Thursday, 12 March 2009

قفاك أولا

أنا والله كمية الكتب اللي خلصتها بخصوص إسرائيل تخليني أعمل دكتوراه في إسرائيل
هلبت بقى إني فعلا عايزة كل واحد فيكوا نفر نفر يقرا الكتب دهين، ليه بقى؟ عشان حكاية اللي يعوزه البيت يحرم ع الجامع
وهي نظرية أجلها وأقدرها وأحترمها من خالص معاميع مغاميص قلبي
يعني مثلا ييجي واحد، هو جه عدد من البشريات، يقولوا لي، تفكيك إيه وتربيط إيه يا شيخة ما تسيبينا في حالنا احنا لاقيين ناكل؟
لا إحنا مش لاقيين ناكل، طيب أنا عايزة اسأل كل شاب وفتاء في مصر بالتحديد وفي عموم الوطن العربي (خاصة حزام الزلازل اللي محاوط اسرائيل) انت عايز تبقى محترم وللا عايز تبقى اراجوز؟
لو عايز تبقى اراجوز تقدر تفضل اراجوز طول عمرك (انظر العراق حاليا) يعني، على احسن التقديرات، انا باتكلم عن مصر، يغيروا لك حسني مبارك ويجيبوا لك شاب لطيف يرقص في الانتخابات اللي عمر ما ح يترشح فيها حد مش على مزاج السيادة والباب العالي، ويعملوا لك جمعيات اهلية ومجتمع مدني، ويمولوه يا سيدي كمان، ويفتحوا لك البلد عشان تبقى سوق لاي بضايع في الدنيا غير بضايعك لانك مش ح يبقى لك بضايع ولا نيلة، مع الوضع في الاعتبار انك مش ح تبقى زي دبي لان الامارات عندها بترول وانت ما عندكش، ومع ذلك دبي مش املة ومش منتظر انها تحقق اكتر من اللي حققته، يعني ح تفضل طول عمرها كده، عالم تالت، طبعا كان ح يبقى عندك بترول لولا انك بتخرطه وترميه للوز، ويفضل الحال الاقتصادي على ماهو عليه، مع ضمان جمعيات شحاتة كويسة قوي تشْحت وتشّحت وهكذا كذا فزورة.
مبسوط؟
ح تفضل كده طول عمرك، وطول عمرك ح تفضل عالم تالت، وطول عمرك ح تفضل شحات، طول عمرك ح تاخد على قفاك، طول عمرك ح يفضل مش عندك سيادة، وطول عمرك ح تفضل تحت رحمة الباب العالي، لهم مزاج يجيبوا لك نظام قمعي يجيبوه، لهم مزاج يشهيصوك ح يشهيصوك على حسب فاكهة الموسم بقى
وللا عايز تبقى محترم يعني؟
يعني ايه محترم؟ يعني تعمل تنمية وبلدك بقى تكبر وتقب على وش الدنيا، تبقى زي الصين يعني، وللا حتى تايلاند، وللا اندونيسيا
هم احسن منك في ايه؟
عشان تعمل تنمية لازم لك شوية حاجات صغننة كدهون زي اي بني ادمين بيعملوا تنمية، زي ما انجلترا وفرنسا والنمسا والنرويج والسويد (على فكرة السويد في يوم من الايام كان مستواها الاقتصادي زي مصر كدهون وكله بالارقام)
الناس دي ما نامتش مقملة ومتخلفة ومضلمة صحيت لقت نفسها ميت فل وسبعتاشر
اللي عايز يعمل تنمية لازم يشارك في السوق، مش هو اللي يبقى سوق، السوق ده لما البياعين بيلموا فرشتهم اخر النهار بيبقى فاضي
يعني لازم يبقى عندك صناعة وزراعة وتكنولوجيا
والتلاتة لازم لهم سيستم
والسيستم لازم له دولة
والدولة لازم لها سيادة
والسيادة مش بس على الحدود، السيادة في الخطط السياسية والاقتصادية وعشان تقدر تعمل الخطة اللي على كيف كيفك لازم تبقى آمن، وعشان تبقى آمن لازم تبقى حدودك امان امان امان، وعشان تبقى حدودك امان لازم لك هيبة، وعشان يبقى لك هيبة لازم يبقى عندك قوة عسكرية رادعة توازي قوة اللي جنبك ان لم تفقها، مش في نص الحرب تقول: اي...لا كفاية كفاية، انا ما اقدرش احارب امريكا
هارش؟
طيب يا استاذ لمبي اوعى يغرك جسمك
يعني مش عشان مافيش عسكري انجليزي ماشي في الشارع يبقى انت عندك دولة وسيادة
لازم تفهم انك ممنوع تبقى محترم، ولزمن ولابد تبقى اراجوز
ثانية واحدة عشان ما يجيليش واحد إجز يقول لي نظرية المؤامرة، لا والله العظيم مافيه مؤامرة، المؤامرة دي بتبقى سرية، مابتشتغلش على عينك يا تاجر
في مذكرات موشى شاريت وزير الخارجية ورئيس الوزراء الاسرائيلي في الخمسينات اللي هو كان عبارة عن العوبة يعني في ايد بن جوريون
الراجل بيقول ايه؟
بيقول ان - احم لا مؤاخذة يعني الناصريين ح يزعلوا بس الواحد لزمن يقول اللي في معدته - عبد الناصر ما كانش صلاح الدين ولا حاجة، ده كان راجل عايز يعمل تنمية في بلده، وفكر زي ما بيفكر ناس كتير دلوقت: اللي يعوزه البيت يحرم ع الجامع، عندي امية وفقر وبلاوي متلتلة وانا عايز اعمل تنمية
ومن ثم
قرر يعمل محادثات سرية مع بن جوريون عشان يتوصل الى سلام عادل وشامل يخليه يتفرغ للتنمية داخل مصر، وقال الكلام ده لوزير الخارجية الامريكي ساعتها
قام شكرا لساعي البريد قوي الراجل قال البقين دولم لبن جوريون (كانت امريكا لسة وقتها مش عارفة تظبط دماغها قوي) قوووووووووم بن جوريون قال: ده عند امه يا ادهم....طبعا تحييد مصر في الصراع العربي الاسرائيلي ده ضمن خطتنا، بس مش بكيفه، ومش بشروطه
مش ح اسيبه يعمل تنمية ويبقى خلصت من قوة عسكرية عشان ابقى باواجه قوة اقتصادية
ممنوع اي دولة عربية تعمل اي تقدم صناعي او تكنولوجي او حتى زراعي خصوصا المحيطين باسرائيل
انا اللي احدد امتى اتكلم، وانا اللي ح اصنع الظروف اللي ح اتكلم فيها معاهم
اهو...وش كده من غير اي مؤامرات ولا حاجة
وارجع لمذكرات موشى شاريت اللي اسرائيل دلوقت بتلاحق اللي نشروها قضائيا
قام الدلدول الامريكاني قال كده لعبد الناصر، طبعا الراجل جات له صدمة زرمبيحية، لانه يا قلب امه كان فاكر ان الحكاية حكاية انهم عايزين يعيشوا وخلاص
شاريت بيقول بعدها وبداية من سنة 55 ابتدت الاجهزة الاسرائيلية - بمشاركته نفسه اللي هو شاريت - وضع خطة ما تخرش المية لالحاق هزيمة ساحقة ماحقة بعبد الناصر ومن ثم هدم مشروعة وكل اللي يرتبط بيه، وحددوا لها جدول زمني وقالوا في الفترة ما بين خمسة وستين لتمانية وستين
اللي هي هزيمة سبعة وستين
طبعا هو كان بامكانه ما يتهزمش قوي كده، بس الكلام ده لو كان هو كمان بيحط خطط لهدم اسرائيل من سنة ستة وخمسين مثلا
لكن هو اتلخم في العدوان الثلاثي، وفي قمع المعارضة الداخلية، ده غير الفراتين بقى، زي فضيحة لافون وخلايا التجسس الصهيونية مع انه كان حريص اشد الحرص على كسب الاقلية اليهودية في مصر لكن بن جوريون كان متنبه للنقطة دي وعمل اتفاق انجليزي - فرنسي - اسرائيلي لخلق حالة عداء حوالين اليهود العرب خاصة يهود مصر والعراق اللي كانوا متبتين في بلدهم وكانت حكومات بلدهم متبتة فيهم، وبالفعل نجحوا في توريط بعض اليهود والتحريض عليهم وبرضه حطوا خطة ما تخرش المية وما حدش يقول لي وهم متمكنين قوي كده ليه؟
حط في الاعتبار ان الثورات في العالم العربي كانت لسة جديدة، والاحتلال كان لسة خارج حالا، وهم ضربوا على الحديد وهو ساخن زي ما احنا دلوقت حالا المفروض نضرب على اهله عشان احنا خلاص ما بقاش فينا حتة تنضرب
وطبعا زي ما انتوا عارفين حصل ايه في كامب ديفيد والشروط اللي حطتها اسرائيل لضمان عدم حدوث اي تنمية في مصر
وكتاب مذكرات شاريت، وكتاب ركل السلم بعيدا بتاع واحد صيني ناسية اسمه ومش عارفة اجيبه لاني اديت الكتاب لصاحبتي، وكتاب اساطير الصهيونية لجون روز (يهودي امريكي تروتسكي) كلهم بلا استثناء بيقولوا ان اهم حاجة اسرائيل حريصة عليها جدا هي والقوى الامبريالية (اوروبا وامريكا) وبيبذلوا الغالي والنفيس من المعونة الامريكية المعلنة والسرية هي ان ما يبقاش فيه حوالين اسرائيل اي من الآتي: صناعة، زراعة، بحث علمي
كحك
امال ح نعيش ازاي؟
ممنوع ممنوع ممنوع، ومش دلوقت اللي ابتدوا يحذرونا من الانجراف ورا مشاعرنا الطايشة، ده من ايام عبد الناصر وعشان كده عبد الناصر غير رأيه مية وتمانين درجة وقال لهم كده يبقى ناس مش عايزة تتعايش، دي ناس عايزة تستعبدنا!!! اه والله يا عيني، عرفها لوحده من غير ما حد يقول له
اقصد يعني، مافيش داعي لاننا نستهبل ونهبل لان فيه واحد من اكتر من خمسين سنة وفر علينا الهبل والسذاجة وحاول على قد ما تسمح له كرامته انه يتعايش، مش ح نقعد نلف في نفس الدايرة دي ونقول عايزين يتعايشوا وللا لا؟ ماهم من اكتر من خمسين سنة قالوا للراجل كخ كخ، ما تمدش ايدك على التنمية لو عايز تتكلم معانا
انا مش عايزة الاقي اعذار لعبد الناصر والسادات ومبارك على فكرة
بس فعلا فعلا فعلا، مهما كان واحد فيهم قمعي، وواحد مجنون وبيلبس مزيكا ويمسك بايب، وواحد دمه تقيل وما عندوش قدرة على الابتكار
مهما كان اي حد فيهم
مافيش بني ادم في الدنيا يحب ان يتسم عهده بالهزيمة والفساد والانحطاط الاقتصادي والفقر وانعدام السيادة
مافيش حد يحب كده لنفسه، مش عشان بلده ولا حاجة، عشان نفسه وذاته وفرعنته وكدهون يعني، كل واحد يحب الناس تعدد انجازاته
وفشلهم في انجاز اي حاجة مش مية في المية خيابة منهم، جزء منه خيابة طبعا، وجزء خوف ورعب كمان
اظن كان واضح وضوح الشمس في حرب غزة لما اسرائيل خرقت المجال الجوي بتاعنا وضربت حدودنا وخرقت معاهدة كامب ديفيد اللي اصلا سدت علينا اي فرصة لتنمية حقيقية وتقدم ان الراجل فعلا خايف
فعلا خايف
مش شرير ولا بيعشق اسرائيل في الضلمة، هو ما كانش قدامه غير خيارين لا ثالث لهما، اما يعمل اللي عمله ده
او يقول: يا جماعة انا مش عارف احافظ لكوا على سيادتكوا، الوضع كذا كذا كذا، احنا ممنوعين من زراعة المحاصيل الفلانية، ممنوعين من دراسة الابحاث الفلانية وفيه رقابة على البحث العلمي بتاعنا، احنا ممنوعين من تصنيع كذا وكذا، احنا ممنوعين من تطوير كذا وكذا، احنا ماضيين على اتفاقيات كذا وكذا وكذا
(ارجعوا للكتب بقى انا مش الدادا بتاعتكوا)
وانا مش في ايدي حاجة اعملها، وبجد، بجد مش كده وكده، ومن قلبي: لقد قررت ان اتنحى تماما ونهائيا عن المنصب اللي انا مش عارف اعمل فيه ايه
يمكن حد غيري يعرف يتصرف
وطبعا ده تصرف محترم جدا، بس كسر لقاعدة عمرها ما اتكسرت من سبعتلاف سنة
طب السؤال تاني
انت كمواطن مصري ابن مصر
عايز تبقى محترم وللا عايز تبقى اراجوز؟
لو عايز تبقى اراجوز مافيش احسن من الوضع اللي احنا فيه على فكرة
اي اختيارات تانية اوحش بكتييييييييييييييييييييير وح نبقى اراجوزات على ابوه، اكيد انت مش عايز المالكي وقرظاي
وللا ايه؟ وللا عايزهم؟
ما داهية تكون عايزهم، ما انا بصراحة ردود افعال الناس في الفترة الاخيرة بقت تخليني اتوقع اي حاجة
يهود يمضوا على الوثيقة
عرب يدافعوا عن اسرائيل
فممكن يعني الاقي واحد عاجبه العراق ونفسه في حرب اهلية وللا حاجة
كل شيء جايز
وكما قال جون روز (سبحان الله، لازم اجيب لكوا خواجات عشان يقولوا لكوا بديهيات عشان تقتنعوا) اسرائيل كلب حراسة لضمان عدم تحسن الوضع في العالم العربي مما يضمن للعالم الامبريالي استغلال ثرواته وفتح اسواقه
حد فهمني؟ وللا نشرح تاني؟
بالمختصر
لا ح يبقى عندك ديمقراطية، ولا تنمية، ولا ح يبطل ظابط الشرطة يديك على قفاك، ولا ح تبطل تتذل، ولا ح تبطل تغرق في عبارات، ولا العمال ح يعرفوا ياكلو لقمة رغيف حاف، ولا ح يبقى لك حس في حياتك طول ما كلب الحراسة جنبك
المشكلة مش في مبارك
والله العظيم كمان مرة
اقصد يعني بخلاف عيوبه الشخصية اللي اتعودنا عليها بالعشرة
بس مش لو مبارك راح الدنيا ح تحلو وتزهزه
حد يحاول يحط نفسه مكان مبارك بكل المعاهدات اللي ماضيينها وشروط البنك الدولي وصندوق النقد ووجود اسرائيل على الحدود
ويقول لي ح يعمل ايه؟
انا مش باتكلم عن فتح المعبر لا سمح الله، ولا عن قضية فلسطين لا قدر الله، اعوذ بالله، انا اقول الكلام القبيح ده؟
انا باتكلم عن التنمية الداخلية الواجبة لتحسين الظروف المعيشية للمواطن المصري
وده اللي يهم معظم المصريين، خلينا نيجي دوغري، لا يهمهم ديمقراطية ولا يهمهم حرية ولا نيلة، هم عايزين يشتغلوا وياكلوا ويسكنوا ويتعالجوا ويتعلموا ويعيشوا زي البني ادمين
لو ممنوع عليك الزراعة والصناعة والبحث العلمي ولو خالفت الشروط جنبك كلب حراسة نووي يطلع ميتين اللي جابوك
ح تعمل ايه؟
انا ما باحطش العقدة في المنشار والله
انا كل اقتراحي ان الحقيقة
الحقيقة
الحقيقة
الحكومات العربية مش ح تعرف تعمل حاجة، انا اسفة اني باقول لكوا كده، مش بيأسكوا
بس فعلا هم مش ح يعرفوا يعملوا حاجة، هم كل اللي يقدروا يعملوه انهم يرحمونا شوية ويفكوا عنا، ويبطلوا يهبلوا، يعني
stand still
ماحدش طالب منهم التحرك للامام، بس ما يرجعوش بالسيارة الى الخلف، يقفوا مكانهم كده يمكن احنا نعرف نعمل حاجة، يدونا فرصة نساعدهم
احنا جماهير، مش ملزمين بمعاهدات ولا مهددين باننا لو عملنا حاجة ننضرب بصواريخ
نقدر نحاول نغير الرأي العام العالمي، يدونا فرصة نساعدهم بلاش بقى افترا علينا، يجربونا
وهم جربوا كل حاجة
كل حاجة
جربوا اشتراكية ورأسمالية وبظرميطية وانبطاحية، جربوا الاتحاد السوفييتي وامريكا واسرائيل والصين وفيه منهم اتجنن ولبس ريش على راسه
كل حاجة
الا حاجة واحدة
احنا
ما يجربونا هم خسرانين ايه؟ ما يساعدوناش بس يسيبونا في حالنا مش ح نعمل لهم حاجة، ماحدش عايز بلده تتهد ولا يبقى فيها احتلال، بس بجد القمع والجنان ده مش في مصلحتهم، ينسونا شوية واحنا اصلا كده كده ناسينهم هم بس اللي بيفكرونا بيهم لما بنشوف عربيات الامن المركزي
بس احنا نقدر نقنع الناس انهم يقدرو يحققوا مصالح محترمة لو سابونا في حالنا نعمل تنمية وشالوا كلب الحراسة اللي حاطينه
خصوصا ان زكريا بيقول (اللي هو جون روز) ان دلوقت الوضع اتقلب، بعد ما كانت اسرائيل كلب حراسة لمصالح امريكا زي ما كان ريجان بيقول عليها وش كده، دلوقت بقت هي اللي بتسيير امريكا
وامريكا بتمر بازمة اقتصادية ح تسود مش ح تزهزه ولا ح تتحل وده الكلام الاخير اللي قاله اوبما: احنا مقبلين على ايام سودا
ولو صدق ظني، ح يبقى فيه حرب عالمية تالتة، او على الاقل التاجر لما بيفلس بيدور في دفاتره القديمة
وممكن يدوروا على تحالفات جديدة، او....قديمة
يعني فيه فرصة ان الثوابت تتغير والموازين العالمية تتقلب، فيه رأي عام متنامي عالمي بيقول انهم بيصرفوا على اسرائيل اكتر ما بيستفيدوا منها وانها على كل الصرف ده مش بتحقق التنمية المرجوة لكلب الحراسة اللي المفترض يكون الاقوى سياسيا واقتصاديا وعلميا وعسكريا
طيب
فيه فرصة اهو
بس السيدة في ضهرهم يبطلوا يلحسوا الجزم، اذا كانت الحكومة
او مناضلي الاراجوزات
ماحدش طالب منهم يشهروا السيوف ويعلنوا الجهاد
بس يسكتوا خالص، ويحلوا عنا، يحلوا عنا، احنا ما عنداش مشكلة في تغيير الوشوش، احنا عندنا مشكلة في اننا لازم نغير الوضع
العالم كله عمال يطلع واحنا بقينا في قعر الكباية، مش فاضل غير نحفر قبورنا وننزل فيها
عايزين ناكل....ناكل يا ناس
فهمتوا مني حاجة؟ وللا انفعالي خلاني مش عارفة اشرح وجهة نظري؟
وامضوا ام الوثيقة انا مش بازق في حيطة

72 comments:

مدونة النسر المصرى said...

استاذه
اولا انا احيك على هذا الجهد
فعلا تستهلى جائزة نوفل للسلام
كما قلت
ان اسرائيل كلب حراسه

مواطن مصري said...

انا باتكلم عن التنمية الداخلية الواجبة لتحسين الظروف المعيشية للمواطن المصري
وده اللي يهم معظم المصريين، خلينا نيجي دوغري، لا يهمهم ديمقراطية ولا يهمهم حرية ولا نيلة، هم عايزين يشتغلوا وياكلوا ويسكنوا ويتعالجوا ويتعلموا ويعيشوا زي البني ادمين


ما دة الي بقول نقفل على نفسنا و نبيني نفسنا عشان نقدر نساعد نفسنا و نساعد غيرنا

مش ميبقاش معانا و نروح نساعد غيرنا

عشان كدة لما نقول مصر اولا اي العودة لمصر و بناء مصر من جديد مش ندي لغيرنا و احنا محتاجين
عشان كدة بقول لازم نقفل على نفسنا ست سنين نظبط فيهم و نعمل عمرة للبلد

مواطن مصري said...

و انا بقول طول عمري أن التغير عمرة ما يجي بتفير نظم بشعوب فاسدة و عشوائية لابد من تغير الشعوب العشوائية لكي يكون الحكم غير عشوائي

مواطن مصري said...

على سبيل المثال تركيا تركت الخلافة بسبب ضعفها اثناء الحرب العالمية الثانية و كثرة الخلافات فعادت الي فكرة تركيا اولا و أعادت بناء نفسها و الان تعود للمنطقة بقوة

جبهة التهييس الشعبية said...

النسر المصري

اشكرك بشدة

مواطن مصري

انا مقدرة اني رغاية وبوستاتي طويلة وناس كتير بتزهق تكملها او ما تقراهاش

بس انا شخصيا لو ناوية اعلق على بوست
لازم اقراه عشان ما ابقاش بارد على حاجة تانية

مواطن مصري said...

ممنوع ممنوع ممنوع، ومش دلوقت اللي ابتدوا يحذرونا من الانجراف ورا مشاعرنا الطايشة، ده من ايام عبد الناصر وعشان كده عبد الناصر غير رأيه مية وتمانين درجة وقال لهم كده يبقى ناس مش عايزة تتعايش، دي ناس عايزة تستعبدنا!!! اه والله يا عيني، عرفها لوحده من غير ما حد يقول له
اقصد يعني، مافيش داعي لاننا نستهبل ونهبل لان فيه واحد من اكتر من خمسين سنة وفر علينا الهبل والسذاجة وحاول على قد ما تسمح له كرامته انه يتعايش، مش ح نقعد نلف في نفس الدايرة دي ونقول عايزين يتعايشوا وللا لا؟ ماهم من اكتر من خمسين سنة قالوا للراجل كخ كخ، ما تمدش ايدك على التنمية لو عايز تتكلم معانا
انا مش عايزة الاقي اعذار لعبد الناصر والسادات ومبارك على فكرة
بس فعلا فعلا فعلا، مهما كان واحد فيهم قمعي، وواحد مجنون وبيلبس مزيكا ويمسك بايب، وواحد دمه تقيل وما عندوش قدرة على الابتكار
مهما كان اي حد فيهم
مافيش بني ادم في الدنيا يحب ان يتسم عهده بالهزيمة والفساد والانحطاط الاقتصادي والفقر وانعدام السيادة
مافيش حد يحب كده لنفسه، مش عشان بلده ولا حاجة، عشان نفسه وذاته وفرعنته وكدهون يعني، كل واحد يحب الناس تعدد انجازاته
وفشلهم في انجاز اي حاجة مش مية في المية خيابة منهم، جزء منه خيابة طبعا، وجزء خوف ورعب كمان
اظن كان واضح وضوح الشمس في حرب غزة لما اسرائيل خرقت المجال الجوي بتاعنا وضربت حدودنا وخرقت معاهدة كامب ديفيد اللي اصلا سدت علينا اي فرصة لتنمية حقيقية وتقدم ان الراجل فعلا خايف
فعلا خايف



طيب السبب في الي احنا فيةمن هزيمةو انحطاط اقتصادي
مش جمال عبد الناصر بردو

عبقرينو said...

السلام عليكم

شكرا يانوارة على التدوبنة الرائعة دى كلامك صح 100 فى 100
مبارك مش هو الأزمة ولا النظام هو الأزمة . الأزمة هو أننا كشعب فقدنا الأمل والنية لتغيير بوصلة حياتنا وتغيير ذلك النظام وتلك الحكومة
عن تجربة شخصية طبعا انتى تعرفينى كلامى ده صدق وباقوله لعله يكون سبب فى تغيير البشر وللأسف اللى باقول عليهم القطيع اللى هايفضل طوله عمره زى ماهوا
يانوارة العبد لله كان مرتبه بفضل الله من اعلى المرتبات التى سمعتيها ولم تتخيلى فى يوم من الأيام ان يحصل عليها مصرى وفى بلده وبالحلال دونما وسائط او رشوة لأننى كنت اعمل فى فرع شركة أجنبية فى مجال الإستشارات التقنية وكل اللى يعرفنى عارف ده
المهم تم تسريحى من عملى بسبب الأزمة العالمية التى ضربت العالم كله ونظرا لعدم قدرتهم على دفع راتبى فى ظل تلك الازمة بفضل الله لم ابكى واجلس العن حالى واشكو هذا النظام الذى لم يحافظ على حقى فى قانون العمل ولكننى قررت التحرك وبفضل الله ونعمته على اليوم انا على وشك البداية فى استزراع ارض زراعية فى الصحراء على بعد حوالى 1000 كم من القاهرة وحفرت البئر بفضل الله واعطانى مياه واقوم بتشغيل دائم عدد 2 عمال زراعة براتب يومى 40 جنيه وعمال موسيمين سيتم تشغيلهم فى جنى المحصول ويقدر عددهم ب 10 افراد
طبعا هذا اخذ كل ما ادخرته من مال وعلى فكرة ليس بالكثير ومعظم الطبقة المتوسطة تمتلك ماصرفته ولكنها طريقة التفكير والقرار الصائب وعدم المشى وراء القطيع وسنغير وسنتغير .على الأقل سأكون مبدعا يقود القطيع الشغيلة وسأتعامل كما يتعامل العالم الغربى معنا.
التغيير يبدأ من انفسنا سنفعلها وسنتغير أو سافعلها وحدى وسأغير كلى ثقة فى الله انه سيوفقنى لأننى اتحرك ولا أحب السكون والسكوت

Anonymous said...

كل شعب يستحق حاكمه -مقولة يونانية-
حيثما تكونوا يولى عليكم -حديث شريف-
الفقر يخرج اسوأ مافى البشر واحنا فقرا وزاد عليها ان احنا بقينا مش متربين هيحكمنا مين يعنى سيدنا عمر؟
هيبقى حالنا احسن ليه؟عشان احنا كنا جدعان زمان؟
طبعا واضح واضح فيرى كلير ان المشكله مش فى اسرائيل
اسرائيل عرض زى بقية اعراض نفس المرض
القاهرة ودمشق وطرابلس وتونس والرياض وعمان زيهم زى القدس
كله محتل
لما يبقوا كويسين وربنا اسرائيل مش هتطيق تقعد من الدوشة مش من قوة اللى حوليها
اقولك اعملى وثيقه لتفكيك الاحتلال العسكرى لمصر ينوبك ثواب
متسبيش الانفلونزا وتتصدرى للكحة
احنا هنا عندنا العيب
عبدالناصر والسادات وحسنى كلهم زى بعض
بشر
ليهم عيوب وليهم مزايا
مظنش حسنى بيقوم كل يوم الصبح يغسل وشه بمية نار وينوى يـأذى الناس
بس مقصر اكيد
سئ مافيش جدال
بس زى فكرتك عن عبدالناصر بالظبط والسادات شرحه
نهايته على راى جدتى
قاله علمنى الهايفه يابا قاله يابنى تعالى فى الهايفة واتصدر

جبهة التهييس الشعبية said...

لا يا اخ انونيمس الكلام ده مش صحيح

انا الظاهر ما عرفتش اوضح نفسي

استنى لما اهدى وبعدين اشرح اكتر

Anonymous said...

هوا انا كلامى اخل بهدوئك؟
على فكرة انا مش قصدى اى حاجه شخصيه بس انا بكتب بالطريقه دى ومش قصدى صاحب التدوينه شخصيا

راجى said...

خلاص يا ريسة مضينا العريضة بلاش زق بقى
:)))

جبهة التهييس الشعبية said...

لا مش كلامك اللي اخل بهدوئي

انا كاتبة في البوست اني باكتبه وانا منفعله

وعشان كده ما عرفتش اشرح وجهة نظري

انا مختلفة معاك ان اسرائيل عرض مش مرض

الكلام ده غير صحيح

اسرائيل بوضعها وشكلها الحالي هي المرض

واتأسست وهي مراد ليها انها تكون المرض اللي يعوق تقدمنا وتحل محل الاحتلال اللي كان موجود

لكن احنا نقدر نغير الوضع بطريقة ما

وعلى فكرة دي حاجة مش مستحيلة

عشان تبقى فاهم

لبنان لما اتعملت كان الهدف من تأسيسها انها تبقى اسرائيل المسيحية

واهو

اللبنانيين دلوقت اجدع ناس

والمسيحيين كمان اجدع من المسلمين السنة بالذات

الله يكسفهم احرجونا هم وسعد الحريري بتاعهم

اللي اقصده

ان ممكن الوضع يتغير

بكل الطرق

بكل الطرق والكباري
بس الحكومات مش ح تعرف تعمل حاجة

مواطن مصري said...

طيب تصدقي اني لقيت مسيحين مع سماحة السيد حسن نصر الله


التطرف هو المرض الحقيقي اسرائيل متطرف

بعض المسيحين المتطرفين في لبنان مرض
المتطرفين في العراق مرض


التطرف بكل انواعة سواء تطرف حكومي او تطرف جماعات

Anonymous said...

الدليل على صحه كلامك،إن مصر حاربت عمرو خالد لمنعه من تنفيذ مشروعه لمحاربه الفقر و الأميه

مهندس مصري said...

يسيبونا في حالنا

انتي بتحلمي و انتي صاحية تاني و لا ايه ؟

Anonymous said...

لا يا خالتشى الكلام ده غلط وسامحينى
اسرائيل قامت سنه 48 كدولة وكنا فى قمة التفكك والضياع
والثورة قامت بعدها
لو العكس اللى حصل كنت افهمك
مملكة الاردن قامت عشان تفصل السعودية عن القدس وميبقاش فيه احراج
مصر كانت ملكية اقطاعيه
ايه الحلو اللى كان موجود واسرائيل قامت عشان تهده؟
التفكك ناتج مرض وهوا الضعف
المارون هما اللى كان مقصود يبقوا دولة الاقليه التانيه مش لبنان كلها يا استاذه
انتى عارفه فى وسط كل ده
انا مبيصعبش عليا الا الفلسطنين
الكل باعهم اول واخر
وعلى راى رفيع بيه الكبير
بيجى اجتله عشان يبجى كلنا مجرمين وكلنا اتجنى علينا

Memo said...

ونبي احنا بقالنا ميت مليون سنة مبنعملش اي حاجة الا التوقيع على وثائق
واخرتها

جبهة التهييس الشعبية said...

ايوة عشان الاستيطان الصهيوني ابتدا سنة 1881 وكان بسبب ان انجلترا عايزة تخلص من اليهود وهرتزل قال في كتاب الدولة اليهودية للاوروبيين ما معناه انا عارف ان اليهود مضايقينكوا هنا بس لما يروحوا فلسطين ح يعملوا كل اللي انتوا محتاجينه ويحققوا لكوا كل المصالح اللي انتوا عايزينها
والمصالح هي ان تفضل منطقة الشرق الاوسط منطقة متخلفة عشان يسهل استغلال مواردها وفتحها كأسواق
وبلفور نفسه قال ما معناه خلينا نبعتهم هناك يدبوا في بعض بدل ما نعمل الشغل الوسخ بايدينا
والكلام ده موثق

muslimHuman said...

حيثما تكونوا يولى عليكم -حديث شريف-
ميين اللي قال و لامؤاخدة ان ده حديث شريف!!!!!!!!!

وبعدين يعني لو في حاجة مكتوبة باليوناني تبقى صح؟؟
طب خد عندك


αίγυπτος ζωή στην υψηλότερη δημοκρατία ηλικία

ده يوناني معناه مصر تعيش ازهى عصور الديمقراطية

بس عموما مش عشان نحقق نهضة و منضربش على
قفانا لازم نفكك اللي حولينا احنا حتى ممكن نعمل نهضة بسيادة منتقصة مثل اليابان و المانيا بعد الحرب العالمية الثانية

Anonymous said...

اه نسيت حاجه المسيحين اللى هما اجدع من السنه لما دخل الاسرائيلين فى عمليه الليطانى اواخر السبعينات لتصفية المقاومة استقبلوهم برش الرز وباحضان مفتوحة
ولما دخلت اسرائيل تانى 82
ساعدوهم فى صابرا وشاتيلا
غير ان اسرائيل باستمرار كانت عيا اللى بتدى السلاح للماورنة فى الحرب (غريبه صح
( الاهليه وبتعاون مع سوريا
عشان كده بقولك الفلسطنين بيصعبوا عليا
فى الكويت برضه لما الكويته هربوا من بلدهم وقت الغزو فضل الفلسطنين
وعملوا تشكليلات للدفاع عن الكويت
ولما الامريكان دخلوا استقبلهم الكاويته بالرز برضه وباحضان مفتوحه ورجلين برضه
والفلسطنين تانى اطردوا
ولما العراق اختل وضعها والامريكان دخلوا وصدام عمل فيها فار
وهرب
الفلسطنين اول ناس اضربوا بالجزمة
وادبحوا فى الشوارع
اقولك الموضوع كبير
بس المهم تعرفى
ان اسرائيل دايما كانت البند الاول اللى استخدمه اى رئيس او ملك عربىجه او لسه هيجى عشان يدلس علينا ويشتغلنا
والفلسطنين اكتر ناس كلناهم لحم ورميناهم عضم
وتصبحون على وطن

جبهة التهييس الشعبية said...

ايوة ده كلام معروف وقديم

بس الموازين اتغيرت في لبنان دلوقت

الفلسطينيين لا يصعبوا عليك ولا حاجة

هم بس يتسابوا في حالهم

مافيش مجال ان اي ديكتاتور يدلس علينا بقضية فلسطين وخطر اسرائيل اللي انت بتتكلم عليه

انا مش عارفة ليه حاسة انك خارج من الستينات ومش متابع اللي حصل لنا بعد اتنين وتمانين؟

دلوقت الفلسطينيين بقوا هم الخطر مش اسرائيل
مافيش حد "بيدجل" علينا بصوت المعركة دلوقت

اللي بيدجل بيدجل بصوت السلام
واننا لو حبينا اسرائيل ونمنا معاها ح نخلف منها عيال حلوة شعرهم اصفر وعينيهم زرقا

مش عارفة ليه متخيلاك لابس كوفية حمرا ومطول شعرك وشكلك شبه بتوع الستينات

وبعدين انت بتتعمد بقى وللا من غير ما تدرى تعرض نص الحقائق

ما حدش عنده الحقائق كاملة بس فيه بيان حال واضح

او انت من ساعة اذاعة صوت العرب بطلت تسمع حاجة

صباح الصباح said...

كلام فى الصميم يا نوارة

المشكلة الاكتر هية الحيطان المبنية جوانا اللى محتاجة جهد جبار عشان نتتعتع من تحتيها ونكون ايجابيين ولو لمرة واحدة فى حياتنا

لازم التغيير يبدا من جوانا ومش شعارات وكلام فى البتنجان.. لا افعال ليس اقوال.

جبهة التهييس الشعبية said...

يااااااااااااااارب ارحمني

ياااااااااااااااارب خدني

انا بانفخ في قربة مقطوعة

حد يكتب حاجة زي دي في التوقيعات؟

1423. Mohamed doheam Jews are the devil of all humanity; a real fact of the holly Quran and all history.

جبهة التهييس الشعبية said...

هههههههههههه
مين احمد عبد الواحد مصطفى ده؟

متشكرين يا استاذ
ربنا يبيض وشك دنيا واخرة

Anonymous said...

دا انتى بتتريئى عليا بقه؟
انا مئولتش فى كلامى ان احنا نحب اسرائيل ولا نتنيل ننام معاها
بس الفكره بوضوح ان العيب فينا
مش فى حد تانى فنقوم نشيلها لحد اكير ونلعن ابو الظروف والجوابات
انا شايف ان حق الخرابه اللى احنا عايشين فيها
دى ننضفها وبعدين عيا لما تنضف احنا هننضف ونبقى زى الفل
وندور على حبيايبنا والناس اللى جنبنا
ماهو انتى عشان خايفه تتكلمى عن الناس اللى هنا لان ايدهم تقيله تقومى تعملى بطله عمليه الوثيقه؟
ماهى دى حاجه انا مستغربلها فعلا
ازاى طنشنا هنا وبندور على بره
دا متهيالى انتى بكره تتطلبى ابو الانس يعملك حملة الوثيقة فى تليفزيون الرياده
الموضوع كبير وللاسف الكلام مش هيكفيه واحنا عندنا عيب ان احنا بنسمع نفسنا بس وبندور على نقط الضعف فى كلام اللى بناقشه
مش نقط القوة
اما بالنسبه للكوفيه وصوت العرب
انا باسمع الشباب والرياضه
وباسيب رقبتى للهوا
ومبحبش اللون الاحمر
اما موضوع التوازونات اتغيرت
هيا اه اتغيرت بس للاسف الناس متغيرتش
والناس اللى بتعمل التوزانات لسه عايشه دا فى لبنان

ahmed said...

شفتى حلقة بلا حدود على الجزيرة
مع بطرس غالى بمناسبة الذكرى الثلاثين لتوقيع كامب ديفيد

ابقى شوفيها لو اعصابك تستحمل

جبهة التهييس الشعبية said...

انونيمس

لا اسمح لي ده انت غبي بقى

لا مؤاخذة يعني من غير زعل

او عشان ما تزعلش

خلينا نقول ان كلامك غبي وفهمك للبوست غبي

اممممممممم

انا بافكر ارد على الكلام ده
بس بصراحة كلام غبي قوي

وعشان ارد عليه لازم اقول كلام غبي زيه
زي ان مثلا ما حدش بيشتم في حسني مبارك قدي انا ومالك مصطفى لدرجة اننا كنا خايفين بعد ما نموت ييجي واحد غبي زي اللي بيدافعوا عن الملك فاروق دلوقت ويقول شوفوا حسني مبارك كان متسامح ازاي؟ اهي نوارة ومالك مصطفى نازلين فيه شتيمة وقلة ادب وكان سايبهم

كان فيه ديمقراطية حقيقية ايام حسني مبارك

بس الرد ده انا باعترف انه رد غبي بس يبقى على مستوى الكلام الغبي اللي انت بتقوله

ليه بقى باقول على كلامك غبي

عشان انا ما فهمتش انت ازاي شايف ان البوست ده مافيهوش شتيمة لحسني مبارك؟

مش عارفة انا لو مكانه وعمري ما ح ابقى مكانه ولو عنده دم وعمره ما ح يبقى عنده دم ده كلام اوسخ من انك تقول له يا طاغية يا جبار

حط نفسك مكانه
لو قلت لك يا اهبل يا ابو ريالة احسن من اني اقول لك يا مفتري يا جبار؟
على الاقل لما اقول لك يا مفتري يبقى لك منظر شوية


ثم انا برضه مش فاهمة انت ازاي شفت اننا نبص برة عشان ما نحلش جوة

انت

اا

انا ح اضطر اشرح لك البوست من اول وجديد

انت يا اما بتكمل خناقة في مخك
يا اما عندك مشكلة في ال

reading comprehension

ما تزعلش

بس الحقيقة ردك اطلق كل العنان لقلة ادبي

مواطن مصري said...

المهم العفو الدولية شكلها هتقلب على مبارك عشان الاعتدائات على الصحفين و النشطاء



التصريح دة هتلاقية في المصري اليوم الظاهر بعد ما لقوة متعاطف مع البشير هيفتحو القديم و الجديد علية


وقتها بقى هتقفي معاة زي ما قولتي على البشير
:))

يرضيكي كدة حتى الاسماعيلي خسر يا نوارة اعمل انا اية ؟

Anonymous said...

شكرا لذوقك بس انا فعلا اللى غلطان
اكيد انتى عارفه انى اقدر اشتم واسب والعن واعمل حاجات كتير صح؟
بالمناسبه الاخ مسلم هيومان الكلام مش لقيته فى الصحيحين ومعنديش بقية كتب الاحاديث
والى الله الاعتذار

Ahmad Tawfik said...

الموضوع واضح جداً ياأستاذة والشواهد تؤكد سعيهم القديم لتدمير أي خطوات للتنمية حتى قبل قيام إسرائيل والتي زرعت أساساً لتعوق نمو هذه المنطقة.

المهم وبعدين ؟
ماذا يمكن أن تفعل الشعوب للنهضة في ظل الأوضاع الحالية؟

نفسي نقدر نضع نموذج تفصيلي لمصر الحلم الذي نتمنى الوصول له في جميع المجالات .
ما تيجي نحلم ببكرة مادام الحاضر زي ما إحنا عارفينه .
البلد مليانة كفاءات بس فردية . تعالوا نحلم بجد نفسنا مصر تكون إزاي بعد عشر سنين مثلاً .

مواطن مصري said...

لو تفتكري المصري اليوم عاملة مشروع اسمو حلم مصر عاوزين يعملو جامعة اهلية يكون فيها علماء مصر زي زويل و مصطفى السيد و البرادعي و شعراء الخ لتخريج أجيال و كوادر و اسضا تكون اهتمامتها بحث العلمي و الي هيمول البحث هو الشعب لية منلتفش حولين المشروع دة

جبهة التهييس الشعبية said...

مواطن مصري

لا انا ما اسلمش حد للمحكمة الدولية
يا انا اشيله واحط اللي على كيفي يا اما بلاش

وعشان تبقى فاهم يا مواطن

هم بيسرعوا في ازاحة الرؤساء اللي هم عارفين انهم كده كده ح يتشالوا عشان يبقى بيدهم لا بايدي الشعوب ويجيبوا لنا اللي على كيفهم
ويرجع ابوك عند اخوك

وبرضه نفضل زي ما احنا


احمد توفيق

انا شخصيا شايفة اننا نتعامل على اننا ما عندناش حكومة خالص

ونبتدي نفكر نقدر نعمل ايه


انونيمس

لا الحقيقة ما اعرفش

انت داخل بانونيمس وانا اللاب توب بتاعي لسة مافيهوش خاصية انه يطلع صورة اللي بيكتب انونيمس ويبعتها لي عشان اعرف هو مين

ثم انا شتمت ولا سبيت ولا لعنت

انا قلت لك كلامك غبي

وده بيحصل

انت بني ادم؟ وللا انت سيدنا جبريل؟

ماهو مافيش غير سيدنا جبريل هو اللي عمره ما ح يقول كلام غبي لانه حامل رسالة ربنا

لكن غير كده
البني ادمين كلهم بيقولوا كلام غبي
امال سوء التفاهم بين الناس بيحصل ازاي؟

المشكلة انك بتكمل خناقة في راسك مالهاش علاقة بالكلام اللي باقوله

انت بتتخانق مع القوميين

وانا مش باتكلم من نفس منظورهم

وعمال تحشر الفلسطينيين وانا عن نفسي باقول لك سيب الفلسطينيين في حالهم

انا باتكلم عن نفسي انا

انا واقعة في براثن بركة مش ح اطلع منها ابدا بالطريقة دي

انا ماضية على اتفاقيات
ومعاهدات تخليني ارجع للعصر الحجري

مفروض عليا سياسات تخليني اراجوزة حتى لو شلت مبارك وجبت مكانه النبي دانيال

ولو قررت اخالف واجيب النبي دانيال فعلا
عندي كلب حراسة قافش في ودني لو قررت اني اخرج عن السياق اللي مرسوم لي ح يهربد اهلي ستين حتة

مبارك اللي قاعد ده مالوش حول ولا قوة

ولا حتى هو جه الحكم

هو اتجاب في الحكم

مالوش معنى ولا طعم ولا لون ولا ريحة

ومافيش زعيم ولا رئيس ح يخلصنا

مافيش غير احنا نخلص نفسنا

ده تلخيص البوست بتاعي

ماله بقى ومال كل الكلام اللي انت قلته؟

حـنــّا السكران said...

نوارة

كلامك مفهوم جداً و صحيح جدا ..

انا بس عايز أوضّح نقطة للأخ الأنونيمس اللي اتكلم عن الموارنة و الحرب الاهلية :
اللي بتتكلم عليهم و بتقول انهم كانوا مع اسرائيل و حاربوا مع اسرائيل لا زالوا مع اسرائيل و هم معروفون جيدا و يمثلون أقلية من المسيحيين ..بالإضافة إلى ان جيش لبنان الجنوبي العميل لإسرائيل كان يضمّ مسيحيين و مسلمين شيعة و سنة .
المسيحيين الاخرين و الذين كانوا ضد الوجود الفلسطيني في لبنان قبل ان تخرج منظمة التحرير و المقصود هنا مرحلة أبو عمار و منظمة التحرير حين كانت القوة العسكرية المهيمنة في لبنان قبل دخول الجيش السوري و هذا حديث طويل جدا ربما يجب أن تقرأه من مصادره في كتب كثيرة جدا , و ليس عن بعض المواقع على النت التي تخلط عباس بدباس و تنتقي و تقتطع من الاحداث حسب ميولها . هؤلاء المسيحيون هم الان الظهير المساند للمقاومة و قد برز ذلك واضحا في حرب تموز 2006 , لذلك .. من كان مع اسرائيل لا زال مع اسرائيل و كما قلت هم معروفون و توجهاتهم معروفة .
و يجب ألا ننسى أن طليعة شهداء المقاومة اللبنانية ضد اسرائيل كانوا مسيحيين يساريين .. التيار المسيحي اليميني و الي لا زال موجودا حتى الان .. يسعى ( في العلن سابقا و في السر حاليا ) إلى تقسيم لبنان إلى كانتونات ..وهذا التيار هو الذي شارك بشكل اساسي في مذبحة صبرا و شاتيلا ..أما الباقون فكان أقصى ما يريدونه هو عدم توطين الفلسطينيين في لبنان لأن لهذا الامر تبعات ديموغرافية خطيرة في بلد كلبنان .. ثم أن هناك جزء من تاريخ منظمة التحرير الفلسطينية في لبنان ..الجميع يغفله حين يجري الكلام عن ها الامر ..ممارسات منظمة التحرير في لبنان في السبعينات و أوائل الثمانينات ..كانت كارثية في كثير من المراحل بحق لبنان البلد و أهله ..لدرجة أن المنظمة قبل سنوات قليلة أصدرت اعتذاراً علنيا تلاه السيد عباس زكي باسم منظمة التحرير .. و هو اعتذار للبنانيين جميعا عن تلك الممارسات التي أودت بضحايا كثر .. و من جهة أخرى قابلته حوالي ثلاثمائة شخصية مسيحية يمينية سابقة باعتذار علني من الفلسطينيين على ممارسات هؤلاء المسيحيون بحق الفلسطينين في نفس الفترة ..أنا شخص عروبي و أفخر بانتمائي ..و أرفض تحت اي ظرف ..رفع البندقية في وجه عربي اخر .. لكن ذاك التاريخ مخجل جدا .. مخجل للجميع و لا يستطيع احد من هؤلاء أن يدعي انه كان نظيفا ..لقد دفع الشعب اللبناني ثمنا غاليا على يد هؤلاء جميعا ..كل الاطراف ..ارجع الى الكتب الحيادية .. ستقرأ امورا عن الجميع لم تكن تتخيلها ..و مثل ما يقال عندنا : تنذكر و ما تنعاد .
ـ السنة تحديدا في لبنان تميّزوا عن الجميع بأنهم كانوا عروبيون ( ما عدا القليل من الحركات المتطرفة التي لم يكن لها وجود فعلي تلك الفترة ) كان سنة بيؤوت و صيدا مثلاً ..أكبر ضمانة لعروبة لبنان و كانوا دائما ( حتى استشهاد رفيق الحريري ) الظهير الاقوى للمقاومة .. و هم كانوا روّاد هذه المقاومة أثناء وجود الحركة الوطنية و الحزاب اليسارية و القومية .. أخيرا .. و أخيرا .. استطاع سعد الحريري أن يحرف الكثير من أبناء هذه الطائفة الكريمة عن تاريخهم و تحييدهم تماما عن أي عمل أو تأثير قومي او عروبي و حتى اسلامي وسطي ..شبّعهم بالطائفية البغيضة و الكره للاخر .. على عكس والده رحمه الله الذي كان شخصية جامعة مع كل تحفظاتي عليه كرئيس وزراء .
أصبح رجالات السنة الذين يفخر بهم لبنان جميعا ..مهمّشون ..بل جعل زعرانه يتطاولون عليهم ..كما حصل و يحصل مع دولة الرئيس سليم الحص و مع اسامة سعد و الرئيس عمر كرامي و السيد زاهر الخطيب و الأحباش ( جمعية المشاريع الاسلامية ) و الجماعة الاسلامية تيار الشيخ المحترم فتحي يكن و الشيخ ماهر حمود في صيدا ..كل هؤلاء من رجالات و تيارات السنة الذين كانوا ضمانة لبنان العربي .. سعى سعد الحريري إلى سحقهم و إنهائهم سياسيا بل و تشويه سمعتهم .. و أصبح العنوان الرئيسي هو المال : انت معنا يا سنّي بتعيش ..مش معنا ..موت من الجوع .هذا لا يليق بهذه الطائفة الكريمة التي ظلت طوال سنين الحرب الاهلية و بعدها ..بمنأى عن العصبية و التعصب و البغض و التطرف و الاقتتال .. و كان أكبر سند للمقاومة الفلسطينية و اللبنانية .. فما بالك أن يجرّها أحدهم إلى المشروع الامريكي ... هذه هي الكارثة بعينها ..

أحيلك الى كلام الشيخ ماهر حمود و هو أحد علماء السنة في لبنان . في مدينة صيدا بالتحديد .. البارحة كان يقول للجماعة الاسلامية التي تمشي وراء تيار المستقبل بأنهم يقفون في مكان ليس مكانهم و يقفون في ساحة الشهداء ليستجدوا كلمة و أمام جمهور ليس جمهورهم و يسمعون الشتائم للمقاومة في لبنان و لحركة حماس باّذانهم و لا يستطيعون فعل شيء ..هل هذا مكانكم ؟؟ هذا جزء بسيط من كلام الرجل البارحة .

تحياتي

جبهة التهييس الشعبية said...

لا يا جو
ماحدش بيفهمني غيرك

الظاهر يا اما انت شاطر في فك الطلاسم

يا اما انت اخويا التوأم وتهنا من بعض واحنا لسة مولودين في المستشفى زي الافلام الهندي

امر اكبر انتوني

:)

AhmeD 3llaM said...

اسرائيل كلب مسلسل
حراسه بقي صيد
اي حاجه
*
انا اول مره اقراء بوست طويل واصبر عليه
وكدهون يعني
وبردو في حاجات مش فاهمها

ابتدي بشروط التنميه
الي هيه زراعه صناعه
وانتهيتي بالقوه العسكريه
سؤال مصر تقدر
او هتقدر
او هيسبوها
ما انتي قلتيها
في كلب حراسه
وناس قاعدين بالشوم والسكين
لاي دوله بطربوش او لمملكه بعقال
*
وبعدين هوه الشعب هيعمل ايه
دا لو كنت فاهم صح
اتفرجي علي الروتين الي بيشوفه الواحد عشان يزرع ارض في الصحراء
مية هيئه حكوميه
وبردو مش هيزرع ولا هيقلع
*
العيب مش في الشعب وان كان ابن ستين في سبعين واتعود علي الاهانه والانتخه في البيت
العيب في الي شايف شعبه كده وساكت
امال هو لزمته ايه غير الاصلاح
*
وبعدين انتي قلتي نجرب كل حاجه من الاشتراكيه للبظرميطيه
مين الي هيجرب غير الدوله
*
انا خايف اكون مش فاهم ايه الي تقصديه من جملة
بس يسيبونا في حالنا مش ح نعمل لهم حاجة، ماحدش عايز بلده تتهد ولا يبقى فيها احتلال، بس بجد القمع والجنان ده مش في مصلحتهم
*
لو هيسبونا نزرع
طب ما انتي بتقولي ان مصر ممنوعه من زراعة كذا وكذا وكذا
لو هيسبونا نعمل ابحاث
نفس الكلام ممنوعه من كيت وكيت وكيت
ولا مين هما الي هيسبونا
الحكومات العربيه الملزومه المتربطه بعهود ومواثيق
ولا الغرب الي عايز يسرق ثرواتنا
ا**
أظن يعني الي يقدر يفكه من مواثيق وعود واتفقيات
هيقدر يعمل في بلده اصلاح
يصلح بلده وشعبه ينصلح حالهد
*

جبهة التهييس الشعبية said...

فيه ستميت طريقة للتحايل جوة وبرة

بس واحدة واحدة
ويبقى عندنا هدف محدد

انا مش قادرة افهم هو ماله مخلص قوي كده؟

ما يستعبط
ما الدنيا كلها فوضى

يعمل نفسه مش واخد باله

انما ليه التفاني المبالغ فيه في تنفيذ الشروط كده؟

حـنــّا السكران said...

هذا هو السؤال الذي أسأله لنفسي كثيرا في الفترة الأخيرة . و خطر لي و أنا أقرأ مقالك هنا ..

هذا الإخلاص العجيب الذي يبديه .. شيء غريب جدا ..

بتصدقي شو أكتر شي بيخطر ببالي لما بسأل حالي هالسؤال ؟

دائما بتذكّر مقال مجدي حسين الذي كتبه قبل فترة .. أخطر ما قيل عن الرجل ..بعيداً عن مدى دقة ما قيل في ذاك المقال ..لكني لا أجد سوى الجواب الذي كتبه السيد مجدي .
( مقال وصلني على الايميل من مهندس مصري)

حتى كلام بطرس غالي البارحة على الجزيرة و دفاعه المستميت عن المعاهدة ..غريب جدا جدا .. و هو القائل في كتابه عن لحظات التوقيع ( بدا أنّ السماء حزينة و غاضبة )

ـ هناك أمر أصبح واضحا جدا .. و هو أنّ فوبيا الإسلام الموجودة في الغرب .. تكاد تكون لا تذكر أما فوبيا الاسلام الموجودة عند هؤلاء .

الان تبدلت الخطط الأمريكية لكن الاهداف لا زالت هي هي لم تتبدل .. في الفترة المقبلة سنرى العجائب ..سيكون المنظر الخارجي جميلا هذه المرة ..على عكس الفترة السابقة ..و لا تستغربي ابدا محاولات لإعادة إحياء القومية العربية من قبل أمريكا نفسها لمواجهة ايران ..بدأنا نسمع همسا و نرى تغيرات مفاجئة و غير منطقية ابدا ..الاهداف لم تتغير لكن الأساليب ستأخذ طابعا جديدا .. و رائعا جدا من الخارج ..و إذا كان بعض العرب تقبّلوا الفترة السابقة بكل بشاعتها و قذارتها من الخارج و الباطن و مشوا فيها و استماتوا في الدفاع عنها ..و منهم صاحبها .. و اصحابنا عباقرة الصحافة و الاعلام و التنظير .. فما بالك مع الحلـّة الجديدة النظيفة من الخارج ..
أوباما لا يختلف عن بوش أبداً سوى بـ ( الستيكر ) الخارجي و امريكا هي امريكا .. في ثرائها و في إفلاسها ..و أكبر مصيبة .. أن نبقى نحن .. على ما نحن عليه ..لا يوجد أدنى مقاومة سياسية عند الشعب العربي .. و هذا ما يدركه ( أصحابنا ) جيدا ..و السؤال الذي سأله أحد الاخوة ( ماذا علينا ان نفعل ) هو سؤال مشروع للأسف .. فنحن لم نعد ندرك كشعوب عربية .. أين نضع أقدامنا ..نحن في حالة التيه تماما .. هذه هي المصيبة .. و لم يوصلنا أحد إليها .. نحن سرنا إليها طائعين .. كم ضربة أكلنا على رؤوسنا و لم نصحُ بعد ؟ ذهاب فلسطين .. حريق المسجد الاقصى ..ضرب كنيسة القيامة .. احتلال بيروت العاصمة العربية .. ذهاب العراق و إخراجه من الحاضر .. العراق .. العراق يا جماعة ..و نحن لم نهتدي الى الطريق بعد .. طريق الخروج من هذا السبات العميق .. من هذا التيه .
وصلنا الى مرحلة .أقصى ما يمكن أن نفعله تعبوياً بشكل فعال .. هو الكره الطائفي و الحروب الطائفية .. أبعد من ذلك .. كل شيء غير واضح المعالم لدينا ..لا رؤية واضحة لفعل حقيقي بعد ذلك .
لنجمع مائة شاب عربي الان .. يستطيعون طرح ألف سؤال حول حالتنا .. و لا يمكن استنباط جواب واحد يمكن تطبيقه على أرض الواقع ..
أصبحنا كالقادم من الماضي إلى المستقبل باّلة الزمن و لا يستطيع إدراك ما يجري حوله .. لا يمكنه الفعل .. يمكنه طرح الاسئلة و العيش على الهامش كأي مخلوق اّخر يحيا بالقدرة الإلهية .. على السليقة ..أو يحيا بغريزة البقاء لا أكثر .يأكل و يشرب و ينام و يعمل ما اعتاد أن يعمله ليأكل و يشرب و ينام ..لكن .. لا تسألي عن الأفق .. لا شيء في الأفق . لكل ساعة مداها الخاص و أفقها الخاص الذي ينتهي عند الدقيقة الستين ..ليبدأ أفقا جديدا لساعة جديدة .. لا تسألي عن الغد .. و لا تستدعي أمكنة الابداع في المخ .. سوى في حالات خاصة ..لأمور لا أفق لها أيضا .. أغنية تافهة .. رقصة جديدة .. مسلسل جديد أوله مثل اخره ..برنامج قسمة و نصيب ..و إبداعات حول حجاب المرأة و حول الحب بين شاب و فتاة من طائفتين مختلفتين ..و الكلام حول الجنس و ما إلى هنالك .. أما حالة الامة .. مصير الشعب ..مستقبل الشعب ..تنمية .. دراسات و تطبيقات ..مجتمع مبدع متطور ... لا تندهي ما في حدا .. عتم و طريق و طير طاير عالهدا ..شو قولكم صرنا صدى ؟؟
هيدي الوحيدة اللي ما بدها سؤال .. نعم صرنا صدى ..صدى لصوت غير مفهوم في أساسه .. فما بالكم بصداه .. الصوت كرجع الصوت .

TAFATEFO said...

أنا عايز أقول إيه لن نقترب لا من ديمقراطية ولا من حرية ولا من تنمية ولا من مرجعية ولا من شرعية ولا من هوية ولا من أي حاجة مستقبلية أبدا طول ما هذا الشعب أو هذه الأمة نحن نستبقيها أسيرة لثقافة الهزيمة

هيكل

إيه نقطة الصدام التي يمكن أن ينهزم عندها طرف .. في واقع الأمر هي نقطة مواجهة الحقيقة نقطة الهزيمة نفسها لأنه عند الهزيمة نفسها الشعوب الحية تتنبه إلى ما جرى وتأخذ درس واللي انهزموا بيأخذوا درس إنهم يعرفوا ماذا جرى لهم وحتى اللي انتصروا يعرفوا إنه أول الحقائق التي سوف تواجههم إنه هذا العدو الذي هزموه سوف يعود لكي يصحح أموره معهم أو يسوي حساب معهم ....... أهم حاجة في فنون الحرب الحديثة كيف مش إنك تنتصر على عدو تنتصر أه ممكن تنتصر لكن كيف تُبقي هذا العدو أسيرا لعار السقوط أسيرا للحظة الهزيمة أسيرا للحظة الوقوع على الأرض لا يخرج منها أبدا ولا يخرج من عاره أو من هزيمته على فرض إنهم أساس وهنا ده (The Culture Of Defeat) الرجل ده اللي كتب الكتاب ده درس ألمانيا ودرس اليابان ودرس بولندا وأخذ حالة هذه البلدان وكيف واجهت الوضع الصعب مع العلم إنه هذه البلدان الثلاثة ألمانيا استسلمت بلا قيد ولا شرط وفتحت أبوبها للمنتصرين دخلوا وفعلوا ما يشاؤوا لكن شعب كان عارف إنه أيوه لاقى هزيمة لكن هذه الهزيمة لن تتحول إلى ثقافة الهزيمة لحظة والهزيمة موقف والهزيمة مواجهة ولكنها إذا بقيت وفرضت استدامتها فهي كارثة على الأمم في ألمانيا فهموا الكلام ده اليابان نفس الشيء اليابان برضه ركعت على ركبتها قدام قنبلة نووية واستسلمت بالكامل ودخل الأميركان بولندا استسلمت لهتلر في 17 يوم ودخلت قوات ألمانيا دخلت القوات الألمانية وغيرت كل شيء أو حاولت تغيير كل شيء لكن هنا كان في شعوب فاهمة وهنا مش مسألة الشعوب غلطة شعوب في نخب سياسية وثقافية تعرف كيف تفرق بين اللحظة والتاريخ بين الساعة والأمة بين الدقيقة هذه ما جرى الآن بين ميدان معين وبين ساحة العالم الواسع والصراع الحضاري فيه لما يتقال لي والله إنه النصر الأعظم الذي تستطيع قوة من القوى أن تلحقه بأعدائها هو أن تظل تضغط عليها نفسيا باستمرار وأن تذكرها طول الوقت وأن تستبقيها إلى الأبد أسيرة ثقافة الهزيمة

هيكل

فرنسا هزمت فرنسا احتلت فرنسا بجلالة قدرها احتلت احتلها هتلر في سنة 1940 في يونيه 1940 نص فرنسا اجتيح بقى تحت حكم الألمان والنص الآخر بقت فيه حكومة عميلة درسها بايشار بيتا طيب فرنسا هذه ساعة الهزيمة لقت نخبة المثقفين اللي فيها طالعين واحد زي أندريه موروا طلع كتب كيف سقطت فرنسا لكن بعد ما كتب كيف سقطت فرنسا وإزاي دالادي كان بيحب مين رئيس الوزارة وقتها في فرنسا وده كان بيعمل إيه جند نفسه لحركة المقاومة وإعادة تشجيع المقاومة وإعادة استنهاض الروح والروح المعنوية للشعب الفرنساوي فرانسوا مورياك عمل نفس كده سالترا عمل كده

هيكل

=-=-=-=-=-=-=-=-=-=-=-=-=-=-=-

لا ح يبقى عندك ديمقراطية، ولا تنمية، ولا ح يبطل ظابط الشرطة يديك على قفاك، ولا ح تبطل تتذل، ولا ح تبطل تغرق في عبارات، ولا العمال ح يعرفوا ياكلو لقمة رغيف حاف، ولا ح يبقى لك حس في حياتك طول ما كلب الحراسة جنبك

نواره نجم

لو ممنوع عليك الزراعة والصناعة والبحث العلمي ولو خالفت الشروط جنبك كلب حراسة نووي يطلع ميتين اللي جابوك
ح تعمل ايه؟
انا ما باحطش العقدة في المنشار والله


نواره نجم

الحكومات العربية مش ح تعرف تعمل حاجة، انا اسفة اني باقول لكوا كده، مش بيأسكوا
بس فعلا هم مش ح يعرفوا يعملوا حاجة، هم كل اللي يقدروا يعملوه انهم يرحمونا شوية ويفكوا عنا، ويبطلوا يهبلوا، يعني
stand still
ماحدش طالب منهم التحرك للامام، بس ما يرجعوش بالسيارة الى الخلف، يقفوا مكانهم كده يمكن احنا نعرف نعمل حاجة، يدونا فرصة نساعدهم


نواره نجم

ما يجربونا هم خسرانين ايه؟ ما يساعدوناش بس يسيبونا في حالنا مش ح نعمل لهم حاجة، ماحدش عايز بلده تتهد ولا يبقى فيها احتلال، بس بجد القمع والجنان ده مش في مصلحتهم، ينسونا شوية واحنا اصلا كده كده ناسينهم هم بس اللي بيفكرونا بيهم لما بنشوف عربيات الامن المركزي
بس احنا نقدر نقنع الناس انهم يقدرو يحققوا مصالح محترمة لو سابونا في حالنا نعمل تنمية وشالوا كلب الحراسة اللي حاطينه

جبهة التهييس الشعبية said...

والله انا مش باقرا هيكل عشان بازهق

بس لو انت بتقارني بهيكل

يبقى مش عارفة اشكرك ازاي والله

مهما كان يعني ده راجل اللي هو يعني...هيكل يعني

وانا حتة فسلة

فالمقارنة - مهما كنت بتكرهه والرسالة وصلت يا فندم - تبقى دايما في صالحي
خصوصا اني مش باقرا له ولا باتفرج عليه غير في المرتين بتوع غزة عشان بيتكلم عن حاجة حاصلة دلوقت مش ذكريات أنة جولفدان

جبهة التهييس الشعبية said...

اه يمكن عشان برج الميزان زي بعض
ياااااااا

ده انا اكيد بازهق ناس كتير قوي زي ما انا بازهق منه

جبهة التهييس الشعبية said...

بس برضه ده هيكل يعني

مهما كان

صاحب العقلية الذرية اللي ما تحلمش فسلة زيي انها تتقارن بيه والله يا مصطفى

الناصريين ح يعلقوك من ودانك على العملة السودا اللي انت عملتها دي عشان تشتمني

ح يعتبروها شتيمة في هيكل
كركركركركرررررررر

TAFATEFO said...

مش هيسمحولهم .. وميقدروش يعملوا حاجه

يجربونا

الناس يهمها التنمية ميهمهاش الديموقراطية

ربنا خلق الكون .. وخلق الإنسان

وسبحان الله .. الإنسان علشان يمشي لازم يعمل ايه؟؟ يبص قدامه .. لا يبص تحت رجله .. ولا يبص وراه

دي واحده

=-=-=-=-=-=-=-=-=-=-=-=-=-=-=-

من المعروف أن المنطومة السيئة لا تأتي عادة بنتائج إيجابية .. ومن المعروف انه للحصول على نتائج إيجابية لا بد من وجود منظومة جيدة وآليات جيدة .. وإذا كانت المنظومة هي المسؤوله عن وضع الآليات .. يبقى لا يمكن الحصول على نتائج إيجابية بدون التخلص من المنظومة السيئة واستبدالها يمنظومة جيدة تضع آليات جيدة لتحقيق نتائج إيجابية

مش من الطبيعي ولا المنطقي ولا المعقول ولا المقبول أن يهمل شخص ما سوء المنظومة سوء الآليات ويرجع النتائج السيئة للظروف الخارجية فقط أو أن يجعلها هي الأساس

يعني انت عندك مستشفى .. في مكان ممتاز .. وفيها أدوات ممتازه .. لكن الدكاتره بهايم والتمريض زباله والإداره عقيمه .. متقولش ان المستشفى نتائجها وسمعتها وإيراداتها سيئه علشان الكهربا بتقطع ولا مؤاخذة .. ولا علشان في ناس بتحاربنا في السوق

دي التانيه

=-=-=-=-=-=-=-=-=-=-=-=-=-=-=-

يعني لازم يبقى عندك صناعة وزراعة وتكنولوجيا
والتلاتة لازم لهم سيستم
والسيستم لازم له دولة
والدولة لازم لها سيادة


يعني لازم يبقى عندك صناعة وزراعة وتكنولوجيا
والتلاتة لازم لهم سيستم
والسيستم لازم له إدارة جيدة ترغب في الإصلاح وتمثل الشعب ومسؤوله أمامه(دولة)
والدولة (السابقة) لازم لها شعب يملك أمره

دي التالته

=-=-=-=-=-=-=-=-=-=-=-=-=-=-=-=-

N.B. 1. محدش يتكلم عن مستبد مستنير
N.B. 2. تغيير بدون إرادة .. ولا إرادة إلا لشعب
N.B. 3. ينصر دينك .. رغم الاختلاف البسيط

TAFATEFO said...

تعليقات حضرتك جت قبل ما أكمل تعليق

بس في ملحوظتين

أنا مش بقارن كلام حضرتك (اللي بحبه وأحترمه) بالأستاذ هيكل (اللي مبحبوش وأحترمه) .. أنا بعرض وجهتين نظر .. لكيف ترى الناس الإصلاح في ظل وجود جار سو إن صح التعبير .. وبعدين رأيي اللي قد يكون مختلف

كتير أوي يتقال علشان تشتمني .. ويمكن دي محصلتش قبل كده .. ومش عارف ليه بيتقال كده .. لا أنا بطول لساني ولا حاجه .. بختلف مش جديده .. بطلتي تستحملي اختلافي .. قولنا قولي زهقت وخلاص

دمت بود

TAFATEFO said...

بخصوص الرسالة وصلت

هي طبعاً موصلتش .. لأن مكنش في رساله أصلاً

ومفيش مبرر لسوء الظن المتناهي ده بصراحة

مواطن مصري said...

يا نوارة الحل اانا نتعلم من تجربة اليابان و تجربة تركيا و فرنسا من اتاتورك الي الان

mido said...

حريق هائل يلتهم 21 منزلا ببنى سويف

جبهة التهييس الشعبية said...

لا يا مصطفى
انا مش باقول تشتم يعني تسب وتلعن
انا اقصد تشتم يعني
ههههههههههههه
فكرتني لما واحد خضني - بيهزر - فقلت له يا غبي
انا اقصد يا غبي
يعني مش غبي في مخه غبي من جواه يعني
راح قال لي: انا غبي؟ انا مهندس
قلت له يااااااااااه ده انت طلعت غبي فعلا، انا ما اقصدش غبي يعني غبي انا اقصد غبي يعني
وطبعا انا اللي غبية لاني ما عرفتش اشرح له الفرق ما بين غبي من جواه وغبي في مخه
زي ما انا مش عارفة اشرح لك الفرق ما بين تشتم يعني تشتم وتشتم يعني تشتم كده
مش شتيمة شتيمة انما يعني
هو هيكل شتيمة؟
ها؟

فهمت انت
مش كده؟
المهم

انت مش بتحب هيكل ليه؟
رامز بتاع مدونة غواية ح يزعل منك

انا لسة ما قرتش التعليقين بس لمحت بسرعة وانت بتقول لي انا مش باشتمك

فانا شرحت لك احسن تزعل

وللا ما شرحتش

اظن بعد العشرة دي المفروض تبقى فهمتني

جبهة التهييس الشعبية said...

اه وبالنسبة للرسالة

الرسالة ان شايف كلامي زي كلام هيكل وانت كنت قلت لي انك بتزهق من كلام هيكل

ففهمت انك زهقت

بس

TAFATEFO said...

ولا يهمك .. ومقصدتش اني زهقت طبعاً

مبحبش هيكل لأنه كذاب .. وبحترم هيكل لأنه هيكل الصحفي الأستاذ .. ولأن تفكيره وطريقة توصيله للمعلومات وطريقة قراءته للتاريخ (وإن تحيز في بعض الأحيان) جميله جداً

elmosalem said...

احم احم
بسم الله الرحمن الرحيم
حل المسابقة كوز البطاطا
زغلول السيد ابو حسين - ابوكبير - شرقية

انا مفتكرش ان النظام واخد باله قوى من شغله و محافظ على مخططات اسرائيل وامريكا فى منع اى تقدم او نمو فى بلادنا.
السبب ان احنا نايمين فى العسل و متكييفين من الخوازيق اللى بتوزعها علينا الحكومة و بنستخدمها قبل النوم بانتظام.
المشكلة فى قبولنا للظلم والفساد ومفيش حد بيحاول يفهم و ينور عقله الا من رحم ربى.
يعنى مثلا لو كل واحد او واحده زى استاذة نوارة مسك كتاب وقعد يثقف نفسه ويفهم ويعلم نفسه وازداد وعيه هيتحول من بنى جحش (لامؤاخذه) الى بنى ادام
وعقله هيتنور وهينجح فى حياته وهيقدر يعرف حقه و يطالب بيه.
لكن فاقد الشئ لا يعطيه - معظم الناس الغلابة فاكرين ان اللى بيحصل فى مصر ده عادى لانه اتولد لقى نفسه كده
مشكلتنا ان معظم الشعب لا يستطيع ان يعرف مدى الانحطاط اللى احنا وصلناه لان ببساطة مشفش الشعوب التانية عايشة ازاى ولو شاف بيتعقد و بيلعن سلسفين جدودنا ومبيفكرش للحظة ليه هما كده واحنا كده او ازاى نبقى زيهم.
مشكلتنا فى الوعى بحقوقنا - لو كل واحد عرف حقه وسعى للمعرفة ورفع من امكانياته وتخلص من الجهل اللى هوه عايش فيه هيقدر بكل سهولة التحايل على النظام وتطوير حياته وبالتالى هينعكس على التنمية غصب عن الطخين - لأننا مسعمناش ان فيه واحد اتمسك علشان مكنش لاقى ياكل و قعد يحوش القرش على القرش وبكثير من الخبرة والتعلم قدر يعمل مشروع وتتطور لحد ما بقى انسان محترم - لا احد منعه ولا حد وقفه فى كمين وقله رخصك.

انا معاكم ان المعوقات كتير قوى فى بلدنا و النظام عقيم لكن بالصبر و المثابرة والالحاح والغتاتة واللماضة و التبليط والملحسة والمرمطة والبهدلة نقدر نعدى من المعوقات ونقب على وش الدنيا.

اما بقى لو قعدنا نندب حظنا ونقول النظام ابن تييييت و احنا مش هنقدر نتقدم علشان النظام فاسد ولازم نسقط رأس النظام علشان نتغير يبقى لازم الاول نسقط التخلف اللى فى مخنا وسعتها هنقدر نغير النظام ونقضى على الفساد.

شكرا يانوارة انك نقلتنا ملخص ما قرأتى جزاك الله خير فينا وفى امثالنا

عمرو فهمي said...

من عادتي اني أقراء التعليقات تعليق تعليق
بس بعد التدوينة دي مش عاوز أشغل نفسي ولا أدخل دامغي حاجه بعد الكلام الي يتائل بالدهب الي كتبتيه هنا
روحي يا شيخه الله يفتح عليكي كمان وكمان

مواطن مصري said...

مين مش بيحب الاستاذ هيكل هنا ؟؟ يا نوارة

mido said...

جروب علي الفيس بوك يطالب بإهدار دم صباح بعد تصريحاتها بخيانة أزواجها السابقين

جبهة التهييس الشعبية said...

مصطفى

قريت تعليقاتك

بص يا سيدي

لا ماحدش يتكلم عن مستبد مستنير

بس على حسب تعريف المستبد

انا مثلا عارفة انك ضد الحماية الاقتصادية في بداية خطة التنمية
وممكن تعتبر ده استبداد

بس من وجهة نظري المتواضعة
اللي هي بالمناسبة مش وجهة نظري ولا حاجة انا ناقشاها من كتاب الشركة التي غيرت العالم وركل السلم بعيدا

الحماية ضرورية في بداية التنمية وانا مش شايفة انها استبداد

انا اقصد الحماية الاقتصادية
مش الحماية السياسية عشان بس ما تفهمنيش غلط
:)

بس تخيل واحنا في قعر القفة دلوقت
لما حد ييجي دلوقت عايز يحط سيستم بعد الفوضى العارمة اللي احنا فيها دي

ح يعمل ايه؟
مش لازم يعمل استبداد عشان ما يكسرش نفس الناس

لان الناس اللي نفسها مكسورة عمرها ما بتنتج ولا بتعمل نهضة

بالعكس
يمكن حاجة في اللا وعي بتخليهم يخربوا نكاية في النظام اللي بيقهرهم

بس لازم يبقى منظم وصارم بالقانون
وقانون يمشي على الكبير قبل الصغير عشان الناس نفسها تبقى معزوزة

كان فيه واحد بيتكلم عن نصر اكتوبر

مش فاكرة مين بالظبط
بس لواء هو دلوقت

كان من القادة الميدانيين
وبيقول حاجة
ان الجندي المصري لما بيحس بالعدالة ممكن يرمي نفسه في النار

واحساسه بالعدالة بيتمثل في انه يحس ان العقوبة اللي ح تنزل بالعسكري ح تنزل باللواء بالظبط مافيش محسوبيات

يعني الراجل ما اتكلمش عن المكافئة

اتكلم عن العقوبة

ودي بتأثر في البني ادم اكتر

مش عشان الناس بطبعها بتحب تشمت في بعض

بس عشان الناس بترتاح نفسيا لما تحس ان المنصب ما بيشكلكش حصانة من القانون
وعليه القانون بيكتسب مصداقية وتلقائيا الناس بتبتدي تحترمه

جبهة التهييس الشعبية said...

يا جو

يا دي النيلة
هي القومية العربية دي ما تستخدمش بطريقة عدلة ابدا؟ مرة تستخدم ضد العثمانيين ومرة ضد ايران؟

انا بس اللي مجنني
ازاي القومية العربية دايما اللي بيحييها يا اما لورانس العرب يا اما امريكا

والقومية دي ما بتنقحش غير لما تيجي ايران وتركيا

ما بتنقحش علينا ليه قدام امريكا واسرائيل؟

جبهة التهييس الشعبية said...

هاااااااااااااهااااااااااااييييييي

حرام عليهم

وهي دي تتحاسب في سنها ده؟

ربنا يعافينا وينجينا من ارذل العمر

يااااااااااااارب

ايه موضوع الحريقة دي؟

كتائب الشهيد ماس كهربائي برضه؟

mido said...

http://www.youm7.com/News.asp?NewsID=78554

Anonymous said...

منعنا من التنميه فى الماضى و الان
نهر النيل فى خطر
هناك مشروع قد قدم من رئيس الوزراء المصرى الى مجلس الشعب بخصوص تعديل الرى فى مصر من رى الغمر الى رى حديث ,اى انشاء شبكات مواسير لنقل مياه الرى من نهر النيل الى الاراضى الزراعيه القديمه والتى تقدر بحوالى 5 ملايين فدان.
وقد ذكر سيادته ان اعتماد وسائل الرى الحديث فى مصر سوف يؤدى الى زياده انتاجية الاراضى الزراعيه وتوفير ما يقرب من 20 مليار متر مكعب من المياه.
لا شك ان مشروع مثل هذا سوف يغير من شكل الحياه على ارض مصر ويمكن ان يعود بالخير الكثير على ابناء الوطن, ولكنى اخشى من ان يكون هذا المشروع حلقه من سلسله النهب المنظم لثروات مصر من قبل الشركات الغربيه .
فمنذ عده اشهر صرح السفير الهولاندى بمصر ان الفلاح المصرى يجب ان يدفع مقابل مالى لاستخدامه ماء النيل فى رى ارضه!! فما الذى دفع السفير الهولاندى بالادلاء بهذا التصريح ؟
ولا شك ان تكاليف هذا المشروع ستكون بالمليارات التى تعجز خزانه الحكومه المصريه عن توفيرها. مما يجعلها فى حاجه الى اللجوء الى المؤسسات الماليه الدوليه لتمويل هذا المشروع.
واخشى ما اخشاه ان تضع تلك المؤسسات الماليه والشركات الاجنبيه يدها على تلك الشبكه العملاقه المزمع انشاءها لرى الخمسه ملايين فدان وتعطى الفلاح المصرى حق استخدامها فى مقابل مبلغ مالى يدفع. او بعباره اخرى احتكار ماءالنيل من قبل الشركات الغربيه .
ربما يحاول البعض التخفيف من الحدث تحت اى مسى مثل انشاء الشبكه بنظام حق الانتفاع لمده معينه او البناء والتشغيل ثم نقل الملكيه او غيرها من العبارات الرنانه على الاسماع ولكنها متساويه المضمون. فنحن فى النهايه امام عملية نهب منظم لثرواتنا.
هذا المشروع مفيد غايه الافاده و لا اشك اننا قد تاخرنا كثيرا فى تنفيذه ولكن هناك فرق من ان ينفذ بالخبرات الفنيه المصريه "وما اكثرها" وباموال مصريه وهى موجوده و الحمد لله او ان ينفذ من قبل من يريد ان يستغل ثرواتنا ويفرض ارادته علينا.
ان مصر وليدة النيل واذا "لا قدر الله" تم احتكاره من قبل الشركات الاجنبيه فعلى الدنيا السلام.

Ahmad said...

انا مبسوط بيكو جدا ما عدا مواطن مصري

الكلمة نور said...

وداعا للانونيمس
بعد البهدله فى مدونات الناس والرد كانونيمس وكل حد يقولى ياانونيمس كانى عار على الانترنت ونفسى واهلى قررت اعمل مدونه وامسح العار واكتب اللى يعجبنى وابقى اخر فل
واللى هايجى عندى مش هاقوله يا غبى

مهندس مصري said...

الأستاذ الأنونيمس
===============
المشروع ده شغال على قدم و ساق من اكثر من 10 سنين في محافظتي البحيرة و كفر الشيخ
تحت إسم تطوير الري

و هو فعلاً عبارة عن قرض من البنك الدولي يسدده الفلاح على 30 سنة

و ايام ما بدأ المشروع تناثرت أقوال على إستحياء إن المشروع ده حيكون بداية لمحاسبة الفلاح المصري على مياه الري
لإن وقتها دول أوربا و أمريكا لما إعترضنا في منظمة التجارة العالمية على دعمهم لفلاحينهم و إن ده مخالف لإتفاقية الجات
فردوا و قالوا ما إنتم بتدعموا فلاحينكم و بتدوهم مياه الري ببلاش

لكن سرعان ما تم وأد الاصوات دي

و هندسياً بقى الفكرة غلط و متعبة و مكلفة جداً

إزاي أحول ترعة صغيرة ( مسقى ) لخط مواسير تحت ضغط ؟
الترعة كل اللي محتاجاه تطهير بسيط مرة كل سنة و المياه ماشية فيها مع الميل بتأثير الجاذبية الأرضية من العالي للواطي
و الناس بتروي بمكنة الري عادي

لكن خط المواسير بيكون في أوله بيارة تجميع متوصل بيها طلمبة رفع جامدة و بتوضع في مسؤولية أحد الفلاحين
و الطلمبة محتاجة وقود طبعاً و زيت و صيانة و الذي منه

ثم خط المواسير مهما كان كويس له عمر إفتراضي بعدها حيخرب و نعوز نشيله و نحط غيره
و هو ما كنا في غنى عنه ايام الترعة

ثم إفرض الفلاح اللي ماسك الطلمبة متخانق مع واحد تاني ممكن ساعتها يقطع عنه مياه الري و لا حيكون إيه الوضع ؟

و إذا كانت مشاكل مواسير شبكات مياه الشرب و الصرف الصحي ما تتعدش
حيعرفوا يصينوا شبكات مواسير الري

الحاجة الوحيدة الكويسة في المشروع ده هي القناطر الصغيرة الأتوماتيكية اللي بيعملوها على ترع التوزيع

لكن دي النقطة الوحيدة الكويسة في مشروع ملوش لازمة و تكاليفه أعلى و حيبوظ نظام الري
و حيخلي الفلاحين يركبوا عداد مياه على أرضهم و يتحاسبوا بالمليم

حـنــّا السكران said...

هو لورانس رجع من جديد .. بي هالمرة مش أشقر و عيونه زرق .. هالمرة أسمر و احنا أطلقنا عليه أبو حسين .. حتى بعد ما هو اتبرّا من أبوه ..

لا طبعا ما بينفع تكون ضد امريكا أو اسرائيل .. لأنه بتبقى عنصرية و معاداة للسامية .. و لو كانت ضد أمريكا و اسرائيل مين اللي رح يعيدها من تاني ؟ أوعى تقولي العرب .
ـ ما احنا القوميين الفعليين , لما بنقول ( قومية ) بتسمعي الكلام القبيح .. قومجية و عربجية .. لكن لو جت عن طريق لورانس أو أمريكا أو اسرائيل .. تبقى هي الحل .
عبد الناصر لو كان خواجة ..كنا عملناله تماثيل في كل بيت عربي .بس مشكلته انه كان عربي و مصري و صعيدي .. كل المصايب دي مع بعضها كانت متوفرة فيه ...لااا و ابن عيلة فقيرة كمان ..

جبهة التهييس الشعبية said...

طب يا جماعة احنا لازم نعمل حاجة
مش ممكن يعني اللي بيتعمل فينا ده
ولا الاحتلال الانجليزي عمل ده كله
النيل؟
مش كفاية التلوث اللي فيه


كلمة نور

يا سبحان الله يا اخي
يعني داخل بانونيمس مش عايز تقول لي اسمك وبترد على حاجة تانية وتقول لي مش عارفة خايفة من انس الفقي وحسني مبارك وتعك في الكلام ولما اقول لك كلامك غبي تزعل

عجايب والله

جو

ابو حسين ده طلع فشنك على الاخر
محتاس ومش عارف يعمل ايتها حاجة

حتى وجد وقفي مراسلة الجزيرة قالت ان الحكام العرب ياريت ينطقوا بقى بدل لغة السمع والطاعة

حكام ايه؟
احنا بقى نتعامل معاهم على انهم مش موجودين خالص
نتجاهلهم خالص
بس ياريت يتجاهلونا هم كمان

faissl said...

كان فيه حد لوذعي.. لوذعي قوي يعني مش اللي هوه لوذعي بعقل ده.. بيقول لك ازاي قابيل قتل هابيل.. مين اللي وقع بينهم وما كانش لسه اسرائيل اتوجدت..؟ ها ها ها....
ربما كلامك اللي فات يكون حقنة سبرتو في الأدمغة المسكونة بالكلام ده
تحياتي :)

faissl said...

نوارة على فكرة انتي عرفتي توضحي نفسك كويس وكويس قوي قوي كمان، بس أولا المخ النضيف نضيف "حقيقة علمية" وان فيه ناس بتشوف بقناعاتها مش بعينيها..
وانا كناصري أؤيدك كلامك بقناعتي قبل عينيا.. صحيح انا مش باضع الكلام بتاع الراجل الإسرائلي موضع تسليم -ولا أعتقد انك مسلمة بيه برضه- لأنه كلام عن رجل اجمعت اسرائيل على كراهيته.. الا ان تحليلك عن خياراته والمتاح أمامه كان مضبوط...
يا جماعة
لو سمحتوا كل واحد يتحسس قفاه قبل ما يرد...

faissl said...

نوارة على فكرة انتي عرفتي توضحي نفسك كويس وكويس قوي قوي كمان، بس أولا المخ النضيف نضيف "حقيقة علمية" وان فيه ناس بتشوف بقناعاتها مش بعينيها..
وانا كناصري أؤيدك كلامك بقناعتي قبل عينيا.. صحيح انا مش باضع الكلام بتاع الراجل الإسرائلي موضع تسليم -ولا أعتقد انك مسلمة بيه برضه- لأنه كلام عن رجل اجمعت اسرائيل على كراهيته.. الا ان تحليلك عن خياراته والمتاح أمامه كان مضبوط...
يا جماعة
لو سمحتوا كل واحد يتحسس قفاه قبل ما يرد...

Anonymous said...

يا شباب موضوع نهر النيل دا خطير جدا وكلام "مهندس مصر" ممكن يكون بدايه الخيط لعمل حمله لانقاذ النيل ممن يتربصون به . الموضوع دا اهم من واحد انضرب فى مظاهره او اعتقل لاى سبب
اقترح حمله على الانترنت لتوعيه المصريين بهذا المشروع
ان كان فيه خير ننفذه بخبراتنا الفنيه و الماديه والا فاليتوقف وشكرا

Blank-Socrate said...

نوارة اعتقد ناس كتير تعرف الكلام اللى انت قلتيه
المشكله ممكن اعرف من حضرتك لو انت بكرة بقيتى رئيسة الجمهورية
هتعملى ايه
مع امريكا و اسرائيل
و العرب و الاخوان
و الفساد
عنواين رئيسيه بس
؟!!؟

جبهة التهييس الشعبية said...

مش ح اعمل حاجة
لاني مش ح ابقى رئيس جمهورية

وبعدين ايه دخل الاخوان في الموضوع
انت حاططهم كده كأنهم قوة عالمية او قوة اقليمية زيهم زي امريكا واسرائيل والعرب

وايه العرب دي؟
قصدك الدول العربية؟
اصل العرب دي حسستني اننا انجليز وبنتكلم عن ناس ما نعرفهمش

ثم ان مش دي العناوين الرئيسية اللي تهم المواطن المصري لو اترشح لنا رئيس جمهورية

الناس ح تسأل عن فرص العمل، عن سعر البنزين، سعر رغيف العيش، التأمين الصحي، التعليم، ح يبقى فيه شقق كويسة ورخيصة وللا ح يبقى فيه ايجار؟ طب الايجار ح يبقى قانونه ايه؟

هي دي "العناوين" الرئيسية اللي اي مواطن مصري عادي جدا ح يسأل عنها
لما تجيله اجابات ساعتها بقى ح يسأل: وح نحارب بقى وللا ح نعمل ايه؟

وقليلين اللي ح يسألوا السؤال الاخير ده، سواقين التاكسي بس
لكن سواقين الميكروباص ح يسألوا عن الرخص وعن امناء الشرطة
والمدرسين ح يسألوا عن مرتباتهم
والعمال ح يسالوا عن الخصخصة والحوافز
والفلاحين ح يسألوا عن الدعم وعن القطن اللي انضرب ضربة مالهاش قومة وعن اراضيهم اللي بتتاخد وترجع للاقطاعيين الجدد

دي العناوين الرئيسية يا مينا

والمفروض بوصفك مواطن مصري يبقى يهمك اللي يهمنا كلنا
حتى لو كنت مرتاح في حياتك
مش اول ما تسأل تسأل عن امريكا واسرائيل والعرب والاخوان

دول بيألكوا وللا بيشربوا وللا بيشغلوا وللا بيسكنوا؟

sindebad said...

اولا : لا يمكن ان يعرض الانسان وجهة نظرة ثم يقر في النهاية بانها محض انفعال
ثانيا : امريكا لن تعمل بمنطق التاجر المفلس وتسعي للبحث عن تحالفات تخرجها من الازمة لسبب بسيط ان التحالفات قائمة والادوار موزعة منذ عهود مضت
ثالثا : بالنسبة لوضعنا فهنالك حكمة شهيرة تؤكد ان الشعوب تستحق حكامها - وبالتاكيد نحن نستحق ما نحن فيه فعندما تغيب قيم الاجادة والامانة والاتقان عن ابسط فرد في الشعب وحتي اكبر مسئول , فلن تنفع اعتي الوثائق حتي وان كتبت بالدم وعطرت بدموع الثكالي
رابعا : علي الرغم من تقديري لجهدك الحثيث في قراءة التاريخ الاسرائيلي الا ان قراءة الحدث البسيط لا تتضح الا في سياق ما هو اكبر واعمق , وعليك بقراءة دور اباطرة المال والدعاية اليهود عبر التاريخ , فالتحالفات ابعد بكثير من الماضي القريب
خامسا : لا اعتقد ان اسرائيل هي كلب حراسة كما رميت في تحليلك , وانما هي منطقة تمركز متقدمة لقوي استعمارية في منطقة صراع مشتعل او محتمل , وهي حاجز استعماري استراتيجي يحول دون تواصل العالم العربي وقطع خطوط الاتصالي المثمر بين مراكز القوي الحقيقية في تلك المنطقة مصر - سوريا - السعودية
سادسا : بالنظر الي دورات التاريخ فقد مر علي العالم عدة عصور ونخب مؤثرة حسب طبيعة كل عصر وباستثناء الانبياء والزعامات الاستثنائية نجد ان النخب القادة علي مر العصور كانت تمثل متواليات
1- الفلاسفة والمفكرين وهم صناعة الايدولوجيات
2- العسكريين وهم صناع الثورات والاضرابات
3- السياسيين وهم اصحاب القدرة علي ادارة الصراعات
4- الاقتصاديين وهم القادريين علي تحقيق اكبر المكاسب من كل ما سبق
وكل عصر يمتاز بفئة مسيطرة مما سبق ذكرهم واي امه او شعب ينشد التقدم والتواجد يجب ان يتوافر له علي الاقل 3 عناصر مما سبقوا بالاضافة الي سلامة الجبهة الداخلية متمثلة في شعب واعي ومدرك ويمتلك ارادة وعزيمة قوية - وكما يقال فان الحرب هي حوار دبلوماسي بطعم الدم , الا انه خطوة اخيرة في التعامل ولا يمكن لعاقل ان يفكر في الخطوة الاخيرة قبل ان يقوم بخطواته الاولي
اخيرا بالنسبة للوثيقة فانها جهد محمود ولكن حين يحاول الانسان ان يقنع الناس بقضيته العادلة لابد له اولا ان يكون , صاحب قضية بحق بعيدا عن ادبيات الشكوي والصراخ , وان يقتنع بتلك القضية قبل ان يحاول ان يقنع بها الناس
والا يختزل خطواته الجادة كلها في مجرد لحظات انفعال صادقة
وشكراااااااااااااااااااااا

جبهة التهييس الشعبية said...

اولا: انا ما قلتش ان وجهة نظري محض انفعال
انا قلت اني منفعلة دلوقت لكن وجهة نظري مش مبنية على انفعال

ثانيا: لا مش صحيح، التحالفات مش من عهود مضت ولا حاجة التحالفات دي ابتدت من الخمسينات

ثالثا: السلم بيتكنس من فوق مش من تحت
واطلاق الاتهام لشعوب بالطريقة دي انا مش شايفة انه منهج علمي
المنطق بيقول ان لما يبقى فيه شكوى جماعية من انعدام الامانة او النفاق او او او ده معناه ان فيه ظروف خلقت الحالة دي وانها بقت حالة مستشرية ولا يستنثنى منها انا وانت
وكلمة الشعوب تستحق حكامها دي بتاعة الحكام عشان يفضلوا قاعدين في كراسيهم

رابعا: لا الحقيقة اباطرة المال اللي صنعوا الاتجاه الامبريالي الحديث ما كانوش يهود كانوا هولنديين وانجليز
وما كانتش ديانتهم يهودية
واليهود لانهم فئة صغيرة في العدد فالمعروف انهم عاشوا تاريخهم كله يتسندوا على الحضارات
لما كانت الحضارة في الشرق كانوا مسنودين عليها ولما راحت للغرب راحوا اتسندوا عليها
بعد تصنيع الاتجاه الصهيوني اللي هو صناعة امبريالية غربية ابتدا اليهود يدخلوا
وانا الحقيقة مش بالعة قوي مؤامرة اليهود اللي عايزين يسيطروا على العالم دي


خامسا: مش انا اللي قلت على اسرائيل كلب حراسة ده رونالد ريجان

وبقية خامسا بتاعتك تأكيد على الكلام اللي باقوله بس بصياغة تانية

سادسا: برضه انت بتعيد صياغة الكلام اللي باقوله


اخيرا
هي فين الشكوى والصراخ حضرتك؟
وعلى اي اساس اعتبرت اني مش مقتنعة باللي باقوله؟

sindebad said...

اولا : الانفعال شئ مشروع وهو نوع من التعاطي مع مؤثر خارجي ايا كان نوعه ثم يتبعه الادراك الذي يؤدي في النهاية اي تكوين راي او رؤية للتعاطي مع هذا المؤثر - والحقيقة اني لا اتهمك بالانفعال في تكوين رايك وانما هو توصيف للحالة العامة عموما
ثانيا :لا اعتقد ان التحالفات بدات في الخمسينات فما كان في تلك الفترة هو اعادة صياغة لتحالفات قدبمة قدم التاريخ ويمكنك الرجوع الي فترة الحروب الصليبة - فترة الحلف المقدس وامثلة عديدة لا مجال لذكرها الان
ثالثا : انت تعارضي فكرة توصيف الشعب بالفساد .... كلام يحتاج التمحيص وبمعادلة حسابية بسيطة نجد الاتي :
- تتركز الثروة في المجتمع تقريبا في يد نسبة لا تتعدي 10% ويمكن اعتبار هذه النسبة قمة الفساد او اعلي درجات لسلم علي حد تعبيرك وهي تساوي تقريبا 8 مليون مواطن
- نسبة الفساد في الجهاز الادراي تتعدي 70% مع الرافة وبما ان عدد العاملين في هذا الجهاز 6 مليون مواطن اذن نحن نتحدث تقريبا عن حوالي 4 مليون مواطن
- 50% من السكان تحت خط الفقر حسب اكثر الاحصاءات تفاؤلا وبما ان خط الفقر حوالي دولارين في اليوم - فكيف بالله عليك يعيش مواطن باقل من 10 جنيهات في اليوم دون ان يسرق او يرتشي او يخالف القانون , اذن نحن نتحدث عن حوالي 40 مليون مواطن مجبر علي الفساد الي حد التعايش معه واعتباره القانون الاوحد والاكثر شعبية
اذن يصبح مجموع جمعية الفاسدين ومتحدي النزاهة يساوي تقريبا
8+4+40 = 52 مليون وباعتبار الباقي من مجموع الشعب من الاطفال وهم رواد مدرسة البراءة يصبح الشعب فاسد بنسبة 99.9 اي اغلبية مطلقة
رابعا :جورج برناد شو له مقولة شهيرة ( لا مسلم ولا مسيحي ولا يهودي الكافر الوحيد هو الدولار )- ودعينا نقر ان اليهود ليسوا بالفئة القليلة مطلقا فالمسالة ليست بالكم وانما بالكيف , كما ان المسيحية هي امتداد لليهودية فكما ان هنالك عهد قديم نجد صداه يتردد في اطروحات العهد الجديد ولعل عدد المتعصبين للحزب المسيحي المتطرف الذي يؤمن بخرافة الهيكل وحرب الهرمجدون اكثر من عدد اليهود في العالم كله , واليهود لديهم تاريخ حافل بالعمالة والقدرة علي التسرب داخل المجتمعات ,ولو كانوا فئة مغلوبة علي امرها لما ضاقت بهم ذرعا كل الدول من كل الشعوب والملل , وانا لا اسعي للتضخيم من قدراتهم علي الاطلاق ولكن في عالم السياسة اينما وجدت المصلحة وجدت المؤامرة , واليهود هم اكثر الناس حرصا علي المصلحة ولهذا فهم حاضرون دائما
خامسا : رونالد ريجان رئيس جمهوري متعصب تولي رئاسة امريكا بعد الرئيس جيمي كارتر الذي مارس ضغوط قوية علي اسرائيل من اجل الموافقة علي اتفاقية كامب دايفيد وهو امر ازعج اسرائيل بكل تاكيد وساهمت الاصوات اليهودية بشكل رئيسي في خسارته امام ريجان بالاضافة الي ازمة الرهائن الامريكين في ايران - وقد جاء تولي ريجان في لحظة ازمة وفي الازمات تزداد اهمية الاصدقاء والازمة تتمثل في الموجة الثانية من الحرب الباردة وسقوط حليف مهم متمثل في سقوط الشاه , وبالتالي فقد قدم ريجان كل الدعم لاسرائيل في تلك المرحلة واوعز لها ايضا باحتلال جنوب لبنان كما ساهم بشكل مهم في قيام الحرب العراقية الايرانية ولعل فضيحة ايران كونترا او ايران جيت اكبر دليل علي ذلك , كل هذه الامور تجعل الرئيس مطالب بتبريرات امام شعبه وامام رجل استحدث مصطلح حرب النجوم فلابد انه اشعل الارض احتراقا قبل ان ينتقل الي النجوم ,وعلي هذا فان اطلاقه مصطلح كلب حراسة ليس بالامر المقدس فالصياد لا يتخلي عن كلابه في مغامراته المعتادة
- كذلك فان الشعوب العربية تعيش ازمة حقيقة اسمها استيراد المصطلح ولعل تلك الازمة كان اللاعب الاساسي فيها في العصر الحديث هنري كيسنجر فقد اغرق المنطقة بسيل من المصطلحات التي لاتغني ولا تسمن من جوع , حيث اجبرنا علي ان نتبي منطقه ومصطلحاته دون ان ندري ولهذا لزم التنويه
سادسا :انا لم اقل انك شخصيا غير مقتنعة بما تقولين او انك غارقة في بحر من دموعك , حيث انني كنت اتحدث عن الحالة العامة التي تسود الامه فالكل يريد ولكن شتان مابين الرغبة والارادة والعمل , الرغبة هي مجرد انفعال وهذا الصنف متوفر والحمد لله اما الارداة فتتطلب الادراك ووضوح الرؤية التي تنتج هدفا وخطة وهذا الصنف متوفر لدرجة التنافس الف تيار بالف خطة ولكن القدرة علي الاختيار والتوافق صفر - اما العمل فهو قرار وقرارنا لم يأت اوانه بعد او لعله تاخر حتي ضاعت الفرصة وان كنت اؤيد الاولي
وعلي هذا فان القناعة الناقصة هي بداية والقناعة الجامدة هي طريق ويبقي العمل المدروس وما دون ذلك هو كالحرث في المياه
وشكراااااااااااااا