Wednesday, 11 March 2009

اقسم سبع سنين على الف واحد

ممدوح اسماعيل اخد سبع سنين عشان قتل الف واحد، سنة فيها اتناشر شهر، في سبعة يبقوا اربعة وتمانين شهر، لا مش ح ينفع تتحسب باليوم بقى، يوه، ده سنة السجن تسع شهور مش اتناشر شهر، كده يبقى ميتين وسبعين يوم في سبعه يبقى الف تمنمية وتسعين على الف اربعة وتلاتين، مش اللي ماتوا الف اربعة وتلاتين؟ يعني نصيب كل قتيل يوم وتمانية من عشرة
عرفتوا بقى؟ يعني لما تقتل واحد تتحبس يوم وتمانية من عشرة يعني حوالي 44 ساعة
خلاص؟
اتفقنا؟
اتكلوا على الله بقى

23 comments:

ايوشة said...

لا حول ولا قوة الا بالله
مفيش كلام تانى يتقال غير اننا نحسبن ليل ونهار وياريت بيحوق فيهم ولاد .............

مواطن مصري said...

يوم 27 7 الحكم التاريخ ببرائة ممدوح اسماعيل اما يوم 11 3 هو ايضا تاريخي


نعم 7 سنوات لا تكفي و لكن اهو اي حكم يصدر ضدة عشان الي بعدة ياخد اعدام زي ال 10 الي اغتصبو واحدة ست و ال 11 هرب

muslima said...

هما فالحين يحكموا على الناس بعد ما تهرب

ممدوح اسماعيل وابنه بره مصر

ياترى تنفيذ الحكم هايكون ازاى

ولا حكم سد خانة وخلاص

حسبنا الله ونعم الوكيل

elmosalem said...

عموما الحكم ده هيخليه عايش بره مصر باقية عمره وهيفضل كده هربان ذى الكلب الجربان حتى لو كان عايش فى اوروبا

bondoka said...

طيب بقى على ضمانتك
انا هقضى ال 44 ساعه والباقى عليكى
اصلى مفقوعه من ناس كتير

أكون أو لا أكون said...

بالشكل ده... حقوم اقتل كام واحد سفاح مخربين علينا حياتنا... واجمالي الحبس مش حيتعدى الشهر... لو حسبناها كده...

ماتت العداله...!

77Math. said...

مين دا اللي قتل العدالة ؟

لازم يتحبس يوم وثمانية من عشرةهو كمان !

المفروض يحكموا عليه بالتعزير ويرموه في قلب المحيط اللي غرق فيه كثير بعد محاولات فاشلة للبقاء على قيد الحياة

:(

Anonymous said...

حتى لو حكم عليه بالف واربعة وثلاثين سنة على اعتبار سنة لكل غارق , اوحكم بالاعدام ,فهو ايضا حكم غير عادل بالمرة. لو الامر بيدي احكم عليه بان يقضي ثمانية عشر ساعة في مياه البحر الاحمر في نفس منطقة غرق العبارة وليس وحده بل مع افراد اسرته الكريمة وهو وحضه واسماك القرش ,وبعدها لونجا من الموت اغرمه تعويض مليون دولار لكل غرقان ونصف مليون للمتضرر وبعدها احكم عليه بالسجن المؤبد لان الاعدام لمثله رحمة بشرط ان يكون مع الاشغال الشاقة والتي عبارة عن تنضيف تواليتات العبارات اللي بيملكها

الجنوبى said...

والله طمنتينى


اصلى صعيدى

بس قوليلى هنا هوا اللى يموت اتنين ياخد دسكاونت

عمرو

ذو النون المصري said...

يعني السبع سنين و حاسين بمصيبه في الحكم
امال البراءه كان المفروض احساسنا يبقي عامل ازاي؟
اعتقد ان هذا الحكم لا يختلف عن حكم البراءة في شيء
كلاهما حكم اعتقد انه ظالم
لكن لماذا زرغدت بغط النساء و كبر و هلل بعض الرجال للحكم؟
هل لانه كان بعيد عن خيالهم من الاصل ؟
جايز

حـنــّا السكران said...

انت بتتفرجي على بطرس غالي هلئ على الجزيرة؟؟

هههه كلّ ما احمد منصور يسأله عن اسرائيل و كامب ديفيد .. غالي يقوله ..الأصوليين الاسلاميين هههه و انا كنت مستغرب من وين جايي هالخطاب .. اتاريه على اعلى المستويات ..

Rania said...

هنقول ايه ربنا على القوى
بس هويتحبس
هموت و اشوفه ورا القضبان و بيسف التراب
قاتل
فاسد
حقير

Ahmad Tawfik said...

من وجهة النظر القانونية هذا الحكم غاية في الروعة والمحكمة في منتهى الذكاء والأمانة لأنها حاكمت المجرم على الجنح الموجودة في القضية المحالة من أول درجة .
ومع ذلك تم الحكم بهذا الشكل وهو يعتبر في حيثياته وثيقة مستقلة بذاتها يمكن الاستفادة منها في تحريك دعاوى جديدة أمام الجنايات تتضمن كل التهم التي أغفلتها النيابة في قرار الإحالة للمحاكمة الأولى .
هذه خطوة جيدة ويجب دعم هيئة الدفاع عن المتهمين لمواصلة ملاحقة المجرمين

مى said...

هما عرفوا يلاعبوا أهالى الضحايا
للدرجة اللى زغردوا و هللوا لما صدر هذا الحكم الهزيل

ففى البداية كيفيتها النيابة على إنها جنحة و الناس شعرت بالظلم الشديد لما إتحكم ببراءة القتلة

لذلك لما صدر حكم النهاردة ب الأربع و أربعين ساعة عمت الفرحة

صحيح زى ما قال أحمد توفيق إن فيه جوانب فى القضية زى التزوير اللى إرتكبه القاتل ممدوح
و ده حيديى الفرصة لمحامى الضحايا إنهم يلجئوا للجنايات
للفصل فى بعض التفاصيل لم تفصل فيها محكمة اليوم
لكن الغريب إن حتى محكمة الأربعة و أربعين برغم إنها محكمة جنح
إلا إنها كان يمكنها الوصول بالحكم إلى عشر سنوات
اللى هيه أقصى عقوبة لجنحة

و ده كان حيدعم موقف محامى الضحايا أمام الجنايات

Anonymous said...

اوعوا تصدقوا الكلام ده
ال44 ساعه على الراس لان الراجل خد كمية اما الفردانى فبيكون فيه رقبه وحبل وبدله حمرا وجو مر عليكم شوية
اما بالنسبه للنوع فال44 ساعه لو الكمية مصرى اما لو غزاوى او من دارفور فعادى بقه
خد اللى يكفيك وخللى علينا خالص بس ابقى اعمل فيها جنجاويد
واللعنه على الابراج اللعنه على الحرب
اللعنه وحمينا

Anonymous said...

لا يجب اغفال الخطاء المهنى الجسيم الذى اقترفة النائب العام السابق ماهر عبد الواحد بأعتبار غرق اكثر من الف نفس جنحة!!! الامر الذى ادى الى كل ما يعانية اهالى الضحايا ودفاعهم والسؤال الان هو هل يمكن محاسبتة على قرارة هذا بأعتبارة تعويقا للعدالة وبة شبة المجاملة واضحة وكأن تمثال العدالة خاصتة ينظر للمتقاضين من تحت العصابة التى تغطى عينية!!!وللة فى خلقة شئون

Anonymous said...

http://www.youm7.com/News.asp?NewsID=78164
ارجوكى شوفى الفيديو دة وانشريه واعمليه عليه حملة كبييييييييرة اوى
دة الفيديو اللى فيه تلقين محمود العيساوى اللى متهمينه بقتل هبة ونادين

Blank-Socrate said...

العبارة رمز لمصر
للفساد

Founoon said...

شوفي المفارقة بقى
منتظر الزيدي اخد 3 سنين سجن

لا تعليق

مهندس مصري said...

شوفي المسخرة دي
http://www.alarabiya.net/views/2009/03/11/68183.html

مصر دولة خليجية؟

sameh said...

هذا الحكم يؤكد بأنه حقا لا يوجد قضاء مستقل في مصر عن سلطة حسني حمارك وعصابته

AhmeD 3llaM said...

يوم السجن بسنه
صحيح
المهم عندي
هل هوه هيتعامل زيه زي بقيت المساجين
الله اعلم

Wild at Heart said...

في محامي من هيئة الدفاع عن الضحايا قال في برنامج 90 دقيقة إن 7 سنين أقصى حكم ممكن يتحكم في محكمة جنح...وإنهم حياحكموه في محكمة الجنايات، بس هو إزاي حاكموه قدام محكمة الجنح من الأول؟؟؟