Tuesday 31 March 2009

حملة بلال فضل للتصدي للانتداب الاجنبي في مصر

عشان انتوا عارفين، مش فاضية بافكك اسرائيل :)، المهم كلمني مينا النهاردة وقال لي شفتي كلام بلال فضل على المدارس الانترناشونال؟ فقلت له: ما انا عارفة ده بقى انتداب، قال لي بلال استخدم نفس الكلمة، فتحت العمود بتاعه واتكسفت من نفسي، اقول لكوا ليه اتكسفت من نفسي
انا بصراحة مش باحب الناس دي، اه معلش، الناس اللي بتدخل عيالها مدارس بخمسة وستين الف جنيه في السنة، وعشان ما نتدخلش في مهاترات: جايب منين خمسة وستين الف جنيه كل سنة
ح نقول انه جايبها من حلال
طيب بذمتك يا اخي دي بلد يتصرف فيها خمسة وستين الف جنيه في السنة على مدارس تروح لاوروبا والدول المتقدمة؟ يعني انت يا عم الامور بتصرف على اورومبا من فلوسك "الحلال"؟ فبصراحة كده قلت ما بيني وبين نفسيتي: يغوروا في داهية هم وعيالهم الف مرة الف ونص مرة
بس لما قريت المقالات لقيت بلال يا عيني قلبه مخلوع وقايل لنا في المقال ده: انتوا ما بتخافوش ربنا؟
جرى ايه يا عم بلال؟ انت ح توجع لنا قلبنا ليه؟
ايوة، انا عارفة انهم مش بيدرسوا تاريخ مصر ولا جغرافيتها، وعارفة ان الخريطة بتاعة فلسطين عندهم في الكتب مكتوب عليها اسرائيل (ملحوظة: انا افخر كمصرية اننا لحد هذه اللحظة مدارسنا التابعة لوزارة التربية والتعليم لا تعترف باسرائيل في كتب التاريخ والجغرافيا) وعارفة انهم بيطلعوا معسكرات ويتقابلوا مع ناس من كل انحاء العالم من ضمنهم اسرائيليين، وبصراحة ما اهتمتش اتكلم
انا وحشة؟
امممم، انا وحشة فعلا، عشان مهما كان دول بني ادمين، وحتى لو هم واهاليهم اللي جايبين الفلوس مش عارفة منين ما يستاهلوش الواحد يعبرهم ولا يهتم هم بيتعلموا ايه، ممكن جدا يكبروا ويمسكوا مناصب على اساس بقى ان دول اللي متعلمين ومتنورين واحنا ولاد البطة السودا
انا فعلا مش مقتنعة بحكاية اصل تعليم الحكومة مش تعليم، الموضوع ده مش داخل دماغي بنكلة، انا صحيح مش تعليم حكومة، بس انا كمان مش تعليم انتداب، مدرستي كانت ارسالية انجليزية وبعد الثورة ما اتأممتش لكن بقت تابعة لوزارة التربية والتعليم وملزمة بالمنهج بتاعها وتحت رقابتها زيها زي المدارس الحكومة يعني تعتبر حكومية مملوكة لاشخاص ودلوقت حولوها تجريبية، يعني بقت مدرسة حكومة
انا عايزة افهم مال المدارس الحكومة؟ انا كل اللي اعرفهم ومخهم زي الفل تعليم حكومي، بما فيهم بلال فضل، وعلى فكرة لما كنا صغيرين كانوا بيقولوا نفس الكلام: لااااا التعليم الحكومي كان كويس زمان، دلوقت باظ
ودلوقت بيقولوا كده، ماهو انت عندك ابن فاشل ومخه على قده عشان واخد غباوتك الجينية ومش بيذاكر وعايز يصيع، والله لو وديته السربون برضه مش ح يفلح، ما تزعلش مني انت اللي مش عارف تربي، مش المدرسة هي اللي مش عارفة تعلمه، وانا عايزة اعرف تعليم ايه وتربية ايه اللي انت عايزهم لابنك اذا كان العيل ح يطلع ولاءه لبلد تانية غير بلده
يا اخي مش عاجبك البلد دي انت وعيالك غوروا منها احنا كنا ناقصين بلاويكوا؟ لكن تربوا لنا جيل ما عندوش ولاء ولا انتماء وكمان له صحاب اسرائيليين بيقابلهم كل سنة وممكن واحد منهم يكبر ويمسك منصب، وساعتها مش ح يبقى خاين، ساعتها ح يبقى مندوب الاحتلال بجد
ماحدش بقى يقول لي كل واحد عايز يطلع عياله متعلمين كويس، هو ده تعليم كويس؟ ده تعليم كويس؟ ايه وجه الكوسنة في ان ابنك يطلع ممزق ومش عارف هو منتمي لايه؟ يعني عشان يدوا له بسكوت في الفسحة ويلعبوه بالمكعبات تقوم تضحي بصحته النفسية؟ ده ح يطلع ايه؟ مصري وللا اجنبي؟ ويا اما ح يبقى عنده احتقار لبلده ولاهله، ولما يسافر على فكرة ح يتعامل على انه عربي معفن يعني لا طال بلح الشام ولا عنب اليمن، يا اما ح يحاول يستعيد نفسه وهويته الحقيقية لما يكبر (بعد ما يصب عليك اللعنات في اللي عملته فيه) وفي الحالة دي ح يبقى مسخرة كل المحيطين لانه ح يبقى "الواد الخواجة اللي عايز يعمل صايع" ليه كده؟
انا عايزاكوا تقروا كتاب الدكتور جلال امين بتاع "اكذوبة التقدم والتخلف" كتاب صغير مش كبير عشان تعرفوا ان اسطورة: التعليم المصري فاشل، دي اسطورة فاشلة في حد ذاتها
ده كلام فارغ، التعليم المصري مش فاشل، بدليل ان اخيب عيل سقيط بياخد كحك في المدرسة عندنا لما بيسافر يدرس بيجيب ايه وايه بلاس
ماشي، انت طبعا بما انك كنت بتجيب كحك وبتسقط لما تسافر وتدرس وتاخد نمر عالية ح تقول التعليم الاجنبي احسن
طبيعي، ما هو اللي بينجحك يعني وبيديلك نمر عالية
بس واقع الامر ان التعليم المصري مش تعليم وحش ولا حاجة، وخيبتنا مالهاش علاقة بالتعليم ومناهج التعليم بتاعتنا
مش صحيح ان التعليم مليان حشو، مافيش حاجة في الدنيا اسمها حشو، المخ ده زي المعدة، الاتنين نفس فكرة القربة، كل ما تملاهم كل ما يوسعوا، ومافيش حاجة اسمها وانا ح استفيد ايه بكل المناهج دي، ح تستفيد، واستفدت، ولو جربت تعمل دراسات في اي داهية ح تلاقي نفسك استفدت من مناهج البحث اللي درستها في المناهج اللي مش عاجباك
مناهج رذلة صح، بس حضرتك بتدلع، هم مفروض يعملوا لك اراجوز وهم بيعلموك؟ 
مش صحيح ان التعليم قائم على الحفظ مش على تشغيل المخ، ده برضه هجص
اولا الحفظ ده قدرة ذهنية وتنشيطها واجب لان الذاكرة هي نص التعليم، ثانيا، انت مش بتاخد رياضيات؟ وبتحل مسائل، ايه مافيش تشغيل مخ دي؟ ماهو بتشغل مخك اهو، ثم ان فيه حاجات كتير ما ينفعش معاها غير الحفظ مش الفهم، مش بس في مصر في اي حتة في العالم
عاصمة انجلترا: لندن
ح يفهمها لك ازاي المدرس دي؟ ما انت لازم تحفظها زي ما هي كده
شواذ الافعال في اللغة الفرنسية، ح يفهموها لك ازاي هي بتتحفظ زي ما هي، وعلى فكرة كل ما بتحفظ اكتر كل ما بيحميك من خطر الزهايمر في الكبر اكتر، ده كلام علمي
جلال امين اللي هو استاذ في الجامعة الامريكية بيقول التعليم الامريكاني اهبل، ومعظم اللي تميزوا في مصر لا كانوا تعليم امريكاني ولا تعليم اجنبي، كانوا تعليم وطني، واحنا ما عندناش مشكلة امخاخ، احنا عندنا مشكلة سيستم لتوظيف الامخاخ دي
بيدوا العيال كتب كتير وكبيرة والعيال مش بتقرا الكتب دي كلها، بييجوا اخر السنة يفروا الكتاب وينشنوا ويلخصوه في ملزمة
طيب ايه رأيكوا بقى ان ده اسمه القراءة السريعة اللي الناس في اورومبا والدول المتقدمة بتاخد له كورس ست شهور عشان تتعلمه: ازاي تقرا كتاب كبير بسرعة وتستوعب اهم النقاط اللي فيه وتلخصها، ومعظم طلبة الدراسات العليا بيلتحقوا بالكورس ده
يعني دي مهارة تانية بيتعلمها العيال في المدارس المصرية
والاهم من ده كله: انك بتطلع مصرييييييييي
مصرييييييييييييييييييييييي
لو ح يطلعوك اينشتاين ومالكش ولاء لبلدك يبقى غور في داهية مش عايزينك  

129 comments:

Unknown said...

للأسف يا نواره هو ده الواقع ،،،، التعليم المصري الحالي أصبح تهريج و لا يصلح أن يخرج لنا من يصنعوا نهضه لمصر و ليس معني كلامي هذا أنني أشجع التعليم المتفرنج الذي يفصل الشخص عن تاريخ بلده و جغرافيتها و لكن أرجو منك بجانب دعوتك للابتعاد عن التعليم الانتدابي كما أطلقتي عليه أرجو منك ايضا أن تتبني الدعوه لاصلاح طرق التعليم في المدارس الحكوميه المصريه للتماشي مع الحداثه و التقدم حتي لا يتعلل المتعللون

Anonymous said...

انا لا معترضة على تعليم الحوكومة ولا على مدارس الحكومة عارفة مطلوب
1. المدارس تزيد شوية
2. كثافة الفصول تقل
3. المدرس ياخد مرتب معقول ويرجع لضميرة اللى موتة فى الدروس الخصوصية ويشرح يشرح زى زمان اقسم بالله انا كنت ثانوبة عامة قديمة دفعه 95 وكان اساتذتى احسن من اساتذة الجامعه اقسم بالله ما اخدتش ولا درس فيها اية يعنى لو يرجع المدرس يشرح والعيل يروح المدرسة ويرجع بيتة يذاكر بنفسة على الاقل حيكتسب المعلومة صح ويبقى انسان مثقف دة سنة 1995 مش 1940 بجد حرام لو الفصل يرجع 30 بس والمدرسين يشرحوا ويبقى نظام الثانوى زى الاول حيبقى الوضع افضل بكتير بس دة مستحيل يحصل عشان اللبانة و البيزنس الكبير اللى اسمة تكنولوجيا المعلومات والاى تى و الانترنت وحشرهم فى تعليم وتقييم المدرس عشان نتمحك فى اوروبا والدول المتقدمة مع ان الكتاب العادى مش عيبة و اللى بيتعلم يمسك الكتاب العادى بيتعلم بعد كدة الانترنت عادى وكل واحد حسب ميولة ومهاراته انما تقولى اية فى بيزنس التعليم و الجامعات الخاصة والمعاهد الخاصة العليا والمدارس الخاصة اللى انتى اكيد عارفة مين صحابها و وزير اية مشارك فى معهد اية و وزير اية صاحب اية و الوزير العلانى بناتة فى مدرسة اية !! مانتى فاهمة ان كلة بيزنس وكلة فلوس يابنتى احنا معنداش حكومة تخاف على مصلحة البلد صدقينى لك الله يا مصر فانت اعظم من ان تسرقى وتحرقى ولا يفتخر ابنائك بكونهم مصريين

Unknown said...

ايوة يعني احنا محتاجين اصلاح التعليم الوطني

اصلاح في السيستم

لكن المناهج مش وحشة
ومش بتصيب العيال بالغباء

واحنا مش شعب غبي عشان نقول كده على نفسنا

Fatma said...

ليه افترضتي ان اللي بيدفع 65 الف جنيه في السنة عشان ابنه يتعلم يبقى فلوسه مش حلال

وليه افترضتي ان اللي اتعلم في مدارس انترناشيونال هيطلع ولائه للدولة الاجنبية ومش لمصر ؟

مش صحيح يا نوراة
دا كلام نظري قبل ما نقوله على انه حقيقة واقعة على الأقل نعمل دراسة حقيقية على نماذج موجودة

مسألة الولاء دي تربية مش تعليم
والتربية المفروض تبقى في البيت
يعني بغض النظر عن اللي الطفل بياخده في المدرسة اوبيسمعه في المدرسة دور البيت مش لازم يتمسح بأستيكة

اعرف ناس كتير طالع عين ابوهم واللي خلفوهم عشان يعرفوا يدفعوا المبلغ دا ويدخلوا عيالهم انترناشيونال
وبيعلموهم عربي ودين في البيت
بيستثمروا في ولادهم عشان الزمن المهبب اللي احنا فيه

ومش كل الانترناشيونال وحش ولا بيبث افكار مسممة وان كان في اكيد بعض المدراس اللي كدا

بس على سبيل المثال لا الحصر مدرسة الحياة ماهي انترناشيونال وبالشيئ الفلاني وبيتعلم العيال دين شبه مناهج الأزهر
وليسيه بالزاك انترناشيونال فرنساوي مهتمين بالتعليم وبس مافيش تسميم افكار

وكتير كدا

التعليم المصري فاشل بس مش فاشل بسبب المناهج المناهج عادية حلوة كويسة زي الفل مافيهاش مشكلة

التعليم المصري فاشل عشان مافيش معلمين مافيش منظومة محترمة

لو كدا يبقى اجيب المناهج وأعلم ولادي في البيت ودا اللي بيحصل تحت مسمى الدروس الخصوصية
ودا ماسموش مدرسة وتعليم
مافيش جو مدرسةصحي

ما تقارنيش ايامنا بالايام دي خالص
الوضع اختلف جذريا

هاتي طفلين في تالتة ابتدائي واحد في مدرسةانترناشيونال وواحد في مدرسة حكومة واتكلمي مع الاتنين وانتي تعرفي الناس بتدخل ولادها مدارس اجنبي ليه

الخلاصة عشان انا طولت
في مدارس انترناشيونال لازم تتحط تحت الميكروسكوب عشان عندها اهداف خفية

وفي مدارس محترمة بتعلم تعليم صح وبس بدون اي اغراض خفية

ممكن نوضح الفرق ونفهم الناس الفرق وتخضع المدارس دي كلها لاشراف الوزارة بس نشكك في فلوس الناس اللي بتدخل عيالها المدارس دي ونشكك في وطنية العيال اللي بتتعلم في المدارس دي اعذريني مش صح

وعلى فكرة
لما الاهالي بيشوفوا حاجة مش مظبوطة في المناهج بيبعتوا شكاوي بالفعل كدا اتصلحت معلومات واردة في مناهج بعض المدارس الانترناشيونال

Anonymous said...

ما هو محاولة اصلاح السيستم بتحديث نظام الثانوية العامة اسفر عن ان الثانوية العامة بقت سنتين طوال والدروس الخصوصية بقت زى السرطان وسوء المرتبات خلى المدرس يطفش وميشرحش كلمة فى الفصل وعدم الاهتمام بالتعليم الابتدائى خلى كثافة الفصول فوق ال60 طالب وكل انسان بيخاف على ابنة طفل او طفلة صغيرة بيستحرم برمية فى مدرسة حكومة عشان ميتبهدلش احنا بس نزود المدارس والفصول تتحسن حالتها ابتدائى و اعدادى وثانوى ونمنع الفضائيات بكل رذائلها ونحاول نرجع الاخلاق الكيف بقى اللى هو المادة التعليمية ذاتها دى تتراجع من اساتذة امناء مش مطلوب من الطالب عشان يتعلم فى ثانوية عامة حكومية ان اهلة يدفعوا اضعاف اضعاف مرتباتهم مقابل درس خصوصى عشان المنهج الدراسى بس يتشرح للطالب مش عشان يبقى اينشتاين مش مطلوب من الطالب او الطالبة انه يفضل يلف على الدروس من الصبح لبليل ويفقد وزنة ويفقد متعه حياته وهواياته وهو فى سن الزهور .

هرطقة said...

جيتى على الجرح يا نوارة والله
بصى يا ستى
انتى كلامك فى جزء من الصح, ومهم جدا
اللى هو موضوع الانتماء
وجزء مش صح اللى هو مستوى التعليم
كون ان مستوى التعليم بتاعنا سىء ده مش خرافة
وده موضوع يطول فيه الكلام
بس أبسطها يعنى
صحيح التذكر قدرة ذهنية, لكن مش هو كل حاجة
ولما يكون المتفوق هو الأقدر على الحفظ, فده شىء سيء أكيد
حل مسائل الرياضة ده كان زمان حضرتك
أيامنا احنا
دلوقتى الطلبة بتحفظ المسائل حفظ
امال انتى فاكرة اللى بياخدوا دروس قبل السنة ما تبدأ بياخدوها ليه
وعشان كده نسبة كبيرة من الطلبة بتجيب مجاميع كبيرة, عشان الحفظ أسهل
فى يوم من الأيام, اتغير دكتور عندنا فى الكلية
اللى مشى كان بإجماع الكل حمار, ومعتمد انه يرغى فى كتاب وفى الامتحان الطلبة تسمع الرغى بتاعه
الى جه مكانه حاول يعمل اللى المفروض يتعمل
امتحان فيه تفكير وشغل عملى
النتيجة.. الطلبة طالعين من الامتحان يشتموا فى الجديد
ليه.. لأن الحفظ أسهل.. وأأمن
ملحوظة مهمة.. الكلام ده فى مادة عملية, وفى كلية هندسة
أرجع لموضوع الانتماء وأقولك
لما تدرسى التاريخ بطريقة تكرهك فيه وفى اللى عملوه
ولما تاخدى مادة اسمها التربية الوطنية متهيألى غنية عن التعريف
ولما دراسة العربى تخنقك من اللغة والقراية واللى بيتكلموها ويكتبوها
منين هيكون عندك انتماء لبلدك وثقافتك
أكيد ده أحسن من انك تدرسى ثقافة تانية
لكن مش معنى كده ان تعليمنا كويس

فوق كل ده بقى
حطى منظومة الفساد والواسطة والقرف اللى مالى كل حته
وكلمينى عى تأثير ده على نشأ فى مرحلة اكتساب المفاهيم

احمد سعيد said...

نوارة
انا معاكى فى كل كلامك عن المدارس دى

بس بصراحه

التعليم الحكومى فى مصر

اصبح الان ازبل من الزباله

دا انا جاز نطلق عليه تعليم اساسا

جاز ولا بنزين


والاطفال الاغبيا اللى قولتى عليهم دول

مش معقول يعنى جينات الغباوة اتجمعت فى اطفال مصر دون عن العالم
علشان يطلعوا بالعته والغباوة وقله الادب اللى احنا شايفينها دى


يعنى بالتاكيد مش الجينات هى السبب والمدارس الحكوميه بريئه

على ايامى كان الطفل حامل جينات الغباوة دة

بيبان من اوله ابتدائى

وبيقعدوة فى اخر الفصل

واخر لما يغلبوا فيه

يجيبوا ابوة ويفهموة ان ابنه مش نافع فى التعليم

يقوم الحاج ياخدها من قاصرها ويطلعه من المدرسه ويوديه ورشه
يتعلم صنعه تنفعه

واعرف ناس منهم دلوقت بهوات واسطوات كبار
الكل بيحترمهم ودخلهم اليومى بالميات

عرفوا سكتهم صح ومشيوا فيها

وكل ميسر لما خلق له

مش لازم يعنى الاسطنبه المعتادة

ويخش طب ولا هندسه

وتبقى بلدنا فيها 40مليون دكتور
و40 مايون مهندس

واغلبهم فى الاخر

زى محنا عارفين

..............

فيه اطفال عباقرة كتير

مش هقول الكلام العنصرى المتخلف بتاع الناس اللى بتقول ان الطفل المصرى اذكى اطفال العالم

زى ما بنقول ان اى حاجه اصلها الفراعنه

كدة اوتوماتيك

فينا المتخلف وفينا النابغه

ودى بتحكمها نسب طبعا

بس كتييير قوى من الاطفال بتكون عندهم بذرة النبوغ

لو اتوظفت صح ممكن يبقى عندنا عالم وقائد

ودة اللى الغرب بيعمله

بينما التعليم المحترم بتاعنا بيقتلها ويكب عليها جاز

طبعا ضمن منظومه اكبر تشمل الاعلام السطحى التافه المبتزل

والاسرة المتخلفه

والمجتمع اللى لا يرحم ولا

كل دول

بيردموا على اى مواهب ممكن تكون موجودة فى الطفل

وبيضموة لقائمه المعاتيه

بحيث يصبح طفل معتوة من الطراز الاول

اما الاطفال المعاتيه اساسا

فيزدادوا عتها

انا كنت فى مدرسه حكوميه صرفه

والكلام دة مش من بعيد

دا من التمانينيات


وكنت افخر ولازلت بالمدرسه دى

اللى اتهدت طبعا واتبنى مكانها برج سكنى


ضمن مشروع الالف ( مدرسه ) اياة

بتاع السيدة الفاضله

اللى فاضله يعنى


وكان فيها مدرسين لا انساهم حتى الان

اتعلمت فيها اللى ماتعلمتوش فى بيتى

وفى اواخر ايامى فيها

انقلبت الصورة راسا على عقب

بقدوم دفعه جديدة من المدرسين الشباب
ومش هقولك على المهازل اللى كانت بتحصل

هضربلك مثل واحد بس

ان بلغت درجت جهلهم وسطحيتهم

ان تلميذ فى خامسه ابتدائى

اللى هو العبد لله

بيحرجهم باسئله من ضمن المنهج اللى المفروض انهم بيدرسوة

يعنى من الاخر المنظومه التعليميه كانت كويسه يوما ما
دا على ايامى

فما بالك بايام الناس اللى قبلى
اللى بالتأكيد كانت احسن

_________________


طبعا مشكله المشاكل عندنا فى مصر

ان مشاكلنا كلها متشابكه مع بعضها
ولا يمكن دراسه اى مشكله او حتى محاوله حلها بمعزل عن باقى المشاكل

يعنى فساد التعليم مرتبط بالفساد السياسى اللى هو اس البلاء فى كل مشكله
ومرتبط بسياسه التسطيح الاعلامى
والتخلف المجتمعى
والفقر
والفوضى
وغيرها كتير

يعنى مافيش مشكله فى دول ممكن تتحل لوحدها
لازم يصاحبها حل للمشاكل التانيه فى نفس الوقت

انا طبعا ضد المدارس الخاصه والاجنبيه بوجه عام

لانها بالتأكيد مش بتشتغل لوجه الله والعلم والمعرفه

وبتروج لافكار معينه

ودة بيزود الطين بله

وبيفصل المجتمع عن بعضه

يعنى هنا نار وهنا نار

ههههههههههههه

انا عن نفسى لما وصلت لاولى ثانوى

ايقنت بفشل مؤسسه اسمها المدرسه

وانها مجرد تضييع للوقت

بالاضافه لتعلم اسوأ ما فى المجتمع

فاخدتها من قاصرها

وقضيتها ابتداء من هذا العهد

مناااااااااااااااازل

دا مع الدروس الخصوصيه طبعا

Unknown said...

انا قلت ح نفترض ان فلوسه حلال

بس حتى لو واحد دخله في السنة اتنين مليون دولار ونص من حلال

من مصدر حلال

في بلد زي دي بس زي بعضه
نعتبر كده

هل حلال انه يدفع فلوسه للاجانب وهو في بلد فقير؟

دي اول حاجة

طبعا ما عندوش انتماء

طبعا وقطعا ويقينا

واحد لا بيدرس تاريخ بلده ولا جغرافيا بلده ومكتوب في كتاب الجغرافيا بتاعه على خريطة فلسطين مكتوب عليها اسرائيل

وبيروح كل سنة في معسكر يتقابل مع اسرائيليين

ده المفروض عنده انتماء منين يعني؟

انتماء لايه بالظبط؟

ولا المناهج التعليمية بتاعتنا مش وحشة

السيستم ممكن وحش بمعنى
مرتبات المدرسين وحشة

الفصل فيه عدد كبير


لكن المنهج نفسه مش وحش بالعكس كويس جدا

واحسن على الاقل من التعليم الامريكاني اللي بيفضلوا لحد الصف التاسع ما ياخدوش حاجة خالص

Unknown said...

وبالمناسبة معظم اللي تميزوا في البلد دي

ان لم يكن كلهم

تعليم حكومة مش تعليم انترناشونال

Fatma said...

اتميزوا لما التعليم الحكومي كان لسه بخيره

عشان تحكمي على الجيل دا لازم تستنيى 20 او 30 سنة على الأقل

على فكرة انا ماكنتش في مدرسة في مصرومدرستي كانت انترناشيونال
ولا اتعلمت تاريخ ولا جغرافية مصر
ومعلوماتي عن مصر مازالت محدودة ومعتمدة بشكل كبير على القراءةمش التعليم

بس عندي انتماء لبلدي وكبير جدا
وانا مش حالةفردية

بعدين زي ما يكون مثلا العيال اللي في المدارس الحكومة مثلا عندها انتماء ؟!!!!

يا نوراة جيبي عيال من مدارس حكومة دلوقتي واقعدي اتكلمي معاهم وانتي تشوفي بنفسك بدل الكلام النظري

دروس التاريخ والجغرافية ما بتعملش انتماء
حاجات تانية اللي بتعمل الانتماء دا

بعدين مش كل المدارس الانترناشيونال بتودي معسكرات فيها اسرائيلين
انا بصراحة اعرف كم مهول من الناس اللي
مدخلةعيالها مدارس انترناشيونال
وعمري ما سمعت عن موضوع معسكرات مع اسرائيليين دا

بعدين فين دورالبيت والاب والام دورهم ايه ؟

حكاية فلوسه حلال ولا حرام مش مجال للنقاش
بس هقول كلمتين

لوالاب والام بيشتغلوا وكل واحد فيهم بيقبض 10 الاف جنيه ( دول بيقبضوا المبلغ دا على فكرةعشان اتعلموا في مدارس مش حكومية او دخلوا جامعه مش حكومية او عملوا ماستر او ام بي اي او اي تعليم
من اي نوع مالوش دعوةبالحكومة)

يعني دخلهم في الشهر 20 الف جنيه اوممكن اكتر

بيعرفوا يدخلوا طفلين مدارس انترناشيونال لان اسعارها بتبدي من 20 الف جنيه في السنة
اي نعم بيتزنقوا اوقات كتير بس كله عشان يستثمروا في عيالهم

مش ممكن حد هيبقى معاه اوقادر يعلم عياله تعليم افضل ويرفض

بعدين مانتي قولتي انك ماكنتيش في حكومة
حد سمم افكارك؟
طلعتي ماعندكيش انتماء ؟

اهلي كلهم كانوا في مدارس رهبات ورهبان ومدرسينهم ماكانوش مصريين اساسا ومش شايفةان حد فيهم طلع ماعندوش انتماء

مسألة الانتماء مالهاش دعوة اتعلمت فين

دا رأيي ومتوقعةانكتبقى رافضاه تماما انا بس نفسي تقعدي مع عيال من هنا وعيال من هنا عشان تشوفي الواقع

فرق التعليم كبيييييييييير يا نوارة الفرق واضح بشكل مخيف فوق ما تتخيلي فرق في التعليم وفي الثقافة وفي اسلوب التفكير
فرق مرعب صدقيني

العيل عنده 4 سنين وبيتكلم في
solar system
وتشريح النبات

Fatma said...

اضافة صغيرة

انا مش بشجع التعليم الامريكاني اساسا ومش شايفاه رائع ولا عدل من اصله

البريطاني والفرنساوي والكندي افضل وعلى الاقل مش مشكوك في اهدافه

TAFATEFO said...
This comment has been removed by the author.
TAFATEFO said...
This comment has been removed by the author.
رحلتنا في الحياة said...

هو العيب فعلا مش فى التعليم اكيد المناهج كلها حشو ورغى ملهوش لزوم بس كمان مستوى العيال فى المدراس بقى حاجة صعبة مش عايزين ينفعوا والمدرس اعتمد على انه بيدى دروس خصوصية مش بيشرح فى فصل
انا مع انى ممكن ادخل اولادى مدراس خاصة بس مدارس خاصة مصرية ليه يعنى لازم ادخلهم مدراس خاصة اجنبية
بس برضو المناهج فيا ازمة وخصوصا الوقت الحالى انا لما بمسك الكتب دلوقتى اللى بيدرسه الطالب فى ابتدائى كنا بندرسه فى اعدادى ليه حشو دماغ العيال بحاجات نظرى
اصلاح التعليم يكون تطوير مناهج تناسب كل بيئة يعنى مثلا فى بيئة صحراوية فيها بدو اديهم مواضيع عن الصعيد والزراعة ازاى اذا كان هما ميعرفوش الحاجات دى
الطفل لازم يكون لامس كل شئ بيدرسه

Blank-Socrate said...

متفق مع احمد سعيد
-----------
اضافه انت شايفه ان الطفل اللى بيتعلم فى مدرسه خاصه او اجنبيه معندهوش انتماء
معنى كدا ان اللى بيتعلم فى مدرسه فاشله زباله حكوميه عندة انتماء
ااطفل اللى يتعلم ضرب و اهانه المدرس و فى نفس الوقت ينضرب و يتعذب من المدرس هيكون عندة انتماء
لما يكون النجاح بالغش و الكوسه و تظبيط المدرسين هيكون عندة انتماء
انا اول مرة اعرف ايه القهر كان فى المدرسه الاعدادى لانها كانت حكومى
-----------
مش معنى ان المدرسه الاجنبيه مش كويسه
ان انت تقولى ان الحكومى هو الحل
و التعليم الحكومى
زى الشرطه
زى الجيش
المستشفيات و الكليات و رغيف العيش
و المواطن نفسه فى فساد
يعنى من الاخر مينفعش حاجه واحدة ينصلح حالها
كلها بيعه او شروة واحدة
فساد او عدم فساد

Unknown said...

لا ده فيه تجني

ومافيش فصل ما بين المادة وما بين السيستم

السيستم حاجة والمادة اللي بتدرس حاجة تانية

والسيستم مش ح يتصلح بانك تدخل عيالك مدارس انترناشونال

السيستم يتصلح بان الواحد يتمسك بالتعليم الوطني ويبعت الشكاوي اللي بتقول عليها فنون عشان السيستم يتصلح

ده تعليمنا الوطني

لكن المادة اللي بتدرس مادة كويسة جدا وممتازة

بس السيستم اللي بيتم فيه تدريس المادة هو اللي سيء

لكن واحدة جوزها ما بيصرفش عليها تروح تخونه؟

Unknown said...

وعلى فكرة مقارنة سيستم التعليم بسيستم الشرطة انا ما عنديش مانع فيه

بس بالنسبة للشرطة هل المشكلة في القانون وللا في تطبيق القانون؟

ما عندناش مشكلة قانون

عندنا مشكلة في تطبيق القانون

نفس الحكاية
احنا ما عندناش مشكلة في المناهج

على الاقل المناهج اللي انا درستها

بس فيه مشكلة في كيفية تدريس المناهج

وبعدين: "الفرنساوي والكندي والبريطاني مش مشكوك في نواياهم"

يا سلاااااااااااااااااام

ده على اساس ايه؟

هو التعليم الامريكاني اللي مشكوك في نواياه بس؟

طب ايه رايكوا ان الفرنساوي والكندي والبريطاني بينافسوا امريكا في السيطرة

TAFATEFO said...
This comment has been removed by the author.
Unknown said...

وبالمناسبة

فيه حاجة في طريقة التفكير اسمها

parroting

يعني بغبغة

"المناهج بتربي الاولاد على الحفظ وعلى عدم الابداع وما بيتشغلش مخ الطالب بلا بلا بلا"

يقوم الكل يبغبغ
خصوصا ان التعليم ده من ابوخ الحاجات في حياة الانسان

ماحدش بيحب يروح المدرسة

وبدل ما يطلع هو اللي غلط يبقى احسن نظام التعليم هو اللي غلط

غير عقدة الخواجة بقى

طيب المناهج التعليمية

انا باتكلم على اللي انا درسته وانا خريجة سنة خمسمية قبل الميلاد

المناهج دي اللي انا درستها ماشية على نموذج التعليم الانجليزي

من ايام نبوية موسى لما سنت السنة الحسنة دي

وناس كتير تعبت عشان تعمل لنا تعليم وطني والمفروض نحافظ عليه مش نرميه في الزبالة ونيأس ونروح نتعلم في مدارس انترناشونال

ماحدش عايز يتعب مع عياله

كل واحد عايز يرمي عياله في مدرسة ويخلص ويريح دماغه

ماحدش عايز يدخل ابنه مدرسة وطنية ويتابع معاه ولما يحس بحاجة مش تمام يروح المنطقة التعليمية ويشتكي ويلم اولياء الامور ويجري ورا حقه ويدافع عن كفاح ناس عملت تعليم وطني في عز عز الاحتلال الانجليزي

جتنا القرف

TAFATEFO said...
This comment has been removed by the author.
Unknown said...

لا معلش يا مصطفى انت اللي تراجع قطعياتك لانك كلامك مش مستند على كلام علمي
يعني ما عندكش احصائية حقيقية

انا كل اللي اعرفهم خريجين تعليم حكومي

مينا زكري تعليم حكومي والانجليزي بتاعه احسن من الانجليزي بتاعي وانا كنت مدارس لغات

واعد لك اصدقائي كلهم باستثناءات بسيطة تعليم حكومي وكلهم تعليم محترم جدا

وبلال فضل نفسه تعليم حكومي

واحمد زويل تعليم حكومي

وفاروق الباز تعليم حكومي

والبرادعي تعليم حكومي

جبت منين 80 في المية دي؟ وريني الاحصائية بتاعتك المعتمدة على عينة عشوائية ودراسة مظبوطة

لكن انا قطعياتي لها تسلسل منطقي

واحد بيدرس تاريخ فرنسا وما يعرفش حاجة عن تاريخ بلده

وبيتعلم في المدرسة انه صفوة المجتمع عشان بيتعلم تعليم خواجاتي

وبيدرس ان مافيش دولة اسمها فلسطين وان دي اسمها اسرائيل
وبيطلع معسكرات شباب وبيقابل اسرائيليين
يطلع عنده انتماء منين؟ مش الواحد يبقى عنده شوية منطق كده

اما قطعيتك بانه: مش ح يتصلح بالشكاوي

برضه مش مبنية لا على اساس منطقي ولا اساس علمي

ماحدش اصلا حاول عشان تقدر تحكم

Unknown said...

لا ما تضحكش غير اللي مش متابع بس يا مصطفى

لان دي حقيقة

انت حضرت كورسات القراءة السريعة او حتى قريت كتاب عنها

هي فكرة القراءة السريعة انك تطلع على مراجع عن طريق الفر والتنشين والتلخيص

هي كده

والناس بتدفع في الكورسات دي الاف الدولارات خصوصا طلبة الدراسات العليا

تاني يا مصطفى

انت فعلا برج القوس

عشان مش معنى ان فيه حاجة انت ما تعرفهاش يبقى بالضرورة ما حصلتش

مواطن مصري said...

نوارة في اختلاف كبير بين التعليم الانترناشيوال و الحكومي يعني عاوزة ابنك يطلع جاهل ا المدرس الي بيشرح المادة نفسة مش فاهم زي ما حصلنا ولا نستثمر الفلوس في ولدنا انشاء الله عشان يطلعو متعلمين كويس سواء كان انتر ناشونال او اجنبي

و بعدين مش كل الاغنياء الي مدخلين ولادهم الانترناشونال حرامية انا اعرف ناس مداخلة الولاد انترناشونال و فلوسهم حلال و تعبانين فيها و انتمائهم لمصر و متدينين جداً

و بعدين التعليم و العلم ميعرفش لا أجنبي ولا حكومي يعني ما احمد زويل ابحاثة كلها في امريكا و كالتك بتدفعلة فلوس

ة مش كل مدارس الانترناشونال بتودي الولاد معسكرات فيها اسرائيلين

انا واحد من ضحايا التعليم الحكومي و الخاص في مصر انا المدرسين الي علموني فشلة
المدارس سيئة انا لو المدرس على كفائة

سواء كانت المدرسة انترناشونال او الهندي الي بيدرسلة مستعد انشاء الله لما ربنا يكرم ادخل ابني فيها ولا مدخلهوش مدرسة خاص ولا حكومي


يا ريت يا نوارة لما نتكلم كلنا عن الاغنياء او الطبقة المتوسطة الي قادرة تدخل ولادها المدارس دي منجمعش و نقول كلهم حرامية او فلوسهم مش حلال

لآن فية ناس كافحت و فية ناس اهليها ماتت في حرب اكتوبر و فية ناس سافرت أتغربت 15 سنة عشان تستثمر فلوسها في تعليم ولادها عشان يبنو البلد لان المستقبل في العلم

و العلم ملهوش جنسية ولا دين

مواطن مصري said...

فنون انتي مية مية و انا متفق مع كلام فنون

احمد سعيد said...

المشكله فى السيستم وفى تطبيق السيستم

المشكله فى القانون العبيط اللى مليان ثغرات
وفى تطبيق القانون
وفى المفترى اللى بينفذة

المشكله فى المناهج اللى عاملها مجموعه من البهائم البشريه

وفى نظام طباعه ورق الجرايد اللى بيسموها كتب مدرسيه
علشان يوفرو تمن الورق

وفى المعلومات المغلوطه اللى ماتغيرتش من اكتر من 30 سنه وبنقدمها

وفى المدرسه اللى كانت اصلا منزل والوزارة استولت عليها من خمسين ستين سنه وعملتها مدرسه

والمبانى المتهالكه

والمدارس اللى من غير سور

والصيع والبلطجيه اللى بيدخلوا المدارس بالمطاوى والسنج

المشكله فى المدرس اللى انحدر مستواة الثقافى والمهنى بل والبشرى لاقصى درجه

المشكله فى الاداريين اللى خاربينها فى الادارات التعليميه

المشكله فى الوزير المتخلف هو والطقم بتاعه اللى بيكملوا عليها

المشكله فى الاهالى اللى رافضين نظريه العقاب من اساسها

يعنى التلميذ يدى المدرس بالجزمه والمدرس مايفتحش بقه

ماهو شغال عند اهله

..................

انا متربى فى مدارس الحكومه

وحضرت اواخر العهد المحترم

وبدايات العهد الزباله

باالاضافه لان والدتى عامله بمجال التربيه والتعليم

وواخدة السلم من اوله من اكتر من 35 سنه
يعنى الفيلم قدامى

انا ضد التعليم الاجنبى

وضد التعليم الخاص من اصله

بس دة ميمنعش انه افضل بكتير من الحكومى بوضعه الحالى

وسيبك كم حكايه ان التعليم الحكومى هو اللى بيطلع عباقرة

فنون ردت عليكى

الجيل اللى بيتجرب عليه النظام التعليمى الفاشل دلوقت

مش هيبان الا قدااام

الجيل العبقرى اللى بتتكلمى عليه دة كان ايام التعليم ما كان محترم


انا رافض المدارس دى زيك

بس مش معنى كدة اننا علشان رافضين نمشى يمين
يبقى ننحرف لاقصى اليسار

مش معنى انك بتهاجمى المدارس الحكوميه انك تتغنى بحلاوة وجمال مناهجنا الحكوميه

صح ؟؟؟

ولا انا غلطان ...


المشكله فى المنظومه ككل

مافيش مللى فى مصر الفساد موصلوش

واللى يقول غير كدة ياما جاهل
او غبى
او منافق

ومافيش حاجه هتتصلح لوحدها

يعنى مينفعش نتخيل منظومه تعليميه ناجحه
فى بلد فاسد حتى النخاع

متركبش طبعا

Fatma said...

"لكن واحدة جوزها ما بيصرفش عليها تروح تخونه؟"

ضحكتيني يا نوراة ربنا يسعدك

يا ستي ماحدش قال تروح تخونة
بس نظام التعليم فاسد زي اي نظام حكومي تاني موجود دلوقتي

ومصيبته انه العظمةالاساسية لو انصلح حاجات كتير هتتصلح تباعا
وبما ان الحكومة مش عايزةحاجة تتصلح يبقى اكيد مش هيصلحوا سيستم التعليم اساسا

ياريت ياريت التعليم الحكومي يبقى كويس حد يكره
هو حد يعني غاوي يبهدل نفسه ويصرف تحويشةعمره على تعليم العيال عشان الدولة مش موفراله مناخ تعليم آدمي

الشكاوي اللي بقول عليها شكاوي ضد مناهج في التعليم الاجنبي عشان كدا بتتصلح
انما في التعليم الحكومي هنشتكي ايه بالظبط
ماهوعلى عينك يا تاجر وكلنا شايفيين
وتاني بكرر المشكلة مش في المنهج الا في بعض المواد البسيطة المشكلة في السيستم المنظومة ككل

لما نشتكي من هنا لمليون سنة قدام ولا الدموع

انا من يوم ماوعيت ع الدنيا والناس بتشتكي من التعليم والوضع من سيئ لأسوأ

اصل يعني الدولة مش هتطلع فجأةمدرسين محترمين وتديهم مرتبات مهولة عشان مايدوش دروس ويتقوا ربنا في العيال ولا تبني مدارس محترمة تحترم طفولة الطفل وتخليه يمارس هوايات وحاجات تنمي قدراته الذهنية وتفتحله مخه
ويمارس رياضة و و و دا في الاوهام مش بس الاحلام
مش في مصر بالحكومة دي ابدا ابدا

نسيت اقول كمان على التعليم الالماني انه نظام محترم وان كان عندي تحفظ عليه لانه بيطلع العيال عندهم انا عليا متضخمة زيادةعن اللزوم الحقيقة وبيحسوا انهم ماحصلوش (والحقيقة انهم بيبقوا فعلا ماحصلوش(

مسألة النوايا المشكوك فيها انا ماعنديش اعتراض على فكرة ياريت تخضع المدارس دي لرقابة الوزراة او اي جهة محترمة يا ريت

ممكن بقى نطالب بدا بدل ما نهاجم المدارس الاجنية ونشكر في التعليم المصري اللي غير مشكوك في فشله الذريع خالص نهائي بصراحة

احمد سعيد said...

هرطقه
..........

تصدق بالله

انا محبتش العربى والنحو الا بعد ما خلصت الثانوى

كنت بتخنق منه

وعمرى ما فهمت النحو

بس بعد ما بعدت عن الوزارة دى

وقريت الشعر الجاهلى وتصفحت النحو

من منظور ثقافى بحت

حبيت العربى جدااااا

ولقيت ان النحو دة عبارة عن بديهيات لا تحتاج الى حفظ ولا مذاكرة

زى مربع ارسطو بتاع الفلسفه

كل الناس بتستخدمه من غير ما تعرف

بس هو اتعمل من باب التوثيق العلمى مش اكتر

والنحو برضه


انا كل ما بفتكر المناهج دى بحس انى هجيب اللى فى بطنى

وبيصعب عليا ولاد اخويا الصغيرين اللى لسا هيبتدوا المشوار

رجاء said...

كيف تسربت الى عقولنا هذه الخرافة ؟ خرافة التقدم والتأخر؟ من أول ما يتبادر الى الذهن كاجابة محتملة على هذا السؤال ملاحظة ابن خلدون الشهيرة والتى لا شك فى صحتها أن المغلوب مولع دائما بتقليد الغالب فالانتصار والغلبة فى أى ميدان من الميادين شىء مرغوب فيه دائما والصفة المرغوب فيها تضفى على صاحبها جاذبية قد تخفى عن العين ما قد يتسم به من عيوب . فالقوى والغالب بقوة السلاح ليس بالضرورة أفضل الناس خلقا أو أخفهم دما أو أجملهم منظرا ولكن شدة الجاذبية التى يتمتع بها بسبب قوته وغلبته قد تخدع البصر فيظن الناظر اليه أنه ليس فقط أقوى الناس بل أيضا أفضلهم وأجملهم وأخفهم ظلا وأظن أن هذا الاعتبار وحده ينطوى على تفسير مقنع لعقدة الخواجة خاصة اذا اقترنت الغلبة والانتصار بالالحاح المستمر بمختلف وسائل الدعاية التى يملكها المنتصرعلى أنه يملك الى جانب القوة سائر الفضائل الأخرى .
من كتاب خرافة التقدم والتخلف للدكتور جلال أمين

Fatma said...

طب سيبك من العلم اللي في المدارس

خلينا في الوسط المحيط

1- محاولات هتك عرض في المدارس الحكومة
2- تحرش جنسي من ولاد لولاد زنقوا ابن واحدةاعرفها في الحمام وقلبت الدنيا ولا الهوا

3- الفاظ ما انزل الله بها من سلطان

4- مافيش اداب عامة ولا ذوقيات عامة والمتربي بيتعامل على انه مش راجل وبيتداس بالرجلين

ايه الجو الهلامي اللي مطلوب مني اني اربي عيالي فيه دا عشان خاطر ادعم تعليم بلدي الفاشل اللي الدولة عارفه انه فاشل وبتفشله كل يوم اكتر من اليوم اللي كان قبله ؟

دا الحكومي يا نوراة
التجريبي اقل ضررا

المدراس الخاصة كويسة الى حد كبير

الانترناشيونال بقى العايل بتقرا انسكلوبيديا وهما عندهم 6 سنين
وبيركبوا خيل ويلعبوا كورة تبع مدارس الكورة بتاعت برشلونةوالارسنال ومدربين محترفين وسباحةوخماسي ورماية
و و و و

كل دا من ضمن نظام " التعليم"

المقارنة صعبة يا نوارة
صعبة اوي

ما تفتكريش من كلامي دا اني مثلا مثلا عندي القدرة اني ادخل ولادي لما اخلفهم مدارس انترناشيونال

لا والله ماعندي ولا اقدر
بس اتمنى
اتمنى فعلا اني اقدر احافظ على الحد الادنى من كرامةولادي وهما في مرحلة التعليم واطلعهم باقل قدر من الضرار النفسية

احمد سعيد said...

بصى يانوارة

للمرة المليون

انا ضد التعليم الاجنبى

والتعليم الخاص كمان

لانه اقل اضرارة انه بيوسع الفوارق الطبقيه

شىء جميل لما ابن البيه يتعلم جنب ابن البواب

مش ينفصلوا فى مدارس نضيفه بعيد عن الناس البيئه بتوع مدارس الحكومه

كلنا نتمنى ان التعليم المصرى يكون الافضل

وساعتها كل اللى فى مدرسه اجنبى هيحول على المصرى

لانه الافضل


....................


بس مدارس الحكومه حاليا


..

مش عارف اقولك ايه صراحه


بصى

هاتى اى ميزة انتى شايفاها فى مدارس الحكومه حاليا

وانا اوعدك انى اطلع فيها عيوب

موجودة فعلا

وقااااتله

اى نقطه تعجبك

Anonymous said...

من ناحية المناهج، فانا شايف انه مناهج الدول العربية (وشفت أكتر من واحد) مش حلوة ولا حاجة!!
تاريخ ايه وجغرافيا إيه يا نوارة؟
كم في المية من تاريخ بلدك عرفتيه من المدارس؟
وكام في المية من اللي عرفتيه من المدارس اكتشفتي انه كان كذب في كذب؟

بالنسبة للرياضة والعلوم الطبيعية فدي أصلا مفهاش حلو ووحش..اللي بيحب المجال ده بيتعلمه حتى لو بمجهوده الذاتي..
لكن محدش هيعرف تاريخ بلده ولا يكون عنده انتماء ليها لو ملقيش مربي فاضل عارف ازاي يزرع الانتماء ويكون واحد صاحب مصداقية مش مساح جوخ منافق مزيف..

انا مش عارف ايه المقصود بالمدارس الانترناشونال..في كذا نوع من التعليم ممكن نسميه كدة..

في مدارس مملوكة لأفراد عاديين وبتدرس مناهج جامعة كامبريدج..دي الطالب بيختار فيها (أو أهله بيختاروا له) يدرس ايه وميدرسش ايه..

في كل بلاد العالم ممكن نعتبر المدارس دي متميزة، باعتبار انها مرنة جدا وكل جامعة أو كلية بتحدد متطلباتها من المواد اللي لازم يدرسها طالب الآي جي وبيدرسها ويروح يدخل الجامعة، وبراحته عايز يدرس العربي لغة تانية في عايز يدرسه لغة أولى في برضو عايز يدرس انجلش فرنش أسباني أوردو عايز يدرس رياضة لأي مستوى مش عايز يدرس تاريخ وهكذا..كل ده وارد جدا..

انا كنت باقول في كل بلاد العالم تعتبر متميزة؟..نسيت أقول إلا مصر..الحقيقة العيب في المصريين نفسهم أكتر من غيرهم، ومعلش هزعل الناصرية مني حبتين..

كان أكبر غلط يوم ما عملنا التعليم العالي طريقة وحيدة للنجاح في الحياة..احنا بسبب الحكاية دي بنصوت من الثانوية والناس بتقعد على أعصابها، لأنه الواد -ياولداه- لو مدخلش طب ولا هندسة مستقبله هيضيع وهيروح يشحت على باب الجامع ويبقى من أولاد الشوارع..عشان كدة احنا لو درسنا أي حاجة فاحنا هنعاني نفس المعاناة..الحقيقة مناهج الآي جي دي لا بتربي انتماء ولا بتدرس تاريخ حد ولا بتقابل العيال باسرائيليين ولا بتعمل معسكرات ولا حاجة خالص..هي أقرب ما تكون لثانوي منازل..بس على نظام مفروض انه مريح شوية ومناهج قياسية حاططها ناس محايدة نوعا ما بالمقارنة لغيرهم..انا مظنش انك بتتكلمي عن دول لأنه مدارسهم برضو مظنش انها بخمسة وستين (خمسة وستين مين يا حاجة أكيد تقصدي اللي جايين..)

في بقى مدارس بتكون تابعة أصلا لسفارات دول أخرى، أنا أعرف المدارس الفرنسية..ودي انا شفت عينات من الطلبة بتوعها..
المدارس الفرنسية بيجيلها بالمناسبة دعم من أموال دافع الضرائب الفرنسي ودي طبعا مش فلوس مرمية في الشارع أو بلا مقابل..شفت أطفال -مفروض مصريين- عيطت لما فرنسا خسرت كأس العالم وقعد منهم واحد يحكي لي عن تاريخ فرنسا والثورة الفرنسية وانا طبعا بلقط منه الكلام بالشبه..
طبعا خلينا من فلوس والده هي حلال الحمد لله وهو راجل محترم عشان كدة هو نفسه حس بالمشكلة لما شاف كدة يعني عموما..
وهي حقيقة انه الطفل منهم فعلا بينتمي للدولة اللي هو كان بيدرس في مدرستها بس دي مش انترناشونال وبيروح معسكرات (دول فرانكوفونية في المثال اللي باقول عليه) وبيدرسهم مدرسين من نفس الدولة وثقافتها..وطبعا هي مكلفة جدا..بس دي مش مدارس انترناشيونال :)))

لو عايزة رأيي انا يا نوارة..فانا مش مقتنع بأي نظام تعليم من دول فعلا وشايف في كل واحد عيوب غير مقبولة..والنبي بلاش كلام في الفرق بين المناهج والنظام وتطبيقه، النظام بتاعنا يشمل ما فيه من فساد على فكرة لأنه لو كان في رغبة في اننا نطبقه بشكل صحيح كان اتطبق..دي مش معجزة ولا معضلة..ده غير انه المناهج فاسدة فعلا بالثلث، كفاية انها أول مرة أسمع عن مصطلح (الجهاد على موائد المفاوضات) كانت في كتب المناهج المصرية!!

TAFATEFO said...
This comment has been removed by the author.
مواطن مصري said...

تمام يا فنون و كفاية انو في حادثة اعتداء جنسي حصلت في مدرسة الازهر من كام سنة

Unknown said...

لا يا ستي بطينه ولا غسيل البرك

تاني ماحدش عايز يتعب مع عياله

كل واحد بيتعامل مع عياله على انهم رقاصة في كابريه شغلته انه ينقطها بفلوس كتير

ماحدش عايز يذاكر مع عياله، ولا يتابع، ولا يتكلم، ولا يشوف ابنه بيعمل ايه في المدرسة

كل واحد عايز يجيب فلوس كتير ويأجر ناس تربي له عياله

وياريته بيعرف ينقي اللي يربي له عياله

احنا ناس اخص
اخص اخص

هو انا اتكلمت عن التعليم الحكومي والعياذ بالله، اللي بيلم عيال البوابين والنجارين وصنايعية

انا اسفة والله

الوسط فعلا مش مناسب لولادكوا اللي متربيين على الغالي

طب خلينا في التعليم الوطني مش الحكومي

يعني المدارس التجريبية اللي بفلوس معقولة، المدارس الخاصة اللغات اللي تابعة للوزارة وبتدرس مناهج تعليم مصري على الاقل بتعلم الناس تاريخ بلدهم، مدارس الارساليات اللي تابعة في مناهجها للوزارة

وبفلوس ماهياش شوية ولا بالمجان

لكن فلوس معقولة

مالها المدارس دي؟
اهي مدارس كويسة "والوسط المحيط" فيها كويس مافيهاش ولاد الناس الجربانة اللي بيتعلموا بالمجان واللي مش عايزين عيالكوا يختلطوا بيهم


كل الحكاية انك ح تضطر تذاكر لعيالك وتتابع معاه وتسأله المدرس عمل معاه ايه وقال ايه في الفصل

معلش ح تضطر تقعد مع ابنك ساعة ونص ساعتين في اليوم

تعالى على نفسك بدل ما تسيبه للست الخواجاية ام شعر اصفر

والا بتخلفه ليه؟

نخلي عندنا شوية مسئولية وطنية ومسئولية ناحية عيالنا والا ما نخلفهمش لو ما عندناش وقت ليهم

منه ميت سنة، وفي عز الاحتلال الانجليزي ناس كافحت عشان تعمل لنا المناهج دي ويبقى عندنا تعليم وطني

نبوية موسى اتحبست في زمن الستات ما كانتش بتعتب في الشارع عشان يبقى عندنا تعليم وطني

بقى احنا ناس عندنا اخلاق

وعايزين تفهموني ان اللي بيدخل ابنه مدرسة انترناشونال عايز مصلحة ابنه؟

لا

ده زهقان من عياله ومش عايز يربيهم عايز حد يربيهم له بالفلوس

حاجة مقززة فعلا

--------

ايوة يا مواطن

ماهو انت وطفاطيفو وبلاك سقراط عادة بتتفقوا في النقاط الجوهرية

انا باقول تعملوا حزب سري مع بعض

Unknown said...

بلال فضل مش فوق الخمسين

بلال فضل قدي في السن وانا تعليم ارساليات وهو تعليم حكومة وهو بيفهم احسن مني ميت مرة ودماغه توزني وتوزن عشرة زيي

Unknown said...

يا احمد يا نصر

انت بتقارن ما بين نظم التعليم في مصر وفي العالم العربي؟

انا باقارن يا احمد ما بين التعليم الانترناشونال ومابين التعليم الحكومي

Unknown said...

متشكرة يا رجاء

وفيه كمان كتاب تاني للدكتور جلال امين اسمه موسم الهجوم على العرب والمسلمين

برضه بيتكلم عن التعليم

ومرة قال على جمال مبارك: يعني... عامل زي تلامذتي في الجامعة الامريكية، مش نبيه يعني ولا حاجة

Fatma said...

يا نوراة ليه مصرة تاخدي كلامي على انه طبقي

مانا في اخر رد اديتلك مثال على ابن واحدة اعرفها في مدرسة حكومة الولد متربي وزي الفل بيتمرمط مرمطة عجب من العيال التانية

هوي يعني مثلا الولد دا ابوه مش عامل بسيط؟
انا ماقصدتش ابدا بالوسط المحيط ان الناس اللي ماعندهاش فلوس او طبقتها الاجتماعية اقل ماعندهمش تربية

لا عندهم تربيةوتربية اوي كمان
عشان كدا بتضايق جدا انهم مضطرين يتبهدلوا في التعليم الحكومي الخرا

ومين قالك ان اللي بيدخل عياله مدارس خاصة او انترناشيونال ما بيذاكرش لولاده ومش عايز يتعب ؟

يمكن دا صح بالنسبة للناس اللي مش تعبانة في الفلوس بس النماذج اللي بحكي فيها نماذج شقيانة عشان العيال تتعلم عدل وبالتالي في متابعة ومذاكرة ومراجعة واهتمام وتركيزوتربية وكل حاجة

دول بيحطوا تحويشة العمر عشان العيال تتعلم
دول مموتين نفسهم عشان العيال تتعلم

بيستثمروا في عيالهم

انا ما بتكلمش عن الفئة اللي معاها فلوس بالكومة انا بتكلم عن ناس مكافحين

لانهم جنب المدرسة الانترناشيونال دي بيقعدوا بعد الضهر يعلموا العيال عربي ودين والعيال ماشاء الله عليها بصراحة

ابن واحدةصاحبتي هونفسه اللي بيقرا انسكلوبيديا عنده 6 سنين حافظ الجزء ال 30 و 29 في القرآن بقرائة صحيحة باحكام التجويد والتلاوة

يا نوراة بلاش الكلام الطبقي دا
بلاش النظرة دي بجد ارجوكي

لا انا عنصرية ولا انا بتاعت ياي سوفاج فقرا وكدا

كلنا اهالينا كافحوا عشان نبقى احسن واحنا بنفخر بدا مش بنستعر على فكرة

والتعليم الحكومي زمان كان هايل زيوزي اي حاجة حكومية زمان كانت هايلة

زمان دا خلص

لازم يطلع جيل متعلم يمكن يعرف يعمل حاجة لبلدنا

Anonymous said...

لا انا جمعت بين كل مناهج الدول العربية في سلة واحدة قدام الانترناشيونال..مقارنتش بين مصر والدول العربية خالص..لأنه التعليم المصري فيه نفس الأمراض الأساسية الموجودة في التعليم اللي في الدول العربية..

TAFATEFO said...
This comment has been removed by the author.
مواطن مصري said...

فنون ارفعلك القبعة

Unknown said...

معلش يا فنون

بس لو انت ما فيش في خلفيتك تصور طبقي

عشرين الف غيرك عندهم التصور ده سواء بيعلنوه او مش بيعلنوه

والنقطة دي لازم تتوضح لانك لا انا ولا انت ح نعرف نغير الاتجاه الطبقي في مصر

احنا في مصر شعب طبقي بطريقة معفنة

ليه بطريقة معفنة؟

لان احنا خمسين في المية تحت خط الفقر، وخمسة وتلاتين على خط الفقر

بقول اخر

خمسة وتمانين في المية من المصريين بيئة

ومع ذلك طبقيين

وطبعا ده بارز في الطبقة المتوسطة اكتر

بس حتى الفقرا طبقيين

الست اللي بتنضف لنا بتعاير حماة ابنها انها بياعة خضار على فرشة

على اساس انها هي اللي جولفدان هانم

بس دي نقطة جانبية

احنا مش عايزين نتفرع

احنا عايزين نركز في نقطة اساسية

بالنسبة للتوجه الطبقي المصري اللي مششششششششش ح يتغير زي كده البكارة عند البنات فيه حاجات كده ح تفضل لحد يوم القيامة

بالنسبة للتوجه ده

حتى دول عندهم فرصة لتعليم وطني (مش حكومي) مستواه كويس ومش "لامم" زي ما جارتنا قالت لي

المدارس الارسالية: رمسيس والسلام والانجليش سكول وسانت جورج (جمال مبارك خريج سانت جورج)

واهي بتعلم تعليم وطني

لو فيه وقعات في التعليم الوطني

مهمتنا احنا ناحية عيالنا اننا نتابع معاهم ونقعد معاهم ونتنيل نذاكر لهم

نربي العيال

مش نصرف عليهم

ولو اولياء الامور اتجمعوا مع بعض والحوا في حاجة معينة ح تتحقق

بس احنا بنستسهل

يعني يا اختي انت بتقولي بيشتكوا في المدارس الانترناشونال عشان الخواجات يصلحوا تعليمهم؟

طب ما تعليمنا الوطني اللي بندفع له ضرايب مش اولى بالشكاوى دي

دي نقطة

النقطة التانية

واحد يشتغل زي الكلب ليل نهار ويجري جري الوحوش عشان يدفع لفرنسا وبريطانيا وانجلترا وبلده جعانة؟

ايه الوساخة دي؟

بندفع معونة لفرنسا وكندا؟

طب ده المدارس الارسالية ايام الاحتلال كانت بتقدم خدمات بفلوس رمزية

انما دول جايين يقلبونا في الفلوس؟

الناس بتتقدم وللا بتتأخر

اي مشكلة في المدرسة او في التعليم مسئولية اولياء الامور اصلا

عيب علينا

بقى احنا مستخسرين نتعب مع عيالنا شوية؟ امال اللي اصلا اسسوا مناهج تعليم وطني من ولا حاجة من الاساس

ما كانش فيه غير التعليم الازهري وتحت الاحتلال حطوا مناهج وطنية

لا بجد

انا قرفانة قوي

Ahmad said...

كلنا رافضين تعليم الانتداب خارج سلطة الدولة
بس اولا: خارج سلطة الولة تفرق كتير جدا هي ايه الدولة دي
ثانيا: انا شايف انه لو قعدنا نهاجم المدارس الدولية من هنا للسنة الجاية مش هنغير الوضع الكفة هتميل ليهم و الي قادر هيودي ولاده هناك
الحل لمحاربة اتجاه ما بالاتجاه المضاد
تعليم حكومي محترم
لو قعدنا بقي نشتكي التعليم الحكومي من هنا ل 10 سنين جايين مفيش حاجة هتتغير
الحل هو صراحة منظمات المجتمع و المتطوعين
و طلبة الكليات و الاعلام لازم كل ده يوعي الطلبة الي بيدرسو في المدارس الحكومية و المدرسين و الاهالي
الصراحة انا شايف اننا لازم نعمل حاجات كتير اوي في بلدنا بالدراع
6 ابريل مهما كان يوم غضب او اضراب مش حل لاي حاجة
لو الحكومة ملهاش خطة ليه الشباب النتعلم ميكونشي ليه خطة
6 ابريل 2009 يوم الغضب من سوء التعليم و نشتغل السنة كلها في الموضوع ده
تبرعات لترميم المدارس
توعية للطلاب بالنظافة و الانتماء و نبرزلهم مثل عليا محترمة اتعلمت في مدارسهم
نمشي ورا كل فاسد في وزارة التربية و التعليم و نفضح امه
نعمل تقارير عن المدارس الغير ادمية و ننشرها علي المدونات و اليوتيوب
ناخد مجموعة طلبة من مدارس حكومية و نموذجية و نديهم كورسات مكثفة و نهتم بيهم و ندخل بيهم مسابقات مع مدارس دولية و نوثق النتايج و نقعد نزن و نلح و نعيد و نزيد علي النتايج في المحطات المستقلة
و بعد كدة نكمل الخطة
6 ابريل ( مثلا) 2010 يوم الغضب من الزراعة- الشرطة- الاقتصاد اياكان
مش عارف كلامي ده اصلا صح و لا لاء بس احنا مشاكلنا بقت كتيرة و كبيرة و متشعبة لدرجة صعبة جدا و لازم نبتدي نفصل بينها
و اذا كان احنا متقررلنا اننا نبقي متخلفين في كل حاجة و جنبنا كلب حراسة فده علي ما يسمو بالمسئولين الرسميين
اعتقد انه احنا مفيش كلب حراسة علينا
التعليم الدولي ليه مزايا كتير محدش ينكرها و انا فاكر لما مدرسة ابن اختي قالت في الفصل و هي بتتكلم ان العرب متاخرين راح من نفسه و اشتكاها للمدير و المدير اجبرها انها تعتزر لكل طلبة المدرسة
بس مش هقدر انكر انه قدام المميزات دي في مساويء تغور قدامها اي مميزات
الطلبة بتدرس تاريخ الارض كلها و من وجهة نظر واحدة و الحاجة الوحيدة الي ليها علاقة بمصر هي الفراعنة و خلاص
و هي مش مشكلة انتماء لان الانتماء بيبقي موجود والله و بالفطرة و بدور البيت بس المشكلة الاكبر هي انفصالهم عن واقعهم و مجتمعهم و نظرتهم للناس العادية في مجتمعهم و نظرتهم لامريكا او فرنسا كمثال اعلي للتقدم

مواطن مصري said...

نوارة انتي شايفة ان كل الاغنية حرامية مش شايفة حد تعب و شقى انتي ممكن ربنا يكرمك و تبقى من اصحاب الملاين و يجي واحد بعد عمر انشاء الله و يقول دة فية واحدة عندها ملاين اكيد متعبتش فيها و يكتب زيك كدة هترضيها لنفسك
؟

Unknown said...

خمسة وستين الف جنيه.... مكافح؟

مكافح بيدفع لابنه خمسة وستين الف جنيه في السنة؟ باعتبار انه ابن واحد اصلا

معلش وسعت منك دي يا فنون

Unknown said...

لا اعوذ بالله انا ان شاء الله مش ح ابقى من اصحاب الملايين

وعلى كل حال انا قلت حرامي؟ انا قلت مش ممكن يبقى مكافح

مكافح مليونير ازاي يعني؟

ايه الكفاح ده اللي بيجيب ملايين

ما يقولوا للناس كلها عشان يكافحوا زيهم

ثانيا

طيب

مكافح وجاب ملايين

كافح في ام البلد دي اللي علمته واكلته وخلته بني ادم مكافح مليونير

يروح يدفع فلوسه لانجلترا والمانية وفرنسا وامريكا؟

طب ما يغور من هنا خالص احسن

يهاجر بكفاحه وياخد عياله يتعلموا تاريخ فرنسا وانجلترا وكندا ويريحنا احنا

عشان لما عيل يطلع ما يعرفش تاريخ ولا جغرافيا ولا لغة بلده وبعد كده يبقى وزير (مؤكد ح يبقى وزير عشان جمال مبارك ح يجيبه) ويطلع ميتين ابونا احنا عشان هو محتل بس شبهنا

Fatma said...

انا بعيط عى فكرة :)

اللي بيدفع لمدارس انترناشوينال اخد المقابل

اللي بيدفع في مدارس خاصة بردو بيدفع لافراد واخد المقابل

انا الضرايب دي بعتبرها صدقة طلعت من ذمتي ومش مستنية حاجة من البلد في مقابلها لان اي حاجة بتوفرها البلد في مقابل الضرايب دي بتبقى لا تصلح للاستخدام الادمي
انا عمري ما ستفدت من الضرايب دي خالص وكل ماقول كدا ابويا يقولي مش في شوارع بتمشي فيها مش في كباري اديكي بتستفيدي منها

ماعلينا
انا ذكرت في واحد من ردودي ان المدارس الخاصة كويسة

مدارس الارساليات كان اخرها جيلي بعد كدا بدأ الوضع في الانحدار الاخلاقي والتعليمي المريع

بس بردو احسن من الحكومة

مدارس الرهبات بقى شبه مستحيل ان حديعرف يدخل ولاده فيها بالذات لو هو مش خريج المدرسةدي من الاساس
تعليمه افضل من الحكومي ومن التجريبي وافضل من الخاص او يساويه تقريبا

انتي رافضة فكرةالانترناشيونال لاسباب في بعض منها منطقية زي انها لا تخضع للوزارة والنقطة دي معاكي حق فيها

انما مسألة الانتماء انا مش معاكي فيها خالص

زعلانةعشان احنا رافضين تعليم بلدنا بدل ما تقولي اخص علينا اننا عايزين نعلم العيال عدل قولي اخص على الحكومة اللي ضيعت مجهود ناس شقيوا عشان البلد دي

الحل نصلح الحكومة
مش نلغي البدائل
الحل نلحق ما يمكن انقاذه ونعلم الجيل الجديد عدل يمكن يبقى في امل منه في نهضة البلد دي

Unknown said...

وبعد كده فيه مدارس خاصة بعشرتلاف وعشرين الف

اذا مصممين يدفعوا فلوس كتير

ومدارس كويسة قوي بس بتعلم تعليم مصري تابع لوزارة التعليم المصرية

Ahmad said...

:) المدارس الي ب 10 و بعشرين مش بتعلم الاكسنت

Fatma said...

اقسم بالله مكافحين واهاليهم مكافحين وناس شغالة في حلال وبيتقوا الله

وماعندهمش ملايين ولا حاجة

هما كل اللي حيلتهم بيحطوه في تعليم العيال

انا اهلي كانوا النموذج دا بالمناسبة
وماحلتهمش حاجة

علموا البنات كويس وشكرا
ماحلتهمش حاجة بجد

استثمروا فينا وحطوا اللي وراهم واللي قدامهم فينا

واحنا كبرنا وبنكافح بردو عشان نرد الجميل لاهالينا ونشيلهم ونعوضهم ونعرف نعلم ونربي عيالنا زي ما تربينا

Fatma said...

وفي مدارس انترناشيونال ب 20 الف بردو

لوقدامي خاص ب 20 وانترناشيونال بردو ب 20 هدخل انترناشيونال لانه افضل

وابقى اتعب شوية عشان اعلهم تاريخ وجغرافيا وعربي ودين

مواطن مصري said...

نوارة هاتيلي مدرسة حكومي بلدي الفصل بتاعها في الحضورر العادي يصل ل 20
تلميذ

Unknown said...

بتعيطي ليه؟

اللي دفع فلوس لانجلترا وفرنسا اخد مقابل؟

اخد ايه؟

اخد انه عيل اهبل ما يعرفش حاجة عن تاريخه وفاكر ان اللي بلد اللي جنبه دي اسمها اسرائيل وبيتكلم عربي مكسر

ده اللي اخده

طب ما يسافر ويهاجر وياخد الجنسية اذا البلد دي مش عاجباه ولا عاجبه تاريخها ولا جغرافيتها

لا اخص علينا والف اخص

انا ح اعيد تاني؟

كان من ميت سنة فيه احتلال في ام البلد دي

احتلال عسكري

عساكر الانجليز كانوا بيمشوا في الشوارع وبيرفعوا السلاح في وش المواطنين المصريين

وما كانش فيه تعليم وطني غير تعليم ازهري او يتعلموا في البيت

وكان فيه ست

من طبقة متوسطة

شكلها وحش قويييييييييييييي

وفخورة بان شكلها وحش


اخدت الابتدائية الانجليزية - وده اللي كان مسموح بيه - وكانت بتهتف في المدرسة في تحية العلم: يعيش جلالة جورج الخامس

هنا في مصر

ونشفت دماغها تجيب مدرس رياضيات في البيت الى جانب مدرس العربي والدين اللي كانت الطبقة المتوسطة بتجيبه لبناتها في البيت عشان يعرفوا يجمعوا جملة مفيدة بالعربي

واخوها ما رضيش

راحت جابت من ورا اهلها كتب الرياضيات والعلوم وذاكرتها

وفاجئتهم بانها دخلت امتحان الباكلوريا

وطلعت من الاوائل

وكانت اول ست مصرية تدخل امتحان الباكلوريا

وبعدين دخلت المعلمات

واشتغلت مدرسة وناظرتها كانت انجليزية


الست دي اخدت قرار انها تعمل تعليم وطني

مناهج دراسية وطنية تدرس فيها تاريخ مصر والوطن العربي والدين والجغرافيا بتاعة مصر والوطن العربي

كانت اول واحدة تعمل كده

الست دي اسمها نبوية موسى

والست دي لفت القرى والنجوع عشان تعلم "بنات الاشراف" دي سلسلة مدارسها

والست دي اتحاربت من وزير التعليم اللي وقتها كان عميل للانجليز وكان اللي بيشرف عليه مندوب انجليزي

والست دي اول ست في تاريخ مصر الحديث يتقبض عليها بتهمة سياسية

لانها كانت عايزة تعمل لنا كرامة وتعليم وطني وتاريخ واحترام لنفسنا

والست دي لو عايشة دلوقت كانت تفت علينا عشان احنا مكسلين نربي عيالنا وعايزين نرميهم لحد تاني يربيهم لنا

ومكسلين نطالب بضرايبنا بدل ما نعتبرها صدقة

بتتصدقي على الحكومة؟

ومكسلين نجري ورا تعليمنا الوطني ونلح في تحسينه بدل ما نهرب منه وندفع فلوس لناس عايزة تعملنا قرد بصديري تلعبه وتشخ في دماغه وتعلمه اللي هم شايفينه

وهاتي اي عيل من المدارس الانترناشونال واساليه البلد اللي جنبك اسمها ايه

وده الفيصل بيني وبينك في مسألة الانتماء

TAFATEFO said...

آسف مقدماً

دا حضرتك اللي قلبتيها عنصرية .. وتطاول ملوش أي داعي

واحد يشتغل زي الكلب ليل نهار ويجري جري الوحوش عشان يدفع لفرنسا وبريطانيا وانجلترا وبلده جعانة؟

ايه الوساخة دي؟

بندفع معونة لفرنسا وكندا؟


لا يا فندم .. هما مش بيجروا زي الكلاب ولا حاجه .. ومش بيدفعوا لانجلترا وفرنسا معونة .. هما بيصرفوا على تعليم أولادهم .. ممكن تقوليها بيستثمروا في أولادهم

اللي بيروح مستشفى أجنبي أو بيسافر بره علشان يتعالج أو يتعلم أو أو أو بيلتحق بجامعات أو مدارس أجنبية في مصر .. شايف (وهو حر ومش مضطر يبرر لحد) ان المؤسسة الأجنبية دي أفضل لابنه وعايزه يتعلم فيها .. يتعلم الكرامة والانسانية والتفكير

خمسة وستين الف جنيه.... مكافح؟

مكافح بيدفع لابنه خمسة وستين الف جنيه في السنة؟ باعتبار انه ابن واحد اصلا


مكافح مليونير ازاي يعني؟

ايه الكفاح ده اللي بيجيب ملايين


يروح يدفع فلوسه لانجلترا والمانية وفرنسا وامريكا؟

طب ما يغور من هنا خالص احسن


طبقية وعنصرية وتعريض .. وبعدين تفتكريها بلد حضرتك وعايزه تغوري منها اللي مش على مزاج سيادتك .. اللي هما بيدوروا (ومن حقهم) لأولادهم على مستقبل (زي ما هما شايفين ومش لازم أبداً يستأذنوا حد ومش من حق حد يحاسبهم) .. ايه وجه الغرابة في المكافح مليونير يعني؟؟ ومين قال انها معونة وعلى أي أساس ممكن حد يفهمها كده؟؟ وليه الواحد ميدورش لابنه على أفضل الظروف؟؟!! وازاي ممكن أي حد ينتقد ده؟؟ حاجه غريبه جداً

الناس اللي بتروح تاخد كورسات لغات في المراكز الثقافية دول كمان بقى بهايم وقللات أدب وما يغوروا من البلد دي .. مالها القوات المسلحة؟؟

وبعدين ترجعي تقولي

أنا قرفانة

وأنا متأكد ان بعد المكتوب ده لازم حضرتك تبقي قرفانة

ايه ده؟؟ ايه العنجهية والصلف ده؟؟ مش عارف ليه ناس بتدي نفسها الحق في محاكمة البشر على هواها .. واللي مش عاجبه يبقى خاين ويغور من هنا أكن حضرتك ليكي فيها أكتر ما ليه .. أو أكنه نازل ضيف في بيت حضرتك

حضرتك اللي طبقية وعنصرية واللي مش عارفاه أو مش مقتنعة بيه يبقى مش حقيقي .. واللي عارفاه هو الأمر الواقع لا جدال

واضح ان حضرتك برج القوس اللي بتقولي عليه

آسف مره تانية

مواطن مصري said...

اة طيب ما الفقراء و الفلاحين الي في الصعيد خريجة مدارس حكومة اكتر ناس بيسافرو هجرة غير شرعية و ممكن يبيعو كل حاجة في مقابل انهم يسافرو دول بردو خريجة تعليم حكومي


شوفي دة و شوفي دة

مواطن مصري said...

نوارة شوفتي دة معمر القذافي قال كلمتين لملك السعودية
http://www.youtube.com/watch?v=L5YPOjrK0r4


بقى دي القمة الي طايرين بيها السماء جاتهم نيلة

TAFATEFO said...
This comment has been removed by the author.
Unknown said...

بيشتغل زي الكلب دي معناها معروف في كل اللغات يا مصطفى يعني بيشتغل كتير، في كل اللغات
واطلع من دماغي عشان لا مؤاخذة انت لك حاجات كده مخك بيقفل فيها وبيبقى عامل زي المغارة الضلمة اللي مليان عنكبوت

بص اتكلم مع مواطن مصري
ربنا يوفقكوا مع بعض

المهم يا فنون

صادقة يا ستي من غير حلفان

:)

مكافحين

خلاص مكافحين

مش فيه واجب على اللي كافح وربنا وفقه ناحية بلده؟

امال احنا بنتكلم عن الحركة الوطنية اللي كانت ايام الاحتلال اللي عملت اقتصاد وطني وتعليم وطني وجمعيات اهلية وطنية رفضت انها تاخد تمويل من زوجة اللورد كرومر وهي موجودة في البلد وتحت الاحتلال

طب ما كل دول يا حبيبتي كانوا اغنيا وكانوا ... احم، مش مكافحين بس على الاقل وارثين

وابتدوا من الصفر

احنا مش محتاجين نبدأ من الصفر

احنا محتاجين بس نطالب بحقنا في المؤسسات الوطنية اللي تعب فيها ناس ماتوا مفلسين عشان احنا نرمي شقاهم ونروح لمؤسسات الانتداب الجديد

بصي يا فنون

انك تبعتي ابنك يتعلم برة

حاجة

وانك تساهمي في ان ابنك يبقى مشارك في غزو ثقافي تعليمي يثبت اقدام واسس الانتداب الاجنبي الجديد دي حاجة تانية يا حبيبتي

المدارس دي لو ماحدش دخلها ح تقفل وتمشي

لكن طول ما بيدخلها ناس ح تفضل موجودة وهي ح تيجي وتجيب وراها جرايرها

ترضي بلدك تحتل بعد ما ناس تعبت عشان تحررها

mido said...

الرسالة وصلتك علي الميل؟

Anonymous said...

بقي احنا مشكلتنا مش ان المناهج متخلفة؟؟؟؟؟؟؟؟؟؟؟ما تسألي سيادتك كده طلبة ازهر اللي مناهجهم متغيرتش من ايام ما كان محمد عبده رايح يخطب,,,,,,وسياتك بقي المدارس الحكومة هي اللي بتطلع وطنين ومصريييين,,,يا ست نوارة انا كنت قاعدة مع عيل في مدرسة لغات بيكلم انجليزي زي الفل وانا بلا فخر بعد ستاشر سنة اخري ثانك يو,,,اللي بيدفع خمسة وستين الف في السنة يا ست,,دي مداس مش بتعلم بس دي بتبني شخصية العيال,,مناهجها مش حاجة صوليد كده انما ابحاث تكلمي عيل تلاقيه كده لبق ومتطلع ,,ياخدوا شكسبير وهما في ابتدائي واحنا لسة بناخد الصقر الجرئ يا شيخا بلا وكسة

mido said...

@founoon

@tafatefo

@مواطن مصرى

بلال فضل عايز يقول كلمة أخيرة فى الموضوع ده

Unknown said...

واللي بيتكلم انجليزي زي الفل ده بيعرف يتكلم عربي زي الفل برضه؟

البحرية الامريكية تعاقدت مع الجامعة الامريكية لدراسة الامراض المصرية
!!!

كل دولة لها اطماع استعمارية بتبتدي بالمدارس والشركات الاقتصادية وبتنتهي بالتدخل العسكري

مش ممكن ربنا انعم علينا بكل هذا الكم من الغباء ان الحكاية تتكرر بنفس البنطلون بنفس الفانلة واحنا بنكرر الغلطة تاني بنفس البنطلون بنفس الفانلة

ما اهو الاحتلال الانجليزي في مصر والهند ابتدا كده

الاول الشركة الشرقية
(دي استثمارات وهي دي فيها حاجة)
وبعدين مدارس
(ده تعليم هي دي فيها حاجة)
وبعدين مستشفيات
(مش كتر خيرهم بيعالجونا)
وبعدين قوات احتلال

عساكر احتلال ودبابات في شوارعنا
وكل واحد دلوقت بيلحق يحط رجله عشان تبقى قوات متعددة الجنسيات بقى

الاول المدرسة البريطانية
وبعدين فرنسا قالت واشمعنى احنا
وبعدين كندا قالت واشمعنى احنا وبعدين المانيا قالت واشمعنى احنا
ده ايطاليا قالت واشمعنى احنا
يعني احنا كان ناقصنا مدارس انجليزي وفرنساوي والماني

ما عندنا
هو احنا اغبيا؟ اغبيا؟ اغبياااااااااا؟

mido said...

@ نوارة

فريت مقال بلال الاخير

Unknown said...

ايوة يا ميدو شفت مقال بلال

ما اي مدرسة انترناشونال مش بتبقى ارض مصرية
المدرسة البريطانية ارض بريطانية على ارض مصر
والمدرسة الفرنسية ارض فرنسية على ارض مصر
وهكذا دواليب
ومش ح تبقى خاضعة للرقابة اللي بلال عايزها لانها اصلا اراضي غير مصرية وتابعة لحكومات غير مصرية
دي حاجة تانية غير مدرسة لغات تابعة لوزارة التعليم المصرية
هو احنا بنقرا في سورة عبس؟
وبعدين يرجعوا يقولوا الفلسطينيين باعوا ارضهم

ده احنا بعنا الهدوم اللي علينا

TAFATEFO said...
This comment has been removed by the author.
Unknown said...

اري ان النقاش محتد حول هذه القضية علي الرغم من انها قضية قديمة جدا منذ ايام الاحتلال البريطاني , ولعل من الملاحظ ان معظم الساسة العرب خريجي فكتوريا كوليج والليسيه وغيرها من تلك الانماط الغربية في التعليم
وقديما في الخمسينات كان خريجي جامعة القاهرة مثلا يفوق خريج الجامعة الامريكية بمراحل سواء من الناحية العلمية او من وجهة النظر الوطنية في ذلك الوقت
ولكن هنالك اسئلة تستحق ان تطرح
هل التعليم هو المعادل للانتماء ؟
اذن فما هو موقف من لم يتلقي تعليما علي الاطلاق وهم كثر في مجتمعنا
اذا فرضنا ان من يملك القدرة المالية علي ان يلتحق بتعليم متميز اجنبي وفضل ان يبتعد عن هذا التعليم المشبوه فهل يستطيع الفكاك من العادات الرائجة في طبقته او من النظم الغربية والتي اصبحت سمة عالمية في كل الشركات سواء مصرية او اجنبية ؟
هل من يتلقي تعليمه خارج البلاد يعتبر انتمائه محل شك ؟

اعتقد ان العلم والتعليم يجب ان يظل خارج هذا الاطار فالعلم لا وطن له - ولكن ان شئنا نجب ان نحارب البرامج التي تنادي بالتطبيع او دعوي التعايش حتي استعادة الحق المسلوب.
كما ان الانتماء هو قضية تعليم , ومناخ , وسياسة ...... الخ

لكن لاشك ان التعليم الوطني ليس بهذا السوء وانا احد ابنائه بالطبع ولكن خريجي التعليم الوطني يعانوا من ندرة في الفرص - واصبح خريجوه حاملي شهادات دون ان ينفعوا او يضروا
ولعلك تتذكري ندائك لخريجي قسم عبري , فمعظم المتعلمين لديهم علم ولكن لا ينتفع به سواء لاحباط حامليه او سوء المناخ المحيط بهم .
بقي ان اقول ان اينشتين رفض ان يتولي رئاسة اسرائيل وقد عرض عليه المنصب مرارا ورفض كما انه لم يسعي من الاساس للحصول علي الجنسية الاسرائلية
كما انه حينما ادرك خطورة القنبلة النووية وبعض العلماء الشرفاء والعاملين في مشروع مانهاتن ارسل مذكرة الي الرئيس ترومان برفضهم لاستخدام تلك القنبلة وفي عقب ارتكاب ترومان لمجزرة هيروشيما ونجازاكي قام اينشتين واخرين ومنهم الفيلسوف برتراند راسل بما عرف مؤتمر باكاش للتضامن من اجل السلم والامن في العالم .

ومن العلم ما قتل

وشكرا

Unknown said...

ايوة يا ميدو شفتها

ما الكلام ده لا ينطبق على المدارس الانترناشونال

فيه مدارس خاصة لغات
وفلوسها مش قليلة ولا حاجة

ولو عايز تقدم على ثانوية انجليزي او فرنسي تقدر

لكن المدارس دي تابعة لوزارة التربية والتعليم المصري

دي مدارس مصرية على ارض مصرية

مش اراضي محتلة من دولة غريبة تعلمهم تاريخ بلد غير بلدهم وجغرافيا غير جغرافية بلادهم

دي مدارس مصرية متطورة

دي حاجة تانية غير الانترناشونال

TAFATEFO said...
This comment has been removed by the author.
Unknown said...

طب ولما انت مش عارف بتفتي ليه؟

اه هي وضعها زي السفارة وزي الجامعة الامريكية

ما الجامعة الامريكية ارض امريكية مش مصرية وكذلك البريطانية والفرنسية والكندية الخ
كل واحدة تابعة لقانون البلد اللي هي جاية منها

امال احنا بنقول في ايه؟

وبعدين انا مش قلت لك تطلع من دماغي؟
انا بانزل الهيستيريا وطولة اللسان بتاعتك عشان بانزل كل الاراء بس ... خليك مع مواطن مصري

TAFATEFO said...
This comment has been removed by the author.
TAFATEFO said...

لا مش أنا اللي بفتي .. وعموماً بسيطة

ولا تزعلي نفسك حضرتك

Fatma said...

طب ما بلال اهو بيقول شبه اللي احنا بنقوله

ماحنا قولنا يبقى في رقابة على المدارس دي

ومتابعة من الاهل

ونستبعد منها مدارس ونعرف الناس استبعداناها ليه واولهم المدارس الامريكاني

واتكلمت عن المدرسة الدولية اللي بيتكلم عنها بلال وهي مدرسة الحياة اللي بتدرس دين زي الازهر وبردو انترناشيونال

الاختيار بعقل مش الرفض من حيث المبدأ

يعني مش شايفة انه بيقول عكس كلامي بصراحة
هومش رافض المدرسة الدولية جملةوتفصيلا هو رافضها لاسباب وموافق عليها بشروط

والشروط دي ممكن توافرها
لواتبعتت شكاوي

عموما عشان النقاش بقى طويل اوي

انا هسألك ولاد صحابي حاضر مع ان ابن صاحبتي بردو اللي عنده 6 سنين اللي بحكي عنه من الصبح
وقت احداث غزةالاخيرة كان بيتفرج معانا على الاخبار وبيسأل عشان يفهم
وفي يوم لاقيناه بيعيط عشان عايز يحرر فلسطين :)

اللي عايزه اقوله ان حتى لو فرضنا انهم بيسمموا افكارهم فعلى الاقل بيعلموهم يفكروا اساسا ودي في حد ذاتها نقطة ايجابية ولازم الاهل يستغلوها صح في بناء شخصية وطنية

Unknown said...

http://www.bue.edu.eg/

http://www.bisc.edu.eg/nschool/welcome.php

Unknown said...

يا فنون يا حبيبتي

هو انا ح اعيد وازيد في نفس النقطة؟

يبقى عليها رقابة ازاي وهي تابعة لحكومة تانية

ما كانتش العين بكت

وما كانش بلال كتب اصلا

وما كانش العيال غنوا نشيد وطني اجنبي ودرسوا تاريخ اجنبي وجغرافيا اجنبية وحيوا علم بريطانيا في طابور الصباح

ما يفتحوا المدرسة العبرية بقى بالمرة

هي جات عليها يعني؟

انا خايفة بس تكوني بتتكلمي على حاجة تانية غير اللي انا باتكلم عليها

انا مش باتكلم على المدارس اللي تابعة للوزارة وبتقدم نظام تعليم موازي انترناشونال

دي مش اسمها مدرسة انترناشونال

مدام تابعة لوزراة التربية والتعليم المصرية

احنا بنقول عليها مجازا انترناشونال لكن هي مدارس مصرية خاصة بتقدم اختيار التعليم الانترناشونال

انا خايفة تكوني بتتكلمي على الحكاية دي

انا باتكلم عن حاجة تانية

باتكلم عن مدرسة تبقى هي ارض اجنبية وغير تابعة لوزارة التعليم وبتحيي العلم الاجنبي وبتقول اناشيد الاجنبية وما يعرفوش عربي

فاهماني

احسن نكون كل ده بنتكلم عن حاجة تانية

Unknown said...

اتفضلي يا ستي

http://www.bisc.edu.eg/nschool/life.php

يعيش جلالة جورج الخامس

عشان لو حد من الادانب حب ييجي يعيش في مصر ما يعملش ولاده في مدارس الجرابيع بتاعتنا

وصلتي وللا لسة جاية في السكة؟

ما داهية يا بت تكوني مدخلة عيالك مدرسة طيبة وعمالة تتخانقي ده كله عليها

:D

Fatma said...

ههههههههههههههههههههههههههه

هتوتيني من الضحك يا نوراة مش قادرة

لا يا اختشي انا مش متجوزةاصلا

لا احنا بنتكلم عن نفس الحاجة انا ما بتكلمش على المدارس الخاصة اللي بتدي منهج الوزارة بس بلغة تانية

انا اللي اعرفه ان مافيش ولا مدرسة ارضها بتتعامل كأرض سفارة غير المدرسة الامريكية اللي في المعادي ودي اساسا ما بتقبلش غير امريكان يعني مافيش خطر منها على المصريين

انما غير كدا انا هتأكد واقولك
مع اني بردومش شايفاها مشكلة

بالنسبة للعلم والتحية انا مش شايفاها مشكلة انا بردو كنت بحيي علم تاني وبقول نشيد بلد تانية وماطلعش عندي اي انتماء ليهم :)
يظهر انا قليلة الاصل بقى ولا ايه

لا بجد عمري ماحسيت اني بنتمي لاي مكان غير مصر
يمكن زمان كان عندي انتماء لبلدي اكتر من دلوقتي

Unknown said...

واقري اللنك ده يا فنون كمان

http://www.bue.edu.eg/about_history.aspx

وحي القلم said...

التعليم في مصر فاشل
ولا عزاء للمصريين

Fatma said...

يعني قياسا على كلامك بلاش جامعة امريكية
ولا بريطانية
ولا كندية
ولا المانية

ونكتفي بالقاهرة وعين شمس

واللي معاه قرشين زيادة يدخل قسم التعليم المتميز في القاهرة او عين شمس

في سفالة وقلة ادب كدا )
دولة عاملة في جامعتها حاجة اسمها تعليم متميز بفلوس
يعني اعتراف ضمني ان التعليم العادي بتاعها فاشل)

واللي عايزيتعلم عدل يدفع الافات
بس للحكومة بردو

دا كلام يا نوارة !

Unknown said...

لا يا حبيبتي

اللنك الاخير اللي انا حاطاه بيقول ان الجامعة دي في اطار التعاون البريطاني المصري
تعاون الحكومة البريطانية مع الحكومة المصرية

طب مدام تعاون

احنا كمان نعمل فرع لجامعة القاهرة في لندن

ده ولا ايام الخديوية لما جابوا الامتيازات الاجنبية

والله هي هي

انت كنتي بتحيي علم تاني؟

فين ده يا فنون؟ انت كنتي في مدرسة ايه؟

لا انا عمري ما حييت علم تاني غير علم بلدي ولا غنيت نشيد تاني غير نشيد بلدي

صحيح هم عملوا لنا اغنية بلادي بلادي بالانجليزي
:)
ايجبت ماي دير نيتف كنتري اي او يو اول ماي لايف

على نغمة بلادي بلادي بلادي لك حبي وفؤادي

هههههههه
هم ايه اللي كانوا بيعملوه فينا ده؟

وكان عندنا جامع في المدرسة
وكنت كل شوية ازوغ من الحصص واقول للمدرسة رايحة اصلي

والمدرسة مسيحية ومش عارفة انا باصلي ايه اصلا

ههههههههههههههه

بس كل ما ازهق من الحصة اقول لها رايحة اصلي

وعشان ما ابقاش كدابة اروح اصلي ركعتين في الجامع واستخبى بعد كده ولما اتقفش يبقى نهار اسود

هههههههههههه

والله انا ياما عملت في المدرسين

بس لا يبقى اللي انت بتقوليه غير اللي بيقوله بلال خالص يا فنون

كلامه واضح قال مش ح اودي ابني مدرسة يحيي فيها علم غير علم بلده ويغني نشيد وطني غير نشيد بلده ويدرس تاريخ غير تاريخ بلده

واللي بيحصل دلوقت ان البلد بتروح مننا

بتروح مننا
تعليمها بيروح مننا واقتصادها بيروح مننا واراضيها ومصانعها بتروح مننا

البلد بتروح مننا وكل واحد مش هامه غير نفسه

مهندس مصري بيحب مصر said...

متابع النقاش

Unknown said...

اه نسيت اقول لك

لا فيه مدارس مصرية بتقدم مناهج وزارة التربية والتعليم بالانجليزي وبتقدم اختيار (بيبقى اختياري) انك لو عايزة تدرسي انترناشونال تقدري بس على شرط تاخدي التاريخ والدين والعربي والجغرافيا من وزارة التربية والتعليم

Unknown said...

اه
والعيال بيختارو بقية المواد انترناشونال عشان اسهل

Fatma said...

اه عارفه المدارس دي بتبقى مدارس خاصة فاتحة قسم انترناشيونال

ودي هايلة بردومالها

عموما المدارس اللي بتحيي العلم وبتقول نشيد وطني بتاع دولةتانية قليلين اوي وبردو هتأكدلك بس يعني المدرسة الدوليةالباكستينية فاتحةمن قرون وبيعملوا كدا وبيدخلها مصريين بس قلة قليلة وعمر ماحد اعترض وقال بيحيوا العلم الباكستاني :)

انا ماكنتش في مصر يا نوارة انا جيت مصر ع الجامعة مدرستي ماكنتش في مصر كانت في بلد عربي تاني بس كانت انترناشيونال

Unknown said...

فنون

آآآآآآآآآآه

انت بتثيري شجوني يا فنون

بصي يا ستي

الجامعة الامريكية فضلت شهادة غير معترف بيها في مصر لحد ما بنت عبد الناصر دخلتها لانها كانت بت خايبة والجامعة الامريكية كانت بتاخد مجاميع قليلة

وبعد ما اتخرجت منى منها بقت بقدرة قادر معترف بيها

بعد شوية تم اهمال التعليم الوطني اللي بنوه الوطنيين بصيغتهم ومجهودهم وتعبهم وبقى التركيز اكتر على الجامعة الامريكية

خصوصا ان الست شجر الدر كمان خريجة الجامعة الامريكية

وفيه، على رأي مينا، تعمد لتخريب التعليم الوطني

هم قاصدين يخربوه ويضعفوه

بعد ما كانت مكتبة جامعة القاهرة زهرة المكتبات في العالم العربي بقت مكتبتها خردة

وبقى الاهتمام اكتر بالجامعة الامريكية

وكل شوية الست رايحة الجامعة الامريكية وجاية من الجامعة الامريكية

وزي ما انت عارفة اوروبا نفسها ترجع مكانتها اللي اخدتها منها امريكا

فنزلت بتقلها هي كمان

والنظام اللي عامله الخديوي الجديد بتاعنا انه فاتح البلد على البحري لاي خواجة ييجي

وبيتعمد يخرب اي حاجة وطنية

الاقتصاد اللي عمله طلعت حرب خربه

التعليم اللي عملته نبوية موسى خربه

الجمعيات الاهلية الوطنية اللي عملتها هدى شعراوي اتخربت

المصانع اللي اتعملت في الستينات بيفكها ويبيعها لحساب المستثمرين الاجانب

وعامل دلوقت مصر مستعمرة

طب المستشفى الايطالي والمدرسة الايطالي كانوا بيخدموا الرعايا الايطاليين اللي كانوا موجودين في مصر اياميها

طابور الجامعات والمدارس والاستثمارات الاجنبية ده بيخدم مين؟

يا جدعان بلدنا بتروح مننا

هاتوا مصحف احلف لكوا عليه ان مش ح يمر اكتر من عشر سنين قبل ما تشوفوا قوات التحالف بتتجول في شوارع مصر لو الحال فضل على ماهو عليه

التاريخ بيعيد نفسه

وابن القديمة ماسك في اسود حتة في تاريخنا وعمال يعيد فيها زي الاسطوانة المشروخة

Fatma said...

انا حاولت اغني بلادي بالانجليزي بالكلام اللي انتي كاتباه على اللحن وفشلت تماما :)

آه

سألت صاحبتي ولادها في المدرسة الكندية هما ولادك بيحيوا العلم الكندي وبيقولا النشيد الوطني الكندي

قالتلي ايه الهبل دا
ولادي ماعندهمش حاجة اسمها طابور اصلا :)

Unknown said...

والمدرسة فيها علم وللا من غير اعلام؟ والعلم ده بتاع كندا وللا بتاع مصر

لو معاكي على التليفون اسأليها لي والنبي بجد
الموضوع ده يهمني

واسأليها اذا كانوا بياخدوا عربي ودين والتاريخ والجغرافيا بتاعتهم ايه؟

وبيعرفوا عربي زينا وللا مكسر

لان ممكن تكون الكندية عاملة نظام تاني غير البريطانية والفرنسية

بس اسأليها وردي عليا دلوقت

Unknown said...

المدرسة الدولية الباكستانية؟
:)))))

ودي ياترى بيدخلها مين؟
هههههههههههههههه

Fatma said...

حاطين العلم المصري والكندي

ما بيحيوش ولا علم

مش ارض كندية

عربي ودين منهج الوزارة

تاريخ وجغرافيا بتاعت كندا

هي معايا ع التيليفون لو اي سؤال تاني

Unknown said...

مالهاش يا فنون

لانهم بياخدوا تاريخ وجغرافيا وعربي ودين تبع وزارة التربية والتعليم

وبياخدوا المواد الادبية والعلمية انترناشونال

ولو اني احب ان التعليم بتاعنا يطور

مش نضطر اننا نستعين بانترناشونال

بس

for the time being

لحد ما ربنا يكرمنا واحنا اللي نطور تعليمنا
على الاقل التاريخ والجغرافيا والعربي والدين يبقى بتوعنا

بس بقى عيالك ح ياخدوا في الاحياء ان الانسان اصله قرد

المهم اسألي لي صاحبتك

وخدي اللنك ده عشان انا وجعت دماغك وعيطتك النهاردة

http://www.youtube.com/watch?v=H8N4C-s9NSE&feature=PlayList&p=B9B9AD505E871302&playnext=1&playnext_from=PL&index=20

انا عايزة اكل خدوده واقرقش صوابعه واقرصه من مناخيره

تيجي معايا؟

Unknown said...

ان جي او

وللا حكومة كندية؟

Unknown said...

تاريخ وجغرافيا كندا؟

ليه؟

Fatma said...

british colombia canadian international school in egypt

تاريخ وجغرافيا كندا عشان دي مدرسة كندية
هيدرسوا اكيد جغرافية مصر من ضمن جغرافيةالعالم في سنة من سنين حياتهم
وبالنسبة للتاريخ يبقوا اهاليهم يحكولهم او يبقوا يقروه في الكتب
وعيال بالعقليات دي هتقرا حاجات مهمة بدري اوي

Fatma said...

يا خرابي ع الواد اللي انتي حاطة الفيديو بتاعه دا

ياروحي انا يجنن

عايزيتفعص ويتعضعض من خدوده

فاروق عادل said...

نوارة بصفتى طالب ثانوى شوفى اللينك دة وفية صور مدرستى فقط لاغير وهى حكومية وقارتيها باعفن مدرسة خاصة التاو تجريبية وشوفى كدة دة جو ازاى يشجع عل التعليم دة غير طبعا الكتيرمن العيوب التانية
http://yomyattalb.blogspot.com/2008/11/blog-post_12.html

Fatma said...

حكومة كندية

اسم المدرسة اصلا على اسم مقاطعة في كندا

Unknown said...

أ/ نوارة

انا عملت تدوينة خاصة
جمعت فيها كل مقالات بلال فضل
عن المدارس الدولية
من اول مقال ليه
عن رحلة التطبيع
و فيديو الشاب ياسر عباس
فى العاشرة مساءاً

http://belal-fadl.blogspot.com/2009/03/blog-post_1391.html

Anonymous said...

مش بلال فضل دا برضه اللي كان بيقول هو ليه وزير الصحة لازم يبقي دكتور؟؟؟؟؟؟؟؟؟؟؟؟

ست الباشا نوارة نجم زعمية نظرية المؤامرة

لو بعد الفين شر رحتي لدكتور كتبلك علي دوا,,,رحتي تشتريه من الاجزخانة

لقيتي شركته مالتي ناشونال

هل تعلمي ان كل شركات الادوية المالتي ناشونال فيها تمويل اسرائيلي؟

يعني سيادتكو بتدوا معونة لاسرائيل

ولا حضراتكوا ما بتعيوش؟

mido said...

سبحان الله يا نوارة أنام و أقوم الاقيك مزعلة مصطفي ! اهو حذف أخر تعليقاته و مش عارف أقراهم :D

Unknown said...

فنون ..... نوراة
انتوا عاملين مشكلة ليه ؟
عبد الفتاح القصري الراجل العظيم كان خريج مدارس الفرير الفرنسية وكان راجل ابن بلد وميت فل واربعتاشر
وهو اللي دمر المدمرة نورماندي 2

Unknown said...

فنون

شفتي؟

انا لو اتلايمت عليه ح اكله مش ح اخلي ولا فتفوتة فيه

متشكرة يا بدراوي

انا ح اشوفها دلوقت

انونيمس


معاك حق
بس اللي في ايدنا نعمله

يعني ح نعيش عمرنا نندب حظنا وللا نحاول نعمل حاجة بايدينا؟؟
احنا لازم نتعامل مع نفسنا على اننا تحت احتلال او على احسن تقدير ما عندناش حكومة والبلد سبهللة ومتسابة

نسيب بلدنا بقى تولع بجاز

وهي تتصلح ازاي لو كل واحد فكر في نفسه وخلاصه الفردي وبس

اشمعنى محمد فريد مات مفلس عشان البلد

حتى طلعت حرب مات مفلس عشان البلد

ماهم كانوا اغنيا

وللا احنا ح نسيبها كده لقمة سائغة لكل من هب ودب

لو مشينا ع الحال ده مش حيبقى فيه بلد خالص

ميدو

ولا زعلته ولا حاجة

زهقت بس

جوبا

هههههههههههههه

بس هو ما عرفش يكمل في الفرير

ذو النون المصري said...

كلامك في جزء منه انا موافق عليه
فيالجزء الخاص بانه حتي لو متخلف اهو احسن من غيره طالما بيفصل الانسان عن ولاؤه لبلده
لكن انا اعرف ان تعليم التاريخ مثلا في بلاد الغرب بيتم افضل و اروع منه في مصر حتي ان الطفل عندهم بيعرف هيروغليفي و بيجيد كتابته و فهم معني رموزها لكن عليمنا الوطني مادة التاريخ فيه تحت قائمة المواد الاساسيه بدرجات و الاهتمام في التاريخ بايام قليله من السنوات ال7000

احمد أبو العلا said...

العزيزة نوارة
منذ ايام قليلة تم الأحتفال بتدشين اعلان القدس عاصمة للثقافة العربية ونقلت أخبار الأرض المحتلة تصدى قوات الاحتلال الصهيونى للأحتفال ومنع الناشطين من اقامة احتفالهم داخل حدود القدس المحتلة لذلك ادعوكم جميعا - رغم أنف الصهاينة - لأقامة الأحتفال بشكل عملى وطوال العام 2009 على موقع مصريون ضد الصهيونية وذلك بوضع اسهاماتكم على الموقع : لوحات فن تشكيلى - تصميمات شعارات - شعر - دراسات - مقالات -...... واى اقتراحات شرط ان تدور عن عروبة القدس وتأصيل ثقافتها العربية مثل اثارها الأسلامية وطرازها المعمارى .. الخ
وقد نرى فى نهاية العام ان جهودنا المتضافرة فى هذا المجال تصلح للنشر او المساهمة بها بشكل تقترحونه لنصرة هذه القضية العادلة
هذه الدعوة للجميع أرجو أن تلقى حماسكم واستجابتكم
وأبدأ هنا بعمل تصميم لشعار الحملة
والله الموفق
أحمد أبو العلا
http://againstzionesm.blogspot.com/

SweetJeje said...

و الله كلامك مزبوط 100% و أنا معاكي على فكرة ، مهما كان التعليم أجنبي لما يسافر يتعلم حيفضل في نظرهم عربي متخلف "في نظرهم " و ليس بالحقيقة و هو كده لا حيطول بلح الشام و لا عنب اليمن ، كلام سليم و صحيح و أنا أحييكي من قلبي و أحب أقول إنك عبرتي عن ما في داخلي

أكون أو لا أكون said...

هههههههه ايه ده ١١٠ كومنت أنا كنت فين؟

يانواره... إنا جربت الدراسه في المنهجين... وفي مدارس عربيه... وفي لندن ...
مافيش اختلاف في المواد...يعني الرياضيات والعلوم واللغه... هي هي...
لكن الإختلاف في طريقه التدريس...
وفي اسلوب تعامل المدرس مع الطالب...
لما كنت ادرس في احد الدول العربيه... كان كله بيعتمد على الحفظ زي ما ذكرتي... ومن غير أي تطبيق... يعني ما فيش تجربه عمليه...
وده خطأ... لأن التجربه العمليه مهمه بتخلى المعلومه راسخه في الذهن... مهما طال الزمن مش بتتنسي...
يعني مثلاً...
لو كان عاوزين ندلي ناس على مكان... فيه ناس حتعرف الطريق من خلال الوصف...
وفيه ناس حتعرفه من خلال الوصف و الرسم يعني نعمل لهم خريطه.... وفيه ناس مش حينفع تعرفه إلا ملا نروح معاهم للمكان وندلهم بنفسنا...
لأن قدرات الناس مختلفه... والشيء ده مش في الإعتبار في المدارس العربيه...

ده مالوش دخل مين منهجة أقوى...
ده له علاقه بكيفيه التعامل مع مختلف القدرات البشريه... وسرعة وبطئ الفهم...

ليه في أوروبا بنلاقي كتير ناس عندهم اعاقه ذهنيه لكنهم حصلوا على اعلى الشهادات...
ده لأن فيه ناس أوجدت اسلوب تدريس خاص لهم...

وعملوا صفوف لكل المستويات...
صفوف بتخلص المنهج بسرعه... وصفوف بتفضل فيه مده أطول... حسب كل شخص وقدراته...

والاسلوب العملي اللي بنفتقده في العالم العربي هو اهم اساسيات الإختراع والإكتشاف والإبتكار...
وده سبب تأخرنا في التكنلوجيا وكتير من العلوم...


المسأله مش ولاء للوطن أو بعزئة فلوس... الناس لو لاقيه مداراس بتستوعب الأبناء دول ماكانوش غربوهم...
يعني لو عندك ابن بطئ الإستيعاب والإدراك كنتي حتحتاري بيه تدرسيه إزاي... لأن الحكايه عايزه مختصصين...
وحتى لو درستيه في المراحل الأولى وتعبتي عليه... في الآخر حتبعتيه بره... لأنك عايزه ابنك يتعلم وده مش متوفر في الدول العربيه...


أوروبا عملت اساليب تدريس متعدده ومتنوعه... تناسب مختلف العقول... والمستويات...
ولازم نعمل زيهم بدل ما نفضلل نضغط على ولادنا بشيئ مش بإرادتهم... وبدل ما نتهمهم بالفشل أو الكسل.

أكون أو لا أكون said...

قوليلي بس فيه حاجه عندنا اسمها ديسلكسيا؟
dyslexia
فيه متابعه وإختبار خاص للأطفال اللي عندهم
dyslexia
ده اقل مثال ...

Anonymous said...

خلااااااااااااااصة:
الجميع متفق تقريبا. مناهج غير مراقبة حكوميا مرفوضة. مدارسة انترناشيونال تحت الرقابة وملتزمة بخطوط عامة هي أفضل ميت مرة من المدارس الحكومة إن قدر عليها الأب ومع شرط أن الأسرة تعمل توازن في البيت. وزي ما قالت فنون فيه مدارس انترناشيونال بتهتم جدا بتحفيظ القرآن أو اللغة العربية أو أو. ربما ليس حبا في القرآن ولكن لجذب أولياء الأمور.

Unknown said...

لا انا ما اتفقتش على الكلام ده

انا مش عايزة حد يتعلم انترناشونال

امال تعليمنا يتطور ازاي؟

مواطن مصري said...

بمى اني أعرف ناس في الجامعة البرطانية
بيدفعو 70 الف بس الفارق ان تعلمهم كويس اوووووووي

و ان في مستويات م حيث الكفائة بتعدي كفائة عين شمس من حيث التعليم و الجامعة حلوة و انا دخلتها من وة حاجة فخامة متقوليش داخل جامعة داخل قصر مقارة ب الجامعة بتاعتي بيجيلي احباط


ملخص العلم ملهوش جنسية ولا دين ولا دولة

انا مستعد اتعلم تعليم كويس و لو في المريخ
و سيدناا محمد قال اطلبو العلم و لو في الصين

مواطن مصري said...

عبد الناصر السبب التعليم المجاني هو الي خرب مصر
:)

Unknown said...

اطلبوا العلم ولو في الصين يا عم

مش هات احتلال في بلدك في صورة مدرسة وجامعة

طيب لو الجامعات دي اهدافها كويسة وميت فل وسبعتاشر

تقدر تقول لي ايه الاقسام الحيوية اللي فيها؟

الجامعة الامريكية على سبيل المثال لا الحصر

مافيهاش طب ليه؟ مع ان الامريكان متفوقين في الطب

مش بينقلوا لنا العلم ده ليه؟ ليه لازم نسافر عشان نتعلم العلم ده

ليه الاقسام اللي موجودة في الجامعات دي ما تعملش نهضة حقيقية؟

بيعلمونا ازاي نرطن؟

يا سلام

ما انشالله ما رطنا يا اخي

مواطن مصري said...

طيب انا عاوز اسئلك سؤال لو انتي عندك اتنين واحد مستواةالتعليم معدي و دماغ و جامد اخر حاجة بس كافر و امريكاني امبريالي و سداتي

وواحد تعليمة متوسط و يمشي

هتخاطري انهي واحد يعلمك

Fatma said...

افتحي 90 دقيقة

مدرس في مدرسة تجريبية في مدينة نصر رمى كاتل مايه سخنة على وش طالب عنده 14 سنة حرقله وشه

لومعايا فلوس ليه ابعت ابني يتشوه ؟
بحب مصر اه
بس بحب ابني اللي ماخلفتوش اكتر بصراحة

مواطن مصري said...

بما اني أيضا من زوار الجامعة البرانية

اقدر اقولك انهم ب الفعل بنو قسم للصيدلة و تمريض و فية توسعات و احتمال السنة الجاية هيبنو جراحة و حاجة اخر فخامة

Unknown said...

الجامعة البريطانية عاملة قسم تمريض

مش طب

مافيش كليات صيدلة ليه في الجامعات دي؟

عشان خايفين ننافسهم في تصنيع الادوية؟

اشمعنى الحاجات الحيوية مش موجودة في الجامعات دي؟

Fatma said...

الطب ممنوع من عندنا

احنا اللي مانعين

مشترطين مستشفى ملحق بالكلية
ومواويل مهببة

يعني حكومتنا السبب ان مافيش طب في الجامعات دي مش هما السبب

Fatma said...

في صيدلة في الجامعة الالمانية يا نوراة

مواطن مصري said...

فية تمريض و صيدلة و محمد فريد خاميس مخصص ليهم اراضي كبيرة و بيعملو توسعات

Unknown said...

لا يا مواطن
فيه صيدلة في الجامعة الكندية والالمانية زي ما فنون بتقول لك

بس مافيش صيدلة ولا طب لا في البريطانية ولا في الامريكية

والامريكية بالذات مهم جدا اننا نتعلم طب منهم لو كانوا عايزين يعلمونا فعلا

والقسم اللي موجود في البريطانية تمريض لا صيدلة ولا طب

فلورانس ناينجيل يا عم

لا انا ما اشتغلش مع واحد ساداتي وامريكاني ومعفن لو كان اينشتاين

كل الناس عندها مخ وكل واحد له سيستم لتشغيل مخه مافيش حد احسن من حد

زي السلحفاة والارنب كده

Fatma said...

وحياة والديك افتحي 90 دقيقة

معلش تعالي على نفسك واستحملي غتاتة معتز شوية

مواطن مصري said...

ههههههههه انا عارف اني تعليقاتي كثيرة بس مش عاوزك تضايقي مني لو مختلف معاكي في بعض الاراء انا لو الي بيعلم ملحد و احسن من المتدين هتعلم هاخد العلم و كفائة الملحد

احمد سعيد said...

وطنيه ايه وانتداب اجنبى ايه

ايه الكلام الفش المحشى قش اللى انتى بتقوليه دا يانوارة

انتى بتتكلمى ازاى

ولا انتى لسه جايه من المريخ

زى طنط منى الشاذلى


وطنيه


طب اقولك على حاجه

روحى كدة اى منطقه عشوائيه

او حتى مساكن شعبيه

وقولى لاى واحد خد العلم دة دوس عليه واديك خمسين جنيه

دا اللى هو علم مصر

وشوفى كدة كام واحد هيرفض


انتداب


دا على اساس ان بلدك مستقله اصلا يعنى ولا ايه

طب والله الاحتلال الانجليزى كان ارحم من الخرا اللى احنا فيه دة

ياماما دا كل كلب من اى حته فى الدنيا له فى بلدك اكتر ما ليكى

شوفى كدة لو اى سايح جعر مش شرق اوروبا ميسواش تلاته تعريفه فى بلدة اتعور فى حادثه الحكومه بتاعتنا بتعامله ازاى

المصرى لما بيتفعص تحت عربيه ولا بيترمى فى ترعه بيعملوا معاة ايه

والدويقه مش بعيد

قال وطنيه قال

a7a

بجد

محدش يقولى وطنيه وانتماء

لان الكلمه دى معدلهاش وجود لدى اغلب الشعب المصرى

السواق والفلاح والارزقى والشحات

الناس اللى مش لاقيه تاكل

فياريت بلاش الهبل بتاع الانتماء
والوطنيه والمدارس اللى
ياعينى هتدمر الولاء
اللى مش موجود اصلا

انا عمرى ماشفت عسكرى بيحترم العلم ولا بيحييه بنفس

دا ان حياة اصلا

ودول العساكر مش هقولك الطلبه

وبعدين سؤال ولا مؤاخذة كدة

انتى شفتى المدارس دلوقت عامله ازاى؟؟؟

واضح جدا من كلامك انك ماشوفتيهاش

انا عندى اقعد ابنى من غير علام خالص احسن ما ادخله مزبله بيسموها مجازا مدرسه

اقولك حاجه

كنت مرة فى وحدة وراها مدرسه ازهريه بنات

ازهريه

وكان الحمامات مكشوفه وباينه للدور التانى من الوحدة

ومرة لقيت العساكر ملمومين على السطح وعمالين يصفروا

ولما رحت اشوف فيه ايه

لقيت بنتين فى الحمام ........

مش عايز اقولك كانوا بيعملوا ايه

ودى مش حالات فرديه على فكرة


انا فى ردى عليكى كنت بايدك فى نص البوست الاولانى وبعارضك فى النص التانى

لكن لما سمعت باقى التعليقات بتاعك

واضح جدا انك مش عايزة تقتنعى ببديهيات
لمجرد انك متحيزة لرأى معين ومش عايزة تغيريه

انتى عارفه

كلامك انتى وبلال فضل

مع احترامى الشديد ليكم طبعا


عامل زى واحد عندة سرطان فى المخ فى المراحل النهائيه

والاطباء بيقولوا انه فاضله يومين على الاكثر


ومش راضى يشرب ميه الحنفيه

قال ايه

علشان ملوثه وفيها ميكروبات

بتفكرينى برضه بالدكتور المسيرى
ساب الاتفاقيه بتاع كامب ديفيد
وساب سينا العريانه من اى تامين
والسفارة الاسرائيليه الضخمه
والسياح اليهود اللى سارحين فى البلد بالبطاقه فقط
والعلم المرفوع فى كل مصيبه فى مصر
ورايح يقلب الدنيا علشان اكتشف بقايا نصب تذكارى كان اليهود عاملينه فى سينا ايام الحرب

Anonymous said...

Hello everybody here especially our nawara. First, I went to government school in Damascus Syria till class 10 however, when I came here (north America) It did not take couples to study English language in two years I finished my school with good grades that I was able to go to medical school ( I am studying to dentist) university of York in Toronto. Although I spend all my life in government school in Syria.

Your brother Ahmed Somalian

Unknown said...

:D
اهو الجدع دخل يتنطط عليكوا اهو

خلينا احنا كده نشتم في نفسنا وعقدة الخواجة اكلتنا

Unknown said...

على فكرة فيه نظرية تعليمية رئيسية: الفالح فالح ولو اتعلم في الكتاب والخايب خايب ولو نجحوه باكلة كباب

اكتبوها يمكن تنفعكوا

صوت من مصر said...

استاذه نواره للاسف انا تعليم مصرى مصرى مصرى ابن مصرى
فى ابتدائى ابويا الله يرحمه كان بيدفعلى مصاريف الكتب 24 جنيه يعنى لامؤخده الى بيدفع 65 الف جنيه لو كنت قولتها لابويا كان مات قبل ما يموت فيها والله للاسف مستافدتش حاجه من التعليم المصرى يعنى كنت برسم فشلونى فى الرسم
كنت بنحت فشلونى فى النحت مع ان المدرسيين شافو شغلى قالو جميل بس للاسف مبعرفش امشى بدماغ غير دماغ نفسى فشلت لانى رسمت عن فلسطين مش عن اسرائيل ؟
تحياتى لكل مواطن ذاكر فى مدرسه حكوميه

أكون أو لا أكون said...

نواره الحمايه مش فالح وخايب... ده اللي كانوا بيقولوه لينا لما كنا في المدارس الحكوميه العربيه... وكان لما الواحد ما بيجيبش علامات كويسه يقولوله روح ساعد ابوك في الشغل... أو روحي ساعدي امك في المطبخ وبلاش دراسه انتي ما تنفعيش تدرسي...

في المدارس الاوروبيه مافيش الكلام ده...
كل اللي بيعملوه بيعرفوا العله فين وبيعالجوها... مش بيهملوها...
مافيش ضغط في التدريس ولا فيه اجواء توتر

فترة البقاء في المدرسه أطول... يعني الإبتدائيه بيفضلوا للساعه ثلاثه...
الثانويه للساعه اربعه أو خمسه
الجامعه للساعه خمسه وتقدري تستمري في الدراسه للساعه ١٢

يعني بيعملوا اجواء مناسبه للطالب...
مع توفر الأدوات...
اللي ماعندوش فلوس يشتري كتب يقدر يستلف من المكتبه...
الدراسه على شكل جروبات...
توفر مدرسين مساعده للي ماقدروش يفهموا الدرس في الصف...
تعامل المدرس للطالب بكل بساطه وسهوله بيعطي الطالب راحه نفسيه بتخليه يسأل ويتردد على مكتب المدرس في اي وقت كان...

Ahmed Fawzi said...

أنا و اعوذ بالله من كلمة أنا تربية مدارس الحكومة و لحد دلوقت باكره كل يوم قضيته فى المدارس دى و إذا كنت نجحت فى حاجة بعد كده فمش علشان تربية مدارس الحكومة لكن علشان أهلى كان مجهودهم موجه إنهم يصلحوا اللى بتعمله المدارس دى و الكلام ده كان من 25 سنة فما بالك بالحال دلوقت ؟؟
المدارس زى ما أنا عشت فيها كانت عبارة عن معتقل بيتم فيه إنتهاك كل حقوق و كرامة الطالب و مكناش بنتعلم غير إننا نخلينا فى حالنا و مانتكلمش و مانرفعش راسنا و طبعا التفكير بأى شكل من أشكاله ممنوع و فشلة المدرسة و البلطجية هما اللى كانوا بيبقوا الشرطة المدرسية ... مش حاتكلم عن الضرب و السباب بأقذع الألفاظ من أغلب المدرسين و الكثافة الغير محتملة فى فصول مضلمة و مكتومة و دككها مكسرة
بإختصار تجربتى مع مدارس الحكومة بكل أسف ماتمناش لحد إنه يمر بيها ... مش معنى كده إننا نلغى مجانية التعليم ولا نلغى مدارس الحكومة و لكن لازم يتغير النظام كله و مش حايتغير نظام التعليم غير لما يتغير نظام البلد ...لأن دى كانت نفس المدارس اللى إتعلم فيها أهلى بس وقتها كانت مدارس محترمة

Ahmed Fawzi said...

ملحوظة أخيرة فى خرائط الوزارة فى بداية الثمانينات كانت إسم الدولة المجاورة لنا إسرائيل مش فلسطين !!