Monday, 16 March 2009

يخرب بيت الجنان

ده اسمه كلام يا ناس؟ يعني مشيوا يلموا بعض بالدين من كل حتة، ودلوقت بيلموا بعض بالدي ان ايه؟ بيقول لك حتى لو ما كنتش يهودي اعمل تحليل دي ان ايه يمكن تطلع ليفي وللا كوهين وللا اسرائيل
اه والله كاتبين كده
انا واحدة تعليمي على قدي، مش اليهودية دي دين برضه؟
طب على فكرة، يعني لو اليهودية ح تتحول لعنصر بقى يبقى مش غلط اننا نشتم اليهود كده، لاننا في الحالة دي مش بنسب الدين، احنا بنسب عنصرية
هم بيلخبطونا ليه؟
انا اتلخبطت كده، انا اعرف اليهودية دي دين وما يصحش البني ادم يسب الدين
ده اللي علمهولنا واحنا صغيرين
انما انا كنت عايزة اشوف الاخ اللي كان بيقول احنا مش كلنا واحد ده وبيشتم في الشيعة والاخ التاني اللي كان بيشتم في العرب وبيقول احنا مالنا بيهم دول بيكرهونا، كل الناس عدوينا كل الناس بيكرهونا نافع هو اللي بيحبنا نافع هو خطيبنا، هم راحوا فين؟ اوعوا يكونوا غرقوا في غيط اللب بتاع احمد نظيف يستنوا شوية عشان التبغ جاي
الا انا لسة برضه قارية مقالة بتاعة واحد، مش ح اعمل له لنك عشان منحط وسافل وحقير ومقزز وابن ستين كلب ومش ح اروج لسفالته، بالعنجليزي، عمال يقول وبيضحكوا علينا وبيتكلموا عن الوحدة العربية وعن عالمية الاسلام وكدهون، وهم اصلا كل ده كدب في كدب وعندهم سنة وشيعة وماهماش عالميين زينا كده (عليهم يعني)، وبعدين العرب اللي منهم ما هماش عرب يعني ولا حاجة زي المصريين كده مش مأصلين زينا كده (هو اللي بيقول - على فكرة هو صهيوني يعني) والمفروض المصريين يرجعوا يتكلموا لغتهم وكدهون يعني
طاه
ياللا يا شباب
الاخوة اللي بيشتموا في الروافض وحلاوة المولد ومركزين مع الفاطميين اللي ماتوا من ايام فحت البحر
والاخوة اللي مش عرب عشان العرب جرب وهم فراعنة يعملوا تحليل بول هنا
يمكن ربنا يكرمهم ويطلعوا يهود ونخلص منهم بقى
ياااااااااااااااااااااااااااااااااربببببببببببببب يطلعوا يهود
ياااااااااااااااااااااااااارببببب
وحياة حبيبك النبي يا رب لتبلي اليهود بيهم قاااااااااااااادر يا كريم ونبعتهم للاسرائيليين على اول طيارة عشان بعد يومين نلاقي الصهاينة طالعين من فلسطين يسبوا الدين

38 comments:

مواطن مصري said...

انا على قد فهمي و تعلمي أن المتطرفين يقلدون الاسلامين الي بيقولو ان مفيش حاجة اسمها جنسية

و معتبرين ان الجنسية هي الاسلام فقط لا غير هما بيعملو نفس نظام الاسلامين مفسش جنسية اسرائيلية ةبل هي يهودية فقط

فهمتي

ahmed said...

http://www.youm7.com/News.asp?NewsID=79548

كتائب الماس الكهربائى
مستلمة منطقة وسط البلد

مواطن مصري said...

أنا أٌتنعت أن ادمغة المتطرفين سواء اسلامين او صهاينة دماغهم واحدة و نفس التفكير

77Math. said...

Is Judaism more than a religion? Is there a "Jewish Gene"?

lol

ناقص يقولوا اليهودية دي أصغر عنصر في جسم الإنسان، وإن لها مركز في المخ، وإن أصلا أصلا أنا تعبت بجد

أنا مش ناقصة بجد

انت بتنكشي ليه ورا تعبك يا نوارة؟ هاه؟

آه يا بلد

جبهة التهييس الشعبية said...

الا والنبي ترد عليا بحق ربنا يا مواطن

انت فيه واحد اسلامي كهربك في ودانك وانت صغير؟

77Math. said...

أنا فاكرة زماان كانوا بيلموا "هواء" في قزايز من اسرائيل ويبيعوها في أوروبا ومحدش اتكلم

وواحد كان كاتب مقال بيقول لو الحجاج والعمّار عملوا كدا وجابوا هواء من مكة، كانوا نعتوا المسلمين كلهم بالجنون والتخلف وتصديق الخرافات

بس بجد مش المفروض نستغرب، لا تقوم الساعة إلى على أشر أشر شرار الناس

يعني دا الخير لسة !

جبهة التهييس الشعبية said...

لااااا
انت ما شوفتيش بقى الفيديوهات اللي نازلة على اليوتيوب بتقول ان اسرائيل هي اللي اخترعت كل حاجة
مش ناقص غير يقولوا انها هي اللي اخترعت ادم وحوا والقرد معاهم

جبهة التهييس الشعبية said...

مش عارفة ليه يا اوختشي حاسة ان القيامة قامت واننا في جهنم واحنا مش دريانين

TAFATEFO said...

هههههههههه

هو مش جنان ولا حاجه .. هما بيتكلموا عن ان ذوي الأصوول اليهودية بيشتركوا في بعض الصفات الوراثية أو السمات الجينية المتشابهة أو المتماثلة (مجموعة من السمات الورائية بتنتقل على كروموزوم (كروموسوم) واحد .. اللي بيقولوا عليها هابلوتايب) مجموعة هابلوتايبس بيطلق عليهم هابلوجروبس .. في هابلوجروبس معينة بتعتبر مؤشر (أقل من دليل) على الأصول اليهودية

بيقولوا كمان ان لو متتطابقتش مع أي من الهابلوجروبس دي .. فهما هيقارنوا الشفرة الورائية بتاعتك ببنك الشفرات الوراثية لليهود اللي عندهم علشان يشوفوا يمكن يلاقولك قريب (أصل) يهودي .. يعني حد تتماثل أو تتقارب بعض شفرتكم الورائية بما يدل على القرابة

هي الحكاية ان الديانة اليهودية(اللي هما عملوها) بتقول ان كل اللي أمه يهودية أو تحول لليهودية يبقى يهودي

بس كده .. فالموقع ده بيروج لعمل الاختبار ده بـ 185 دولار للرجاله و150 دولار للسيدات

هو الكلام علمي .. بس التطبيق حقيقي ولا لا .. يعني حاجه كده زي جمعية آل البيت عندنا .. بتروح تدفع فلوس ويدورولك في شجرة النسب ان كنت من آل البيت ولا لا .. ويدولك الكارنيه .. هو في علم أنساب .. بس الله أعلم بيدوروا ويطبقوه فعلاً ولا لا

TAFATEFO said...

لا هي إسرائيل بتدي الجنسية لأي يهودي .. يعني أي يهودي من حه ياخد الجنسيه (أي واحد أمه يهوديه يبقى يهودي عندهم) .. فهي الحكايه كده

اللي أمه يهودية أو تحول لليهودية يبقى يهودي

مش فاكره من كام سنه لما مادونا عملت الاختبار ده وفرحت أوي انها من أصل يهودي .. وتقريباً مادلين أولبرايت كمان بس مش متأكد

مواطن مصري said...

ههههههه


مش دي الحقيقة ان المتطرفين في كل مكان دماغهم واحدة

الاسلامين =الصهاينة= المتطرفين المسيحين

كل طرف من دول لا يقتنع بفكر الوطن أو الجنسية مفتكر أن دينة فقط هي الوطن و الجنسية و الباقي أعداء و كفرة

ايوشة said...

مش عارفة اقول ايه هكتفى بالضحك هههههههههههه

77Math. said...

هههههههههههههههه

معك حق والله تحسي بكدا

أقل واجب يعني

بس أؤكد لك إنه إحساسك صحيح، بتعديل بسيط، احنا في جهنم فعلا بس بتاعة اللي قبل يوم القيامة

بعد القيامة بقى، في حسابات كثير حتحصل وتعديلات وزارية كثييييييييير

وفي ناس حتشرّف كثير في جهنم مابعد قيام القيامة !

وساعتها أنا وأنتِ حنقعد نفتكر الكلام دا :D

TAFATEFO said...

@مواطن مصري

يابني انت بتحرت في بحر .. آل فهمتي آل

جبهة التهييس الشعبية said...

ايوة مادلين اولبرايت عملت الاختبار وطلع فيها اصول يهودية وقالت: انا فخورة باصولي اليهودية وفخورة باني امرأة
!!!!!!!!!!!
معلش هي لو عملت اختبار الدي ان ايه وطلعت يهودية ده ماشي نسلم بيها ولو اني مش مقتنعة بحكاية ان الديانة تبقى عرقية

بس موضوع انها امرأة دي
معلش اسمحوا لي
لو الحكاية دي انا ح انسحب من النادي واعمل عملية واتحول

TAFATEFO said...

مش عارف ليه ساعات كتير بفتكر جمله بتقولها هالة صدقي في مقدمة برنامج حيلهم بينهم بتاع عمرو رمزي

ايوشة said...

على فكرة ممكن يكون ده صحيح نوعا ما زى المرض اللى بيصيب اليهود فقط واللى هتجنن واعرف السبب من ده ايه

جبهة التهييس الشعبية said...

وبعدين اشتراك ابناء ديانة واحدة في صفات جينية ده مش كلام علمي ده تخريف
لان يهود اليمن مش من بني اسرائيل
ويهود اذربيجان
ويهود دول كتير من شرق اوروبا
مش من بني اسرائيل
يبقى ازاي مشتركين في جينات واحدة

هو بشكل عام
البني ادمين كلهم جذورهم واحدة يعني

TAFATEFO said...

على فكره في اختبار دي ان ايه يثبت إذا كانت امرأة ولا لا

:D:D:D:D:D

بدراوى said...

شوفى حضرتك يا استاذة نوارة
مفيش حاجة اسمها
لما ابقى يهودى ابقى جنس تانى
و فصيلة تانية

لأن الإنسان بيختار ديانته و لا يختار وطنه او جنسه
يعنى انا مثلاً لو بشرتى لونها سمرا
مثلاً يعنى
مش ممكن بقى اغيرها

لكن ممكن اغير ديانتى
-
مع التحفظات الكثيرة التى أبديهاعلى تغيير الديانة

لكن انا اقصد انى الديانة شىء متغير و العرق و الأصل و الفصيلة شىء ثابت

يعنى كل الكلام ده هبل ابن هبل

يعنى انا لو بكره قلبت يهودى
حينبتلى ضفيرتين فى شعر راسى
و الاقى دوارية فاضية
كدة عشان الطاقية و لا ايه بالضبط

مثلاً يعنى

و بعدين هناك قاعدة شهيرة تقول

كل الصهاينة يهود
و ليس كل اليهود صهاينة
--------
انا بقترح نبعتلهم محمد على ابراهيم و ممتاز القط
و اسامة سرايا

او كفاية القط

يعزف لهم سيمفونية لمن غير نشكو
و حتة من طشة الملوخية

و كدة باباى يا اسرائيل
:-)

TAFATEFO said...

ما هو محدش قال انهم ليهم شفرة ورائية واحدة

يا نواره هانم

الموضوع باختصار ان في بعض حالات التشابه في الشفرة الوراثية .. تقدر تقول ان اللاتنين دول قرايب .. وان احنا لو خدنا 1000000 شفرة وراثية لمجموعة من الناس ولقينا فيهم مجموعات معينة مشتركة لمجموعة من الناس .. دي ممكن تخلينا نقول ان دول من أصل واحد .. فلما هما حددوا الأصول اليهودية

# The main ethnic element of Ashkenazim (German and Eastern European Jews), Sephardim (Spanish and Portuguese Jews), Mizrakhim (Middle Eastern Jews), Juhurim (Mountain Jews of the Caucasus), Italqim (Italian Jews), and most other modern Jewish populations of the world is Israelite. The Israelite haplotypes fall into Y-DNA haplogroups J and E.
# Ashkenazim also descend, in a smaller way, from European peoples such as Slavs and Khazars. The non-Israelite Y-DNA haplogroups include Q (typically Central Asian) and R1a1 (typically Eastern European).
# Dutch Jews from the Netherlands also descend from northwestern Europeans.
# Sephardim also descend, in a smaller way, from various non-Israelite peoples.
# Georgian Jews (Gruzinim) are a mix of Georgians and Israelites.
# Yemenite Jews (Temanim) are a mix of Yemenite Arabs and Israelites.
# Moroccan Jews, Algerian Jews, and Tunisian Jews are mainly Israelites.
# Libyan Jews are mainly Israelites who may have mixed somewhat with Berbers.
# Ethiopian Jews are almost exclusively Ethiopian, with little or no Israelite ancestry.
# Bene Israel Jews and Cochin Jews of India have much Indian ancestry in their mtDNA.
# Palestinian Arabs are probably partly Israelite.

لقوا مجموعات من الهالبوجروبس اللي تشير إلى الأصل اليهودي (مش تؤكد ولا حاجه) .. بس تشير إلى

وبعدين برضه هما بيقولولك نراجع تركيبة شفرة الورائية مع قاعدة البانات اللي موجودة عندنا يمكن نلاقيلك أصل يهودي

على العموم عادي

بس قوليلنا نادي السيدات ده فين الله يكرمك .. لحسن العملية ناشفة خالص

:D:D:D

جبهة التهييس الشعبية said...

ههههههههههههههههههههههههه
عارفاها الجملة اياها

بالنوسبة لليهود
الكلام ده ينطبق على كل الديانات

انا باتكلم على المبدأ يا مصطفى

يعني ايه يتكشف على الدي ان ايه بتاع واحد عشان يشوف اذا كان فيه عرق يهودي وللا لا؟

اذا كان هم نفسهم مقسمين اليهود الى يهود اوروبيين غربيين واوروبيين شرقيين ويمن وعرب واسبان الخ الخ الخ

طيب
ماهو ده كده بقى يمشي على كل الديانات

يعني لو سمحت بقى اعمل دي ان ايه عشان تعرف اذا كان فيك عرق مسيحي

وعندك بقى

مجموعة المسيحيين المصريين
ومجموعة المسيحيين اللبنانيين
ومجموعة المسيحيين الايطاليين ومجموعة المسيحيين الفرنساويين

ونفس الحكاية تنفع على المسلمين

يعني باراك اوباما بقى عند "عرق" مسلم

مافيش حاجة اسمها

"عرق"
يهودي

وحاطط اليهودي جنب الفينيقي والجرماني والسكندنافي كأنه عرقية
وهو مش عرقية
ده ديانة
بدليل اهو
اهو
اليهود نفسهم ستميت عرق

TAFATEFO said...

سيبك من ده كله ومتهربيش من إجابة السؤال لو سمحتي علشان في 100 واحد على رنات مستنيين الإجابة

نادي السيدات (اللي حضرتك هددتي بالانسحاب منه ده) يقع فين؟؟ للعلم بالشيء فقط

TAFATEFO said...

عشان بعد يومين نلاقي الصهاينة طالعين من فلسطين يسبوا الدين

جبهة التهييس الشعبية said...

جمعية المرأة المتوحشة

هلبت بقى هي عملت تحليل دي ان ايه واثبت بالفعل انها امرأة؟

المعمل ده كان مضروب

تيجي تعمل التحليل هنا عندنا في معمل البرج
نعمل لها مزرعة وصورة دم كاملة ونشوف بقى الادعاءات الصهيونية بانها امرأة دي جات منين

ماهم عايزين يدسوا علينا اي حاجة بقى

بالنوسبة لنادي الحريم
انظر حولك
انا رمز تحطيم الاسرة

Amgad said...

علي كده بقي هتلر كان عندو حق
قبل الحرب العالمية التانية
لما كان بيدرس في مناهج المانيا
الفرق التشريحي بين اليهود والجنس الاري
والدراسات التي سميت فيما بعد بالدراسات الكاذبة
وقالو ان مفيش فرق بين اليهودي واي شخص في العالم تشريحيا
وموضوع الجماجم والليله بتاعة هتلر دي كانت عشان هو عايز يبين ان اليهودي مختلف

جبهة التهييس الشعبية said...

لا ما كانش عنده حق
عشان نفس المناهج دي كانت بتقول على العرب والافارقة ان عندهم ضمور في الفص الامامي من المخ وعشان كده تصرفاتهم اقرب للحيوانات وبيميلوا للجريمة بطبعهم

والفرنساويين كمان كانوا بيدرسوا الكلام ده

الله يخرب بيوتهم والبيوت اللي جنب بيوتهم

وانا مش فاهمة اليهود بيعملوا كده ليه؟

اغبيا دول وللا ايه؟
اللي هم بيعملوه ده غباوة وح يدينهم قبل ما يبقى في صفهم

الظاهر الولية اللي قالت ان اسرائيل مؤامرة على اليهود كان معاها حق

صباح الصباح said...

تحسبهم جميعا وقلوبهم شتا

صدق اللة العظيم

Anonymous said...

طبعا عشان احنا مسلمين وعارفين ان ان الدين ده اختيار للانسان مش هنقدر نفهمه بصى يا ستى الحوار اللى بيتكلمو عليه اساسه ان زمان اوى كان نبى اسمه يعقوب عليه السلام اللى هو له اسم تانى هو اسرائيل اللى هو يبقى ابو سيدنا يوسف واخواته الحداشر السلاسله دى بقى هما بنى اسرائيل ودول ربنا فضلهم عن كل الناس بانه ربنا بعتلهم رسل وبقو اصحاب الكتب السماويه وهما فضلو متخيلين انهم هما بس اللى ربنا بيحبهم ومنهم ناس قالو ان اليهود ابناء الله وعشان تعرفى ان كرههم للسيد المسيح ان رسالته كان فيها عالميه شويه يعنى مش لازم اللى يتبعه يبقى من بنى اسرائيل -معلومه عيسى عليه السلام برضه من بنى اسرائيل- يعنى يا سيدتى مينفعش اى حد يبقى يهودى لازم يكون من بنى اسرائيل يعنى اليهوديه مش ديانه اد ما هى سلاله طبعا احنا كمسلمين اللى نعرفه ان كلنا من نفس واحده اللى فى الاخر من تراب وان ربنا بعت لنا الاسلام لكلنا اللى هو كل الناس هما بقى الكلام ده خارج عن تفكيرهم اليهودى لازم يكون من سلاله اسرائيل ممكن يكون كلامى غريب بس بجد هو تفكيرهم كده واتمنى اكون عرفت ابين انا عايز اقول ايه وسلام

فهلاو said...

يقال إن الدكتور جمال حمدان رحمه الله فقد حياته بسبب من هذا السؤال تحديدا

كتابه عن اليهود كان نفى آنثربولوجى لوحدة الجنس لدى ما يسمى بالشعب اليهودى، بل ولوجود ما يسمى بالشعب اليهودى من الأساس

خللى بالك بقى
مش هنعيده

فهلاو said...

اليهود قليلين كلهم حوالين العالم ما يتجاوزوش خمستاشر مليون أول عن آخر يعنى ضمن السته وشويه مليار بنى آدم على الكره الأرضية

فبيحاولو أولا يزودوا العدد ده عن طريق إدعاء الانتساب لأصول يهوديه وعندهم الجينالوجى وعلم الأنساب شغال سبوبه

ما حدش دفع وماطلعلهوش أصول يهودية لسبب بسيط، بيعتبرو إن اللى نجيوا من الطوفان كلهم يهود ومعنى ده إن البشريه كلها فى أصولها يهوديه، فحضرتك تدفع نجيبلك جدرك، كسبانه كسبانه يعنى

ثانيا مطلوب جلب التعاطف كجزء من استراتيجيات الاحتماء، ومثال مادلين أولبرايت نموذجى، أصولك يهوديه يبقى هاتتعاطف مع اليهود، قرايبك بقى،

طب بالذمه والدين، اللى يبص فى سحنة ليبرمان ولا أى حد من يهود روسيا، وسحنة أى سفاردى زى وزير الدفاع السابق من اصل عراقى ده اسمه ايه ولا اشكنازى زى رابين ولا فلاشا زى مش عارف مين ولا قراء مغربى ولا يمنى يقدر يقول ان العالم دى من أصل واحد، ده ضد التاريخ والعلم والدين نفسه، صحيح اليهوديه مش ديانه تبشيرية، بس ده حصل نتيجه لتطور تاريخى، لإن الديانه ينتفى عنها وصف الدين كمنهج إيمانى لو قصرته على الورثه بس، وده اللى قاله يهود كتار،

جدر العنصرية اليهوديه هو الفكره دى، التمايز العرقى والسمو العنصرى، وهى أصل فكرتى الاستعمار والتطهير العرقى، وبيلخصهم عمليا النهارده الايديولوجية الصهيونيه،

الكلام يبدو خليط بين العلم والبيزنس والدين، لكنه نهايته دفع لأسوأ ما فى النفس الانسانية من اتجاه كامن نحو العنف والاستعلاء، وده يجعلنا نفكر هنعمل فيه إيه

على فكره الفكره دى كانت ليها جانب جهول، وهو عمل قنبله بيولوجيه تستطيع جراثيمها تمييز اليهود (خلايا اليهود) من غير اليهود فى إسرائيل، هابقى أدورلكو عن الخبر المفتكس ده عشان تشوفو عقلية العنصرى اللى ورا الكلام الفارغ ده

tamer.sala7 said...

انا عايز افهم انتوا بنتاقشوا ايه


ده في بحث مشهور في سوهاج بيثبت ان الصعايدة كلهم ولاد عم لزم واخوات شجايج كمان


حمرااااا

Anonymous said...

ويل لامة تشهيص فيها المثقفين
دا اهداء خاص لصاحبة المدونة

مهندس مصري said...

مجلة العرب : نشرت صحيفة "هأرتس" الإسرائيلية تقريرا قالت فيه أنه في وقت سابق كانت الولايات المتحدة الأمريكية وإسرائيل تملتكا القدرة على حجب عمليات الرصد التي تقوم بها الأقمار الصناعية حين تأخذ دورتها مرورا بأرضيها، وأنه من المحتمل أن تلك الميزة سوف تفقد قريبا، وأن للأمر علاقة بتدهور العلاقات الروسية الأمريكية من جانب والروسية الإسرائيلية من جانب آخر، ولكن التقرير في الحقيقة يخص مصر بالذكر على وجه التحديد!.

يقول التقرير بحسب الرأي نيوز أن العلاقات الأمنية بين إسرائيل وروسيا مستمرة في التدهور، وأن الأزمة الاولى في العلاقات جاءت في أعقاب الكشف عن صفقات السلاح والإستشارات العسكرية الإسرائيلية التي قدمت لجورجيا قبل وأثناء حرب القوقاز، وأنه في الأعوام التي سبقت الحرب بين روسيا وجورجيا والتي إندلعت في صيف 2008، إعترضت الحكومة الروسيه عدة مرات على بيع السلاح لجورجيا، ولكن وزارة الدفاع الإسرائيلية تجاهلت الشكاوي الرسمية التي أرسلتها موسكو.

وقالت الصحيفة أن الرد الإسرائيلي كان مستخفا بالرغبة الروسية في وقف تسليح الجيش الجورجي، وطلبت تل أبيب في المقابل من موسكو الكف عن تزويد كل من طهران ودمشق بالمنظومة الصاروخية الدفاعية، ومازالت تلك الصفقات محل نقاش حتى الآن.


ولكن من جانب آخر "تقول الصحيفة" ربما تكون هناك علاقة بين هذه التوترات، وبين التحفظات التي وضعتها وزارة الدفاع الإسرائيلية على عمليات تصدير أنواع محددة من السلاح المتطور لروسيا، ووصل الأمر إلى حد الحظر، خاصة بالنسبة لطائرة الإستطلاع التي تعمل من دون طيار والتي تطورتها مؤسسة الصناعات الجوية الإسرائيلية، وزودت بها جورجيا، وفي أعقاب حرب القوقاز طلب الروس شرائها.

الصحيفة إهتمت للغاية بتقرير نشره موقع IntelligenceOnline، والذي أكد أن روسيا وافقت على إعطاء مصر تكنولوجيا فضائية جديدة، عبارة عن قمر إصطناعي للمراقبة، والذي من شأنه أن يعطي المصريين صور بنسبة جودة عالية جدا، وأن القمر الصناعي سيكون تحت إمرة الجيش المصري، وأن احد أهم الأهداف التي سيرصدها هي الأراضي الإسرائيلية.

ويقول الموقع "طبقا لما أوردته الصحيفة الإسرائيلية"، أن مصر نشرت قبل فترة مناقصة حول القمر الصناعي، وأن عدد من الشركات الأوروبية الكبرى هرعت إلى الدخول في تلك المناقصة، ومن بينها "أستريوم" التابعة للشركة الأوروبية الأمنية القابضة EADS، والتي تملكها كل من ألمانيا وبريطانيا وفرنسا.

ولكن تبين لمصر أن "أستريوم" تعتزم تخفيض نسبة التكنولوجيا الخاصة بجودة الصور، بحيث يتم تقليل جودة الصور حين يأخذ القمر دورته فوق الأراضي الإسرائيلية، بحيث لا يظهر في الصور سوى أحجام محددة، وما دونها سيكون من الصعب رؤيته.

وتقول الصحيفة نقلا عن الموقع، أن مندوبي الشركة قالوا أن تقليص جودة الصور جاء بقرار سياسي فرنسي، وأن الأمر كان مفاجئة، حيث لا يوجد قانون دولي محدد يمنع فرنسا من بيع أقمار صناعية لديها قدرات فائقة على التصوير لأي دولة، وان وسيلة الأمان التي تمنحها فرنسا لإسرائيل مجانا على حساب المصريين، تدل على مدى حرص باريس على أمن الدولة العبرية والتعاون الأمني بين البلدين، ربما بمقتضى لإتفاقية الأمنية الموقعه بين باريس وتل أبيب فيما يتعلق بتطوير وإطلاق الأقمار الصناعية.

كما تشير إلى أن وضع قيود على حدة الصورة فيما يتعلق بدورة القمر الصناعي فوق إسرائيل ليس جديدا، ففي عام 1996 توصلت إسرائيل إلى إتفاق مع الولايات المتحدة الأمريكية، بعد مسيرة طويلة إستمرت سنوات، وتنقل عن مهندس تلك الإتفاقية، اللواء المتقاعد "دافيد عيفري" الذي كان وقتها مدير عام وزارة الدفاع، ويشغل حاليا منصب رئيس فرع شركة "بوينج" في إسرائيل.

وقالت نقلا عن اللواء المتقاعد أنه للتفرقة بين الأقمار الصناعية العسكرية، قامت شركات تجارية ببيع صور إلتقطتها أقمار صناعية تجارية، وان أفضل صورة من الممكن تحقيقها من خلال هذه الأقمار كانت بنسية دقة تصل إلى عشرة أمتار، فطلبت إسرائيل الدفاع عن نفسها من الدول العربية بالتحديد، والتي كان بإمكانها الحصول على صور دقيقة، وقد وافق الرئيس الأمريكي بيل كلينتون وقتها، وتدخل لمنع الشركات الأمريكية من بيع صور أقمار صناعية تخص مواقع إسرائيلية بنسبة رؤية أقل من 2,5 متر.

العديد من الشركات الأمريكية لم يرقها التدخل الرئاسي، ولكنهم إضطروا على الموافقة عليه، ومع ذلك تم إدخال بند على القرار يحدد صراحة أن المنع يسري فقط على الصور التي قد تباع بشكل علني بدون رقابة، وأنه لا مانع من بيع صور ليست بدقة عالية.

من جانبها إلتزمت إسرائيل أيضا بعدم بيع صور إلتقطتها أقمار صناعية تخصها للدول التي تعتبرها الولايات المتحدة الأمريكية معادية لها، ومن بينها كانت فنزويلا، وقبل عام قدم مستثمرون أمريكيون في شركة "إيميدج سات" وهي شركة تشارك فيها مؤسسة الصناعات الجوية الإسرائيلية، قدموا دعوة قضائية أمام محكمة أمريكية، وقالوا في الدعوة أن أرباحهم تقلصت لأن وزارة الدفاع مارست ضغوطا لمنع الشركات من بيع صور القمر الصناعي الإسرائيلي "أروس" للدول التي تعتبرها الولايات المتحدة الأمريكية عدوة.

وقد تم الإلتزام بالإتفاق لسنوات ولكن لم يتم التوقيع على إتفاق آخر من شأنه دعم الإتفاق السابق، لأن شركات غير أمريكية او إسرائيلية نافست وباعت صور بجودة عالية للدول التي تتحفظ عليها أمريكا وإسرائيل.

ومع ذلك، ظل هذا الأمر حكرا على أربع دول تسيطر على فضاء العالم، إلى أن إنكسر الإحتكار تدريجيا، حيث دخلت العديد من الدول إلى سوق "الأقمار الصناعية"، وزادت القائمة، واليوم تقوم كل من إسرائيل، إيطاليا، ألمانيا، كوريا، الصين، والهند من خلال شركات تجارية، ببيع صور بالقمار الصناعية بدرجة دقة عالية تشبة دقة الأقمار العسكرية، ولا يوجد لديها حدود مغلقة.

وتقول الصحيفة الإسرائيلية (لكن هذا ليس نهاية القصة، في الأونة الأخيرة، إضطرت الدول التي لا تمتلك هذه القدرات، إلى شراء الصور الفضائية من الشركات التجارية، واليوم يسعون لشراء الأقمار الصناعية نفسها، وهو المثال الذي تبرز فيه مصر).

وتضيف ان إمتلاك القمر الصناعي يحرر مصر من التبعية للوسيط الأجنبي، ويقلص المخاطر التي تتعلق بتسريب معلومات حول الصور التي تطلبها دولة من الدول عن دولة أخرى، فمن يطلب الصور، يخبر صاحب الشركة التجارية، أي هدف يرغب في تصويره.

كما تحاول إسرائيل أن تقتحم السوق الجديد وتنافس فيه، ففي الأونة الأخيرة أعلنت الحكومة التركية عن مناقصة لشراء قمر تجسس عسكري، وقد هرعت مؤسسة الصناعات الجوية الإسرائيلية إلى تلك المناقصة، ولكن بتعليمات من وزارة الدفاع، تم وضع قيود كبيرة، فتم تقديم العطاء الإسرائيلي متضمنا شرط، وهو أن القمر لن يمكنه تصوير الأراضي الإسرائيلية، فرفضت تركيا، وإتفقت في النهاية مع شركة إيطالية.


المصدر: الرأي نيوز
http://arabmag.blogspot.com/2009/03/blog-post_6668.html

الكلمة فرقان مابين نبى وبغى said...

على فكرة انا اللى كتبت التعليق بتاع الشهيصة ومعرفش طلع انونيمس ليه
بس المهم
اه هما رافضه واحنا بالنسبه ليهم ناصبة
وانا معملتش الطوائف
ومحدش فينا خلق النار بس كلنا اتلسعنا بيها
ومش هاعلق لانك بتقولى على لسانى
حاجه مقولتهاش
وويل لامه هيس فيها المثقفون
تعريف الشهيصة: انك تفتح الجواب تقرا فى اول السطر بسم الله الرحمن الرحيم تقفل الجواب وتقول للى حواليك دا قران
:D

جبهة التهييس الشعبية said...

كل ده مش ح تعلق؟

ده انت طالع بتلات مناظر يا راجل

الكلمة نور said...

فكرة التعليق انى اناقش البوست
يامعلمى

faissl said...

الكام سطر اللي في الآخر من أول ياللا يا شباب
يا لااااهوي
وقعوني من الضحك
الله يحظك يا شيخة
وآآآآآآآآمين من كل قلبي
دول مش بس ح يسبوا بالدين
ده قليل ان ما رموا نفسهم في البحر تحت شعار بيدي لا بيد عمرو
او ان الغرق احسن من الشلل :)))))))))