حسنة وانا سيدك

مصر ترفض أي معونات أو مساعدات أمريكية أو دولية مشروطة

(ياراجل)
عواد‏:‏ تخفيض المساعدات الاقتصادية ارتبط بشروط رفضناها‏..‏

(اللي هي ايه والنبي فرحونا)
والإدارة الأمريكية الجديدة مستعدة لإعادة بحث الموضوع

(لا والنبي يا عبده)

أكدت مصر أنها لا تقبل أي معونات أو مساعدات أمريكية أو دولية مشروطة‏,‏ وأنها تنظر إلي هذه المساعدات باعتبارها عاملا داعما لجهود التنمية في شتي المجالات‏,‏ ومواقع الإنتاج‏

(ازاي يعني؟ ده اللي بيدي صدقة بيبقى عايز مقابلها الجنة من ربنا، معونة من غير مقابل ازاي يعني)

وصرح السفير سليمان عواد‏,‏ المتحدث باسم رئاسة الجمهورية ـ ردا علي سؤال حول ما نشر عن تخفيض المعونة الأمريكية المقدمة لمصر ـ بأن هناك خطأ في تفسير البعض لاعتماد قانون الاعتمادات الخارجية في الموازنة الأمريكية‏,‏ حيث إن هذا القانون يطلق عليه قانون استمراري‏,‏ ويتيح استمرار العمل بالميزانية الحالية إلي أن يتم اعتماد الميزانية الجديدة‏2010/2009

(غلطة موظف يعني... سبحان الله حتى الامريكان عندهم بيروقراطية؟ اه ما كان عندهم احتلال انجليزي برضه)

وقد سبق أن تفاهمت مصر مع الولايات المتحدة علي إجراء خفض تدريجي للمعونة خلال عشر سنوات اعتبارا من‏1998‏ وحتي‏2008,‏ لكن ميزانية الاعتمادات الخارجية لعام‏2009‏ خفضت المساعدات الاقتصادية لمصر بقرار من الجانب الأمريكي من‏415‏ مليون دولار إلي‏200‏ مليون دولار فقط‏,‏ وأبقت علي المساعدات العسكرية (اللي هي لازمتها ايه يعني؟ ماهي العراق مش ح تحتل الكويت تاني) التي تبلغ‏1,3‏ مليار دولار كما هي‏,‏ دون استشارة مصر في هذا التخفيض للمعونات الاقتصادية‏,‏ الذي جري بقرار انفرادي (ههههه يا سبحان الله، فلوسهم يا ناس) وارتبط بشروط ترفضها مصر

ايوة، ايه الشروط اللي مصر رفضتها بقى؟ ايه؟ طلبوا مننا عرض استبرتيز؟ لا كله الا الشرف، احنا ممكن نتفاهم لو حساب العرض برة المعونة، المعونة دي المرتب، عايزين حاجة تانية يدونا اوفر تايم

وقال عواد‏:‏ إن مصر تقدر ما تلقته من مساعدات‏,‏ سواء من الولايات المتحدة‏,‏ أو من شركائها الدوليين‏,‏ وتتطلع إلي هذه المساعدات باعتبارها عاملا داعما لجهود التنمية في شتي المجالات‏,‏ ومواقع الإنتاج‏.‏ وأشار إلي رفض مصر أن يرهن أي جانب ـ سواء أمريكا أو غيرها من الدول ـ المساعدات بأي شروط‏,‏ وأن هذا موقف مصري واضح‏

يا جدعان حرام عليكوا، حرام عليكوا ده التقارير الاموركاني بتقول ان  متوسط الذكاء بتاع المواطن المصري مرتفع واعلى من متوسط الذكاء في امريكا، متوسط الذكاء في امريكا 110 وفي مصر 112، انتوا بتعاملونا كده ليه؟ ده ما يرضيش ربنا ابدا

وأضاف عواد أن الإدارة الأمريكية الجديدة أبدت إشارات إيجابية للغاية بشأن إعادة النظر في هذا الموضوع‏,‏ وأن هذا الحديث يتم من خلال القنوات الثنائية‏,‏ مشيرا إلي ما نشرته بعض وسائل الإعلام في هذا الصدد عن اعتماد قانون المعونات الخارجية الذي يضمن استمرار العمل بموازنة‏2009/2008,‏ إلي حين اعتماد ميزانية‏2010/2009

هي اعادة النظر انهم يأجلوا تخفيض المعونة سنة؟ على رأيكم حد ضامن عمره؟

وأن هذه التقارير الإعلامية أبرزت هذا القانون‏,‏ واعتماده من قبل مجلس الشيوخ الأمريكي‏,‏ باعتباره تطورا جديدا‏,‏ وهذا أمر غير صحيح‏,‏ وأن هذا القانون لا يعدو أن يكون اعتمادا لما قررته الإدارة الأمريكية السابقة

هاه؟ انا عايز جملة مفيدة، هم كل اعضاء الحكومة مش بيجمعوا زي الواد منصور؟

وأوضح المتحدث باسم رئاسة الجمهورية أن مصر لم تقبل هذا الأمر لسببين‏:‏ الأول أنه مرهون بشروط‏ (تانية؟),‏ والثاني أنه لم يتم بناء علي تنسيق وتشاور كما جري الأمر بين الجانبين

صح، المفروض الراجل برضه يشور مراته وياخد ويدي معاها في الكلام: قلتي ايه يا ام عيلاء، قلت اللي تشوفه يا ابو عيلاء، شورتي عليا بايه يا ام عيلاء، باللي يريحك يا ابو عيلاء، يعني اتكل على الله يا ام عيلاء، ربنا يكتب لك في كل خطوة سلامة يا ابو عيلاء، كده يعني، الست ما تحبش الراجل اللي ما يتكلمش في البيت، لازم يحسسها باهميتها، عشان بقى ما تكتئبش وتحط همها في الاكل وتتخن وتهمل في نفسها ويرجع هو بقى يزعل ويبص برة والبيت يتخرب‏