Wednesday, 4 March 2009

انا عملت عملة ممكن انطرد فيها من ماي سبيس

لا بس الصراحة مؤدبين، يعني قلت لهم التصويت اتقفل راحوا ساكتين، بصوا انا ح اترجم لكوا بقى تعليقي على التصويت بالظبط:
ازيكوا يا شباب
اولا احب اشكركم على التصويت وعلى الالتزام بالشروط.
ثانيا انا لا كنت باتلاعب ولا اخدع اي حد، انا كل هدفي من الاستفتاء اننا نوصل لارضية اخلاقية مشتركة عشان نعرف نتكلم
انا حطيت الاستفتاء ده على المدونة العربي بتاعتي في نفس اليوم اللي حطيت فيه الاستفتاء هنا، وتعالوا نقارن مع بعض النتائج:
عدد المصوتين:
على ماي سبيس: 19
على البلوج: 50
:) اه انا ناسي بيحبوني
المصوتين اللي اتريقوا على الاستفتاء:
المدونة العربي: 4 (تمانية في المية)
ماي سبيس: 2 ( عشرة ونص في المية
المصوتين اللي ما التزموش بالشروط:
المدونة العربي: 6 يعني اتناشر في المية
ماي سبيس: 1 يعني خمسة في المية
التصويتات:
عمري ما استخدم سلاح كرد فعل لتحديف الطوب-
العربي: 30 مصوت - ستين في المية
ماي سبيس: 11 مصوت - 57.8 في المية
ح اهدد بيه بس مش ح استعمله:
العربي: 4 - تمانية في المية
ماي سبيس: 1 - خمسة في المية
ممكن استعمل السلاح بس لازم اتجنب الست والطفلين
العربي: 7 (اربعتاشر في المية
ماي سبيس: 3 مصوتين - 15.7 في المية
ح اتصل بالشرطة
العربي: 1 فقط وقال انه ح يتصل بالشرطة ومش ح تيجي فحيضطر يضربه بس مش ح يقتله
ماي سبيس: 5 مصوتين يعني 26 في المية
هو بيضرب بالطوب ليه؟ اكيد عنده سبب، لازم اتكلم معاه الاول
العربي: 8 يعني 16 في المية
مايسبيس: 1 يعني خمسة في المية
يمكن مجنون، ده محتاج اسعاف مش بندقية
العربي: 2 يعني اربعة في المية
مايسبيس: 0 
(ماعرفش الظاهر تحديف الطوب ده عندهم حاجة بتحصل يعني عادي)
انا ح اقتله هو والست والاطفال يستاهلو:
العربي: 2 يعني اربعة في المية
ماي سبيس: 0 
(الله يحرجهما زيادة ماهم محروجين بجاز )
تعليقات غريبة:
البلوج العربي:
1- طبعا حطيت تعليق شكري، ماشفتش بصراحة اغرب من كده، قال ايه المفروض يتعاملوا معايا على اني مجنون وبما اني مجنون يبقى لازم يتجنبوني والست والطفلين يستاهلوا القتل لانهم بيحموا الراجل بمزاجهم 
لامؤاخذة يا شكري ومن غير زعل 
بس ده تعليق واحد مجنون فعلا
2- فيه تعليق انونيمس قال ح يحط له ايات وعبارات مقدسة تحذره من غذاب الاخرة
3-  تعليق جر شكل اللي قال ما معناه، يمكن مجنون نستحمله، الناس  تساع بعضيها يا حورية
ماي سبيس:
اغرب تعليق بتاع واحد اسمه جون:
1- ح ارمي العيلين على جنب
2- ح اضربه بالنار
3- ح اضحك بهستيريا
4- ح اضرب العيلين بالشلوت
من المضحكات:
نسبة كبيرة من الناس على البلوج العربي حملوا الموقف بظلال سياسية، ولهم حق في ده، بس العجيب ان فيهم كتير افتكروا اني بارمز للاسرائيلي بالراجل اللي بيحدف بالطوب وبارمز للفلسطيني بالراجل اللي معاه بندقية وعلى هذا الاساس زعلوا وقالوا لي ما معناه وانت كمان بتطلعي الفلسطيني ماسك بندقية؟ مش هو اللي ماسك بندقية ده هو اللي معاه الطوب، وقليلين قوي اللي فهموا المثل صح
انا الحقيقة ما عرفتش اقيم ده ازاي، يا اما دي ثقة في النفس مبالغ فيها، يا اما ده احساس بالاضطهاد
على ماي سبيس اخدوا الموضوع بجدية واعتبروا ان الموقف فعلا مالوش علاقة بالسياسة، ولما فيه اتنين ابتدوا يفكروا ويلاقوا ان له ظلال سياسية زعلوا وقالوا لي انت بتخدعينا وبتلعبي بينا
الحقيقة انا كنت شايفة ان المثل اوضح من انه يبقى خادع، خصوصا اني مدية مفتاح للقراء لما حطيت شرط باقول لهم: ما تحملوش الموقف حمولات سياسية، يعني مش ممكن ح احط الشرط ده الا اذا كان فعلا هو له ظلال سياسية
على كل حال، انا ما كانش قصدي اني اخدع حد، انا كنت عايزة ابسط موقف سياسي (من وجهة نظر معينة) عشان نعرف نقيمه اخلاقيا
وعليه
فمعظم المصوتين من الجانبين فعلا وصلوا مع بعض الى ارضية اخلاقية مشتركة الا وهي:
1- مش مقبول استخدام البندقية كرد فعل لتحديف الطوب
2- مش مقبول تبرير قتل المدنيين حتى لو كان المهاجم بيستخدمهم كدروع بشرية
الطرفين لقوا حلول مختلفة للمشكلة:
على ماي سبيس:
ابلاغ البوليس او ضربه
على البلوج العربي:
الحل الاجتماعي او ضربه
(والنبي احنا طيبين)
امتداد القصة:
كان فيه اقلية طرحت حلول متطرفة في اتجاهين: ناس قالت نقتله وناس قالت نسيبه خالص
ما بين الاتنين اللي عكس بعض دول كان فيه اغلبية بتقول يا اما الشرطة على ماي سبيس يا اما المجتمع عند العرب
طيب خلينا ناخد برأي الاغلبية ونفترض ان اللي بيحدف الطوب في قسم في امريكا او في قعدة صلح في اي بلد عربي
دلوقت هو عنده فرصة يتكلم
زاوية الراجل اللي بيحدف طوب:
1- ده بيتي، كنت عايش فيه مع امي وابويا، وبعدين جه ابو الراجل ده معاه ناس شايلين سلاح وطردونا برة البيت، بعد شوية زور عقد وادا البيت لابنه،
دلوقت اهلي ماتوا، وانا نايم في الشارع، مع مراتي وولادي الاتنين
2- لا انا حاولت اتكلم معاه، بس هو مش بيسمعني، حاطط سدادات في ودانه، قعدت انادي عليه واقول له اديني انشالله اودة واحدة في بيتي عشان مراتي وولادي بس، قعدت اشوح له يبص لي ويمشي، انا قلت لما احدف عليه طوب ح الفت نظره، ما اذيتهوش
3- لا انا ما كانتش مستخبي ورا الست والعيال، الست دي مراتي، والعيال دول ولادي، انا لما شفته خارج بالبندقية خفت عليهم، جريت عليهم عشان احميهم وقعدت اصرخ واقول له ما تضربش نار، بس هو طبعا مش سامع
زاويتك انت:
1- اولا ابويا ده كان راجل ابن كلب، رماني في الملجأ بعد امي ما ماتت ولاكتر من عشرين سنة ما اتصلش بالتليفون يسأل عليه، العيال الاكبر مني كانوا بيضربوني والمشرفين كانوا بيعذبوني مافيش حد عانى معاناتي، قبل ما هو يموت بشوية جالي وقال لي انه عايز يعوضني عن كل اللي عمله فيا، وقال لي انه جاب لي بيت، رحت عشت في البيت وبقالي فيه سنين انا ومراتي وعيالي
2- اه انا حاطط سدادات في وداني، عندي مرض في ودني من ايام الملجأ، اه كنت باشوفه بيشوح، بس ما كنتش فاهم هو عايز ايه؟ كنت فاكره مجنون
3- انا ماليش دعوة بالكلام ده كله، مش انا اللي طردته من البيت ده ابويا، وانا قلت لكوا انه راجل ابن كلب عموما، بس انا عانيت في حياتي ومن حقي يبقى عندي بيت واسرة واستقر بعد كل اللي شفته في حياتي، لو له حق ياخده من ابويا اللي مات بقى
4- كداب، مش عايز اودة في البيت ولا حاجة، ده عايز يموتني... لا انا ما سمعتوش اصلي حاطط سدادات في وداني، بس مراتي مش بتكدب، هي قالت لي انه وهو بيحدفني بالطوب قعد يقول لي: يابن الكلب، انا ح اقتلك، ح اقتلك وح اقتل عيالك، وح اقتل... ح اقتل حتى كل الراجلة اللي طولهم زي طولك، انا ح ارميك في الشارع زي ما ابوك عمل فينا 
زاوية اللي بيحدف بالطوب:
1- انا متعاطف مع معاناته، بس هو ده ذنبي؟ انا ادفع تمن غلط غيري؟ هو بيقول ابوه ابن كلب، انا عارف والله ان ابوه ابن كلب، لو ما كانش ابن كلب ما كانش رماني انا واهلي في الشارع عشان يعوض ابنه، حتى لما يحس بالذنب يرمي ذنبه على ناس ابرياء، انا ذنبي ايه انا؟ انا صاحب البيت الشرعي، العقد معايا،والعقد اللي معاه مزور
2- شفتوا؟ يعني هو شافني وتجاهلني، شفتوا بقى اني كان ليا حق اني احدفه بالطوب؟ لو ما كنتش حدفته بالطوب ما كانتش الفرصة جات لي عشان احكي حكايتي ويسمعني
3- هو عانى في حياته وعشان كده لازم انا اعاني في حياتي؟ هو زي ابوه بالظبط، طبعا مالوش دعوة، مالوش دعوة بست وطفلين نايمين في الشارع، مالوش دعوة براجل بيدور في الزبالة على اكل لعيلته، مالوش دعوة بينا واحنا بنترعش في البرد ونايمين في الشارع مدام هو مدفي ونايم في بيتي
4- والله؟ انا هددته؟ طب ما انا كنت باحدفه بالطوب، يعني هي الناس لما بتحدف حد بالطوب بتقول ايه عادة؟ بتقول باحبك يا جميل؟  هو اللي اضطرني اني احدفه بالطوب عشان يسمعني
لكن الحقائق على الارض هي:
هو معاه بندقية وانا لا
هو عايش في بيتي وانا لا
هو راجل محترم ومتشيك وانا ابن الشوارع
انا قلت ح اقتله، بس الطوب ما بيموتش
هو ما قالش ح يقتلني، بس البندقية بتموت
ها ح تقول ايه؟
همممم خليني اخمن:
انت:
اصلا اصلا ايه اللي خلاه يتجوز ويخلف مدام نايم في الشارع؟
هو:
وش مستغرب
--------
اوب اوب اوب
وبدأت حمم الغضب تنزل عليا على ماي سبيس وانا باكلمكوا دلوقت
ههههههههههههههه

20 comments:

مصري جدا said...

ما تنطردي من يور سبيس احسن
جحا أولى بلحم ثورة
مثل منيل بس أعمل اية مناسب
لسة مضربين عن الشراء لحد ما توقعي
ما تجيش المدونة أصلها نكدية أوي

الخوجة said...

فيين لنك ماى سبيس يانوارة

مواطن مصري said...

اية الي يوديكي ماي سبيس على رائي المثل الي يخرج من دارة يتقل مقدارة
:))))

Ahmad said...

انا عايز لينك ماي سبيس يا نوارتي

جبهة التهييس الشعبية said...

http://forums.myspace.com/t/4405493.aspx?fuseaction=forums.viewthread

فيه واحد يهودي مطلع تلاتين اللي جابوني

بس محتاس مش عارف يرد بالظبط

Anonymous said...

دلوقتي السيد حسن قطعولوا شبكة الاتصالات بتاعته,,دي طوبة وجر شكل ولا مصيبة سوده عليه

رد فعله لم يتوقعه الصديق قبل العدو,,,بعتلهم صواريخ وقتل مدنيين,لا وايه قرر كده انهم شهدا,,دا يندرج تحت بند ايه

جبهة التهييس الشعبية said...

لا معلش انت واحد بتألف وتلحن على كيفك

ايه دخل شبكة الاتصالات بالصواريخ اللي بعتها لحيفا؟

الصواريخ اللي اتبعتت في حيفا كانت في حرب 2006

كانت حرب

مش واحد اعزل قدامك وللا السلاح بتاعه ضعيف وانت نازل فيه هبد؟

هو انا منين ما امشي الاقي ناس مخها متشقلب؟

Anonymous said...

To through stones and break my glass and the evil action is repeated and repeated over and over again isn’t it enough to react? Isn't it enough to feel anger? Isn’t it enough to start defending my self? Isn’t the step of (think to get rid of this neighbor) is the logical LAST step after so many tries to deal peacefully with him ?
So he does evil things and repeats it over and over.
I have been patient and stand it so many times and at last that’s it am fed up
So my react as shown in your results in our Arab community is to speak to some one else to solve my problem (not a solution talk won't work with evil nature guy who used to hurt me) or beat him (not a solution he will recover and back much worst) report him to the police here (is like try to speak Japanese when you don’t know a word about it) so if these solutions is reflection of our ethical back ground and the solid moral land we are – all the Arabs – believe in so I am honestly feel that we are kind of idiots that deserve the worst of every thing .
If still we can't deal with bad nature, if we still don’t have protocols to deal with life, if we lost the meaning of defend our self, our homes and our dignity so that’s it, and that’s the case here we deserve to see our woman rape, our mothers naked, our men lose their ****** by each and every bastard think that he strong enough & through stones and damage my home.

Your next poll girl must be about:
Hey Arab guy and girl what is your favorite way to lose your dignity, and be humiliated?
Or
What is the most powerful way to push you to edge?
See your woman / mom rape or electricity went off while you see your favorite game on TV.
I bet every body will go for the power off lol

Final thing: you consider it exaggeration when some one choose to kill him , don’t look to the action (kill) look at the reasons why to kill , why to kill after being patient for so long and this is the only way to defend your self & home , protect the others from his evilness sometimes there is noble aims behind bad action .

Thank
R.

جبهة التهييس الشعبية said...

يا ست الكوتكوتة

انت فهمتي ازاي ان العربي هو اللي ماسك بندقية وان اللي بيرمي الطوب هو الاسرائيلي

فهمتيها ازاي دي؟

ده ايه الثقة في النفس المبالغ فيها دي؟

ده على اساس ان احنا نازلين فيهم تقتيل ودبح؟

انت الظاهر عايشة برة ويمكن العربي بتاعك ضعيف
طيب روحي على اللنك بالانجليزي وشوفي انا قصدي ايه

احسن انت الصورة اللي واصلة لك عكس تماما اللي انا اقصده


حاجة كمان

فيه واد يهودي ابن تيت
عمال يلف ويدور ويقول كلام بالمتغطي

انا قلت برضه انا الانجليزي بتاعي مش قد كده

ينكن يكون يقصد كلام انا مش فاهماه

لقيت واحد انجليزي من اللي بيقروا موسوعات برضه مش فاهمه

ادخلي اولا على اللنك عشان تفهمي انا قصدي ايه بالظبط

لاني اكيد اكيد مش قصدي اللي انت فاهماه خالص

وبعدين بقى لو ليكي خبرة في التعامل مع اليهود شأمظيهولي

جـــــــر شـكـــــــل said...

رغم أنى أشك أن الجهل المعرفى هو سبب الأنحياز المرضى لمعظم الغربيبين تجاه كل ما هو إسرائيلى ومل ما هو صهيونى 00 إلا أنى لا أملك ألا أن أحييك على صبرك ومثابرتك وأظن أن المشوار لا زال طويلاً لهدم جدار الجهل المعرفى للغربيين فربنا معاك

جبهة التهييس الشعبية said...

لا هم مش جهلة ولا حاجة
هم ولاد ستين وسخة وفخورين بانهم مبهدلين العالم

بس انا قلت احد الوسائل انك تحرجهم اخلاقيا

المهم ما نسكتش

دي ناس عمال تدفع ضرايب عشان تموتنا وتذلنا ونفضل في ديلهم

وبما اننا مش ح ينفع نموتهم كلهم ونخلص

يبقى نفضل نزن نزن نزن

هم اليهود بلعوا العالم كله في الاول ازاي؟

ماهو بالزن
الى جانب طبعا السيطرة على الاقتصاد والارهاب
وفعلا بقى كان ارهاب مش زي الغلب الازلي اللي احنا فيه ده
اللي كل ما نكح يقولوا كحيت خضيتني انت ارهابي ح اموتك

جبهة التهييس الشعبية said...

مش قلت لكوا يهودي صهيوني ابن وسخة

حد يدخل ايده معايا

اسمي على ماي سبيس

new holocaust

ومدياكوا اللنك

جبهة التهييس الشعبية said...

شفت ابن الكلب يا مهندس بيعمل ايه؟
شايف بيضرب ويلاقي ازاي؟

ابن ستين كلب

جبهة التهييس الشعبية said...

الواد الصهيوني ده فشيخ
انا زهقت منه

t said...

new holocaust!

with a name like that, u r definitely gonna be deleted

to bad that i have an abstinence vow from myspace :P

bas begad, enty bent gada3a awee awee awee

Anonymous said...

hehe:D
I would never use a gun. I said if I am insane :D

anyway, I just want to tell a point of view. How might people look at the situation.

again, please try to accept the others point of views and don't insult them cause they might treat you the same way when you present your point of view. you can't tell people how or what to vote in a poll. This is true unless you are pretty affected with the egyptian elections :D

God be with you
Sboukry

حسن مدني said...

أنا لفت نظري حاجة في النتائج

هم اعتمدوا على الشرطة والقانون.
نحن اعتمدنا على العرف والمجتمع.
لا أظن أن السبب يرجع إلى الطيبة بقد ماهو عدم ثقة في الشرطة وفي الحكومة. نحن ما زلنا نثق في الضمير الجمعي أكثر. وهي نقطة جديرة بالملاحظة والدراسة.

تحياتي

جبهة التهييس الشعبية said...

هههههه
لا ما اعتقدش ان الموضوع له علاقة بالضمير الجمعي

اعتقد ان الموضوع له علاقة بسيادة القانون

هم عارفين انهم ح ياخدوا حقهم بالقانون واحنا عارفين اننا ح ندخل القسم شاكيين نخرج لابسين قضية

Anonymous said...

Dear
I swear to god that I do not think that the Arab is the man with the gun ok; I got the situation very well in Arabic, I just think it as so normal case in life, no politics, no reflection to any political conflict in the area Ok. I speak about defending your dignity and how to react even if you Arab, yellow or whatever , what really makes me angry that people here when it come to their dignity , their homes they become so powerless , super patient , cowards masked as wise , think twice and find excuses to NOT defend what is their normal rights.
Thanks

مسلم مصري said...

ما شاء الله. الله يوفقك.