Wednesday 9 September 2009

هو شهر الصيام؟ بالنوسبة لي انا شهر الفجعة

كل ما ماما تسألني على حاجة اقول لها:
كلتهااا
هاتي لي موزة..
-كلتها
امال فين القطايف اللي كانت هنا؟
-كلتها
هو بلح الشام خلص؟
-كلتها
بعد كده خافت تسألني على القطط، وببجاحتي باقول لها: مش عارفة يا ماما تخنت في رمضان من ايه؟
"من ايه؟ كليني بقى"

16 comments:

mido said...

بس مش باين عليك انك مفجوعة
:)

مواطن مصري said...

و الله انا كل رمضان بقول هعمل ريجيم فية و بجع في كلامي الا صحيح انتي بتصدقي الدكاترة بتوع التخسيس

ولا دة نصب؟

Unknown said...

ما اعرفش
بس انا عندي واحدة صاحبتي خست عند دكتورة تخسيس

بس اهم حاجة ان الشخص يكون عنده صبر وارادة
لان الدكتور كل اللي بيعمله انه بيحط نظام غذائي مش اكتر
الالتزام بيه ده بتاع الشخص نفسه

وانا شايفة انه مش لازم دكتور تخسيس
انت شوف بتحب اكتر حاجة ايه؟
لو الحلويات
النشويات
المعجنات
لحوم
اكلات سريعة
بيبسي
انا برضه اعرف واحدة خست خمستاشر كيلو لما بطلت البيبسي بس
لانها كانت بتشرب بيبسي كتير
كده
الاكتر حاجة بتحبها هي السبب في انك تتخن
تبتدي تقللها واحدة واحدة مش مرة واحدة
بس يكون عندك صبر بس
وخضار كتير بقى وخصوصا الحجات الورقية: خس، جرير، كرفس
واحدة واحدة
الخسسان بسرعة وحش وخطر
واللي بيخس في شهر بيرجع ضعف وزنه اللي قبل كده في الشهر اللي بعده

مواطن مصري said...

المشكلة في النسكافية و البيبسي و الحلويات مش بقدر ابعد عنهم

Fatma said...

انا زيك بالظبط

انا عموما ما بحبش الحلويات وما بحبش طعم السكر اصلا بس سبحان الله يجي رمضان من هنا ويحلو السكر في عنيا واقعد اكل كل يوم قطايف وكنافة وبقلاوة ومش عارفه ايه بالقشطة وايه بالمكسرات
الظاهر بيجيلي نقص سكر ولا ايه في رمضان بس لان الحالة بتروح بعد رمضان على طول

دا غير اني عموما ما باكلش بالليل اصلا بس في رمضان الحال معكوس باكل بالليل بس تغيير النظام بالشكل دا بيتخني

وبردو انا عموما ما باكلش فول وطعمية ولا بقوليات خالص عشان قولوني بيوجعني في رمضان بتناسى حكاية القولون وباكل فول وطعمية

الاسباب كتير اوي للتخن في رمضان مالهاش علاقة بان كمية اكلك زادت انا باكل نفس الكمية بس اختلاف المواعيد ونوعية الاكل بيزودوا وزني
كل سنة اطلع من رمضان تخنانة 3 كيلو مثلا

soreal said...

start cooking and you wont be eating as much :)

البنفسج الحزين said...

يا ستي بالهنا والشفا بس ساعات الاكل الكتير بيبقي سببه الغيظ من حاجه معينه انا عن نفسي باكل كتير في حالتين لما ابقي متغاظه او زهقانه اما لما بابقي فرحانه (وده قليل جدا)بانسى الاكل خالص.

سكوت هنصوت said...

طب يا نوارة يا اختي والي نفسه بتيجي على كل حاجة

يعني حلويات ماشي, لحوم ما يضرش, نشويات زي بعضة, وترميه كده بقى وما تدوريش عليه في الشوكالاته والبطاطس المحمرة والمقليات والمشويات والمقرمشان..ده يعمل في نفسه ايه...انا بيتهيألي يبطل المية...اكيد هي الي متخناه....صح؟

أبو أمك said...

ويا ترى تخنتي من إيه صحيح
مش القطط لسه موجودة ؟

Unknown said...

ههههههههههههه
يا جدعان انتوا ملاحظين ابو امك؟
اسمه تحفة وتعليقاته تفطس من الضحك ومختصرة ويقول الكلمتين بتوعه ويمشي

نورت يا استاذ

Unknown said...

فنون وسكوت ح نصوت

انتوا الاتنين تسكتوا خالص
قال تخنتوا قال

ناس بتتكلم عن الرجيم مالكوا انتوا ومال الكلام ده؟ ده انتوا فاضل لكوا اتنين كيلو ونسمع صوت من غير صورة

Unknown said...

سوريل

ياااا انا باكره اني اطبخ قوي



البنفسج الحزين
انا لما ابقى مبسوطة ما باكلش برضه

Unknown said...

مواطن
ماهي الحلويات والبيبسي لو تقدر تبطلهم او تقللهم شوية

مش فاهمه said...

انا بقه باطبخ اصناف ما انزل الله بها من سلطان ولا زم كل يوم ايشى شورب و ايشى حلويات و ايشى مشروبات خروب على قمر الدين على كركديه و لا الدوم ......انا باتهيل على الطبيخ و تقريبا اليوم بيضيع فى المطبخ
بخصوص الخسسان المشروبات الغازيه دى لعنه و ممكن تفرق مع الواحد فعلا بس الأحلى فى اى رجيم انك تاكلى كل حاجه بكميات بسيطه و لو تاكلى بمعلقه صغيره يبقى احلى لأنك حا تزهقى بسرعه و بلاش اكل قدام التليفزيون نوهائى و الأفضل لو تعمل طقوس تزهقك فى عيشتك للأكل علشان تكرهى ترتيب السفره ووضع الملاعق و الكوبايات و تقولى بلاها اكل خالص

بتنفس حريه said...

انا عملت فى شهر 6 و 7 عملت رجيم خسيت 10 كيلو و بعدين من ساعه ما رمضان بد أ شكلى زدت يجى 7 كيلو

وبعدين قررت امبارح اخد موقف بقى
ورجعت للدايت وعليكى وزى مايكون مدمنه هروين فى أفلام الثمانينات
وأعراض انسحاب ظهرت عليا

وبعدين قلت ايه الحكايه و رحت فتحه عمنا جوجل و كتبت كربوهيدرات اديكشن

وطلعلى نتايج والله طلع فى حاجه اسمها كده.. وفى موقع طلع مكتوب انه بيساوى ادمان الكحول

فقلبى معاكى حاسه بيكى

mido said...

@ بتنفس حريه

نوارة مقالتش انها عايزة تخس

تخنت حاجة بسيطة

انا عايز بقى اتخن

اشرب بيبسى

:D