟
دولة عميلة وعاملة زي اسرائيل في حاجات كتير وصناعة الاحتلال
وللا هم عشان مسلمين يبقى نطنش على وساخاتهم
طب تخيل المسيحيين اخدوا حتة من الصعيد وعملوها دولة؟
وباكستان دي بتعمل ايه غير بتموت في الناس اللي بيدافعوا عن بلدهم؟

Unknown said...

بدراوي
كل سنة وانت طيب

TAFATEFO said...

أنا مقولتش ان المرجعية في السعودية

السيف والديناميت أفنوا بشر أكثر مليون مره من اللي أفنتهم القنبلة النووية

الاتنين بيستخدموا في القتل

ان يبقى عندك قنبلة نووية .. معناه انها مش هتستخدم ضدك .. ومعناها ان الأوغاد هيخافوا من زعلك

قارن بين : التعامل مع الملف النووي الإيراني (إيران التي لا تملك سلاح نووي) والملف النووي الكوري (الي أعلن أنه يمتلك سلاح نووي) .. تاني قال تعالى : وأعدوا لهم ما استطعتم من قوة ومن رباط الخيل ترهبون به عدو الله وعدوكم

ربنا مقالش سيف تقتلوا بيه .. قال سيف ترهبوا بيه .. لأنك لو معندكش سيف مش هيخاف من سيفك وهيقتلك بسيفه

مقولتش ان المرجعيه السعوديه .. ده أنا بسجل للسعودية نقطة مضيئة في تاريخها الأسود

Ahmed Mohamed said...

لو العرب او المسلمين
او الاسلاميين او المتطرفين
او حزب الله او حماس ايران
امتلكواسلحه نوويه
او اكثر تدميرا من بمب العيد
هيستعملوها؟
ولاهيكون فيه ضبط النفس والكلام ده
وهيكون متبادل بين الطرفين

من الحرب العالميه لدلوقتي
وزي ما تقولو كده الغرب عقل شويه وبص لمصالحه وبطلو يتخانقو مع بعض
وتقريبا بردو لما كلهم امتلكو اسلحه نوويه
عقلو

عندنا هنقول حرام
بس هما يستخدمو الكيماوي وما شابه فينا
ومش حرام بالنسبه ليهم
مفيش حرام ولا حلال مع ولاد الكلاب دول
وهوه فيه شيطان اكبر من امريكا
بقي واحد يجي يضربني بالقنابل
الممنوعه وانا اقعد اقول حلال وحرام

يا نعيش عيشه فل يا نموت احنا الكل

****
انا بعشق مصطفي محمود

http://www.youtube.com/watch?v=pjT4bmbc74w

الوجه الحقيقي للانسان
ازاي يعملو مستشفي للكلاب
ونفس هذا الانسان يقتل الملايين

Ahmed Mohamed said...

السيف هيقتل واحد اتنين عشرين مائه وعشرين
بس مش هيدمر
حياه كامله

Unknown said...

ده تخريف بقى اصلي
ايه وجه المقارنة ما بين سيف وللا حتى قنبلة عنقودية وما بين فناء البشرية؟
مين قال لك انه لن يستخدم؟
تعرف ايه عن المنطق؟ عشان تقارن ما بين السيف اللي قتل الاف وللا حتى ملايين وما بين فناء الارض؟ فناء الجنس البشري كله؟
وده اغراء كويس المقارنة ما بين كوريا وايران
بس وما النصر الا من عند الله واللي يسيب حاجة لوجه الله ربنا يعوضه
مافيش دولة امتلكت سلاح نووي وكانت دولة محترمة ابدا
ما استطعتم من قوة مش من افناء للانسانية
فيه بني ادم محترم يهدد بافناء البشرية ويقول دي قوة ردع؟
ده تسريب المفاعل النووي بس بيسبب السرطان لاجيال قادمة
تعرف ايه عن المنطق؟
اقول لك؟ روح اقعد على الثغر شوية عشان ربنا ينور الجمجمة

Unknown said...

يا احمد
السلاح النووي احقر حاجة اخترعها الانسان من ساعة ما ربنا خلقه
الحقيقة القنبلة بشكل عام اختراع شرير لان هدفه المدنيين مش الجيوش
بس النووية اوحش حاجة
اختراع شيطاني

TAFATEFO said...

ها ها ها

كل سنه وحضرتك طيبه والأسرة الكريمة بخير وصحة وسعادة .. ويعود عليكم الأيام

mido said...

مصطفى


شيل الغرااللى على دماغك زى مصطفى

محمود مبيقول

و بطل انتخة

و انت تفلح

:p

mido said...

مصطفى لما يطلع من النقاش

يقول

طيب

TAFATEFO said...

معلش يا ميدو .. أنا هكملك رأيي بقى وبجملة الغرا اللي على دماغي

طالما لا نملك نزع السلاح النووي الإسرائيلي ويقف العالم موقف المتفرج في حين يمنع حيازة إيران (الخارجة عن إرادة الغرب لاستخدام سلمي للطاقة النووية) فالسعي لحيازة سلاح نووي والدراسة والتجيرب وك السب للحصول على تكنولوجيا نووية .... واجب وتفرضه الضرورة

أنا لا شيخ .. ولا الإمام الخامئني تقدس سره .. بس عندي عقل

مواطن مصري said...

المشكلة أن لو السلاح النووي وقع في يد متطرفين و مجانين

احنا كلنا كدة بلمتنا هنروح في ستين داهية و هنتهي

لازم العالم يبقى من غير أي أسلحة نووية

مواطن مصري said...

كل سنة و انتي طيبة شفتي حلقة نجيب ساويرس الصراحة

ساويرس بدع النهردة

TAFATEFO said...

وبرضه المثل بيقول .. الحيط الوطي تنطه الفراخ

واحنا حيط واطي أوي .. أوي أوي يعني

mido said...

معلش توضيح :

انا مختلف معاك يا نوارة فى موضع النووى ده

واضح ان طفاطيفو فهم تعليقى الاول غلط

انت اخدت بالك ان انا مختلف معاكى ولا انا موصلتش فكرتى
؟ !

mido said...

موضوع ان السلاح فتاك من عدمه نسبى جدا

و فى أسلحة أكثر فتكا من النووى

و بكرة يخترعوا الاقوى

و فى كل الاحوال فناء الحياه فى المنطقة مش شرط ييجى من النووى

موضوع الحرمانية هنا على اساس ايه ؟

Unknown said...

يا ميدو
مافيش حاجة ممكن تفني البشرية من على الارض وتقطع اي امل في اي اجيال تيجي تاني غير القنبلة النووية

الاسلحة المحرمة اللي استخدمتها امريكا ح تجيب سرطان للعراقيين لمدة تلاتين سنة جاية

بس القنبلة النويية مش ح تخلي حد على الارض خالص
مافيش اوحش من القنبلة النووية يا ميدو

Unknown said...

http://arabist.net/arabawy/2009/09/19/israel-to-gain-from-altered-us-missile-plan/

ahmed samir said...

سلاح تدميري تخريبي يفني البشرية
كل ده على عيني و راسي
بس متفق مع كل كلمة قالها مصطفي
اذا مش حنقدر نخلي اسرائيل تتخلى عن النووي يبقى الضرورة تفرض علينا ان احنا نكون زيهم

مواطن مصري said...

البديل عملت مدونة

http://elbadaila.blogspot.com/

مواطن مصري said...

احمد سمير هما لو ضربو النووي

هما اول ناس هيتضررو من الغبار النووي


و بعدين المسئلة مش عند

Unknown said...

ههههههههههههه

اذا كان اللي بيقتلوا بايدهم بيقولوا مش ح نستخدم السلاح ده، ده سلاح مش انساني

ما اظنش ان حد فينا حارب قبل كده عشان يعرف شعور الواحد لما يتحط في موقف يا هو يموت يا يموت غيره

اكيد اللي بيتحط في الموقف ده يفهم اكتر مننا
واكيد لما يبقى محركه ايماني ح يعرف يحكم احسن

انا كان احساسي انه سلاح حقير
حقير بكل ما تحمله الكلمة من معاني
وبجد اول مرة اخد بالي وانا باهزر مع ميدو ان يوم ما يهودي حب يعمل خير في البني ادمين عمل لهم نووي

ده الطيب اللي فيهم
انا باحب اينشتاين
مش ممكن ابقى انا ايدي في المية الباردة وعمري ما دبحت فرخة وادعي اني عملية اكتر من اللي بيقف في حرب ويا اما يقتل يا اما يتقتل

انتوا مستهونين بموقف مهول زي ده؟ هو الايمان بيهون على المؤمنين الموقف ده بس حتى لو ما اتقتلتش انك تقتل انسان دي حاجة سهلة؟
اللي ما جربش ما يفتيش
ولما يبقى واحد محطوط في موقف مهول زي ده ويقول انا السلاح ده مش ح استخدمه لانه مش انساني او لانه حرام

هو ادرى
هو اللي عرض حياته للخطر وهو اللي سبق وعرض حياة غيره او حتى اخد حياة غيره بايده
ولولا ايمانه ما كانش عمل كده
او يمكن كان اتجنن او انتحر
وعشان المحرك بتاعه الايمان لما يقول دي مش اخلاق ولا دين يبقى مش اخلاق ولا دين هو يعرف احسن

ده زي ما دكتور يقول لي الدوا الفلاني غلط لان اثاره الجانبية اخطر من المرض نفسه اقوم انا وانا خريجة معهد قطن اقول له انت دكتور حمار انا بافهم احسن منك

طب انا عايزة واحد فيكوا يتشملل ويمسك راس نووية ويرميها على الناس
ويقول لنا احساسه ايه بعدها؟

Unknown said...

وبعدين فكرة ما انا لازم ابقى زي اسرائيل دي تمشي في حاجات كتير

اسرائيل عنصرية
وكدابة
وبتاعة بروباجندا بالزور والبهتان
اعمل زيها؟
اسرائيل مسففه الفلسطينيين التراب عشان ما يبقاش فيهم حيل يقاوموا
لو ربنا قدرنا ودخلنا فلسطين ان شاء الله ح نسفف اليهود اللي جوة التراب؟
لو دي نيتنا يبقى ربنا مش ح ينصرنا ابدا

المقاومة معتمدة في اساسها على الايمان والاخلاق، ده سلاحها قدام قوة زي اسرائيل واخدة دعم عالمي
لو اتخلت عن سلاحها الوحيد يبقى المنافسة ما بينها وبين اسرائيل في العتاد وبس وساعتها اسرائيل هي اللي تغلب

BmBm said...

نوارة
بالمخ كده
إسرائيل و أمريكا عندهم سلاح نووى
طلبت معاهم يستخدموه ضدنا
هل هايقتنعوا بكلامك عن الحرمانية و إبادة الحياة و الكلام ده.
لكن لو معاكى سلاح نووى، عمرهم ماهيفكروا يستخدموه ضدك.

مش للاستخدام
للتخويف

BmBm said...

مواطن مصرى

معلومة بسيطة
الدولة الوحيدة التى استخدمت القنبلة النووية ضد البشر، مش إيران، ولا حماس، ولا حزب الله.
تخيل هى مين؟
حامية حمى الحرية و الليبرالية و المهلبية..
ماما أمريكا.

قلت بس افكرك لا تكون نسيت ولا حاجة.

Unknown said...

اسرائيل لو فكرت تستخدمه يبقى بتنتحر

ده الاسرائيليين بيوجوا عشان التسريبات النووية

السلاح النووي ده شر
ده شيطاني

وامريكا برضه لو فكرت تستخدمه ح تبقى بتنتحر

راس نووية واحدة كفيلة بانها تقضي على منطقة كاملة زي منطقة الشرق الاوسط

اسرائيل ح تشرب ازاي؟ ح تاكل منين لو استخدمت السلاح ده؟

هم مش ح يفكروا في الحرمانية
ح يفكروا بانهم ح يموتوا وح يعييوا

النقطة المستهدفة بالسلاح النووي هي اكتر نقطة محظوظة لان اخرهم ح يموتوا
المناطق اللي حواليها ومستخدمها نفسه ح يموت برضه
بس ح يموت بعذاب مش في ساعتها
دمار يعني
اسمها اسلحة دمار شامل يا جدعان
اسمها كده
تخيل حاجة اسمها: انا شيطان
تقوم تقول احجز الشيطان عندي عشان اخوفهم بيه؟ انا مش ح اطلقه عليهم، ولا ح اسمع كلامه، انا بس حابسه عشان يخافوا منه

ويوم ما امريكا تقرر تستخدم السلاح النووي يبقى كتر خيرها بقى ح تقوم لنا القيامة وتخلص على العالم وترحمنا احنا بقى من الهم اللي احنا عايشين فيه
وهم ح يموتوا ويروحوا النار

Unknown said...

بمبم

امريكا استخدمت قنبلة ذرية في هيروشيما ونجازاكي

القنبلة النووية لم تستخدم حتى الان

والا ما كانش ح يبقى فيه انسان على الارض دلوقت

مواطن مصري said...

بمبم

مشش رط و قتها كان وقت حرب و يابان بتمثلها خطر و كان لازم تتفرمط

على حسب دماغ امريكا

انا كواحد ليبرالي أرفض أي دولة في العالم تمتلك سلاح نووي

عشان كدة أنا أتمنى أنمعاهدة الطاقة الذرية تتنفذ و اسرائيل توافق عليها

حسبكلام البرادعيي حطهم في مزنق

فينك

يا مردخاي فعنونو

amr imam said...

طب ممكن اسئال سوال وحد يجاوبنى علية
لية احنا معملناش زى اسرئيل وحدثنا اسلاحتنا باستمرار وصنعنا بدل القنبلة عشرة
وسوءال تانى لية بيقتله الى زى الدكتور يحيى المشد وغيرة
ولية هما متقدمين اوى اوى والعالم الاوربى والدولى بيحترمهم وبيقدرهم وبيعملهم حساب
دول تلات اسئله ممكن اجابتكم لو تكرمتم

amr imam said...

عاوز اوصل لحاجة معينة من قصد اسئلتى انا بس نفسى الناس كلها تعرف حاجة مهمة ان ادق ادق ادق ادق التفاصيل الى فى حياة المواطن العربى ديما تحت عنيهم وتحللهم
يا جماعة انا هجبهلكم كدة على بلاطة بس لو عندكم وقت تسمعة
هى حكاية بس وراها مليون معنى ومغزى

Unknown said...

مواطن
"مشش رط و قتها كان وقت حرب و يابان بتمثلها خطر و كان لازم تتفرمط "

ده ايه الانسانية دي كلها

mido said...

النووية هى الذرية

يا استاذة

Unknown said...

موش معقول حد يعمل سلاح متكلف زي ده ويشيله على السندرة
ولو شاله هو السندرة اللي حيجي من بعده ممكن يستعملو

نوارة
مافيش فرق بين القنبلة النووية والذرية
بس المصطلح التاني غلط مافيش حاجة اسمها اسلحة ذرية ده خطأ في التسمية من اساسه
التغييرات بتصير على مستوى النواة موش على مستوى الذرة

mido said...

تتفرمط

حلوة

:D

Unknown said...

حاجة تانية
لو استخدم رئس نووي على مدينة زي تل ابيب مثلا حيدمرها بنسبة مائة في المائة المناطق التانية في فلسطين حتتأثر بالاشعاعات بحسب اتجاه الرياح موش حتتدمر خالص
ولو افترضنا استخدمو صاروخ متعدد الرئوس يبقي كل راس حيدمر مدينة
بس مافيش حاجة اسمها دمار منطقة زي منطقة الشرق الاوسط

Unknown said...

وعلى فرض ان الاسلحة النووية كلها انفجرت ومعاها الاسلحة الهيدروجينية
موش حيصل دمار للارض اللي حيصل طبقة غبار حتجب الشمس والناس هتموت من البرد والتلوث الاشعاعي والجوع

Unknown said...

محسوبك عالم ظراط فظيع

دعاء said...

نوارة عذرًا القنبلة الذرية والنووية على ما اتذكر من أيام الدراسة واحد.. تسمية قنبلة ذرية أساسًا هي تسمية دارجة خاطئة، والتسمية السليمة هي قنبلة نووية، أعتقد ما تقصدينه هو الفرق بين القنابل الانشطارية والاندماجية

فالقنابل النووية تنشأ عن طريق إما إنشطار نواة او إندماج نواتين

Unknown said...

ميدو

There are two basic types of nuclear weapon. The first type produces its explosive energy through nuclear fission reactions alone. Such fission weapons are commonly referred to as atomic bombs or atom bombs (abbreviated as A-bombs), though their energy comes specifically from the nucleus of the atom.

In fission weapons, a mass of fissile material (enriched uranium or plutonium) is assembled into a supercritical mass—the amount of material needed to start an exponentially growing nuclear chain reaction—either by shooting one piece of sub-critical material into another (the "gun" method), or by compressing a sub-critical sphere of material using chemical explosives to many times its original density (the "implosion" method). The latter approach is considered more sophisticated than the former, and only the latter approach can be used if plutonium is the fissile material.

A major challenge in all nuclear weapon designs is to ensure that a significant fraction of the fuel is consumed before the weapon destroys itself. The amount of energy released by fission bombs can range between the equivalent of less than a ton of TNT upwards to around 500,000 tons (500 kilotons) of TNT.[2]

The second basic type of nuclear weapon produces a large amount of its energy through nuclear fusion reactions. Such fusion weapons are generally referred to as thermonuclear weapons or more colloquially as hydrogen bombs (abbreviated as H-bombs), as they rely on fusion reactions between isotopes of hydrogen (deuterium and tritium). However, all such weapons derive a significant portion – and sometimes a majority – of their energy from fission (including fission induced by neutrons from fusion reactions). Unlike fission weapons, there are no inherent limits on the energy released by thermonuclear weapons. Only six countries—United States, Russia, United Kingdom, People's Republic of China, France and India—have conducted thermonuclear weapon tests. (Whether India has detonated a "true," multi-staged thermonuclear weapon is controversial.)[3]


http://en.wikipedia.org/wiki/Nuclear_weapon

Unknown said...

what is the difference between atomic bomb and nuclear bomb

http://timesofindia.indiatimes.com/news/sunday-toi/open-space/What-is-the-difference-between-an-atomic-and-a-nuclear-bomb/articleshow/1345040.cms

Unknown said...

atomic bomb is only atom bomb where as nuclear bomb includes hydrogen bomb neutron bomb as well

Unknown said...

دعاء يادعاء

الاختلاف هو بين القنابل النووية والهيدروجنية
الاولى تدمر وتقتل والثانية تقتل الاحياء وتحافظ على المباني والانشآت

مافيش حاجة اسمها انشطار واندماج في المجال النووي

دعاء said...

في الموضوع نفسة برضة لأول مرة هأيد كلام مصطفى، انا شايفة إن بيت الشعر العبقري..

لا عدل إلا إن تعادلت القوى وتصادم الإرهاب بالإرهاب

طول ما امريكا وإسرائيل عندهم نووي واحنا لا هيفضلوا مالكين كارت إرهاب ضدنا، محدش قال نملك سلاح نووي لاستخدامة، ولكن لازم ميزان القوى يتزن

أما عن موضوع أن التفجير سيضر إسرائيل فما أعرفة أن هناك الآن قنابل نووية محدودة،

amr imam said...

انا كتابت تعليق من فترة عند نوارة
وقولتلكة فية قصة شاب عانى مع الادمان الى ان نصرة الله علية
بس فى رحلة الكبيرة بمعانيها والقصيرة فى زمنها
الشخص دة هو انا
والسبب الرئيسى لعمل المدونة هى حكاية تجربتى للناس وكمان تحذرهم ان اليهود مش هيسبونة فى حالنا واننا العدو الاول لهم بس هما منتظرين الفرصة
بس جيت اكتب دة عندى ملقتش حد بيسمع او الكلام كان غامض او قوى اوى واشبة بكلام نظريات الموئامرة
المهم
انا فى فترة علاجى فى مركز علاجى كبير
من اهم الاماكن العلاجية فى الشرق الاوسط وصاحبة وابوة من قبلة من اهم الدكاترة فلى العالم فى علاج الادمان
بحكم صداقتنا احنا كعيلة لان انا بردة خالى احد المسئولين المهمين فى الحكومة فعلاقتنا بالدكتور دة كانت قوية فكان مسموحلى اعمل اى حاجة فى المكان اى حاجة فى نطاق الوائح والقانون
اى حاجة دية يعنى جمعت معلومات ضخمة عن المكان ونشئتة ومين الى بيعالجة بية والنظام العلاجى دة بيطبقمن امتى
المهم
فى كل مرة كنت بروح فيها المكان دة كنت ببقا رايح بيارادتى وانا الى عاوز اروح وبعيط بالدموع على شان ارجع تانى انسان طبيعى لان انا مش كدة مش شبة الناس الى بيدمنة مليش فى القصة فتبعت
بس كل مرة اروح وابداء العلاج وهوب ارع خمس ايام وانا عاوز امشى يهديك يرضيك مفيش همشى
كنت الاول بقول لنفسى انت ضعيف ومش هتعرف تبطل وهتفضل كدة طول حياتك
بس انا عارف ان انا ارادتى قوية وعندى ايمان باللة والحمد لله اهلى فى ظهرى مش سيبنى
امال فى اية
الحاجة الوحيدة فى الدنيا الى ممكن تخلينى اتخنق ان انا احس ان فى انسان بيضحك علية بيبقى قصدة حاجة وبيحال يفهمنة حاجة تانية
مكنش فى دماغى انهم بيعملة كدة مفكرتش فى كدة لحد مرة من المرات وانا هناك كنت دايما على اختلاف فى الراءى مع الفريق المعالج ودول كانة عبارة عن دكتور نفسى ورئيس قسم الادمان بردة دكتور ودكتورة سيكولجى وكام واحد مبطلين وخدة كورسات وبيعالجة ضمن الفريف العلاجى
المهم
كنت على اختلاف معاهم فى اشياء كتير منها تنفيذ كلامهم منغير نقاش بمعنىان كلامهم هو الى صح بس وانتى راجل هبيط يعنى ملكش فكر ولا رائى
فاكرين ان المدمن دة بنى ادم فاقد الاهلية بلغت القانون
حاولت افهمهم اكتر من مرة ان لازم تتعاملة مع كل شخص حسب ثقافتة وتعليمة ومدى تفتح زهنة هما لا كل البض فى سل واحدة انا بردة كنت فاكر ان دة غلط من واحد او اتنين
لحد مكتشفت ان دة قاعدة عامة فى المكان وان دية سياستهم فلما سالت لية قالو هو ظام العلاجى دة جاى كدة وبيطبق كدة ولازم يبقى كدة
بردة من الحاجات الى استفزتنى تنحى القيم والاخلاق والدين
بمعنى ان انا ممكن اقبل واحد شاذ مثلا ويجبرنى على التعامل معاة بحجة انة مريض
ودة حرية شخصية
طب انا مش عاوز
يقولولك لا دة سلوك ادمانى مفروض تعوز
موقف تانى
بيعملة اجتماعات لسبوعيا
لازم لما تيجى تعرف نفسك تقول انا المدمن الفولان حتى لو بقالك ميت سنة مبطل
طب يا جدعان لية يقولولك كدة طيب انا جاى هنا على شان تبقى صفحة واقفلها واشوف بقى حياتى يقولوك دة مرض ملوش علاج بس احنا بنحصرة على شان ميطورش
طبعا الكلام دة كله قلقنى
وفى الاجتمعات دية
الى يقوم يقولك اصل مراتى بعد ما بطلت مبقتش بطقنى وخانتنى فقمت انتكست
والى يقوم يقولك اصل ملراتى طبختلى بمية وانا عاوز مولوخيةفقمت انتكست
فلحظت ان كل الناس الى موجودين دول بقلهم كتير على كدة يبطل وينتكس ويبطل وينتكس وعلى كدة
قلقت اكتر
المهم تفرغتلهم قولت انا لازم اعرف الى بيحصل دة اية بدءات ادور واجيب النظام العلاجى دة من على النت واشوف برة بيطبق ازاى واكلم مراكز علاجية برة واسائل بيعالجة ازاى
وصدمت لقيت الناس دية بيموتة الشباب بيخلوهم طول عمرهم مدمنين بينزعة شخصيتهم وبيبقى جهاز التحكم فى اديهم
الناس دية مش عاوزين حد يبطل
بردة قولت دية هواجس
قررت انى اراهن نفسى انا دخلت المستشفى دية اكتر من 31 مرة فى سنتين ومعرفوش يخلون ابطل
انا بقا قررت انى ابطل بنفسى وفى بيتنا ودة التحدى والرهان
والحمد لله كسبت وربنا كرمنى وفى وقت قصير لا يتعدى الثلاث شهور كنت بقيت زى الفل اكيد تعبت بس لقيت مقابل
عندهم مفيش
ولما دورت ولقيت ان صاحب المكان دة من اصل يهودى وجدة من اكبر الشعراء اليهود وابوة جية مصر واتنصر وقعد
عرفت ان مصر مستهدفة حتى فى مدمنينها
وكتب مقال بيقول
الكيان الصهيونى ما بين العلماء والمدمنين
واديت مثال باغتيلهم لواحد زى يحيى المشد وتحكمهم فى تجارة المخدرات وعلاجها فى مصر

مواطن مصري said...

كلة بيدمر

دعاء said...

أزاي يا نوارة مفيش حاجة أسمها أنشطار وأندماج؟؟، يمكن ده بعيد عن مجالي كتير، بس ألي اعرفة عن أساسيات فكرة القنبلة النووية، هو أما انشطار النواة زي انشطار نواة عنصر اليورانيوم على ما اتذكر والانشطار دة بيؤدي لتفاعل متسلسل وينتج عنه طاقة مهولة،

او أندماج نواتين لعنصرين اخف عملية الاندماج دي بينتج عنها طاقة أيضًا مهولة؟؟

صححيلي إن كان فهمي للنقطة دي خاطيء؟؟

دعاء said...

سوري ردي السابق كان على Heshmat

amr imam said...

هما عارفين ان المدمن دة لو اتعالج صح ورجع لعقلة وقدر يتغلب على ادمانة هيبقى شخص قوى وقوى اوى كمان على شان كدة 20 مليون مدمن مصرى وعربى بيعانة وهيفضلة يعانة لحد ما يموتة او يموتة
وهو دة الى عاوزينة من مصر
عاوزنا نفضى من كل حاجة
عاوزين نبقى منظر بس ومن برة هواء
عاوزنا منقدرش نقاومهم لما يجة
هما عارفين ان احنا ممكن نكلهم صاحين
فعلى شان كدة بيدمرة فى البنية الاساسية لمصر
على شان كدة معندناش خمسين احمد زويل ولا الف نجيب محفوظ ولا الف طة حسين ولا ولا ولا ولا
بيقتلونة براحة بقتلة الابداع بيقتلة الفكر بيقتلة التنوير
وللئسف دة بيحصل بيد ابناء البلد دية
بردة كاتب مقالة
بتقول
ليس كل من يحمل جنسية هذة البلد ولائة الاول لها
ربنايرحمنا
وانا اسف لو صدعتكة
مع فائق احترامى للجميع

Unknown said...

http://inventors.about.com/od/astartinventions/a/atomic_bomb.htm

Kalimalhus said...

أسلحة الدمار الشامل و حطى كذا خط تحت شامل تخلتف عن غيرها فى شمولها يعنى هى أصلا لا تصلح للإستخدام على المستوى التكتيكى لأن نطاق تأثيرها غير محدد و بالتالى هى لا تصلح للإستخدام ضد الجيوش أو حتى القواعد العسكرية لأن تأثيرها فى الحالة دى مايجيبش تمنها.. إذن أسلحة الدمار الشامل تستخدم فقط ضد أهداف كبيرة و من شأنها إفقاد العدو القدرة أو الإرادة للإستمرار فى الحرب و ده معناه قدر فادح من الخسائر و تهديد بالتدمير الكامل.. بتعبير تانى مشهور إعادة العدو فعليا للعصر الحجرى..

الكلام ده كله يساند فكرة إن من وجهة نظر شرعية فإن أسلحة الدمار الشامل هى محرمة لأنها بالتأكيد لا تتوافق مع قوانين الحرب فى الشريعة الإسلامية..

لكن الموضوع مش بالبساطة دى .. المؤكد إن إمتلاك أسلحة الدمار الشامل فى حال إنتفاء أى تهديد مماثل ليها هو حرام .. لكن ما الحال إذا كان عدو حاضر يمتلك هذه الأسلحة و من المؤكد أنه فى حال تهديده بالهزيمة فسوف يستخدمها؟

فى الحالة دى إمتلاك أسلحة الدمار الشامل لن يكون للتهديد بإستخدامها و لكن لردع العدو عن إستخدامها أى أنها ستكون وسيلة دفاع .. و بمعنى واضح هى الوسيلة الوحيدة لحفظ الأنفس و الممتلكات و الوطن و كلها مما يجب حفظه بأى ثمن و مايشكل حفظه ضرورة تبيح المحظور .. و الله سبحانه أعلى و أعلم

Unknown said...

عمرو امام

القصة بتاعتك مؤثرة جدا وموش عايزة الا ايضاح تفاصيل واسماء علشان الفايدة تعم
ومندخلش في نظرية مؤامرة

Unknown said...

The Difference Between Nuclear Fission & Nuclear Fusion
There are two types of atomic explosions that can be facilitated by Uranium-235: fission and fusion. Fission, simply put, is a nuclear reaction in which an atomic nucleus splits into fragments, usually two fragments of comparable mass, emitting 100 million to several hundred million volts of energy. This energy is expelled explosively and violently in the atomic bomb. A fusion reaction is usually started with a fission reaction, but unlike the fission (atomic) bomb, the fusion (hydrogen) bomb derives its power from the fusing of nuclei of various hydrogen isotopes into helium nuclei. This article discusses the A-bomb or atomic bomb.
The massive power behind the reaction in an atomic bomb arises from the forces that hold the atom together. These forces are akin to, but not quite the same as, magnetism.


About Atoms
Atoms are comprised of various numbers and combinations of the three sub-atomic particles: protons, neutrons and electrons. Protons and neutrons cluster together to form the nucleus (central mass) of the atom while the electrons orbit the nucleus much like planets around a sun. It is the balance and arrangement of these particles that determine the stability of the atom.

Unknown said...

heshmat

موش حيصل دمار للارض اللي حيصل طبقة غبار حتجب الشمس والناس هتموت من البرد والتلوث الاشعاعي والجوع

ههههههههه
انت عثل

Unknown said...

انا اسف يادعاء

قصدت لا يوجد اندماج في عمليات التفاعل النووي
ولا يوجد انشطار في وصف القنابل

Unknown said...

بس على فكرة
انا ضد كل اسلحة الدمار الشامل بما فيها السلاح الكيميائي والبيولوجي

وامريكا استخدمت يورانيوم في العراق وهو ده اللي اتسبب في ان العراق تبقى مهددة بالسرطان لمدة تلاتين سنة

فما بال بقى لو تم تطويره لاكتر من كده

مش كل حاجة بيعملها العدو نعملها

يعني البنتاجون كان بيبحث انتاج غاز لتحويل المدنيين الى شواذ جنسيا
واتنشرت في الشرق الاوسط

الله اعلم بقى مرروها، بيقولوا ما وافقوش عليها، بس فيه قنوات غير شرعية كتير ممكن يمرروا منها السلاح ده

طيب هل ينفع اننا نمتلك سلاح زي ده؟ ينفع يعني؟

والانسان مش مضمون مافيش حاجة اسمها ما انا مش ح استخدمه الشيطان شاطر والنفس البشرية اشطر

TAFATEFO said...

هو أنا مليش أي تعليق إضافي .. بس أرجو انكم تضيفوا في الإعتبار للقنابل النووية (اللي مستخدمتش غير في هيروشيما وناجازاكي واللي إسرائيل (ما علينا) متقدرش تستخدمها ولا تهدد باستخدامها زي ما بيتقال) القنابل النووية التكتيكيه اللي استخدمتها أمريكا في حرب العراق والقنابل القذرة والقنبل المحتويه على يورانيوم منضب واللي موجود أثره بوضوح في غزة واللي أشارت إليه مئات التقارير

السعي التسليحي النووي واجب وفرض .. مش حرام

والحصول على التكنولوجيا النووية السلمية والعسكرية واجب وفرض مش حرام

وربنا قال ان السلاح للردع مش للقتل إلا أن يعتدى علينا .. كل السلاح .. من الخنجر للقنبلة النووية

بس أنا أعتقد اني فاهم رسائل نصر الله النهارده .. في ناس كتير هتجيب ورا

ahmed samir said...

نوارة
هما مش ساكتين و عمالين يبحثوا و يطوروا نفسهم و الفكرة اللي كانت شاغله ذهنهم هي فكرة القنبلة النووية المحدودة و الابحاث شغاله في المجال ده من ايام هيروشيما و نجازاكي

امتلاكنا للسلاح النووي حيعمل توازن رعب و مش حيخلي اي واحد في الكنيست ملوش لازمة يهددنا بضرب السد العالي بالقنبلة النووية

Unknown said...

مهندس حر

طيب يا مهندس مين اللي ح يمتلك الاسلحة دي

ما اعتقدش ان النظام المصري اهل انه يمتلك نبلة
وما اعتقدش ان اي نظام عربي محترم بالمستوى اللي يخليه يمتلك اسلحة دمار شامل

بما في ذلك اسلحة بيولوجية تجيب للناس امراض، واسلحة نووية بقسميها يا سيدي وللا حتى بالقسم اللي اقل تطورا شوية

او اسلحة كيميائية تنشر التلوث

مش بس عشان فيه احتمال كبير يستخدموه ضدنا زي ما صدام عمل

بس عشان كمان عدم الكفاءة

التسريبات في منتهى الخطورة

يعني مثلا سمعت من صديقة ليا والعهدة عليها انا ما قرتش الكلام ده، بس هي قالت لي انها قرته، ان الطاعون اللي جه على الحدود متسرب من الاسلحة البيولوجية اللي عند القذافي

طب بذمتك دول بني ادمين فيهم مخ اصلا

على رأي حسين كمال لما كان بيقول لعفاف راضي: يا مدام عفاف، انت ولا حتى ح تفشلي

فعلا
ولا حتى ح يفشلوا

النظام الايراني؟
طيب هم مستحرمين يا اخي، هم واللي بيمولوهم (حركات المقاومة) مستحرمين
ورأي المقاومين مهم جدا يا مهندس

وفي المجال ده، المقاومين هم اهل الذكر اللي يؤخذ بفتواهم

لانهم هم اللي بيدفعوا حياتهم وهم اللي بيحاربوا بنفسهم

لما هم يقولوا مش عايزين نتعامل ولا حتى نمتلك السلاح ده

يبقى رأيهم لا يرد لانهم فوق الخبرة ثقات ماحدش يراجعهم

والا فعلا نبقى عاملين زي اللي بالدبلون وبيراجع استاذ في القلب في رأيه في الطب

لو ينفع انا اراجعك في الهندسة ينفع انت تراجع المقاومين في السلاح اللي هم يختاروه
وانت في الحالة دي ما تحطش رأي السعودية وباكستان وهم من اقذر الانظمة المتعاونة مع الاحتلال في مقابل رأي المقاومين اللي تضحياتهم بتشهد بنزاهتهم

لا باكستان ولا النظام السعودي بيموتوا
المقاومين هم اللي بيموتوا
ولما يقولوا السلاح ده حرام يبقى حرام مافيش جدال

زي ما دكتور يقول لست واجب تجهضي والا ح تموتي
ما ينفعش شيخ يراجعه

TAFATEFO said...

حاجه كمان

افتكروا كويس كل واحد عربي مسلم قرب يوصل .. عملوا فيه ايه

وافتكروا كويس .. الدول الغربية (اللي شئنا أم أبينا مهيمنة على العالم بقيادة أمريكا) بتعمل فرخة ازاي أمام من يملك تهديد أمنهم لأنهم جبناء

كوريا الشمالية VS إيران

Unknown said...

مصطفى
والنبي لما ترجع من الجبهة ابقى قابلني

Unknown said...

متشكر يافندم

غاز يخلي المدنيين شواذ؟؟
ماينفعش كده ياستي
ممكن من فضلك غاز نرشه فشرم الشيخ يدينا ريس كويس ؟
الشذوذ عمل اختياري مالوش دعوة بالكيميويات
شوفي حضرتك شاذ بيقول لربنا وانا مالي ماانت خلقتني بحب الخشن

Unknown said...

حشمت

ح اجيب لك الخبر حالا

Unknown said...

الخبر بتاع الغاز اللي بيخلي الناس شواذ جنسيا ح اجيبهولك من جرنال الشرق الاوسط

TAFATEFO said...

بالمناسبه - بره الموضوع خالص- واحنا في آخر يوم في رمضان ندعي كلنا لأحدهم الراحل ان ربنا يجازيه على كل اللي عمله .. الأخ اللي استخدم أسلحة كيميائية (غاز الخردل) في اليمن

لا تنسوا أخيكم هذا من الدعاء

Kalimalhus said...

حكاية النفس أمارة بالسوء و الشيطان شاطر و السلاح يطول إلخ ده كلام فى العموميات و لو صدق فى كل الحالات يبقى ننزع سكاكين المطبخ من نص حريم مصر و إلا يدبحوا إجوازاتهم لما يناموا .. مش كل اللى تقدرى عليه بتقتليه .. ده حتى المثل بيقول اللى تعرف ديته إقتله .. و د معناه من تتحمل عواقب قتله .. و ده كله فى حال لو حسبنا كل حاجة بالمصلحة..

محدش مستعد يستخدم السلاح النووى ببساطة كده و من الباب للطاق لأن العواقب فادحة .. و محدش يضمن إنه يستخدم السلاح النووى ضد حد و ما يلاقيش حد تانى بيرد بإستخدامه لمجرد الخوف من إنه يكون التالى .. هى حاجة زى التابو لو إنكسر الكل هايتجنن و يكسره .. و ده سبب الإعتقاد إن إستخدام السلاح النووى و لو بشكل محدود وارد جدا أن يؤدى إلى حرب شاملة تكون فيها نهاية البشرية..

الحالة الوحيدة اللى كانت فيها دولة أقرب ماتكون إلى إستخدام السلاح النووى بشكل منفرد هو إسرائيل فى 73 حسب ما يقال و إن كان غير مؤكد و لكنه قابل للتصديق .. و السبب إن إسرائيل دونا عن دول العالم كلها تعنى هزيمتها الكاملة فى حرب زوالها يعنى أى حرب بالنسبة ليها هى حرب وجود و إذا ماتهدد الوجود يصبح من المبرر إستخدام أى وسيلة متاحة..

ده السبب فى إن إمتلاك إسرائيل لأسلحة نووية مقرون بخطر حقيقى فى إنها تستخدمها فعليا و لابد من إمتلاك وسيلة ردع ملائمة..

حكاية إن إسرائيل ممكن تضر بنفسها لو إستخدمت السلاح النووى فده لو تخيلنا إنها تضرب بيه دمشق أو بيروت و همه أقرب عاصمتين ليها .. لكن بالنسبة لمصر ضرب السد العالى أو حتى القاهرة ممكن يكون بدون ضرر مباشر و مؤكد عليها

TAFATEFO said...

hehehehehe

أنا مش هرد عليكي علشان والنبي حرام :D:D:D

TAFATEFO said...

أقصد على حضرتك (H)

Unknown said...

مصطفى بيه
ماينفعش اللي بتقوله حضرتك مع انو منطقي جدا جدا
بحسابات المادة حد عايز يقتلك اقتله هو واهلو واللي يتشددلو
بحسابات الدين
ايها الذين آمنوا كونوا قوامين لله شهداء بالقسط و لا يجرمنكم شنآن قوم على الاّ تعدلوا اعدلوا هو أقرب للتقوى واتقوا الله ان الله خبير بما تعملون
طبعا احكام السيطرة على المعرفة النووية واجب مافيش كلام
علشان الاستفادة الطبية والكهربية وتخزيين الاطعمة وكول حاجة
ويمكن نقدر نتوصل لسلاح نووي رادع ويتفق مع مقاصد الشريعة

Unknown said...

انا بتابعك من زمان يافندم
وانا عارف انو حضرتك مابتألفيش اخبار
انا بشكك يافندم بالمصدر بتاع حضرتك

Kalimalhus said...

حتة تحديد المجاهدين و بعدين إنك تديهم لوحدهم فصل القول فى أمر يخص الأمة كلها ده قصة كبيرة و واسعة حبتين تلاتة أربعة و مالهاش أصل فى الشريعة ..

أنا مش عايز أدخل فى نقاش عقيم .. لأن مع إنى بأحترم كل مقاوم و أرى حذائه أنضف من دماغات ناس كتير إلا إنى لا أرفع بشرا إلى مرتبة التقديس أو حتى مرتبة فى العلم لا يمكن إثباتها بالطريق الواضح لذلك .. وبعدين حكاية الحكم على شخص بإنه مجاهد لأنه مستعد يضحى بحياته لهدف سامى أو حتى ضحى بحياته فعلا ده كلام غير دقيق لأن ناس كتير بلا دين أو محاربين من أجل أهداف غير صحيحة أقبلوا على الموت بنفس راضية.. الفكرة إن التطوع لقتال العدو على الخطوط الأمامية ليس مقياسا لشيئ إلا للوطنية و عمق الإيمان.. و الحاجتين دول مالهمش دعوة لا برجاحة العقل و لا الحكمة..

الكلام المهم بقى .. لأن واحد زى السيد حسن نصرالله مش مجرد مجاهد عادى و لكنه شخص أثبت على مر الأيام رجاحة عقل واضحة و بالتالى كلامى اللى فوق ده ماينطبقش عليه .. لكن السؤال هو .. تضمنى منين إنه يكون بيقول الحقيقة؟.. ما تتعصبيش .. فيه حالتين ينفع فيهم إنه يكون بيقول حاجة و فى نيته حاجة أو فى نية إيران حاجة .. الحالة الأولى إنه فى حرب و الحرب خدعة و لما الرسول حفر الخندق مابعتش للكفار يقولهم قبليها إحنا هانحفر خندق خدوا بالكم ده طبعا بخلاف الخدعة اللى تم بها الإيقاع بين يهود بنى قريظة و الأحزاب من قبائل العرب فى نفس الغزوة..

الحالة التانية خاصة بنصرالله و الإيرانيين تحديدا و هى الأخذ بمبدأ التقية و اللى هو أمر مشروع لعموم المسلمين و لكن الشيعة بيتوسعوا فيه

Unknown said...

الخبر اهو يا حشمت

http://www.alarabiya.net/save_print.php?save=1&cont_id=9574

Dr Nemo said...

النهارده
http://1.bp.blogspot.com/_rkOC-gKfU4o/SrRbzPBqVLI/AAAAAAAAAJw/Hk4CjQILas4/s400/IMG0708A.jpg


http://2.bp.blogspot.com/_rkOC-gKfU4o/SrRbzdBufII/AAAAAAAAAJ4/2UHAMSXWcXs/s400/IMG0709A.jpg


http://1.bp.blogspot.com/_rkOC-gKfU4o/SrRbz4yvcFI/AAAAAAAAAKA/KbNDrkkymh4/s400/IMG0710A.jpg


http://3.bp.blogspot.com/_rkOC-gKfU4o/SrRb0DzwGbI/AAAAAAAAAKI/a0UGzWfBZYQ/s400/IMG0711A.jpg


انا محتار بقا بصراحه لان دى قريبه اوى من شمس 23 والزايد كمان ان الجو صافى اوى ومفيش رطوبه عاليه ولا غيوم زى ليلة 23 شوفى انا احترت وطلعت بفكرة انه عشان تشوفى فعلا الشمس صح مينفعش الا فى صحراء او على بحر بحيث انك تبقى معاها من اول ما تطلع خالص وكمان عشان تاثير الرطوبة اللى مغرقة الدلتا عندنا بيبوظ اى حاجه .... انتى رايك ايه ثم انك شوفتى شمس امبارح ولا لا لانى كنت نمت

Unknown said...

نيمو
لا يا نيمو
الشمس النهاردة وجعت لي عيني

استنى اما اشوف الصور

Unknown said...

نيمو

لما تشوف يا حبيبي انت صورت ايه ابقى قول لي
هههههههههههههههه

Unknown said...

اه

نسيت اوريك في سينا اخدو صور شمس تلاتة وعشرين

http://www.youtube.com/watch?v=8jofXVpZd3c

وده واحد عمال يعمي عينيه عشان يشوف زينا

صور كذا يوم

http://www.forsanelhaq.com/showthread.php?p=928414

Dr Nemo said...

فيه مشكله فى الصور ولا ايه؟؟
بالنسبه للموضوع اللى بتتكلمى فيه حلها بسيط وصعب اوى بس بسيط
اننا نعرف ازاى اصلا ماشيه تكنولوجيا التسليح النوورى ذات التاثير الممتد ضررا ونعدلها بحيث نوصل لحاجه ليها تاثير لحظى مميت وفتاك ولكن لا يمتد للاجيال القادمه وفى نفس الوقت الوقت يكون رادع للعدو فى انه ميستخدمش النوع القذر اللى عنده ...... طبعا دى اضغاث احلام بس بما انها كلها مناقشه افلاطونيه يبقى مفيش مانع من التجديف

Unknown said...

انا مش عارفة تطوير الاسلحة ممكن يبقى انساني ازاي؟
:)

Unknown said...

زي ماقلت يافندم انا مابشككش بحضرتك ابدا ان بشكك في المصدر
واهو المصدر هو العبرية قناة الخبرة والمتعودة دايما

Dr Nemo said...

شوفت الوصلات اللى انتى حاطتيها وبكده والله اعلم اظن ان الحمد لله وبعد منه وفضله ليلة قدر رمضان سنة 1430 كانت هى ليلة 23 منه ..... الف مبروك للى قامها وان شاء الله اعتقت رقبته من النار

Unknown said...

لا والله انا قريتها في جرنال الشرق الاوسط كمان

استنى اشوفها لك

Unknown said...

اهو

http://www.aawsat.com/details.asp?section=4&article=277506&issueno=9545

Unknown said...

متشكر يافندم
تبقي اجابتي كما هي
من العبرية للشرق الاوسط لأمبراطورية آل
سعود كلها
مصداقية دول عندي صفر
انا بفكر اقارن القرآن المطبوع بالسعودية مع القرآن المطبوع بالقاهرة

Unknown said...

http://www.youtube.com/watch?v=F2vXk5nJzmo&feature=related

ياجماعة الراجل ده بيكدب
دي شمس الغروب

Unknown said...

حشمت

ممكن اعرف انت جبت منين انها شمس الغروب؟ اذا كان شفنا الشمس وهي بتطلع مش بتنزل


اهلاااااااااااا هو انت منهم؟
هههههههههههه

طيب اتعود ما تشككش عمال على بطال كده عشان التشكيك والتكذيب المستمر بيعطل وبيضيع الوقت

مواطن مصري said...

شوفي ناس بيقولو هيدور صور للشروق من على النت


http://www.youtube.com/watch?v=io7Z48bQHho


لول

Unknown said...

خلاص انا حرمت
انا ملدوغ علشان كده بخاف من الحبل

Unknown said...

اللي حصل اني شفت بداية الفيلم ومصابيح الانارة مطفأة وقدام شوية مصابح الانارة نورت يبقي شمس بتغيب ولا بتظهر

Unknown said...

هههههههههههه
لا ركز ح تلاقي في الاول ما كانش في شمس وبعدين ابتدت تظهر حبة حبة

مالكش دعوة بمصابيح الانارة
ركز في الشمس
:)

وكلنا بنتلدغ يا عم وده مش ح يمنع اللدغ ح يضيع وقتك

زي طفاطيفو كده بيضيع وقته في انه يقول مافيش وما حصلش ويشكك في صوابع رجليك وبعدين يرجع يقول لك نفس الكلام اللي اتقال في الاول خااااااااالص ما نابهوش غير ضاع تلات اربع ساعات من غير فايدة

Unknown said...

على فكرة يا حشمت

الويكي بيديا كاتبة عن القنبلة اللي بتحول الاعداء لشواذ جنسيا

http://en.wikipedia.org/wiki/Gay_bomb

وده خبر بتاريخ احدث

http://www.globalresearch.ca/index.php?context=va&aid=5965

TAFATEFO said...

hehehe بس يا منوفية (H)

Unknown said...

انا شرقاوية ابا عن جد وافتخر
:)
يا بخت من بات مظلوم ولا باتش منوفي

Unknown said...

من فضلك بصي على دي
http://www.youtube.com/watch?v=QXOfMI2-B9o&feature=related

TAFATEFO said...

الحق علي اني عايز أعطف بحالك وأديلك الجنسية السامية

المنوفي قال كل سنه وحضرتك طيبه .. وحضرتك علشان مش منوفية مرديتيش

وان مكنش المنوفي يتخانق مع حضرتك .. مين يتخانق يعني؟؟

Unknown said...

انا متشكر يافندم

Unknown said...

انت قلت كل سنة وانت طيبة امتى؟
ما اخدتش بالي

الجنسية السامية
هممم
انا متهيالي الحالة الشرعية الوحيدة اللي ممكن اسلحة الدمار الشامل استخدامها يبقى حلال لما نحاصر المنوفية
:)

كفاية بقى

ده لسة جمال جاي

هي المعزة دي مش ح تخلص وللا ايه؟


حشمت

العفو على ايه

الا قول لي بقى
بما ان الويكيبيديا كاتبة عن الموضوع وموقع اخباري مستقل كاتب عن الموضوع
هم عايزين يحولونا سيكو سيكو ليه؟
ده احنا ما حيلتناش غير شرفنا

ثم انا شكاكة برضه يعني زي حضرتك كده

بس في سكة تانية
يعني باحب اربط احداث مالهاش علاقة ببعضها

يكونوش حاطين لنا في الاكل النوع ده من الكيماويات
اصل الموضوع ده انتشر

وللا كل اللي حصل فينا ده من مية المجاري؟

ح اشوف الفيديو

Unknown said...

حشمت

دول ايه دول؟ تجسس؟

Unknown said...

لا يافندم
ده جزأ من حالة الهسس اللي صابتني في ديني وسياستي واعدائي واصدقائي

شوفي ده من فضلك
http://www.youtube.com/watch?v=-3UGABVEe54&feature=related

حفيدة عرابى said...

كل سنة وانت طيبة
يانورا الانتظار
يارب يخليلك مامتك ومايحرمكيش منها ابدا
ومبروك عليك ليلة القدر
ربنا يتقبل
انا بحب دماغك جدا بكل تهييسها
ومهما الناس قالوا واتناقشوا وحتى طلعتى غلطانة
بحب الفكرة وهى لسه خارجة من دماغك طازة
مش عارفة اوصفها ازاى
افكار بكر 00 بريئة
حلوة كده من غير ماتتناقش
كل سنة وانت طيبة
وربنا يكتب الخير

amr imam said...

مع لاعتذار
هو انتى مردتيش على تعليقى لية يا نوارة
هو كلام معجبكيش

Unknown said...

ده بيكذب الاولاني

http://www.youtube.com/watch?v=-3UGABVEe54&feature=related

Unknown said...

هم عايزين يحولونا سيكو سيكو ليه؟
السؤال يافندم ليه احنا عايزين نبقي سيكو سيكو
لو حضرتك كملت بالسلك ده حيبقي الوزير اياه اللي بيشرب مياه معدنية ملوش ذنب كمان

Unknown said...

انهي تعليق يا عمرو؟

Unknown said...

يا حشمت ماهو طلعوا عايزين يحولونا سيكو سيكو اهو

amr imam said...

تعليقى انا عندك

Unknown said...

دول لو قدرو يخلونا لا كده ولا كده مش حيقصروا وانا متأكد من دا
بس ليه احنا نسمح بكده ليييييييييييييييييييه؟

مسلم مصري said...

بس قصة تحريم النووي دي قديمة أوي وصدرت فتاوى كتيييير جدا بالمعنى ده. عندك الرابط ده فيه فتوى. وفي آخرها كمان رابطين لفتويين أخريين. إنتي بس لو نصر الله قال ريان يا فجل بيعجبك.
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528620358