Tuesday, 24 March 2009

نيموذج للانسان المصري الاصيل

تحديث:
لما فتحت الكتاب لقيتهم عارضينه مش جايبين النص كامل وانما جايبين منه نصوص كتير
للاسف مش لاقية النص الكامل للكتاب بالعربي
لكن هو موجود على التورنت بالانجليزي للي عايز يقرا النص الكامل، خصوصا ان المترجم وهو بينقل بعض النصوص لخبط في الترجمة وقال "انا وروزالين" والحقيقة ان الراجل قال: "روزالين وانا" كان لازم المترجم يلتزم بالامانة
اللي ما دخلش عليه ولا جين من "الغزاة" خالص، هو هو، من ايام مينا موحد القطرين لحد النهاردة خط الجينات بتاعه ماشي زي قطر السكة الحديد....ايه ده:
السلام عليكم:الرابح الأكبرأسرئيل والخا سر الأكبر العرب وعلى رأسهم مصر ورحم الله الرئيس السادات كان سابق عصره فى قرائته للمستقبل وتنبؤه بسقوط الأتحاد السوفيتى وأمتلأك أسرائيل للسلاح النووى وأن تسعة وتسعون فى المائة من أوراق الضغط على أسرائيل فى أيدى الأمريكان. المهم ما هى محصلة السلام مع الدولة العبرية؟ أستعادة مصر السيادة على أرضها كاملة عقبال الجولان. السلام خيار أستراتيجى لأمفر منه لكى تكون هناك تنمية حقيقيه بدل طوابيرالبطالة والعيش وأزمة الأنابيب على فكرة أحنا فى حالة سلام وليس حرب !!!!!!
---
انا مش ح اكتب اسمه عشان ربنا حليم ستار، بس هو مشارك في استفتاء البي بي سي عن معاهدة كامب ديفيد
انا ما يهمنيش اللي مع المعاهدة، وطبعا يهمني اللي ضد المعاهدة وفي عيوني من جوة، بس الحقيقة النيموذج اللي انا طارحاه هو بالظبط بالظبط حالة المصريين، ده تلخيص للتيه المصري في الوقت الراهن: طبعا اسرائيل هي الرابح الاكبر ومصر هي الخاسر الاكبر واكيد يعني السادات كان سابق عصره وعشان كده عندنا طوابير عيش واحنا في سلام واستعدنا سيادتنا والحمد لله
بيفكرني بحسين اخو ام زينب لما راح الجزائر مع بابا وقابل جميلة ابو حريد وقال لها: انا شفتك في الفيلم لما كنتي ماجدة
قالت له: مش انا دي ماجدة
قال لها: لا انت، بس كنتي صغيرة ماجدة كده، كانوا حتى بيقلعوا لك ضوافرك...انا مبسوط قوي اني اخيرا قابلت امينة ابو حريك
سواء كان اللي كاتب التعليق ده قصده يهزر (وده احتمال ضعيف) او هو فعلا زي ما بيقولوا في الدراما شخصية
larger than life
بمعنى انك ممكن تسقطها على عدد كبير من الناس
سواء اي حاجة من دول فانا استكنيصت جدا من التعليق، ابهرني الحقيقة
مع كامل احتراسي للاختلاف في الرأي بس لما يبقى المشرف والمحرك والمحرض والضاغط والفاعل والدافع لعملية السلام بين مصر واسرائيل يقول في كتابه للاسف كامب ديفيد اسرائيل فيها هي الرابح الوحيد، لانها حيدت اكبر قوة عربية مما اداها فرصة انها توسع المستوطنات وتفرض امر واقع على العالم العربي كله، ومصر ما كسبتش كتير، الحقيقة ما كسبتش خالص، بس انا والله العظيم ما كنت اقصد، انا كان قصدي خير، حتى اسألوا روزالين، طب ده انا قلت لروزالين اني متفائل قوي، بس روزالين بتقول اني كان لازم اخد احتياطات حماية لصالح مصر اكتر من كده، خصوصا ان السادات كان جاي معزول عن خلفيته العربية، وانا عشان كنت عايز اخلص ضغطت عليه يقبل تنازلات، روزالين بتقول اني مش لازم اقسو على نفسي بس انا قلت لروزالين....
طبعا روزالين دي مراته
ما تقروا الكتاب يا جدعان وتوفروا على نفسكوا الجدل ده كله، ده الاسرائيليين مسحوا بكرامة اهله البلاط على الكتاب ده، لانه هو قوله فصل في الموضوع ده، لا مصر ولا اسرائيل جهات موثوقة يتاخد منها شهادات، الشهادة الوحيدة اللي يؤخذ بها هي شهادة كارتر
وشهادة روزالين طبعا، ح تلاقوها موجودة في كل صفحة، روزالين مش معاهدة السلام، وبيقول: روزالين وانا
روزالين اند اي..الاحترام واجب برضه
خصوصا لما يبقى امريكاني يعني، ربنا يوعدكوا كده يا شباب بهجرة امريكاني ويرزقكوا بمزة شبه انجلينا جولي
ياااااااااااااااااااااااااااااااااااا ربببببببببببببب خدوا من قلبي وصروا
يارب كللللللللللللل الرجالة العرب يتجوزوا امريكيات شبه انجلينا جولي
1- ح تحسنوا لنا النسل
2- وسيلة لا بأس بها لاحتلال امريكا
3- ح تتربوا بقى:
حيث ان المدام ممكن تتعصب عليك وتروح لاطشاك بالقلم، تيجي انت ترد تروح طالبة لك ناين وان وان، طبعا ح تقول للظابط يا ح الظابط دي سفختني حتة كف على وشي، احنا رجالة زي بعض، يرضيك يا معلم
ح يقول لك: يرضيني وح تنضرب...دي واحدة ست، واكيد انت وترتها، وبعدين ممكن تكون في مرحلة تغير هرموني ادى الى توترها
(اه والله طول النهار يتكلموا كده)
تقوم تمد ايدك عليها؟ يو هاف ذا رايت اوف وان تليفون كول، يو كان تشوز نوت تو سبيك ويذاوت يور لوير
بينا ع القسم
ولو كرامتك وجعتك وقررت تطلقها براحتك، ح تاخد نص ثروتك، لو ما عندكش ثروة ح تاخد نص هدومك، لو ماحيلتكش غير الهدوم اللي عليك، انت وذوقك بقى، يا تديها القميص يا تديها البنطلون
الولاد؟ على كيفها، لو عايزاهم ح تاخدهم، لو مش عايزاهم ح تديهم لك
ولانهم متربيين في مجتمع بيقول ان الستات عندهم كرامة مش هفئات وارضي بقسمتك ونصيبك انت ولية، سيبيه لربنا اللي بييجي على الولايا ما بيكسبش (الغريبة انه بيكسب)، فهي ح تدور على ايه اللي يضايقك وتعمله، يعني لو عايز العيال هي ح تاخدهم، لو مش عايزهم ح تديهم لك
طبعا ح تقول لي: وليه الاذية دي ما نطلق بشكل محترم
اه ده بالنوسبة لاي راجل تاني، بالنوسبة لك انت ده مش ح يحصل، معلش بقى ربايتنا واحنا عارفين عملنا فيكوا ايه
امال هو عمال يقول روزالين اند اي ليه؟ كل واحد يحترس نفسه ويلزم مكانه باحترامه بدل ما روزالين تتنرفز ويبقى نهاره مدوحس
4- لما واحد يتكلم زي الاخ اللي فوق ده ما يلزموش غير واحدة امريكانية تقفل له بقه بالمسامير والقادوم
شوفتوا؟ كلها فوايد
ياااااااااااااااااااااااااااااااااا ررررررررررررربببببببببببببببببببببببب كل الرجالة العرب يتجوزوا امريكيات
(ملحوظة: للي ما بيحبش انجلينا جولي، الحمد لله امريكا فيها كم كبير من المزز المختلفات في الشكل واللون والحجم، فيه السمرا وفيه البيضا فيه الشقرا وفيه الصفرا- من جوة قلبها كمان، بس كلهم طبع واحد...القانون في صفه، القانون يحميه، ربنا يوعدكوا يااااااااااااارب، انتوا تستاهلوا كل خير يا شباب)
قولوا امين

46 comments:

لقد خلقنا الله احرارا said...

انت مش ممكن ------اولا فى لسه بنى ادمين كده؟ طب السادات وقال فعلا موضوع اوراق اللعبة اللى فى ايد امريكا بس اول مرة اسمع موضوع قراءة الفنجان وانهيار الاتحاد السوفيتى انا كنت فاكرة الكلام ده بيتقال فى حالة حوار والقناة الاولى بس --------------ثانيا --نسيت نفسى شوية بموضوع الاخت امينة ابوحريك الشهيرة بماجدة لا ماهما المصريين اشطر حاجة فى الفهلوة---قوم ايه لقيت اقتراحك الرائع انهم يتجوزوا مزز امريكانى ايدى على كتفك يااختى واول واحدة تشجع المشروع ده خلينا نشوف فيهم ايام مايعلم بيها غير ربنا-------------------------أهم حاجة انا بحب مينا جدا وانا فى ابتدائى المدرسة قالت لى انه كان بيتمشى جنب النيل طلع تمساح قتله وربنا مايوريكى انا عملت فى نفسى ايه وعيطت عليه اد ايه وفكرت كتير انى لو كنت موجودة كنت لازم اساعده

Anonymous said...

ايه يا نوارة انتي قلبتي البلوج قناة كوميدية,,الراجل راس البلد بيقول (((((((((اسكندرية امانة في ايديك يا رشاد يا عثمان,ده ايه الهطل ده!!يبقي عايزة بقية الناس عاملة ازاي؟وبعدين انا نفسي اعرف هو السادات ده كان سابق عصره في ايه بالظبط؟عمل اغنية تلات دقايق وقت ما كانوا بيغنوا واصلة تلات ساعات؟

بالنسبة لlarger than life
روحي يا بنتي انتي عبقرية,,ربنا نفسه بيقول في القران في اكثر من موضع,,ان اكثرهم لا يعلمون,,ان اكثرهم لا يفقهون,يعني تلاقي معظم الناس حاجة واحدة,,كل الناس مثلا تحب ام كلثوم,متلاقيش غير رجل صالح يحب عبد اللطيف التلباني,كله صابون,,بالنسبة لبقيت البوست مفهمتهوش:(اية علاقة انجلينا بالموضوع,,؟

حـنــّا السكران said...

عندنا شاب لبناني مقيم في أمريكا و متزوج أمريكية ,,و أنجب ولد و شايفه و مش مصدّق ,, بيبقى يلاعب فيه و بيغنّجه و بيدلعه طول الوقت ..متل أي أب فرحان بإبنه .. و انت عارفة احنا العرب كيف عاطفتنا للطفل , خصوصا اذا كان ولد بقى .المهم كان قاعد عم يلاعب ابنه و يحضن فيه و يبوسه ,و مراته قاعدة معاهم جلسة عائلية جميلة و بتصوّرهم بكاميرا فيديو .قام الشاب و هو بيبوس ابنه ,.. باسه على بيضاته . و الطفل عمره أقل من سنتين .. بعد كام ساعة زعلت الست الأمريكانية من زوجها , قامت اتصلت بالبوليس و قالت لهم : زوجي بيتحرّش بطفلنا جنسيا .و خدوا شوفوا ..باسه على بيضاته .. و عينك ما تشوف إلا النور . أمريكا كلها , من ابراهام لينكولن في قبره , لحد جورج بوش قاموا على الوالد اللبناني الهمجي عدو الإنسانية .. و هو يحاول يشرح ان ده عادي .. لاااا ما في نتيجة .. بهدلوه بالإعلام . عملوا منه قصة و رواية , نشروا حريمه . التهم اللي توجهت له لا يتخيلها عقل . عشرات السنين حبس. مش متذكر كام والله ,, بس سنين طويلة جدا . تخيلي ان الكفالة اللي طلبها القاضي مقابل ان يفرج عنه مؤقتا لحد ما يتم النظر بقضيته , كانت بملايين الدولارات . كذا مليون دولار كفالة عشان يخرج كام يوم و يدبّر نفسه بمحامي .. و أبوه حرااام والله كان منظر أهله بيقطّع القلب , طلع على ال الـ بي سي اللبنانية و يصرخ و يقول : يا عالم ..هيدا شي عادي عندنا .. نحنا بنحب أطفالنا و بندلعهم و بنموت فيهم , أنا ابني ده نفسه كنت ببوسه على طيزه ههه مش بس على بيضاته لما كان طفل .. و يقول للمشاهدين ,,انتم عارفين كلكم , انتم بتدبعوا أطفالكم بنفس الطريقة . بتبوسوهم وين ما كان ,من دون ما يخطر لكم الحاجات الغريبة دي اللي بيتكلموا عليها هناك .
مش عارف بعدين وين وصلت القضية . الأحداث حصلت من حوالي أربع سنين .
بس مش ممكن تتخيلي الضرر النفسي اللي وقع على الشاب و عيلته ..عملوه قصة الاعلام في امريكا ..يصوّروه كوحش مش بني ادم .. و كلّ الحكاية . ان الست الأمريكانية اللي عارفة تماما طباع زوجها و طباع العرب مع أطفالهم .. زعلت . منشان حاجة تافهة و حبّت تنتقم .

ـ على فكرة .. أنا ما قدرت أكمّل كتاب الدكتور عصمت سيف الدولة .. لأنه فوق الإحتمال .. فعلا فوق الإحتمال .وصلت لمنتصف الكتاب تقريبا ووقفت. و بدأت مع كارتر و روزالين .هالكتاب لكارتر أنا ما قريته قبل . و من زمان حابب أقراه .

Love-Guru said...

آمين آمين آمين

يا نهار ابيض غرقان في الشيكولاتة
هو حد يطول واحدة زي انجلينا جولي او شارون ستون او جسيكا البا او جيسيكا بيل او حتي مادونا و بالاخص مادونا.
طيب متنقيش فيها انت و اطلعي منها و سبينا نتفاهم مع بعض. حتضربني كف علي خدي اليمين حصدغلها خدي الشمال زي رشدي اباظة في آه من حواء و بعدين مش هي دي تعاليم السيد المسيح عليه السلام. و كمان مش حتغاظ و سوف اعفو عتها. مش هي دي تعاليم الاسلام و الكاظمين الغيظ و العافين عن الناس. و سوف أرد اساءتها باحسان تمشيا مع نفس التعاليم السماوية.
أما اذا زودتها بقي و افترت برضه مش حعمل زي أو جي سيمبسون و اقتلها و دخل نفسي في سين و جيم. كل اللي حعمله اني اتوجه لقاضي الاسرة بطلب الطلاق بدون سبب
"No fault divorce"
و ده معناه بالعربي مش لازم بكون في سبب لطلب الطلاق و هذا القانون معمول به في كل الولايات عدا ولاية واحدة حعمل حسابي متجوزش فيها. و يحكم القاضي فورا بالطلاق و باقتسام كل من الزوجين ثروته مع الآخر. و عن طيب خاطر سوف اعطيها 100 دولار هي نصف ثروتي البالغة 200 دولار و آخد بسعادة بالغة 100 مليون دولار او اكثر هي نصف ثروتها و بهذا يكون الكف اتردلها 100 مليون كف و بالنسبة لي يكون كف الهنا. و لعلمك ثروة مادونا 500 مليون دولار و عندما طلقت مؤخرا عقدت تسوية مع جوزها الا تأخذ منه شيء بل و اعطته 60 مليون دولار حتي تخرج من هذا الطلاق باقل خسائر.
آه نسيت حاجة مهمة قوي حخرج بيها من الجوازة دي....الجرين كارد. و حرجع مصر بالبسبور الامريكاني و اسوق عربيتي الهامر بسرعة جنونية في شوارع القاهرة المزدحمة و اذا استوقفني ضابط شرطة حشخط فيه و اقوله انا امريكاني يا عر...... عندي حصانة زي كبرات البلد و احسن منهم كمان. امشي يا واد قدامي بعربيتك افتحلي الطريق لا تلاقي نفسك في مكتب ال أف بي أي في القاهرة.

مواطن مصري said...

هع هع هع هع الاخوان محددوش موقف من الاضراب و احتمال كبير اوي انهم مش هيشاركو

Anonymous said...

I found this comment more interesting :D
---------------------------------
أولا يجب ان نفهم مدى عبقرية السادات فهذا الرجل انقذ مصر من الزوال . لولاه بفضل الله لكانت مصر الآن منضمه لإسرائيل على الخريطه . لقد كان وضع الحرب وقتها سئ بعد التقدم والضربه المباغته القويه وجد أننا على وشك محاربة أمريكا و إمكانياتنا محدوده . ففعل ما فعله لمصلحة مصر وشعب مصر أى شخص يقول عكس ذلك فهو خائن لتراب هذا البلد . بعد ذلك تصرف الرئيس حسنى مبارك بذكاء وحكمه مع المكائد ولم ينجح أحد لإستفزازه لخرق المعاهده لكن والله والله والله لو حدث خرق واضح من قبل إسرائيل لسوف يكون رد هذا الرجل غير مسبوق

Anonymous said...

sorry to do this again...but I really had to share this one too :D
---------------------------------
مصر استردت ارضها بالكامل بعد معاهدة 1979م و تمتعت بعلاقات طبيعيه مع اسرائيل و استفادت من خبرات اسرائيل الحديثة في علوم الزراعة و التهجين و تدرب الاف المصريين في اسرائيل على هذه العلوم و غيرها من المجالات مثل البريد و الإتصالات ، كما اقام المستثمرون الاسرائليون عشرات المصانع في مصر و في مختلف المجالات الصناعية مثل صناعات الملابس و الاغذية و المشروبات بالإضافة الى التعاون في مجال الإعلان و العلاقات العامة . و على الشعوب العربيه ان تلوم حكوماتها لا "السلام مع اسرائيل" على تردي احوالها

مهندس مصري said...

ههههههههههههههههههههههههههه

ahmed samir said...

حلوة النكته دى
هو السادات اتنبأ بإمتلاك اسرائيل للقنبلة الذرية
ههههههههههه

اللى اعرفه ان اسرائيل تمتلك القنبلة الذرية من الستينات
و من قبل حرب 67 كمان
يعنى من ايام عبد الناصر

تصورى من كتر ما سمعت كلمة السلام دى من انصار المعاهده
الكلمة بقيت ترن فى ودنى كأنها شتيمة

مواطن مصري said...

ياااااااااااااااااااااااااااااااااا ررررررررررررربببببببببببببببببببببببب كل الرجالة العرب يتجوزوا امريكيات



امين يا رب يسمع من بقك ربنا معندكيش اميل بيونسية
:)))))

او جينفر لوبيز
:D

مهندس مصري said...

يا جو أنا خلصت كتاب الدكتور عصمت في قعدة واحدة و خلصت نصف كتاب كارتر
و حأكمله بكره إن شاء الله

مهندس مصري said...

يا مواطن يا مصري
روح إقرأ البوست ده عن الإضراب
http://egyworkers.blogspot.com/2009/03/6_24.html
من معتقل سابق في إضراب السنة اللي فاتت

مواطن مصري said...

عمر البشير في مصر بكرة تفتكري ممكن يسلموة؟

مواطن مصري said...

قريتة يا مهندس انا متابع لمدونة كريم البحيري من اول بوست

sindebad said...

بما انك قلت لي اخر مرة قف مكانك , فانا مضطر ان اتخلي عن التنظير اللي مش عاجبك والكلام العلمي اللي بيضايقك , واقصر تعليقاتي علي بعض الاقوال الماثورة في الفترة المقبلة علي طريقة ا/ حمدي قنديل .
اهلا بكم :
- من اجل مصر وقعت معاهدة 1936 ومن اجل مصر اطالبكم اليوم بالغائها
من خطاب مصطفي النحاس باشا امام مجلس النواب في يوم الثامن من اكتوبر 1951

والي اللقاء في اقوال اخري

جبهة التهييس الشعبية said...

لقد خلقنا الله احرارا

بصراحة انت تستاهلي كل اللي بيجرا لك بما فيهم الدخول على مدونتي

حد يتفرج على حالة حوار؟

انت مازوخية يا بنتي؟
بتحبي تعذبي نفسك ليه؟
:)

انونيمس

يا حبيبي ده كاتب كلام، يارب يطلع بيهرج

ان شاء الله يطلع بيهرج

احنا بقت سمعتنا منيلة في كل حتة
كل الناس فاكرة ان المصريين معاتيه

بلاش
بمناسبة الكوميدي، ايام الحج، طبعا استضافوا حجاج يتكلموا وفكروا في انهم يستضيفوا حاج مصري كنوع من انواع الترفيه عن المشاهدين
المذيع: وايش دعيت ياخو للامة في ظل هذا الالم

الحاج المصري: لا الحمد لله مافيش الم ولا حاجة...المستشفيات حوالينا في كل حتة واحنا بنشكر خادم الحرمين على خدمته للحجاج


جو
ههههههههههههه
ما هو راخر مقرف
حد يبوس ابنه في المكان العجيب ده؟

بص، انا واحد صاحبي كان عايش في امريكا قال لي: الستات الامريكيات عاملين زي....عارفة الولية الحوارتجية اللي لما تحط راجل في دماغها تمشيه يكلم نفسه؟ اهم هم كده

اهم حاجة، ايه رأيك في روزالين؟


love-guru

ربنا يديلك على قد نيتك
هههههههههههههههههههههه
بس


انونيمس
ههههههههههههههههههههه
ههههههههههههههههههههه
هههههههههههههههههههههه
هههههههههههههههههههههه
مش قادرة ح اموت

اه يا بطني

ده اكيد اللي كتب التعليق ده سواق التاكسي اللي قال لي: التعلب بتاعنا مستني لهم على غلطة ولعلمك التعلب بتاعنا هو اللي ح يقضي على اسرائيل، واسرائيل مش ح تنتهي الا قبل يوم القيامة
ههههههههههههههههههه

انونيمس تاني
هههههههههههههههههههه
هههههههههههههههههههههههه
انا عايزة الناس دي يتقبض عليها بتهمة تشويه سمعة مصر


احمد سمير

تصور؟ كلمة سلام دي الواحد لما بيسمعها بقى جسمه يقشعر من القرف

مهندس
انا كمان خلصته في ليلة

اقرا روزالين بقى
عشان تقريبا هي اللي كاتبة الكتاب وهو نزل اسمه عليه بس

مواطن مصري

طبعا ممكن جدا
مجنون ده عشان ييجي هنا؟

مواطن مصري said...

بس سمعت ان عمر البشير هيستقبلة عمر سليمان و ابو الغيط و احتمال الرئيس مبارك بذات نفسيتة


مأظنش ان ممكن يسلموة


دة قطر معلش ممكن تعملها و هنشوف كلها 12 ساعة

مواطن مصري said...

اسف 12 ساعة

AhmeD 3llaM said...

هدد شارون مصر وقال نضرب السد العالي
علي الرغم من هذه الاتفقية تنص علي

يتعهد الطرفان بالامتناع عن التهديد باستخدام القوة أو استخدامها أحدهما ضد الآخر على نحو مباشر أو غير مباشر، وبحل كافة المنازعات التي تنشأ بينهما بالوسائل السلمية
--
ودلوقتي ليبرمان بيقول هنضرب السد العالي والاهرامات
بغض النظر عن كلام المتحدث باسم الرئاسه انه لسه مبقاش وزير
---
انا مش فاهم ايه الي مزعلهم من السد العالي
هما بيقعدو عليه ولا ايه
هههه

بس النقطه المهمه
هما شايفين مصر ايه
بعيدا عن انها دوله صديقه
طب هي مصر بتخوف
ولا بتخاف
ولا يتخاف عليها
ولا يتخاف منها
مصر ايه دلوقتي
حد يقولي
**

ففرانسوا بونسيه سكرتير عام الرئاسة الفرنسية في عهد الرئيس جيسكار ديستان قال لبطرس غالي في قصر الإليزيه ناصحاً قبل أن توقع مصر اتفاقية السلام مع اسرائيل : "إذا لم تتمكن من الوصول إلي اتفاق بشأن الفلسطينيين قبل توقيع المعاهدة المصرية الإسرائيلية فكن علي ثقة من انك لن تحصل لهم علي شيء فيما بعد من الإسرائيليين
*
خايف بكره يحتلو مصر
ويجي اليوم ونتفاوض علي حدود
2009

حـنــّا السكران said...

ـ أنا كنت بعيد قراءة " تاريخ هيرودوت " و "سفر التكوين" ,بدّي ارجع من البداية يمكن افهم شي من هالبشرية ..بس عزازيل هي اللي ما قدرت أنام قبل ما أخلّصها .. من زمان ما قريت رواية أخدتني بالكامل متل عزازيل .

ـ قراءة هالكتب القديمة مختلفة تماما عن قراءاتي السابقة لها , عم اكتشف فيها أشياء جديدة مطابقة للواقع الاّن بشكل رهيب .. ما كنت اّخد بالي منها زمان , و لما قرأت جملة الراهب هيبا في عزازيل إن الحياة دوائر بتلفّ و بترجع انصدمت جدا ..لأنه فعلاً هيدا اللي عم اشعر فيه و أنا عم اقرا الكتب القديمة .مع اني دائما ضد مقولة انه التاريخ بيعيد نفسه ..البشر همّ اللي بيعيدوا ارتكاب نفس الأخطاء و عمرهم ما بيتعلموا . و كما قال أحدهم في كتاب قرأته أول قراءاتي زمان و لم أعد أذكر الكتاب و لا كاتبه :
التاريخ رجلٌ لم يكن هناك .

حـنــّا السكران said...

لسه بيهددوا بضرب السدّ العالي للاّن

قبل فترة .الصهيوني تبع اسرائيل بيتنا و اللي رح يصير وزير خارجية هالكيان العنصري الحقير طالب بضرب السد العالي و قال : لتذهب مصر و مبارك إلى الجحيم .

ـ تخيّلوا لو واحد إيراني قال هالجملة ؟؟؟؟؟؟؟ حتى لو كان بيّاع فجل في شوارع إيران .

mido said...

@ مواطن مصرى

لو البشير راح تل ابيب نفسها مش حيسلموه انت بتتكلم فى ايه بس

مواطن مصري said...

نوارة جربي موقع piratbay
هتلاقي علية اي حاجة تورنت انتي عاوزاها

AhmeD 3llaM said...

ليبرمان ده هيبقي رئيس وزراء
وزي ما بتقول الانسه نواره
الاسرائيلين بيصوتو للاكثر دمويه
النصيبه
انه كان حارس امن في ملهي ليلي
كباريه يعني
شغل عوالم بقي

احمد سعيد said...

هههههههههههههههه
اة يانى ياما

لقد خلقنا الله

بتقولى لسه فيه ناس كدة؟؟؟

قولى لسه فيه ناس مش كدة


على فكرة

الزوجه الامريكيه واخدة لقب اسوأ زوجه على مستوى العالم


والزوجه المصريه واخدة اللقب على مستوى العالم العربى

بجد على فكرة مش هزار


بلا جواز بلا قرف

ربنا يخليلى كتبى وزرعى وحيواناتى وكومبيوترى

وفونوغرافى


يلا باى

جبهة التهييس الشعبية said...

لا ثانية واحدة يا احمد بقى
انا ان شاء الله الاقي لك البحث اللي اتعمل في الستينات واللي بيقول ان اسوأ تلات رجالة في العالم: الياباني والصيني والمصري

ياللا ادينا اول مرة ننافس الصين واليابان في حاجة

sindebad said...

اذا كان اليهود هم شعب الله المختار ,فمن نكون نحن - المسحيين - يا صاحب الفخامة ؟
حوار بين البابا شنودة للرئيس الامريكي جيمي كارتر في لقاء بينهما 1989
- من كتاب حرب الخليج اوهام القوة والنصر
محمد حسنين هيكل

Anonymous said...

لظواهري للسودانيين: استعدوا للحرب ضد «الصليبيين»
البشير يواصل تحديه لـ«الجنائية» وقد يزور مصر خلال ساعات



القاهرة، الخرطوم، واشنطن- القبس والوكالات:
مع قرب موعد القمة العربية في الدوحة التي يحتمل أن يشارك فيها الرئيس السوداني عمر البشير في تحد لقرار الجنائية بتوقيفه، زار رئيس الوزراء ووزير الخارجية القطري الشيخ حمد بن جاسم آل ثاني الخرطوم، حيث التقى البشير وسلمه رسالة من الأمير القطري، في حين ترددت معلومات في القاهرة أمس عن اعتزام الرئيس السوداني عمر البشير القيام بزيارة الى مصر خلال ساعات لاجراء محادثات مع الرئيس حسني مبارك، وأشارت المعلومات الى ان الزيارة المتوقعة تحاط بقدر كبير من السرية، وان مشاروات عالية جرت بين القاهرة والخرطوم خلال الساعات الماضية لاتمام الزيارة التي تعد الثانية بعد زيارة البشير الى اسمرة، وكان دبلوماسي مصري كشف أن البشير طلب من مصر سد الفجوة بعد طرد منظمات الاغاثة، ولفت إلى مساعي القاهرة لحل أزمة مذكرة التوقيف.
إلى ذلك، قال الرجل الثاني في تنظيم القاعدة أيمن الظواهري في رسالة وضعت على الانترنت ان «الصليبيين» في إشارة إلى الغرب، كشروا عن انيابهم ضد السودان، وحث السودانيين على الاستعداد من خلال التدريب والتجهيز والتخطيط، لحرب عصابات طويلة ضدهم بعد قرار الجنائية باعتقال البشير، متسائلا ما إذا كان نظام البشير سيتخلى عن مناوراته السياسية وحيله الدبلوماسية التي لم تأت إلا بالكوارث، ويسلك طريق الاسلام والجهاد، معتبراً النظام السوداني أضعف من أن يدافع عن البلد.
إلى ذلك، وفي أول تعليق على تحدي الرئيس السوداني لقرار الجنائية وزيارته أمس الأول إلى أريتريا قالت وزارة الخارجية الأميركية ان قرار استقبال البشير أو توقيفه أمر يعود الى الاريتريين والحكومة الاريترية، وأشارت الى ان الرئيس السوداني «غير مرحب به في الولايات المتحدة بأي طريقة». وطالبته بان يتراجع فورا عن قراره بطرد المنظمات الانسانية الدولية، وقالت انها ستضغط للحصول على هذا التراجع.
إلى ذلك، كشف مستشار الرئيس السوداني ومسؤول العلاقات الخارجية في حزب المؤتمر الوطني الحاكم مصطفى عثمان إسماعيل عن لقاء مشترك جمعه بوزير الخارجية الفرنسي برنار كوشنير الأحد الفائت في العاصمة السعودية الرياض، وقال إن اللقاء تم ترتيبه من قبل المسؤولين السعوديين، وأشار الى أنه تم الاتفاق مع كوشنير على مواصلة الاتصالات وكذلك التشاور مع الاجهزة المختلفة ..الا انه رفض الخوض في تفاصيل ما تم خلال هذا اللقاء. كما أكد استمرار الاتصالات بين الخرطوم والقاهرة على أعلى المستويات.

مقتل موظف إغاثة
في سياق متصل، أعلنت وكالة إغاثة خيرية كندية عن مقتل موظف إغاثة سوداني يعمل معها برصاص مسلحين في منزله في اقليم دارفور في أحدث هجوم على موظفي المنظمات الدولية في الاقليم المضطرب بغرب السودان، وقالت ان المهاجمين كانوا يحاولون سرقة هاتف محمول يعمل بالاقمار الصناعية حين قتل المدير السوداني للموقع بمنزله في قرية كونجو هارازا النائية.

جدول زمني للانتخابات
من جهة أخرى، تصدر مفوضية الانتخابات بالسودان خلال الأيام المقبلة قرارات للاجهزة التنفيذية بشأن الجدول الزمني للانتخابات، وذكرت المفوضية أنها تنتظر نتائج الإحصاء وترسيم الحدود للشروع الفوري في الإجراءات الأولية للانتخابات، فيما تعتزم إرسال قرار الانتخابات للبرلمان قبل بداية دورته في الثالث عشر من ابريل المقبل.

تسريح ميليشيات
في إطار منفصل، كشفت مفوضية نزع السلاح وإعادة الدمج في بعثة الأمم المتحدة في السودان عن الانتهاء من تسريح أكثر من ألف وخمسمائة من منتسبي القوات المسلحة والدفاع الشعبي والجيش الشعبي في الدمازين في ولاية النيل الأزرق، وذلك ضمن المشروع القومي لنزع السلاح وإعادة دمج المقاتلين السابقين الذي يستهدف خمسة آلاف مقاتل خلال السنوات الأربع المقبلة. ومن بين المسرحين مائة وخمسة عشرة امرأة سيتم إدماجهن في الحياة المدنية.

Anonymous said...

نوراة انتى تجننى بحب اوى روحك الكوميدية الساخرة واحساسك السياسى
بس احنا اهلينا غلطوا فى تربية العيال الولاد اوى وحسسيتهم انهم يعودوا على البساط وياخدوا احلى البنات ههههههههههههه وهما ..............


سيبى السادات فى حاله مات الله يرحمه دة انا كنت بكرهه ومن كتر شتيمتك فية صعب عليا وبدعيله بالرحمة ومش معنى كدا انى موافقة على قرارته يعنى



لا عيب يا احمد اوى الست المصرية
المفروض تاخد جايزة الست الاكثر تحملا للقرف والهم

اى نعم ستات كتير اتغيرت فى مصر وبقيت شر بس لسة فية نسبة قليلة كويسة اوى وتعوض نسبتهم القليلة قوة تحملهم انت راجل مش ممكن تتخيل اللى بنتحمله من الرجالة اسما بس

وبعدين بقا مشن فهمك ان الكتب والحيوانات والكمبيوتر واى شىء يغنى عن الست والحياة الزوجية والاولاد لانك مش جربت مش تقدر تحكم "مع احترامى لكل راى "

ربنا يرزقك باللى يخليك تغير رايك



سهى

Blank-Socrate said...

عزيزتى
واضح تمام ايه الرأى العام فى مصر
و من نفس موضوع النقاش حاولى ترتبيهم حسب التفضيل علشان تعرفى الناس عاوزة ايهو عرض سريع هنا
http://newsforums.bbc.co.uk/ws/ar/thread.jspa?sortBy=2&start=0&edition=0&ttl=0&forumID=8475&#1866115
----------------------------
حاول السادات مساعدة الفلسطينيين ولو دعموه لكانت لهم الان دولة ولكن اتهموه بالخيانة وبعد موته رأينا من اتهموه بالخيانة وهم يقبلون زعماء اسرائيل ولكن بدون ان تعود لهم ارضهم، السادات حارب وانتصر ثم حقق بالسلم ما لم يكن ممكننا تحقيقه بالحرب. واقول للأخوه انظروا تهافت سوريا الان على التفاوض سرا وعلنا وانظروا الى حال الاردن وقطر وغيرهم كثير لم يحصلوا مجتمعين حتى اليوم على نصف ما حصل عليه السادات رحمه الله

محمد عبد الستار الاسكندرية


======
شئنا ام ابينا وافقنا ام كنا رافضين للاتفاقية فالوضع الان بالنسبة لمصر هو الافضل بين الدول العربية المجاورة لاسرائيل

حقا كان السادات رجلا سابقا لعصره
رحم الله هذا الرجل ..

Ahmed Saeed El haddad Minuf

=========
منذ 1979 لحد الان اكبر اختراع للعرب كان صواريخ القسام والاف الانتحاريين الذين ينعمون الان بحور العين ..وبمعاهده السلام انقذ السادات الاف الشباب وبليارات الدولارات التى كانت ستذهب للحروب ولم يفعل كما فعل صدام حين دمر شعبه وبلده بالحروب..

[robbob1957] auckland نيوزيلندا

==============
زى ما قلت قبل كدا انت عاوزة قوميه عربيه و قضيه فلسطينيه على حساب مصر
؟؟!!
واضحه قوى

احمد سعيد said...

نوارة

هههههههههههههه

كنت متأكد من انك هتقولى كدة

هههههههههههه


على فكرة

انتوا معشر النسوة

هنا فى مصر


عنصريين قوى


كل همكوا

توضحوا انكم انتم المظاليم والكويسين

والرجاله ولود كذا وولود كذا


ايه العنصريه دى؟؟؟؟


انتوا على فكرة
فيكم عرق ماركسى

يعنى همابدل ما يقولوا ان المجتمع متكون من طبقات

كلها بيتكامل مع بعضه ويتعاون فى سبيل المجموع
وانه لو فيه صراع ما بينها يبقى فيه خلل فى المجتمع

بدل كدة
راحوا قالوا
صراع البروليتاريا ضد الطبقه البرجوازيه المتعفنه

يعنى عملوا الصراع بين الطبقات شىء اساسى
وواجب

بل شجعوة كمان

علشان تخرب بسرعه


واحنا بدل منقول الراجل والست كلاهما بيصنع المجتمع
وكل واحد فيهم بيكمل التانى

وميقدروش يستغنوا عن بعض

تطلعلنا واحدة
تقولك الرجاله مش عارف ايه
وكل يومين تطلعلك صحفيه فى الجورنال
تخبط مقاله عن الست اللى بقت عمدة وقاضى
وتحذر الرجاله ان نهايتهم اصبحت وشيكه
والنصر لنا
والموت للذكور الخونه

يقوم يطلع راجل يقول اصل الستات دول مش عارف ايه


ايه؟؟؟؟

اييييييييييييييه؟؟؟؟؟


هى حرب ؟؟

زى ناس صحابنا برضه

كل ماواحد فيهم ينضرب فى خناقه

يقولك اصلنا مضطهدين فى مصر

وفيه فتنه

وينسى تماما سبب كل البلاوى والقرف اللى فى البلد

اللى خلا الناس كلها تاكل فى بعضها

يعنى نغمض عين ونبص بالتانيه

شفتى اتشعفتى ازاى اول لما قولتلك الزوجه المصريه

علطول

دنا هطلعلك بحث ان الزوج المصرى هو اللى كدا


ههههههههههههههههههههههه

فعلا

الهجوم خير وسيله للدفاع

سلملى على كليه القيادة والاركان

جبهة التهييس الشعبية said...

والنبي يا حاج سقراط انت انا لسة صاحية ومش فايقة لك ولقيت تعليقك المستفز

انت عندك كام سنة يابني؟
انت صغير صح؟

طيب لو صغير ح اطول بالي عليك

في استطلاعات الرأي المحترمة ما تاخدش التعليقات اللي تعجبك وتقول لي: ده اللي الناس عايزاه في مصر


ده اللي انت عايزه

وانت برضه ممكن تبقى مش عايزه ولا حاجة زي ما قلت لك ليبرالي ومقضي حياتك بالعند من غير ما تحاول تعرف اكتر

يعني انا اعمل ايه دلوقت

اقول لكوا على اسامي كتب مش عايزين تشتروا

انزل لكوا كتب مش عايزين تحملوا

وبس قاعدين تفتوا

طيب يا سيد سقراط مشكلة التدوين الرئيسية في مصر على وجه الخصوص

ومشكلة المصريين على وجه العموم

ان لما تقول لواحد فيهم اقرا يطب ساكت كده كأنك طلبت منه حاجة مخلة بالاداب

طيب ما تقرا يا سقراط
اقصد ما تقراش وجهات نظر
اقرا وقائع الاول وبعدين اقرا وجهات نظر مختلفة عن بعضها وبعدين كون لنفسك وجهة نظر

ده اولا

ثانيا

عايز تعمل استطلاع حقيقي

شوف الوقت اللي يناسب وانا اقعد معاك واقول لك الاستطلاع لقياس الرأي العام بيتعمل ازاي عشان انا كنت باتعلمه وانا باتدرب في الاهرام لما كنت اصغر منك

لازم تاخد عينة عشوائية من فئات مختلفة وبنسبة وتناسب مظبوطين

يعني لو ح تاخد الف واحد يمثلوا الشعب المصري
مش ممكن تخلي منهم خمسمية رجال اعمال

انت كده بتاخد رجال الاعمال

المفروض النسبة في الالف دول يبقوا زي النسب في الشعب المصري نفسه

وبعدين تقسم لمتعلمين ومش متعلمين وبعدين تشوف المستوى التعليمي ايه وهل فيه حاجة بتميز اصحاب المجموعات الواحدة زي مثلا: خريجين كلية الطب فيهم نسبة معينة بتميزهم

الخ

موضوع طويل محتاج شرح ومحتاج اطلع الانستراكشنز بتاعتي القديمة من ايام ما كان عندي تمنتاشر سنة

وبعدين قبل كده قلت لك

الثقة في النفس كويسة
بالمبالغة فيها حماقة: "واضح قوي المصريين عايزين ايه" يا سلاااام ده ايه الثقة المهولة دي

طيب يا سقراط انا ممكن اطلع لك تعليقات كتير ضد الاتفاقية ومع ذلك لا امتلك الجرأة اني اتكلم نيابة عن المصريين واقول هم عايزين ايه

لان اصلا دي مش طريقة علمية

ولاني فعلا والله العظيم ما اعرف هم عايزين ايه

انا باتكلم عن نفسي

عشان ابقى صادقة

لا واخدتك الجلالة : واضح قوي انك عايزة تعملي قومية عربية وقضية فلسطينية على حساب مصر

يابني يا حبيبي

ما هو انا لما باهبشك بتزعل ومش بتحاول تفهم انا باقول لك ايه

ح اعذبك واعمل لك زي سندباد وارقم لك نقط

1- اتعود ما تتهمش حد في وطنيته من غير دليل دامغ
يعني لما تلاقيني باقبض فلوس من المعونة العربية او المعونة الفلسطينية ابقى اتهمني في وطنيتي

2- من معجزات القدر ان دور مصر التاريخي يبقى مؤامرة عليها ويبقى على حسابها

يعني كل الساسة على مدى سبعتلاف سنة اللي كانوا بيلتزموا بدور مصر في المنطقة دول كانوا يا اما ما بيفهموش يا اما خونة وهو السادات وانت بس اللي مخلصين لمصر

3- انت قريت الاتفاقية؟ واضح انك ميسور الحال ومش حاسس بالناس وفقرهم
اقرا بنود الاتفاقية الاقتصادية
وبعدين انزل الشارع شوية
مش شارعكوا لانك اكيد ساكن في حتة مافيهاش شحات واحد ولا كناس واحد ولا طفل شارع واحد وانا مش عارفة دي فين في مصر دي؟ ده الزمالك فيها شحاتين واطفال شوارع

وطابق البنود الاقتصادية على حال الناس وانت تعرف انا اقصدي ايه


احمد سعيد

هههههههههههههههههههه
لا احنا فينا اصل يهودي

جبهة التهييس الشعبية said...

وعموما يا احمد ما الرجالة تربية الستات برضه

Blank-Socrate said...

عزيزتى نوارة
للاسف خانك الحظ
1- ان مفتحتيش اللينك علشان تعرفى انى اخدت التعليقات الاكثر تفضيلا على الاطلاق
يعنى تعقيب حضرتك كان جدلى مبنى فقط على التعالى و الاحساس بالافضليه و التفوق الفكرى على شخصى المسكين
2- بكل فخر ان من اسرة متوسطه الحال جدا بمفاهيم الصعيد لانى مولود فى قريه و عشت فى مدينه صغيرة فى الصعيد يعنى بمقايس حضرتك اسرة فقيرة
3- اتهامى لحضرتك مش اتهام دا انعكاس لأسلوب حضرتك للتركيز فقط على السلبيات فى المجتمع و سياسه الدوله
انت بترفضى كل موقف على حدة لكن مش بتربطى كل الامور مع بعض
يعنى ترفضى الهجوم على غزة و تتعاطفى مع فلسطين فتطلبى من مصر نقض معاهدة السلام
اللى تكررا بقولك العرب هيموتوا و يعملوا اتفاقيه زيها
4- تعاطفك وحدة مش كفايه لازم العقل :)
5- استمرار حضرتك فى اتهامى بالثقه المفرطه و يمكن كمان النرجسيه
مش هيأثر فى لانى بصراحه فهمت مفاتيح الكلام مع حضرتك
تحياتى
نفسى دايما كلام حضرتك يكون فى نقط لان حضرتك بتكتبى كلام كتير قوى و را بعضه داخل فى بعضه بيغلوش على الموضوع الاساسى
---
مش محتاج اقول قد ايه انا باحترمك و سعيد بقبولك الرأى الاخر

احمد سعيد said...

مش كدة برضه

زيتنا فى دقيقنا يعنى

وكله ملخبط فى بعضه

يعنى مافيش حاجه من برة

جبهة التهييس الشعبية said...

ههههههههههههه
والنبي ايه الفيلم بتاع سراج منير اللي انت عامله ده يا عم سقراط؟

"للاسف يا عزيزتي خانك الحظ...اذن، وانا اللي كنت فاكرك..آه يا دنيئة"

مين اللي قال لك ان اللي عمل "الاكثر تفضيلا" ده عينة مصرية من مختلف الشرائح؟

انت ناسي ان فيه الشريحة الاكبر من الشعب المصري ما بتستخدمش الانترنت؟

وان الشريحة الاكبر من المصريين اللي بيستخدموا الانترنت مش بيدخلوا على البي بي سي

بيدخلوا على مواقع الاغاني والشكس حضرت

ودي احصائيات حضرتك

فالاستفتاء ده ما نقدرش نستخدمه بالسلب او الايجاب لانه اولا حقيقة ووفقا للاحصاءات لا يمثل الاغلبية اللي تصل الى تمانين في المية من المصريين وهم مش مستخدمين الانترنت ثانيا الاستفتاء لا يمثل مستخدم الانترنت ال
average
في مصر لان وفقا للاحصاءات المصريين اقل ناس في العالم العربي بيدخلوا على المواقع الاخبارية
والاهم من ده كله ان "الاكثر تفضيلا" مش بيبين جنسية المصوت ولا البلد اللي هو جاي منها ده غير انك ممكن تقفل الراوتر وتفتحه تاني وتصوت تلاتين مرة كل مرة باي بي ادرس مختلف لان الاي بي ادرس بيتغير كل ما تقفل الراوتر وتفتحه
واسهل من كده تقدر تدخل على الكوكيز وتمسح الهيستوري بتاعك وتصوت اكتر من مرة

الحقيقة انا مش شايفة مين اللي بيتعالى على مين

حضرتك كل تعليقاتك بتفكرني بمدرس العربي اللي ماسك قلم احمر: انت صح انت غلط طبعا واضح جدا جدا انك تقصد كذا وطبعا نقدر نقول

من اول مرة علقت عندي وانت داخل لي بالقلم الاحمر والمسطرة تعمل رونج ورايت وتديني مسطرتين على ايدي

يعني بص على تعليقاتك

وانا اصلي قلبي اسود قوي ومش بانسى حاجة

من اول التعاطف مع بيريز اللي حتى امه مش متعاطفة معاه مرورا باطلاق الاحكام على شخصي الضغيف اللي مش مبنية على اساس

زي مثلا انك تقول لي: انت تعاطفي مع غزة عشان كده عايزة تلغي الاتفاقية

ده ايه الفتوح ده كله؟ ده انت لقطة

طيب مدام قاعد تطلق احكام كده ابقى ذيل احكامك يا اخي بمقتطف زي ما كانوا بيعلمونا في الجامعة

واذا ما حطتش مقتطف يبقى خلي عندك من التواضع انك تصيغ "ظنونك" بطريقة تانية، زي انك تحطها في سؤال او تقول اعتقد
اقوم اعرف ارد عليك باه او لا

ده مواطن مصري اللي مجنن تلاتربع اللي بيدخلوا بيعرف يعمل الحكاية دي

بصرف النظر عن تضخيم شخصي الضعيف " انا عرفت اتكلم معاكي ازاي"

ههههههههههههه
الله يكرمك والله كأنك قلت لي يا دكتورة

هو انا المفاوض الاسرائيلي وللا حاجة؟

بس لا يا سقراط انت مش عارف تتكلم بطريقة تخلي الناس ترد عليك من غير ما تبقى عدوانية تجاهك

انا اسفة اني باقول لك كده بس انا زي اختك الكبيرة

انت بتطلق احكام مالهاش اي اساس
انا موقفي من كامب ديفيد قديم جداااااااااا وله علاقة بالحالة الاقتصادية المصرية والكلام ده انا كاتباه على مدونتي من ايام حركة العمال وفلاحين القرصاية
وقلت ان العمال والفلاحين اتأثروا بشكل مباشر باتفاقية كامب ديفيد ولازم تتلغي
مش ذنبي انك ما قرتش حاجة زي دي وبنيت تهيآتك على احكام مسبقة
ثم يا اخي نبقى عندنا دم يا اخي

يا اخي ده احنا حدودنا اتفشخت ومجالنا الجوي خرق واحنا قاعدين فاتحين بقنا

يا عزيزي
ارجوك ما تكلمنيش بالطريقة البطالة دي يا محسن

احمد سعيد

طبعا زيتنا في دقيقنا
ده انا كنت عايزة اكتب في الموضوع ده

جبهة التهييس الشعبية said...

انا الواد حسام الحملاوي قال لي ان الغلط فيا انا

"شوفي انت بتعملي ايه بيخلي اللي بيجولك بيبقوا عاملين كده"

جرحني في مشاعري

Blank-Socrate said...

مش عارف كدا حاسس و الله اعلم انى مش باخد اى نقد بمحمل سلبى منك
:)
يشرفنى انك تكونى اختى الكبيرة
و هاحاول احسن اسلوبى المرة الجاية
بس بصراحه دايما ردودك متدفقه و عنيفه و ساخرة و دا اسلوبك الجميل
فمينفعش نسد غير بالشكل دا
:)
----------
تحياتى

Ahmad said...

هو حضرتك بتعملي ايه مش فاهم عشان الي يجولك يبقو كدة؟؟
حاولي تكوني نخبوية شوية هيجيلك اشكال اوسخ من كدة

جبهة التهييس الشعبية said...

اوعى رجلك من الاشكال النخبوية دول البيت بيتك لا ده انا في نعمة والله العظيم لو على كده

Ahmad said...

اسم الله عليكي يبقي متمشيش ورا كلام حد بقي
و سلامة مشاعرك الي اتجرحت

sindebad said...

معظم الناس هم أناس آخرون! آرائهم آراء شخص آخر، حياتهم تقليد وعشقهم اقتباس

اوسكار وايلد
شاعر ايرلندي

حـنــّا السكران said...

في ندوة على المنار الاّن حول كامب ديفيد مشارك فيها الأستاذ محمد سيف الدولة .. ما بعرف إذا كان بيقرب الأستاذ المرحوم عصمت سيف الدولة , بس بيتكلم بنفس المنطق .لديه منطق قوي ,,و كلامه رائع جدا ..
من المؤسف أن هؤلاء الناس غير مسموح لنا أن نراهم إلاّ بالصدفة .

ahmed samir said...

مرحباً نوارة
مرحباً جو .. كيف حالك؟

http://alfikralarabi.net/vb/showthread.php?t=9046

ده مقال للأستاذ محمد سيف الدولة
عن المعاهده

حـنــّا السكران said...

شكراً جزيلاً أخي أحمد

يعطيك العافية

lastcrazyboys said...

عارفــة يا ست الحاجة ..انا عارف ان حبك لأبنــاء الوطــن المخلصين بيخليكي تتمني لهم جميعا وضعا أفضــل

وحياة اجمل ..زي اللي كنا بنشوفها في اعلانات مدينة الرحاب زمان

والبنات بتوع الاعلانات..اللي - من وجهة نظري- زمان كانوا اعلى..الا بالحق شفتي اعلان سفن اب الجديد اللي عالكورنيش..مصر برضه لسة بخير...ولسة ولادة
انا عارف ان الفرصة بتاعة البت الأمريكانية دي لا تعوض ..بس كلامك محسسني ان التناكة فاقت حدها مع الشباب ..والبنات بتترمى تحت رجليهم
غريب امرك الصراحة
وبعدين زي ما يكون الوعد ده للجميع ولا مواخذة..لا بالعكس "ابسلوتلي"..الموعود موعود

وطبعا كل واحد جوابه باين من عنــوانه زي مانتي شايفة

ده احنا يا مؤمن مخدناش كأس افريقيا مرتين ورا بعض..والتصفيات بتاعة كأس العالم جت سليمة ..ومبقاش فيه مجموعة موت خلاص..غير لما بطلنا نذيع الأغنية العتيدة المجيدة
"على قـد نيتنا ادينــا"

........وتقوليلي امريكانية ..ياخي

اه ..صحيح دعواتكم للمعلم يوم

"الحد"بمناسبة التصفيات