اقرا الكتاب بتاع الدكتور عصمت سيف الدولة واللي نشرت منه مقتطف في البوست اللي قبل اللي قبل اللي فات
الكتاب اسمه هذه المعاهدة حمل هنا
بس والنبي على قلبكوا تقروه كله ما تنطوش، انا ح اكل دماغكوا زي ما باكل دماغ الاسرائيليين، وعلى فكرة ما تتخضوش، مش احسن مننا في المفهومية كتير ولا حاجة
هو بس زاعق لهم نبي ومزهزهة معاهم لسبب مجهول الهوية
حظوظ يعني
بس والنبي على قلبكوا تقروه كله ما تنطوش، انا ح اكل دماغكوا زي ما باكل دماغ الاسرائيليين، وعلى فكرة ما تتخضوش، مش احسن مننا في المفهومية كتير ولا حاجة
هو بس زاعق لهم نبي ومزهزهة معاهم لسبب مجهول الهوية
حظوظ يعني
14 comments:
من المعروف ان كامب دايفيد خلت سينا تقريبا منزوعة السلاح فى حين ان مفيش فى اسرائيل أى مناطق منزوعة السلاح والمنطقة اللى هم بيعتبروها كدة المنطقة اللى على الحدود بينا وبين اسرائيل واللى ماتزيدش عن تلاتة كيلو والاتفاقية نصت انه يكون فيها أربع كتائب والمضحك ان اسرائيل طالبت ان يكون لها ثلاث كتائب فيها قام السادات قال لوايز مان هنخليهم أربعة علشان خاطرك
الله الله
انا قاعدة اقرا الكتاب اهو
المرحوم عصمت سيف الدولة كاتب نبوءة مش كتاب
اي والله
عمال يشرح الجيل اللي ح ينشأ في ظل كامب ديفيد ح يبقى شكله ايه
كأنه بيقرا الطالع والله يا عيال
واصفنا بالظبط
وواصف حالة التيه اللي احنا فيها تمام
الله يرحمه ويحسن اليه
نوارة مش راضي يتحمل.. لما بتفتح صفحة ال pdf بتطلع فاضية
ليه يا احمد؟
انا بادوس على التحميل بتتفتح الصفحة بي دي اف مش بتحمل بس بتتفتح
انا خلصت نص الكتاب وتقريبا ح اتشل
ادخل انام دلوقت
لو ما سمعتوش مني لحد السنة اللي جاية ابقوا اسألوا عليا
بس كدة؟؟؟
عونينا
نواره
أثابك الله خيرا
رحم الله الاستاذ الدكتور عصمت سيف الدوله
رجلا اعطي وبذل ولم يتواني ، رحمه الله واعان جيلكم ان يتحمل ما تركته اجيال سابقه من عبئ علي كاهل مصر وشعبها
اشكرك
مصطفي الغزاوي
مين اللي ح يشتمك يا خيري؟
ما حدش يقدر يشتمك عندي ابدا
:)
نوارة الصحف الاردنية عمالة تشتم الاستاذ هيكل عشان فضحهم على الاخرر يرضيكي الاستاذ يتشتم
ما كل العرب عارفين ان ملك الاردن خاين و عميل
يرضيني وح تنضرب
:)
هم احرار يا مواطن
دي صحف قومية والملك بتاعهم اتشتم واتقال عليه خاين وبيدافعوا عن نظام الحكم بتاعهم
الدنيا كلها عارفة ان حسين خاين
والدنيا كلها عارفة كمان ان مبارك خاين ولما اتشتم الصحف المصرية شرشحت ودافعت عنه
حتى معارضين قالوا: ادعي على ابني واكره اللي يقول امين
اذا كان هو شتم الملك بتاعهم وقال عليه خاين
ما يشتمهوش هو ليه؟
حتى لو الملك بتاعهم خاين
بس اهو الملك بتاعهم
اللي يشوفك كده ما يشوفكش وانت زعلان على السادات مع اني لا غريبة ولا من برة البلد
هم احرار
يعني أنا أغيب 3 أيام بس أرجع الاقي المدونة عندك إتهدت و إتبنت مرتين تلاتة
بصي يا ستي خلاصة الكلام و إسمعيها مني كلمة حكمة
عبد الناصر كان ليه حسنات و سيئات
و السادات كان ليه حسنات و سيئات
مين بقى كانت حسناته أكتر و مين كانت سيئاته أكتر ؟
الله أعلم
هما عند ربنا و حسابهم عنده
لكن لما نناقش عهد واحد فيهم لازم نذكر حسناته و سيئاته
لكن اللي شبه متأكد منه إن عهد مبارك كله سيئات و ما أعرفلوش و لا حسنة :)
حأخلص قراية الكتاب و ارجع لك
اهو انا اكره المثل_ادعي علي ابني و اكره اللي يقول امين _لأنه بيستغل في مواقف مستفزة ميدو
انت بتقولي مبارك خاين !؟ احنا قلنا انه خايب مش خاين ميدو
أكبر كارثة عملها السادات انه وقع علي اتفاقية كامب ديفيد ووتسبب خسارة مكاسب هائلة
الله يرحمه
Post a Comment