ده كتاب جيمي كارتر، طبعا هو ح تلاقوه جايب سيرة مراته كتير عشان هو برج الميزان :) الرجالة برج الميزان بيخافوا من مراتاتهم... لا مش بيحبوهم، خالص، بيخافوا منهم بس
ومين الكميلة اللي في الفيديو ده؟
اسمعوا كلامه بقى بتركيز، هههههههههه مش عشان تبقوا ماركسيين، انا اقصد اسمعوا التحليل بتاعه كويس
17 comments:
هما مين دول اللى بيخافوا من مراتاتهم ؟؟؟
حبه احترام من فضلك ياماما
وبعدين اصلا اصلا يعنى جيمى دة دسيسه على البرج
بيتمحك فيه
قال بيخافوا قال
ايه ده يا احمد
انت برج الميزان زيي؟
:)
هم الرجالة برج الميزان مش بيخافوا
هم بس مش ميالين للمشاكل
ههههههههههههههه
أولاً : شكراً ليكى علشان كتاب دكتور عصمت سيف الدولة
قرأت بعضه و لسه باكمل فيه
مهم بجد الكل يقروه
ثانياً : شوية أنا باعذر ملاحيس السادات
لإن الصورة اللى إترسخت فى مخهم إنه بطل الحرب و البتينجان
لكن لا أجد لهم عذر فى عدم القراءة
أقولك : أنا بعد ما قريت مذكرات الشاذلى
قررنا زوجى و أنا أن نسمى مولودنا الأول خالد
و قد كان
طبعاً مع تحفظى على القتل كوسيلة للحل
مي
طب تعذريهم على اللحسة
تعذريهم على الوساخة؟
يعني ايه الفكرة في ان واحد بيحب بصل الحر والصنان
يبقى زيه مهبوش وبيشتم ويخطرف ويهلفط؟
بالنسبة لعدم موافقتك للقتل كحل
في كتاب الدكتور عصمت حاطط نص الخيانة العظمى في القانون المصري
وحاطط نص المادة ستين من الدستور اللي بتقول ان المواطن المصري في حالات معينة طالما بيمارس حق وطني يبقى غير مجرم حتى لو كان العمل في اصله جريمة
يعني اللي عمله خالد الاسلامبولي كان دستوري وفقا للدستور المصري
واللي عمله السادات ما كانش دستوري
بس الناس بتحكم بالمنصب مش بالحق ولا العدل
عشان ده رئيس جمهورية يبقى هو حر يرتكب خيانة عظمى وفقا لتعريف القانون المصري (وبالمناسبة القانون المصري في التشريع ضد الخيانة العظمى لا يعتبر التغفيل او الضغط او حسن النية عذر مخفف لعقوبة الجريمة) لكن عشان خالد مواطن فمش من حقه يستخدم حق اداهوله الدستور المصري في المادة ستين منه
ليه؟
عشان دي نفسية العبيد بعيد عنك
العصفور لما يفضل محبوس في القفص بعد مدة لو فتحتي له الباب مش ح يطير
مي خالد دة ارهابي خريج جماعات ظلامية
مهما كان استبداد اي نظام او فساد اي نظام انا ارفض استخدام الجماعات الظلامية كوسيلة و متنسيش ان هما كانو سبب في تعطيل الاقتصاد في ضرب السياحة
نوعاً ما متفق مع مى
أنا قابلت سادتيين كتير متعصبين للسادات
عشان قائد حرب أكتوبر و باقى الكلام بتاع كتاب التاريخ
بتاع الثانوية العامة
و ناس تانية بتحبه عشان فيلم أحمد زكى
و ( شعبى يقول عليا إيه .. متواطئ معاهم.. بلغ بيجين الاحتجاج الرسمى على ضم القدس)
:)
ثواني معلش يا نوارة يمكن فهمي على قدي انما اية القتل يبقى دستوري و الارهاب يبقى دستوري
ازاي يعني
يعني ممكن الواحد يقتل اي حد او يتعرض ليكي او ليا بعد الشر
و يقولي دستوري و حقي
يعني الي عذب عماد الكبير بردو بيقول في ذات نفسيتة انو بيعمل حاجة دستورية
يعني لي اعتقل ايمن نور بردو بيقول انو بيعمل حاجة دستورية
خالد الاسلامبي قتل اينعم السدات غلطتة الوحيدة انو خرج الظلامين ولكن
القاتل يحاكم انا ارفض ايجاد مبررات للقتل
اة قولى كدة
تفرق كتير
مش ميالين للمشاكل تفرق عن بيخافوا
كدة صح
ممكن يا مواطن تحمل الكتاب بدل ما انا عمالة لك دادا كده
ومع ذلك ح اعمل لك دادا في النقطة دي عشان تبقى واضحة
اقول لك
انا مش ح اكتبها في تعليق انا ح اكتبها في بوست
عشان ابقى دادا جماعية
مواطن
أنا معاك فعلا ، ربنا قال اللي يموت نفس كإنه أمات الناس جميعًا
لأن النفس دي أغلى حاجة
بس المشكلة بجد
اننا ما نعرفش نعمل ايه في اللي بيقتل النفوس كلّها بدم بارد ..
جتهم نيلة كلهم اللي بيقتلوا فينا واحنا أحياء
ربنا يرحمنا بقى
ربنا يخليكي لينا و احنا كلنا بنتعلم من بعض
:)))
شوفوا البوست الجديد يا شباب
ده الدستور المصري
اقروه بتمعن
وما تكسلوش في القراية يا شباب
القراية نص السكة
تلاتربعها كمان
اكيد يا نوراة انتي عارفه حسام الحملاوي بتاع مدونةعرباوي
تلاقيكي بس مش واخدة بالك انه هو
انا متابعة الموضوع وعمالة اقرا الكتب اللي عمالة تحطيها لما دماغي
ورمت
انا قربت اكره نفسي ياختي
فنون
انا عارفة انه حسام امال ح اقول عليه كميلة على اي حد كده؟
:)
بعد ما بعت الكومنت اتكسفت من نفسي اوي
قلت احييه يعني معقولة نوارة ماتكونش عارفاه يعني :)
مستأسفين والله :)
اولا شكرا على الكتاب عشان كنت بدور عليه
ثانيا يعني انا عايز اعرف مالهم الماركسييين يعني
محنا زي الفل و بنزلزل الزلازيل يعني و حسسس مكسر الدنيا و الناس دايبه في جمال عمال مصر و نضالهم
اوصيكي خيرا بالماركسيين يا نواره قبل رحيلي :D
بس يا اخويا
بس
هي ناقصاك انت كمان مش كفاية اللي انا فيه هنا؟
Post a Comment