Thursday, 19 March 2009

هههههههههههههههههههه اقف مكانك... ما انا واقف مكاني يافندم




ههههههههههههههههههههه


ههههههههههههههههههههههههه


هههههههههههههههههههههههههههه


هههههههههههههههههههههههههههههههه


ههههههههههههههههههههههههههههههههههههههه


مش ممكن


لا حول ولا قوة الا بالله، ده كان عيل طالب حرام عليه، انا لو كنت مكانه كان اغمى عليا من الخضة: اقف مكانك...ما انا واقف يافندم...اقف مكانك...يافندم انا واقف


لاااااااااا


اقف مكانك


ومن النهاردة يا اولادي انا جاي عشان اقول لكوا كده، ح نحترم كبير العيلة

:)


هو احنا في دوار العمدة هنا؟ يعني احنا كل اللي حكمونا تحف، بس عمرنا ما جالنا واحد بيزعق غيره، ويستفرد بالعيال الصغيرة ويفضل يزعق لهم لحد ما عيل منهم زهق وراح مموته، هههههههههههه طب والله اتقتل عشان بيزعق مش عشان حاجة تانية، كل الحاجات التانية غيره عملها، الاختلاف الوحيد انه كان بيزعق عمال على بطال


انا اصلي كنت بادور على كامب ديفيد بمناسبة ذكراها السودا وكنت عايزة اشوفه بيتكلم مع اسرائيل وامريكا ازاي؟


لقيته نازل فيهم بوس ويزعق لنا احنا،


ويزعق لعيال صغيرة كمان كمان، طب ماهو اللي يزعق للعيال ما يخلاش من الاغتيالات

عشان كده بقى عوكل ما بيتكلمش معانا خالص، عشان لا يزعق لنا ولا نزعق له بالظبط زي الراجل اللي صاحبه ح يتجوز بكرة قال له: شوف...انت داخل على حياة جديدة ولازم تمشي مراتك على العجين، عايز تسمع نصيحتي، مافيش حاجة تمشي الست على العجين وتحرق دمها غير التجاهل التاااااااااااااااااااام، لا تعاتبها، ولا تتخانق معاها، ولا تمد ايدك عليها تجااااااااااهل

صاحبه: يعني ولا حتى اكلمها؟

هو: ولا تقول لها صباح الخير....عارف، المرة اللي معايا دي، ليلة الدخلة عملت فصل ما عجبنيش، من يوميها لساني ما يخاطبش لسانها بقالي عشر سنين، راخرة ماشية معايا زي الالف
صاحبه: الله...طب والتلات عيال دول جابتهم منين؟
هو: ولاااااااااااااااااا سألتها ... باقول لك تجااااااااااااااااهل

97 comments:

Anonymous said...

التسجيل ده بين عبدالمنعم أبو الفتوح والرئيس السادات أبلغ دليل على الفرق بين عبدالناصر والسادات مبارك

كون طالب يقف يتكلم بالطريقة دي مع رئيس الدولة ويتطاول أكثر من مرة (ما قد يعتبر تطاول) ويقاطع الرئيس أكثر من مره والرئيس يسمله ويشرحله ويوضحله بصرف النظر عن الحق في جانب مين .. كون في طالب يكلم الرئيس ويقوله بحملك المسؤولية ويتكلم بكل حرية .. وحتى لما تطاول السادات وضحله وجهة نظره في سبب إبعاد الشيخ الغزالي وانه لا فصل من عمله ولا ولا

لما قاله اقف مكانك كان يقصد في الكلام .. بدليل انه قالها من قبل ما يتحرك

يا نواره هانم السادات الله يرحمه شهدت والدة حضرتك ان حتى المتقلات في عهده مكنش فيها تعذيب

يا نواره هانم مش محتاج الموضوع لمقارنة بين ناصر والسادات ومبارك في كفالة حرية التعبير (كلهم دكتاتوريات طبعاً مع الفارق الواضح) .. حتى لو اختلفت الناس في توجه السادات للسلام وتبنيه للخيار ده .. حتى لو اعتبرت موافقته على بعض الشروط والبنود غباء أو تفريط .. حتى لو تبنى الخيار الخاطئ

فيفضل برضه السادات بره المقارنة مع كائن زي عبدالناصر وزبانيته .. او كائن زي مبارك وزبانيته

تاني وتالت وعاشر .. اتهامات حضرتك للسادات بالخيانة وعدم الوطنية في رأيي اتهامات من من لا يملك حق الاتهام ولا مصداقيته .. وطبعاً سخرية حضرتك من ضخص رئيس عصامي ومناضل وطني مثل السادات لا تنقصه .. واللي بقوله مش دفاع عنه

لكن أهو توضيح لمواقف أكيد مش غايبة عن ناس كتير

آه طبعاً .. واضح اني معنديش معلومات ومش قاري واقرى مذكرات الفريق الشاذلي والكلام ده كله

بس مين يحط أبو قرش .. جنب أبو قرشين؟؟

دمت بود

جبهة التهييس الشعبية said...

يا مصطفى انا حطيت فيديو بلال دياب مخصوص

مافيش رئيس في الدنيا يزعق كده ويبقى انسان طبيعي

دي طريقة واحد مجنون

عصامي؟

اه عصامي

بعد ما كان شحات وحافي ومش لاقي ياكل بقى من اصحاب الاطيان ايام ما كان في مجلس قيادة الثورة وبقى عنده اراضي

ما اعرفش جابها منين الاراضي دي
المفروض ان الدولة كانت بتأمم مش بتملك اعضاء مجلس قيادتها
والحقيقة هو لا كان مناضل ولا وطني
هو اشتغل شوية مع الالمان وشوية مع الانجليز وده ثابت
وكان غاوي اغتيالات سياسية يزق الناس عليها ويطلع هو منها زي الشعرة من العجين
ولما تبقى بطولة يفتخر بيها
ولما تبقى تهمة ينكرها

ما اعرفش اذا كنت تعتبر ده نضال وللا تعتبره ايه

هو نضال منوفي مما لا شك فيه
:)

TAFATEFO said...

يعني احنا كل اللي حكمونا تحف، بس عمرنا ما جالنا واحد بيزعق غيره، ويستفرد بالعيال الصغيرة ويفضل يزعق لهم لحد ما عيل منهم زهق وراح مموته، هههههههههههه طب والله اتقتل عشان بيزعق مش عشان حاجة تانية، كل الحاجات التانية غيره عملها، الاختلاف الوحيد انه كان بيزعق عمال على بطال

لا بالله .. قلي كلام غير ده

أتاريه بقى كان بيزعق عمال على بطال .. وكان بيرهب العيال الصغيرة

العيال الصغيرة اللي هما عبدالمنعم أبو الفتوح رئيس اتحاد طلاب جامعة القاهرة .. كان بيرهبهم بدليل ان الطالب اللي حضرتك بتقولي عليه عيل وقف يتكلم 3 دقايق كامله وتطاول وقاطع أكتر من مره وبعدين الرئيس (رئيس الجمهورية) سكته لما ابتدي يقول مبيبقاش غير العلماء اللي بينافقوك ودي تهمة لا يقبلها أي حد

محدش يقدر يقف يقول كده لأبوك .. حتى أنا اللي أكيد أكثركم قلة أدب وبجاحة وطولة لسان متخيلش اني أقف أقول كده .. أو ان حد يسمحلي بكده

وبعدين يبقى بيزعق وبيرهب العيال .. وياخد التانيين بالبوس والأحضان

يا سلام .. والمفروض الناس تصدق شوية دعاوى باطلة زي دي .. والبوست يبتدي بـ هههههههههههههههههههه

ايه الحلاوه دي؟؟

أنا فكرت اني أرد رد ينرفز حضرتك علشان أشوف رد فعل حضرتك هيبقى ايه .. أتهم حضرتك اتهامات بطريقة عبدالمنعم أبو الفتوح .. بس لقيت الموضوع مش مستاهل .. مع ان حضرتك مش رئيس الجمهورية

أراهن حضرتك ان الفقرة الأولى نفسها نرفزتك .. اللي هي مفيهاش أي حاجه أصلاً

الرئيس واقف طالب يحاسبه ويحمله مسؤوليات وينتقده لمدة 3 دقايق .. ويقاطعه ويتطاول وبعدين ترجع تقول كان بيرهبهم ويزعقلهم

لا يا شيخه

يا ريت حضرتك تفكرينا بقى بالقائد الملهم الزعيم جمال عبدالناصر .. اللي كان شديد أوي مع الإسرائيليين والأمريكان وهيرميهم في البحر كان بيعمل ايه مع المواطنين

كانت الناس بتتكلم معاه .. صح؟؟

تييييييييييييييييييييييييييييت .. وشششششششششششششششششششششش

انتهى الإرسال

جبهة التهييس الشعبية said...

وبالمناسبة الراجل لا تطاول ولا نيلة
قال له اللي حواليك بينافقوك
وعينه ما شافت الا النور

ماهو يا اما يجتمع بالطلبة ويسمع شتيمتهم ويستحمل
زي ما احمد نظيف عمل
يا اما يتجاهلنا خالص زي مبارك

ومن حيث انه كان عنده زبانية كان عنده زبانية
امال كان بيقبض على الناس بايه؟ بالملايكة؟
والمقارنة ما بين التلاتة دايما مقارنة في السجون
سجن السادات كان احسن من سجن عبد الناصر لا بس سجن حسني مبارك في حمامات افرنجي
!!!!!!!!!!!!!!!!
وده يبقى اسمه ايه ده يا مصطفى؟
اه نسيت
اسمه نضال

جبهة التهييس الشعبية said...

انت بتعيد الكلام وانا رديت عليك

وانا مش رئيس جمهورية
وواقع الامر ان مافيش حد كان بيخبط على الترابيزة ويزعق غيره

دي حقيقة تاريخية
وواقع الامر انه مضى اتفاقية لو كانوا ماسكين عليه صور مخلة بالاداب ما كانش وافق عليها

طيب لما هو عصبي كده ودمه حامي
بس فالح يتخانق مع الغلابة؟
ما اتخانقش معاهم هناك ليه؟

جبهة التهييس الشعبية said...

وبعدين بذمتك ودينك يا شيخ ما ضحكتش؟

TAFATEFO said...

آه ما هو عادي

بيزق على الاغتيال ويطلع منها

ويشتغل مع الألمان والانجليز

ما هو ده العادي

مش منتظر غير الكلام المكرر اللي حضرتك بتبقي عارفه وحضرتك بتكتبيه انه كلام

ما هو اشتغل مع الألمان دي كمان سبه .. لما يكون شاب والبلد كلها بتهتف إلى الأمام يا روميل علشان يخلصهم من الإنجليز وهو يصدق ده ويسعى لده ويبقى تحت قيادة عزيز باشا يبقى عيبه وسبه

وهو الواحد يناقش ليه أصلاً ؟؟ محدش ممكن يصدق كلام زي ده .. وحتى اللي يصدق الموضوع مش فارق كتير الرجل مات .. والكلام مش هيغير حاجه

جبهة التهييس الشعبية said...

يا سلاااااااااااااااام

طب روح انت بقى اشتغل مع الصين
وللا اشتغل مع الروس
وللا حتى اشتغل مع الايرانيين ونفذ اغتيالات سياسية بفلوسهم وسلاحهم

احا

يعني هو كان بيعمل اغتيالات سياسية ويخلع منها عشان خايف وللا لا؟
طب هو بعد ما الثورة قامت قال احنا اغتالنا امين عثمان وكنا ح نغتال النحاس كمان وللا لا؟

بقى هو اغتال الجبان؟ ده قطع تذكرة ليلة تلاتة وعشرين يوليو

اللي كلام وتخريف فعلا: عصامي ومناضل والهجص ده

مافيش مناضل بيبقى رئيس جمهورية

الاغبيا بيناضلوا
والاذكيا بيطلعوا على كتافهم ويحكموا

هي دي المعادلة

Sherif said...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

جبهة التهييس الشعبية said...

وعلى فكرة مات اه
مات وورطنا في كارثة مش عارفين نخلص منها لحد دلوقت

TAFATEFO said...

بلال دياب؟؟؟!! ايه وجه المقارنة

بلال دياب هرب وعمل اللي ما يعمل علشان يقول كلمتين من على بعد أد كده مع حتة رئيس وزرا أهبل

مش وقف في مكان حر يكلم فيه رئيس الجمهورية ويحمله مسؤوليات ويكيلله اتهامات

مفيش وجه مقارنة أصلاً .. وجه شئ أكثر من واضح

السادات تاريخه الوطني والنضالي (صحأو خطأ متفقين معاه في المبدأ او مختلفين) أكبر من ان حضرتك تيجي تزايدي عليه

وتقولي ألمان وانجليز وكفاح منوفي

مع كامل احترامي وتقديري لحضرتك

ده كلام فارغ .. وافتراؤه أبدى من توضيحي

TAFATEFO said...

المعادلة .. لا والله؟؟!!

طب وعبدالناصر ؟؟

ألا هو مش عبدالناصر هو اللي عين السادات نائب رئيس جمهورية؟؟ آه افتكرت علشان غبي

BS

TAFATEFO said...

صحيح كمان

التليفونست الأفيونجي المهرج المشخصاتي إلخ إلخ إلخ

أكيد أكيد .. أكيد يعني

لا هيأثر فيه افتراءات .. ولا محتاج حد يدافع عنه

أصله البعيد (بمماته) لغاية أكتوبر 1973 .. مكنش حد بيقول كده سبحان الله

أصله برضه قعد سنتين رئيس قاد فيهم البلد لمرحلة انتصار عسكري .. مش فنطظيه وقمع

عارفاه ده

أكيد أكيد أكيد يعني .. من حق أي حد ينقد ويختلف ويشرد ويشرك ااتفاقية كامب ديفيد المجحفة أوي

بس أي حد هيقعد يقول وطني وموطنيش وخاين وعميل وحرامي وكل الكلام الفاضي ده لازم يبقى عارف انه كلام فاضي

جبهة التهييس الشعبية said...

بص يابني

الهطرسة دي وهيستيريا السادات اللي عندك مش ح تغير من الارث اللي هو سايبه

انا ما اعرفش بقى هو عبد الناصر اممكوا والسادات رفع عنكوا الحراسة وللا ايه؟

ده تخمين وما يهمنيش اعرف صح وللا غلط

بس واقع الامر انك كنت متألم من شهرين بس ومحتاس ومش عارف تعمل ايه

وكله بسبب اللي انت بتدافع عنه وبتقول عليه مناضل

المناضل بيفضل مناضل لاخر لحظة في حياته

مش يروح يترمي في حضن الاسرائيليين

انت ما كنتش معاه وهو "بيناضل" ولا انا كمان

بس الناس بتشوف النتائج وتشغل مخها
مش بتحكم بشكل شخصي

وايه حكاية عبد الناصر عبد الناصر اللي عامل لك ارتيكاريا
انا معترفة تماما باخطاء عبد الناصر وديكتاتوريته

بس انا متعاطفة مع حاجات عملها لا يمكن انكارها
ممكن انت تشوفها انها حاجات وحشة عشان "علم الجرابيع وساوى ما بين ولاد البوابين وولاد الاعيان وسرق فلوس البشوات واداها للجربانين وفتح عينين الفلاحين....إلخ" بس دي حاجات انا شايفاها حسنات

وانا مش باحكم بشكل شخصي
عبد الناصر سجن ابويا والسادات سجن ابويا
بس الحق حق

جبهة التهييس الشعبية said...

ثم احنا ما مرش علينا واحد بيتكلم كده ابدا
ههههههههههههههه
ابدا
ولا حتى عوكل
ولا عاطف السكري وزير الخارجية
هههههههههههههههههههههه

TAFATEFO said...

في حديث شريف مش فاكر نصه .. ما معناه ان المرأة إذا أساء إليها الرجل قالت ما رأيت منه خير قط

صدق رسول الله

أنا مفتكرش اني سمعت حد بيتكلم على السادات كده غير حضرتك

شفت ناس شرحوه وانتقدوه .. وانتقدوا موقفه في المعركة .. وقرار تطوير الهجوم .. وعدم تحريك الجنود لتصفية الثغرة .. وقرار وقف طلاق النار والمباحثات والسلام وزيارة إسرائيل والانفتاح

ناس شركوا الرجل

بس محدش عمره قال كل الكلام اللي ملوش معنى ده

دمت بود

TAFATEFO said...

بصي حضرتك

آه ناصر (اللي مبغلطش فيه) أممني .. والساادت (اللي برد له الجميل) رفع عني الحراسة

مع ان الحقيقة ان من غير ناصر والثورة

مكنتش أنا وأبويا وجدي اتعلمنا أصلاً ويمكن مكانش لينا قيمة

بطلي نسبة الآراء لمواقف شخصية

لأن حضرتك اللي آراءك (بخصوص السادات) جزء كبير منها ناتج عن موقف شخصي .. وحضرتك قلتي ده قبل كده

آه أنا ضد اتفاقية كامب ديفيد .. وضد السادات الديكتاتور .. وضد دولة الفرد أصلاً

لكن معلمونيش اني أقف أقول على واحد شوية افتراءات وأحور الكلام والمواقف لخدمة اتهاماتي

جبهة التهييس الشعبية said...

التليفونست الأفيونجي المهرج المشخصاتي إلخ إلخ إلخ


ده مش كلامي والله
انت ما سمعتوش بقى سبحان الله ربنا اوحى لك بيه

انا شخصيا ما اعرفش انه افيونجي
جديدة دي بالنسبة لي


ثم انا مش مراته والله عشان الحديث ده ينطبق عليا

واهدا شوية

هو قريبكوا وللا ايه؟
هههههههههههههههه

بالنسبة لموضوع التعذيب امي ما اتعذبتش

بس ابويا الشهادة لله
انضرب في سجن السادات وعبد الناصر لما اتعدم العافية

ده لحد دلوقت بيشتكي من ضهره ورجله

jafra said...

كلامك بعجبني كتير
و احلى ما في الاخ اللي ما كلم مرتو ولا بسالها متل الحكومات مع الشعب
شو ما عملنا مطنشينا بس توصل للضرايب و الدفع بتطلعوا علينا و يلا ادفع


(يعني احنا كل اللي حكمونا تحف)،
و الله من كتر ما ضحكت بكيتيني و كل كامب ديفيد و احنا ............. و

TAFATEFO said...

ماهو يا اما يجتمع بالطلبة ويسمع شتيمتهم ويستحمل
زي ما احمد نظيف عمل


دي نكته صح
ههههههههههههههههههه
نكته أنا عارف

لا بالله .. دد ولا مألته؟؟

جبهة التهييس الشعبية said...

لا انا موقفي من كامب ديفيد ومن التخريفه وهلفطاته وتصرفاته الرعناء مع الاتحاد السوفييتي وتفاهته وجهله
مالوش علاقة بموقف شخصي

بس انا لما اشرت لاذيته ليا في حياتي الشخصية كان في معرض ان الناس بتقول السادات ادا حرية وديمقراطية

وليس ادل من اني استشهد بنفسي عشان اقول لهم لا كان فيه حرية ولا كان فيه ديمقراطية

لكن ده مالوش علاقة بانه فعلا كان راجل تحفة بشهادة مجلس قيادة الثورة اللي هم اصلا كانوا تحف يعني هو تحفة وسط التحف

ومالوش علاقة بانه فعلا كان متقدم في مسابقة تمثيل
ههههههههههههه
والله العظيم تلاتة

ومالوش علاقة بانه كان بيشتغل مع الالمان ومع الانجليز وده ثابت تاريخيا انت ما قريتهوش مش مسئوليتي

ومالوش علاقة بانه كان مؤمن بالاغتيالات السياسية ومات بالطريقة اللي هو كان مؤمن بيها

بس الفرق ما بين واحد منوفي يغتال الناس وواحد صعيدي

:)

ان المنوفي ساعة التحقيق يقول ما اعرفش وساعة الجايزة يقول زي بكيزة: انا اللي قتلتهم كلهم ودبحتهم بالجزمة القديمة

انما الصعيدي قتله وقال لهم: لو ما ماتش ح اهرب اقتله تاني وارجع لكوا

صعيدي بقى

وواقع الامر انه عمل كارثة كارثة كارثة كارثة كارثة
من هنا لميت سنة قدام
واوسخ من كارثة الهزيمة كمان
لانه سد علينا كل سكة وزنقنا في البدروم

وواقع الامر انه وقف التنمية وعمل انفشاخ وربى شوية حرامية لوز ومن يوميها والحرامية بيتوغلوا وينتشروا

وكفاية انه جاب لنا مبارك

ده لو ما عملش ده كله وجاب مبارك يبقى منه لله

زي ما عبد الناصر لو ما عملش اي حاجة غير انه جاب السادات يبقى حسبي الله ونعم الوكيل فيه

جبهة التهييس الشعبية said...

طب كويس انك عارف ان تلات اربع الطبقة المتوسطة دلوقت لولا عبد الناصر كان زمانها من اصحاب الجلاليب الزرق

جبهة التهييس الشعبية said...

انا زهقت منك

وبازهق قوي من اللي بتجيلهم حالة لوثة اول ما الزعيم المفدى يتشتم

ده لما حسن نصر الله بيتشتم ما بعملش كده

TAFATEFO said...

ههههههههههههههههه

طبعاً كتير بس شكل الـ ه كتير بيبقى بايخ

ألا حضرتك بتلومي علشان أنكر انه قتل أمين عثمان في المحكمة؟؟!! والله العظيم؟؟

يعني هو المفروض يقول آه قتلته .. ولو مماتش ههرب أقتله وأرجع

لا هي دي المرجله فعلاً

هههههههههههههههههه

وقف التنمية .. طيب .. لا تعليق

الانفتاح ده كان قرار صح وآليات التطبيق كانت غلط .. وان كان طبعاً أحسن ميت ألف مره من قف السوق والفساد اللي رباه والتلاجه اللي تحجزها سنة وتاخدها على الصيانة

كامب ديفيد متفق معاكي .. ضدها زي ما حضرتك ضدها

مقدم في مسابقى تمثيل .. مش عارف ليه دي حاجه بتضحكك أوي كده .. مع ان والد حضرتك مثل مثلاً .. مش عارف ايه اللي يضحك في انه قدم لمسابقى تمثيل

وان كان حضرتك حره طبعاً في انتقاد الي حضرتك عايزاه

على فكره كمان مش قريبي ولا حاجه :D

TAFATEFO said...

ههههههههههههههههه

لوثة .. طيب

دمت بود

جبهة التهييس الشعبية said...

لا ده انت اتجننت فعلا وابتديت تقل ادبك

ماله ابويا كمان؟

ابويا قدم في مسابقة تمثيل؟

ايه الهيستيريا اللي جات لك دي؟ انت اتخبطت في مخك وللا ايه؟

مالك فيه ايه؟

اهدا كده واشرب لك كوباية ينسون عشان انت الظاهر ابتديت تخطرف ومش دريان انت بتقول ايه وح تبتدي تغلط وتطول لسانك

"والد حضرتك مثلا مثلا"

طب انا والد حضرتي مثلا مثلا ضفره برقبة حضرتك مثلا مثلا وبرقبة الاراجوز اللي كل ما يتجاب سيرته تتجنن زي كل الساداتيين وتطول لسانك وتبقى مش عارف تروح فين وتيجي منين كأني رشيت عليك بيروسول

متهيالي انا حرة في رايي

ومتهيالي باسيب لك مساحة تقول رايك زي ما انت عايز وتعبر عنه زي ما انت عايز وتنتقد اي حاجة باقولها وتفندها زي ما انت عايز

بتقل ادبك على ابويا ليه؟

اديلك نمرة تليفونه تتصل بيه وتقول له اللي انت عايزه وهو برضه مربيني على انه بيسمع الانتقاد مهما كان زي ما انا باسمع كده

عايز تغلط وتطول لسانك اغلط فيا

لكن انك تلقح على ابويا وتقول لي مثلا مثلا نقط

نعم؟

نعم يا استاذ مصطفى

الجنونة الساداتية اشتغلت

هم بيسقوكوا حاجة تخبط لكوا مخكوا وللا ايه؟

لما تغلط في بابا وهو مش قاعد على النت عشان يرد عليك

يبقى انت بتسب لي بالاب مش كده؟

عموما متشكرين

وينعل ميتين ام السادات في الارض

عايز حاجة

TAFATEFO said...

مثل .. فعل ماضي بتشديد الثاء

مثلاً .. يعني على سبيل المثال

أي أن التمثيل لا يعيب أحد في شئ ومش حاجه الناس تسخر منها .. ووالد حضرتك على سبيل المثال سبق له التمثيل

دي مش حاجه عيب أبداً

TAFATEFO said...

مقدم في مسابقى تمثيل .. مش عارف ليه دي حاجه بتضحكك أوي كده .. مع ان والد حضرتك مثل مثلاً .. مش عارف ايه اللي يضحك في انه قدم لمسابقى تمثيل

بستنكر سخرية حضرتك من كون السادات قدم لمسابقة تمثيل .. وان التمثيل دي مش حاجه مشنية ولا معيبة .. والدليل ان في ناس محترمين كتير مثلوا .. منهم على سبيل المثال والد حضرتك اللي سبق ليه التمثيل

وبعدين أتعجب (مش عارف) ايه اللي ممكن يضحك حضرتك انه (السادات) قدم لمسابقة تمثيل

سب ايه؟؟

TAFATEFO said...

والد حضرتك مثلاً مثلاً .. ضفره برقبة حضرتي وألف من عينتي .. وأعتقد لو هو فاكرني اني قلتله حاجه زي كده

ايه المستغرب في كده؟؟

أنا أعتقد اللي المفروض حضرتك تركزي في الكلام .. وأهدي لحضرتك كباية الينسون علشان مبحبوش .. بلاش سوء ظن

مى said...

مش عارفة ليه دايماً كل ما يتذكر السادات
يأتى إلى ذهنى مصطفى كمال أتاتورك
أيوة هادم الخلافة
و اللى قالت عنه دائرة المعارف الماسونية(إن الانقلاب التركي الذي قام به الأخ العظيم مصطفى كمال أتاتورك أفاد الأمة فقد أبطل السلطنة وألغى الخلافة وأبطل المحاكم الشرعية وألغى دين الدولة الإسلام


أما عن حكايته ببساطة
إن الإنجليز إتفقوا معاه إنهم يعطوه إنتصارات ترفع أسهمه
ورد اليونانيين على أعقابهم ، في موقعة سقاريا عام 1921م ، وتراجعت أمامه قوات الحلفاء بدون أن يستعمل أسلحته ، وأخلت أمامه المواقع ولعلها كانت بداية الطعم لإظهار شخصية مصطفى كمال

و بدا كبطل مغوار للدرجة التى أنشد فيه شوقى شعراً قال فيه

الله أكبر كم في الفتح من عجب يا خالد الترك جدد خالد العرب


بعدها بدأت تتضح الحقائق من كونه صنيعة لتمرير ما يريده الأعداء

و الكلام هنا يطول عما أحدثه من خراب و دمار

فعاد شوقى الذى كشف الخديعة يقول

بكت الصلاة وتلك فتنة عابث بالشرع عربيد القضاء وقاح
أفتى خز عبلة وقال ضلالة وأتى بكفر في البلاد بواح


فهل يا تُرى كان السادات صنيعة لتمرير كامب شيزار

و ده طبعاً ميقللش من قيمة التضحيات اللى بذلها جنودنا فى حرب أكتوبر



و برضه دمتم بود

جبهة التهييس الشعبية said...

انت اللي قلت عليه مشخصاتي وافيونجي
وانا قلت لك عمري ما قلت عليه افيونجي ولا كنت اعرف انه افيونجي بالمناسبة دي معلومة جديدة
اما بخصوص مشخصاتي فرديت عليك وقلت لك ايوة هو قدم في مسابقة تمثيل وكتب يقول على نفسه: عريض المنكبين نحيل الخصر يجيد تقليد جميع الاصوات البشرية والحيوانية

انا جبت سيرة انه مشخصاتي؟

انت اللي قلت على اساس ان دي افتراءات
وانا باقول لك ان دي مش افتراءات

ايه دخل ابويا في الموضوع
وللا هي اللوثة بتاعة السادات؟

هي اللوثة بتاعة السادات
ما كل اللي بيحب واحد بيبقى شبهه

جبهة التهييس الشعبية said...

مي

هو طقم الضباط الاحرار كلهم متأثرين بمصطفى كمال اتاتورك والشلة بتاعته
دول حتى متسميين على اساميهم

انور وجمال وكمال وعصمت

حياتي كلها لله said...

السلام عليكم

مبروك علي الكتاب
بس هو عن إيه بالظبط
معلش أصلي مش متابعة
أنا وفت صور لحضرتك في معرض الكتاب في مدونةأدهم

بجد مبروك

تحياتي
سلمي

TAFATEFO said...

أنا مقلتش انه افتراءات .. ما هو حر يمثل .. ويقلد الأصوات الحيوانية .. ايه العيب في كده مش فاهم

كان تعليقي على حضرتك لما قلتي
ومالوش علاقة بانه فعلا كان متقدم في مسابقة تمثيل
ههههههههههههه
والله العظيم تلاتة


كان تعجب من ضحك حضرتك أوي لكونه اتقدم لمسابقة تمثيل .. ومفيش في ده حاجه تعيب .. دي مش حاجه عيب أبداً يعني

انما أنا لا سبيت لحد .. ولا أسأت لحد .. ولا شربوني حاجه .. ولا جتلي لوثة الساداتيين (هي دي ماركة مسجلة) .. أنا استغربت من تهكم حضرتك على التمثيل بس

جبهة التهييس الشعبية said...

خلاص يا مصطفى خلصنا
بس اتعود لما تتناقش بلاش الهسترة دي

يا اما ح تجيلك الهيستيريا اللي جات لك ايام القرضاوي

يبقى تستنى لما تهدا

انما الجنان اللي صايبك ده مش طبيعي انت بتقولي مشخصاتي هو مش مشخصاتي طب وايه يعني لما يبقى مشخصاتي طب ما ابوكي مشخاصتي

ايه ايه ايه؟
لا قلت مشخصاتي ولا ابويا مشخصاتي

انا اللي كنت مشخصاتية في فريق تمثيل الجامعة
وكنت بطلة الفرقة كمان

ها؟
عايز حاجة تاني؟

Anonymous said...

انا نفسي يا دكتور مصطفي بس تقرأ كتاب البحث عن السادات ليوسف ادريس وشوف وجهة نظرك ممكن تبقي ازاي,,ادريس كان بيقول ان السادات ده كان فيه صفات مش متنفعش لرئيس جمهورية متنفعش لبني ادم عادي,,وبرر ان عبد الناصر عينه نائب عشان يحسن علاقته بالغرب ده مش كلامي,,شوف يا دكتور بما اني ليا ال,,,ان امي من تلا منوفية مسقط راس الزعيم,,لو حللت شخصية الرجل هتلاقي اهم صفة فيه هي الاستغلال ,,ممكن يتحالف من العفريت الازرق عشان ينفذ حاجة هو عاوزها,,مش هقولك بقي يتجوز بنت عمدة ,,عشان ده ملوش لازمة اني اقوله ,,تاني صفة هي الاستعراض بداية من اللبس العجيب اللي كان بيلبسه ,طريقة كلامه تون صوته العالي عشان يبقي مؤثر,,لاحظ ان عبد الناصر كان صوته هادي لكنه مؤثر,,ده بالاضافة الي الموقف الشهير لما مات عبد الناصر وانحني السادات قدام تمثاله,لدرجة ان هيكل نفسه قال ايه الاستعراض ده,,ده يضاف اليه انه كان بيبالغ في الاحتفال بنصر اكتوبر لحد ما حصل اللي حصل,,,ده غير انه يتصور بالملابس الداخلية ويتصور وهو بيصلي كلام ملوش اي لازمة,,تالت صفة هي الجبن ودي مش شتيمة لا سمح الله دا وصف,,ومن الاسي اني اقولك مع الاعتذار لكل نقطة دم ان حرب اكتوبر دي كانت مسرحية ,عشان يعمل كامب ديفيد,,رابع صفة القرار الانفرادي ودي مبارك نفسه مبيعملهاش ,,دلوقتي واحد يبقي عنده سوق صغنون اد كده,,يدخل علي نفسه الصين اللي سوقها اااااااااد كده ويقولك انفتاح؟طب ما الانفتاح لازم يتم بس مش بالطريقة دي,,يعني واحد بيشرب خمرة فجأة يبقي امام جامع؟,,انا مستغربة اوي من انه يتقال السادات كان بيسمح بالمناقشة معاه,,انا ماشفتش حد بينزل الشوارع بين الخلق غير ناصر,,,وبعدين حمدين صباحي قال ان السادات وسيد مرعي اص الخوف لما حصل مشادة ,,انا اسمع ناس كتير بتقول ان السادات ناضل فاضحك ضحكه لونها بستاج مش هقولك ليه,,هو دخل السجن صح,,ساب مراته وعياله مظبوط,,اتعلم يا سيدي الفارسي في السجن,اخر حلاوة هل كل واحد ناضل عشان نفسه يبقي وطني؟؟طب ما عمرو دياب تعب في حياته يبقي وطني؟؟,,,فكرتني بجملة واحدة فلسطينية كانت بتقولي السادات لما بيطلع ع التليفزيون بيضربوه بالكنادر ,,وكأنك يا ناصر اخلفته من بعدك لنترحم عليك
ماهي

TAFATEFO said...

هتقولك بطلة الفرقة

ايه النخع ده

مى said...

طبعاً تأثرهم كلهم بأتاتورك إعترفوا به

لكن أنا أقصد وجه الشبه فى
إحداث نصر
يكون مقدمة لمصيبة

فنصر أكتوبر و الذى لم يرد السادات تكملته

و تعلل بحجج واهية

زى
هو أنا أقدر أحارب أمريكا
أو تقصيره فى حل مشكلة الثغرة
بل و عزل الشاذلى فى وقت كان المفترض فيه
إنه يستمع و يدرس كيفية الخروج من الورطة

المهم إن الأمر كله بدا
مقدمة لكامب ديفيد

السؤال هو

هل سُمح للسادات بإحراز نصر صورى
كاد جنودنا أن يحولوه إلى حقيقة

فكانت الثغرة و توقف القتال ثم خروج مصر و هلهلتها بكامب كارتر



و فى حالة صحة هذه الفرضية
لإنها سبق و جربوها مع أتاتورك

فهل تمت بالإتفاق أيضاً مع السادات
كما كانت بالإتفاق مع أتاتورك من قبل

ahmed samir said...

بعد إذنك يا نوارة
إنتى و كل المتناقشين هنا
ممكن تشوفوا الموضوع ده و الصورة اللى فيه
بعد إذنكم

http://alfikralarabi.net/vb/showthread.php?t=8413&highlight=%D5%E6%D1%C9

جبهة التهييس الشعبية said...

مي
قصدك هو اللي خربها وقعد على تلها
:))

ايوة يا مصطفى كنت بطلة فرقة تمثيل كلية اداب كمان مش قسم انجليزي
ما كنتش باشارك في الانوال شو


بس قعدت سنة وزهقت


احمد
طيب ح اشوف

ahmed samir said...

شوفوا تعبيرات وش عبد الناصر و ايده على كتف الراجل

و تخيلوا لو كان ده ايام مبارك او حتى السادات كان اتعمل فيه ايه؟

جبهة التهييس الشعبية said...

وعلى فكرة يا مصطفى
ايوة ملاويث السادات ماركة مسجلة

دراويش عبد الناصر بيزعلوا ويتأثروا وياخدوا جنب لما عبد الناصر بيتشتم
وممكن يعيطوا

بس ملاويث السادات بيتجننوا ويعملوا زي ماهو عمل في الفيديو كده: اقف مكانك اقف مكانك اقف مكانك
انا واقف
لا اقف مكانك

جبهة التهييس الشعبية said...

اخص عليك يا احمد

حرام علييييييييييييييك

انا عيطت

جبهة التهييس الشعبية said...

لا حرام عليك يا احمد

فيه واحد تسلل لمنصة السادات
:)

وفيه واحد تسلسل لطريق مبارك


ابو العربي

فاكره؟

الله يرحمه ويحسن اليه

ده بورسعيد كلها بتدفع تمن غباوته الله يرحمه وعريضة التظلم اللي كانت في ايده

ahmed samir said...

طبعاً فاكر ابو العربى الله يرحمه
اللى خلوا اهله يقولوا عليه مجنون

انا عارف ان الراجل ده اللى طلع لعبد الناصر لو وقع تحت ايد عبد الحكيم او صلاح نصر كانوا فرموه
لكن لازم نفرق بين عبد الناصر و الزبانيه اللى كانوا حواليه

Anonymous said...

بالمناسبة أم كلثوم قتلت اسمهان؟؟

احمد سعيد said...

هو مش السادات دة باين اللى راح لزق ليوسف رشاد علشان يضمه للحرس الحديدى
ويبقى من رجاله القصر

ومش هو برضه اللى راح لزق للاخوان المسلمين فى نفس الوقت

ومش هو برضه اللى راح اتمحلس لعبناصر علشان يدخله فى التنظيم بتاع الظبابيط الاحرار

وليله الانقلاب عمل اهبل وراح السيما وعمل خناقه وراح عمل محضر فى القسم علشان لما الرجاله تتقفش يطلع هو منها


ومش هو برضه اللى ادعى انه اول من اذاع بيان الثورة بينما الحقيقه غير كدة واللى ذاعه مذيع فى الراديو بينما السادات راح سجله بصوته فى احتفالات اعياد الثورة سنه 1962

وادعى بعدها ان دة اللى اتذاع يوم الانقلاب

ومش دة برضه اللى قال انه هو اللى اشتغل رئيس اركان الجيش فى التليفون ليله الانقلاب بينما الحقيقه غير كدة خالص


ومش دة برضه اللى كان بيلعب عالحبال وعلى كل الاتجاهات ايام عبناصر ومراكز القوى

ومش دة اللى مذكراته مليانه تخريف واكاذيب وهرتله

ومش دة اللى مراته ربنا يحرقها كانت بالعه البلد فى كرشها

مرات العمدة بقى


هقول ايه ولا ايه

اهو بين ايدين ربنا
يحاسبه كما يستحق

احمد سعيد said...

انتوا بتفكرونى مثلا بواحد متعود يدى الناس بالشلوت كل يوم

ولما ييجى واحد تانى يديهم على قفاهم

يقولوا اة , راجل محترم وحنين

بيضرب على القفا بس


هههههههههه

ونقارن بين سجون عبناصر وسجون السادات الهاى لايف
وسجون مبارك؟؟؟؟

بالذمه دة اسمه كلام

ولا دة عقل


ولا منطق

ياسادة الظلم ظلم ايا كان حجمه

ومش معنى ان ظلم شخص ما اقل ممن سبقه ,دا لو افترضنا كدة يعنى

مش معنى كدة اننا نقول عليه عادل

اظن دى بديهيات

ولما يطلع واحد عرس
بمعنى الكلمه
ويقول على السادات انه امام عادل واعدل من عمر ابن الخطاب

يبقى انسان عرس

ايا كان مقامه

لان كلمه زى دى متخرجش الا من عرس

يبقى لماابو الفتوح يقول بينافقوك

دا لفظ مهذب جدا

واقل من الواقع بكتير

لان فعلا اغلبهم كانوا منافقين
ومعرسين كمان

والفيلم بتاع الحوار مع الشباب دة
مش جدعنه ولا ديموقراطيه من السادات افندى
مجرد تمثيليه من تمثيلياته

لان البيه من صغرة كان نفسه يطلع مشخصاتى
وجرى عليها كتير
بس محدش عبرة

وبعدين راح يكتب قصص فاشله وخنييييقه جدا فى الجرايد

تقرا سطرين وتجيب اللى فى بطنك

فلما سيادته ركب عالبلد

افتكرها خشبه المسرح

والشعب هما المتفرجين
وبدأ المسلسل

اسف

قصدى بدأ الفيلم الهندى

Ahmad said...

يخرب بيت الميزان

احمد سعيد said...

ويعدين يا نوارةانا اقولك ايه سر الهرتله اللى السادات هرتلها وقوله اقف مكانك اقف مكانك كذا مرة

دا ياستى اسمه مرض التشخيص
هو التمثيل مش عيب ولا حاجه
انما لما يبقى رئيس دوله بيمثل على شعبه وحاسس انه عايش فى مسلسل كبير لدرجه انه بيشتغل نفسه شخصيا
اظن دا عيب وستين عيب

الناس اللى زى دول كدة لما بيتصدموا بموقف خارج عن النص بتاع حامى حمى الديار وكبير العيله

لما يحصل خروج عن النص غير متوقع زى ماحصل مع ابو الفتوح كدة

الباشا بيحس انه فقد السيطرة على خط سير الاحداث
فبيصاب بالارتباك

وبيبتدى يهرتل بكلام غير مفهوم زى ما سمعنا كدة

الى ان يتمكن من السيطرة على نفسه ثانيه
ويسترد عقله ويبتدى يفكر فى رد ملائم يحفظ ماء وجهه اللى اتدلدق فى الارض
والقصه دى بتاخدلها بضع ثوانى

بالظبط زى ما حصل مع قوقه المجنون ابو برقوقه وزبيبه غش وملزوقه , فى الموقف دة

mido said...

بغض النظر عن رأيي في السادات لكن د عبد المنعم أبو الفتوح نفسه قال ان اللقاءات مع السادات كانت من غير ترتيب مسبق زي دلوقتي و أفكرك برده لما التلمساني الله يرحمه دعا عليه علي الهوا في التليفزيون و قال : اشكوك الي الله

مى said...

تمام يا أحمد سعيد

إنت جبت من الآخر

المقارنة بين الظالم و الأكثر ظلماً
شئ مثير للسخرية

و السادات إسترد وعيه من نوبة التمثيل

و هوب راح قايم بإعتقالات سبتمبر

اللى إعتقل فيها أكتر من ألف و خمسميت شخصية

للدرجة إن مراسلة ألمانية بعد حادث إغتياله
قالت إنها بحثت عن شخصيات ليها إعتبارها لتحدثها
فلم تجد!!! فمعظمهم كان فى السجون

أما عن ظلم ناصر و ميكيفالته
فحدث و لا حرج

احمد سعيد said...

ياااااااااااااااسلام

بقى يعنى لما التلمسانى قاله اشكوك الى الله

والسادات رد عليه وقاله تشكينى ليه باين ولا قاله اسحبها
ههههههههههههههههه

اكبر غلطه غلطها التلمسانى انه دخل الاخوان تحت عبايه التعبان دة

ودة على فكرة الاخوان بيعانوا منه الى الان

ذو النون المصري said...

اظرف حاجه قريتها في هذا الحوار ان حرب اكتوب كانت مجرد مسلسل لتمرير كامب ديفيد
كان كامب ديفيد كانت محتاجه لكل هذه الحرب كي تمر
الم يكن في الامكان تمريرها بلا حرب و بمعاهده اكثر اجحافا من كامب ديفيد علي اعتبار انها ستكون تفضلا منهم علينا لا انها بمبادره منا اتت بعد نصر عسكري واضح؟
لماذا يحرص البعض علي الحط والتهوين من شان حرب كانت اشرف حرب خضناها في تاريخنا الحديث و هي التي تعطينا الامل في امكانية تحقيق انتصارات اخري؟

جبهة التهييس الشعبية said...

لا ماحدش يقدر يقلل من قيمة الحرب اللي خضناها وتضحيات جيشنا

وهي دي الكارثة

لو كان انتصارنا خدعة كنا عذرناه وقلنا مافيش في ايده حاجة يعملها وما رضيش يكسر بخاطرنا

انما الحقيقة اننا انتصرنا بجد

وهو مضى على شروط لا يقبل بها الا مهزوم من غير اي مبرر حقيقي

mido said...

@احمد سعيد

أسكت انت يا سعيد لحسن تتضرب
:D

احمد سعيد said...

انضرب!!!!

هى حصلت

انت قد الكلمه دى ياض

Anonymous said...

يا استاذ علي راي عم نجم بص لمنظر الناس في الشوارع دا منظر شعب منتصر؟

ولاحظ ثم لاحظ بعد ما عبرنا محدش رفع صور السادات,,ليه هه,,مش هو اللي جابلنا النصر

مواطن مصري said...

بما اني شفت فيديو السادات الله يرحمة


اولا متفق معاة ان لا سياسة في الدين ولا دين في السياسة و بعدين متفق معاة ان الي بيعمل زعمات دينية بيستغل الدين و يضحك على عقول الشعب عشان يوصل


و مصطفى كمال اتاتورك هو عمل لمصلحة تركيا لائنها أصبحت ضعيفة و في اخر ايام الخلافة الي كانت محتلة مصر

و الي كانت ناهبة ثروات البلد

و على رائي الي قال الفاشية لها وجهان

الاخوان من الحزب الوطني الان

مواطن مصري said...

لكل من ينادي ب الناصرية انها تعود يسئل نفسة مين الي عمل المعتقلا مش النظام الناصري مين الي عمل زوار الفجر مش النظام الناصري

مواطن مصري said...

انا مستغرب لية الناس بافع عن النظام العثماني الي كان محتل مصر و خارب بيتها

mido said...

@مواطن مصرى

انت عارف يقصد مين بزعامات دينية ؟

يقصد الشيخ العلامة محمد الغزالى

مواطن مصري said...

تصحيح الفاشية لها وجهان الاخوان و الحزب الوطني الان

mido said...

@مواطن مصرى

مش عارف ليه بحس انك جاى من كوكب أخر؟
!!

مواطن مصري said...

ميدو مع احترامي لكل الشيوخ و لكن أبعد الدين عن السياسة


حتى لا يتلاعب ب الدين ل أجل مصالح أشخاص

جبهة التهييس الشعبية said...

ايوة يا مواطن

كلم مصطفى بقى عشان رأيه من رأيك

TAFATEFO said...

:D:D

مصطفى ساكت أهو وبيتفرج .. ومستمتع بصراحة

:D

Anonymous said...

مواطن مصري

صاحبك أيمن نور بقى زعيم مؤمن كمان و لو صار رئيس على الأغلب حيطلق على نفسه لقب الرئيس المؤمن .. قبل اسبوعين تقريبا , قال انه بيقرأ قراّن بصوت عالي عشان يتعوّد يتكلم عشان رايح يكلّم الجماهير و هو نسي الكلام في فترة السجن , إيه الدجل ده يا عم المواطن ؟ هو ده مش استغلال للدين ؟ على فكرة شخصية أيمن نور قريبة من شخصية السادات بس السادات الشهادة لله مفيش زيه , مشخصاتي نمرة واحد , و لو كان راح هوليود كان سبق جون واين على أيامه ,
أيوه يا نوارة , إذا كنت أنا أعرف من زمان ان أنور أفندي كان أفيونجي .

مواطن مصري said...

ايمن نور علاقة بينة و بين ربنا هو حر بيها و لما بيتكلم في السياسة ميغلطش الدين ولا يطلع في الاخبرا و يقرأ كم اية ولا يدعو و يقول انا عاوز فلوس انا عاوز سلطة ليا بس


أنا ليبرالي و مسلم أعرف كيف أفرق بين السياسة و بين الدين بين علاقتي بربنا بين ارائي السياسية

Anonymous said...

المقال الممنوع لعبد الحليم قنديل

--------------------------------------------------------------------------------

هذا ثاني مقال يمنع للكاتب عبد الحليم قنديل خلال شهر واحد و الكاتب هو رئيس تحرير جريدة صوت الأمة و المنسق العام لحركة كفاية




لانريد جنرالا يخلف رأس النظام القائم، ويخلع البزة العسكرية ليرتدي أخري مدنية، ويترأس حزبا إداريا يحكم بلا سند ولا شرعية، ولانريد أن ينتهي النظام الحالي إلي توريث بنسب العائلة، ولا بصلات المؤسسة الأمنية، بل أن تعود السلطة للشعب وحده، يتصرف فيها بإرادته الحرة الطليقة من كل قيد أو شبهة وصاية.
نريد للبلاد جيشها الذي يحترم الدستور والقانون، ويحمي أمنها القومي المضيع، ويصون سلامة مصر، ويحرس خطاها، لا أن يسند نظاما يدوس القانون، ويدهس مبادئ الشرعية والدستور، وينتهك حقوق المصريين، ويسرق ثروة البلد، ويخدم العدو الأمريكي الإسرائيلي.
نريد الجيش عزيزا قويا قادرا، ولانريد أن نزيد في أحاديث الخطر، فكلها محظورة النشر بالاجبار أو بالاختيار.

عبدالحليم قنديل يكتب:
خطـاب مفتوح للجيش
الجيش المصري ليس طبقة معزولة، وليس طبقة محترفين من وراء جدر أو في أبراج عاجية ، وتكوينه الأساسي قائم علي التجنيد الوطني العام، ولم يحدث أن كان الجيش طرفا في صدام مع مطامح الشعب المصري، وفي انتفاضة يناير 1977، رفض قائد الجيش تنفيذ أوامر السادات بالنزول إلي الشارع، وطلب أن تلغي قرارات رفع الأسعار أولا، وأن يرفع الظلم المضاف عن الناس، وقبلها بسنوات كان الجيش أمل المصريين في الثأر من عار 1967، ودفعوا من قوتهم وأعصابهم مددا يضاف لترسانة السلاح، وحقق الجيش المعجزة، وعبر من بلادنا إلي بلادنا، لكن الذين هبروا آل إليهم الأمر، فيما كان الهم قرينا للذين عبروا، وقدموا أعظم التضحيات بالروح والدم.
ولانريد أن ندخل في قصص اصطناع الولاء، ولا في إغراءاته ومنحه وهباته الذهبية، فولاء الجيش للوطن وللشرعية وللدستور، وليس لشخص ولا لعائلة، بل لنداء الواجب المقدس، وولاء الجيش المصري لسلامة الأمة، وحفظ سيادتها، وليس سيادة أي شخص، مهما علا مقامه، وخاصة في ظروف بلد بلغت معاناته الذروة، ويضطهد نظامه الشعب، ويحكمه كقوة احتلال، ويستند إلي قوات أمن داخلي متضخمة متورمة، ويزيد عددها علي أضعاف حجم الجيش، وهذه ظاهرة ملفتة وغير مسبوقة في التاريخ المصري الحديث والمعاصر.
لانريد للجيش ــــ الذي نحترم ونقدر تاريخه وأدواره - أن يدخل طرفا في نزاعات السياسة الجارية، وفي سياق الطلاق البائن بين النظام والشعب، فنحن بصدد نظام لايستند إلي شرعية، ويعيش في الحرام الدستوري، ويزور الدستور بعد تزوير الانتخابات، ويحاول توريط الجيش في صدام مع المعارضين للنظام، ويتوسع - بغير مقتضي قانوني- في إحالة المدنيين لمحاكمات عسكرية، وبالضد من أحكام الدستور، والتي تقضي بضمان حق التقاضي الطبيعي، والمؤكد أن القضاء العسكري ليس هو القضاء الطبيعي للمواطن المدني، بطبيعة بنائه، وطريقة نظره للقضايا، وتسلسل الأوامر داخل الجيش، والالتزام الحرفي بمبدأ الطاعة، كل ذلك مما قد يصح في محاكمات العسكريين لا المدنيين.
وقد انتفخت ظاهرة المحاكمات العسكرية للمدنيين منذ 15 سنة تقريبا، وفي قضايا تخلو من سلاح أو شبهة عنف، وفي ظل فزع النظام الحاكم من نمو تيارات معارضة، وتوجهت إلي محاكمات الإخوان بالذات، وسبق السيف العزل، وبدت الأحكام مثيرة للخواطر والنفوس، مثيرة لاختصام نفسي لانريده بين الجيش وقطاعات من الشعب، وليس لأحد ممن حوكموا عسكريا خصومة مع الجيش، بل كانت الخصومة- وتظل -للنظام، وأبرأ القضاء المدني ساحة كثير منهم، وبدت الإحالة لمحاكمات عسكرية - بالقرار الرئاسي - نوعا من الانتقام السياسي، وتصفية الحساب بين عائلة تحكم وفصائل تعارض، وبلغ الألم ذروته مع احالة الشاب أحمد دومة والأستاذ مجدي أحمد حسين إلي محاكمات عسكرية، وبتهمة تنزل عقوبتها في القانون إلي الحبس ليوم واحد، بتهمة التسلل إلي غزة التي أغلقوا المعبر إليها، مع أن الذهاب إلي غزة - بشعور عامة المصريين- شرف لاجريمة، ومناصرة المقاومة هي نداء الواجب الذي يعرفه ضباط الجيش قبل غيرهم، فلم يتسبب أحمد دومة ولامجدي حسين في ضرر لمصر ولا للجيش، وليسوا هم الذين سمحوا بدخول الإسرائيليين إلي سيناء بلا تأشيرة دخول، ولاهم الذين وافقوا علي نزع سلاح غالب سيناء في ملاحق كامب ديفيد المهينة، ولاهم الذين سكتوا علي وجود قوات ومراقبين أجانب - غالبهم أمريكيون - في شرق سيناء، ولاهم الذين حجزوا عن الجيش حق بسط سيادته العسكرية إلي خط الحدود، ومع ذلك أحيلا إلي محاكمة عسكرية وليس الآخرين، وصدرت ضدهم أحكام صادمة في محاكمات تفتقر لأبسط ضمانات التقاضي الطبيعي، صدر ضد دومة حكم بالحبس سنة مع الشغل والنفاذ، وصدر ضد الأستاذ مجدي أحمد حسين حكم بالحبس سنتين، وهو الذي لم يخاصم الجيش بل النظام، واستخدم النظام مطرقة القضاء العسكري لإيقاع عقوبة انتقام سياسي شهواني، فمجدي حسين صحفي بارز، وكان عضوا بمجلس نقابة الصحفيين، وهو رئيس لتحرير جريدة الشعب المصادرة منذ سنين، ويرفض النظام إعادتها للصدور، ويدوس أحكام القضاء التي صدرت تباعا لصالحها، ومجدي هو الأمين العام لحزب العمل، والذي صادروا حقه في الوجود المعترف به رسميا، وبعد صدام طويل مع يوسف والي نائب رئيس الحزب الحاكم، والمشهور برعايته للفاسدين الكبار في وزارة الزراعة، وبرعايته للتطبيع الفج مع الإسرائيليين، والرجل- مجدي حسين - قيادي بارز في حركة كفاية، وواحد من ألمع وجوه المعارضة الجذرية الجديدة، ومعروف بصدامه مع رأس النظام شخصيا، وطالب - مع غيره- برحيله وعزله سلميا، وقد سجن من قبل، وجري حل حزبة وإيقاف جريدته، وبتهمة معارضة يوسف والي المحمي من رأس النظام، وهو يسجن الآن، ليس لأنه ذهب إلي غزة بطريقته، بل لأنه يعارض رأس النظام غير الشرعي، وفي محاكمة عسكرية خلت من ضمانات الدفاع الاختياري، وبرغبة من النظام في الإساءة لسمعة الجيش، والزج بأسمه في تصفية حسابات السياسة.
وقد لانريد للجيش أن يتحرك ضد أحد، لكننا لانريده أن يتورط في نزاعات السياسة، ونريده أن يظل في مكانه السامي المطلوب، جيشا لعموم المصريين، يجمع ولا يفرق، يصون ولايبدد، يحمي ولايهدد.

sameh said...

ده تسجيل قديم جدا ومبروك لسماعك لتلك المناظرة و التي لم يهرب منها الرئيس البطل السادات و بعدين يا ريت تلتزمي الادب عندما تتحدثين عن رمز من رموز تلك الامة ولولا السادات ماكان رح يكون لك انتي ولا وانا وغيرنا من الكرامة

جبهة التهييس الشعبية said...

يا مواطن

يا مواطن اتقي ربنا وما تخليناش نتكلم بقى الواحد ساكت عن ايمن نور بالعافية

ده انا عمري ما شفت بني ادم برجماتي بيستغل كل حاجة عشان ايه مش عارفة

لما كان في الانتخابات، وهو اصلا ليبرالي، راح للمرشد العام للاخوان المسلمين وقلع الجزمة باين وللا ايه وهو داخل حاجة كده

عشان ياخد دعم الاخوان اللي انت ليل نهار ماوراكش حاجة غيرت نازل شتيمة فيهم وبتساويهم باسرائيل
ولما كان في السجن بعت جواب غرامي لاوباما يقول له احنا شباب زي بعض
وخارج يقول انا باقرا قرآن بصوت عالي عشان نسيت الكلام؟

طيب ما كل الناس بتقرا قرآن
كل واحد ح يقرا جزء ح يقول لنا انا النهاردة قريت الجزء السبعة وعشرين وقربت اختم المصحف ويوم الجمعة باقرا سورة الكهف؟



سامح

والله يا ابني انا ما اعرفش يعني ايه رمز من رموز مصر؟

كود يعني؟

الكلمة دي بتضايقني قوي

زي ما كانوا بيقولوا على ياسر عرفات القائد الرمز

يعني الواحد لو اخد لهم كوبي وحطه بيست على مكان الاكواد يطلع له ايه؟
يطلع له مصر صح؟

بخصوص الكرامة

انت شايف اننا عندنا كرامة؟ دي اقصى احلامك في الكرامة يعني؟

معلش اصل انا واحدة طموحاتي في الكرامة خيالية شوية

مواطن مصري said...

نوارة اتفق معاكي انو كان عمل صفقة مع الاخوان بس اظن ان تلك المرة اتعلم من الدرس و خاع الاخوان لية



هههههه اتفرجتي على حلقة هيكل شتم الملك الاردن شتيمة دة طلع عميل عميل بجد و عبد الناصر صدقة و لبسنا في الاخر

TAFATEFO said...

ايه موضوع قلع الجزمة ده راخر

أنا مبحبش أيمن نور .. بس أيمن نور وقتها سعى لدعم الإخوان وراح قابل المرشد في مقر الإخوان .. وغرفة المرشد في مقره -لمن يعلم- هي الغرفة اللي بيصلوا فيها .. فاللي بيدخل للمرشد بيقلع الجزمة

التون الرخم ده بتاع روز اليوسف

وهو الإخوان مش فصيل من الناس المفروض المرشح ميتجاهلهمش ؟؟ ايه اللي أخطؤه نور في زيارته للمرشد مش فاهم؟؟!!

تاني أنا مش بحب نور .. وصوتي في الانتخابات دي برضه مكنش لنور .. ومش ممكن يكون لنور بوضعه الحالي .. لكن

ايه بقى خطاب أوباما .. ده مقال كتبه الرجل بيعرض فيه مشكلة واحد افترى عليه النظام وتعرض للسجن والتلفيق عقاب على ترشيحه للرئاسة وعدم مبايعته لمبارك زي بتاع الطرابيش

بتنكروا عليه مقال مكتوب بصيغة خطاب بيعرض فيه حقائق بتحصل على أرض الواقع

هو نور مكنش مسجون ظلم؟؟

في حاجات كتيييييييييييييير أوي تنكر على نور غير شوية الكلام اللي لا يودي ولا يجيب ده

آل براجماتي وعقد صفقة مع الإخوان

هما الإخوان دول سبة؟؟ أما عجايب والله

أكن المرشح مش المفروض يروج لنفسه ويعمل تحالفات مع القوى السياسية !!! ولا صحيح الإخوان محظورة

TAFATEFO said...

وانت يا مواطن مين قالك بقى اسم الله انه عقد صفقة .. ومين قالك انه خلع من الإخوان ووعي الدرس؟؟

ايه الهتي ده

احمد سعيد said...

هو كان حشاش ولا افيونجى؟؟؟؟

ولا الاتنين مع بعض؟؟؟؟

صحيح يا جماعه
تصدقوا ان السادات بيقول فى كتابه الفخم بتاع الكذب على الذات
قال ايه بيقول ان هو اللى عمل تنظيم الظباط الاحرار سنه 39 وان عبناصر استولى على زعامه التنظيم لما السادات دخل المعتقل

صحيح انا مش بحب عبناصر

بس برضه مش بحب الكدب

ودة مش كدب
دة فشر وهبل

Shimaa Esmail said...

الاستاذة الفاضلة/ نوارة نجم
أشكرك جدا على الاهتمام والرد على تعليقى السابق ولقد قمت بإعادة الإرسال لك عل البريد الذي وضحتيه وهو نفس السابق ولكن بريدي غير مسجل لديكِ لذلك قد تجدي الرسالة بصندوق الرسائل المهملة سبام.
في انتظار ردك بالموافقة أو الرفض
تحياتي وتقديري
شيماء إسماعيل.

TAFATEFO said...

عترافات الجنود الإسرائيليين تحرج الجيش والدولة

Anonymous said...

سامح

هو انت طلعت ضد مبارك و بس ؟ مش ضد الظلم و التجبّر و الديكتاتورية ؟ طب إيه رأيك انه في ناس بتعتبر مبارك رمز من رموز مصر ؟ انت بتشتمه بالطريقة دي ليه ؟و الصورة اللي انت حاططها لو خدناها بحسب نظرتك للأمور , تبقى إساءة كبيرة لمصر .حتى الظلم بقى خيار و فقوس . إيه الإنتقائية دي؟ غريب أمرنا والله . ديكتاتور نرفعه للسما و ديكتاتور تاني نخسف بيه الارض . حتى بالظلم احنا انتقائيين بشكل يخلي الواحد ما يصدقش أي حد .

Dr.Online said...

احمد سعيد


احب بس اقول ان اسلوبك بيقنعني

حتى لو متنرفز بتوصل اللي انتا عاوز تقوله

طبعا باين انك مش بتحب السادات بس ارجوان دا يكون رأي مستقل مش مبني على حبك لناصر مثلا

لأن اغلب اللي قابلتهم بيبقى سبب كره ده حبه لده و بالعكس

على فكره يا جماعه الحوار دا جميل جدا و مش بيدينا بس معلومات لأ و بيخلينا نح ايدينا على شخصية السادات و اهم مقوماتها

انا حسيت كدا

مش عارف صح و الا لأ؟

Dr.Online said...

ذو النون المصري

اخيرا

شكرا انك قلت الكلمتيندول في حرب اكتوبر انا خلاص كنت اتخنقت

احنا ليه مش عايزين نفرح

حتى لو كان على الماضي؟

جبهة التهييس الشعبية said...

لا معلش

البني ادم يبقى محترم في نفسه وذاته كده ويبقى متسق
يعني واحد بيقول انه ليبرالي وعلماني
واساسا الليبرالية المصرية ظهرت كرد فعل هيستيري للتيار الاسلامي سواء كان معتدل او متشدد

وهو طول عمره ضد الاخوان
يروح يتمحلس لهم عشان هم عددهم كبير؟

ده مش تصرف محترم

هو مش مرشح الاخوان

الاخوان من حقهم يبقى لهم حزب شرعي ومن حقهم يترشحوا في الانتخابات باسمهم ويبقى لهم مرشحهم للرئاسة كمان

بس مش من حق حد ايا كان انه يروح يمسح جوخ لناس هو اصلا اعلن في اكتر من مرة انه ضدهم عشان ياخد اصوات من عندهم

ده اسمه نصب

وانا ما باحبش النصب

وطبعا اللي بيحب السادات مش ح يعتبره نصب ح يعتبره نباهة
عشان السادات في فترة حكمه اعاد تعريف الاخلاق
وعلمنا اخلاق القرية
ههههههههههههههه
بس المنوفية يعني


احمد سعيد

لا الحقيقة هو الله يرحمه كان فشار
عبد الناصر كان بيكدب
لكن السادات بما انه كان عنده ميول فنية فكان فشار
خياله واسع يعني

العفو يا شيماء


در. اونلاين

هو مين قال اني باحب عبد الناصر
انا لا باحبه ولا باكرهه

بس ما عنديش هيستيريا تجاهه

يعني لا شايفاه كله مساوئ ولا شايفاه كله حسنات

لكن فيه ناس زي بوش الابن والسادات

ما بيحصلوش في تاريخ الامم غير مرة واحدة

بحيث يفضل الشعب يضحك طول فترة الرئاسة

كتر خيره كان بيروح عننا

وييجي شوية عيال ما شافوش المسرحية الهزلية اللي كنا عايشين فيها ويفتوا في اللي ما يعرفوش فيه

جبهة التهييس الشعبية said...

ونسيت اقول لك يا در. اونلاين

انا حكمي على عبد الناصر من الوثائق والنتائج
عشان كده لا باحبه ولا باكرهه
لان مافيش اي رابط شخصي بيني وبينه ده اولا

ولان الوثائق والنتائج بتقول انه ما يتكرهش ابدا
الواحد ح يكره بني ادم علم ملايين ازاي يعني؟
بس برضه الواحد ما يتحبش ابدا
الواحد ح يحب واحد خبا الهزيمة على الشعب وعيشهم في الوهم خمس ايام ازاي يعني؟

زي ما قلت قبل كده
هو عامل زي البطل التراجيدي اللي صفاته نبيلة لكن عنده عيب في شخصيته بتتسبب في سقوطه

وبوش والسادات عاملين زي ابطال مسرحيات سامويل بيكيت

بالنسبة للحرب

انا قلت لذي النون اننا فعلا انتصرنا في حرب تلاتة وسبعين
نصرنا ما كانش خدعة

وده اللي يغييييييييييييييييييييييظظظظ

احمد سعيد said...

dr.online

والله يا اخى انا لا بحب السادات ولا عبناصر
وكرهى ليهم مبنى على اسباب وتصرفات هما عملوها

TAFATEFO said...

ربي .. اني أتنفس تحت الماء

ده بتاع ايه ان شاء الله؟؟

يعني ايه مرشح ميسعاش لدعم فصيل تاني؟؟ وايه علاقة ده بالأخلاق؟؟ ويعني ايه ضد الإخوان؟؟

لو نور ضد ان الإخوان يمسكوا الحكم مثلاً .. ده ملوش علاقه بزيارته .. لأن أي مرشح المفروض انه بيعرض نفسه وبرنامجه على الشعب .. والإخوان من الشعب .. وجماعة أو فصيل الإخوان من أكبر القوى السياسيه (الهبلة) الموجوده على الساحه

من حق أي مرشح يسعى لنيل تأييد أي جماعة موجوده .. ولا ده نفاق ولا مسح جوخ

المفروض انه علشان ليبرالي ولا علماني ولا تى وطني .. ميعترفش بالإخوان زي مبارك وجمال من بعده؟؟!! هو ده الصح؟؟

ولا يستثنيهم من الوجود برضه زي رفعت التعيس؟؟!! ايه ده

وبعدين ايه دخل الأخلاق بالموضوع أصلاً .. وايه علاقة أخلاق القرية بالموضوع برضه؟؟ وايه علاقة السادات بقى بده؟

أما عجايب

وبعدين مالها المنوفية .. مش قلنا بدل المره عشرين .. ان المنوفية دي تاج على رؤوس المصريين لا يعرفه إلا الغير منايفه

الشعب المنوفي يربأ وينأى بنفسه عن الرد على الخوض والتعريض الذي تمارسه قلة مندسة ترجو النيل من المنوفية قلب مصر النابض .. سلمت المنوفية .. وسلمت مصر للمنايفة .. وأبى من أبى

واللي يحبنا .. ميضربش نار عندنا

:P:P:P:P:P

TAFATEFO said...

ده اسمه نصب

انه يروح للإخوان يبقى اسمه نصب؟؟ الإخوان ليهم مطالب .. والرجل راح بصفته مرشح للرئاسة بيعرض نفسه على كل المصريين .. والمفروض انه ممكن يكون رئيس لكل المصريين .. لازم يعلن موقفه من مطالب الإخوان .. وعلى الأقل يسمعلهم

يا ترى مين عمل كده؟؟ ويا ترى لو مبارك عند ترشيحه استطلع آراء قوى المعارضة أو أي مرشح آخر .. مكانش ده يحسبله؟؟

هو في أمثله كتيييييييييير قد يكون ذكرها في الجو المشحون ده (علشان خطأ قرايه يا فندم والله) مش مناسب

TAFATEFO said...

الواحد ح يحب واحد خبا الهزيمة على الشعب وعيشهم في الوهم خمس ايام ازاي يعني؟

بس

هو عامل زي البطل التراجيدي اللي صفاته نبيلة لكن عنده عيب في شخصيته بتتسبب في سقوطه

ههههههههههههه

كامل الاوصاف فتنى .. والعيون السود خدونى .. ليه يا قلبى .. ليه خدونى توهونى غربونى .. العيون السود

لا تعليق

جبهة التهييس الشعبية said...

ما تقعد ساكت بقى

ما تقعد ساكت على خيبة الهباب اللي انت بتحبه وتدافع عنه

ما تخليك متسق كده اذا كان عبد الناصر خانقك قوي عشان كدب

السادات ده كان مؤلف وملحن ونصاب كفاية انه يمضي على اتفاقية تفضل سرية علينا احنا بس طول ماهو عايش وكل العالم يبقى عارفة واحنا زي الاطرش في الزفة

وبعد كان سنة كارتر يكتب فضايحه وخيبته التقيلة

خرب الاقتصاد وخرب والسياسة وخرب الاخلاق وعمل فتنة طائفية وكركب كل المصايب على راسنا
طب عبد الناصر كان غبي لكن كان منحاز للفقرا
لكن السادات ده كان منحاز لايه بتاع اللي مش ح يعمل فلوس في عهدي مش ح يعمل فلوس ابدا
وعمل سبع واتخانق مع طوب الارض اللي كانوا ممكن يسندونا وراح لحس الجزم للاسرائيليين والامريكان ومضى على اتفاقية عبد الناصر نفسه اللي كان مهزوم ما مضاش على واحدة زيها
ونزع سيادتنا
وخرب بيتنا
والعشوائيات ظهرت في عهده
والفساد استشرى في عهده
حتى افلام المقاولات
والعمارات اللي الاسمنت بتاعها تراب
والفراخ الفاسدة
والادوية منتهية الصلاحية
واكل الكلاب
وشحنة الطيور الجارحة اللي اتباعت على انها ديك رومي وانا كلت منها وانا في اولى ابتدائي وجالي تسمم لمدة اسبوعين
والنصب بتاعه، يكسر سجن ويبني سجون ويتكلم عن ديمقراطية لها انياب وكان عمال قسم سجناء الرأي
فيه في الدنيا كده؟
ولا انت عارف اي حاجة وبس تيجي سيرته تجيلك اللوثة
لو كنت عايش ايامه كان زمانك ما شفتش الشمس
وكفاية كامب خرا على دماغه اللي هلهلتنا وبهدلتنا وخلتنا شبشب للي رايح واللي جاي
ومألف كتاب البحث عن الذات مش مكلف نفسه حتى يراجعه عشان يكدب كدب مساوي ولا صدق منعكش
يكتب كلام في صفحة ويرجع يكتب عكسها في الصفحة اللي بعدها
ده كتاب هزلي

بس نقول ايه

كل الساداتيين كده

TAFATEFO said...

متخلفين

استهدي بالله كده

TAFATEFO said...

ووالله امبارح مكنش في أي إساءه .. ويحرق يخرب السادات يا ستي

ان شالله يموت .. ربنا ياخده يا ستي

مسافر أسوان .. متأمروش بحاجه من هناك؟؟ أسلملك على محمد العمده .. احتما أقابله الأسبوع ده

وتاني يا ستي .. يارب السادات يموت علشان خاطرك

جبهة التهييس الشعبية said...

:(
هو مات بس المصيبة اللي عملها ما ماتتش

كان مفروض يعيش عشان يشوف بنفسه عملته السودا اللي عملها

TAFATEFO said...
This comment has been removed by the author.
TAFATEFO said...

يقعدله في صحته وعافيته قادر يا كريم

Blank-Socrate said...

تحياتى لمصطفى احمد متفق معهفى معظم ردوده
و بصراحه عاجبنى قوى انه بيسد معاكى
و نقده موضوعى جدا و مرتب و موثق

جبهة التهييس الشعبية said...

ههههههههههههه
احسن يا مصطفى

محمد خيري said...

شئ جميل ومضحك جدا أنك تقرا تهييس أ/نواره وبعد كده تخش على التعليقات تلاقي في خناقة ما بينها وما بين طفاطيفو

وإذ فجأتن تلاقي واحد بيعلن عن كتاب .. وواحد تاني بيقوله الكتاب بتاعك جميل

وفي الأخر واحد إخواني زيي يقعد يضحك على الناصرية والساداتي ويكتب تعليق ...وبيتشتم وهيتشتم فى الأخر من الإتنين وهو عارف

الكوميديا المصرية المعارضة .. عرض ساري لفترة غير معلومه

إلا إذا said...

عترت على مدونتكم عن طريق الصدفة ,,,شدنى الإسم (تهييس) وقلت في نفسى إللى يسمى الإسم ده أكيد الموضوع مش هيكون تهييس خالص ( أصل العبد لله أبو الفكاكه كلها) وده إللى شفته لما سمعت الطالب إللى قال للنظيف والمنظف والمستنظف والمتنظف إن كله تمام ويا ريت آنست وشرفت وقلت يالهوى يا لهوى إن شاء الله إللى هيكتب حاجة هنا هيروح بحر الظلمات في أول رحلة على طول وأنا أخويا محرج عليا مكتبشى في السياسة أصل في بلدنا كان فيه ناس عاملين مدونة وكاتبين فيها عن السرقة والنظافة والبلاوى المتلتلة إللى بتحصل عندنا وأنا كنت كتبت عن نافورة عبارة عن بلاص بموقف البلد وإحنا بلدنا أصلا على البحر وعلى البحيرة كمان وهية شبه جزيرة وملناش في الزراعة خالص مالص , والبلاص بمبلغ وقدره زيه زى رصيف الريحاني عندنا إللى كل سنة بيتهد أو يتخرب أو.. وبعدين يتعمل جديد,ما علينا, المهم إن البلاص معجبش الناس ولا الجماعة بتوع المدونة وكله بيتمقلس على الباشا البلاص , ومش عاجبهم الفولس إللى بتتصرف دى والزبالة ماليه البلد و... معا علينا, والعبد لله دخل يقلس زي ما الناس بتقلس وذكرت قول الشاعر يا حلوة يا شايلة البلاص وقام أخويا شاف التقليس بتاعي وقام قالى يا عم الحاج هو إنته ناقص مشاكل دا إنته وإنته ومن يومها وأنا و الحيط إخوات والحمد لله ولما الحكاية تكبر في دماغي أعمل زي صاحب المطعم إللى مكتوب على بابه كفاية بخط كبير ووراها ألف سندوتش بخط صغير , و يجعله عامر.