Monday 23 March 2009

مدوا ايدكوا بسم الله

انتوا مش بتساعدوني ليه؟ انا باعمل ستميت حاجة حرام عليكوا
انا عايزة عناوين من الكتاب ده عشان خاطر نعمل وثيقة جماعية للمطالبة بالغاء اتفاقية كامب ديفيد
وده برضه كتاب سلام لا فصل عنصري تاني، حملوه، فيه حاجات كتير من المعاهدة وكلام كتير لكارتر عن ظروف المعاهد ينفع يتاخد قرينة ان السادات اضغط عليه واتحط في خانة اليك وانضحك عليه بنص كلام كارتر
وعليه فبالاعترافات دي يبقى الاتفاقية من حقنا نلغيها
كل ما اكلم حد من بلاد الفرنجة عن الموضوع ده كلهم كلهم كلهم بلا استثناء يقولوا لي: طيب هي المعاهدة دي مدتها قد ايه؟
اقول لهم ابد الابدين
يروحوا ضاحكين ويقولوا لي: بصراحة تستاهلوا، هو فيه حد بيمضي معاهدة تنتهي يوم القيامة؟ ده انتوا مش ماضينها مع العرب جتكوا خيبة
ايه الاحراج ده؟ وانا عمالة اسيط لنا واقول ده احنا نبها ده احنا مافيش منا اتناشر في سرس الليان، ده اذكى طفل في العالم مصري عربي ده اصغر فنان في العالم من اصل عربي افريقي ده اعلى اي كيو في العالم هو احمد زويل ده احنا النباهة والنباهة احنا لولا ميلة البخت والخيبة، ده احنا عندنا الترجمان ما يعرفش يقرا ولا يكتب وبيتكلم سبع لغات سماعي، ده العرب معروفين عبر التاريخ بالتفوق في الرياضيات والهندسة وعمالة اقول كلام عنصري حقير عشان اهشتكنا يقوم يطلع اغبى سياسيين في العالم من عندنا؟ طب اعمل ايه انا دلوقت؟

15 comments:

وحي القلم said...

حجزت أول تعليق
----------
أنا معاك ان أكبر غلطة السادات عملها هي المعاهدة دي
وأنا مستعد أساعدك وربنا يوفقكم

Anonymous said...

الغي الاتفاقية و بعدين
ايه هاليجرى بعد متلغي الاتفاقية؟؟؟؟؟؟
مالعرب كلهم عايزين يعملو اتفاقية؟؟؟؟؟؟

حدثي العاقلين بما يعقل

Anonymous said...

طيب اية رايك فى موضوع ان مجلس الشعب وافق على تفويض الرئيس لحد عام 2012
بمعنى انه يصدر اى قرار يبقا زى القانون بالضبط

Unknown said...

مصعب

طيب ده ميلي
nawaranegm@yahoo.com

ابعتلي عشان نقسم الشغل مع بعض

وح نشوف مين ح يبقى معانا ان شاء الله

انونيمس

انا ماليش دعوة بحد
انا ليا دعوة ببلدي

Unknown said...

مجلس الشعب بالرئيس بتاعهم يبرموا القرار ده ويحطوه في.....ودنهم

مواطن مصري said...

مصعب صلاح غلطة السادات انو اخرج الجماعات لضرب اليسارين

مواطن مصري said...
This comment has been removed by the author.
مواطن مصري said...

توضيحاً اية الخطوة ب بعد الغاء اتفاقية كامب ديفيد

هنعمل اية بعديها ؟؟؟؟؟؟


انا مع الاغلبية و لكن السيناريوهات القادمة اية هيا هذا هو السؤال

الكلمة نور said...

الفكرة مش ان الموضوع يلغى الاتفاقية
فكر خطوة خطوة
متسبقش الاحداث
ادى لكى خطوة وقتها من التفكير والتدبير
وسيب الاحداث تتحرك بحرية
اهم حاجة البداية

رحلتنا في الحياة said...

اغبى معاهدة فى التااااااااااااااااااااريخ

رحلتنا في الحياة said...

ربنا يعينكم يارب للاسف لست اهل للمواضيع دى انا بق بس اتكلم لكن معرفش انفذ

tamer.sala7 said...

لو ينفع اعمل اي حاجة قولي


بس خلي بالك ان انا موظف شاطر بس مدير فاشل جدااااا

يعني اديني شوية خطوات امشي عليها وربنا يسهل

Unknown said...

تامر صلاح ومصعب

سيبوا لي ميلاتكوا في التعليقات وانا مش ح انزلها بس عشان ابعت لكوا احنا ح نشتغل ازاي ان شاء الله

Anonymous said...

Hello Nawwara,
I am a constant reader of your blog but i never commented...i fould this on the bbcarabic.com news today, very related to your post, and its interesting to see how people commented.

http://newsforums.bbc.co.uk/ws/ar/thread.jspa?forumID=8475

Thank you for your courage and dedication...i only wish i was half your courage :)
Sunflower

مواطن مصري said...

طيب هنعمل اية يا نوارة الخطوات؟